💞എൻ്റെ ആത്മസഖിക്ക്💞 ഭാഗം 68

എഴുത്തുകാരി: അപർണ അരവിന്ദ്

രാത്രിയുടെ എതോ യാമത്തിൽ അവർ വീണ്ടും ഒരു മനസും ശരീരവുമായി മാറിയിരുന്നു. * രാവിലെ ആദ്യം എഴുന്നേറ്റത് അപ്പു ആയിരുന്നു. തനിക്കരികിൽ കൊച്ചു കുഞ്ഞിനെ പോലെ കിടന്നുറങ്ങുന്ന രുദ്രനെ അപ്പു കൗതുകത്തോടെ നോക്കി ഇരുന്നു. അവൾ കുറച്ച് കഴിഞ്ഞ് പുതപ്പ് മാറ്റി എഴുന്നേൽക്കാൻ നിന്നതും പെട്ടെന്ന് രുദ്രൻ അവളുടെ കയ്യിൽ പിടിച്ച് തടഞ്ഞു. "എന്താ dear husband എണീക്കുന്നില്ലേ. നേരം എത്രയായീന്നാ വിചാരം'' ഹെഡ് ബോർഡിൽ ചാരി ഇരുന്ന് കൊണ്ട് അപ്പു ചോദിച്ചു. "നേരം എത്രയായാലും സാരില്ല്യാ നീ കുറച്ച് നേരം കൂടി ഇവിടെ ഇരിക്ക് " രുദ്രൻ അപ്പുവിൻ്റെ മടിയിലേക്ക് തല വച്ച് കൊണ്ട് പറഞ്ഞു. അപ്പു ഒരു ചിരിയോടെ രുദ്രൻ്റെ തലയിൽ തലോടി കൊണ്ടിരുന്നു. രുദ്രൻ ഒരു കള്ള ചിരിയോടെ അവളുടെ വയറിലേക്ക് മുഖം അടുപ്പിച്ചു. " പാറു " രുദ്രൻ അവളുടെ വയറിൽ ഒരു ഉമ്മ വച്ചു കൊണ്ട് വിളിച്ചു . " ഉം എന്തേ " "പവി പറയുന്ന പോലെ " രുദ്രൻ ഒന്ന് പറഞ്ഞ് നിർത്തി. " ഉം. പറയ് .പവി പറയുന്ന പോലെ " അപ്പു ചിരിയോടെ ചോദിച്ചു. "പവി പറയുന്ന പോലെ എനിക്ക് ഒരു വാവയെ തരുമോ " രുദ്രൻ ഒരു കള്ള ചിരിയോടെ ചോദിച്ചു " ഉം. തരാലോ. എൻ്റെ dear hus നു ആരെയാ വേണ്ടേ. ഒരു കുഞ്ഞി പെണ്ണിനെ ആണോ ,അതോ ഒരു കുറുമ്പൻ കണ്ണനെ ആണോ വേണ്ടേ "

"ഒരു കുഞ്ഞി പാറുകുട്ടിയെ മതി. നമ്മുടെ പവിയെ പോലെ ഒരു കുട്ടി കുറുമ്പിയെ " " വേണ്ട നമ്മുക്ക് ഒരു ജൂനിയർ രുദ്രൻ മതി" അപ്പു രുദ്രൻ്റെ മുടിയിഴകളിലൂടെ വിരലോടിച്ചു കൊണ്ട് പറഞ്ഞു. '' അച്ചേ, അമ്മേ " പവി വാതിൽ പതിയെ തുറന്ന് അകത്തേക്ക് തലയിട്ട് കൊണ്ട് വിളിച്ചു. " അച്ചടെ കുഞ്ഞി പവി എണീറ്റോ. വാ " രുദ്രൻ അവളെ കൈ നീട്ടി വിളിച്ചു. പവി വാതിൽ മുഴുവൻ ആയി തുറന്ന് രുദ്രൻ്റെയും അപ്പുവിൻ്റെയും അരികിലേക്ക് വന്നു. പവി ബെഡിൽ കയറി അപ്പുവിൻ്റെ മടിയിൽ കിടന്നിരുന്ന രുദ്രൻ്റെ മേൽ കയറി ഇരുന്നു. " അച്ച ഇന്ന് പോണില്ലേ " പവി രുദ്രനെ നോക്കി ചോദിച്ചു. " ഇല്ല. അച്ച ഇന്ന് ഓഫീസിൽ പോവുന്നില്ല എന്തേ " " എന്നാ നമ്മച്ച് ഇന്ന് പാർക്കിൽ പോയാലോ " "അതിനെന്താ പോവലോ നമ്മുക്ക് ''രുദ്രൻ പവിയുടെ മൂക്കിൽ പിടിച്ച് കൊണ്ട് പറഞ്ഞു . "സമയം ഒരു പാടായി. നിങ്ങൾ അച്ഛനും മോളും ഇവിടെ ഇരുന്ന് സ്നേഹിച്ചോ. ഞാൻ പോവാ " രുദ്രൻ്റെ തല മടിയിൽ നിന്നും താഴേക്ക് വച്ച് കൊണ്ട് അപ്പു പറഞ്ഞു. അപ്പു വേഗം പോയി കുളിച്ച് റെഡിയായി വാതിൽ തുറന്ന് പുറത്തേക്ക് ഇറങ്ങി. "ഗായു" ബാഗും എടുത്ത് താഴേക്ക് പോവുന്ന ഗായത്രിയെ അപ്പു പിന്നിൽ നിന്നും വിളിച്ചു. അപ്പുവിൻ്റെ പിന്നിൽ നിന്നുള്ള വിളി കേട്ട് ഗായത്രി ഒന്ന് ഞെട്ടി. '' എ എന്താ. എന്താ അപ്പു " " നീ എങ്ങോട്ടാ "

" ഞാനോ ഞാൻ കോളേജിലേക്ക് "ഗായു കുറച്ച് പരിഭ്രമത്തോടെ പറഞ്ഞു. " നീ ഇന്ന് പോവണ്ട" " അത് എന്താ" "ആരതി എന്നേ വിളിച്ചിരുന്നു. അവൾ ഇന്ന് വൈകുന്നേരം ഹയർ സ്റ്റഡീസിനായി US ലേക്ക് പോവും. അതു കൊണ്ട് ഇന്ന് എന്നേ കാണാൻ ഇങ്ങോട്ട് വരുന്നുണ്ട്. നിന്നെ കാണണം എന്നും എന്തോ പറയാൻ ഉണ്ട് എന്നും ആരതി പറഞ്ഞിരുന്നു" അതും പറഞ്ഞ് അപ്പു താഴേക്ക് നടന്നു. " ഈശ്വരാ ഇനി എന്ത് ചെയ്യും.ആള് ഇപ്പോ ബസ് സ്റ്റോപ്പിൽ കാത്തു നിൽക്കുന്നുണ്ടാവും. പക്ഷേ ആരതി .അവൾ അന്ന് എന്തോ പറയാൻ വന്നതാണ് പക്ഷേ അത് പറയാൻ പറ്റില്ല. അത് എന്താണ് എന്ന് അറിയുകയും വേണം. എന്തായാലും സാറിനോട് വരാൻ പറ്റില്ല എന്ന് വിളിച്ച് പറയാം" ഗായു ബാഗുമായി തിരിച്ച് മുറിയിലേക്ക് തന്നെ പോയി. *** ഉച്ചയോട് കൂടി ആരതി അപ്പുവിനെ കാണാൻ വീട്ടിലേക്ക് എത്തി. എ തോ അർജൻറ് മീറ്റിങ്ങ് ഉള്ളതിനാൽ രുദ്രൻ ഓഫീസിലേക്ക് പോയിരുന്നു. "ഗായു എവിടെ അപ്പു " ആരതി അപ്പുവിനോടായി പറഞ്ഞു. " അവൾ റൂമിൽ ഉണ്ടാവും. നീ വന്നത് അറിഞ്ഞ് കാണില്ല.ഞാൻ അവളെ വിളിച്ചിട്ട് വരാം "

"വേണ്ട നീ പോയി എനിക്ക് കുടിക്കാൻ വല്ലതും എടുത്തേ.ഞാൻ അവളെ റൂമിൽ പോയി കാണാം " ആരതി സ്റ്റയർ കയറി മുറിയിലേക്ക് നടന്നു. ബെഡിൽ ഫോണിൽ കളിച്ച് കൊണ്ട് ഇരുന്ന ഗായു ആരതിയെ കണ്ടതും എണീറ്റു. "എനിക്ക് നിന്നോട് ഒരു ഇംപോർട്ടൻ്റ് കാര്യം പറയാൻ ഉണ്ട്" പുറത്തേക്ക് നോക്കി കൊണ്ട് ആരതി കുറച്ച് ധൃതിയോടെ പറഞ്ഞു. "എന്താ എന്താ കാര്യം" " അപ്പുവിനെ കുറിച്ചുള്ള കാര്യം ആണ്. " നന്ദുവിൻ്റെ ഹൃദയമാണ് അപ്പുവിന് ദാനം ചെയ്യ്തിരിക്കുന്നത് " അത് കെട്ടതും ഗായത്രി ഞെട്ടി ബെഡിൽ നിന്നും ചാടി എഴുന്നേറ്റു. "ആരതി എന്താ ഇപ്പോ പറഞ്ഞേ " "അതെ ഗായു ഞാൻ പറഞ്ഞത് സത്യം ആണ്. നന്ദുവിന് അപകടം പറ്റിയ അതേ ദിവസം തന്നെ അപ്പുവിനും ഒരു അപകടം പറ്റി. ഹാർട്ടിന് സാരമായ പരിക്കേറ്റു. അപ്പോഴേക്കും നന്ദുവിന് ബ്രെയിൻ ഡെത്ത് സ്ഥിതീകരിച്ചിരുന്നു. അപ്പുവിൻ്റെ അച്ഛനും, ഞാനും വന്ന് മഹാദേവൻ സാറിനോട് അപേക്ഷിച്ചപ്പോൾ സാറിന് ദാനം ചെയ്യാൻ സമ്മതിക്കേണ്ടി വന്നു. അതിനേക്കാൾ ഉപരി അർച്ചനയുടെ അനിയത്തി ആണ് അപ്പു എന്ന് അറിഞ്ഞപ്പോൾ സാറും, ഭാര്യയും സമ്മതിക്കുകയാണ് ചെയ്തത് " '' അപ്പോ ഈ സത്യം ഒക്കെ എട്ടന് അറിയാമായിരുന്നോ, അതാണോ എട്ടൻ അപ്പുവിനെ ഇത്ര പെട്ടെന്ന് സനേഹിക്കാൻ കാരണം " ഗായത്രി അതിശയത്തോടെ ചോദിച്ചു. എന്നാൽ ഇതെല്ലാം കേട്ട് ഒരാൾ മുറിക്ക് പുറത്ത് നിൽക്കുന്നുണ്ടായാരുന്നു. കേട്ടത് ഒന്നും വിശ്വസിക്കാനാവാതെ ....തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...