💞എൻ്റെ ആത്മസഖിക്ക്💞 ഭാഗം 19

എഴുത്തുകാരി: അപർണ അരവിന്ദ്

" are you mad.നീയെന്താ സ്വപ്നം കണ്ടാണോ നടക്കുന്നത് "നെഞ്ചിൽ കൈവച്ച് കൊണ്ട് രുദ്രൻ ദേഷ്യത്തോടെ പറഞ്ഞു. "SOrry .ഞാൻ കണ്ടില്ല അതാ " " ഞാൻ നിന്നോട് പറഞ്ഞിട്ടുണ്ട് ഈ വാക്ക് എന്നോട് പറയരുത് എന്ന്. " രുദ്രൻ ദേഷ്യത്തോടെ പറഞ്ഞ് സ്റ്റയർ കയറി മുകളിലേക്ക് പോയി " "എനിക്ക് മാത്രം അല്ല ലോ ഇയാൾക്കും കണ്ണിലെ അപ്പോ എന്നേ കണ്ടാൽ ഒന്ന് നീങ്ങി നടന്നു കൂടായിരുന്നോ " രുദ്രൻ മുകളിലേക്ക് പോയി എന്ന ധൈര്യത്തിൽ അപർണ പിറുപിറുത്തു. വന്നതും തുടങ്ങിയോ ഭാര്യയും ഭർത്താവും തമ്മിൽ അടി. എട്ടനെ കണ്ടാൽ നിനക്ക് ഒന്ന് നീങ്ങി നടന്നു കൂടേ. ഇതിപ്പോ വല്ല ഹിന്ദി സീരിയൽ ആയിരുന്നേങ്കിൽ ഒരു റൊമാനസിനുള്ള വക ആയിരുന്നു. നായകനും നായികയും അറിയാതെ തമ്മിൽ കൂട്ടി മുട്ടുന്നു. അപ്പോ നായിക താഴേ വീഴാൻ പോകുമ്പോൾ നായകൻ പിടിക്കാൻ ശ്രമിക്കുന്നു. പക്ഷേ സ്ലിപ്പ് ആയി രണ്ടു പേരും താഴേ വീഴുന്നു .

പിന്നെ അര മണിക്കൂർ കണ്ണിൽ കണ്ണിൽ നോക്കി റൊമാൻസ് with bgm '' പിരിയല്ലേ എൻ ജീവനേ പോകല്ലേ നീ ദൂരയായ്" കൂടെ ഒരു കാറ്റും. പക്ഷേ എൻ്റെ ഏട്ടൻ്റെ സ്വഭാവം വച്ച് ഞാൻ 2 ഇഗ്ലീഷിലുള്ള മുട്ടൻ തെറിയാണ് പ്രതിക്ഷിച്ചത്. just miss . " നീ അങ്ങേരേ കൂടുതൽ കളിയാക്കുകയൊന്നും വേണ്ട. അങ്ങേരേ എന്തൊരു ലുക്കാ കാണാൻ. പുറമേ കാണിക്കുന്ന ദേഷ്യം ഉണ്ടെന്നേ ഉള്ളൂ പാവാ " "ഓഹ് ഭർത്താവിനെ പറഞ്ഞപ്പോ ഭാര്യക്ക് സഹിച്ചില്ല." ഗായത്രി അപ്പുവിനെ ഒന്ന് ആക്കി കൊണ്ട് പറഞ്ഞു. " ആ നീ ഇത്ര പെട്ടെന്ന് നോട്ട് വാങ്ങി വന്നോ " അടുക്കളയിൽ നിന്നും ഗായത്രിയുടെ ശബ്ദം കേട്ട് അമ്മ ചോദിച്ചു . " ഞാൻ മാത്രമല്ല അമ്മ എട്ടനും വന്നിട്ടുണ്ട്." ഹാളിൽ നിന്നും ഗായത്രി ഉറക്കെ വിളിച്ച് പറഞ്ഞു. ഉടൻ തന്നെ അടുക്കളയിൽ നിന്നും അമ്മ ഒരു ഗ്ലാസ്സ് ജൂസുമായി ഹാളിലേക്ക് വന്നു. "മോളേ ഇത് ദേവക്ക് കൊണ്ടുപോയി കൊടുക്ക് "അപർണക്ക് നേരേ ഗ്ലാസ്സ് നീട്ടി കൊണ്ട് അപ്പു പറഞ്ഞു. " അപ്പോ എനിക്ക് ഇല്ലേ അമ്മ" ഗായത്രി അമ്മയെ നോക്കി ചോദിച്ചു. "നിനക്ക് വേണമെങ്കിൽ നീ പോയി എടുത്ത് കുടിക്ക് "

ഇത് കേട്ടതും ഗായത്രി നേരെ അടുക്കളയിലേക്ക് പോയി.പിന്നാലെ അപ്പു ജൂസുമായി മുകളിലേക്കും കയറി പോയി. റൂമിൻ്റെ ഡോർ തുറന്ന് രുദ്രൻ അകത്ത് ഉണ്ടോ എന്ന് അപർണ ഒന്ന് തലയിട്ട് നോക്കി. ''അകത്ത് ആളെ കാണാനില്ല. ഈ ജൂസ് വേഗം കൊണ്ടു പോയി മേശപ്പുറത്ത് വച്ച് എസ്കേപ്പ് ആവാം " അപർണ ശബ്ദമുണ്ടാക്കാതെ നടന്ന് ജൂസ് മേശപ്പുറത്ത് വച്ച് തിരിഞ്ഞപ്പോഴാണ് ബെഡ്ലാമ്പിൻ്റെ അടുത്തായി ഫ്രയിം ചെയ്യ്ത് വച്ചിരിക്കുന്ന രുദ്രൻ്റെ ഒരു പഴയ ഫോട്ടോ കണ്ടത്. കാണുമ്പോൾ കോളേജ് കാലത്ത് എടുത്ത ഫോട്ടോ പോലെ ഉണ്ട്. രുദ്രനും കൂടെ മറ്റ് രണ്ട് സമപ്രായക്കാരായ ചെറുപ്പക്കാരും. ''കലിപ്പന് ഇത്രയും നന്നായിട്ട് ഒക്കെ ചിരിക്കാൻ അറിയും അല്ലേ.എന്നിട്ടാണ് ഇങ്ങനെ മസിലും കേറ്റി പിടിച്ച്, മുഖത്ത് ഒരു ഗൗരവവും ഫിറ്റ് ചെയ്യ്ത് നടക്കുന്നത് " അപ്പു ഫോട്ടോ നോക്കി ഓരോന്ന് പറഞ്ഞ് തിരിച്ച് ഫോട്ടോ ടേബിളിൽ തന്നെ വച്ചു. ശേഷം തിരിഞ്ഞ് നടന്നതും അവൾ ഒന്ന് ഞെട്ടി. അതാ പിന്നിൽ രുദ്രൻ പന പോലെ നിൽക്കുന്നു.with out Shert. മുടിയിൽ നിന്നും വെള്ള തുള്ളികൾ ഒറ്റി വീഴുന്നുണ്ട്.

അതിൽ നിന്നും കുളി കഴിഞ്ഞ് ഇറങ്ങി വന്നിരിക്കുകയാണെന്ന് അവൾക്ക് മനസിലായി. "ഇങ്ങേർക്ക് എത് സമയവും കുളിക്കുക തന്നെ ആണോ പണി. ഇവിടെ മനുഷ്യന് ദിവസത്തിൽ ഒരു തവണ പോലും കുളിക്കാൻ മടിയാണ്. ഇയാൾക്ക് ഒരു ഷർട്ട് ഒക്കെ ഇട്ട് നടന്നോടെ .അയ്യേ മ്ലേച്ചം." അപർണ ഓരോന്ന് പിറുപിറുത്തു .പക്ഷേ പറഞ്ഞത് കുറച്ച് ഉറക്കെ ആയി എന്ന് മാത്രം. "What" രുദ്രൻ്റെ ശബ്ദം ആ മുറിയാകെ പ്രതിധ്വനിച്ചു. "ഒന്നൂല്ല" അപ്പു പേടിച്ച് വിറച്ച് കൊണ്ട് പറഞ്ഞു. " എന്തെങ്കിലും പറയാൻ ഉണ്ടെങ്കിൽ മനുഷ്യൻമാർക്ക് കേൾക്കാവുന്ന രീതിയിൽ ഉറക്കെ പറയണം. ഇത് നീ പറയുന്നത് കേൾക്കാൻ നിൻ്റെ വായ്ക്കുള്ളിൽ കയറി ഇരിക്കേണ്ട അവസ്ഥ ആണല്ലോ ''രുദ്രൻ ദേഷ്യത്തോടെ പറഞ്ഞ് ഷെൽഫിനരികിലേക്ക് നടന്നു. പേടിച്ച് വിറച്ച അപർണ വേഗം മുറിക്ക് പുറത്തേക്ക് നടന്നു. "ഭാഗ്യം ഞാൻ ഫോട്ടോ നോക്കി പറഞ്ഞതൊന്നും കലിപ്പൻ കേട്ടിട്ടില്ല തോന്നുന്നു. എൻ്റെ ശിവനേ നീ കാത്തു'' "ഒന്ന് നിന്നേ'' പുറത്തേക്ക് അപർണ പോകാൻ നിന്നതും രുദ്രൻ പിന്നിൽ നിന്നും വിളിച്ചു.

''അപ്പു നീ പെട്ടു. നീ പറഞ്ഞതെല്ലാം അങ്ങേര് കേട്ടിട്ടുണ്ട്. ഇനി നിൻ്റെ കാര്യം കട്ട പൊക " (അപ്പു ആത്മ) അപർണ തിരിഞ്ഞ് രുദ്രൻ്റെ അരികിലേക്ക് നടന്നു . "എന്താ " അപ്പു വിനയപൂർവ്വം ചോദിച്ചു. "ദാ. അമ്മ രാവിലെ നിനക്ക് കുറച്ച ഡ്രസ്സ് വാങ്ങാൻ പറഞ്ഞിരുന്നു. എടുത്ത് നോക്ക്. അളവ് കറക്ട് അല്ലെങ്കിൽ ഷോപ്പിൽ പോയി മാറ്റി വാങ്ങാം. അപർണ ആ കവർ വാങ്ങിയതും രുദ്രൻ ലാപ്പും എടുത്ത് ബാൽക്കണിയിലേക്ക് നടന്നു. രുദ്രൻ പോയതും അപർണ ആ കവർ തുറന്ന് ഡ്രസ്സുകൾ എടുത്തു. ആദ്യത്തേത് 3 ജോടി ടോപ്പ് ആയിരുന്നു. ഒന്ന് ബ്ലാക്ക് ആൻറ് വൈറ്റ് കളർ കോളർ മോഡൽ ആയിരുന്നു.പിന്നെ ഒരു ബ്ലാക്ക് പ്ലയിൻ ടോപ്പും, വൈറ്റ് കളർ കുറച്ച് സ്റ്റോൺ വർക്ക് ഉള്ള മറ്റൊരു ടോപ്പും. ആ കവർ ബെഡിനു മുകളിൽ വച്ച് അടുത്ത കവർ തുറന്നു.അതിൽ രണ്ട് അംബർല കട്ട് മോഡൽ ടോപ്പ് ആയിരുന്നു.അതും ഒന്ന് ബ്ലാക്ക്, ഒന്ന് വൈറ്റ് . പിന്നെ ഒരു കവറിൽ ബ്ലാക്ക് കളർ സാരി. മൊത്തത്തിൽ എല്ലാം ഒരു ബ്ലാക്ക് ആൻ്റ് വൈറ്റ് മയം. അപ്പോഴേക്കും ഗായത്രി ഡോർ തുറന്ന് അകത്തേക്ക് വന്നു ".ഇത് എന്താ തുണി കച്ചവടമോ " ബെഡിൽ കിടക്കുന്ന ഡ്രസ്സ് കണ്ട് ഗായത്രി പറഞ്ഞു.

" ഇത് എട്ടൻ എടുത്ത ഡ്രസ്സ് ആണോ .മൊത്തം ബ്ലാക്ക് ആൻ്റ് വൈറ്റ് " "അതെ " അപ്പു ഡ്രസ്സിലേക്ക് നോക്കി പറഞ്ഞു. "എനിക്ക് കണ്ട് കണ്ട് മടുത്തു. ഞാൻ പോവാ ഇവിടുന്ന് " ഗായത്രി തലയിൽ കൈ വച്ച് തിരിച്ച് നടന്നു. " ഞാൻ നിനക്ക് ഒരു ഫ്രീ ഉപദേശം തരാം. നീ നേരെ എട്ടനോട് ചേന്ന് ഈ ഡ്രസ്സ് ഇഷ്ടപ്പെട്ടില്ല എന്ന് പറഞ്ഞോ. അല്ലെങ്കിൽ ഈ ഡ്രസ്സുകൾ ഇട്ട് നിനക്ക് പ്രാന്ത് ആവും " നടന്ന് പോവുന്നതിനിടയിൽ ഗായത്രി പറഞ്ഞു. "അതെ ഗായത്രി പറഞ്ഞത് ശരി ആണ്. എന്തായാലും വരുന്നത് വരട്ടെ എനിക്ക് വയ്യ ഈ ഡ്രസ്സുകൾ ഇടാൻ " രണ്ടും കൽപ്പിച്ച് അപ്പു ഡ്രസ്സുകളുമായി ബാൽക്കണിയിലേക്ക് നടന്നു. രുദ്രൻ ലാപ് ടോപ്പിൽ എന്തോ വർക്ക് ചെയ്യുകയാണ്. അപ്പു പതിയെ രുദ്രൻ്റെ അടുത്ത് ചെന്ന് നിന്നു. പക്ഷേ രുദ്രൻ അതൊന്നും അറിയാതെ ലാപ്പിൽ വർക്ക് ചെയ്യുകയാണ്. " അതേയ് " അപ്പു ധൈര്യം സംഭരിച്ച് രുദ്രനെ വിളിച്ചു. വിളി കേട്ടതും രുദ്രൻ ലാപ്പിൽ നിന്നും തല ഉയർത്തി എന്തേ എന്ന ഭാവത്തിൽ അപർണയുടെ മുഖത്തേക്ക് നോക്കി.... തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...