💞എൻ്റെ ആത്മസഖിക്ക്💞 ഭാഗം 33

എഴുത്തുകാരി: അപർണ അരവിന്ദ്

"എൻ്റെ കൃഷ്ണ നീ എൻ്റെ പ്രർത്ഥന കേട്ടു .ഇനി ഇവർക്ക് അധികം വൈകാതെ ഒരു കുഞ്ഞിനെ കൂടി കൊടുക്കണേ ഭഗവാനേ " വിലാസിനി മനം ഉരുകി പ്രർത്ഥിച്ചു. " എന്നാലും എന്തിനാ അമ്മ അത് പറഞ്ഞത് ഒന്ന് ചിരിച്ചത്. ഇനി ഒരു പക്ഷേ അമ്മയും ഗായത്രിയെ പോലെ തെറ്റിദ്ധരിച്ചിരിക്കുമോ." അടുക്കളയിൽ പാത്രം കഴുകുന്നതിനിടയിൽ അപർണ ആലോചിച്ചു. * രാവിലെ ബസ്സ്റ്റാൻ്റിൽ കൂട്ടുക്കാരികളെ കാത്ത് നിൽക്കുകയാണ് ഗായത്രി .ഒപ്പം അവളുടെ ചങ്കും, കരളുമായ രേവതിയും ഉണ്ട്. "എന്താടി അവള്മാരെ ഇത്ര നേരം ആയിട്ടും കാണാൻ ഇല്ല ലോ " ഗായത്രി സമയം നോക്കി കൊണ്ട് പറഞ്ഞു. ആ വരുന്ന ബസിൽ കൂടി നോക്കാ അതിലും ഇല്ലെങ്കിൽ നമ്മുക്ക് കോളേജിലേക്ക് പോവാം. അവള്മാര് വരുമ്പോ വരട്ടെ. ബസ് വന്ന് നിന്നതും ബസിൽ നിന്നും പാഞ്ഞ് ഇറങ്ങി വരുന്ന ശിൽപ്പയേയും, ശ്യമയേയും കണ്ട് ഗായത്രി അന്തം വിട്ടു. "എടി... അവര് .. അവര് സാറിനെ "കിതച്ച് കൊണ്ട് ശ്യാമക്ക് ഒന്നും പറയാൻ പറ്റുന്നില്ല. "എന്താടീ എന്താ കാര്യം" ഗായത്രി ആവലാതിയോടെ ചോദിച്ചു. " നീ വാ ഞാൻ പറയാം'' അവർ നാല് പേരും കോളജിലേക്ക് നടന്നു.

"നമ്മുടെ ആ എനിമീസ് ഇല്ലേ.എയ്ഞ്ചലും ഗ്രൂപ്പും അവർ ബസിൽ നിന്ന് പറയുന്നത് കേട്ടതാണ് .സത്യം ആണോ എന്ന് അറിയില്ല." " നീ മനുഷ്യനെ ടെൻഷൻ ആകാതെ കാര്യം തെളിച്ച് പറയടി " " ഇന്ന് വാലൻ്റയിൻസ് ഡേക്ക് എയ്ഞ്ചൽ സാറിനെ പ്രൊപ്പോസ് ചെയ്യാൻ പോവുകയാണ്'' "ഓഹ് ഇതായിരുന്നോ കാര്യം. അതോർത്ത് നീ പേടിക്കണ്ട.സാർ ആളൊരു നല്ല വ്യക്തി ആണ്. അതോണ്ട് എയ്ഞ്ചൽ പ്രൊപ്പോസ് ചെയ്താലൊന്നും സാർ yes പറയില്ല" രേവതി ആവേശത്തോടെ പറഞ്ഞു. "അങ്ങനെ പറയാൻ വരട്ടെ. ആ എയ്ഞ്ചലിന് ഒടുക്കത്തെ ഗ്ലാമർ ആണ്. പോരാത്തതിന് പ്രിൻസിയുടെ മകളും. അപ്പോൾ എന്തുകൊണ്ട് സാറിന് അവളുടെ പ്രൊപ്പോസ് അക്സെപ്റ്റ് ചെയ്തൂടാ" ശിൽപ്പ പറഞ്ഞു. " അതും ശരിയാണ്" "ഒന്ന് നിർത്തിക്കെ.വല്ല സാറുമാരുടെ പേര് പറഞ്ഞ് നിങ്ങൾ എന്തിനാ വെറുതെ തർക്കിക്കുന്നത് .എന്തായാലും നിങ്ങൾ ഇത്രയൊക്കെ പറഞ്ഞ സ്ഥിതിക്ക് എനിക്ക് ആ സാറിനെ ഒന്ന് കാണണം" ''നീ ഒന്ന് കാണണം ഗായത്രി .സാറിനെ കാണാൻ എന്ത് ലുക്കാ എന്ന് അറിയോ. ആ കണ്ണ്, ആ നോട്ടം Uff പൊളിയാണ്. നമ്മുടെ കോളേജിലെ പകുതി പെൺപിള്ളേരും സാറിന് പിന്നാലെ ആണ്. "ഓഹ് മതി സാറിനെ പൊക്കിയത്. എന്തായാലും ഞാൻ ഒന്ന് കാണട്ടെ "

''ആ ഇന്ന് എതായാലും ഫസ്റ്റ് അവർ സാറിൻ്റെ ആണ്. നിങ്ങൾ എല്ലാവരും സെമിനാർ complete ചെയ്യ്തില്ലേ" "എത് സെമിനാർ " രേവതി പറയുന്നത് കേട്ട് ഗായത്രി അലറി കൊണ്ട് ചോദിച്ചു. "എടീ ശിൽപ്പേ നീ സെമിനാറിൻ്റെ കാര്യം ഇവളോട് പറഞ്ഞില്ലേ " രേവതി ശിൽപ്പ യെ നോക്കി ചോദിച്ചു. "ഇല്ല ഞാൻ കരുതി നീ പറയും എന്ന് " "എടീ ഊളകളെ സെമിനാറിനെ കുറിച്ച് ഒരു വാക്ക് എന്നോട് പറയുകയല്ല. വേഗം വാ ക്ലാസ്സിൽ പോയിട്ട് എഴുതാം" ക്ലാസിൽ എത്തിയതും ഗായത്രി വേഗം സെമിനാർ എഴുതാൻ തുടങ്ങി. "എടാ സാർ വരുന്നുണ്ട് " ആരൊ വിളിച്ച് പറഞ്ഞതും പുറത്ത് നിൽക്കുന്ന കുട്ടികൾ എല്ലാവരും ക്ലാസിൽ കയറി. ഗായത്രി അപ്പോഴും നല്ല എഴുത്തിൽ ആണ്. ഇനി ഒരു പേജ് കൂടി ഉണ്ട് .അപ്പോഴേക്കും സാർ ക്ലാസിലേക്ക് കയറി വന്നു. " ഗായത്രി സാർ വന്നു .തൊട്ടപ്പുറത്ത് ഇരിക്കുന്ന രേവതി തട്ടി വിളിച്ചതും എഴുതി കൊണ്ടിരിക്കുന്ന ഗായത്രിയുടെ കൈയ്യിൽ നിന്നും പേന നിലത്ത് വീണു. ഗായത്രി നിലത്ത് വീണ പേന കുനിഞ്ഞ് എടുത്ത് എണീറ്റതും ക്ലാസിലേക്ക് കയറി വന്ന ആളെ കണ്ട് ഒന്ന് ഞെട്ടി.

"എൻ്റെ കൃഷ്ണാ ഞാൻ പ്പെട്ടു.ഇയാളാണോ പുതിയ സാർ" " അപ്പോ സാറിനെ നിനക്ക് പരിചയം ഉണ്ടോ " " ഉം.... നല്ല പരിചയം ഉണ്ട്" തലേ ദിവസം ആശ്രമത്തിൽ വച്ച് ഉണ്ടായ കാര്യം ഗായത്രി രേവതിയോട് പറഞ്ഞു. " നന്നായി. സാർ നിന്നെ തിരിച്ചറിഞ്ഞാൽ നിൻ്റെ കാര്യം തീർന്നു ഗായത്രി. സാറ് കാണാതെ മറഞ്ഞ് ഇരുന്നോ നീ '' ലാസ്റ്റ് ബെഞ്ചിൽ ആയതിനാൽ അലോക്ക് ഗായത്രിയെ കണ്ടിരുന്നില്ല. അവൾ ആശ്വാസത്തോടെ ക്ലാസ്സ് ശ്രദ്ധിക്കാൻ തുടങ്ങി. ''സാർ" എയ്ഞ്ചലിൻ്റെ വിളി കേട്ട് എല്ലാവരുടേയു ശ്രദ്ധ അവിടേക്ക് നീങ്ങി. ''സാർ സെമിനാർ സബ്മിറ്റ് ചെയ്യാൻ പറഞ്ഞ ലാസ്റ്റ് date ഇന്ന് ആണ് " '' ok സെമിനാർ എല്ലാവരും ഇൻ്റർവെല്ലിന് സബ്മിറ്റ് ചെയ്യണം." " സെമിനാർ കംപ്ലീറ്റ് ചെയ്യാത്ത ചിലർ ഉണ്ട് സാർ'' രാവിലെ ഗായത്രി ക്ലാസിൽ വന്ന് സെമിനാർ എഴുതുന്നത് എയ്ഞ്ചൽ കണ്ടിരുന്നു. "എടീ പാര എയ്ഞ്ചലെ ഇതിനു ഞാൻ നിനക്ക് തിരിച്ച് ഒരു പാര പണിതില്ലെങ്കിൽ എൻ്റെ പേര് ഗായത്രി എന്ന് അല്ല '' എയ്ഞ്ചൽ തന്നെ ആണ് ഉദേശിച്ചത് എന്ന് മനസിലായ ഗായത്രി സ്വയം പിറുപിറുത്തു. " സെമിനാർ complete ആക്കാതെ ക്ലാസിൽ ആരെങ്കിലും ഇരിക്കുന്നുണ്ടെങ്കിൽ stand up." അലോക്കിൻ്റെ ശബ്ദം ആ ക്ലാസ്സ് ആകെ മുഴങ്ങി.

അത് കേട്ടതും ബോയ്സിൻ്റെ സൈഡിൽ നിന്നും കുറച്ച് പേർ എഴുന്നേറ്റ് നിന്നു. ഗേൾസിൻ്റെ ഭാഗത്ത് നിന്നും ഒരാൾ പോലും ഇല്ല . ഗായത്രി മടിച്ച് മടിച്ച് സീറ്റിൽ നിന്നും എഴുന്നേറ്റു. അപ്പോഴാണ് അലേക്ക് ഗായത്രിയെ കണ്ടത് . അലോക്ക് പതിയെ ഗായത്രിയുടെ അരികിലേക്ക് വന്നു. " ഈ ക്ലാസിൽ ഇത്രയും ഗേൾസിന് സെമിനാർ കംപ്ലീറ്റ് ആക്കാം എങ്കിൽ തനിക്ക് മാത്രം എന്ത് കൊണ്ട് പറ്റിയില്ല" അലോക്ക് അലറി കൊണ്ട് ചോദിച്ചു . " അത് സാർ ഞാൻ ക്ലാസിൽ വന്നിരുന്നില്ല. " ഗായത്രി വിറച്ച് കൊണ്ട് പറഞ്ഞു. " നീ ക്ലാസിൽ വരുന്നുണ്ടോ ഇല്ലയോ എന്നോക്കെ നോക്കി സെമിനാറിൻ്റെയും, മറ്റ് വർക്കുകളുടേയും കാര്യം ഞാൻ നിന്നെ വിളിച്ച് പറയണോ" അലോക്ക് ദേഷ്യത്തോടെ ചോദിച്ചു. 'ഗായത്രി മറുപടി പറയാതെ തല കുനിച്ച് കൊണ്ട് നിന്നു .അലോക്ക് ഡെസ്കിൽ കൈ കൊണ്ട് ആഞ്ഞടിച്ച് തിരിച്ച് ബോർഡിനരികിൽ വന്ന് നിന്നു .

"ഇവരെ ഞാൻ എന്ത് ചെയ്യണം" ഇരിക്കുന്ന കുട്ടികളോടായി അലോക്ക് ചോദിച്ചു. "ക്ലാസ്സിൽ നിന്നും പുറത്താക്കാം സാർ" എയ്ഞ്ചൽ പറഞ്ഞതും ഗായത്രി അവളെ തുറിച്ച് നോക്കി. " എയ് അത് വേണ്ട. ഞാൻ നിങ്ങൾക്ക് ഒരു ഓഫർ തരാം." ഇരു കൈകളും കെട്ടി ബോർഡിൽ ചാരി നിന്ന് കൊണ്ട് അലോക്ക് പറഞ്ഞു. " ഈ നിൽക്കുന്ന കുട്ടികളിൽ ഞാൻ പറയുന്ന ആൾ ഈ ടെക്സ്റ്റിലെ ഞാൻ പറയുന്ന പ്രോബ്ലം ബോർഡിൽ ചെയ്യ്ത് കാണിച്ചാൽ നിങ്ങൾക്ക് എല്ലാവർക്കും സീറ്റിൽ ഇരിക്കാം" അത് കേട്ടതും നിൽക്കുന്ന എല്ലാവരുടേയും മുഖത്ത് പുഞ്ചിരി വിരിഞ്ഞു. " മറിച്ച് ആ കുട്ടിക്ക് ആ പ്രോബ്ലം സോൾവ് ചെയ്യാൻ കഴിഞ്ഞില്ലെങ്കിൽ നിങ്ങൾ എല്ലാവരും ആ പ്രോബ്ലം 50 times imposition എഴുതേണ്ടി വരും " " ആ ഒക്കെ സാർ" എല്ലാവരും അത് സമ്മതിച്ചു. അലോക്ക് നിൽക്കുന്ന കുട്ടികളെ ഓരോരുത്തരെ ആയി നോക്കാൻ തുടങ്ങി.ആ നോട്ടം ചെന്ന് അവസാനിച്ചത് ഗായത്രിയിൽ ആയിരുന്നു......തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...