💞എൻ്റെ ആത്മസഖിക്ക്💞 ഭാഗം 56

എഴുത്തുകാരി: അപർണ അരവിന്ദ്

"അപ്പു ഇനി ആമി ചേച്ചി എപ്പോഴാ മുറിയിലേക്ക് വരുക എന്ന് അറിയില്ല. അതു കൊണ്ട് ഇന്ന് നീ എൻ്റെ ഒപ്പം കിടക്കുമോ പ്ലീസ്" ഗായു കൊഞ്ചി കൊണ്ട് ചോദിച്ചു. "അതിനെന്താ ഞാൻ വരാലോ " രുദ്രനെ ഒന്ന് നോക്കിയ ശേഷം അപ്പു ഗായുവിൻ്റെ കൈയ്യും പിടിച്ച് ആമിയുടെ മുറിയിലേക്ക് നടന്നു. എന്നാൽ അപ്പു പോവുന്നത് നോക്കി നിരാശയോടെ നിൽക്കാനെ രുദ്രന് കഴിഞ്ഞിരുന്നുള്ളു. "ഡീ നീ അവിടെ വച്ച് ആരെയോ ഇഷ്ടമാണ് എന്ന് പറഞ്ഞില്ലേ അത് ആരാ " ആമിയുടെ ബെഡിൽ കിടന്ന് കൊണ്ട് അപ്പു ചോദിച്ചു. " അത് ഞാൻ നിന്നോട് പറയാറില്ലേ ഒരു കാട്ടു മാക്കാനെ കുറിച്ച് അയാളാ അത് " " അപ്പോ അതാണോ നിൻ്റെ അലോക്ക് സാർ" അപ്പു ഒരു പ്രത്യേക ഈണത്തിൽ ചോദിച്ചതും ഗായത്രി ഒരു പില്ലോ എടുത്ത് അപ്പുവിൻ്റെ നേർക്ക് എറിഞ്ഞു. "എന്താടി നിൻ്റെ മുഖത്ത് ഇത് വരെ കാണാത്ത നാണം ഒക്കെ. ഇനി ശരിക്കും നിനക്ക് അയാളെ ഇഷ്ടമാണോ. നിൻ്റെ അലോക്ക് സാറിനെ " തലയണ ക്യാച്ച് ചെയ്യ്തു കൊണ്ട് അപ്പു ചോദിച്ചു.

"ഓഹ് പിന്നെ പ്രേമിക്കാൻ പറ്റിയ ഒരു ചളുക്ക്. നീ പോയി ഉറങ്ങാൻ നോക്കിയെ അപ്പു " ലൈറ്റ് ഓഫ് ചെയ്യ്ത് കൊണ്ട് ഗായത്രി പറഞ്ഞു. ബെഡിൽ വന്ന് കിടന്ന് അവൾ പുതപ്പ് തലക്കു മീതെ ഇട്ട് ഉറങ്ങാനായി കണ്ണടച്ചതും കൺമുന്നിൽ അലോക്കിൻ്റെ മുഖം മിന്നിമറഞ്ഞു. എൻ്റെ ഭഗവാനെ ഉറക്കത്തിൽ പോലും ഇയാളുടെ മുഖം ആണല്ലോ കാണുന്നേ. ഗായത്രിയുടെ മനസിലൂടെ രാവിലെത്തെ സംഭവങ്ങൾ കടന്നു പോയതും അവളുടെ മുഖത്ത് ഒരു ചിരി തെളിഞ്ഞിരുന്നു. * ''എതാടാ ആ പെണ്ണ് " ബെഡിൽ ഫോൺ നോക്കി ഇരിക്കുന്ന അലോക്കിനോടായി യാദവ് ചോദിച്ചു. "എത് പെണ്ണ് " ഫോണിൽ നിന്നും തല ഉയർത്താതെ അവൻ ചോദിച്ചു. " നീ വെറുതെ അഭിനയിക്കാതെ പറയടാ@&₹##" "ഓഹ് അവൾ .അത് കോളേജിലെ എൻ്റെ സ്റ്റുഡൻ്റ് ആണ്". " അവൾ എന്തിനാ നിന്നെ ഇഷ്ടമാണെന്ന് പറഞ്ഞത് " " അത് അറിയില്ല. ഒന്നും ചോദിക്കാൻ ഉള്ള ഒരു സാവകാശം തരാതെ നീ എന്നേ പിടിച്ച് വലിച്ച് കൊണ്ടു വന്നില്ലേ "

"പിന്നെ ഞാൻ എന്ത് ചെയ്യണം. ആ കാശിയുടെ സ്വഭാവം നിനക്ക് അറിയാഞ്ഞിട്ടാ " "എന്താടാ നിനക്ക് അവനെ പേടിയാണോ " അലോക്ക് യാദവിനെ കളിയാക്കി കൊണ്ട് ചോദിച്ചു. "പേടിയോ എനിക്കോ. പിന്നെ അതൊന്നും അല്ല. ഇനി ഭാവിയിൽ അളിയാ എന്ന് വിളിക്കേണ്ട ആൾ അല്ലേ അതോണ്ട് ഒരു പ്രശ്നത്തിന് പോവണ്ട എന്ന് കരുതി " യാദവ് പറഞ്ഞതിൻ്റെ അർത്ഥം അലോക്കിന് മനസിലായില്ല. ''എടാ അത് ആലിയയുടെ എട്ടൻ ആണ്. കാശി. കാശിനാഥൻ" " അപ്പോ നിനക്ക് അവളെ ശരിക്കും ഇഷ്ടമാണോ" "അതെ " പ്രത്യേകിച്ച് ഭാവവ്യത്യസങ്ങൾ ഒന്നും ഇല്ലാതെ യാദവ് പറഞ്ഞു. " അപ്പോ അന്ന് അവള് പ്രൊപ്പോസ് ചെയ്യ്തപ്പോ എന്തിനാ നീ അവളെ തല്ലിയത് " " അത് .അത് പിന്നെ അവൾക്ക് കുറച്ച് അഹങ്കാരവും, ഒരെല്ല് കൂടുതലും ആണ് അത് ഒന്ന് കുറക്കാനും, പിന്നെ അവളുടെ സ്നേഹം സത്യമാണോ എന്ന് ടെസ്റ്റ് ചെയ്യാനും വേണ്ടി ചെയ്യ്തതാ " " എന്നിട്ട് " അലോക്ക് ആകാംഷയോടെ ചോദിച്ചു. '' എന്നിട്ട് എന്താവാൻ അവളുടെ സ്നേഹം സത്യമാണ് എന്ന് മനസിലായി.

ഇനി അധികം വൈകാതെ പപ്പയെ കല്യാണ ആലോചനക്കായി അവളുടെ വീട്ടിലേക്ക് പറഞ്ഞത് വിടണം" " ഉം " അലോക്ക് ഒന്ന് അമർത്തി മൂളി കൊണ്ട് വീണ്ടും ഫോണിൽ കളിക്കാൻ തുടങ്ങി. * "എന്താ ആമി നീ എന്നോട് ഒന്നും പറയാതിരുന്നത് " തൻ്റെ തോളിൽ തല വച്ച് കിടക്കുന്ന ആമിയുടെ നെറുകയിൽ തലോടി കൊണ്ട് കാശി ചോദിച്ചു. "എനിക്ക് പേടിയായിരുന്നു കാശിയേട്ടാ. ഞാൻ ഒരു കാര്യം ചോദിച്ചാ എട്ടൻ സത്യം പറയുമോ " ആമി തലതിരിച്ച് കാശിയുടെ മുഖത്തേക്ക് നോക്കി ചോദിച്ചു. "എന്താടി " " അത്. അത് പിന്നെ എട്ടന് ശരിക്കും എന്നേ ഇഷ്ടമാണോ. അതോ ഞാൻ എട്ടനെ ഇഷ്ടപ്പെടുന്ന കാരണം ഉള്ള ഒരു അഡ്ജസ്റ്റ്മെൻ്റ് മാത്രമാണോ " " നീ എന്താ ആമി ഈ പറയണേ. നിൻ്റെ സ്നേഹം കണ്ടില്ല എന്ന് നടിക്കാൻ മാത്രം അത്ര വലിയ ദുഷ്ടനാണോ ഞാൻ" അത് കേട്ടതും അവൾ അല്ല എന്ന രീതിയിൽ തലയാട്ടി. അവളുടെ കണ്ണിൽ നിന്നും കണ്ണീർ ഒഴുകി'' കാശിയുടെ കൈയ്യിൽ ചെന്ന് വീണു. ''നീ എന്താ വീണ്ടും കരയുകയാണോ പെണ്ണേ.

ഇനി നിൻ്റെ ഈ കണ്ണ് നിറയാൻ ഞാൻ അനുവദിക്കില്ല'' ആമിയുടെ കണ്ണീർ തുടച്ച് കൊണ്ട് കാശി പറഞ്ഞു. ഒപ്പം അവളുടെ നെറുകയിൽ ഒരു സ്നേഹ മുദ്രണം പതിപ്പിച്ചു. * രാവിലെ എഴുന്നേറ്റ രുദ്രൻ കുളിച്ച് കണ്ണാടിക്ക് മുന്നിൽ നിൽക്കുന്ന അപ്പുവിനെയാണ് കാണുന്നത്. ചുറ്റും നോക്കി അവിടെ പവി ഇല്ല എന്ന് ഉറപ്പാക്കിയ ശേഷം രുദ്രൻ പതിയെ ബെഡിൽ നിന്നും എണീറ്റ് അപ്പുവിൻ്റെ അരികിലേക്ക് നടന്നു. "പാറു " അപ്പുവിൻ്റെ അരയിലൂടെ കൈയ്യിട്ട് തന്നോട് ചേർത്ത് അവളുടെ കാതിൽ ആർദ്രമായി വിളിച്ചു. "പാറുവോ " അപ്പു സംശയത്തോടെ കണ്ണാടിയിലെ രുദ്രൻ്റെ മുഖത്തേക്ക് നോക്കി കൊണ്ട് ചോദിച്ചു . "നിനക്ക് എന്താ ചെവി കേട്ടൂടെ " "എനിക്ക് ചെവി ഒക്കെ കേൾക്കാം.പക്ഷേ ഞാൻ അപ്പു ആണ് പാറു അല്ല " കണ്ണാടിയിലെ രുദ്രനെ നോക്കി കൊണ്ട് അപ്പു പറഞ്ഞു. " ആണോ" അപ്പുവിനെ തനിക്ക് നേരെ തിരിച്ച് നിർത്തി കൊണ്ട് രുദ്രൻ ചോദിച്ചു. "അതെ " ഇടുപ്പിൽ പിടിച്ചിരിക്കുന്ന രുദ്രൻ്റെ കൈകൾ തട്ടി മാറ്റി കൊണ്ട് പറഞ്ഞ് അപ്പു മുന്നോട്ട് നടന്നു.

"അങ്ങനെ അങ്ങ് പോയാലോ" രുദ്രൻ അപ്പുവിൻ്റെ കൈകൾ പിടിച്ചു കൊണ്ട് പറഞ്ഞു. "ആരാ പാറു " അപ്പു ദേഷ്യത്തോടെ ചോദിച്ചു. " പറയണോ" '' ഉം " " അല്ലെങ്കിൽ വേണ്ട " രുദ്രൻ മുഖം തിരിച്ച് കൊണ്ട് പറഞ്ഞു. "മനുഷ്യനെ വെറുതെ കളിയാക്കാതെ നിങ്ങൾ പറയുന്നുണ്ടോ." " അത് .അത് എൻ്റെ ഈ പ്രിയപ്പെട്ട ഭാര്യ തന്നെയാണ് " അപ്പുവിൻ്റെ താടിയിൽ പിടിച്ച് കൊണ്ട് രുദ്രൻ പറഞ്ഞു. " ഞാനോ " പിന്നെ നീ അല്ലാതെ എനിക്ക് വേറെ എത്ര ഭാര്യമാർ ഉണ്ട് ." " ആവോ എനിക്ക് എങ്ങനെയാ അറിയാ നിങ്ങൾക്ക് എത്ര ഭാര്യമാർ ഉണ്ട് എന്ന് " അപ്പു ദേഷ്യത്തോടെ പറഞ്ഞ് തിരിഞ്ഞു. "ടീ" രുദ്രൻ അപ്പുവിനെ ചുമരിനോട് ചേർത്ത് നിർത്തി. "നിനക്ക് അറിയണ്ടേ എനിക്ക് എത്ര ഭാര്യമാർ ഉണ്ട് എന്ന് " രുദ്രൻ തൻ്റെ മുഖം അപ്പുവിൻ്റെ മുഖത്തോട് അടുപ്പിച്ചു . അപ്പുവിൻ്റെയും രുദ്രെൻ്റെയും ഇടയിലുള്ള അകലം കുറഞ്ഞ് വന്നു . "അമ്മേ " പവിയുടെ ശബ്ദം പുറത്ത് നിന്ന് കേട്ടതും രുദ്രൻ അപ്പുവിനരികിൽ നിന്നും അകന്ന് മാറി നിന്നു. "അമ്മേ നമ്മള് വീട്ടിച്ച് പോവാറായില്ലേ.ഗായു ഒക്കെ ഡ്രസ്സ് മാറി. എനിച്ചും ഉടുപ്പ് ഇട്ട് താ" "എൻ്റെ പവി നിന്നെ കൊണ്ട് ഞാൻ തോറ്റു " രുദ്രൻ പവിയെ ബെഡിൽ കയറ്റി നിർത്തി കൊണ്ട് പറഞ്ഞു.

" നീ നാഴികക്ക് നാൽപത്ത് വട്ടവും വാവയെ വേണം വാവയെ വേണം എന്നല്ലേ പറഞ്ഞത് നടക്കുന്നേ .എന്നിട്ട് ആ നീ തന്നെ കട്ടുറുമ്പായി വന്നോ " പവിക്ക് ഉടുപ്പ് ഇട്ടു കൊടുത്ത് കൊണ്ട് രുദ്രൻ പറഞ്ഞു. " കുട്ടിയുടെ അടുത്താണോ ഈ മാതിരി വർത്താനം പറയുന്നേ " രുദ്രനെ തുറിച്ച് നോക്കി കൊണ്ട് അപ്പു പറഞ്ഞു. " എട്ടാ ഞാൻ റെഡി" അപ്പോഴേക്കും പവിയും അവിടെ എത്തി. * രുദ്രനെയും, അപ്പുവിനേയും, ഗായുവിനേയും ,പവിയേയും യാത്രയാക്കാൻ വീട്ടിലേ എല്ലാ വരും മുറ്റത്തേക്ക് വന്നിരുന്നു. "ദാ ഇവള് ഹോസ്റ്റലിലേക്ക് പോയാൽ നീ അങ്ങോട്ട് വന്നേക്കണം. ഇനി ജോലിയും കൂലിയും ഇല്ലാതെ വെറുതെ നടക്കണ്ട." രുദ്രൻ കാശിയുടെ തോളിൽ തട്ടി കൊണ്ട് പറഞ്ഞു. ശേഷം അവർ തിരിച്ച് വീട്ടിലേക്ക് മടങ്ങി. " എട്ടാ ബോർ അടിക്കുന്നു. ഒരു പാട്ട് വച്ചേ: ഗായത്രി രുദ്രനെ നോക്കി പറഞ്ഞു ★ആത്മാവിലെ ആനന്ദമേ, ആരാരും അറിയാതെ കാക്കുന്നു ഞാൻ.. ആളുന്നൊരെ തീനാളമായ് അലയുന്നോരെരിവേനൽ പ്രണയാർദ്രമെൻ നീ എൻ നെഞ്ചിൽ പൊൻവാതിൽ മിന്നുന്നൊരഴകാർന്നു ഒരലിവിന്റെ ഉയിരാകുമോ? നീ കനിവായി തെളിയുന്നൊരാകാശച്ചെരുവിൽ ഞാൻ അലയുന്നൊരലയായിടാം കാണാക്കിനാവിൻ കണിയാകുമോ നീ കാണുംനിലാവിൽ മായാതെ മാഞ്ഞോ...★ രുദ്രൻ FM ഓൺ ചെയ്യ്തു. പാട്ടിനിടയിൽ രുദ്രൻ്റെ കണ്ണുകൾ അപ്പുവിനെ മിററിലൂടെ നോക്കിയിരുന്നു. ഇത് മനസിലാക്കിയ അപ്പുവിൻ്റെ ചുണ്ടിലും ഒരു പുഞ്ചിരി തെളിഞ്ഞു. ....തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...