💞എൻ്റെ ആത്മസഖിക്ക്💞 ഭാഗം 72

എഴുത്തുകാരി: അപർണ അരവിന്ദ്

"മോള് പോയി കിടന്നോ. സമയം ഒരു പാടായി "പാത്രം കഴുകുന്ന അപ്പുവിനോടായി അമ്മ പറഞ്ഞു. രുദ്രൻ വന്നത് മുതൽ അവൻ്റെ മുന്നിൽ നിന്നും ഒഴിഞ്ഞ് മാറാനായി ആണ് അമ്മയുടെ പിന്നാലെ ഓരോ ജോലി ചെയ്യ്ത് അവൾ നടന്നിരുന്നത്. സമയം പത്ത് മണി കഴിഞ്ഞിരുന്നു. രുദ്രൻ ഉറങ്ങിയിട്ടുണ്ടാവും എന്ന വിശ്വാസത്തിൽ അപ്പു നേരെ മുറിയിലേക്ക് നടന്നു. മുറിക്കരികിൽ എത്തിയപ്പോൾ തന്നെ അകത്ത് നിന്നും രുദ്രൻ്റെയും പവിയുടേയും ബഹളം കേൾക്കാമായിരുന്നു. "അമ്മേ '' അപ്പു തിരിഞ്ഞ് നടക്കാൻ ഒരുങ്ങിയതും പവി പിന്നിൽ നിന്നും അപ്പുവിനെ വിളിച്ചിരുന്നു. "അമ്മാ ബാ ഇബടെ ഇരിക്ക്. നമ്മക്ക് കളിക്കാ" പവി ബെഡിൽ ഇരുന്ന് കൊണ്ട് അപ്പുവിനോടായി പറഞ്ഞു. "സമയം ഒരു പാടായില്ലേ മുത്തേ. ഇനി നമ്മക്ക് നാളെ കളിക്കാം ട്ടോ. ഇപ്പോ അമ്മടെ പൊന്നൂസ് ഇവിടെ കിടന്ന് ഉറങ്ങ്'' പവിയെ അപ്പു ബെഡിലേക്ക് കടത്തി കൊണ്ട് പറഞ്ഞു. " ഉം. എന്നാ ഞാൻ ഉറങ്ങാ. പക്ഷേ എനിച്ച് അച്ഛ ഒരു പാട്ട് പാടി തരണം" "അതിനെന്താ അച്ഛ പാടി തരാം ലോ" അവൻ പവിയുടെ അടുത്ത് കിടന്നു കൊണ്ട് പറഞ്ഞു.

അപ്പു ലൈറ്റ് ഓഫ് ചെയ്തു.ശേഷം പവിയുടെ മറുവശത്തും വന്ന് കടന്നു. "അച്ചേ പാട് പാട്ട് "പവി കിണുങ്ങി കൊണ്ട് പറഞ്ഞു. " പാടാം" പാട്ട് എന്ന് പറഞ്ഞപ്പോ രുദ്രൻ്റെ മനസിലേക്ക് ആദ്യം വന്ന പാട്ട് അപ്പുവിൻ്റെ ഏറ്റവും പ്രിയപ്പെട്ട പാട്ട് ആയിരുന്നു . കുറച്ച് നേരത്തെ മൗനത്തിനു ശേഷം രുദ്രൻ പാടാൻ തുടങ്ങി. കോവിലിൽ പുലർവേളയിൽ ജയദേവഗീതാലാപനം കേവലാനന്ദാമൃത തിര യാഴിയിൽ നീരാടി നാം പുത്തിലഞ്ഞിച്ചോട്ടിൽ മലർ മുത്തുകോർക്കാൻ പോകാം ആന കേറാമേട്ടിൽ ഇനി ആയിരത്തിരി കൊളുത്താം ഇനിയുമീ നടകളിൽ ഇളവേൽക്കാൻ മോഹം ശ്രീരാഗമോ തേടുന്നു നീ ഈ വീണതൻ പൊൻ തന്തിയിൽ സ്നേഹാർദ്രമായ് എതോ പദം തേടുന്നു നാം ഈ നമ്മളിൽ നിൻ മൗനമോ പൂമാനമായ് നിൻ രാഗമോ ഭൂപാളമായ് എൻ മുന്നിൽ നീ പുലർ കന്യയായ് ശ്രീരാഗമോ തേടുന്നു നീ ഈ വീണതൻ പൊൻ തന്തിയിൽ...... പവി പാട്ട് കേട്ട് പതിയെ ഉറങ്ങി. :പാറു'' രുദ്രൻ പവി ഉറങ്ങിയതും പതിയെ അപ്പുവിനെ വിളിച്ചു. പക്ഷേ മറുപടിയൊന്നും അപ്പുവിൽ നിന്നും ഉണ്ടായില്ല. രുദ്രൻ ഒരിക്കൽ കൂടി വിളി ച്ചെങ്കിലും അപ്പു ഉറങ്ങിയതു പോലെ കിടന്നു.

അപ്പു ഉറങ്ങി എന്ന് കരുതി രുദ്രനും പിന്നെ വിളിക്കാൻ പോയില്ല ഇന്ന് ഇങ്ങോട്ട് വന്നതിൻ്റെ പ്രധാന കാരണം തന്നെ പാറുവിൻ്റെ പ്രശ്നം എന്താണെന്ന് അറിയാൻ ആയിരുന്നു. എന്നേ കുറിച്ച് എന്തേങ്കിലും തെറ്റിദ്ധാരണ ഉണ്ടെങ്കിൽ അത് മാറ്റി എടുക്കാൻ കൂടിയാണ് ഇങ്ങോട്ട് വന്നത് . രുദ്രൻ ഓരോന്ന് ആലോചിച്ച് പതിയെ ഉറങ്ങി പോയി. * "ഹലോ മാഷേ എന്താ പരിപാടി " ഗായത്രി അലോക്കിനെ ഫോണിൽ വിളിച്ചു കൊണ്ട് ചോദിച്ചു. " ഞാൻ ഇവടെ തല കുത്തി നിൽക്കാ. എന്തേ നീയും വരുന്നുണ്ടോ." "അയ്യോ മാഷ് നല്ല കലിപ്പിൽ ആണല്ലോ എന്ന് പറ്റി " " ഇതിൽ കൂടുതൽ ഇനി എന്ത് പറ്റാൻ .ആ ആരിഫ് സാർ ഒരാഴ്ച്ചക്ക് ലീവ് എടുത്ത് നാട്ടിലേക്ക് പോയി. നിങ്ങൾ സ്റ്റുഡൻസിൻ്റെ ഡീറ്റെയിൽസ് വെരിഫൈ ചെയ്യേണ്ടത് സാറിൻ്റെ ഡ്യൂട്ടി ആയിരുന്നു. അതിപ്പോ എൻ്റെ തലയിൽ ആയി. വൈകുന്നേരം വന്നപ്പോ മുതൽ ലാപ് ടോപ്പിൻ്റെ മുന്നിൽ ഇരിക്കുന്നതാ.ഇനി നിൻ്റെ ക്ലാസിലെ ഗേൾസിൻ്റെ കൂടെ ഉണ്ട്" " അതിന് ഞങ്ങളുടെ ഡീറ്റെയിൽസ് എന്തിനാ വെരിഫൈ ചെയ്യുന്നേ "

"നിങ്ങളുടെ കോഴ്സ് കഴിയാറായിലോ. അപ്പോ അതിൻ്റെ പേപ്പർസും മറ്റും റെഡിയാക്കാൻ നിങ്ങളുടെ ഡീറ്റെയിൽസ് ഒന്നു കൂടി വെരിഫൈ ചെയ്യണം അതാ " " ആണോ .എന്നാ മോൻ പോയി പണി ചെയ്യ് തോ ഞാൻ നാളെ വിളിക്കാം" " ഒക്കെ ബൈ. " "ഓഹ് ബൈ മാത്രമേ ഉള്ളു" ഗായത്രി പുഛത്തോടെ ചോദിച്ചു. " ഇനി എന്താ വേണ്ടേ "അലോക്ക് മനസിലാവാതെ ചോദിച്ചു. "ഒന്നുല്ല ബൈ " ഗായത്രി ഫോൺ കട്ട് ചെയ്തതും അലോക്ക് ഫോൺ മേശപ്പുറത്ത് വച്ച് വീണ്ടും ലാപ്പിൽ ശ്രദ്ധിക്കാൻ തുടങ്ങി. കുറേ നേരം ലാപ്പിനു മുന്നിൽ ഇരുന്നത് കൊണ്ടാകാം അവനും നല്ലണം ക്ഷീണിച്ചിരുന്നു. പെട്ടെന്ന് ലാപ്ടോപ്പ് സ്ക്രീനിൽ തെളിഞ്ഞ പ്രൊഫയിൽ കണ്ട് അലോക്കിൻ്റെ മുഖത്ത് ഒരു ചിരി തെളിഞ്ഞു. * ഗായത്രി* പക്ഷേ ആ സന്തോഷം അധികനേരം ഉണ്ടായിരുന്നില്ല. അവളുടെ പേരിനു താഴെ കണ്ട ഡീറ്റെയിൽസ് കണ്ടതും അവൻ്റെ മുഖം വലിഞ്ഞ് മുറുകി. അടുത്ത നിമിഷം അവൻ ഫോൺ എടുത്ത് ഗായത്രിയെ കോൾ ചെയ്യ്തു. " നിൻ്റെ അച്ഛൻ്റെ പേരെന്താ" ഫോൺ എടുത്തതും അലോക്ക് ഗായുവിനോടായി ചോദിച്ചു. "മഹാദേവൻ എന്നാണ്. എന്തേ " ഗായത്രി ഒന്നും മനസിലാവാതെ ചോദിച്ചു. " അപ്പോ നീ അയാളുടെ മകൾ ആയിരുന്നോ .ഛേ " അലോക്ക് വെറുപ്പോടെ പറഞ്ഞു.

" എന്തേ. ഇങ്ങനെ പറയാൻ എന്താ ഉണ്ടായേ " "എന്താ ഉണ്ടായേ എന്നോ .ഇയാൾ ഇയാൾ ഒറ്റ ഒരുത്തൻ ആണ് എന്നെ ആരും ഇല്ലാത്തവനാക്കി മാറ്റിയത് " "നിങ്ങൾ എന്തോക്കെയാ ഈ പറയുന്നേ. എനിക്ക് ഒന്നും മനസിലാവുന്നില്ല. നിങ്ങളെ ആര് അനാഥനാക്കി എന്നാ ഈ പറയുന്നേ " "നിനക്ക് മനസിലായില്ലേ. നിനക്ക് ഓർമ ഉണ്ടാവും പാർവ്വണ.എൻ്റെ നന്ദു. അവളെ ഇല്ലാതാക്കിയത് നിൻ്റെ ഈ തന്ത തന്നെയാണ് "അലോക്ക് ദേഷ്യത്തോടെ അലറി. "മാന്യമായി സംസാരിക്ക്. എൻ്റെ അച്ഛനെ കുറിച്ച ഇങ്ങനെ പറഞ്ഞാൽ എൻ്റെ തനി സ്വഭാവം നിങ്ങൾ അറിയും" " ഇനി അറിയാൻ ഒന്നും ഇല്ല. പോടീ നീ. നീയും ,നിൻ്റെ പുന്നാര എട്ടനും കൂടി പോയി നിൻ്റെ തന്ത പറഞ്ഞു തന്ന കള്ളങ്ങൾ വിശ്വസിച്ച് ജീവിച്ചോ " അലോക്ക് ദേഷ്യത്തോടെ പറഞ്ഞ് ഫോൺ ഓഫ് ചെയ്തു. ഗായത്രി ഒന്നും മനസിലാവാതെ ഒരു നിമിഷം തരിച്ച് നിന്നു. * രാവിലെ രുദ്രൻ എണീക്കുമ്പോഴേക്കും അപ്പു റൂമിൽ നിന്നും എണീറ്റ് പോയിരുന്നു. ഓഫീസിൽ അത്യവശ്യമായി ഒരു ജോലി തീർക്കേണ്ടതിനാൽ രുദ്രൻ രാവിലെ തന്നെ ഓഫിസിലേക്ക് പോയി. പവിയെ അപ്പുവിൻ്റെ അടുത്താക്കി ആണ് രുദ്രൻ പോയത്. ഉച്ചയോട് കൂടി ഗായത്രി അപ്പുവിൻ്റെ വീട്ടിലേക്ക് വന്നു..........തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...