💞എൻ്റെ ആത്മസഖിക്ക്💞 ഭാഗം 28

എഴുത്തുകാരി: അപർണ അരവിന്ദ്

"കോണി പടികൾ കയറി മുറിക്കരികിൽ എത്തുന്തോറും അവളുടെ ഹ്യദയമിടിപ്പ് വർദ്ധിച്ചു.ശരീരം വിറക്കുന്ന പോലെ. താലിയിൽ പിടിച്ച് കൈകൾ ചുരുട്ടി. വിറയാർന്ന കൈകളോടേ അവൾ വാതിൽ തുറന്ന് മുറിക്കുള്ളിലേക്ക് കയറി. മുറിയിൽ ആകമാനം ഒന്ന് കണ്ണോടിച്ചു. രുദ്രനെ അവിടെ ഒന്നും കാണാൻ ഇല്ല. ബാൽക്കണിയിൽ നിന്നുള്ള ശബ്ദം കേട്ട് അപർണ അവിടേക്ക് നടന്നു. രുദ്രനും പവിയും കൂടി ബാൽക്കണിയിൽ കളിക്കുകയായിരുന്നു. അപർണ പിന്നിൽ വന്നു നിന്നത് അവൻ അറിഞ്ഞിരുന്നില്ല. പവി എറിഞ്ഞ് തന്ന ബോൾ ക്യാച്ച് ചെയ്യാൻ പിന്നോട്ടാഞ്ഞതും രുദ്രൻ അപർണയുടെ മേൽ ചെന്ന് ഇടിച്ചു. പ്രതീക്ഷിക്കാതെ സംഭവിച്ചതിനാൽ അപർണ പെട്ടെന്ന് പേടിച്ച് രുദ്രനിൽ നിന്നും അകന്ന് മാറി നിന്നു. രുദ്രൻ അപർണയെ ഒന്ന് തറപ്പിച്ച് നോക്കിയ ശേഷം വീണ്ടും പവിക്ക് ബോൾ എറിഞ്ഞ് കൊടുത്തു. ഇയാൾ എന്തിനാ എന്നേ തുറിച്ച് നോക്കിയത്.ഇയാളുടെ ഭാവം കണ്ടാൽ തോന്നും ഞാൻ വേണം വച്ച് അയാളെ ചെന്ന് ഇടിച്ചതാണെന്ന്. ഞാൻ ഒന്ന് താഴ്ന്ന് കൊടുത്തപ്പോൾ ഇയാൾ വലിയ ഷോ കാണിക്കുകയാണ്.

(അപർണ ആത്മ) അപ്പു നീ ഇങ്ങനെ നിഷ്കു ആയി നിന്നാൽ നിൻ്റെ അവസ്ഥ ചന്ദന മഴയിലെ അമ്യതയേ പോലാവും. അയാളോട് നിന്നെ എന്തിനാ വിളിച്ചേ എന്ന് ചോദിക്ക്. ചോദിക്ക് അപ്പു നീ ചോദിക്ക്.അല്ലെങ്കിൽ വേണ്ട എനിക്ക് പേടിയാ.അപ്പു ഓരോന്ന് പിറുപിറുത്ത് കൊണ്ട് ബെഡിൽ ചെന്ന് ഇരുന്നു. കുറച്ച് കഴിഞ്ഞ് രുദ്രനും പവിയും കളി കഴിഞ്ഞ് റൂമിലേക്ക് വന്നു. "വൈകുന്നേരം പുറത്ത് പോകാം മോളും, നീയും റെഡിയായി ഇരുന്നോ " രുദ്രൻ അപർണ യെ നോക്കി പറഞ്ഞ് റൂം വിട്ട് പുറത്തേക്ക് പോയി. ഓഹ് ഇത് പറയാൻ ആയിരുന്നോ ഇത്രയും ബിൾഡ് അപ്പ് ഒക്കെ (അപ്പു ആത്മ) ''ആകെ വിയർത്തുലോ. നമ്മുക്ക് പോയി കുളിക്കാം ചക്കരെ " " ഉം " പവി ചിരിച്ച് കൊണ്ട് തലയാട്ടി. പവിയെ കുളിപ്പിച്ച് ഒരുക്കിയതിനു ശേഷം അപർണയും റെഡിയായി. അപ്പോഴേക്കും ഗായത്രി റൂമിലേക്ക് വന്നു. "നിങ്ങൾ ഇത് എവിടെക്കാ പോവുന്നേ " അപ്പുവിനേയും, പവിയേയും നോക്കി ഗായത്രി ചോദിച്ചു . " ഞാനും, അച്ചയും, അമ്മയും കൂടി ബീച്ചിക്ക് പോവാ ഗായു " " നീയും വായോ ഗായു. എനിക്ക് ഒരു കൂട്ടിന്"അപർണ ഗായത്രിയോടായി പറഞ്ഞു.

"അയ്യടാ നിങ്ങൾ കെട്ട്യോനും, കെട്ടിയോളും കൂടി പോവുമ്പോ നിങ്ങളുടെ റൊമാൻസിനിടയിൽ കട്ടുറുമ്പായി ഞാൻ വരുന്നില്ല". "ഒന്നു പോയേ അവളും അവളുടെ ഒരു റൊമാൻസും" അപർണ പുഛത്തോടെ പറഞ്ഞു. "നിൻ്റെ കൊലുസ് കിട്ടിയോ അപ്പു " " ഇല്ല. എവിടെ പോയോ എന്തോ " " അത് സാരില്ലാ. എൻ്റെ എടുത്ത് ഇത് കൂടാതെ ഒരു കൊലുസ്സ് കൂടി അത് നിനക്ക് തരാം" അപ്പോഴേക്കും രുദ്രൻ വാതിൽ തുറന്ന് റൂമിനകത്തേക്ക് വന്നു. " അച്ചേ... നാനും, അമ്മേം റെഡിയായി. " "ദാ വരുന്നു. അച്ചൻ ഓടി പോയി കുളിച്ചിട്ട് വരാം" പവിയുടെ കവിളിൽ തട്ടി പറഞ്ഞ് കൊണ്ട് രുദ്രൻ ടവൽ എടുത്ത് കൊണ്ട് ബാത്ത് റൂമിലേക്ക് കയറി. " നിൻ്റെ എട്ടന് മര്യാദക്ക് സംസാരിക്കാൻ ഒക്കെ അറിയാലേ " ''ശരിക്കും എന്നേക്കാൾ നന്നായി സംസാരിക്കുന്ന ആൾ ആയിരുന്നു എട്ടൻ. ഇപ്പോ എട്ടൻ ആകെ മാറി. എട്ടൻ്റെ ലോകം പവിയിലേക്ക് മാത്രമായി ഒതുങ്ങി ". അപ്പോഴേക്കും രുദ്രൻ കുളി കഴിഞ്ഞ് പുറത്തേക്ക് ഇറങ്ങി. നേരെ ഷെൽഫിൽ നിന്നും ഒരു വൈറ്റ് കളർ ഷർട്ട് എടുത്തതും എന്തോ താഴേ വീണു. ശബ്ദം കേട്ട് ഗായത്രിയും, അപ്പുവും, പവിയും ഒരേ സമയം രുദ്രനെ നോക്കി. "ദാ അമ്മടെ കൊലുസ്" പവി ബെഡിൽ നിന്നും ഓടി ഇറങ്ങി രുദ്രൻ്റെ കാൽചുവട്ടിലെ പാദസരം കൈകളിൽ എടുത്തു . അത് കണ്ട് ഗായത്രിയുടെ ചുണ്ടിൽ ഒരു ചിരി തെളിഞ്ഞു.

ഗായത്രി രുദ്രനേയും അപർണയേയും നോക്കി ഒന്ന് ആക്കി ചിരിച്ച് കൊണ്ട് മുറി വിട്ട് പുറത്തിറങ്ങി. രുദ്രൻ മുഖത്തെ ചമ്മൽ മറക്കാനായി ഗൗരവത്തോടെ തന്നെ നിന്നു. " അച്ചക്ക് അമ്മടെ കൊലുസ് എങ്ങനേയാ കിട്ടിയേ " " അത് .അത് പിന്നെ " രുദ്രൻ വാക്കുകൾ കിട്ടാതെ വിക്കി . "പവി വാ നമ്മുക്ക് താഴേക്ക് പോവാം അച്ഛൻ റെഡിയായിട്ട് താഴേക്ക് വന്നോളും "കൊലുസ് പവിയുടെ കൈയ്യിൽ നിന്നും വാങ്ങി മേശ പുറത്ത് വച്ച് കൊണ്ട് അപർണ പറഞ്ഞു. അപ്പു പവിയുമായി താഴേക്ക് നടന്നു. "ശ്ശേ ആകെ നാറി." രുദ്രൻ്റെ മുഖത്തും ഒരു പുഞ്ചിരി തെളിഞ്ഞു. അപർണ കൂടെ ഉള്ളപ്പോൾ രുദ്രൻ പോലുമറിയാതെ അവൻ ആ പഴയ രുദ്രൻ ആവുന്നു. അവൻ വേഗം ഡ്രസ്സ് മാറ്റി താഴേക്ക് ചെന്നു. താഴേ ടിവി കാണുന്ന പവിക്ക് അപർണ ചായ കൊടുക്കുകയായിരുന്നു. രുദ്രൻ നേരെ പവിയുടെ അരികിൽ ചെന്ന് ഇരുന്നു. അപർണയുടെ അരികിൽ ആയി തന്നെ ഗായത്രിയും ഇരിക്കുന്നുണ്ട്. "നിങ്ങൾ ബീച്ചിലേക്ക് അല്ലേ പോവുന്നത് അപ്പു " " അതെ തോന്നുന്നു. എന്തേ " " എനിക്കും വരാമായിരുന്നു ലേ" " ഞാൻ നിന്നോട് വരാൻ പറഞ്ഞതല്ലേ. അപ്പോ നീ ജാഡ കാട്ടി ഇരുന്നു. ഇപ്പോ എന്തോ മനസ് മാറാൻ " " വാലൻ്റയിൻസ് ഡേ ഒക്കെ ആവാറായില്ലേ. അപ്പോ ബീച്ചിൽ കുറേ ലൗവേഴ്സിനെ ഒക്കെ ഒന്ന് കാണാലോ "

"അയ്യട എന്താ അവളുടെ ഒരു മനസിലിരിപ്പ്. സത്യം പറ നിനക്ക് വല്ല ചുറ്റിക്കളിയും ഉണ്ടോ " അപർണ സംശയത്തോടെ ഗായത്രിയെ നോക്കി കൊണ്ട് ചോദിച്ചു. "പ്രേമം അതും എനിക്ക് നീ ഒന്ന് പൊയ്ക്കാ. ഞാൻ വെറുതെ പറഞ്ഞു എന്നേ ഉള്ളൂ." • പ്രണയമില്ലാതെ എന്ത് ജീവിതം. പ്രണയിച്ച് ദു:ഖമനുഭവിക്കണം" അപർണ ഗായത്രിയെ കളിയാക്കി കൊണ്ട് പറഞ്ഞു. "സ്വകാര്യം പറഞ്ഞു കഴിഞ്ഞൂച്ചാ രണ്ടും ദാ ചായ കുടിക്ക് "അമ്മ ചായ രുദ്രന് കൊടുക്കുന്നതിനിടയിൽ അപർണയേയും, ഗായത്രിയേയും നോക്കി കൊണ്ട് പറഞ്ഞു. "രണ്ടും എതു സമയവും ഇങ്ങനെ സ്വകാര്യം പറഞ്ഞ് ഇരുന്നോളം .ഇതിന്നും മാത്രം ഇവർക്ക് എന്താ ഇത്ര സംസാരിക്കാൻ ഉള്ളത് ആവോ " അത് കേട്ട് അപ്പുവും, ഗായത്രിയും ഒരു വളിച്ച ചിരി ചിരിച്ചു. ചായ കുടിച്ച് കഴിഞ്ഞ് രുദ്രനും, പവിയും, അപർണയും ബീച്ചിലേക്ക് ഇറങ്ങാൻ നിന്നു. "മോനേ ദേവാ " അമ്മ രുദ്രനെ പിന്നിൽ നിന്നും വിളിച്ചു. "എന്താ അമ്മ" "നിൻ്റെ റിങ്ങ് എവിടെ " രുദ്രൻ്റെ കൈയ്യിലേക്ക് നോക്കി കൊണ്ട് അമ്മ ചോദിച്ചു. " അത് .അത് ഞാൻ " രുദ്രൻ ഒന്ന് പതറി. " അത് കുളിക്കുേമ്പോൾ ഊരി വച്ചതായിരിക്കും അമ്മേ " രുദ്രന് പകരം അപർണയാണ് മറുപടി പറഞ്ഞ്. " പോയി മോതിരം ഇട്ടിട്ട് വാ.എന്നിട്ട് നിങ്ങൾ പുറത്ത് പോയാൽ മതി". "അമ്മ അതൊക്കെ ഇട്ട് വരാൻ കുറേ നേരം ആവും ഞാൻ പിന്നേ ഇട്ടോളം "

''പറ്റില്ല." അമ്മ ശാസനയോടെ പറഞ്ഞതും രുദ്രന് അത് എതിർക്കാൻ കഴിഞ്ഞില്ല. "നിൻ്റെ കയ്യിലെ ഈ റിങ്ങ് ഊരി മാറ്റിയിട്ട് വേണം ആ മോതിരം ഇടാൻ " അത് കേട്ടതും രുദ്രൻ മുകളിലേക്ക് പോയി. രുദ്രൻ റൂമിൽ എത്തി മുറി മുഴുവൻ റിങ്ങ് അന്വേഷിച്ചു. അവിടെ ഒന്നും റിങ്ങ് കാണാൻ ഇല്ല. അപ്പോഴേക്കും അപർണ റൂമിലേക്ക് വന്നു. രുദ്രൻ നിലത്ത് റിങ്ങ് തിരയുകയാണ് എന്ന് മനസിലായതും അപർണ ഷെൽഫിലെ ബോക്സിൽ നിന്നും ആ മോതിരം എടുത്ത് രുദ്രന് നേരെ നീട്ടി. രുദ്രൻ അത് മനസില്ലാ മനസോടെ വാങ്ങി. അവൻ്റെ മോതിര വിരലിൽ കിടന്നിരുന്ന വെള്ളകൽ പതിപ്പിച്ച നന്ദു അണിയിച്ച് കൊടുത്ത മോതിരം അവൻ ഊരി മാറ്റാൻ നിന്നതും അപർണ അവൻ്റെ കൈയ്യിൽ പിടിച്ച് തടഞ്ഞു. രുദ്രൻ അപർണ യേ എന്താ എന്ന ഭാവത്തിൽ പുരികം ഉയർത്തി ചോദിച്ചു. ''ഈ വിവാഹമോതിരം എന്തു കൊണ്ടാണ് ഈ വിരലിൽ അണിയിക്കുന്നത് എന്ന് അറിയുമേ'' അറിയില്ല എന്ന അർത്ഥത്തിൽ രുദ്രൻ തലയാട്ടി. "നമ്മുടെ ഹൃദയത്തിലേക്ക് നേരിട്ട് പോവുന്ന ഞെരമ്പ് ഈ വിരലിൽ ആണ് ഉള്ളത്. അതു കൊണ്ട് ഈ വിരലിൽ അണിയിച്ച മോതിരത്തിൻ്റെ ഉടമ നമ്മുടെ ഹൃദയത്തോട് ചേർന്നിരിക്കും,

ഓരോ ഹൃദയമിടിപ്പിലും നിറഞ്ഞിരിക്കും. ഈ ഹൃദയത്തിൽ നന്ദു മാത്രമാണ് ഉള്ളത്. അപ്പോ നന്ദു അണിയിച്ച മോതിരം തന്നെയാണ് ഈ വിരലിൽ കിടക്കേണ്ടത്. അവിടെ ഈ അപർണക്ക് സ്ഥാനമില്ല." ''നിനക്ക് എങ്ങനെ അറിയാം ഇത് നന്ദു അണിയിച്ച മോതിരം ആണെന്ന് " രുദ്രൻ അത്ഭുതത്തോടെ ചോദിച്ചു.അതിന് മറുപടിയായി അപർണ ഒന്ന് ചിരിക്കുക മാത്രം ചെയ്യ്ത് റൂം വിട്ട് പുറത്തേക്ക് പോയി. അമ്മ ആ മോതിരം ഊരി മാറ്റാൻ ആവശ്യപ്പെട്ടപ്പോൾ നിങ്ങളുടെ മുഖഭാവം ഞാൻ ശ്രദ്ധിച്ചിരുന്നു. സ്ഥിരം കാണുന്ന ഗൗരവത്തിൽ നിന്നും മാറി ഒരു നിസ്സഹായ അവസ്ഥയാണ് ഞാൻ കണ്ടത്.അതിൽ നിന്നും മനസിലായി അത് നന്ദു അണിയിച്ചതാണെന്ന്. * വെയിൽ ഒന്ന് കുറഞ്ഞതും അവർ ബീച്ചിലേക്ക് യാത്രയായി. യാത്രക്കിടയിൽ പവി അപർണയോട് ഓരോ വിശേഷങ്ങൾ പറയുന്നുണ്ട്.അധികം വൈകാതെ അവരുടെ കാർ ആ കടലിനടുത്തെത്തി. കടലിൽ നിന്നും ഉള്ള തണുത്ത കാറ്റ് കരയിലേക്ക് ആഞ്ഞ് വീശി.അവർ കാറിൽ നിന്നും പുറത്തിറങ്ങി. ബീച്ചിലേക്കുള്ള വഴിയിൽ ആയി ഒരു വലിയ മരം ഉണ്ട് ആ മരത്തിൽ വാലൻ്റയിൻസ് ഡേ യോടനുബന്ധിച്ച് തൂക്കിയ ബോർഡിൽ രുദ്രൻ്റെയും അപർണയുടേയും കണ്ണുകൾ ഉടക്കി. • പ്രണയം ആണെനിക്ക് .ആദ്യം കേട്ടറിവിലൂടെയുള്ള പ്രണയം. പിന്നീട് ആ പ്രണയത്തെ വായിച്ച് വളർന്നു. ഒടുവിൽ കണ്ടനുഭവിച്ച പ്രണയം. ഇപ്പോഴും ആ വിസ്മയത്തെ അഗാഥമായി പ്രണയിക്കുന്നു. ജീവനായ് ജീവശ്വാസമായ്.........തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...