💞എൻ്റെ ആത്മസഖിക്ക്💞 ഭാഗം 50

എഴുത്തുകാരി: അപർണ അരവിന്ദ്

തിരിഞ്ഞും മറഞ്ഞും കിടന്നിട്ടും രുദ്രന് ഉറക്കം വരുന്നില്ല. ഇനി എങ്ങാനും എലി വീണ്ടും വന്നാല്ലോ. അപ്പു ഉറങ്ങി എന്ന് കരുതി രുദ്രൻ ബെഡിൽ നിന്നും ശബ്ദമുണ്ടാക്കാതെ ഇറങ്ങി ലൈറ്റ് ഓൺ ചെയ്യ്തു. ലൈറ്റ് ഓൺ ചെയ്തു തിരിഞ്ഞതും പുതപ്പ് മാറ്റി തല ഉയർത്തുന്ന അപ്പുവിനെയാണ് രുദ്രൻ കണ്ടത്. "എന്താ "മുഖത്ത് ഗൗരവം വരുത്തി കൊണ്ട് അപ്പുവിനോടായി രുദ്രൻ ചോദിച്ചു. "എന്തിനാ ലൈറ്റ് ഇട്ടേ "അപ്പു നിഷ്കു ആയി ചോദിച്ചു. " അത് നിനക്ക് എലി വരുമോ എന്ന് പേടിച്ച് കിടക്കുകയല്ലേ. അതോണ്ട് ലൈറ്റ് ഓൺ ചെയ്യാം എന്ന് കരുതി. നിനക്ക് വേണ്ടെങ്കിൽ വേണ്ട. ഞാൻ ലൈറ്റ് ഓഫ് ചെയ്യാം " രുദ്രൻ പെട്ടെന്ന് മനസിൽ വന്ന ഒരു കള്ളം പറഞ്ഞ് തിരിഞ്ഞ് നടന്നു. എൻ്റെ ഭഗവാനെ ഇവൾ എന്താ പിന്നിൽ നിന്നും വിളിക്കാത്തെ. മനുഷ്യൻ ആണെങ്കിൽ ഈ നശിച്ച എലി കാരണം മനസമാധാനമായി ഒന്ന് ഉറങ്ങാനും പറ്റുന്നില്ല.( രുദ്രൻ ആത്മ) ''വേണ്ട. ലൈറ്റ് ഓഫ് ചെയ്യണ്ട'' അപ്പു പിന്നിൽ നിന്ന് പറഞ്ഞതും രുദ്രന് ആശ്വാസം ആയി. ഇവൾ പിന്നിൽ നിന്നും വിളിച്ചില്ലായിരുന്നു എങ്കിൽ ഞാൻ പെട്ടെന്നേ.

രുദ്രൻ ഓരോന്ന് ആലോചിച്ച് കൊണ്ട് ബെഡിൽ വന്ന് കിടന്നു.പുതപ്പ് കൊണ്ട് പുതച്ച് പവിയെ ചേർത്ത് പിടിച്ച് രുദ്രൻ കണ്ണുകൾ അടച്ചു. അപ്പു ഒന്നു കൂടെ പവിയോട് ചേർന്ന് കിടന്നു. " ആ .... " രുദ്രൻ പെട്ടെന്ന് പുതപ്പ് മാറ്റി കൊണ്ട് ബെഡിൽ നിന്നും ചാടി ഇറങ്ങി. "എന്താ എന്ത് പറ്റി " അപ്പു ബെഡിൽ എഴുന്നേറ്റ് ഇരുന്ന് കൊണ്ട് ചോദിച്ചു . "എന്താ അച്ചേ. എന്താ പറ്റിയെ " രുദ്രൻ്റെ അലർച്ച കേട്ട് പവിയടക്കം എഴുന്നേറ്റിരുന്നു. " അത് .എൻ്റെ കാലിൽ എന്തോ തട്ടി " രുദ്രൻ കുറച്ച് പേടിയോടെ പറഞ്ഞു. അത് കേട്ടതും അപ്പു പൊട്ടി ചിരിക്കാൻ തുടങ്ങി. പവിയും രുദ്രനും ഒന്നും മനസിലാവാതെ അപ്പുവിനെ നോക്കി. " അത് എൻ്റെ കാല് ആണ് " ചിരി അടക്കി പിടിച്ച് കൊണ്ട് അപ്പു പറഞ്ഞു. "എവിടെ " രുദ്രൻ പുതപ്പ് മാറ്റി നോക്കിയപ്പോൾ അത് അപ്പുവിൻ്റെ കാല് തന്നെ ആയിരുന്നു അത്. "നിനക്ക് കാലിലെ ആ നഖം ഒക്കെ ഒന്ന് വെട്ടി കളഞ്ഞോടെ " രുദ്രൻ സ്വന്തം കാൽ തടവി കൊണ്ട് ചോദിച്ചു. ''അതൊന്നും പറ്റില്ല.ഞാൻ കഷ്ടപ്പെട്ട് വളർത്തിയെടുത്ത എൻ്റെ നഖമാ" രുദ്രൻ വീണ്ടും ബെഡിൽ വന്ന് കിടന്നു.

ഒപ്പം പവിയും അപ്പുവും കിടന്നു. " അച്ചക്കും അമ്മക്കും എലിയെ പേടി ആണ് ലേ" രുദ്രൻ്റെയും അപ്പുവിൻ്റെയും ഇടയിൽ കിടന്ന് ചിരിച്ച് കൊണ്ട് പവി ചോദിച്ചു. അത് കേട്ട് അപ്പുവും രുദ്രനും പരസ്പരം ഒന്ന് നോക്കി. " എലിയെ പേടിക്കാതിരിക്കാൻ എനിക്ക് ഒരു സൂത്രം അറിയാം" പവി പറയുന്നത് കേട്ട് അപ്പുവും രുദ്രനും അവളെ പ്രതീക്ഷയോടെ നോക്കി. അതിന് മറുപടിയായി പറയാതെ പവി പ്രവർത്തിച്ച് കാണിച്ചു കൊടുത്തു. തന്നെ കെട്ടിപിടിച്ച് കിടക്കുന്ന രുദ്രൻ്റെ കൈകൾ എടുത്ത് പവി അപ്പുവിൻ്റെ വയറിനു മേൽ വച്ചു. തിരിച്ച് അപ്പുവിൻ്റെ കൈകൾ എടുത്ത് ചരിഞ്ഞ് കിടക്കുന്ന രുദ്രൻ്റെ ഇടുപ്പിൽ വച്ചു. രുദ്രൻ്റെ ആ സ്പർശനം എറ്റത്തും അപ്പു ഒന്ന് വിറങ്ങലിച്ചു . രുദ്രൻ്റെ അവസ്ഥയും അത് തന്നെ ആയിരുന്നു . രുദ്രൻ വേഗം അപ്പുവിൻ്റെ മേൽ ഉള്ള കൈ പിൻവലിക്കാൻ ശ്രമിച്ചതും പവി അവളുടെ കൈകൾ അവരുടെ കൈകൾക്ക് മീതെ വച്ച് ലോക്ക് ചെയ്യ്തിരുന്നു. പതിയെ അവർ മൂവരും ഉറക്കത്തിലേക്ക് വീണിരുന്നു. *

രാവിലെ എഴുന്നേറ്റ രുദ്രൻ കാണുന്നത് തൻ്റെ കൈകൾക്കിടയിൽ കിടന്ന് ഉറങ്ങുന്ന അപ്പുവിനേയും പവിയേയും ആണ്. തിരിച്ച് അപ്പുവും അവളുടെ കൈ കൊണ്ട് രുദ്രനെ ഇറുക്കി പിടിച്ചിരുന്നു. രുദ്രൻ അപ്പുവിൻ്റെ മേൽ വച്ചിരുന്ന തൻ്റെ കൈ ക ൾ പതിയെ എടുത്ത് മാറ്റി .ശേഷം അപ്പുവിൻ്റെ കൈളും തൻ്റെ ശരീരത്തിൽ നിന്നും മാറ്റി. സമയം 5.30 ആയിട്ടേ ഉള്ളു.രാവിലെ വർക്ക് ഔട്ടും ജോഗിങ്ങും പതിവുള്ളതിനാൽ രുദ്രൻ പതിയെ വാതിൽ തുറന്ന് പുറത്തേക്ക് ഇറങ്ങി. പൂമുഖത്ത് എത്തിയ രുദ്രൻ മുറ്റത്ത് നിൽക്കുന്ന ആളെ കണ്ട് ചിരിച്ചു കൊണ്ട് മുറ്റത്തേക്ക് ഇറങ്ങി. " കാശി " അവൻ്റെ പുറത്ത് തട്ടി കൊണ്ട് രുദ്രൻ വിളിച്ചു. കൽ ബെഞ്ചിനു മേലേ കാൽ വച്ച് കൊണ്ട് ഷൂവിൻ്റെ ലെയ്സ് കെട്ടി കൊണ്ടിരുന്ന കാശിനാഥൻ രുദ്രൻ്റെ വിളി കേട്ട് തിരിഞ്ഞ് നോക്കി. അവൻ മറുപടി ഒന്നും പറയാതെ രുദ്രനെ അതിശയത്തോടെ നോക്കി നിന്നു. "എന്താടാ ഇങ്ങനെ നോക്കുന്നേ " കാശിയുടെ തോളിൽ തട്ടി കൊണ്ട് രുദ്രൻ ചോദിച്ചു. " അത് .അത് നിൻ്റെ ഈ മാറ്റം കണ്ട് എനിക്ക് വിശ്വസിക്കാൻ പറ്റുന്നില്ല. നീ ആ പഴയ ദേവൻ ആയ പോലെ " മറുപടിയായി രുദ്രൻ ഒന്ന് ചിരിക്കുക മാത്രമാണ് ചെയ്യ്തത്. തനിക്ക് വന്ന ഈ മാറ്റത്തെ കുറിച്ച് ഓർത്ത് രുദ്രൻ സ്വയം ഒന്ന് ഒന്ന് അതിശയിച്ചു .

''നീ എങ്ങോട്ടാ ഈ അതിരാവിലെ .ജോഗിങ്ങിനാണോ " കാശി രുദ്രനോടായി ചോദിച്ചു. " ഉം അതെ " " എന്നാ വാ നമ്മുക്ക് ഒരുമിച്ച് പോവാ " കാശിയും, രുദ്രനും ഒരുമിച്ച് ജോഗിങ്ങിനായി ഇറങ്ങി. ** ഉറക്കം എഴുന്നേറ്റ അപ്പു രുദ്രനെ മുറിയാകെ തിരഞ്ഞെങ്കിലും അവനെ എവിടേയും കാണാൻ ഇല്ല.പവി നല്ല ഉറക്കത്തിലാണ് എന്ന് കരുതി അപ്പു വാതിൽ തുറന്ന് പുറത്തേക്ക് ഇറങ്ങാൻ നിന്നതും പവി എഴുന്നേറ്റതും ഒരുമിച്ചിരുന്നു. " എബടക്കാ അമ്മേ പോണത് " കണ്ണ് തിരുമ്മി കൊണ്ട് പവി ചേദിച്ചു. " ഞാൻ എവിടേക്കും പോണില്ല ചക്കരെ " അപ്പു പവിയെ എടുത്ത് പുറത്തേക്ക് ഇറങ്ങി. ചെറിയ മഞ്ഞ് പെയ്യുന്നുണ്ട്. പുറത്തെ തണുത്ത കാറ്റ് അടിച്ചതും പവി ഒപ്പുവിൻ്റെ തോളിലേക്ക് ഒന്നു കൂടി ചേർന്ന് കിടന്നു. അപ്പു നേരെ പോയത് ആത്മികയുടെ മുറിയിലേക്കാണ്. അവൾ പതിയെ വാതിൽ തുറന്ന് അകത്തേക്ക് കയറി. ഗായുവും ,ആമിയും നല്ല ഉറക്കത്തിലാണ്. അവരെ കണ്ടതും അപ്പുവിൻ്റെ കൈയ്യിൽ നിന്നും പവി താഴേക്ക് ഇറങ്ങി.

അവൾ നേരെ പവിയുടെയും ആമിയുടേയും ഇടയിലേക്ക് നുഴഞ്ഞ് കയറി.പവി ചിരിച്ച് കൊണ്ട് ആമിയുടേയും ഗായുവിൻ്റെയും കവിളിൽ ഒരു ഉമ്മ കൊടുത്തു. '' എണീച്ച് ഗായൂ, എണീക്ക് ആമി മേമ്മേ"പവി അവരെ തട്ടി വിളിച്ചു. ഗായുവും ,ആമിയും വേഗം എഴുന്നേറ്റ് മുഖം ഒക്കെ കഴുകി. അപ്പോഴേക്കും ആലിയ ഒരു ട്രൈയിൽ ചായയുമായി ആമിയുടെ മുറിയിലേക്ക് കയറി വന്നു. അവൾ ഒന്നും മിണ്ടാതെ ട്രൈ ടേബിളിനു മുകളിൽ വച്ച് ഒന്നും മിണ്ടാതെ പുറത്തേക്ക് ഇറങ്ങി പോയി. " ആ കുട്ടി ആരോടും മിണ്ടില്ലേ " അപ്പു ആമിയെ നോക്കി ചോദിച്ചു . " അവളുടെ കാരക്ടർ അങ്ങനെ ആണ്. പാവം കുട്ടിയാ" " ഉം പാവം കുട്ടിയാ.ഈ ലോകത്ത് വെറെ ആരും ഇല്ലെങ്കിൽ മാത്രം " ഗായത്രി പുഛത്തോടെ പറഞ്ഞു. "അല്ല ഗായു. കുറച്ച് അനുസരണ കേട് ഉണ്ട്.പക്ഷേ അമ്മയില്ലാത്ത കുട്ടി ആയതിനാൽ അവളെ എല്ലാവരും ലാളിച്ചത് കൊണ്ടാണ്. വല്യമ്മ മരിച്ചതിൽ പിന്നെ അവൾ അവളുടെ ലോകത്തിലേക്ക് മാത്രമായി ഒതുങ്ങി കൂടിയതാ. പണ്ട് അവൾ അങ്ങനെ ഒന്നും ആയിരുന്നില്ല ലോ " ആമി ഗായത്രിയോടായി പറഞ്ഞു. " അത് ശരിയാ. അവളുടെ എട്ടനെ ഇഷ്ടമല്ല എന്ന ഒറ്റ പേരിൽ ആണ് അവൾ എന്നോട് മിണ്ടാതെ നടക്കുന്നത്. "

അത് കേട്ടതും ആമിയുടെ മുഖം മങ്ങി. "നമ്മുക്ക് ഇന്ന് കുളത്തിൽ പോയി കുളിച്ചാലോ " എന്തോ പെട്ടെന്ന് ഓർത്തപോലെ ഗായു ചോദിച്ചു. " ഇപ്പോ വേണ്ട ഗായു നമ്മുക്ക് വൈകുന്നേരം പോവാം" '' എന്നാ ശരി. ഇപ്പോ നമ്മുക്ക് വെറുതെ പോയി ഒന്ന് കുളം കണ്ടിട്ട് വരാം " അവർ എല്ലാവരും പുറത്തേക്ക് ഇറങ്ങാൻ നിന്നതും പുറത്ത് നിന്നും ആരോ അരികിലേക്ക് വന്നു. "ഹായ് ലേഡീസ് " കൈ വീശി കൊണ്ട് ഒരാൾ മുറിക്ക് അകത്തേക്ക് വന്നു. "നിങ്ങൾ എല്ലാവരും എങ്ങോട്ടാ " അയാൾ ഗായുവിനെ നോക്കി ചോദിച്ചു . " ഞങ്ങൾ കുളം കാണാൻ പോവാ. നീ വരുന്നുണ്ടോ " " ഉം. വരാം അതിന് മുൻപേ ഞാൻ ഒന്ന് എട്ടത്തിയെ പരിചയപ്പെടട്ടേ " അയാൾ അപ്പുവിൻ്റെ അരികിലേക്ക് നടന്നു. "ഹായ് അപ്പു എടത്തി" അയാൾ അപ്പുവിന് നേരെ കൈ നീട്ടി. "ഹലോ " അപ്പു കൈ കൊടുത്ത് കൊണ്ട് പറഞ്ഞു. " ഞാൻ ആദർവ്വ്.ദാ ഇവളുടെ ബ്രദറാ . " ആമിയെ ചൂണ്ടി കൊണ്ട് പറഞ്ഞു. "അതെൻ്റെ തലവിധി" ആമി ആദർവ്വിനെ കളിയാക്കി കൊണ്ട് പറഞ്ഞി. "

എടി ചേച്ചി നീ നിൻ്റെ വായ ഒന്ന് അടച്ച് വക്ക്. എടത്തിയുടെ മുൻപിലെ എൻ്റെ ഇമേജ് കളയല്ലേ " അത് കേട്ട് അപ്പു ചിരിച്ചു. " ആ കാര്യം ഓർത്ത് നീ പേടിക്കണ്ട. അങ്ങനെ ഒരു സാധനം നിനക്ക് ഉണ്ടെങ്കിൽ അല്ലേ പോവുള്ളൂ" ഗായത്രി ആദർവ്വിനെ ആക്കി കൊണ്ട് പറഞ്ഞു. "മതി തള്ളച്ചികളെ മനുഷ്യനെ നാണം കെടുത്തിയത്.വാ പവി നമ്മുക്ക് കുളം കാണാൻ പോവാം " പവിയുടെ കൈയ്യും പിടിച്ച് ആദു പുറത്തേക്ക് ഇറങ്ങി. " അത് ഒരു പാവം പൊട്ടാ ഇത്തിരി പൊട്ടി തെറിപ്പ് ഉണ്ട് എന്നേ ഉള്ളൂ" ആദു പോയ വഴി നോക്കി ഗായത്രി പറഞ്ഞു. ശേഷം ആദുവിനും പവിക്കും പിന്നാലെ ആമിയും ഗായുവും, അപ്പുവും നടന്നു. * "നീ ഇപ്പോ എവിടേയാ വർക്ക് ചെയ്യുന്നേ ആ പഴയ കമ്പനിയിൽ തന്നെ ആണോ" "അല്ല ടാ ഞാൻ ആ ജോലിയൊക്കെ എന്നേ റിസൈൻ ചെയ്യ്തു. ഇപ്പോ വേറെ ജോലി അന്വേഷിക്കുന്നുണ്ട്. " "ചുരുക്കി പറഞ്ഞാൽ ഇപ്പോ വേലയും കൂലിയും ഒന്നും ഇല്ലലേ. പക്ഷേ ആ പഴയ നാട്ടുക്കാർക്കും ,കൂട്ടുക്കാർക്കും വേണ്ടി തല്ലുകൂടി അടിപിടിയുമായി നടക്കുന്ന സ്വഭാവത്തിന് ഒരു കുറവും ഇല്ല ലോ " അത് കേട്ട് കാശി ഒരു വളിച്ച ചിരി ചിരിച്ചു. ജോഗിങ്ങ് കഴിഞ്ഞ് പടി കടന്ന് വരുന്ന രുദ്രനും കാശിയും മുറ്റത്തേക്ക് വരുന്ന ആ 5 പേരേയാണ് കണ്ടത്. ഗായത്രിയുടെ നിർബന്ധപ്രകാരം കുളം കാണാൻ മുറ്റത്തേക്ക് ഇറങ്ങി വന്ന ആമി തങ്ങളുടെ അരികിലേക്ക് വരുന്ന തൻ്റെ പ്രണയത്തെ കണ്ട് ഒരു നിമിഷം കണ്ണിമ ചിമ്മാതെ നിന്നു.....തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...