💞എൻ്റെ ആത്മസഖിക്ക്💞 ഭാഗം 70

എഴുത്തുകാരി: അപർണ അരവിന്ദ്

"ഡീ'' രുദ്രൻ അലറി കൊണ്ട് അപ്പുവിന് നേരെ കൈ ഉയർത്തിയതും രുദ്രൻ്റെ ശബ്ദം കേട്ട് പവി ഉണർന്നു " അച്ചേ " പവിയുടെ വിളി കേട്ട് അപ്പുവിന് നേരെ ഉയർത്തിയ കൈ രുദ്രൻ പിൻവലിച്ചു. " അച്ച അമ്മയെ വഴക്ക് പറഞ്ഞു തല്ലി. നോക്കിക്കോ ഞാൻ അമ്മൂമ്മയോടും ,അച്ഛച്ചനോടും പറഞ്ഞ് കൊടുക്കും" ഒപ്പം പവി കരയാൻ തുടങ്ങി "അയ്യോ അമ്മേടെ പൊന്നു മോള് കരയാണോ. അച്ച അമ്മയെ തല്ലിയിട്ടില്ല ലോ .മോളേ പേടിപ്പിക്കാൻ അച്ഛയും അമ്മയും വെറുതെ കാണിച്ചതാ" രുദ്രനെ ഒന്ന് നോക്കിയ ശേഷം അപ്പു പവിയുടെ അരികിൽ വന്ന് ഇരുന്ന് കൊണ്ട് പറഞ്ഞു. "സത്യായിട്ടും " പവി കണ്ണ് തുടച്ച് കൊണ്ട് ചോദിച്ചു. "അതെന്നെ .വാ അമ്മ മോളേ കുളിപ്പിച്ച് തരാം'' അപ്പു പവിയെ എടുത്ത് ബാത്ത് റൂമിലേക്ക് നടന്നു. ദേഷ്യം സഹിക്കാനാവാതെ രുദ്രൻ മേശക്ക് മുകളിൽ ഇരുന്ന ഫ്ളവർവെയ്സ് എടുത്ത് നിലത്തേക്ക് ഇറങ്ങി .

പവിയെ കുളിപ്പിച്ച ശേഷം മുറിയിലേക്ക് വന്ന അപ്പു കാണുന്നത് നിലത്ത് ചിന്നി ചിതറി കിടക്കുന്ന ഫ്ളവർവെയ്സ് ആണ്. അവൾ നേരെ പവിയെ ഡ്രസ്സ് ഇട്ടു കൊടുത്ത ശേഷം അവളെയും എടുത്ത് താഴേക്ക് നടന്നു. കുറച്ച് കഴിഞ്ഞ് ഒരു ചൂലുമായി മുറിയിലേക്ക് വന്ന് അവിടെ മുഴുവൻ വൃത്തിയാക്കി താഴേക്ക് തന്നെ പോയി. രുദ്രനെ അവിടെ എങ്ങും കാണാൻ ഉണ്ടായിരുന്നില്ല. അന്നത്തെ ദിവസം മുഴുവൻ അപ്പു രുദ്രനെ ശ്രദ്ധിക്കാതെ തന്നെ നടന്നു. രുദ്രൻ പലവട്ടം അപ്പുവിനോട് സംസാരിക്കാൻ ശ്രമിച്ചു എങ്കിലും അപ്പു അത് ശ്രദ്ധിക്കാത്ത പോലെ നടന്നു * രാത്രി രുദ്രനും പവിയും ഒരുമിച്ച് ബെഡിൽ ഇരുന്ന് കളിക്കുകയാണ്. പവി ടീച്ചറായി രുദ്രനെ പഠിപ്പിക്കുകയാണ്. " അച്ചേ അച്ച ഇതിൽ ABCD എഴുത്. എന്നിട്ട് ഞാൻ അച്ചക്ക് മാർക്ക് ഇട്ട് തരാം" ഒരു ബുക്ക് രുദ്രന് നേരെ നീട്ടികൊണ്ട് പവി പറഞ്ഞു. രുദ്രൻ ആ ബുക്ക് വാങ്ങി അതിലെ പേജ് മറിച്ചതും ഒന്ന് ഞെട്ടി.

രുദ്രൻ്റെയും., നന്ദുവിൻ്റെയും ഒരു പെൻസിൽ ഡ്രോയിങ്ങ് ആയിരുന്നു അത്. "നിനക്ക് ഈ ബുക്ക് എവിടുന്നാ പവി കിട്ടിയത് " രുദ്രൻ പവിയോടായി ചോദിച്ചു. "ദാ അവിടന്നാ " ഷെൽഫിലേക്ക് കൈ ചൂണ്ടി കൊണ്ട് പവി പറഞ്ഞു. ഞാൻ ഇപ്പോ വരാം പവി. നീ ഇവിടെ ഇരുന്ന് കളിക്ക് " പവിയെ ബെഡിൽ ഇരുത്തി കൊണ്ട് രുദ്രൻ റൂം വിട്ട് പുറത്തേക്ക് ഇറങ്ങി. അവൻ നേരെ കയറി ചെന്നത് നന്ദുവിൻ്റെ മുറിയിലേക്കണ്. കൈയ്യിലുള്ള കീ ഉപയോഗിച്ച് അവൻ ഡോർ ഓപ്പൺ ചെയ്യ്തു. ശേഷം അകത്ത് കയറി. ഈ ഫോട്ടോ എങ്ങാനും പാറു കാണാൻ ഇടയായാൽ അവൾക്ക് അത് സഹിക്കാൻ കഴിയില്ല. അവളെ സങ്കടപ്പെടുത്താൻ എന്നേ കൊണ്ട് ആവില്ല. അവൻ നേരെ ഷെൽഫിലേക്ക് ആ ബുക്ക് വച്ചു . ബുക്ക് വച്ച് തിരിഞ്ഞതും അവൻ്റെ കൈ തട്ടി മേശക്കുമേലുള്ള ഫോട്ടോ താഴെ വീണു. രുദ്രൻ ആ ഫോട്ടോ കുനിഞ്ഞ് എടുത്തു. ഇത് നന്ദുവിൻ്റെ കോളേജ് കാലത്ത് എടുത്ത ഫോട്ടോ ആണ്. അവളുടെ ഏറ്റവും പ്രിയപ്പെട്ട ക്ലിക്ക് . രുദ്രൻ ഒരു നിമിഷം ആ ഫോട്ടോയിലേക്ക് നോക്കി നിന്നു. ശേഷം ഫോട്ടോ തിരിച്ച് മേശക്ക് മുകളിൽ തന്നെ വച്ച് തിരിഞ്ഞതും അവൻ ഒന്ന് ഞെട്ടി. നിറ മിഴികളോടെ തന്നെ നോക്കി നിൽക്കുന്ന അപ്പു

"പാറു" രുദ്രൻ പിന്നിൽ നിന്നും വിളിച്ചതും അപ്പു ഒന്നും മിണ്ടാതെ മുറിക്ക് പുറത്തേക്ക് നടന്നു. "പാറു" രുദ്രൻ അവൾക്ക് പിന്നാലെ ചെന്നുകയ്യിൽ പിടിച്ചു. "എന്നെ വിട്" അപ്പു ദേഷ്യത്തോടെ പറഞ്ഞു. "പാറു ഞാൻ പറയുന്നത് ഒന്ന് കേ കേൾക്ക് പ്ലീസ്" " വേണ്ട എനിക്ക് ഒന്നും കേക്കണ്ട. " " പാറു പ്ലീസ്" " എനിക്ക് മനസ്സിലായി രുദ്ര എല്ലാം . ഇനി നീ വെറുതെ പറഞ്ഞു കഷ്ടപ്പെടണോ " " ഞാൻ " രുദ്രന് പുറത്തേക്ക് വാക്കുകൾ കൂടി വന്നില്ല. " ഞാൻ നാളെ എൻ്റെ വീട്ടിലേക്ക് തിരിച്ച് പോവും" കണ്ണുകൾ തുടച്ച് കൊണ്ട് അപ്പു പറഞ്ഞു. ശേഷം അവൾ പവിയുടെ അരികിലേക്ക് നടന്നു. രുദ്രന് ഒന്ന് ചലിക്കാൻ പോലും കഴിയാതെ അവൻ അവിടെ തന്നെ നിന്നു.............തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...