💞എൻ്റെ ആത്മസഖിക്ക്💞 ഭാഗം 17

എഴുത്തുകാരി: അപർണ അരവിന്ദ്

"മോള് അച്ഛൻ്റെ ഒപ്പം കിടന്നോ .അമ്മ ഗായുൻ്റെ ഒപ്പം കിടക്കാ" അത് കേട്ടതും പവി ഗായത്രിയെ തുറിച്ച് നോക്കി. "ഓഹ് എന്നേ ഇനി നോക്കി പേടിപ്പിക്കണ്ട. നീ തന്നെ കൊണ്ടു പൊയ്ക്കോ നിൻ്റെ അമ്മയെ " ഗായത്രി അപർണ യെ രുദ്രൻ്റെ അരിലേക്ക് നീക്കി നിർത്തി കൊണ്ട് പറഞ്ഞു. " എന്നാ മോള് അമ്മയുടേയും, ഗായത്രിയുടേയും ഒപ്പം ഇവിടെ കിടന്നോ അച്ച അച്ചടെ റൂമിലേക്ക് പോവാ " "ബേണ്ട. എനിച്ച് അച്ചടേം ,അമ്മടേം കൂടെ നമ്മടെ റൂമില് കെടന്നാ മതി" പവി കൊഞ്ചി കൊണ്ട് പറഞ്ഞു . രുദ്രൻ പവിയെ എടുത്ത് മുന്നിൽ നടന്നു. അപർണ ഗായത്രിയെ ഒന്ന് നോക്കി ചിരിച്ച് രുദ്രൻ്റെ പിന്നാലെ പോയി. രുദ്രൻ പവിയെ ബെഡിൽ കിടത്തി ലാപ് ടോപ്പേടുത്ത് കസേരയിൽ ചെന്ന് ഇരുന്ന് അപ്പോഴേക്കും അപർണ വാതിൽ കുറ്റി ഇട്ട് പവിയുടെ അരികിൽ വന്ന് കിടന്നു. പവി ഉറങ്ങുന്നതിനായി അപ്പു അവളുടെ പുറത്ത് താളം പിടിച്ച് കൊണ്ടിരുന്നു. " എനിച്ച് ഒറക്കം വരണില്ല അമ്മേ. എനിച്ച് പാട്ട് പാടി തരോ " " അമ്മക്ക് പാട്ട് അറിയില്ല മോളേ " "അമ്മ ബെറുതെ പറയാ .അച്ച അമ്മടെ പാട്ട് ഫോണില് എനിച്ച് വച്ച് തരാറുണ്ടല്ലോ"

അപർണ രുദ്രനെ ഒന്ന് നോക്കി. "എനിക്ക് അറിയില്ല പവി" "എനിച്ച് കേക്കണം അമ്മടെ പാട്ട്" പവി വാശി പിടിച്ചു. "മോൾക്ക് അച്ച ഫോണിൽ പാട്ട് വച്ച് തരാ " രുദ്രൻ ഫോൺ മേശ പുറത്ത് നിന്നും എടുത്തു. "ബേണ്ട .എനിച്ച് ഫോണിൽ പാട്ട് കേൾക്കണ്ട .എന്നിച്ച് അമ്മ പാടി തന്നാ മതി" പവി പ്രതീക്ഷയോടെ അപർണ യെ നോക്കി. " ശരി അമ്മ പാടി തരാം" " അച്ചേ അമ്മ പാടാൻ പോവാ ഇബടെ ബന്ന് കിടക്ക് " " അച്ചന് ഓഫീസിൽ കുറച്ച് വർക്ക് ഉണ്ട് .അച്ചൻ കുറച്ച് കഴിഞ്ഞേ കിടക്കുന്നുള്ളു " കിടക്ക് അച്ചേ ബാ" പവി രുദ്രനെ കൈ നീട്ടി വിളിച്ചു. രുദ്രൻ ഓഫീസ് ഫയൽ മടക്കി ടേബിളിൽ വച്ച് ബെഡിൽ വന്ന് കിടന്നു. " അച്ച വന്നു. ഇനി അമ്മ പാട്ട് പാട് " വെണ്ണിലാവു കണ്ണു വെച്ച വെണ്ണക്കുടമേ വെള്ളിവെയിലുമ്മ വെച്ച പാദസരമേ എന്റെ നെഞ്ചില്‍ ഉറങ്ങണ മുല്ലക്കൊടിയേ മുത്തിന്നുള്ളില്‍ നിന്നെടുത്ത മുത്തുമണിയേ മിന്നാ മിന്നിപ്പൊട്ടും തൊട്ട് കണ്ണാം തുമ്പിക്കണ്ണും നട്ട് പുന്നാരം പറയേണ്ടേ കണ്‍ നിറയേ വെണ്ണിലാവു കണ്ണു വെച്ച വെണ്ണക്കുടമേ വെള്ളിവെയിലുമ്മ വെച്ച പാദസരമേ രുദ്രൻ ആ പാട്ട് കേട്ടതും ഞെട്ടി.

രുദ്രൻ ഒരു നിമിഷം അപർണയുടെ മുഖത്തേക്ക് തന്നെ നോക്കി നിന്നു. എൻ്റെ നന്ദുവിൻ്റെ പാട്ട്. ഈ പാട്ട് ഇവൾക്ക് എവിടെ നിന്ന് കിട്ടി. ഇനി ഗായത്രി പറഞ്ഞ് കൊടുത്തത് ആയിരിക്കുമോ. പവി രുദ്രൻ്റെ കൈ അവളെ ചേർത്തു പിടിച്ചിരിക്കുന്ന അപർണയുടെ കൈയ്യിനു മുകളിൽ വച്ചു. രുദ്രൻ ഒരു നിമിഷം ഞെട്ടി അപർണയുടെ മുഖത്തേക്ക് നോക്കി.അപർണയുടെ മുഖം ആകെ ഞെട്ടി തിരച്ച രീതിയിൽ തന്നെ ആയിരുന്നു. അപർണ കൈ വലിക്കാൻ നോക്കി എങ്കിലും പവി അവളുടെ കൈ ഒന്നു കൂടി മുറുകെ പിടിച്ചു. കുറച്ച് കഴിഞ്ഞതും പവി ഉറങ്ങി.ഒപ്പം അപർണയും ഉറങ്ങിയിരുന്നു. രുദ്രൻ പതിയെ അപർണയുടെ കെയ്യിൽ നിന്നും തൻ്റെ കൈ വലിച്ചെടുത്തു. ശേഷം ബെഡിൽ നിന്നും എഴുന്നേറ്റൂ ഓഫീസ് ഫയലുകൾ എടുത്ത് ലൈറ്റ് ഓഫ് ചെയ്യ്ത് രുദ്രൻ മുറി വിട്ട് പുറത്ത് ഇറങ്ങി നേരെ ഓഫീസ് റൂമിലേക്ക് നടന്നു . ഓഫീസ് വർക്ക് എല്ലാം കഴിഞ്ഞ് രുദ്രൻ പുറത്തേക്ക് ഇറങ്ങാൻ നിന്നതും മഹാദേവൻ അകത്തേക്ക് വന്നു. "എന്താ ഡാഡ് ഇത്ര നേരമായിട്ടും ഉറങ്ങിയില്ലേ" "ഇല്ല. കുറച്ച് ഫയൽസ് ചെക്ക് ചെയ്യാൻ ഉണ്ടായിരുന്നു.

അത് കഴിഞ്ഞ് ഒന്ന് പുറത്തേക്ക് ഇറങ്ങിയപ്പോൾ ആണ് നിൻ്റെ ഓഫീസിലെ ലൈറ്റ് ഓൺ ആയത് കണ്ടത് " " ആ കുറച്ച് വർക്ക് ഉണ്ടായിരുന്നു. കഴിഞ്ഞു'' "ok .എനിക്ക് നിന്നോട് കുറച്ച് സംസാരിക്കാനുണ്ട് " "എന്താ ഡാഡ് എന്താ കാര്യം" " മറ്റൊന്നും അല്ല നിൻ്റെ കല്യാണ കാര്യം തന്നെയാണ്. ഞാൻ നീ ഒന്ന് ഫ്രീ ആയതിനു ശേഷം ചോദിക്കാം എന്ന് കരുതി ആണ് ഇതുവരെ അതിനെ കുറിച്ച് സംസാരിക്കാതെ ഇരുന്നത്'' നീ അപർണ യെ പ്രണയിച്ച് വിവാഹം ചെയ്യ്തതല്ല എന്ന് എനിക്ക് അറിയാം രുദ്രാ '' "അതെ ഡാഡ് ഞാൻ എൻ്റെ ഒരു വാശി ജയിക്കാനാണ് ആ കുട്ടിയെ കല്യാണം കഴിച്ചത്.ആ കുട്ടിയുടെ സമ്മതം പോലും ചോദിക്കാതെ " "But why. ഒരു കാര്യവും ഇല്ലാതെ നീ അങ്ങനെ ചെയ്യില്ല എന്ന് എനിക്ക് അറിയാം" "ഡാഡിന് അറിയാലോ നമ്മുടെ പുതിയ 50 കോടിയുടെ പ്രൊജക്ട് .നമ്മുക്ക് പുറമേ വേറെ കുറേ കമ്പനികൾ അതിൻ്റെ ടെൻ്റർ കിട്ടാനായി നിരന്തരം ശ്രമിക്കുന്നുണ്ട്.

അത് നമ്മുക്ക് തന്നെ കിട്ടും എന്ന് കുറേ കമ്പനികൾക്ക് അറിയാം അതുകൊണ്ട് തന്നെ അത് ഇല്ലാതാക്കാൻ എതോ ഒരാൾ എൻ്റേയും അപർണയുടേയും മോർഫ് ഫോട്ടോസ് എനിക്ക് അയച്ച് തന്നു. പക്ഷേ അത് മോർഫ് ഫോട്ടോസ് ആണെങ്കിൽ പോലും ഒരു പക്ഷേ നമ്മുടെ ഷെയർ വല്യൂവിനെ അത് ബാധിക്കും. അതു കൊണ്ടാണ്, എനിക്ക് ആ പ്രൊജക്ട് കിട്ടാൻ ആണ് ഞാൻ അങ്ങനെ ചെയ്തത് ഡാഡ്. ഞാൻ ചെയ്തത് തെറ്റാണ് എന്ന് എനിക്ക് അറിയാം. ''സാരില്യ. പക്ഷേ നീ കാരണം ആ കുട്ടിയുടെ കണ്ണ് നിറയാൻ ഇടവരരുത് രുദ്ര. "വിധി നിൻ്റെ ഹൃദയത്തിൻ്റെ അവകാശിയെ നിൻ്റെ അരികിൽ തന്നെ എത്തിച്ചു. " മഹാദേവൻ പറഞ്ഞതിൻ്റെ അർത്ഥം രുദ്രന് മനസിലായില്ല. മഹാദേവൻ ആ റൂമിൽ നിന്നും ഇറങ്ങി പോയി. രുദ്രൻ തിരികെ അവൻ്റെ റൂമിലേക്ക് നടന്നു..... തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...