💞എൻ്റെ ആത്മസഖിക്ക്💞 ഭാഗം 15

എഴുത്തുകാരി: അപർണ അരവിന്ദ്

രുദ്രൻ കുളിക്കാൻ കയറിയതും ഗായത്രി വീണ്ടും തിരിച്ച് അപർണയുടെ റൂമിലേക്ക് വന്നു. " ഭാര്യയും ഭർത്താവും കൂടി എന്തായിരുന്നു ഇവിടെ ഒരു പരിപാടി'' നാണം അഭിനയിച്ച് കൊണ്ട് ഗായത്രി കാല് കൊണ്ട് കളം വരച്ചു. "എന്ത് പരിപാടി. ഞാൻ കോഫി കൊണ്ട് വന്ന് കൊടുത്തു.ആള് അത് കുടിച്ചിട്ട് കുളിക്കാൻ പോയി '' അപ്പു നിഷ്കു ആയി പറഞ്ഞു. "അല്ല നീയെന്താ ആളെ കണ്ടപ്പോ റോക്കറ്റ് വിട്ട പോലെ പോയത്." ഗായുവിനെ കളിയാക്കി കൊണ്ട് അപ്പു ചോദിച്ചു. "അയ്യോ ആ കാര്യം എന്നേ ഓർമിപ്പിക്കല്ലേ. ചേട്ടന് ഇങ്ങനത്തെ പട്ടി, തെണ്ടി വേഡ്സ് ഒന്നും ഇഷ്ടമല്ല " " അപ്പോ ആള് നല്ല ഡീസൻ്റ് ആണ് ലേ. ബാഡ് വേഡ്സ് ഒന്നും യൂസ് ചെയ്യില്ല " "ഓഹ് പിന്നെ ബാഡ് വേഡ്സ് യൂസ് ചെയ്യാത്ത ഒരാള്. എൻ്റെ എട്ടൻ ആയതു കൊണ്ട് പറയുകയല്ല ദേഷ്യം വന്നാൽ ലോകത്ത് ഇഗ്ലീഷിലുള്ള വെറെയ്റ്റി തെറികൾ അല്ലാതെ നാവിൽ വരില്ല.ചിലതിൻ്റെ അർത്ഥം പോലും നമ്മുക്ക് മനസിലാവില്ല'' " ആണോ" "പിന്നെ അല്ലാതെ " "എൻ്റെ ചായ എവിടെ .എട്ടൻ വരുമ്പോഴേക്കും എനിക്ക് ഇവിടെ നിന്ന് എസ്കേപ്പ് ആവണം"

ഗായത്രി ചായ കപ്പ് കയ്യിൽ എടുത്ത് കൊണ്ട് മുറിക്ക് പുറത്തേക്ക് ഇറങ്ങി. ഗായത്രി പോയതും അപ്പു നേരെ കണ്ണാടിക്ക് മുന്നിലേക്ക് നടന്നു. ഇന്നലെ അമ്മ തന്ന സിന്ദൂര ചെപ്പിൽ നിന്നും ഒരു നുള്ള് കുങ്കുമം എടുത്ത് അവൾ നെറ്റിയിൽ തൊട്ടു.തലയിൽ കെട്ടിവച്ചിരുന്ന തോർത്ത് അഴിച്ച് മുടി കുളി പിന്നൽ കെട്ടി. എന്തൊക്കെയോ ആലോചിച്ച് അവൾ ബാൽക്കണിയിലേക്ക് നടന്നു. അച്ഛൻ്റെയും, അമ്മയുടേയും ഇപ്പോഴത്തെ അവസ്ഥ എന്തായിരിക്കും എന്ന് അറിയില്ലലോ എൻ്റെ ഭഗവാനേ. അർച്ചന ചേച്ചി ചെയ്യ്ത അതെ തെറ്റ് മനപൂർവ്വം അല്ലെങ്കിലും ഞാനും ആവർത്തിച്ചു. പാവം അവർക്ക് ഇത് താങ്ങാൻ കഴിയില്ല. അപ്പുവിൻ്റെ കണ്ണുകൾ നിറഞ്ഞ് ഒഴുകാൻ തുടങ്ങി.ഗായുവിൻ്റെ ഫോണിൽ നിന്നും വിട്ടിലേക്ക് ഒന്ന് വിളിച്ച് നോക്കിയാലോ .ഓരോന്ന് ആലോചിച്ച് അപർണ ബാൽക്കണിയിൽ തന്നെ നിന്നു. രുദ്രൻ കുളിച്ച് ഇറങ്ങി. മുറിയിൽ ഒന്നും അപർണ യെ കാണാൻ ഇല്ല. അവൻ ഷെൽഫിൽ നിന്നും ഒരു ബ്ലാക്ക് കളർ പാൻസും, വൈറ്റ് കളർ ഫുൾ സ്ലീവ് ഷർട്ടും ഇട്ടു . ഒരു ബ്ലൂ കളർഓവർകോട്ട് ബെഡിനു മുകളിൽ വച്ചു.

ഇത്ര നേരം ആയിട്ടും പവി എഴുന്നേറ്റിട്ടില്ല. രുദ്രൻ ഫോണുമെടുത്ത് നേരെ ബാൽക്കണിയിലേക്ക് നടന്നു. കണ്ണ് തുടച്ച് തിരിഞ്ഞ് നടന്ന അപർണ നേരെ ചെന്ന് ഇടിച്ചത് രുദ്രൻ്റെ നെഞ്ചിലാണ്. ഒരു നിമിഷം അവരുടെ കണ്ണുകൾ തമ്മിൽ ഉടക്കി.പരസ്പരം മറന്ന് അവർ അവിടെ തന്നെ നിന്നു. " അപ്പു'' ഗായുവിൻ്റെ വിളിയാണ് അവരെ ഉണർത്തിയത്.അപർണ വേഗം രുദ്രൻ്റെ അരികിൽ നിന്നും നീങ്ങി നിന്നു. "എന്താ ഗായു "അപർണ ഗായത്രിയുടെ അരികിലേക്ക നടന്ന്.ഗായത്രിയുടെ കയ്യിൽ രണ്ട് കവർ ഉണ്ടായിരുന്നു. " ഇത് ഡാഡ് തരാൻ പറഞ്ഞതാണ്. രണ്ട് ജോഡി ഡ്രസ് ആണ്.ഇത് തൽക്കാലും നീ യൂസ് ചെയ്തോ. ബാക്കി നമ്മുക്ക് ഷോപ്പിൽ പോയി വാങ്ങിക്കാം'' ഗായു കവർ അപ്പുവിൻ്റെ കൈയ്യിൽ കൊടുത്തു. അവൾ അതുമായി കബോഡിനരികിലേക്ക് നടന്നു. " അച്ചേ " ഉറക്കമുണർന്ന് പവി കൊഞ്ചി കൊണ്ട് കരയാൻ തുടങ്ങി. ''അച്ചടെ ചക്കര എഴുന്നേറ്റോ '' .രുദ്രൻ പവിയെ ഇരു കൈകളും നീട്ടി എഴുന്നേറ്റൂ. രുദ്രൻ്റെ ഭാവ മാറ്റം അപർണയിൽ അതിശയം ഉണ്ടാക്കി. എപ്പോഴും ഗൗരവം നിറഞ്ഞ് നിൽക്കുന്ന രുദ്രൻ്റെ മുഖം പവി മോൾ കൂടെ ഉള്ളപ്പോൾ മാത്രം വാത്സല്യം നിറഞ്ഞതാകുന്നു.പിൻതിരിഞ്ഞ് നിന്നതിനാൽ പവി അപർണ യെ കണ്ടിരുന്നില്ല. " അച്ചേ നാൻ ഇന്നലെ ഒരു ചൊപ്പനം കണ്ടു അച്ചേ.

എൻ്റെ നന്ദു അമ്മ ബന്നു. എന്നെ ഉമ്മ വച്ചു. എന്നെ കെട്ടിപിടിച്ച് ഉറങ്ങി '' അത് കേട്ടതും രുദ്രൻ്റെ മുഖം ഒന്ന് വാടി.പവിയോട് എന്ത് ഉത്തരം പറയണം എന്ന് അറിയാതെ രുദ്രൻ ഗായത്രിയുടെ മുഖത്തേക്ക് നോക്കി. " മോള് സ്വപ്നത്തിൽ കണ്ട അമ്മ ഇതാണോ എന്ന് നോക്കിക്കെ " അപർണ യേ ചൂണ്ടി കാണിച്ച് കൊണ്ട് ഗായത്രി പറഞ്ഞു. അപർണ യെ കണ്ടതും പവിയുടെ കുഞ്ഞു കണ്ണുകൾ വിടർന്നു.അവൾ രുദ്രൻ്റെ കയ്യിൽ നിന്നും കുതറി ഇറങ്ങി അപർണയുടെ അരികിലേക്ക് ഓടി. "അമ്മേ ''പവി അപർണയുടെ കാലിൽ കൂട്ടി പിടിച്ചു.അപർണ നിലത്ത് മുട്ട് കുത്തി ഇരുന്ന് പവിയെ ഇരു കൈകൾ കൊണ്ടും വാരി പുണർന്നു. '' അപ്പോ അച്ചാ എൻ്റെ അമ്മയെ കൊണ്ടു വരും എന്ന് പറഞ്ഞത് ശരിയായിരുന്നു ലേ" പവി രുദ്രനെ നോക്കി കൊണ്ട് പറഞ്ഞു. മറുപടിയായി രുദ്രൻ ഒരു ചെറിയ പുഞ്ചിരി നൽകി. ''പവി അച്ച ഓഫിസിൽ പോവാണേ" രുദ്രൻ പവിയെ എടുത്ത് നിൽക്കുന്ന അപർണയുടെ അടുത്തേക്ക് വന്ന് പവിയുടെ നെറ്റിയിൽ ഒരു ഉമ്മ കൊടുത്തു. രുദ്രൻ്റെ പെർഫ്യൂമിൻ്റെ ഗന്ധം അപർണയുടെ മൂക്കിൽ തുളച്ച് കയറി.

അവൾ കണ്ണുകളടച്ച് ഒന്നുകൂടി ശ്വാസം ഉള്ളിലേക്ക് ആഞ്ഞ് വലിച്ചു. രുദ്രൻ റൂം വിട്ട് പുറത്ത് ഇറങ്ങിയിട്ടും കണ്ണടച്ച് നിൽക്കുന്ന അപർണ യെ കണ്ട് ഗായത്രി അവളുടെ അരികിലേക്ക് വന്ന് അവളെ തട്ടി വിളിച്ചു. ''എന്താടി കണ്ണടച്ച് നീ സ്വപ്നം കാണുകയാണോ " ''ആള് അടുത്ത് വന്നപ്പോ നല്ല മണം'' " എട്ടൻ നല്ല വിലയുള്ള പെർഫ്യൂം ആണ് ഉപയോഗിക്കുക നല്ല മണം ആണ്" " മോള് ഇവിടെ ഇരുന്ന് കളിക്ക് "അപർണയുടെ കയ്യിൽ നിന്നും പവിയെ ഗായത്രി ബെഡിൽ ഇരുത്തി.ശേഷം അപർണയുടെ കയ്യും പിടിച്ച് ബാൽക്കണിയിലേക്ക് നടന്നു. "As a നാത്തൂൻ ഞാൻ ചോദിക്കാൻ പാടില്ല. പക്ഷേ എനിക്ക് ചോദിച്ചില്ലേങ്കിൽ ഒരു മനസമാധാനം ഉണ്ടാവില്ല. അതു കൊണ്ട് ചോദിക്കുകയാണ്." "എന്താ എന്താ കാര്യം" അപ്പു ആകാംഷയോടെ ചോദിച്ചു " എന്തായിരുന്നു ഇവിടെ നടന്നേ " '' എന്ത് നടന്നു എന്ന് " " നീ കൂടുതൽ ഒന്നും അഭിനയിക്കണ്ട ഞാൻ കണ്ടു " "എന്ത് കണ്ടു എന്ന് '' ''ഇവിടെ നീയും എട്ടനും തമ്മിൽ നടന്ന റൊമാൻസ് " " റൊമാൻസോ .ഇവിടേയോ.എയ് ഒന്നും നടന്നില്ല." "വെറുതെ പറയണ്ട. എനിക്ക് എല്ലാ തെളിവും കിട്ടി കഴിഞ്ഞു.

ഇനി അഭിനയം വേണ്ട '' ഇരു കൈകളും അരയിൽ കെട്ടി കൊണ്ട് ഗായത്രി പറഞ്ഞു. " ഇല്ല സത്യം ആയിട്ടും ഒന്നു നടന്നില്ലെടി'' "പിന്നെ എങ്ങനെ എൻ്റെ എട്ടൻ്റെ ഷർട്ടിൽ നിൻ്റെ കുങ്കുമം ആയത് '' "അയ്യോ അത് ഞങ്ങൾ അറിയാതെ കൂട്ടി ഇടിച്ചപ്പോൾ ആയത് ആയിരിക്കും " " അതായിരുന്നോ. ഞാൻ വേറെന്തൊക്കെയോ പ്രതീക്ഷിച്ചു. എന്തായാലും നന്നായി. എട്ടൻ ആ ഷർട്ടും ഇട്ടിട്ടാണ് ഓഫീസിലേക്ക് പോവാൻ ഇറങ്ങിയിരിക്കുന്നത്. എട്ടൻ പോവുന്നതിനു മുൻപ് പോയി പറയ്" "അയ്യോ എനിക്ക് പേടിയാ നീ പോയി പറ" "അമ്പട പുളുസു .നീ അല്ലേ എട്ടൻ്റെ ഭാര്യ അപ്പോ നീ പറ. നിൻ്റെ കുങ്കുമം അല്ലേ ആയത് .അപ്പോ അത് നിൻ്റെ ഉത്തരവാദിത്തം ആണ്.വാ പവി നമ്മുക്ക് പോയി പല്ല് തേക്കാം." ഗായു ബെഡിൽ കളിച്ച് കൊണ്ടിരുന്ന പവിയെ എടുത്ത് ബാത്ത് റൂമിലേക്ക് നടന്നു. അപർണ കുറച്ച് നേരം മടിച്ചു നിന്നു.പിന്നെ ധൈര്യം സംഭരിച്ച് പുറത്തേക്ക് നടന്നു. രുദ്രൻ ഓഫീസ് റൂമിൽ നിന്നും ഇറങ്ങി വരുന്നത് കണ്ട അപ്പു രുദ്രൻ്റെ അടുത്തേക്ക് ഓടി. "അതെയ്യ് "അപ്പുവിൻ്റെ വിളി കേട്ടതും രുദ്രൻ തിരിഞ്ഞ് നോക്കി. പക്ഷേ ഓടി വന്ന അപർണക്ക് വിചാരിച്ച സ്ഥലത്ത് നിൽക്കാൻ കഴിഞ്ഞില്ല. കാല് സ്വിപ്പ് ആയി അവൾ രുദ്രൻ്റെ മേൽ ചെന്ന് ഇടിച്ചു.അതാ കിടക്കുന്നു അവർ രണ്ടു പേരും തറയിൽ .

അപർണ വേഗം രുദ്രൻ്റെ മേൽ നിന്നും ചാടി എഴുന്നേറ്റു. "എന്താ നിൻ്റെ ഉദേശം എന്നെ കൊല്ലാൻ ആണോ.'' താഴേ നിന്നും എഴുന്നേറ്റ് കൊണ്ട് രുദ്രൻ പറഞ്ഞു. "സോറി ഞാൻ അറിയാതെ ''രുദ്രൻ്റെ കണ്ണുകളിലേക്ക് നോക്കി പറഞ്ഞു. " I hate this word.എന്തെങ്കിലും തെറ്റ് ചെയ്തിട്ട് ഈ ഒരു വാക്ക് പറഞ്ഞാൽ മതിയല്ലോ " രുദ്രൻ ദേഷ്യത്തോടെ പറഞ്ഞതും അപ്പുവിൻ്റെ കണ്ണുകൾ നിറഞ്ഞ് വന്നു. അത് കണ്ടതും രുദ്രൻ്റെ മനസിന് എന്തോ ഒരു കുറ്റബോധം തോന്നി. "എന്താ കാര്യം എന്തിനാ എന്നേ വിളിച്ചത്." " അത് . അത് ഞാൻ പിന്നെ " "നിനക്ക് എന്താ മര്യാദക്ക് സംസാരിക്കാൻ അറിയില്ലേ. നിന്ന് വിക്കാതെ കാര്യം എന്താ എന്ന് വച്ചാൽ പറ" " അത് കുറച്ച് മുൻപ് ബാൽക്കണിയിൽ വച്ച് കൂട്ടി ഇടിച്ചപ്പോൾ എൻ്റെ നെറ്റിയിലെ സിന്ദൂരം ഇയാളുടെ ഷർട്ടിൽ ആയി എന്ന് ഗായത്രി പറയാൻ പറഞ്ഞു " ഒറ്റ ശ്വാസത്തിൽ അപർണ പറഞ്ഞ് നിർത്തി. "What the ......" രുദ്രൻ ഷർട്ടിലേക്ക് നോക്കി പറഞ്ഞ് കൊണ്ട് റൂമിലേക്ക് പോയി രുദ്രൻ്റെ വായിൽ നിന്ന് വന്ന സരസ്വതി കേട്ട് അപർണ തറഞ്ഞ് നിന്നു.

അർത്ഥം മനസിലായില്ലെങ്കിലും തെറി ആണ് എന്ന് അവൾക്ക് മനസിലായി. വലിയ ഗറ്റപ്പ് ഒക്കെ ഉണ്ട് എന്ന ഉള്ളൂ ഇയാള് വെറും കുതറയാണല്ലോ. മനുഷ്യൻ ഇതുവരെ കേൾക്കാത്ത വേറ്റെറ്റി തെറികൾ ഒക്കെ ആണ് പറയണത്. ഗായത്രി പറഞ്ഞത് എറെ കുറെ ശരിയാണ്. പിന്നെ രുദ്രൻ മുറിയിൽ നിന്നും ഇറങ്ങുന്ന വരെ അപ്പു രുദ്രൻ്റെ കൺവെട്ടത്ത് പോലും പോയില്ല. രുദ്രൻ താഴേക്ക് പോയി എന്ന് ഉറപ്പാക്കിയ ശേഷം അപർണ പതിയെ റൂമിലേക്ക് തന്നെ നടന്നു.ഗായത്രി പവിയെ കുളിപ്പിച്ച് യൂണിഫോം ധരിപ്പിക്കുകയായിരുന്നു. "അമ്മേ ഞാൻ ഇന്ന് ഉക്കൂളിൽ പോണില്ല. എനിച്ച് അമ്മടെ കുടെ ഇരുന്നാ മതി. അമ്മ ഗായു നോട് പറ ഞാൻ പോണില്ല എന്ന് " "അതെന്താ ഇന്ന് Friday അല്ലെ ഇന്നു കൂടെ പോയാൽ നാളെയും ,മറ്റന്നാളും മോൾക്ക് ക്ലാസിൽ പോവണ്ടല്ലോ. അപ്പോ അമ്മടെ കുട്ടി ഇന്ന് സ്കൂളിൽ പോയിട്ട് വാ " അപ്പു പവിമോളേ എടുത്ത് താഴേക്ക് നടന്നു. ഒപ്പം ഗായത്രി പവിയുടെ ബാഗുമായി നടന്നു. "എന്താണാവോ എട്ടൻ വന്ന് എന്നേ കണ്ണുരുട്ടി പേടിപ്പിച്ചു "സ്റ്റയർ ഇറങ്ങുന്നതിനിടയിൽ ഗായത്രി പറഞ്ഞു. ഇതു കേട്ടതും അപർണ ഒന്ന് അടക്കി ചിരിച്ചു. ഇതൊന്നു മനസിലാവാതെ ഗായത്രിയും അവളോടൊപ്പം നടന്നു...... തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...