💞എൻ്റെ ആത്മസഖിക്ക്💞 ഭാഗം 67

എഴുത്തുകാരി: അപർണ അരവിന്ദ്

റൂമിനു മുന്നിൽ എത്തിയ രുദ്രൻ ബെഡി ലെ ഹെഡ് ബോർഡിൽ ചാരി ഇരുന്ന് എന്തോ ആലോചിക്കുന്ന അപ്പുവിനെ ആണ് കണ്ടത്. അവളെ കാണുന്തോറും രുദ്രൻ്റെ ഹ്യദയമിടിപ്പ് വർദ്ധിക്കാൻ തുടങ്ങി. അവളെ വാരി പുണരാൻ ,മുത്തങ്ങൾ കൊണ്ട് മൂടാൻ അവൻ്റെ ഹൃദയം കൊതിച്ചു. രുദ്രനെ കണ്ടതും അപ്പു പെട്ടെന്ന് ബെഡിൽ നിന്നും എഴുന്നേറ്റു. അടുത്ത നിമിഷം തന്നെ രുദ്രൻ അവളുടെ അരികിൽ എത്തി അവളെ ഇറുക്കെ കെട്ടി പിടിച്ചു. അവളുടെ നെറ്റിയിൽ മുത്തമിട്ടു. രുദ്രൻ്റെ ആ പ്രവ്യത്തിയിൽ ഒന്നും മനസിലാവാതെ നിൽക്കുകയാണ് അപ്പു. അവൾ പെട്ടെന്ന് രുദ്രനെ തള്ളി മാറ്റി ബാൽക്കണിയിലേക്ക് നടന്നു. രുദ്രനും ഒരു ചിരിയിയോടെ അവൾക്ക് പിന്നാലെ ബാൽക്കണിയിലേക്ക് നടന്നു. ആകാശത്ത് മഴക്കാർ നിറഞ്ഞു.മഴ പെയ്യാൻ സാധ്യതയുണ്ട്. രുദ്രൻ ബാൽക്കണിയിലേക്ക് ചെന്നപ്പോൾ കൈവരിയിൽ പിടിച്ച് ദൂരേക്ക് നോക്കി നിൽക്കുകയാണ് അപ്പു. രുദ്രനും അപ്പുവിൻ്റെ തൊട്ടപ്പുറത്ത് ചെന്ന് നിന്നു.

അവർ ഇരുവരും അകലേക്ക് തന്നെ നോക്കി നിന്നു കുറച്ച് നേരം . മഴയുടെ വരവറിയിച്ച് ചെറുതായി ഇടിയും മിന്നലും ഉണ്ട്. അവരെ ഇരുവരേയും തഴുകി ഒരു തണുത്ത കാറ്റും കടന്നു പോയി. "പാറു " ദീർഘ നേരത്തെ മൗനത്തിനു ശേഷം രുദ്രൻ അവളെ വിളിച്ചു. " ഉം. എന്താ " അപ്പു കുറച്ച് ദേഷ്യത്തോടെയാണ് വിളി കേട്ടത്. " നീ എന്തെങ്കിലും കഴിച്ചോ " രുദ്രൻ കൈവരിയിൽ വച്ചിരിക്കുന്ന അവളുടെ കൈക്കു മേൽ തൻ്റെ കൈ വച്ചു കൊണ്ട് ചോദിച്ചു. "ഇല്ല " അവൾ രുദ്രൻ്റെ കൈകൾ തട്ടി മാറ്റി കൊണ്ട് പറഞ്ഞു . "അതെന്താ കഴിക്കാത്തെ " "എനിക്ക് വേണ്ട. അത് തന്നെ " " അത് എന്താ വേണ്ടാത്തെ എന്നാ ഞാൻ ചോദിച്ചേ " "എനിക്ക് വേണ്ടാ. അത് തന്നെ ". "വാ" രുദ്രൻ അവളുടെ കൈ പിടിച്ച് കൊണ്ട് പറഞ്ഞു. "എനിക്ക് വേണ്ടാന്ന് പറഞ്ഞില്ലേ " രുദ്രൻ്റെ കൈ തട്ടി എറിഞ്ഞ് കൊണ്ട് അപ്പു പറഞ്ഞു. "നിന്നെ കൊണ്ട് ഭക്ഷണം കഴിപ്പിക്കാൻ പറ്റുമോ എന്ന് ഞാൻ ഒന്ന് നോക്കട്ടെ" രുദ്രൻ അത് പറഞ്ഞതും അപ്പുവിനെ എടുത്തതും ഒരുമിച്ചായിരുന്നു. "

എന്നേ വിട്. വെറുതെ കളിക്കല്ലേ രുദ്രാ " രുദ്രൻ്റെ കൈയ്യിൽ കിടന്ന് കുതറി കൊണ്ട് അപ്പു പറഞ്ഞു. അപ്പുവിനെ എടുത്ത് കൊണ്ട് രുദ്രൻ സ്റ്റയർ ഇറങ്ങി താഴെ എത്തി. താഴെ ഡെയ്നിങ്ങ് ടേബിളിൽ ഇരുന്ന് പവിയും ഗായത്രിയും ഭക്ഷണം കഴിക്കുന്നുണ്ടായിരുന്നു . രുദ്രൻ നേരെ അവളെ ചെയറിൽ ഇരുത്തി ഒപ്പം ഒരു പ്ലേറ്റിൽ അപ്പുവിനുള്ള ഭക്ഷണവും വിളമ്പി അവൾക്ക് നേരെ പ്ലേറ്റ് നീട്ടി. "പവിയും ,ഗായത്രിയും കൂടെ ഉണ്ടായിരുന്ന തിനാൽ അവൾ കൂടുതൽ വാശി കാണിക്കാതെ ഭക്ഷണം കഴിക്കാൻ തുടങ്ങി. * "അപ്പു വാ.ഇവിടെ ഇരിക്ക് ഇത് അടിപൊളി മൂവി ആണ് '' ഗായത്രി ടിവിക്ക് മുന്നിൽ ഇരുന്ന് കൊണ്ട് പറഞ്ഞു. അപ്പു സോഫയിൽ ഇരുന്നതും പവി വേഗം അപ്പുവിൻ്റെ മടിയിൽ വന്ന് കിടന്നു. രുദ്രൻ മറ്റൊരു സോഫയിലും ഇരുന്ന് ടിവി കാണാൻ തുടങ്ങി. കുറച്ച് കഴിഞ്ഞതും കാറ്റ് നല്ലതുപോലെ വീശാൻ തുടങ്ങി.

"ഗായു ഞാൻ ഇപ്പോ വരാം.മഴ വരാൻ സാധ്യതയുണ്ട്.ഞാൻ പോയി ടെറസിലെ ചെടി അകത്തേക്ക് എടുത്ത് വച്ചിട്ട് വരാം." അപ്പു പതിയെ ഉറങ്ങിയ പവിയെ മടിയിൽ നിന്നും താഴെ കിടത്തിയ ശേഷം അപ്പു മുകളിലേക്ക് ഓടി. "ഗായു നീ ടിവി കണ്ടു റൂമിലേക്ക് പോകുമ്പോൾ പവിയെ കൂടി കൊണ്ടു പോവണേ പ്ലീസ്.അവൾ ഇന്ന് നിൻ്റെ ഒപ്പം കിടന്നോട്ടേ " രുദ്രൻ ഗായുവിനോടായി പറഞ്ഞു. " ഉം.ok ok. " രുദ്രനെ കളിയാക്കി കൊണ്ട് ഗായത്രി പറഞ്ഞതും അപ്പുവിന് പിന്നാലെ രുദ്രനും മുകളിലേക്ക് പോയി. രുദ്രൻ മുകളിൽ എത്തുമ്പോഴേക്കും അപ്പു ചെടികൾ എടുത്തു വച്ചു കഴിഞ്ഞിരുന്നു. രുദ്രൻ പതിയെ അവൾക്ക് പിന്നാലെ ചെന്ന് അവൻ അവളെ പിന്നിൽ കെട്ടിപിടിച്ചു. രുദ്രൻ്റെ ആ പ്രവ്യത്തിയിൽ അപ്പു ഒന്ന് ഞെട്ടി' അവൾ രുദ്രൻ്റെ കൈകൾക്കിടയിൽ നിന്നും കുതറി മാറാൻ ശ്രമിച്ചെങ്കിലും രുദ്രൻ ബലമായി തന്നെ അവളെ തന്നോട് ചേർത്തു നിർത്തി. "സോറി " അവൻ അവളുടെ കാതിൽ പതിയെ പറഞ്ഞു. " വേണ്ടാ ന്നിക്ക് ഒന്നും കേൾക്കണ്ട "

"പാറു ... Sorry. I am really sorry. Please understand me." " രുദ്രൻ ദയനീയമായി പറഞ്ഞതും അപ്പു തിരിഞ്ഞ് രുദ്രന് അഭിമുഖമായി നിന്നു. " കുറേ സങ്കടപ്പെടുത്തീട്ട് ഇങ്ങനെ ഒരു സോറി പറഞ്ഞാൽ എൻ്റെ സങ്കടം മാറോ" " എൻ്റെ കുഞ്ഞിൻ്റെ സങ്കടം മാറാൻ ഞാൻ ഇപ്പോ എന്താ ചെയ്യണ്ടത് " രുദ്രൻ അവളുടെ തോളിലൂടെ കൈ ഇട്ട് കൊണ്ട് ചോദിച്ചു. "എനിക്ക് ഒന്നും വേണ്ട. ഇങ്ങനെ മിണ്ടാതെ നടന്ന് എന്നേ സങ്കടപ്പെടുത്താതെ ഇരുന്നാ മതി" അപ്പു നിറ കണ്ണുകളോടെ പറഞ്ഞതും രുദ്രൻ അവളുടെ കണ്ണുകൾ തുടച്ചു. * ഗായത്രി പവിയേയും എടുത്ത് റൂമിൽ കൊണ്ടു വന്നു കിടത്തി. ശേഷം ബാത്ത് റൂമിൽ പോയി ഒന്ന് ഫ്രഷായി ഇറങ്ങി വന്നപ്പോൾ ആണ് നിർത്താതെ റിങ്ങ് ചെയ്യുന്ന ഫോൺ കണ്ടത്. അവൾ ഫോണിൻ്റെ സ്ക്രീനിൽ തെളിഞ്ഞ പേര് കണ്ടതും ഒരു ചിരി തെളിഞ്ഞു മുഖത്ത്. അവൾ വേഗം കോൾ അറ്റൻ്റ് ചെയ്യ്തു. " എവിടെ പോയി കിടക്കായിരുന്നു ഡീ നീ. എത്ര നേരം ആയി നിന്നെ വിളിക്കുന്നു. " " ഞാൻ താഴെ ആയിരുന്നു. ഫോൺ റിങ്ങ് ചെയ്യ്തത് കേട്ടില്ല. എന്താ ഈ സമയത്ത് " "അതെന്താ നിന്നെ വിളിക്കാൻ പ്രേത്യേകം സമയം ഒക്കെ ഉണ്ടോ '' "ഓഹ് ഇല്ല. നിങ്ങൾ ഇപ്പോ വിളിച്ച കാര്യം പറ"

" അതോ. അത് നാളെ എന്താ പരിപാടി" "നാളെ എന്താ നാളെ മുതൽ സ്റ്റഡി ലീവ് അല്ലേ. അപ്പോ വീട്ടിൽ ഇരുന്ന് പഠിക്കണം" "ഓ പിന്നെ സ്റ്റഡീ ലീവ് കിട്ടിയിട്ട് ഇരുന്ന് പഠിക്കുന്ന ഒരു ആള് " "അതെന്താ എനിക്ക് പഠിച്ചൂടേ " " ഉം. ശരി ശരി. നീ ഇരുന്ന് പഠിച്ചോ. ഞാൻ ശല്യപ്പെടുത്തുന്നില്ല. ഞാൻ ഫോൺ കട്ട് ചെയ്യാം " "അയ്യോ കട്ടാക്കല്ലേ. പറയാൻ വന്ന കാര്യം പറഞ്ഞിട്ട് പോ" " അതോ. നാളെ ക്ലാസ് ഇല്ലാ ലോ .അപ്പോ നിൻ്റെ ഒപ്പംഒന്ന് ബീച്ചിൽ പോവാം എന്ന് കരുതി വിളിച്ചതാ.സാരില്ലാ നീ പഠിക്കുകയല്ലേ. നീ ഇരുന്ന് പഠിച്ചോ " " ശരിക്കും കൊണ്ടു പോവുമോ. എന്നേ പറ്റിക്കാൻ പറയുകയല്ലാലോ " " എയ് വേണ്ട. പോവുന്നില്ല .എക്സാം ആവാറായില്ലേ നീ ഇരുന്ന് പഠിച്ചോ " " നിങ്ങള് എന്താ പാതിരാത്രി വിളിച്ച് മനുഷ്യനെ വടിയാക്കുകയാണോ. മര്യാദക്ക് കാര്യം പറയ് " "നാളെ ഞാൻ നിൻ്റെ വീടിനടുത്തുള്ള സ്റ്റോപ്പിൽ വെയിറ്റ് ചെയ്യാം.നീ അവിടേക്ക് വന്നാ മതി. നടന്ന് വന്നാൽ മതി." " അപ്പോ വീട്ടിലുള്ളവർ എവിടേക്കാ എന്ന് ചോദിച്ചാ എന്ത് പറയും "

" എന്നാ നീ വീട്ടുക്കാരെയും കെട്ടി പിടിച്ച് അവിടെ തന്നെ ഇരുന്നോ. നിന്നെ ഒക്കെ പ്രേമിക്കാൻ നിന്ന എന്നേ പറഞ്ഞാൽ മതിയല്ലോ " "അയ്യോ ചൂടാവല്ലേ.ഞാൻ വരാം '' " ഉം.ok അപ്പോ നാളെ കാണാം " " ഉം ശരി" ഗായത്രി ഫോൺ കട്ട് ചെയ്തു. * "What the £#@&+. അവൻ സ്വത്ത് വേണ്ടാ എന്ന് പറഞ്ഞു എന്നോ.എന്ത് ഫൂളിഷ്നസ് ആണ് അവൻ കാണിച്ചത്. എത്ര കോടി രൂപയുടെ സ്വത്തുക്കൾ ആണ് അവൻ വെറുതെ നഷ്ടപ്പെടുത്തി കളഞ്ഞത്. " അയാൾ ഫോണിൽ ആരോടോ ദേഷ്യത്തോടെ പറഞ്ഞു. " It's ok. ഞാൻ അവനെ കൊണ്ട് തന്നെ ആ സ്വത്ത് വാങ്ങിച്ചിരിക്കും. അത് നേടിയെടുക്കാൻ ഞാൻ എന്തും ചെയ്യും. അതിന് തടസ്സം ആയി ആരോക്കെ വന്നാലും അവരെ ഒക്കെ ഇല്ലാതാക്കാൻ ഈ മഹാദേവനറിയാം. രുദ്രൻ്റെ അമ്മ യാമിനി , ശിവൻ, അർച്ചന ,നന്ദു അവരുടെ കൂട്ടത്തിൽ ഒരാൾ കൂടി " അയാൾ ഒരു കൊല ചിരി ചിരിച്ചു. "മഹിയേട്ടാ " പിന്നിൽ നിന്നുള്ള വിളി കേട്ടതും അയാൾ ഒന്ന് ഞെട്ടി. "ആരോടാ മഹിയേട്ട ഇത്ര കാര്യമായി ചിരിച്ച് സംസാരിക്കുന്നേ" വിലാസിനി ഒന്നും കേട്ടിട്ടില്ല എന്ന് മനസിലായതും മഹാദേവൻ ആശ്വാസത്തോടെ ഒരു നെടുവീർപ്പിട്ടു.

" അത് ഞാൻ എൻ്റെ ഒരു ഫ്രണ്ടിനോട് ഓരോന്ന് പറഞ്ഞ് ചിരിച്ചതാ. താൻ കിടക്കുന്നില്ലേ. " ആ മഹിയേട്ടാ " " എന്നാ താൻ കിടന്നോ .എനിക്ക് കുറച്ച് ഓഫീസ് ഫയൽ നോക്കാൻ ഉണ്ട്". മഹാദേവൻ ഫയലുകൾ എടുത്ത് നേരെ പുറത്തേക്ക് നടന്നു * ''പാറൂ" രുദ്രൻ്റെ തോളിൽ തല ചായ്ച്ച് ഇരിക്കുന്ന അപ്പുവിനെ രുദ്രൻ ആർദ്രമായി വിളിച്ചു. " ഉം " "Are you happy now" അത് കേട്ടതും അപ്പു അവൻ്റെ തോളിൽ നിന്നും അവൾ തല ഉയർത്തി. " ഉം. ഹാപ്പി ആണ് " " എന്നാ നമ്മുക്ക് ആ ഹാപ്പി കുറച്ച് കൂടി കൂട്ടിയാലോ ''രുദ്രൻ ഒരു കള്ള ചിരിയോടെ ചോദിച്ചു. "എന്താ " അപ്പു ഒന്നും മനസിലാവാതെ ചോദിച്ചതും രുദ്രൻ അവളുടെ ചുണ്ടിൽ സ്നേഹമുദ്രണം പതിപ്പിച്ചിരുന്നു. ആ സ്നേഹത്തിൽ അവളും അലിഞ്ഞ് ചേർന്നു.അപ്പോഴേക്കും ചെറുതായി മഴ ചാറാൻ തുടങ്ങിയിരുന്നു. " രുദ്രാ മഴ" അപ്പു രുദ്രൻ്റെ കൈയ്യിൽ നിന്നും കുതറി മാറി അകത്തേക്ക് ഓടാൻ ശ്രമിച്ചതും രുദ്രൻ അവളുടെ കൈയ്യിൽ പിടിച്ച് കൊണ്ട് തടഞ്ഞു. അവളുടെ മുഖത്ത് വീഴുന്ന മഴത്തുള്ളികൾ രുദ്രൻ ഒരു കൈ കൊണ്ട് തുടച്ചു. ഒപ്പം അവളുടെ മുഖത്തിലൂടെ ഒഴുകുന്ന മഴ തുള്ളികൾ അവനെ വേറെ ഒരു ലോകത്ത് തന്നെ എത്തിച്ചിരുന്നു.

ഒരിക്കൽ കൂടി അവൻ അവളുടെ മുഖത്തോട് തൻ്റെ മുഖം ചേർത്തു. അപ്പു അവനെ തള്ളി മാറ്റി കൊണ്ട് മഴ കൊള്ളാത്ത ഒരു ഭാഗത്തേക്ക് നിന്നു.അവൾക്ക് പിന്നാലെ രുദ്രവനും ഒരു സൈഡിലേക്ക് കയറി നിന്നു. അപ്പോഴേക്കും അവർ ഇരുവരും കുറച്ച് മഴ നനഞ്ഞിരുന്നു. അവളുടെ മുടിയിഴകളിൽ നിന്നും വീഴുന്ന വെള്ളതുള്ളികൾ രുദ്രനെ അവൾക്കരികിലേക്ക് ആകർഷിപ്പിച്ചു. മുഖത്തേക്ക് പാറി വീണ മുടിയിഴകൾ അവൻ അവളുടെ ചെവിക്ക് പിന്നിലേക്ക് മാടി ഒതുക്കി. ശേഷം അവളെ ചുമരിനോട് ചേർത്ത് അവളുടെ കഴുത്തിൽ മുഖം അടുപ്പിച്ചു. ഗാർഡനിലെ മഴയിൽ വിരിഞ്ഞ മുല്ല പൂവിൻ്റെ മണവും തണുത്ത കാറ്റും അവർക്കുള്ളിൽ വികാരങ്ങളുടെ വേലിയേറ്റം തന്നെ സൃഷ്ടിച്ചിരുന്നു. അവൻ അവളെ ഇരു കൈകൾ കൊണ്ടും കോരി എടുത്ത് മുറിയിലേക്ക് നടന്നു. രാത്രിയുടെ എതോ യാമത്തിൽ അവർ വീണ്ടും ഒരു മനസും ശരീരവുമായി മാറിയിരുന്നു.....തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...