💞എൻ്റെ ആത്മസഖിക്ക്💞 ഭാഗം 60

എഴുത്തുകാരി: അപർണ അരവിന്ദ്

" രുദ്രാ ഒന്ന് പറഞ്ഞ് താ എന്താ അവര് പറഞ്ഞേ " "നിനക്ക് എല്ലാം അറിയാ എന്നല്ലേ പറഞ്ഞേ. നീ സ്വയം കണ്ടു പിടിക്ക് " "എനിക്ക് അറിയാത്തോണ്ട് അല്ലേ ചോദിക്കുന്നേ " അപ്പുവും രുദ്രനും തമ്മിൽ തർക്കം തുടങ്ങി. ഒന്നും മനസിലാവാതെ പവി രുദ്രനേയും അപ്പുവിനേയും മാറി മാറി നോക്കുന്നുണ്ട്. '' ഒന്ന് നിർത്തോ അച്ചേ.'' പവി പറഞ്ഞതും രുദ്രൻ സംസാരം നിർത്തി അപ്പോഴും അപ്പു കലപില പറഞ്ഞു കൊണ്ടിരിക്കുകയാണ്. "അമ്മയോട് ഞാൻ വർത്താനം നിർത്താൻ ഇനി ബേറെ പറയനോ " പവി ഗൗരവത്തോടെ അരയിൽ കൈ കുത്തി കൊണ്ട് ചോദിച്ചു. "എന്താ അച്ഛടെ മുത്തിന് വേണ്ടേ " രുദ്രൻ പവിയുടെ അടുത്തേക്ക് നടന്നു വന്നതും അപ്പു അവനെ തട്ടി മാറ്റി പവിയുടെ അരികിലേക്ക് നടന്നു. "അമ്മടെ പൊന്നിന് എന്താ വേണ്ടേ "അപ്പു പവിയോട് ചോദിച്ചു. " ഞാൻ അല്ലേ ആദ്യം ചോദിച്ചേ അപ്പോ എന്നോട് പറഞ്ഞാ മതി" രുദ്രൻ " പറ്റില്ല .ഞാൻ അല്ലേ ഇവളുടെ അമ്മ അപ്പോ എന്നോട് പറഞ്ഞാ മതി" അപ്പു. " പറ്റില്ല. എന്നോട് പറ പവി"

" നീ ഒന്ന് മാറി നിന്നേ ഞാൻ ചോദിക്കാ.അച്ഛയോട് പറ എന്താ വേണ്ടേ " "ഒന്ന് നിർത്തോ നിങ്ങള്. എനിച്ച് ദേശ്യം ബരുന്നുണ്ട്. " പവി ബെഡിൽ ഇരുന്ന് കൊണ്ട് പറഞ്ഞു. "എനിച്ച് ആരെങ്കിലും ഒന്ന് ഉടുപ്പ് മാറ്റി തരോ.എനിച്ച് ഒറക്കം ബരി ണ്ട് " പവി ദേഷ്യത്തോടെ പറഞ്ഞതും അപ്പു അവളെയും എടുത്ത് ബാത്ത് റൂമിലേക്ക് നടന്നു. അവളെ കുളിപ്പിച്ച് ഡ്രസ്സ് മാറ്റി അപ്പു ഉറക്കാൻ കിടത്തി. യാത്രാ ക്ഷീണം കാരണം പവി വേഗം ഉറങ്ങിയിരുന്നു. "രുദ്രാ " പവിയെ ഉറക്കിയ ശേഷം അപ്പു രുദ്രനരികിലേക്ക് വന്നു. ലാപ് ടോപ്പിൽ വർക്ക് ചെയ്യുന്ന രുദ്രൻ അപ്പുവിൻ്റെ വിളി കേട്ടതും തല ഉയർത്തി നോക്കി. "തിരക്കിൽ ആണോ" അവൻ്റെ അരികിൽ ഇരുന്ന് കൊണ്ട് അപ്പു ചോദിച്ചു. " ഉം. ഓഫീസിലെ കുറച്ച് മെയിൽസ് ചെക്ക് ചെയ്യാൻ ഉണ്ട്. എന്താ " " അത്. അത് പിന്നെ അതിൻ്റെ അർത്ഥം" "എന്തിൻ്റെ അർത്ഥം " മനസിലാവാത്ത പോലെ രുദ്രൻ നെറ്റി ചുളിച്ച് കൊണ്ട് ചോദിച്ചു. " അത് അവര് ഹിന്ദിയിൽ പറഞ്ഞത് " "ഓഹ് അതോ. അതിൻ്റെ മീനിങ്ങ് ഞാൻ നിനക്ക് പറഞ്ഞ് തരണം അല്ലേ "

രുദ്രൻ ഒരു പ്രത്യേക ഈണത്തിൽ ചോദിച്ചു. " ഉം " അപ്പു ചിരിച്ച് കൊണ്ട് തലയാട്ടി പറഞ്ഞ്. "അതിൻ്റെ മീനിങ്ങ് എന്താ എന്ന് വച്ചാല് അത് അത് ഞാൻ പറഞ്ഞത് തരില്ല " " പ്ലീസ് രുദ്രാ ഒന്ന് പറ" " പറയാം പക്ഷേ ഞാൻ പറയുന്നത് നീ അനുസരിക്കണം പറ്റുമോ " " ആ അനുസരിക്കാം." " എന്നാ എന്നേ സ്നേഹത്തോടെ എട്ടാ എന്ന് വിളിക്ക് " " എന്തിന്'' അപ്പു ചെയറിൽ നിന്ന് എഴുന്നേറ്റ് കൊണ്ട് ചോദിച്ചു. ''എന്തിനാ എന്നോ. നിൻ്റെ നാട്ടിൽ ഒക്കെ ഹസ്ബെന്റിനെ പേര് ആണോ വിളിക്കുക " "അല്ല " "എന്നാൽ സ്നേഹത്തോടെ ഒന്ന് എട്ടാ വിളിക്ക് " " വിളിച്ചാൽ അത് പറഞ്ഞ് തരോ " " ഉം. ആലോചിക്കാം" " എന്നാൽ വിളിക്കട്ടെ " "മം കേൾക്കട്ടെ" രുദ്രൻ ലാപ്ടോപ്പ് അടച്ചു വച്ചു കൊണ്ട് പറഞ്ഞു. "രു... രുദ്രേ... അല്ലെങ്കിൽ വേണ്ടാ .ദേവേട്ടാ.... " " ഉം കേൾക്കാൻ നല്ല രസം ഉണ്ട്. ഇനി നീ പോയി കിടന്നോ " " എയ് അത് പറ്റില്ല. എട്ടാ എന്ന് വിളിച്ചാ അർത്ഥം പറഞ്ഞ് തരാ പറഞ്ഞിട്ട് '' "ഓഹ് ഞാൻ ആ കാര്യം മറന്നു. എനിക്ക് എന്തോ തൊണ്ടക്ക് ഒരു സുഖമില്ല. മോള് പോയി എട്ടന് ഒരു ഗ്ലാസ്സ് വെള്ളം എടുത്തിട്ട് വാ "

രുദ്രൻ ലാപ്ടോപ്പ് തുറന്ന് വർക്ക് ചെയ്യാൻ തുടങ്ങി. രുദ്രൻ പറഞ്ഞത് കേട്ട പാതി കേൾക്കാത്ത പാതി മുറി തുറന്ന് പുറത്തേക്ക് ഓടി. പക്ഷേ പുറത്തേക്ക് വന്നതിന് ശേഷമാണ് അടുക്കള എവിടേയാണ് എന്ന് അറിയില്ല എന്ന് ഓർത്തത്. എൻ്റെ മഹാദേവാ ഇത്രയും വലിയ വീട്ടിലെ അടുക്കള ഞാൻ എങ്ങനെയാ കണ്ടു പിടിക്കുക. അപ്പു ഓരോ മുറികൾ കയറി ഇറങ്ങി അവസാനം അടുക്കള കണ്ടു പിടിച്ചു. ഫ്രിഡ്ജിൽ നിന്നും അവൾ ഒരു ബോട്ടിൽ എടുത്തു. ഇനി ഗ്ലാസ് എവിടെ നിന്ന് കിട്ടും. അപ്പു കിച്ചൺ മൊത്തം അടിച്ച് പെറുക്കി നോക്കാൻ തുടങ്ങി. " എൻ്റെ ഹെൽപ്പ് വല്ലതും വേണോ " പിന്നിൽ നിന്നുള്ള ശബ്ദം കേട്ട് അപ്പുവിൻ്റെ മനസിൽ ഒരായിരം ലഡു ഒരുമിച്ച് പൊട്ടി. "മലയാളം " അപ്പു ആകാംഷയോടെ തിരിഞ്ഞ് നോക്കി. "മലയാളി ആണോ" "അതെ ഞാൻ മലയാളിയാ. എന്താ വേണ്ടത് ഞാൻ എടുത്ത് തരാം" " ഗ്ലാസ്സ്'' ആ പെൺകുട്ടി കബോഡിൽ നിന്നും ഒരു ഗ്ലാസ്സ് എടുത്ത് അപ്പുവിന് നേരെ നീട്ടി. "പേര് എന്താ " ഗ്ലാസ് വാങ്ങി കൊണ്ട് അപ്പു ചോദിച്ചു. "അർച്ചന. വയനാട്ടുക്കാരിയാണ് ട്ടോ "

അർച്ചന ആ പേര് കേട്ടതും അപർണയുടെ മുഖം മങ്ങി. "എൻ്റെ ചേച്ചിയുടെ പേര് അർച്ചന എന്നാണ് " " ആണോ. ചേച്ചി എവിടെ ? എന്ത് ചെയ്യുന്നു'' ആ പെൺകുട്ടി ആകാംഷയോടെ ചോദിച്ചു. " അത് .അത് പിന്നെ ചേച്ചി മരിച്ചു. " " Oh sorry. I am really sorry. തനിക്ക് problem ഇല്ലെങ്കിൽ എന്നേ അപർണ ചേച്ചിയായി കണ്ടോള്ളൂ ട്ടോ " ആ പെൺകുട്ടിയുടെ സംസാരം അപ്പുവിൽ എന്തോ ആശ്വാസം ഉണ്ടാക്കി. "വയനാട്ടിൽ ഉള്ള ചേച്ചി എങ്ങനെ ഇവിടെ എത്തി " അപ്പു സംശയത്തോടെ ചോദിച്ചു. " ഞാൻ LLB ചെയ്യാൻ മുബെയ്യിൽ വന്നതാണ്. ഇവിടെ വച്ച് ആണ് ഞാൻ ലക്ഷിനെ കാണുന്നത്.അതായത് എൻ്റെ ഹസ്ബൻ്റിനെ. അങ്ങനെ ചെറിയ ഒരു ഇഷ്ടം തുടങ്ങി. പിന്നെ കുറച്ച് കാലം കഴിഞ്ഞപ്പോൾ ആ ഇഷ്ടവും വലുതായി.അങ്ങനെ വിട്ടുക്കാരുടെ സമ്മതത്തോടെ മാരേജും കഴിഞ്ഞു. "അർച്ചന " ആരോ ഉറക്കെ വിളിച്ചു. " ആള് വിളിക്കുന്നുണ്ട്.

നമ്മുക്ക് നാളെ വിശദമായി പരിചയപ്പെടാം ." അവൾ പുറത്തേക്ക് നടന്നു. "എൻ്റെ മഹാദേവാ നീ എന്നേ വീണ്ടും കാത്തു. ഭാഗ്യം ഒരു മലയാളിയെ എങ്കിലും കണ്ടു ലോ" അപ്പു ഗ്ലസിൽ വെള്ളം എടുത്ത് മുറിയിലേക്ക് നടന്നു. "ദാ വെള്ളം ഇനി പറ" "ഒരു മിനിറ്റ് ഞാൻ ഈ വെള്ളം ഒന്ന് കുടിച്ചോട്ടെ" രുദ്രൻ ഗ്ലാസ് വാങ്ങി അതിലെ വെള്ളം കുടിച്ചു. ശേഷം ഗ്ലാസ്സ് മേശപ്പുറത്ത് വച്ച് എഴുന്നേറ്റു. " ഞാൻ അവർ പറഞ്ഞ കാര്യം മറന്നു .ഒന്ന് ആലോചിക്കട്ടെ .അത് വരെ നീ ഇവിടെ ഇരിക്ക് " ബാഗിൽ നിന്നും ടവൽ എടുത്ത് ബാത്ത് റൂമിലേക്ക് നടന്ന് കൊണ്ട് രുദ്രൻ പറഞ്ഞു. രുദ്രൻ എന്നേ വെറുതെ പറ്റിക്കുകയാണ്. പക്ഷേ എനിക്ക് അറിയാം എന്താ ചെയ്യേണ്ടത് എന്ന്. നിങ്ങള് കുളിച്ചിട്ട് വാ .അപ്പു ഓരോന്ന് ആലോചിച്ചുറപ്പിച്ച് ബെഡിൽ ഇരുന്നു. രുദ്രൻ കുളി കഴിഞ്ഞ് ഇറങ്ങി പുറത്തേക്ക് വന്നു. അവൻ കണ്ണാടിക്ക് മുൻപിൽ വന്ന് ഡ്രയർ ഉപയോഗിച്ച് മുടി ഉണക്കുന്നതിനിടയിൽ മിററിലൂടെ തൻ്റെ പിന്നിൽ നിൽക്കുന്ന അപ്പുവിനെ കാണുന്നത്. "എന്തേ "കണ്ണാടിയിൽ അപ്പുവിനെ നോക്കി കൊണ്ട് രുദ്രൻ ചോദിച്ചു.

"മ്ച്ചും " അപ്പു തോളനക്കി കൊണ്ട് പറഞ്ഞു. അപ്പു പതിയെ രുദ്രനെ അരികിൽ വന്ന് നിന്നു. ''എന്താടി " രുദ്രൻ അപ്പുവിൻ്റെ നിൽപ്പ് കണ്ട് ചോദിച്ചു. " ഒന്നൂല്ലാന്ന് പറഞ്ഞില്ലേ " അപ്പു ഗൗരവത്തോടെ പറഞ്ഞു. രുദ്രൻ ഡ്രയർ മേശപ്പുറത്ത് വച്ച ശേഷം ചീപ്പ് കൊണ്ട് മുടി ചീന്താൻ തുടങ്ങി. ''രുദ്രാ " അപ്പു അവൻ്റെ ചെവിയിൽ ആർദ്രമായി വിളിച്ചു. അപ്പുവിൻ്റെ ആ ഭാവമാറ്റം രുദ്രൻ്റെ ഹൃദയമിടിപ്പ് വർദ്ധിപ്പിച്ചു. " എ... എന്താ " രുദ്രൻ ഒരു വിറയലോടെ ചോദിച്ചു. "എന്താ രുദ്രാ നീ ഇങ്ങനെ വിയർക്കുന്നേ'' രുദ്രൻ്റെ നെറ്റിയിലെ വിയർപ്പ് വലത് കൈ കൊണ്ട് തുടച്ച് ഒരു പ്രത്യേക ഈണത്തിൽ ചോദിച്ചു. " അത്. അത് ഞാൻ " രുദ്രന് മറുപടി പറയാൻ കഴിഞ്ഞില്ല. അപ്പു രുദ്രനരികിലേക്ക് ചേർന്ന് നിന്ന ശേഷം അവൻ്റെ തോളിലൂടെ കൈ ഇട്ടു. അവൾ തൻ്റെ മുഖം രുദ്രൻ്റെ മുഖത്തോട് അടുപ്പിച്ചു. രുദ്ര ൻ്റയും അപ്പുവിൻ്റെയും മുഖം തമ്മിൽ ഒരു മില്ലി സെൻ്റിമീറ്ററിൻ്റെ അകലം മാത്രമേ ഉള്ളൂ . രുദ്രൻ എന്തോ പ്രതീക്ഷിച്ച് കൊണ്ട് പതിയെ കണ്ണുകൾ അടച്ചു. " അല്ലെങ്കിൽ വേണ്ട ഞാൻ അഹങ്കാരി അല്ലേ "

കണ്ണടച്ച് നിൽക്കുന്ന രുദ്രൻ്റെ തോളിൽ നിന്നും കൈകൾ എടുത്ത് കൊണ്ട് അപ്പു പറഞ്ഞു. ശേഷം അവനരികിൽ നിന്നും അകന്ന് നിന്നു. " ഡീ ...നീ പ്രതീകാരം ചെയ്യുകയാണല്ലേ" രുദ്രൻ അപ്പുവിനെ നോക്കി ചോദിച്ചു. "അതെ .പ്രതികാരം അത് ചെയ്യാനുള്ളതാണ് " അപ്പു അത് പറഞ്ഞ് തിരിഞ്ഞ് നടന്നതും രുദ്രൻ അവളുടെ ഇടുപ്പിലൂടെ കൈ ചേർത്ത് അവളെ തന്നിലേക്ക് അടുപ്പിച്ചു. " രുദ്രാ വേണ്ടാട്ടോ. മോള് എണീക്കും" അപ്പു ശാസനയോടെ പറഞ്ഞു. " ഇങ്ങനെ ഒക്കെ നടന്നാൽ മതിയോ. നമ്മുക്ക് നമ്മുടെ പവിയുടെ ആഗ്രഹം നടത്തി കൊടുക്കണ്ടേ " "എന്ത് ആഗ്രഹം ." അപ്പു മനസിലാവാത്ത പോലെ ചോദിച്ചു. "ദാ ഇവിടെ നമ്മുടെ ഒരു കുഞ്ഞു വാവ .പവിക്ക് ഒരു അനിയൻ അല്ലെങ്കിൽ ഒരു അനിയത്തി " അപ്പുവിൻ്റെ വയറിൽ കൈ വച്ച് കൊണ്ട് രുദ്രൻ പറഞ്ഞു. "മോൻ്റെ മനസിലിരിപ്പ് എനിക്ക് മനസിലായി. മാറി നിന്നേ." രുദ്രൻ്റ കൈ മാറ്റി കൊണ്ട് അപ്പു പറഞ്ഞു. അവൾ നേരെ പവിയുടെ അരികിൽ ചെന്ന് കിടന്നു. ഒപ്പം രുദ്രനും ലൈറ്റ് ഓഫ് ചെയ്യ്ത് ബെഡിൽ വന്ന് കിടന്നു.

അപ്പുവിനെയും പവിയേയും തന്നോട് ചേർത്ത് പിടിച്ച് രുദ്രനും ഉറങ്ങി. * "എൻ്റെ ഭഗവാനേ. ആ കാട്ടു മാക്കാൻ ഇന്ന് കോളേജിൽ വരല്ലേ " രാവിലെ കേളേജിലേക്ക് പോവും വഴി ഗായത്രി മനസുരുകി പ്രാർത്ഥിച്ചു. ഇന്ന് രാവിലത്തെ രണ്ട് hours അലോക്ക് സാർ ആണ്. ഞാൻ അയാളെ എങ്ങനെ ഫെയ്സ് ചെയ്യും. ഗായു ഓരോന്ന് അലോചിച്ച് ക്ലാസിൽ കയറി. എന്നത്തെയും പോലെ ലാസ്റ്റ് ബെഞ്ചിൽ ചങ്കത്തികളോട് സംസാരിക്കാൻ പോവാറുള്ള ഗായു അന്ന് നേരെ അലോക്ക് തനിക്കായി അനുവദിച്ച സീറ്റിൽ വന്ന് ഇരുന്നു. "എന്താടി നിനക്ക് പറ്റിയേ. വല്ല ഇരുട്ടടിയും കിട്ടയോ " സൈലൻ്റ് ആയി ഇരിക്കുന്ന ഗായത്രിയെ നോക്കി രേവതി ചോദിച്ചു. " തറവാട്ടിൽ പോയി വന്നപ്പോൾ ഇവളുടെ ഫുൾ റിലേ അടിച്ച് പോയി തോന്നുന്നു." ശിൽപ്പ അവളെ കളിയാക്കി കൊണ്ട് ചോദിച്ചു . "എടീ അലോക്ക് സാർ വരുന്നുണ്ട് " എല്ലാവരും അവരവരുടെ സീറ്റിൽ കയറി ഇരുന്നു. അലോക്ക് ക്ലാസിലേക്ക് കയറി വന്നതും ഗായുവിൻ്റെ ഹൃദയമിടിപ്പ് വർദ്ധിക്കാൻ തുടങ്ങി.....തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...