💞എൻ്റെ ആത്മസഖിക്ക്💞 ഭാഗം 62

എഴുത്തുകാരി: അപർണ അരവിന്ദ്

" രുദ്രാ " അവൻ്റെ നെഞ്ചിൽ തല വച്ച് കിടന്ന് കൊണ്ട് അവൾ ആർദ്രമായ് വിളിച്ചു . "എന്താടാ കുഞ്ഞാ " രുദ്രൻ അവളുടെ നെറ്റിയിൽ പതിയെ തലോടി കൊണ്ട് ചോദിച്ചു. " ഞാൻ ഒരു കാര്യം ആവശ്യപ്പെട്ടാൽ ദേഷ്യപ്പെടുമോ " "എൻ്റെ കുഞ്ഞേ നീ അദ്യം കാര്യം പറ. എന്നിട്ട് ഞാൻ തിരുമാനിക്കാം ദേഷ്യപ്പെടണോ വേണ്ടയോ എന്ന് " . ''അത് അത് പിന്നെ " അപ്പു പറയാൻ ഒന്ന് മടിച്ചു. " ദേ ഇതാണ് എനിക്ക് ഇഷ്ടം അല്ലാത്തത്. നിന്നോട് ഞാൻ പലവട്ടം പറഞ്ഞിട്ടുണ്ട് മര്യാദക്ക് സംസാരിക്കാൻ " രുദ്രൻ ദേഷ്യത്തോടെ പറഞ്ഞു. " വേണ്ട ഞാൻ പറയുന്നില്ല." അപ്പു അവൻ്റെ നെഞ്ചിൽ നിന്ന് എഴുന്നേറ്റ് തിരിഞ്ഞ് കിടന്നു. '' അപ്പോഴേക്കും എൻ്റെ പൊന്നു ഭാര്യ പിണങ്ങിയോ "തിരിഞ്ഞ് കിടക്കുന്ന അവളെ കെട്ടിപ്പിടിച്ച് അവളുടെ പിൻകഴുത്തിൽ മുഖം ചേർത്തു കൊണ്ട് രുദ്രൻ ചോദിച്ചു. " വേണ്ട. എന്നോട്ട് മിണ്ടണ്ട. മാറിക്കെ " അവളുടെ വയറിലൂടെ ചേർത്ത് പിടിച്ച രുദ്രൻ്റെ കൈ തട്ടി മാറ്റി കൊണ്ട് അവൾ പറഞ്ഞു.

" ആണോ. ശരിക്കും മിണ്ടില്ലേ " രുദ്രൻ അവളുടെ പിൻകഴുത്തിലൂടെ മുഖം ഉരസി ചെവിയിൽ വന്ന് പതിയെ ചോദിച്ചു. " ഇല്ല മിണ്ടില്ല'' അപ്പു മുഖം തിരിച്ച് കൊണ്ട് പറഞ്ഞു. " നീ ഇങ്ങനെ കുഞ്ഞു പിള്ളേരെ പോലെ പിണങ്ങി ഇരുന്ന് ഇന്നത്തെ മൂഡ് കളയല്ലേ പാറു " രുദ്രൻ ഒരു പ്രത്യേക ഈണത്തിൽ പറഞ്ഞു. "ഞാനാണോ കാരണം. നിങ്ങൾ അല്ല വെറുതെ ദേഷ്യപ്പെട്ടത് കാട്ട് മാക്കാൻ." അവൾ രുദ്രന് നേരെ തിരിഞ്ഞ് കിടന്ന് കൊണ്ട് ചോദിച്ചു. "എന്താ എന്താ നീ വിളിച്ചേ " രുദ്രൻ പുരികം ഉയർത്തി കൊണ്ട് ചോദിച്ചപ്പോൾ ആണ് അവൾ താൻ ഇപ്പോ എന്താ പറഞ്ഞത് എന്ന് ഓർമ വന്നത്. " അത് .അതിന് ഞാൻ ഒന്നും വിളിച്ചില്ലലോ ''അപ്പു പതറി കൊണ്ട് പറഞ്ഞു. " നീ ഒന്നും പറഞ്ഞില്ലേ " രുദ്രൻ അവൻ്റെ മുഖത്തേക്ക് മുഖം ചേർത്ത് കൊണ്ട് പറഞ്ഞു. " ഇല്ലാന്ന് അല്ലേ പറഞ്ഞത് " അത് കേട്ടതും രുദ്രൻ മുഖം അവളുടേക്ക് കൊണ്ട് വന്നു. :വേണ്ടാ .ഞാൻ പറയാം"

അവൾ അവൻ്റെ ചുണ്ടിൽ കൈ വച്ച് കൊണ്ട് പറഞ്ഞു. " എങ്കിൽ പറ" " അത് എനിക്ക് കൃത്യമായ അർത്ഥം ഒന്നും അറിയില്ല. അത് ഗായത്രി അവളുടെ സാറിനെ വിളിക്കുന്ന പേര് ആണ് '' അപ്പു വീണ്ടും അവൻ്റെ നെഞ്ചിലേക്ക് തല വച്ച് കൊണ്ട് പറഞ്ഞു. ''രുദ്രാ ആ മുത്തശ്ശി പാവം അല്ലെ. മമ്മി ചെയ്യ്ത തെറ്റിന് അവരെ സങ്കടപ്പെടുത്തണ്ട .നമ്മുക്ക് അവർ പറയുന്ന ചടങ്ങുകൾ നടത്താം രുദ്രാ " " ഉം ''അവൻ പതിയെ ഒന്ന് മൂളി. " ശരിക്കും " അവൾ വിശ്വാസമില്ലാതെ ചോദിച്ചു. "അതെ. സമയം കുറേ ആയി. നീ ഉറങ്ങിക്കോ" അവളുടെ തലയിൽ തഴുകി കൊണ്ട് അവൻ പറഞ്ഞു. ''പവി ഇല്ലാതെ എനിക്ക് ഉറക്കം വരുന്നില്ല രുദ്രാ. അവളെ നമ്മുക്ക് ഇങ്ങോട്ട് കൊണ്ടു വന്നാല്ലോ" അപ്പു രുദ്രനോടായി ചോദിച്ചു. " ഇപ്പോഴോ " അപ്പുവിനേയും ക്ലോക്കിലേക്ക് നോക്കി രുദ്രൻ ചോദിച്ചു. സമയം 4 മണി കഴിഞ്ഞിരുന്നു. " ഇനി നാളെ കണ്ടാൽ പോലെ " അവൻ ചുണ്ടിൽ ഒരു ചിരിയോടെ ചോദിച്ചു.

" ഉം. മതി" കഴിഞ്ഞ കാര്യങ്ങൾ ഓർത്തപ്പോൾ അപ്പുവിൻ്റെ ചുണ്ടിലും നാണത്താൽ ഒരു പുഞ്ചിരി തെളിഞ്ഞു. അവൻ്റെ നെഞ്ചിൻ്റെ ചൂടേറ്റ് അവളും പതിയെ ഉറങ്ങി.ഒപ്പം രുദ്രനും. ** " നീ ഇന്നും ക്ലാസ്സിൽ പോവുന്നില്ലേ ഗായു" രാവിലെ ഡെയ്ന്നിങ്ങ് ടേബിളിൽ ഇരിക്കുന്ന ഗായുവിനെ നോക്കി അമ്മ ചോദിച്ചു. '' ഇല്ല അമ്മ എനിക്ക് വയ്യാ'' "വെറുതെ ഇരുന്ന് കിണുങ്ങാതെ മാര്യാദക്ക് കോളേജിൽ പോവാൻ നോക്ക് "അമ്മ ദേഷ്യത്തോടെ പറഞ്ഞു. "ഓഹ് മതി ഞാൻ പൊയ്ക്കോള്ളാം" രണ്ടു കൈകളും കൂപ്പി പറഞ്ഞു കൊണ്ട് ഗായത്രി മുറിയിലേക്ക് നടന്നു. ഇഷ്ടമാണ് എന്ന് പറഞ്ഞതിന് ശേഷം എന്തോ അലോക്കിനെ ഫെയ്സ് ചെയ്യാൻ അവൾക്ക് ഒരു തരം മടി ആയിരുന്നു. അതുകൊണ്ട് അവൾ 2 ദിവസം ക്ലാസ്സിൽ തന്നെ പോയില്ല. രേവതിയോടു എല്ലാം ഗായത്രി പറഞ്ഞിരുന്നു.അതു കൊണ്ട് അവളുടെ കളിയാക്കലും കോളേജിൽ ചെന്നാൽ ഉണ്ടാകും എന്ന് അവൾക്ക് അറിയാം അവൾ വേഗം കുളിച്ച് റെഡിയായി കോളേജിലേക്ക് ഇറങ്ങി.

വഴിയിൽ വച്ച് രേവതിയേ കൂട്ടും കിട്ടി. വേറെ ആരോടും ഈ കാര്യങ്ങൾ പറയരുത് എന്ന് അവളോട് പറഞ്ഞിരുന്നു. "ഡി ഇന്ന് ഫസ്റ്റ് രണ്ട് ഹവർ ആരാ എന്ന് അറിയോ " രേവതി ഒരു പ്രത്യേക ഈണത്തിൽ ചോദിച്ചു. "ആരാ ശാന്തി മിസ്സ് ആണോ '' " എയ് മിസ്സ് ഒന്നും അല്ല നിൻ്റെ സ്വന്തം ആളാണ്" ''അയ്യോ അലോക്ക് സാറോ" ഗായത്രി പെട്ടെന്ന് നിന്നു കൊണ്ട് ചോദിച്ചു . "അതെടി'' " എന്നാ ഞാൻ ക്ലാസ്സിലേക്ക് ഇല്ല." ഗായത്രി അത് പറഞ്കൊണ്ട് നേരേ ലൈബ്രറിയിലേക്ക് നടന്നു. " ഈ പെണ്ണിൻ്റെ ഒരു കാര്യം " ഗായത്രി പോകുന്നത് നോക്കി പറഞ്ഞു കൊണ്ട് രേവതി നേരെ ക്ലാസ്സിലേക്ക് കയറി. കുറച്ച് കഴിഞ്ഞതും ബെൽ അടിച്ചു.അലോക്ക് ബുക്കുമായി ക്ലാസ്സിലേക്ക് കയറി വന്നു. അവൻ്റെ കണ്ണുകൾ ആദ്യം തിരഞ്ഞത് ഗായത്രിയെ ആണ്. അവളെ കാണാൻ ഇല്ലാത്തതിനാൽ അലോക്ക് ക്ലാസ്സ് എടുക്കാൻ തുടങ്ങി. കുട്ടികൾക്ക് നോട്ട്സ് എഴുതാൻ കൊടുത്ത് അലോക്ക് നേരെ ഗായത്രിയുടെ സീറ്റിൽ വന്ന് ഇരുന്നു.

അവൾ എന്താ ക്ലാസ്സിൽ വരാത്തത്.ഇനി സുഖമില്ലാതെ ആയിരിക്കുമോ. അവളുടെ ഫ്രണ്ട്സി നോട് ഒന്ന് ചോദിച്ച് നോക്കിയാലോ. അല്ലെങ്കിൽ വേണ്ട. "സാർ" രേവതിയുടെ വിളിയാണ് അവനെ ചിന്തകളിൽ നിന്നും ഉണർത്തിയത്. "എന്താ രേവതി" "സാർ ഈ ടോപ്പിക്ക് എഴുതി കഴിഞ്ഞു.ഇനി ഇത് വേണോ'' ബുക്കിലേക്ക് ചൂണ്ടി കൊണ്ട് രേവതി ചോദിച്ചു. രേവതി ആയിരുന്നു നോട്ട്സ് പറഞ്ഞ് കൊടുത്തിരുന്നത്. " വേണ്ട ആ ടോപ്പിക്ക് വേണ്ട " "ok സാർ " രേവതി ബുക്ക് അലോക്കിന് തിരിച്ച് കൊടുത്തു. ശേഷം തിരിഞ്ഞ് നടന്നു . " രേവതി" അലോക്ക് അവളെ പിന്നിൽ നിന്നും വിളിച്ചു. "തൻ്റെ ഫ്രണ്ട് അല്ലേ ഗായത്രി.ആ കുട്ടി എന്താ ഇപ്പോ ക്ലാസ്സിൽ വരാത്തത് ''. " അവൾ ഇന്ന് വന്നിട്ടുണ്ട് സാർ. പക്ഷേ അവൾക്ക് നല്ല സുഖം ഇല്ല അതുകൊണ്ടാണ് ക്ലാസ്സിൽ കയറാഞ്ഞത് " പുറത്തേക്ക് വന്ന ചിരി കടിച്ചു പിടിച്ച് രേവതി പറഞ്ഞു . "ok താൻ പൊയ്ക്കോള്ളു. " "എന്താ അവൾക്ക് പറ്റിയത് ഒന്ന് പോയി നോക്കിയാലോ.

അല്ലെങ്കിൽ വേണ്ട ബ്രെയ്ക്ക് ടൈം ആവട്ടേ. പിന്നീട് അലോക്കിന് ക്ലാസ് എടുക്കാൻ ഒന്നും കഴിഞ്ഞില്ല. സമയം മുന്നോട്ട് പോവാത്ത പോലെ അലോക്കിന് അനുഭവപ്പെട്ടു. അവളെ ഒന്ന് കാണാൻ സംസാരിക്കാൻ അവൻ്റെ മനസ് കൊതിച്ചു. " " " " എൻ്റെ ശിവനേ ഇത് എന്താ സമയം പോവാത്തെ " ലൈബ്രറിയിൽ ഇരുന്ന് മടുത്തപ്പോൾ ഗായത്രി വാച്ചിലേക്ക് നോക്കി കൊണ്ട് സ്വയം പറഞ്ഞു. എത്ര നേരം ആയി ഇങ്ങനെ ഇരിക്കുന്നു. കുറേ നേരം ഉറങ്ങി. എന്നിട്ടും സമയം മാത്രം പോവുന്നില്ല. ഗായു കുറേ നേരം അവിടെ തന്നെ ഇരുന്നു. കുറേ കഴിഞ്ഞതും ബെൽ അടിച്ചു .അത് കേട്ടതും അവൾ നേരെ കാൻ്റീനിലേക്ക് നടന്നു. അവിടെ രേവതിയും മറ്റു ഫ്രണ്ട്സും ഉണ്ടാവും എന്ന് ഗായുവിന് അറിയാമായിരുന്നു. "ചേട്ടാ ഒരു ജ്യൂസ് കൂടി "ഗായുവിനെ കണ്ടതും രേവതി ഉറക്കെ വിളിച്ച് പറഞ്ഞു. "കുറഞ്ഞോടി നിൻ്റെ സുഖമില്ലായ്മ " രേവതി കളിയാക്കി കൊണ്ട് ചോദിച്ചു . "ഒന്ന് പോ പെണ്ണേ കളിയാക്കാതെ "

രേവതിക്കരികിലേ ചെയർ വലിച്ചിട്ട് കൊണ്ട് ഗായു പറഞ്ഞു. അപ്പോഴേക്കും ജ്യൂസ് എത്തിയിരുന്നു. "ഡീ അലോക്ക് സാർ നിന്നെ അന്വോഷിച്ചു " ജ്യൂസ് കുടിക്കുന്നതിനിടയിൽ രേവതി പറഞ്ഞു. " എന്നേയോ. എന്നിട്ട് " " നീ ഇങ്ങനെ കണ്ണ് തുറിക്കല്ലേ .അത് ഇപ്പോ പുറത്ത് ചാടും " "എന്താ നീ പറഞ്ഞേ സാറിനോട് " " ഞാൻ എന്ത് പറയാൻ " " കളിക്കാതെ പറ പെണ്ണേ " "ഒരു മിനിറ്റ് ഞാൻ ഒന്ന് ഇത് കുടിക്കട്ടെ " രേവതി ജ്യൂസ് കുടിക്കാൻ തുടങ്ങി. " കഴിഞ്ഞില്ലേ.ഇനി പറ" "സാർ ചോദിച്ചു നീ എന്താ വരാഞ്ഞേ എന്ന്. അപ്പോ ഞാൻ പറഞ്ഞു നിനക്ക് നല്ല സുഖമില്ല. അതു കൊണ്ട് ക്ലാസ്സിൽ കയറില്ല എന്ന്. അത് പറയുമ്പോൾ നീ ഒന്ന് കാണേണ്ടതായിരുന്നു സാറിൻ്റെ മുഖത്തെ ടെൻഷൻ. സാർ അപ്പോൾ തന്നെ നിന്നെ അന്വോഷിച്ച് വരും എന്ന് ഞാൻ കരുതി " പിന്നീട് രേവതി ഓരോ തമാശകൾ പറയാൻ തുടങ്ങി. അതോടെ ഗായത്രിയുടെ മനസിലെ ടെൻഷൻ ഒക്കെ മാറിയിരുന്നു. പെട്ടെന്ന് ബെൽ അടിച്ചു. ''ബെൽ അടിച്ചു. നീ ഇനി ക്ലാസിൽ കയറുന്നില്ലേ " " ഉം ഉണ്ട്. അലോക്ക് സാറിൻ്റെ hour കഴിഞ്ഞു ലോ" ഗായത്രിയും രേവതിയും മറ്റു ഫ്രണ്ട്സും കാൻ്റിനിൽ നിന്നും ഇറങ്ങി.

ഗായത്രിയും, രേവതിയും പതിയെ സംസാരിച്ചതിനാൽ അവർ പറഞ്ഞതൊന്നും മറ്റ് ഫ്രണ്ട്സ് കേട്ടിരുന്നില്ല. "അയ്യോ ഞാൻ എൻ്റെ ഫോൺ ലൈബ്രറിയിൽ വച്ച് മറന്നു. നീ നടന്നോ ഞാൻ വന്നോളാം" ഗായത്രി തിരികെ ലൈബ്രറിയിലേക്ക് നടന്നു. അവൾ ലൈബ്രറിയിലെ ടേബിളിനു മുകളിൽ വച്ചിരുന്ന ഫോൺ എടുത്ത് ലൈബ്രറിയിൽ നിന്നും ഇറങ്ങി. ആ വരാന്ത ആകെ നിശബ്ദമായിരുന്നു. അവളുടെ ചെരുപ്പിൻ്റെ ശബ്ദം മാത്രം അവിടെ പ്രതിധ്വനിച്ചു. അവളെ തഴുകി ഒരു ഇളളം കാറ്റ് കടന്ന് പോയി. ആ കാറ്റിൽ വരാന്തയിലേ സൈഡിലായി നിൽക്കുന്ന പൂമരത്തിൽ നിന്നും താഴേക്ക് ദേവദാരു പൂക്കൾ കൊഴിഞ്ഞ് വീഴാൻ തുടങ്ങി. ഒരു നിമിഷം അവൾ അത് കൗതുകത്തോടെ നോക്കി നിന്നു. " ആ ....." രണ്ട് ബലിഷ്ഠമായ കൈകൾ അവളെ അകത്തേക്ക് വലിച്ചു .പെട്ടെന്ന് തന്നെ ആ മുറിയുടെ വാതിൽ അടഞ്ഞു. " കിടന്ന് അലറാതെ പെണ്ണേ ഇത് ഞാനാ ''ഗായുവിൻ്റെ വായ പൊത്തി കൊണ്ട് അലോക്ക് പറഞ്ഞു.

''എന്താ .എന്താ കാര്യം. ആരെങ്കിലും കാണും " ''ആരും കാണില്ല. അതോർത്ത് നീ ടെൻഷൻ അടിക്കണ്ട " "എന്താ വേണ്ടത് നിങ്ങൾക്ക്. എനിക്ക് പോണം" ഗായു ദയനീയമായി പറഞ്ഞതും അലോക് അവളെ ചുമരിനോട് ചേർത്ത് നിർത്തി ഇരുകൈകൾ കൊണ്ടും അവളെ ലോക്ക് ചെയ്യ്തു. ''നീ എന്താ ഇന്നലെ ക്ലാസിൽ വരാഞ്ഞത് " ''എനിക്ക് ഇന്നലെ വയ്യാതെ ഇരിക്കുകയായിരുന്നു'' '' അപ്പോ നീ ഇന്ന് എന്താ ക്ലാസിൽ കയറാതെ ഇരുന്നത് " ''അത് പിന്നെ. അത് ഇന്നും എനിക്ക് സുഖം ഇല്ലായിരുന്നു .അതാ " "നുണ പറഞ്ഞത് മതി .ഇനി മോള് സത്യം പറ" അലോക്ക് അവളെ നോക്കി കൊണ്ട് പറഞ്ഞു. " ഞാൻ സത്യം തന്നെ ആണു പറഞ്ഞേ. സത്യായിട്ടും എനിക്ക് ഇന്നലെ വയ്യായിരുന്നു." ഗായു അലോക്കിൻ്റെ കണ്ണിലേക്ക് നോക്കി നിഷ്കു ആയി പറഞ്ഞു. " ഇങ്ങനെ നോക്കലെ പെണ്ണേ " അവളുടെ നോട്ടം കണ്ട് അലോക്ക് പറഞ്ഞു. '' എന്നാ ഞാൻ ഇനി പൊയ്യ്ക്കോട്ടോ " " ഉം ശരി പൊയ്ക്കോ. നീ പറഞ്ഞത് ഞാൻ വിശ്വാസിച്ചിട്ടൊന്നും ഇല്ല.

ഇനി എന്നും കോളേജിൽ വരണം. അതുപോലെ എൻ്റെ ക്ലാസ്സ് എന്നും അറ്റൻ്റ് ചെയ്യുകയും വേണം. കേട്ടല്ലോ '' " ഉം. ശരി" ഗായത്രി തലയാട്ടി.ശേഷം അവൾ തിരിഞ്ഞ് വാതിലിനരികിലേക്ക് നടന്നു. പെട്ടെന്ന് എന്തോ ഓർത്ത പോലെ അവൾ തിരിച്ച് അലോക്കിൻ്റെ അടുത്തേക്ക് തന്നെ നടന്നു വന്നു. " എന്തേ " അലോക്ക് സംശയത്തോടെ ചോദിച്ചു. "നിങ്ങളോട് രാവിലെ ആ എയ്ഞ്ചൽ എന്താ സംസാരിച്ചിരുന്നത് " ഇരുകൈകളും അരയിൽ കെട്ടി നിന്നു കൊണ്ട് ഗായത്രി ചോദിച്ചു. " അതോ അത് പിന്നെ അവൾ രാവിലെ എന്നോട് പറയാ ഐ ലവ് യു എന്ന് " അലോക്ക് മുഖത്ത് നാണം വരുത്തി കൊണ്ട് കാല് കൊണ്ട് കളം വരച്ചു. " എന്നിട്ട് നിങ്ങൾ എന്ത് പറഞ്ഞു " ഗായത്രി ഗൗരവത്തോടെ ചോദിച്ചു. " ഞാൻ എന്ത് പറയാൻ. ഞാൻ ഐ ലവ് യു ടൂ എന്ന് പറഞ്ഞു " " ദേ മനുഷ്യാ നിങ്ങൾ എന്നേ എങ്ങാനും തേച്ചാൽ ഈ ഗായത്രിയുടെ തനി സ്വഭാവം നിങ്ങൾ കാണും

"അലോക്കിൻ്റെ കോളറിൽ പിടിച്ചു കൊണ്ട് ദേഷ്യത്തോടെ ഗായത്രി പറഞ്ഞു. " തേച്ചാൽ നീ എന്ത് ചെയ്യും" ഗായത്രിയുടെ കൈ കോളറിൽ നിന്നും എടുത്ത് കൊണ്ട് അലോക്ക് ചോദിച്ചു. '' എന്ത് ചെയ്യാൻ അവളെ ഞാൻ അങ്ങ് കൊല്ലും. അവളുടെ എന്നല്ല. ആരും ഇനി നിങ്ങളെ നോക്കണ്ട. ഇത് എൻ്റെ സ്വന്തം പ്രൊപർട്ടിയാ" ഗായത്രി ഉറച്ച ശബ്ദത്തിൽ പറഞ്ഞു. ഒപ്പം അവളുടെ വിരലിൽ കിടക്കുന്ന G എന്ന് എഴുതിയ റിങ്ങ് ഊരി അവൻ്റെ കൈയ്യിൽ ഇട്ട് കൊടുത്തു. ഗായത്രിയുടെ ആ പ്രവർത്തി അലോക്കിൻ്റെ മുഖത്ത് അത്ഭുതം ഉണ്ടാക്കി. ''ഞാൻ പോവാ ക്ലാസ്സ് തുടങ്ങും" ഗായത്രി വാതിൽ തുറന്ന് പുറത്തേക്ക് നടന്നു. അലേക്ക് ഒരു നിമിഷം അവിടെ തന്നെ നിന്നു. ശേഷം അവൻ തൻ്റെ വിരലിൽ കിടക്കുന്ന മോതിരത്തിൽ ഒന്ന് നോക്കി. ഒപ്പം അതിൽ ഒന്ന് മുത്തമിട്ടു. ** '' ഉച്ചക്ക് ഭക്ഷണം കഴിച്ച് കഴിഞ്ഞു അപ്പു മുറിയിൽ ഇരിക്കുകയാണ്.പെട്ടെന്ന് രുദ്രൻ തിരക്കിട്ടു അകത്തേക്ക് വന്നു. "പാറു വേഗം റെഡിയാവ്.ഒരു സ്ഥലം വരെ പോവണം" കബോഡിൽ നിന്നും ഒരു ടവൽ എടുത്ത് കൊണ്ട് രുദ്രൻ പറഞ്ഞു. " എങ്ങോട്ടാ രുദ്രാ "

"അതൊക്കെ പറയാം നീ വേഗം റെഡിയാവ്'' അതും പറഞ്ഞ് രുദ്രൻ നേരെ ബാത്ത് റൂമിനുള്ളിലേക്ക് കയറി. രുദ്രൻ ബാത്ത് റൂമിൽ നിന്ന് ഇറങ്ങുമ്പോഴേക്കും അപ്പു റെഡിയായിരുന്നു. അവൾ വേഗം പവിയേയും ഒരുക്കി. രുദ്രനും റെഡിയായതിനു ശേഷം അവർ വീട്ടിൽ നിന്നും ഇറങ്ങി. " ഇനി എങ്കിലും പറ രുദ്രാ എവിടേക്കാ നമ്മൾ പോവുന്നേ.' ഡ്രൈവ് ചെയ്യുന്ന രുദ്രനെ നോക്കി അപ്പു ചോദിച്ചു. " ഇന്ന് വൈകുന്നേരത്ത് അവർ ഒരു ഫങ്ങ്ഷൻ സെറ്റ് ചെയ്യ്തിട്ടുണ്ട് അതിനുള്ള ഡ്രൈസ്സ് എടുക്കണം. നമ്മുടെ കാറിനു പുറകിൽ അവരും വരുന്നുണ്ട് '' മിററിലൂടെ പിന്നിലേക്ക് നോക്കി രുദ്രൻ പറഞ്ഞു. 15 മിനിറ്റ് യാത്രക്ക് ശേഷം അവർ ഒരു വലിയ ഷോപ്പിനു മുന്നിൽ വന്ന് നിന്നു. രുദ്രൻ കാർ പാർക്ക് ചെയ്യ്ത് ഇറങ്ങി .ഒപ്പം പവിയും അപ്പുവും ഇറങ്ങി. പിന്നിൽ വന്ന് നിന്ന കാറിൽ നിന്നും ആ വീട്ടിൽ കണ്ട് പരിചിതമായ കുറച്ച് മുഖങ്ങൾ ഉണ്ടായിരുന്നു. അപ്പുവിൻ്റെ കണ്ണുകൾ അർച്ചനയെ തിരഞ്ഞു എങ്കിലും അവളെ കണ്ടില്ല. അവൾ രുദ്രനൊപ്പം ഷോപ്പിനുള്ളിലേക്ക് നടന്നു. രുദ്രൻ ഒരു കൈയ്യിൽ പവിയെ എടുത്തിട്ടുണ്ട്. മറുകൈ കൊണ്ട് അപ്പുവിൻ്റെ കൈയ്യും പിടിച്ചിരുന്നു. അവരുടെ ഒപ്പം വന്നവരിൽ ഒരു സ്ത്രീ സെയിൽസ് ഗേളി നോട് എന്തൊക്കെയോ ഹിന്ദിയിൽ പറഞ്ഞതും അവർ കുറേ കളറുകളിൽ ഉള്ള ലഹങ്ക എടുത്ത് പുറത്ത് വച്ചു. " ഇഷ്ടമുള്ളത് സെലക്ട് ചെയ്യ്തോ " ഒന്നും മനസിലാവാതെ നിന്ന അപ്പുവിനെ നോക്കി രുദ്രൻ പറഞ്ഞു......തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...