💞എൻ്റെ ആത്മസഖിക്ക്💞 ഭാഗം 55

എഴുത്തുകാരി: അപർണ അരവിന്ദ്

ഫോണിൽ നോക്കി നിൽക്കുന്ന അലോക്ക് തല ഉയർത്തി നോക്കുമ്പോൾ എതോ ഒരു യുവാവ് മുന്നിൽ നിൽക്കുന്ന രണ്ട് പെൺകുട്ടികളെ ശല്യം ചെയ്യുന്നതാണ് കണ്ടത്. ഫോൺ ഓഫ് ചെയ്യ്ത് പോക്കറ്റിൽ ഇട്ട് മുന്നോട്ട് നടക്കാൻ നിന്ന അലോക്ക് ആരുടേയോ ചവിട്ട് കൊണ്ട് തെറിച്ച് തനിക്ക് മുന്നിൽ വന്ന യുവാവിനെ ആണ് കണ്ടത്. "നിനക്ക് ഒക്കെ ഈ കാശിനാഥൻ്റെ കുടുബത്തിൽ തന്നെ കയറി കളിക്കണം അല്ലേടാ പന്ന@##*&&& " കാശി അയാളുടെ നെഞ്ചിൽ ചവിട്ടി കൊണ്ട് ദേഷ്യത്തോടെ അലറി. "അവർക്കില്ലാത്ത ചൊറിച്ചിൽ എന്തിനാടാ നിനക്ക് " അയാൾ കാശിയുടെ കാൽ തട്ടി മാറ്റി കൊണ്ട് ചോദിച്ചതും കാശി കോപം കൊണ്ട് വിറച്ചു. "ഇവരെ കുറിച്ച് ഇല്ലാത്തത് പറഞ്ഞാൽ നിൻ്റെ നാക്ക് ഞാൻ വെട്ടി അരിയും #₹@** മോനേ " അപ്പോഴേക്കും ചുറ്റുമുള്ളവരുടെ ശ്രദ്ധ ആ പെൺകുട്ടികളിൽ എത്തിയിരുന്നു.

അവരെ കണ്ടതും അലോക്ക് ഒന്ന് ഞെട്ടി.തനിക്ക് വളരെ പരിചിതമായ മുഖം. ഗായത്രി. കാശിയുടെ ആ രൗദ്രഭാവം ആമിയേയും ഗായത്രിയേയും ഭയപ്പെടുത്തിയിരുന്നു. " ആരെങ്കിലും എന്തെങ്കിലും പറഞ്ഞാൽ കണ്ണീര് ഒലിപ്പിച്ച് നിൽക്കാതെ പ്രതികരിക്കണം"കാശി അവരെ നോക്കി പറഞ്ഞു "വാടീ " കാശി ആമിയുടെയും ഗായത്രിയുടേയും കൈ പിടിച്ച് മുന്നോട്ട് നടന്നു. "എൻ്റെ കയ്യിൽ നിന്നും വിടെടോ " ഗായു കാശിയുടെ കൈകൾ തട്ടി എറിഞ്ഞു. "താൻ കുറേ നേരമായല്ലോ തുടങ്ങിയിട്ട്. എന്താ തൻ്റെ ഉദേശം." " നീ എന്താ ഗായത്രി ഈ പറയുന്നേ. എനിക്ക് ഒന്നും മനസിലാവുന്നില്ല" അത്ര നേരം ദേഷ്യം കൊണ്ട് വലിഞ്ഞ് മുറുകിയ കാശിയുടെ മുഖത്ത് പെട്ടെന്ന് ഒരു നിസ്സഹായ ഭാവമാണ് തെളിഞ്ഞത്. " ഞാൻ പിന്നെ എങ്ങനെ പറയണം. നിങ്ങളുടെ വിചാരം എന്താ. ഇങ്ങനെ ഇവിടെ കിടന്ന് ഇത്തരം പ്രഹസനങ്ങൾ കാണിച്ചാൽ ഞാൻ നിങ്ങളെ ഇഷ്ടപ്പെടും എന്നോ " " ഗായത്രി നീ ഇത് എന്ത" കാശിക്ക് വാക്കുകൾ പോലും കിട്ടിയില്ല. " ഞാൻ നിങ്ങളെ സ്നേഹിക്കണം അതല്ലേ നിൻ്റെ ആവശ്യം .

എന്നാൽ നിങ്ങൾ കേട്ടോ എനിക്ക് വേറെ ഒരാളെ ഇഷ്ടമാണ് " ഗായത്രി നേരെ അലോക്കിന് നേരെ വന്ന് അവൻ്റെ കൈ പിടിച്ച് കാശിക്കരികിലേക്ക് വന്നു. " ഞങ്ങൾ തമ്മിൽ ഇഷ്ടത്തിലാണ് .ഇയാളെ അല്ലാതെ മറ്റൊരാളെ ഞാൻ വിവാഹം കഴിക്കില്ല" ഗായത്രി പറയുന്നത് കേട്ട് അലോക്ക് ഞെട്ടി നിൽക്കുകയാണ്. "ടാ " ആ യുവാവ് അപ്പോഴേക്കും അയാളുടെ കൂടെ ഉള്ളവരെ കൂട്ടി വന്നിരുന്നു. അയാളിൽ ഒരാൾ കാശിയുടെ പുറത്ത് ആഞ്ഞ് ചവിട്ടിയതും കാശി താഴെ വീണു. "ടാ ഇനി ഇവിടെ നിൽക്കണ്ട നമ്മുക്ക് പോവാം " യാദവ് അലോക്കിൻ്റെ കൈ പിടിച്ച് വലിച്ച് കൊണ്ട് പോയി. കൺമുന്നിൽ നിന്നും ഗായത്രി മറയുന്നത് വരെ അലോക്ക് തിരിഞ്ഞ് നോക്കി കൊണ്ടാണ് നടന്ന് പോയത്. നിലത്ത് വീണ് കിടക്കുന്ന കാശിയെ ആ യുവാവിൻ്റെ ഒപ്പം വന്ന മറ്റാളുകൾ ചവിട്ടാൻ തുടങ്ങി.എന്നാൽ കാശി ഒന്ന് പ്രതികരിക്കുക പോലും ചെയ്യാതെ അവൻ അവിടെ തന്നെ കിടന്നു. " വിട് .കാശിയേട്ടാ " ആമി അവർക്കിടയിലേക്ക് തള്ളി മാറ്റി കൊണ്ട് കാശിയെ മടിയിൽ എടുത്തു വച്ചു.

കൂട്ടത്തിൽ ആമിക്കും ചെറിയ പരിക്കുകൾ പറ്റി. അപ്പോഴേക്കും രുദ്രനും ആദുവും അവിടേക്ക് എത്തിയിരുന്നു.അവർ ആ കൂട്ടാളികളെ പിടിച്ച് മാറ്റി. " കാശി " ആമിയുടെ മടിയിൽ നിന്നും രുദ്രൻ അവനെ എഴുന്നേൽപ്പിച്ചു. "എന്താ . എന്താ ഇവിടെ ഉണ്ടായത് " രുദ്രൻ ഒന്നും മനസിലാവാതെ ചോദിച്ചു. "അതൊക്കെ പിന്നെ പറയാം രുദ്രേട്ടാ.ഇപ്പോ കാശിയേട്ടനെ എതെങ്കിലും ഹോസ്പിറ്റലിൽ കൊണ്ടു പോവാം " ആമി കരഞ്ഞുകൊണ്ട് ആയിരുന്നു അത് പറഞ്ഞത്. "വാ കാശി " രുദ്രൻ അവനെ പിടിച്ചെഴുന്നേൽപ്പിച്ചു. " വേണ്ട ഞാൻ നടന്നോളം " രുദ്രൻ്റെ കൈവിട്ട് കാശി മുന്നോട്ട് നടക്കാൻ നിന്നതും പെട്ടെന്ന് വീഴാൻ പോയതും ആമി അവനെ പിടിച്ചു. "രുദ്രേട്ടാ വേഗം ഹോസ്പിറ്റലിൽ പോവാം " കാശിയെ താങ്ങി കൊണ്ട് ആമി പറഞ്ഞു. " വേണ്ട. എനിക്ക് വീട്ടിൽ പോയാൽ മതി" ഹോസ്പിറ്റലിൽ പോവണ്ട എന്ന് പറഞ്ഞ് കാശി വാശി പിടിച്ചു. കാശിയുടെ വാശി കാരണം ഹോസ്പിറ്റലിൽ പോവാതെ വീട്ടിലേക്കാണ് പോയത്.വീട്ടിൽ എത്തുമ്പോൾ നേരം കുറച്ച് വൈകിയതിനാൽ മുത്തശ്ശിയും മറ്റുള്ളവരും ഉറങ്ങിയിരുന്നു.

അപ്പു പതിയെ വാതിൽ തുറന്ന് അകത്ത് കയറി. കാശിയെ മുറിയിൽ കിടത്തി. കാശിയുടെ മുറിവിൽ എല്ലാം തന്നെ ആമിയാണ് മരുന്ന് വച്ച് കൊടുത്തത്. അപ്പോഴും ആമിയുടെ കണ്ണുകൾ നിറഞ്ഞൊഴുകിയിരുന്നു. " അവൻ കുറച്ച് നേരം റസ്റ്റ് എടുക്കട്ടെ. നിങ്ങൾ ഒക്കെ മുറിയിലേക്ക് പോയ്ക്കോ. ഞാൻ ഇവിടെ ഇരിക്കാം" ബെഡിനടുത്തുള്ള ചെയർ വലിച്ചിട്ടു കൊണ്ട് രുദ്രൻ ഇരുന്നു. "രുദ്രേട്ടാ ഞാൻ ഇവിടെ ഇരുന്നോളാം എട്ടൻ പൊയ്ക്കോള്ളൂ" ആമി രുദ്രനോടായി പറഞ്ഞു. "രുദ്രാ വാ, ഗായത്രി നീയും വാ" എന്തോ മനസിൽ കണക്ക് കൂട്ടി അപ്പു പറഞ്ഞു. രുദ്രനും, ഗായത്രിക്കും ഒന്നും മനസിലാവാതെ പുറത്തേക്ക് അപ്പുവിനൊപ്പം പോയതും ആമി കാശിയുടെ അരികിൽ ഇരുന്നു. " ആമി നീ എന്തിനാ വെറുതെ ഇവിടെ ഇരിക്കുന്നേ. നീയും മുറിയിലേക്ക് പോയ്ക്കോ" " ഞാൻ ഇവിടെ ഇരിക്കുന്നത് പോലും കാശിയേട്ടന് ഇഷ്ടമല്ലേ " ദേഷ്യവും സങ്കടവും കലർന്ന ആമിയുടെ ആ വാക്കുകളെ എതിർക്കാൻ കാശിക്കും കഴിഞ്ഞില്ല. " ഗായത്രി എന്താ അവിടെ ഉണ്ടായത് " രുദ്രൻ മുറിയിൽ എത്തിയതും ദേഷ്യത്തോടെ ഗായത്രിയോടായി ചോദിച്ചു. അപ്പോഴേക്കും ഉറങ്ങിയ പവിയെ ബെഡിൽ കിടത്തി കൊണ്ട് അപ്പുവും അവരുടെ അടുത്തേക്ക് വന്നിരുന്നു.

ഗായത്രി അവിടെ നടന്ന സംഭവങ്ങളെല്ലാം രുദ്രനോട് പറഞ്ഞു. " ഗായത്രി നീ എന്താ ഈ കാണിച്ചേ. കാശി അവൻ്റെ ഭാഗത്ത് നിന്ന് നിനക്ക് ഒന്ന് ആലോചിക്കാമായിരുന്നില്ലേ " രുദ്രൻ തലേ ദിവസം കാശി പറഞ്ഞ കാര്യങ്ങൾ എല്ലാം തന്നെ ഗായത്രിയോടായി പറഞ്ഞു. അത് കേട്ടതും ഗായത്രിയുടെ മനസിൽ കുറ്റബോധം നിറഞ്ഞിരുന്നു. "എൻ്റെ ഭഗവാനേ ഞാൻ ആ മനസിനെ എത്രത്തോളം വേദനിപ്പിച്ചു. ഞാൻ അറിയാതെ " ഗായത്രി കാശിയുടെ മുറിയിലേക്ക് തിരിഞ്ഞ് നടക്കാൻ നിന്നതും അപ്പു അവളെ തടഞ്ഞു . "നിങ്ങൾ അറിയാത്ത ചില കാര്യങ്ങൾ കൂടി ഇവിടെ നടക്കുന്നുണ്ട് " അപ്പു ചില കാര്യങ്ങൾ അവർ ഇരുവരോടുമായി പറഞ്ഞു. അപ്പു പറഞ്ഞ കാര്യങ്ങളോട് രുദ്രനും, ഗായുവും സമ്മതം അറിയിച്ചു.ശേഷം അവർ കാശിയുടെ മുറിയിലേക്ക് നടന്നു. " കാശി " രുദ്രൻ മുറിക്ക് അകത്തേക്ക് വന്നു .അവൻ്റെ പിന്നിലായി തന്നെ അപ്പുവും ഗായത്രിയും വന്നിരുന്നു. "ഇവൾക്ക് നിന്നോട് എന്തോ പറയാനുണ്ട് '' ഗായത്രിയെ കാശിയുടെ മുൻപിലേക്ക് നിർത്തി കൊണ്ട് രുദ്രൻ പറഞ്ഞു. " കാശിയേട്ടാ സോറി. ഞാൻ ഒന്നും അറിയാതെ എന്തോക്കെയോ പറഞ്ഞു. എട്ടൻ എന്നോട് ക്ഷമിക്കണം'' "അതിൻ്റെ ആവശ്യം ഒന്നും ഇല്ല ഗായത്രി.

ഞാൻ നിന്നെ സ്നേഹിച്ചു എന്നുള്ളത് ശരിയാണ്. പക്ഷേ ആ സ്നേഹം നിനക്ക് എന്നോട് ഇല്ല എന്ന് മനസിലാക്കിയ ശേഷം ഞാൻ എൻ്റെ സ്നേഹവും ഉപേക്ഷിച്ചു ." " അപ്പോ കാര്യങ്ങൾ ഒക്കെ കോംപർമയ്സ് ആയില്ലേ.ഇനി എനിക്ക് മറ്റൊരു കാര്യം പറയാൻ ഉണ്ട്" രുദ്രൻ പറയുന്നത് എന്താണെന്ന് ഒന്നും മനസിലാവാതെ ഇരിക്കുകയാണ് കാശിയും, ആമിയും . "നിന്നെ ഇനി ഇങ്ങനെ കയറില്ലാതെ നടക്കണ്ട. അത് കൊണ്ട് നിന്നെ പിടിച്ച് കെട്ടിക്കാൻ തിരുമാനിച്ചു " രുദ്രൻ്റെ ആ വാക്കുകൾ ആമിയുടെ ഹൃദയത്തിൽ ആണ് കൊണ്ടത് . താൻ ഒരിക്കലും കേൾക്കാൻ ആഗ്രഹിക്കാത്ത വാർത്ത.ഗായത്രി, കാശിനാഥൻ വിവാഹം .നിറഞ്ഞ് തുളുമ്പിയ കണ്ണുകൾ നിയന്ത്രണം വിട്ട് ഒഴുകാതിരിക്കാനായി അവൾ വേഗം എഴുന്നേറ്റ് പുറത്തേക്ക് പോവാൻ ആയി എഴുന്നേറ്റൂ. " ആമി" എഴുന്നേറ്റ് പുറത്തേക്ക് പോവാനായി നിന്ന അവളെ രുദ്രൻ പുറകെ നിന്ന് വിളിച്ചു. " കാശിയുടെ പ്രതിശ്രുത വധുവിനെ നിനക്ക് അറിയണ്ടേ " കണ്ണുനീർ ഒഴുകാതിരിക്കാൻ ആമി വളരെയധികം പാട് പ്പെട്ടു.മുഖത്ത് ഒരു പുഞ്ചിരി വരുത്താനും അവൾ ശ്രമിച്ചു.

" കാശിനാഥൻ weads ആത്മിക " അത് കേട്ടതും കാശിയും, ആമിയും ഒരുമിച്ച് ഞെട്ടി. " രുദ്രാ " കാശി ഒന്നും മനസിലാവാതെ വിളിച്ചു. "അതെടാ.ഈ നാട്ടിലുള്ള ആളുകളുടെ പ്രശ്നങ്ങൾ അവർ പറയാതെ പോലും പരിഹരിക്കുന്ന നിനക്ക് സ്വന്തം വീട്ടിലെ ആളുടെ മനസ് അറിയാൻ കഴിഞ്ഞില്ലലോ " " നീ എന്തൊക്കെയാ രുദ്രാ ഈ പറയുന്നേ" "അതെ കാശിയേട്ടാ. എട്ടൻ പോലുമറിയാതെ ആമി എട്ടനെ സ്നേഹിച്ചിരുന്നു. അല്ലേ ആമി" അപ്പു ആമിയെ നോക്കി ചോദിച്ചു. മറുപടി പറയാതെ എല്ലാവരേയും അത്ഭുതത്തോടെ നിൽക്കുകയാണ് ആമി. "ഇനി നിങ്ങൾ അവരുടെ ഇടയിലെ കുറുമ്പ് ആവണ്ട. കാര്യങ്ങൾ ആമി ചേച്ചി തന്നെ പറഞ്ഞോളും " ഗായത്രി രുദ്രനേയും അപ്പുവിനെയും വിളിച്ച് മുറിക്ക് പുറത്തേക്ക് ഇറങ്ങി.....തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...