💞എൻ്റെ ആത്മസഖിക്ക്💞 ഭാഗം 51

എഴുത്തുകാരി: അപർണ അരവിന്ദ്

" എങ്ങോട്ടാ ടാ " കാശി ഗൗരവത്തോടെ പവിയുടെ കൈ പിടിച്ച് മുന്നിൽ നടക്കുന്ന ആദുവിനോടായി ചോദിച്ചു. " ഞങ്ങൾ കുളം കാണാനായി പോവാ കാശി പാപ്പാ " പവി കൊഞ്ചി കൊണ്ട് പറഞ്ഞു. " കുളത്തില് നിറയെ മഴ പെയ്യത് വെള്ളം നിറഞ്ഞിരിക്കാ.നോക്കി പോവണം" കാശി ഗൗരവത്തോടെ പറഞ്ഞ് രുദ്രനൊപ്പം മുന്നോട്ട് നടന്നു . " നിൽക്ക് .നിങ്ങൾ ഒറ്റക്ക് പോവണ്ട. ഞാനും കൂടി വരാം.ഒരു മിനിറ്റ് ഞാൻ ടവൽ എടുത്തിട്ട് വരാം " രുദ്രൻ തിരിഞ്ഞ് നോക്കി പറഞ്ഞ ശേഷം അകത്തേക്ക് പോയി. കൈയ്യിൽ 3 ടവലുമായി രുദ്രൻ തിരിച്ച് വേഗം തന്നെ വന്നു . '' ടാ കാശി വാ '' അകത്തേക്ക് പോവാൻ നിന്ന കാശിനാഥനോടായി രുദ്രൻ പറഞ്ഞു. " ഞാൻ ഇല്ലടാ .നിങ്ങൾ പോയിട്ട് വാ " " പറ്റില്ല. നീയും വരണം " രുദ്രൻ കാശിയെ നിർബന്ധിച്ചു. "വാ കാശി പാപ്പാ. നമ്മുക്ക് കുളത്തില് കുളിച്ചാം അന്നത്തെ പോലെ. നല്ല രസം ഇണ്ടാവും ബാ" പവി കാശിയുടെ കൈ പിടിച്ച് മുന്നിൽ നടന്നു.അവർക്കൊപ്പം രുദ്രനും ആദുവും ഉണ്ടായിരുന്നു. " നീ എന്താടി സ്വപ്നം കണ്ട് നിൽക്കണേ. നീ വരുന്നില്ലേ "

എന്തോ ഓർത്ത് കൊണ്ട് നിൽക്കുന്ന ഗായുവിൻ്റെ തോളിൽ തട്ടി കൊണ്ട് അപ്പു ചോദിച്ചു. " ഞാൻ ഇല്ലെടി. നിങ്ങൾ പൊയ്ക്കോ" ''ദേ പെണ്ണേ വെറുതെ കിണുങ്ങാൻ നിൽക്കണ്ട. മര്യാദക്ക് എൻ്റെ ഒപ്പം വന്നോ " അപ്പു ഗായുവിൻ്റെ കൈ പിടിച്ച് വലിച്ച് നടന്നു. ഇതെല്ലാം കണ്ട് മനസ് നീറി നിൽക്കുന്ന ആമി മുഖത്ത് ഒരു ക്രിത്രിമ പുഞ്ചിരി തൂകി അവർക്ക് ഒപ്പം നടന്നു. " ഞാൻ ചോദിക്കാൻ മറന്നു. ചേച്ചി ഹോസ്റ്റലിൽ നിന്നും എന്നാ വന്നത് "ഗായു ആമിയോടായി ചോദിച്ചു. " ഞാൻ ഇന്നലെ ഉച്ചക്കാണ് എത്തിയത്.ഇനി ഇന്നത്തെ പൂജയും നാളത്തെ ഉത്സവവും കഴിഞ്ഞാൽ ഉടൻ ഞാൻ ഹോസ്റ്റലിലേക്ക് തന്നെ പോവും" "ഇവിടെ നാട്ടിൽ അടുത്ത് തന്നെ ഇത്രയും കോളേജുകൾ ഉള്ളപ്പോൾ ചേച്ചി എന്തിനാ ഇത്രയും ദൂരെ പോയി പഠിക്കുന്നേ " "ചില ആളുകളിൽ നിന്നും അവരുടെ ഓർമകളിൽ നിന്നും രക്ഷപ്പെടാൻ ഒറ്റക്കുള്ള ഹോസ്റ്റൽ ജീവിതമാണ് നല്ലതെന്ന് തോന്നി " അകലേക്ക് നോക്കി ആമി നിർവികാരത്തോടെ പറഞ്ഞു. "അമ്മേ " പവി കുളകടവിൽ നിന്ന് ഉറക്കെ വിളിച്ചതും അവർ മൂവരും വേഗം അങ്ങോട്ട് നടന്നു. രുദ്രനും, ആദുവും കുളത്തിൽ നീന്തുകയാണ്.

തൊട്ട് അപ്പുറത്ത് കാശി പവിയെ കയ്യിൽ എടുത്ത് കൊണ്ട് നീന്താൻ പഠിപ്പിക്കുകയാണ്. "അമ്മേ നോക്ക് ഞാൻ നീന്താൻ പഠിച്ചാ" കാശിയുടെ കൈകൾക്കിടയിൽ കിടന്ന് കൈകാലുകൾ വെള്ളത്തിൽ അടിച്ചു കൊണ്ട് പവി പറഞ്ഞു. അപ്പുവും, ഗായത്രിയും, ആമിയും കാലുകൾ വെള്ളത്തിലേക്ക് ഇട്ട് കൽ പടവിൽ ഇരുന്നു. കാശിയുടെ മുഖത്തേക്ക് അറിയാതെ പോലും നോക്കരുത് എന്ന് മനസിനെ പറഞ്ഞ് പഠിപ്പിച്ചെങ്കിലും നിയന്ത്രണം വിട്ട് ആമിയുടെ കണ്ണുകൾ കാശിയിൽ തന്നെ തറഞ്ഞ് നിന്നു. എന്നാൽ ഇതെല്ലാം ശ്രദ്ധിച്ചു കൊണ്ട് നിൽക്കുന്ന മറ്റൊരാൾ അവർക്കിടയിൽ ഉണ്ടായിരുന്നു. ആ രംഗങ്ങൾ കണ്ട് അയാളുടെ ചുണ്ടിൽ ഒരു പുഞ്ചിരി വിരിഞ്ഞു. ''എട്ടത്തി, ഗായത്രി, ഡീ ചേച്ചി വാ ഇറങ്ങ് " കുളത്തിൽ നീന്തി കൊണ്ട് ആദു വിളിച്ച് പറഞ്ഞു. ''ഞങ്ങൾ ഇപ്പോ ഇല്ല വൈകീട്ട് വരാം " പടവിൽ ഇരുന്ന് കൊണ്ട് ഗായു വിളിച്ച് പറഞ്ഞു. അവരുടെ കുളി കഴിയുന്ന വരെ അവർ മൂന്ന് പേരും അവിടെ തന്നെ ഇരുന്നു. കുറച്ച് കഴിഞ്ഞപ്പോൾ രുദ്രൻ പവിയെ കുളിപ്പിച്ച് മുകളിലേക്ക് കയറ്റി. പവി മുകളിലേക്ക് കയറിയതും അപ്പു അവളുടെ തല നന്നായി തോർത്തി കൊടുത്തു. അപ്പോഴേക്കും രുദ്രനും കാശിയും കുളിച്ച് കയറിയിരുന്നു. " എട്ടത്തി"

അവസാനത്തെ പടവിൽ നിന്ന് കൊണ്ട് ആദു വെള്ളം അപർണയുടെ മുഖത്തേക്ക് തെറിപ്പിച്ചു. " ആദു വേണ്ടാ ട്ടോ " വെള്ളം ശരീരത്തിൽ ആവാതിരിക്കാൻ അപ്പു പിന്നോട്ട് രണ്ട് അടി നീങ്ങിയതും കല്ലിൽ തടഞ്ഞ് കൊണ്ട് വെള്ളത്തിലേക്ക് വീണതും ഒരുമിച്ചായിരുന്നു. " അപ്പു " ഗായു ഉറക്കെ അലറി വിളിച്ചു . ഗായത്രിയുടെ നിലവിളി കേട്ട് മുകളിലേക്ക് കയറി പോയ രുദ്രനും കാശിയും തിരിച്ച് ഓടി വന്നു. തിരിച്ച് വന്ന രുദ്രൻ കാണുന്നത് ശ്വാസം കിട്ടാതെ കൈ കാലുകൾ വെള്ളത്തിൽ ഇട്ട് അടിക്കുന്ന അപ്പുവിനെ യാണ്. രുദ്രൻ ഒരു നിമിഷം തറഞ്ഞ് നിന്നു.അടുത്ത നിമിഷം കുള പടവുകൾ വേഗത്തിൽ ഓടിയിറങ്ങി വന്ന് വെള്ളത്തിലേക്ക് ചാടി. അപ്പുവിനെ ഇരു കൈകൾ കൊണ്ടും കോരി എടുത്ത് കരയിലേക്ക് വലിച്ചടുപ്പിച്ചു. "അപ്പു. അപ്പു" രുദ്രൻ അപ്പുവിനെ തൻ്റെ മടിയിൽ കിടത്തി കൊണ്ട് അവളുടെ കവിളിൽ തട്ടി വിളിച്ചു. " അപ്പൂ...''രുദ്രൻ്റെ ആ വിളി അപ്പുവിൻ്റെ കാതുകളിൽ പ്രതിധ്വനിച്ചു. അവൾ കണ്ണുകൾ വേഗം വലിച്ച് തുറന്നു.ഒപ്പം ചുമക്കുന്നുമുണ്ട് അപ്പു കണ്ണു തുറന്നപ്പോൾ ആണ് അവന് ആശ്വാസമായത് . " നീ എന്ത് പണിയാടാ കാണിച്ചേ. നിൻ്റെ കളി കുറച്ച് കൂടുന്നുണ്ട് " ആമി ആദുവിനെ വഴക്ക് പറയാൻ തുടങ്ങി.

അത് കേട്ട് ആദു തല താഴ്ത്തി നിന്നു. " അത് സാരി ല്ല്യാ അവൻ അറിയാതെ അല്ലേ "തല താഴ്ത്തി നിൽക്കുന്ന ആദുവിനെ നോക്കി രുദ്രൻ പറഞ്ഞു. "ഹോസ്പിറ്റലിൽ പോവണോ അപ്പു " രുദ്രൻ ആവലാതിയോടെ ചോദിച്ചു. " എയ് വേണ്ട " അപ്പു രുദ്രൻ്റെ മടിയിൽ നിന്നും തല എടുത്ത് കൊണ്ട് പറഞ്ഞു.അവൾ പതിയെ എഴുന്നേറ്റ് നിന്നു. " അപ്പു ഞാൻ പിടിക്കാം" ഗായത്രി അപ്പുവിന് അരികിലേക്ക് വന്നതും രുദ്രൻ അവളെ തടഞ്ഞു. " ഞാൻ പിടിക്കാം" ശേഷം അവൻ അപ്പുവിനെ അവൻ നെഞ്ചോട് ചേർത്ത് കൊണ്ട് മുകളിലേക്ക് നടന്നു.അവൾ മനസിലാക്കുകയായിരുന്നു അവൻ്റെ സ്നേഹം ** ഉച്ചക്ക് ഭക്ഷണം കഴിച്ച് കഴിഞ്ഞ് വൈകുന്നേരത്തേക്കുള്ള പൂജയുടെ ഒരുക്കത്തിലാണ് വീട്ടിലെ എല്ലാവരും. ഉച്ചക്ക് മുത്തശ്ശി അപ്പുവിനേയും, രുദ്രനേയും മുറിയിലേക്ക് വിളിപ്പിച്ചു. " ഞാൻ പൂജയുമായി ബന്ധപ്പെട്ട് കുറച്ച് കാര്യങ്ങൾ നിങ്ങളോട് പറയാനാണ് ഇങ്ങോട്ട് വിളിപ്പിച്ചത് ". "എന്താ മുത്തശ്ശി എന്താ കാര്യം " രുദ്രൻ മുത്തശ്ശിയോടായി ചോദിച്ചു. "നിങ്ങൾക്ക് രണ്ടു പേർക്കും അറിയാലോ

നമ്മുടെ കുടുംബത്തിന് വേണ്ടിയാണ് ഈ പൂജ ഇന്ന് നടത്തുന്നത് എന്ന്.തിരുമേനിയുടെ നിർദേശ പ്രകാരം പൂജ നടത്തേണ്ടത് നിങ്ങളാണ്. ഒരു പൂജ നടത്തുമ്പോൾ അതിൻ്റെതായ ചില ചിട്ടവട്ടങ്ങൾ ഉണ്ട്. അവ പാലിച്ചാൽ മാത്രമേ പൂജ നല്ല രീതിയിൽ നടക്കുകയുള്ളു. "മുത്തശ്ശി എന്താ പറഞ്ഞ് വരുന്നത് " രുദ്രൻ സംശയത്തോടെ ചോദിച്ചു. ''പൂജ കഴിയുന്നത് വരെ നിങ്ങൾ പരസ്പരം കാണാനോ ,ഭാര്യാഭർത്താക്കൻമാരായി ഒരു മുറിയിൽ കഴിയാനോ പാടില്ല. അപ്പു ഇനി മുതൽ ആമിയുടെ ഒപ്പം കിടന്നാൽ മതി. ആമി, ഗായു "മുത്തശ്ശി അവരെ ഉറക്കെ വിളിച്ചു. വിളി കേട്ടതും ഇരുവരും റൂമിൽ എത്തി. ''എന്താ മുത്തശ്ശി " " പൂജ കഴിയുന്നത് വരെ ഇവർ പരസ്പരം കാണാൻ പാടില്ല. അത് നിങ്ങളുടെ ഉത്തരവാദിത്വം ആണ്. വേഗം ചെന്ന് ദേവൻ്റെ മുറിയിൽ നിന്ന് അപ്പുവിൻ്റെ സാധനങ്ങൾ നിങ്ങളുടെ മുറിയിലേക്ക് മാറ്റ് " മുത്തശ്ശി അവർ ഇരുവരേയും നോക്കി പറഞ്ഞു. അത് കേട്ടതും അപ്പുവിനെ പിടിച്ച് വലിച്ച് കൊണ്ട് ആമിയും, ഗായുവും അവരുടെ മുറിയിലേക്ക് പോയി. അപ്പു കൺ മുന്നിൽ നിന്നും നടന്ന് അകലുന്ന വരെ രുദ്രൻ അവളെ തന്നെ നോക്കി നിന്നു. വൈകുന്നേരം പൂജയുടെ ഭാഗമായി കാവിൽ ചെന്ന് അപ്പുവും ,ഗായുവും, ആമിയും കൂടി വിളക്ക് വച്ചു.

കാവിൽ വച്ച് കുറേ പൂജകൾ ഉണ്ടായിരുന്നു എങ്കിലും സ്ത്രീകൾക്കും, പുരുഷൻമാർക്കും വേറെ വേറെ ഇടങ്ങളിൽ ആയതിനാൽ അപ്പുവിനും രുദ്രനും പരസ്പരം കാണാൻ കഴിഞ്ഞില്ല. രാത്രി കിടക്കാൻ നേരം അപ്പുവും ,ഗായുവും കൂടി ആമിയുടെ മുറിയിൽ ഇരിക്കുകയാണ്. രാത്രി മുത്തശ്ശിയുടെ കാലിൽ കുഴമ്പ് ഇട്ടു കൊടുക്കുന്ന പതിവുള്ളതിനാൽ ആമി മുത്തശ്ശിയുടെ മുറിയിലേക്ക് പോയിരിക്കുകയാണ്. "നിനക്ക് ഇവിടെ ഒക്കെ ഇഷ്ടായോ അപ്പു " ''മം ഒരുപാട് ഇഷ്ടം ആയി. " "രാവിലെ ഞാൻ ഒരു പാട് പേടിച്ചു പോയി അപ്പു. നീ കുളത്തിൽ വീണപ്പോൾ " ബെഡിൽ ഇരിക്കുന്ന അപ്പുവിൻ്റെ മടിയിലേക്ക് തല വച്ച് കൊണ്ട് ഗായു പറഞ്ഞു. അതിന് മറുപടിയായി അപ്പു ഒന്ന് ചിരിച്ചു. " അപ്പു ഞാൻ ഒരു കാര്യം ചോദിച്ചാ നീ സത്യം പറയോ" മടിയിൽ കിടന്ന് അപ്പുവിൻ്റെ മുഖത്തേക്ക് നോക്കി ഗായു ചോദിച്ചു. "വെറുതെ വളഞ്ഞ് തിരിയാതെ കാര്യം പറ പെണ്ണേ " " അത് .അത് നിനക്ക് എട്ടനെ ഇപ്പോ മിസ്സ് ചെയ്യുന്നുണ്ടോ " " ഇല്ല. എന്തേ " " ഒരു തരി പോലും മിസ്സ് ചെയ്യുന്നില്ലേ " " ഇല്ല." ഒരു ഭാവ വ്യത്യസവും ഇല്ലാതെ അപ്പു പറഞ്ഞു. അത് കേട്ടതും ഗായത്രി മുഖം വീർപ്പിച്ച് കൊണ്ട് അപ്പുവിൻ്റെ മടിയിൽ നിന്നും എഴുന്നേറ്റ് ബെഡിൽ വന്ന് കിടന്നു.

"ടീ .ഡി ഗായു'' കണ്ണടച്ച് കിടക്കുന്ന ഗായുവിനെ അപ്പു തട്ടി വിളിച്ചു. "എന്താ ''കണ്ണ് തുറക്കാതെ ഗായു ചോദിച്ചു. ''ഞാൻ ഒരു കാര്യം ചോദിച്ചാ നീ സത്യം പറയോ " "എന്ത് കാര്യം" ഗായു ആകാംഷയോടെ ചോദിച്ച് കൊണ്ട് എഴുന്നേറ്റ് ഇരുന്നു. "നിനക്ക് കാശിയേട്ടനെ ഇഷ്ടമാണോ" ''നീ ഒന്ന് പൊയ്ക്കെ അപ്പു. എനിക്ക് ഒന്നും അയാളെ ഇഷ്ടമല്ല ". "പ്രണയം അല്ലെടി പൊട്ടത്തി.അത് അല്ലാത്ത സ്നേഹം " അപ്പു ആകാംഷയോടെ ചോദിച്ചു. "As a brother എനിക്ക് ഇഷ്ടമാണ്.but that's not love ''. എന്താ ഇപ്പോ ഇങ്ങനെ ചോദിക്കാൻ " " അത് എനിക്ക് ചില സംശയങ്ങൾ ഉണ്ട്.അത് ശരിയാണോ എന്ന് നോക്കട്ടെ എന്നിട്ട് പറയാം" അപ്പോഴേക്കും ആമി റൂമിലേക്ക് വന്നിരുന്നു. ആമി വന്നതും അവർ ഉറങ്ങാൻ കിടന്നു.പെട്ടെന്നാണ് ഗായത്രി ചോദിച്ച ചോദ്യം അപ്പുവിൻ്റെ മനസിലേക്ക് വന്നത്. അപ്പു നീ ശരിക്കും രുദ്രനെ മിസ്സ് ചെയ്യുന്നുണ്ടോ .ഗായത്രിയുടെ വാക്കുകൾ അപ്പു സ്വയം ഒന്ന് ചോദിച്ചു.അതിന് ഉത്തരമായി അവളുടെ ഹൃദയമിടിപ്പ് വർദ്ധിച്ചു. * "അച്ചേ അച്ചക്ക് അമ്മയെ കാണാൻ തോന്നുന്നില്ലേ " രുദ്രൻ്റെ അരികിൽ കിടന്ന് കൊണ്ട് പവി ചോദിച്ചു. "പൊന്നിന് അമ്മയെ കാണാൻ തോന്നുന്നുണ്ടോ. എങ്കിൽ അമ്മയുടെ അടുത്തേക്ക് പൊയ്ക്കോ" "ബേണ്ട അച്ചേ .ഞാൻ പോണില്ല.അബടെ അമ്മടെ ഒപ്പം ഗായുവും, ആമി മേമ്മയും ഉണ്ട് ലോ .ഞാൻ പോയാ അച്ച ഇവടെ ഒറ്റക്ക് ആവും" രുദ്രനെ കെട്ടി പിടിച്ച് കൊണ്ട് പവി പറഞ്ഞു......തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...