💞എൻ്റെ ആത്മസഖിക്ക്💞 ഭാഗം 53

എഴുത്തുകാരി: അപർണ അരവിന്ദ്

"അച്ചേ അച്ചക്ക് അമ്മയെ കാണാൻ തോന്നുന്നില്ലേ " രുദ്രൻ്റെ അരികിൽ കിടന്ന് കൊണ്ട് പവി ചോദിച്ചു. "പൊന്നിന് അമ്മയെ കാണാൻ തോന്നുന്നുണ്ടോ. എങ്കിൽ അമ്മയുടെ അടുത്തേക്ക് പൊയ്ക്കോ" "ബേണ്ട അച്ചേ .ഞാൻ പോണില്ല.അബടെ അമ്മടെ ഒപ്പം ഗായുവും, ആമി മേമ്മയും ഉണ്ട് ലോ .ഞാൻ പോയാ അച്ച ഇവടെ ഒറ്റക്ക് ആവും" രുദ്രനെ കെട്ടി പിടിച്ച് കൊണ്ട് പവി പറഞ്ഞു. രുദ്രൻ പതിയെ അവളുടെ പുറത്ത് താളം പിടിച്ചു.ഒപ്പം പവിയുടെ കണ്ണുകളും പതുക്കെ അടഞ്ഞു. പവി ഉറങ്ങിയതും അവൾ വീഴാതിരിക്കാൻ ഒരു തലയണ തടസം വച്ച് അവൻ ബെഡിൽ നിന്നും എഴുന്നേറ്റു. അവൻ പതിയെ വാതിൽ തുറന്ന് വരാന്തയിലേക്ക് ഇറങ്ങി. രണ്ടാം നിലയിൽ ആയതിനാൽ രാത്രി സമയങ്ങളിൽ ചന്ദ്ര വെളിച്ചം നേരിട്ട് വരാന്തയിലേക്ക് അടിക്കും. അവൻ വരാന്തയിലെ കൈ വരിയിൽ പിടിച്ച് ദൂരെക്ക് നോക്കി നിന്നു. അകലെ നിന്നും തണുത്ത ഒരു ഇളം കാറ്റ് അവനെ തഴുകി പോയി.

രുദ്രൻ്റെ മുറിക്കു ശേഷമുള്ള നാലാമത്തെ മുറിയാണ് ആമിയുടേത്.പെട്ടെന്ന് മുന്നോട്ട് നോക്കിയപ്പോൾ ആരോ ഒരാൾ ആ മുറിക്ക് മുന്നിൽ വരാന്തയിൽ കൈ വരിയിൽ പിടിച്ച് തൂണും ചാരി നിൽക്കുന്നു. പക്ഷേ ആരാണെന്ന് മനസിലാവുന്നില്ല. താൻ കാണാൻ കൊതിക്കുന്ന മുഖമാവണെ എന്ന് ആഗ്രഹിച്ച് അവൻ കുറച്ച് മുന്നോട്ട് നടന്നു. നിലാവിൻ്റെ വെളിച്ചത്തിൽ അവൻ ആ മുഖം വ്യക്തമായി കണ്ടു. താൻ പ്രതീക്ഷിച്ചിരുന്ന ആൾ അല്ല എന്ന് മനസിലായതും രുദ്രൻ മുന്നോട്ട് വച്ച കാലുകൾ പിറകിലേക്ക് തന്നെ വച്ചു. തിരിഞ്ഞ് നടന്ന രുദ്രൻ അകലെ നിന്നും ഉയരുന്ന തേങ്ങൽ കേട്ട് ഒരു നിമിഷം നിന്നു. തനിക്ക് ഇനി തോന്നിയതാണോ. രുദ്രൻ തിരിഞ്ഞ് നിന്ന് ആമിയെ നോക്കി. ഒന്നു കൂടി ആ ശബ്ദത്തിനായ് കാതോർത്തു. അതെ അവൾ കരയുകയാണ് പക്ഷേ എന്തിന് . രുദ്രൻ്റെ മനസിൽ ഒരായിരം ചോദ്യങ്ങൾ ഉയർന്ന് വന്നു. അവൻ ആമിയുടെ അരികിലേക്ക് നടക്കാൻ നിന്നതും ആരുടേയോ കൊലുസിൻ്റെ ശബ്ദം കേട്ടതും ഒരുമിച്ചായിരുന്നു.

രുദ്രൻ വേഗം ഇരുട്ടിൻ്റെ മറവിലേക്ക് നീങ്ങി നിന്നു.ആമിയുടെ മുറിയുടെ വാതിൽ തുറന്ന് പുറത്തേക്ക് വരുന്ന ആളെ കണ്ട് രുദ്രൻ്റെ കണ്ണുകൾ വിടർന്നു. അതെ അയാൾ തന്നെ താൻ ഇത്ര നേരം കാണാൻ കൊതിച്ച മുഖം. അപർണ . അവളെ കണ്ടതും രുദ്രൻ്റെ മുഖത്ത് ഒരു പുഞ്ചിരി തെളിഞ്ഞു. അപ്പു വരുന്നത് കണ്ടതും ആമി അവൾ കാണാതെ വേഗം കണ്ണുകൾ തുടച്ചു. " ആമി .നീ എന്താ ഇവിടെ നിക്കണേ" അപ്പു കൈവരിക്ക് അടുത്തേക്ക് നടന്ന് വന്ന് കൊണ്ട് ചോദിച്ചു. " ഒന്നൂല്ല അപ്പു.ഉറക്കം വന്നില്ല .അതോണ്ട് ഇവിടെ വെറുതെ വന്ന് നിന്നതാ " അകലേക്ക് നോക്കി കൊണ്ട് ആമി പറഞ്ഞു. '' ഉം. നല്ല തണുപ്പ് ഉണ്ട്. ഇവിടെ ഒറ്റക്ക് നിൽക്കണ്ട. അകത്തേക്ക് വാ" അപ്പു ആമിയെ നോക്കി പറഞ്ഞു. " നീ ഇത്ര നേരമായിട്ടും ഉറങ്ങിയില്ലേ. സമയം ഒരുപാട് ആയല്ലോ " ആമി സംശയത്തോടെ ചോദിച്ചു. " അത്. അത് പിന്നെ എനിക്കും ഉറക്കം വന്നില്ല" " ഉം മനസിലായി രുദ്രേട്ടനെ കാണാത്തത് കൊണ്ട് അല്ലേ " ആമി കളിയാക്കി കൊണ്ട് ചോദിച്ചതും അപ്പുവിൻ്റെ മുഖത്ത് നാണം കലർന്ന ഒരു ചിരി തെളിഞ്ഞു.

അത് കണ്ട് രുദ്രൻ്റെ മുഖത്തേക്കും ആ ചിരി പടർന്നിരുന്നു. "വാ പോവാം " അപ്പു ആമിയുടെ കൈ പിടിച്ച് മുറിക്ക് അകത്തേക്ക് നടന്നു. വാതിലിനരികിൽ എത്തിയതും അപ്പുവിൻ്റെ കണ്ണുകൾ രുദ്രൻ്റെ മുറിയിലേക്ക് നീണ്ടു .വാതിൽ അടഞ്ഞ് കടക്കുകയാണ്. ദൂരെ നിന്നും ഒരു ഇളം കാറ്റ് അവളെ തഴുകി പോയി. ആ കാറ്റിൽ മുഴുവൻ രുദ്രൻ്റെ ഗന്ധം നിറഞ്ഞ് നിൽക്കുന്ന പോലെ അവൾക്കും തോന്നി. അപ്പു മുറിയിൽ കയറി കതക് അടക്കുന്ന വരെ രുദ്രൻ അവളെ തന്നെ നോക്കി നിന്നു. അവൾ പോയതും രുദ്രൻ നിരാശയോടെ തിരിഞ്ഞപ്പോൾ ഇതെല്ലാം കണ്ട് നിൽക്കുന്ന ആളെ കണ്ട് അവൻ ഒന്ന് ഞെട്ടി. " കാശിനാഥൻ" അവനെ കണ്ടതും രുദ്രൻ്റെ മുഖത്ത് ചെറിയ ഒരു പരിഭ്രമം നിറഞ്ഞു . "എന്താ ഇവിടെ പരിപാടി " ഇരു കൈകളും അരയിൽ കെട്ടി ഒരു കള്ള ചിരിയോടെ കാശി ചോദിച്ചു. " എയ് ഒന്നൂല്ല'' രുദ്രൻ ഒരു വളിച്ച ചിരിയാലെ പറഞ്ഞു. അവർ ഇരുവരും രണ്ടടി മുന്നോട്ട് നടന്ന് കൈവരിയിൽ പിടിച്ച് അകലേക്ക് നോക്കി നിന്നു.

" കാശി " കുറച്ച് നേരത്തെ നിശബ്ദത ഭേദിച്ച് കൊണ്ട് രുദ്രൻ വിളിച്ചു. കാശി എന്താ എന്ന രീതിയിൽ മുഖം ഉയർത്തി കൊണ്ട് രുദ്രനെ നോക്കി. " ആമിക്ക് എന്തെങ്കിലും പ്രശ്നങ്ങൾ ഉണ്ടോ " " ആവോ അറിയില്ല. ഞാൻ അവളെ ശ്രദ്ധിക്കാറു പോലും ഇല്ല . നീ എന്താ ഇപ്പോ ഇങ്ങനെ ചോദിക്കാൻ കാരണം " ''അത് ആ കുട്ടി രാത്രി ഇവിടെ ഒറ്റക്ക് നിന്ന് കരയുന്നത് കണ്ടു. അതു കൊണ്ട് ചോദിച്ചതാ" "അറിയില്ല. കോളേജിൽ വല്ല പ്രശ്നങ്ങളും ഉണ്ടാവും. നാളെ ഞാൻ അവളോട് ഒന്ന് സംസാരിക്കാം" " ഉം. എനിക്ക് നിന്നോട് മറ്റൊരു പ്രധാന കാരണം കൂടി പറയാൻ ഉണ്ട്. " "എന്താടാ " " അത് മറ്റൊന്നും അല്ല. ഗായത്രിയുടെ കാര്യം ആണ്.നിനക്ക് ഇപ്പോഴും അവളെ ഇഷ്ടമാണോ" രുദ്രൻ അകലേക്ക് നോക്കി കൊണ്ട് ചോദിച്ചു. അതിന് മറുപടിയായി കാശി ആദ്യം നിർവികാരമായി ഒന്ന് ചിരിച്ചു. " ഈ സ്നേഹം പിടിച്ച് വാങ്ങാൻ പറ്റുന്ന ഒന്ന് അല്ലലോ .ചെറുപ്പം മുതൽ മുത്തശ്ശിയും മുത്തശ്ശനും ഗായത്രി എൻ്റെതാണ് എന്ന് പറഞ്ഞ് പഠിപ്പിച്ച കാരണം അവളുടെ മുഖം മാത്രമേ എൻ്റെ മനസിൽ ഭാര്യയുടെ സ്ഥാനത്ത് ഉണ്ടായിരുന്നുള്ളു. പക്ഷേ അവൾക്ക് എന്നോട് ആ ഇഷ്ടം ഇല്ല എന്ന് മനസിലാക്കിയ ശേഷം ഞാൻ എൻ്റെ മനസിനെ പറഞ്ഞത് പഠിപ്പിച്ചു.

പക്ഷേ അവൾ മുന്നിൽ വരുന്ന ചില സമയങ്ങൾ എൻ്റെ മനസിൻ്റെ പിടി വിട്ട് പോവുകയാണ്. പക്ഷേ സാരില്ലാ. അവളുടെ സന്തോഷം മാത്രമാണ് എൻ്റെയും സന്തോഷം. അതു കൊണ്ട് എൻ്റെ സ്നേഹം എൻ്റെ മനസിൽ തന്നെ ഞാൻ കുഴിച്ച് മൂടി. പക്ഷേ അവൾ എന്നോട് കാണിക്കുന്ന അവഗണന എന്തോ എനിക്ക് സഹിക്കാൻ പറ്റുന്നില്ല" അത് പറയുമ്പോൾ കാശിയുടെ സ്വരവും ഇടറുന്നുണ്ടായിരുന്നു. അത് കേട്ടതും രുദ്രൻ ഇരു കൈകൾ കൊണ്ടും കാശിയെ പുണർന്നു. "നിന്നെ പോലെ ഈ ലോകത്ത് നീ മാത്രമേ ഉണ്ടാവുകയുള്ളു കാശി'' " ഉം. അത് ശരിയാ. എന്നേ പോലെ ഒരു കൂതറ ഞാൻ മാത്രമേ ഉണ്ടാവൂ, " അത് പറഞ്ഞതും രുദ്രനും കാശിയും ഒരുമിച്ച് ചിരിക്കാൻ തുടങ്ങി. * ''എടാ അല്ലു ആ കുന്തത്തിൽ ഇരുന്ന് തൊണ്ടി ഇരിക്കാതെ വന്ന് കിടക്കാൻ നോക്ക് " ഫോണിൽ കളിക്കുന്ന അലോക്കിനെ നോക്കി കൊണ്ട് യാദവ് പറഞ്ഞു. "നിക്കടാ ഒരു മിനിറ്റ് ഇപ്പോ കഴിയും" "അവനും അവൻ്റെ കോപ്പിലെ ഒരു "#@& " യാദവിൻ്റെ വായിൽ ഇരിക്കുന്നത് കേട്ടതും അലോക്ക് വേഗം ഫോൺ ഓഫ് ചെയ്യ്ത് ബെഡിൽ കിടന്നു.

"നാളെ അല്ലേടാ ഉത്സവം" അലോക്ക് ബെഡിൽ കിടക്കുന്ന യാദവിനെ നോക്കി കൊണ്ട് ചോദിച്ചു. " ഉം. നാളെ രാവിലെ ഒന്ന് അമ്പലത്തിൽ പോവാം" "പോവണം എങ്കിൽ പോവാം " അലോക്ക് പുതപ്പ് തലയിലൂടെ ഇട്ട് കൊണ്ട് പറഞ്ഞു. * " അപ്പുവേ എണീക്ക്, ആമി ചേച്ചി വേഗം എണീക്ക് ''അതിരാവിലെ തന്നെ ഗായത്രി അവരെ തട്ടി വിളിച്ചു. "എന്താടി " അപ്പു കണ്ണ് തിരുമി കൊണ്ട് ചോദിച്ചു. "ഇന്നലെ പറഞ്ഞത് നിങ്ങൾ രണ്ടു പേരും മറന്നോ. എട്ടൻ എണീക്കുന്നതിനു മുൻപേ കുളത്തിൽ പോയി കുളിക്കാം എന്ന് പറഞ്ഞ് " അത് കേട്ടതും അപ്പു പുതപ്പ് മാറ്റി ബെഡിൽ നിന്നും ചാടി എണീറ്റു. " കുളത്തിൽ പോവണോ ഗായു. ഇന്നലെ വൈകുന്നേരം പോവാൻ നിന്നപ്പോൾ രുദ്രേട്ടൻ വിലക്കിയതും, ആ ഭാഗത്തേക്ക് പോവണ്ട എന്ന് പറഞ്ഞതും മറന്നോ" " ഇങ്ങനെ പേടിക്കല്ലേ ആമി ചേച്ചി. എട്ടൻ എണീറ്റ്, ജോഗിങ്ങ് ഒക്കെ പോയി വരുമ്പോഴേക്കും നമ്മുക്ക് കുളിച്ചിട്ട് വരാം " "അതെ ആമി .വാ നമ്മുക്ക് പോയി വരാം വേഗം " ഗായുവിനൊപ്പം അപ്പുവും ആമിയെ നിർബന്ധിച്ചു. ആരും പുറത്ത് ഇല്ല എന്ന് ഉറപ്പ് വരുത്തി അവർ മൂന്നു പേരും കുളത്തിലേക്ക് ഓടി. * ''രുദ്രാ നീ റെഡിയായോ" കാശി ഷർട്ടിൻ്റെ കൈ മടക്കികൊണ്ട് രുദ്രനോട് ചോദിച്ചു ."

" ആ ദാ കഴിഞ്ഞു " പവിക്ക് ഫ്രോക്ക് ഇട്ടു കൊടുത്ത് കൊണ്ട് രുദ്രൻ പറഞ്ഞു. '' വേഗം 7 മണി ആവുമ്പോഴേക്കും അമ്പലത്തിൽ പൂജക്കുള്ള സാധനങ്ങൾ കൊണ്ടു കൊടുക്കാൻ ആണ് മുത്തശ്ശി പറഞ്ഞത് " " ഉം" പവിയുടെ തലയിൽ അമ്മായി കൊണ്ടു വന്ന് കൊടുത്ത മുല്ലപ്പൂ വച്ച് കൊണ്ട് രുദ്രൻ മൂളി. "എനിച്ച് അതും വച്ച് താ അച്ചേ " മേശക്ക് മുകളിൽ ഇരിക്കുന്ന മുല്ല പൂവിലേക്ക് ചൂണ്ടി പവി പറഞ്ഞു " " അത് അമ്മ മുടിയിൽ വച്ചോട്ടേ പൊന്നുസേ " രുദ്രൻ പറയുന്നത് കേട്ട് കാശി ഒന്ന് ആക്കി ചിരിച്ചു. ''എന്താടാ " രുദ്രൻ ദേഷ്യത്തോടെ ചോദിച്ചു " "ഒന്നുല്ല്യ. നീ വേഗം വാ ഞാൻ താഴേ നിൽക്കാം " കാശി താഴേക്ക് ഇറങ്ങി പോയി.പിന്നാലെ രുദ്രനും പവിയും നടന്നു. കുളത്തിൽ നിന്നും കുളിച്ച് കയറിയ ഗായത്രി കാശിയേയും അവൻ്റെ പിന്നിൽ വരുന്ന രുദ്രനേയും കണ്ട് ഞെട്ടി. " നിൽക്ക് ദാ എട്ടൻ വരുന്നു.അവർ എങ്ങോട്ടോ പോവാൻ നിൽക്കാ അവർ പോയിട്ട് മുകളിലേക്ക് പോവാം " ഗായത്രി അത് പറഞ്ഞതും അപ്പുവിൻ്റെ കണ്ണുകൾ രുദ്രനെ തിരഞ്ഞു. കറുപ്പ് നിറത്തിലുള്ള ഒരു ഫുൾ സ്ലീവ് ഷർട്ടിൻ്റെ കൈകൾ മടക്കി വച്ച് കൊണ്ട് വരുന്ന രുദ്രനെ അവൾ നോക്കി നിന്നു. ഇങ്ങേർക്ക് ഈ black & white വട്ട് തീർന്നില്ലേ.

അപ്പു രുദ്രൻ്റെ ഷർട്ട് കണ്ട് സ്വയം ഒന്ന് ആലോചിച്ചു. ഒരു കയ്യിൽ സ്വർണ്ണരെയുള്ള മുണ്ടിൻ്റെ അറ്റവും മറു കയ്യിൽ ഫോണുമായി നടന്ന് വരുന്ന രുദ്രൻ കാറിൽ കയറിയതും കാശി കാർ മുന്നോട്ട് എടുത്തു. അവരുടെ കാർ മുന്നോട്ട് കടന്ന് പോയതും അവർ മൂന്ന് പേരും മുറ്റത്തേക്ക് നടന്നു. ഗേറ്റ് കടന്ന് പോവുന്ന കാറിലെ മിററിലൂടെ പിന്നിലേക്ക് നോക്കിയ രുദ്രൻ കാണുന്നത് കുള പടവിൽ നിന്നും കയറി പോവുന്ന അപ്പുവിനെയാണ് "ടാ കാശി കാർ ഒന്ന് നിർത്തിയെ " ഡ്രൈവ് ചെയ്യുന്ന കാശിയെ നോക്കി പറഞ്ഞ് രുദ്രൻ കാറിൽ നിന്നും ഇറങ്ങി തിരിഞ്ഞ് വീട്ടിലേക്ക് നടന്നു. " അപർണ " രുദ്രൻ്റെ വിളി കേട്ടതും അപ്പു ഞെട്ടി നിന്നു. അപ്പോഴേക്കും ഗായത്രിയും ആമിയും വീടിനകത്ത് എത്തിയിരുന്നു........തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...