💞എൻ്റെ ആത്മസഖിക്ക്💞 ഭാഗം 07

എഴുത്തുകാരി: അപർണ അരവിന്ദ്

" അച്ഛൻ്റെ പൊന്നുൻ്റെ പനി മാറിയോ " "മാറി അച്ചേ.നന്ദു അമ്മേനെ കണ്ടപ്പോ, അമ്മ ഉമ്മ തന്നപ്പോ ൻ്റെ പനി എല്ലാം മാറി അച്ചേ " അത് കേട്ടതും രുദ്രൻ ഒന്ന് ഞെട്ടി. " അച്ചക്ക് ഇപ്പോ കുറച്ച് തിരക്ക് ഉണ്ട്.അച്ഛ വൈകുന്നേരം വരാട്ടോ " രുദ്രൻ വേഗം ഫോൺ കട്ട് ചെയ്യ്തു. " നന്ദു. പവിമോൾ പറയുന്ന അവൾ ആരാണ്.ഒരു പക്ഷേ ഞാൻ ഇന്ന് ഹോസ്പിറ്റലിൽ വച്ച് കണ്ട അവൾ തന്നെ ആകുമോ പവി പറയുന്ന നന്ദുവും." രുദ്രൻ കസേരയിൽ തല ചായ്ച്ച് കണ്ണടച്ചു കിടന്നു. * അപ്പുവിനെയും ,അച്ഛനേയും കാത്ത് അമ്മ വീടിൻ്റെ ഉമ്മറത്ത് തന്നെ നിൽക്കുന്നുണ്ട്. അപർണ യെ കണ്ടതും അമ്മ മുറ്റത്തേക്ക് ഇറങ്ങി വന്നു. " ഡോക്ടർ എന്താ മോളേ പറഞ്ഞത് " " കുഴപ്പം ഒന്നും ഇല്ല അമ്മ .ചെക്കപ്പ് കഴിഞ്ഞു.ഇനി മെഡിസിൻ ഒന്നും ഇല്ല" "മോളേ കാണാൻ ആദി വന്നിട്ടുണ്ട് .മുറിയിൽ ഉണ്ട് അവൾ നീ ചെല്ല്'' അത് കേട്ടതും അപർണ മുറിയിലേക്ക് ഓടി. അപ്പോഴും അവളുടെ അച്ഛൻ്റെ മുഖത്ത് നല്ല പരിഭ്രമം ഉണ്ടായിരുന്നു. ''എന്താ വിശ്വട്ടേ. മുഖം ഒക്കെ വല്ലാതെ ഇരിക്കുന്നു. എന്തേങ്കിലും പ്രശ്നം ഉണ്ടോ "

" എയ് ഇല്ല. നല്ല യാത്ര ക്ഷീണം ഞാൻ കുറച്ച് നേരം കിടക്കട്ടെ " വിശ്വൻ അകത്തേക്ക് കയറി പോയി. മുറിയിൽ എത്തിയ അപ്പു പാട്ട് കേട്ട് അവളുടെ ബെഡിൽ കിടക്കുന്ന ആദിയെ ആണ്. " ബുഹഹ " അപ്പു ആദിയെ പേടിപ്പിച്ചു. അത് കേട്ട് ആദി പെട്ടെന്ന് പേടിച്ചു . "ഓഹ് മനുഷ്യൻ ഇപ്പോ പേടിച്ച് ചത്തേനേ "നെഞ്ചിൽ കൈ വച്ച് ആദി പറഞ്ഞു. "വെറുതെ ഒരു രസം" അപ്പു ഒന്ന് കണ്ണിറുക്കി കൊണ്ട് പറഞ്ഞു. " പനി കുറവുണ്ടോടി " " ഉം. കുറവ് ഉണ്ട്. എനിക്ക് പനിയാണ് എന്ന് നിന്നോട് ആരാ പറഞ്ഞേ " " ഞാൻ ഡാൻസ് ക്ലാസ് കഴിഞ്ഞ് വരുന്ന വഴി വെറുതെ ഒന്ന് കയറിയതാ. അപ്പോ അമ്മയാ പറഞ്ഞേ നീയും ,അച്ഛനും കൂടി ഹോസ്പിറ്റലിൽ പോയി എന്ന് അറിഞ്ഞത്. അപ്പോ നിന്നെ ഒന്ന് കണ്ടിട്ട് പോവാം എന്ന് കരുതി. എന്നാ ഞാൻ പോവാണേ" മേശപ്പുറത്തെ കവർ എടുത്ത് കൊണ്ട് ആദി പറഞ്ഞു. " ഇത് എന്താടീ കവറിൽ "ആദിയുടെ കൈയ്യിലേക്ക് നോക്കി അപ്പു ചോദിച്ചു. "ചിലങ്ക " അത് കേട്ടതും അപ്പുവിൻ്റെ മനസിൽ പറഞ്ഞറിയിക്കാൻ പറ്റാത്ത ഒരു സന്തോഷം തിരതല്ലി.അവൾ ആദിയുടെ കൈയ്യിൽ നിന്നും ആ കവർ വാങ്ങി അതിലെ ചിലങ്ക പുറത്തെടുത്തു

. "എന്താടി ഇങ്ങനെ നോക്കുന്നേ "ചിലങ്കയിലേക്ക് തന്നെ നോക്കി ഇരിക്കുന്ന അപർണയെ കണ്ട് ആദി ചോദിച്ചു. " ഇത് എൻ്റെ ജീവൻ ആയിരുന്നു. ഇതിൽ നിന്നും ഉയരുന്ന ഓരോ ശബ്ദവും എൻ്റെ ജീവ താളമായിരുന്നു''. അപർണ ആ ചിലങ്കയെ ഒന്ന് തലോടി പിന്നീട് തൻ്റെ നെഞ്ചോട് ചേർത്തു. ഒപ്പം അവളുടെ കണ്ണുകളും നിറഞ്ഞു. " അപ്പു നിനക്ക് എന്താ പറ്റിയെ. നീ എന്താ ഇങ്ങനെ ഒക്കെ പറയുന്നേ. നിൻ്റെ ഇഷ്ടപ്രകാരം തന്നെ അല്ലേ നീ ഡാൻസ് ക്ലാസ് നിർത്തിയത്. അന്ന് നീ പറഞ്ഞത് നിനക്ക് ഇതിൽ ഒന്നും തന്നെ താൽപര്യം ഇല്ല എന്നും, അമ്മയുടെ നിർബന്ധം കൊണ്ട് മാത്രമാണ് ഡാൻസിന് ചേർന്നതും എന്നല്ലേ പിന്നെ എന്താ ഇങ്ങനെ പറയുന്നേ " ആദിയുടെ ആ വാക്കുകൾ ആണ് അപർണയെ സ്വബോധത്തിലേക്ക് കൊണ്ട് വന്നത്. താൻ ഇത് വരെ ഡാൻസിനെ ഇഷ്ടപ്പെട്ടിട്ടില്ല പിന്നെ ഞാൻ എന്തിനാണ് ഇങ്ങനെ പറഞ്ഞത്. "ഡീ നീ എന്താ സ്വപ്നം കാണുയാണോ " ആദി അപ്പുവിൻ്റെ തോളിൽ തട്ടി കൊണ്ട് ചോദിച്ചു. " എയ് ഒന്നൂല്ലാ ടീ" അപർണ ചിലങ്ക തിരിച്ച് ആദിയുടെ കൈയ്യിൽ തന്നെ കൊടുത്തു.

" ആ എന്നാ ശരി. ഞാൻ പോവാ. മറ്റന്നാ കോളേജ് ഫങ്ങ്ഷൻ അല്ലേ. നമ്മുടെ രുദ്രൻ സാർ വരും" " രുദ്രനോ " " നിനക്ക് മറവി കുറച്ച് കൂടുന്നുണ്ട് അപ്പു. നീ മറന്നോ നമ്മുടെ ഗസ്റ്റ് രുദ്രദേവ് മഹാജൻ " " ആ ഇപ്പോ ഓർമ വന്നു." " എന്നാ ഞാൻ പോവാ " "ഡീ ഒരു കാര്യം " മുറി വിട്ട് പുറത്തേക്ക് ഇറങ്ങാൻ നിന്ന ആദിയെ അപ്പു പിന്നിൽ നിന്ന് വിളിച്ചു. ''എന്തേ " രുദ്രൻ്റെ കാര്യം ഇവളോട് ചോദിച്ചാലോ. അല്ലെങ്കിൽ വേണ്ട ഇവൾ പിന്നെ അത് പറഞ്ഞ് കളിയാക്കിയാലോ. എന്താലും ചോദിക്കാം " നീ എന്താ ആലോചിച്ച് നിൽക്കണേ. എന്താ കാര്യം പറ"ആദി അപ്പുവിൻ്റെ തോളിൽ തട്ടികൊണ്ട് ചോദിച്ചു . "നിനക്ക് ഈ മുൻ ജന്മം, പുനർജന്മത്തിലും ഒക്കെ വിശ്വാസം ഉണ്ടോ " " ആ ഉണ്ട്. നീ ഈ പ്രേതസിനിമ കണ്ടിട്ടില്ലേ.മരിച്ച ആൾ വീണ്ടും പുനർജനിച്ച് അയാളെ കൊന്ന ആളെ തേടി പിടിച്ച് പ്രതികാരം ചെയ്യുന്നത് " " ഞാൻ അതല്ല ഉദേശിച്ചത് " "പിന്നെ " " കഴിഞ്ഞ ജന്മത്തില് സ്നേഹിച്ച് ഒന്ന് ചേരാൻ പറ്റാത്തവർ വീണ്ടും പുനർജനിച്ച് ഒന്നാവുന്നത് " " ആ അങ്ങനെയും ഉണ്ട്. നീ ധീര സിനിമ കണ്ടിട്ടില്ലേ. അതിൽ നീ കണ്ടിട്ടില്ലേ കയ്യിൽ തൊട്ടപ്പോൾ ഷോക്ക് അടിക്കുന്നത്. അല്ല നീ ഇത് ഇപ്പോ ചോദിക്കാൻ എന്താ കാരണം . " ''ഒന്നൂല്ലേ വെറുതെ ചോദിച്ചതാ. എന്നാ ശരി നീ പൊയ്ക്കോ " " ഉം. ഞാൻ പോവ"ആദി മുറിയിൽ നിന്നും പുറത്തേക്ക് പോയി........ തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...