💞എൻ്റെ ആത്മസഖിക്ക്💞 ഭാഗം 04

എഴുത്തുകാരി: അപർണ അരവിന്ദ്

പിറ്റേന്ന് രാവിലെ തന്നെ അപർണ്ണയും, ആരതിയും ഡ്രസ്സ് എടുക്കാനായി ഇറങ്ങി. " നമ്മുക്ക് സിറ്റിയിലെ വലിയ ഷോപ്പിൽ തന്നെ പോവാം അവിടെ ആവുമ്പോൾ കുറേ കളക്ഷൻസ് ഒക്കെ ഉണ്ട്. " ബസ് കയറുന്നതിനിടയിൽ ആദി അപ്പുവിനോട് പറഞ്ഞു. " " ആ ശരി" ബസ് ഇറങ്ങി സിറ്റിയിലെ എറ്റവും വലിയ ഷോപ്പിൽ തന്നെ അവർ കയറി. ആദി ആ ഷോപ്പിലുള്ള ഒരു വിധം എല്ലാ ഡ്രസ്സുകളും വലിച്ച് വാരി ഇട്ടിട്ടും ഇഷ്ടപ്പെട്ട ഒരു ഡ്രസ്സും കിട്ടിയിട്ടില്ല. അപ്പു ഒരു വൈറ്റ് കുർത്തയും ലെഗ്ഗിനും എടുത്ത് അച്ഛന് ഒരു ഷർട്ട് വാങ്ങാനായി മെൻസ് സെക്ഷനിലേക്ക് നടന്നു. " അപ്പു നീ എങ്ങോട്ടാ " ഡ്രസ്സ് തിരയുന്നതിനിടയിൽ ആദി ചോദിച്ചു. " ഞാൻ അച്ഛനുള്ള ഒരു ഷർട്ട് നോക്കാനാ " " എന്നാ ഞാനും വരാം ശരത്തേട്ടന് ഒരു ഷർട്ട് എടുക്കണം എന്ന് കുറച്ച് ദിവസമായി കരുതുന്നു."ആദി അപ്പുവിൻ്റെ കൈയ്യും പിടിച്ച് മെൻസ് സെക്ഷനിലേക്ക് നടന്നു.

എൻ്റെ ശിവനേ ഇനി ഇവള് അവിടെ ചെന്ന് അവിടത്തെ ഡ്രസ്സ് മുഴുവൻ വലിച്ചിടാനുള്ള പരിപാടിയാണ് എന്ന് തോന്നുന്നു (അപ്പു ആത്മ) "ചേട്ടാ ആ ഷർട്ട് ഒന്ന് എടുത്തേ "അവിടെ എത്തിയതും ആദി മിനിമം ഒരു പത്ത് ഷർട്ട് എങ്കിലും എടുത്ത് ഇട്ടിരിക്കും. അപ്പു കുറച്ച് അപ്പുറത്തായി അടുക്കി വച്ചിരിക്കുന്ന ഷർട്ടുകളുടെ അടുത്തേക്ക് നടന്നു. ഒരു നേവി ബ്ലൂ കളർ ഷർട്ട് എടുത്ത് നോക്കി. "എടീ ഇത് നല്ല രസം ഉണ്ട്" അപ്പുവിൻ്റെ അടുത്ത് വന്ന് ആദി ഷർട്ടിലേക്ക് നോക്കി കൊണ്ട് പറഞ്ഞു. ഒരു കോൾ വന്നതും ആദി ഫോണുമായി അപ്പുറത്തേക്ക് നടന്നു. അതിനടുത്ത് തന്നെ ഇരിക്കുന്ന ഗോൾഡൺ കളർ ഷർട്ട് കൂടി അപ്പു എടുത്തു. "എടീ ഈ ഷർട്ട് എങ്ങനെ ഉണ്ട്" അപ്പുറത്ത് നിൽക്കുന്ന ആൾ ആദി ആണ് എന്ന് കരുതി അയാളുടെ കൈയ്യിൽ പിടിച്ച് കൊണ്ട് അപ്പു ചോദിച്ചു. ''എടീ നിന്നോടാ ചോദിച്ചേ " എന്ന് പറഞ്ഞു കൊണ്ട് അവൾ നോക്കിയതും അത് രുദ്രൻ ആയിരുന്നു.

''രുദ്ര "അപർണ്ണയുടെ ചുണ്ടുകൾ മന്ത്രിച്ചു. അവളുടെ സ്പർശനം എറ്റതും രുദ്രൻ്റെ ഹൃദയം വല്ലാതെ മിടിക്കാൻ തുടങ്ങി.ഒരു നിമിഷം അവർ പരസ്പരം നോക്കി നിന്നു.ആ ഒരു നിമിഷത്തേക്ക് അവരുടെ ഹൃദയമിടിപ്പ് പോലും ഒരേ താളത്തിൽ ആയിരുന്നു. "അപ്പു ഒന്ന് വന്നേ ഞാൻ ഒരു കാര്യം കാണിച്ചു തരാം"ആദി അപ്പുവിൻ്റെ കൈ പിടിച്ച് വലിച്ച് കൊണ്ട് മുന്നോട്ട് നടന്നു. ഒരു നിമിഷം രുദ്രൻ അവിടെ തന്നെ തറഞ്ഞ് നിന്നു. നന്ദു. എൻ്റെ നന്ദുവിനെ പോലെ അല്ല അത് എൻ്റെ നന്ദു അല്ല. അവൾ എന്നേ വിട്ട് പോയി. പക്ഷേ അവളുടെ സ്പർശനം കൊണ്ട് എങ്ങനെ എനിക്ക് എൻ്റെ നന്ദുവിൻ്റെ സാമിപ്യം അനുഭവപ്പെട്ടു. എനിക്ക് എന്ത് പറ്റി.

രുദ്രൻ്റെ മനസിൽ ഒരായിരം ചോദ്യങ്ങൾ ഉയർന്നു വന്നു. മറുവശത്ത് അപർണ്ണയുടെ സ്ഥിതിയും അത് തന്നെയായിരുന്നു. ഞാൻ എന്തിനാ അയാളെ രുദ്രൻ എന്ന് വിളിച്ചത്. എനിക്ക് എങ്ങനെ അയാളുടെ പേര് അറിയുന്നത്.അപർണ്ണക്ക് തലക്ക് ആകെ പ്രാന്ത് പിടിക്കുന്ന പോലെ തോന്നി. " അപ്പു ഈ ഡ്രസ്സ് എങ്ങനെ ഉണ്ട്.ഒരു ഡ്രസ്സിലേക്ക് ചൂണ്ടി കൊണ്ട് ആദി ചോദിച്ചു" ഇതൊന്നും കേൾക്കാതെ വേറെ എതോ ഒരു ലോകത്തായിരുന്നു അപ്പു. "ഡീ " ആദി വിളിച്ചതും അപ്പു ഒന്ന് ഞെട്ടി. " എന്തേ "അപ്പു ആദിയെ നോക്കി. " ഈ ഡ്രസ്സ് എങ്ങനെ ഉണ്ട്" "ആ ഡീ നല്ലതാ" അവർ വേഗം അവിടെ നിന്ന് ഇറങ്ങി. വീട്ടിലെത്തിയിട്ടും അപ്പുവിൻ്റെ മനസ് എന്തോ അസ്വസ്ഥമായിരുന്നു.......... തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...