💞എൻ്റെ ആത്മസഖിക്ക്💞 ഭാഗം 74

എഴുത്തുകാരി: അപർണ അരവിന്ദ്

" അപ്പോ ആ ഡയറി.. . ആ ഡയറിയിൽ ഉണ്ടായിരുന്നത് സത്യം ആണോ" അപ്പു തൻ്റെ ബാഗിൽ നിന്നും വേഗം യാമിനിയുടെ ഡയറി എടുത്ത് അലോക്കിനു നേരെ നീട്ടി. " എട്ടാ ഈ ഡയറിയിൽ... ഈ ഡയറിയിൽ എന്തോ ഉണ്ട്. " അലോക്ക് ആ ഡയറി തുറന്ന് ആദ്യ പേജ് വായിച്ചു. "അതെ അപ്പു നീ പറഞ്ഞത് ശരിയാണ്. പക്ഷേ ഒരു കാരണവശാലും ഈ കാര്യങ്ങൾ മഹാദേവൻ അറിയരുത്. കാരണം അയാൾ ഒന്നിന്നും മടി ഇല്ലാത്ത ആൾ ആണ്. നീ സാവധാനം രുദ്രനെ കാര്യങ്ങൾ പറഞ്ഞ് മനസിലാക്കണം. പക്ഷേ പെട്ടെന്ന് ഒന്നും അത് ഉൾകൊള്ളാൻ അവന് കഴിയില്ല. അതുപോലെ തന്നെ യാണ് ഗായത്രിയുടെ കാര്യവും . " എട്ടൻ ഗായുവിനെ വിളിച്ച് ഒന്ന് സംസാരിക്കണം. അവൾ ഒരു പാവം ആണ് " '' ഉം സംസാരിക്കാം" ഡയറി നേരെ അപ്പുവിന് തിരിച്ച് നൽകി കൊണ്ട് അലോക്ക് പറഞ്ഞു. '' എന്നാ ഞാൻ പോവാ എട്ടാ " അപ്പു അലോക്കിനോട് യാത്ര പറഞ്ഞ് കൊണ്ട് തിരിച്ച് നടന്നു. അവരെ വീക്ഷിച്ചിരുന്ന രണ്ട് കഴുകൻ കണ്ണുകളെ കുറിച്ച് അറിയാതെ. *

രുദ്രൻ വീട്ടിലെത്താൻ എന്നത്തേയും പോലെ വൈകിയിരുന്നു. സാധാരണ എന്നും ബാൽ കണിയിലേയും സിറ്റൗട്ടിലേയും ലൈറ്റുകൾ അമ്മ ഓൺ ചെയ്യ്ത് ഇടാറുണ്ട്. എന്നാൽ ഇന്ന് വീട്ടിൽ ഒരു ലൈറ്റ് പോലും ഓൺ അല്ല. അവൻ ഫോൺ ലൈറ്റ് ഓൺ ചെയ്യ്ത് നേരെ വീട്ടിൽ കയറി. സ്പെയർ കീ ഉപയോഗിച്ചാണ് രുദ്രൻ സാധാരണ ഡോർ ഓപ്പൺ ചെയ്യാറുള്ളത്. പക്ഷേ ഇന്ന് ഡോർ ലോക്ക് അല്ല. അവൻ ഡോർ ഹാൻ്റിൽ പിടിച്ച് തിരിച്ചതും ഡോർ ഒപ്പണായി . അവൻ അകത്തേക്ക് കയറിയതും ഹാളിലെ ലൈറ്റ് ഓൺ ആയി. "ഹാപ്പി ബർത്തി ഡേ" ഹാളിൽ എല്ലാവരെയും കണ്ടപ്പോൾ രുദ്രൻ പെട്ടെന്ന് ഞെട്ടി. അവനെ കൂടുതൽ ഞെട്ടിച്ചത് തൻ്റെ മുൻപിൽ ചിരിയോടെ പവിയേയും എടുത്ത് നിൽക്കുന്ന അപ്പുവിനെ ആണ്. " എട്ടൻ എന്താ ആദ്യം ആയിട്ടാണോ അപ്പുവിനെ കാണുന്നേ" ഗായത്രി കളിയാക്കി പറഞ്ഞതും രുദ്രൻ അപ്പുവിൻ്റെ മുഖത്ത് നിന്നും നോട്ടം മാറ്റി. "മതി എട്ടാ അഭിനയിച്ചത്. വന്ന് കേക്ക് കട്ട് ചെയ്യ് " ഗൗരവത്തോടെ നോക്കി നിൽക്കുന്ന രുദ്രനെ നോക്കി ഗായത്രി പറഞ്ഞു.

രുദ്രൻ ടേബിളിനരികിലേക്ക് വന്നു. ശേഷം കേക്ക് കട്ട് ചെയ്യ്ത് ആദ്യ കഷ്ണം അമ്മക്ക് നേരെ നീട്ടി. ''എനിക്ക് അല്ല മേനേ അപ്പുവിന് കൊടുക്ക് ആദ്യം " അമ്മ അപ്പുവിനെ നോക്കി കൊണ്ട് പറഞ്ഞു. രുദ്രൻ ആ കഷണം അപ്പുവിന് നേരെ നീട്ടി.അപ്പു അതിൽ നിന്നും ഒരു കഷ്ണം മുറിച്ച് രുദ്രൻ്റെ വായിൽ വച്ചു കൊടുത്തു . കുറച്ച് നേരം അവിടെ പിറന്നാൾ ആഘോഷങ്ങൾ നല്ല രീതിയിൽ നടന്നു. " രുദ്രാ എനിക്ക് നിന്നോട് ഒരു കാര്യം പറയാൻ ഉണ്ട്" മഹാദേവൻ ഗൗരവത്തോടെ പറഞ്ഞു. "എന്താ ഡാഡ് എന്താ കാര്യം" " നിൻ്റെ മമ്മിയുടെ കാര്യം തന്നെ യാണ് " മഹാദേവൻ അത് പറഞ്ഞതും രുദ്രൻ്റെ മുഖം ദേഷ്യത്താൽ ചുവന്നു. "നോ ഡാഡ്. എനിക്ക് അവരെ കുറിച്ച് ഒന്നും കേൾക്കണ്ട " ''നീ അങ്ങനെ പറയല്ലേ രുദ്ര. എന്തൊക്കെ പറഞ്ഞാലും അത് നിൻ്റെ അമ്മയാണ്. അപ്പോ ആ അമ്മയുടെ കുടുംബത്തിൻ്റെ ആഗ്രഹങ്ങൾ സാധിച്ചു കൊടുക്കേണ്ടതും നിൻ്റെ ഉത്തരവാദിത്വം ആണ്. " ഡാഡ് എന്താ പറഞ്ഞു വരുന്നത് " " അത് മോനേ നിൻ്റെ മുത്തശ്ശിയുടെ ആഗ്രഹ പ്രകാരം നീ അവരുടെ സ്വത്തുക്കൾ സ്വീകരിക്കണം.

ഇത് അവരുടെ ആഗ്രഹം ആണ് '' " ഇല്ല ഡാഡ് എന്നേ കൊണ്ട് പറ്റില്ല." " രുദ്രാ നീ എൻ്റെ ഈ അപേക്ഷ സ്വീകരിക്കണം. നീ സ്വീകരിക്കില്ലേ. അനുസരിക്കില്ലേ രുദ്രാ " മഹാദേവൻ്റെ ആ തന്ത്രത്തിൽ രുദ്രൻ വീഴും എന്ന് അയാൾക്ക് അറിയാമായിരുന്നു. " ഉം ശരി ഡാഡ് " അപ്പു അധികം താൽപര്യമില്ലാതെ സമ്മതിച്ചു. ** അപ്പു കുറച്ച് നേരം ഗായുവിനോടായി സംസാരിച്ചിരുന്നു. അലോക്ക് ഗായത്രിയെ വിളിച്ച് സംസാരിച്ചതിനാൽ ഗായുവും നല്ല സന്തോഷത്തിൽ ആയിരുന്നു. അപ്പോഴേക്കും പവി ഉറങ്ങിയിരുന്നു. അപ്പു ഉറങ്ങുന്ന പവിയേയും എടുത്ത് മുകളിലേക്ക് നടന്നു. ഓഫീസ് റൂമിൽ നിന്നുള്ള മഹാദേവൻ്റെ ശബ്ദം കേട്ടാണ് അപ്പു മുകളിലേക്ക് എത്തിയത്. അവൾ പതിയെ ഉറങ്ങുന്ന പവിയേയും കൊണ്ട് ഓഫീസ് റൂമിനരികിലേക്ക് നടന്നു. " ഞാൻ പറഞ്ഞില്ലേടോ എൻ്റെ തന്ത്രത്തിൽ രുദ്രൻ വീഴും എന്ന്. അതിൽ അവൻ വീണു.ഇനി എതാനും ദിവസത്തിനുള്ളിൽ ഈ മഹാദേവൻ ഒരു വലിയ പണക്കാരൻ ആവും .

രുദ്രൻ്റെ പേരിലേക്ക് യാമിനിയുടെ വീട്ടുകാർ നൽകുന്ന സ്വത്തുക്കൾ സംബന്ധിച്ച ഫയലുകൾ ക്കിടയിൽ ഞാൻ മറ്റു ചില ഫയൽ കൂടി വക്കും.ഈ അച്ഛൻ നൽകുന്ന ഫയൽ ആയതിനാൽ അവൻ ഒരിക്കലും അത് വായിച്ച് നോക്കില്ല" മഹാദേവൻ ആരോടോ സന്തോഷത്തോടെ ഫോണിൽ പറയുന്നത് അപ്പു ഒളിഞ്ഞു നിന്നു കേട്ടു . എട്ടൻ പറഞ്ഞതെല്ലാം സത്യം ആണ്.ഇയാൾ ഇത്രക്കും ദുഷ്ടൻ ആണോ. അല്ല സ്വത്തിനു വേണ്ടി സ്വന്തം ഭാര്യയേ കൊന്നവനല്ലേ. അപ്പോ ഇത് അല്ല ഇതിനപ്പുറവും ചെയ്യും. അപ്പു ഒരോന്ന് അലോചിച്ച് കൊണ്ട് രുദ്രൻ്റെ മുറിയിലേക്ക് നടന്നു. മുറിയിൽ രുദ്രനെ കാണാൻ ഇല്ല. അപ്പു പതിയെ പവിയെ ബെഡിൽ കിടത്തി .ശേഷം ബാൽക്കണിയിലേക്ക് നടന്നു. ബാൽക്കണിയിലെ ചെയറിൽ ഇരുന്ന് രുദ്രൻ എ തോ ഫയൽ നോക്കുകയാണ്. അപ്പു ഒരു ചെറു ചിരിയോടെ അവൻ്റെ അരികിലേക്ക് നടന്നു. അപ്പു അരികിൽ വന്ന് നിന്നിട്ടും രുദ്രൻ മൈൻ്റ് ചെയ്യാതെ ഇരുന്നപ്പോൾ അപ്പു ഒന്ന് ചുമച്ചു. അപ്പുവിൻ്റെ ചുമ കേട്ട് രുദ്രൻ ഫയലിൽ നിന്നും ഒന്ന് തല ഉയർത്തി നോക്കി. ശേഷം വീണ്ടും ഫയൽ നോക്കൽ തുടങ്ങി. അത് കണ്ടതും അപ്പുവിന് ആകെ കൂടി ദേഷ്യം വരാൻ തുടങ്ങി. അപ്പു രുദ്രൻ നോക്കി കൊണ്ടിരിക്കുന്ന ഫയൽ പിടിച്ചു വലിച്ചു.

"തനിക്ക് എന്താടോ ഇത്ര ജാഡ .ഞാൻ തിരിച്ച് നിങ്ങളുടെ അരികിലേക്ക് വന്നത് കൊണ്ടല്ലേ നിങ്ങൾക്ക് ഇത്ര റോൾ " " തോന്നുമ്പോ വരാനും പോവാനും ഇത് നിൻ്റെ മറ്റവൻ്റെ വീട് അല്ല " രുദ്രൻ ദേഷ്യത്തോടെ പറഞ്ഞ് ചെയറിൽ നിന്നു എഴുന്നേറ്റു. അവൻ നേരെ ബാൽക്കണിയിലേ റീലിൽ പിടിച്ച് അകലേക്ക് നോക്കി നിന്നു. " അതേയ് നിങ്ങൾ ഒരു കാര്യം മറന്നോ. ഞാൻ നിങ്ങടെ ഭാര്യയാ .അങ്ങനെ നോക്കുമ്പോൾ നിങ്ങൾ ഇപ്പോ പറഞ്ഞ മറ്റവൻ മറ്റാരും അല്ല നിങ്ങൾ തന്നെയാ " അത് കേട്ടതും രുദ്രൻ്റെ മുഖത്ത് ഒരു ചിരി വന്നേങ്കിലും അവൻ അത് പുറത്ത് കാണിച്ചില്ല. ''തനിക്ക് എന്നേ വേണ്ടെങ്കിൽ ഞാൻ എന്തിനാ ഇവിടെ വെറുതെ നിൽക്കണേ.ഞാൻ തിരിച്ച് പോവാ എൻ്റെ വീട്ടിക്ക് " അപ്പു ദേഷ്യത്തോടെ പറഞ്ഞ് തിരിഞ്ഞ് നടന്നതും രുദ്രൻ അവളുടെ കൈയ്യിൽ പിടിച്ചു.

"അങ്ങനെ നീ എന്നേ വിട്ട് പോവോ.നിനക്ക് അങ്ങനെ പോവാൻ പറ്റുമോ " അപ്പുവിനെ നെഞ്ചിലേക്ക് ചേർത്ത് അവളുടെ കണ്ണിലേക്ക് നോക്കി കൊണ്ട് രുദ്രൻ ചോദിച്ചു. " ഇല്ല. ഞാൻ പോവില്ല" അത് പറയുമ്പോൾ അപ്പുവിൻ്റെ കണ്ണുകൾ നിറഞ്ഞിരുന്നു. സ്വരം ഇടറിയിരുന്നു. രുദ്രൻ അവളെ ഇറുക്കെപ്പുണർന്നു.അവളുടെ നെറ്റിയിൽ ഒരു മുത്തമിട്ടു.അതിൽ ഉണ്ടായിരുന്നു രുദ്രൻ്റെ മുഴുവൻ സ്നേഹവും. രുദ്രൻ പതിയെ ബാൽക്കണിയിലേ ചെയറിൽ ഇരുന്നു. ശേഷം രുദ്രൻ അവളെ തൻ്റെ മടിയിൽ ഇരുത്തി. " രുദ്രാ ഞാൻ പോട്ടെ പവി അവിടെ ഒറ്റ " അവൾ പറഞ്ഞ് പൂർത്തിയാക്കുന്നതിനു മുൻപ് അവൻ അവളെ തടഞ്ഞു. " നീ വെറുതെ മനുഷ്യൻ്റെ മൂഡ് കളയല്ലേ പെണ്ണേ " അവൻ അവളുടെ കാതിൽ പതിയെ പറഞ്ഞു. രുദ്രൻ പതിയെ തൻ്റെ മുഖം അവളുടെ മുഖത്തോട് ചേർത്തു. ശേഷം അവളുടെ കഴുത്തിലൂടെയുള്ള പ്രണയ യാത്ര തുടങ്ങിയിരുന്നു

" രുദ്രാ "ഡോറിൽ തട്ടിയുള്ള ആരുടേയോ വിളി കേട്ട് അപ്പു പെട്ടെന്ന് രുദ്രൻ്റെ മടിയിൽ നിന്നും ചാടി എഴുന്നേറ്റു. തുടരെ തുടരെയുള്ള വിളി കേട്ട് രുദ്രൻ ചെന്ന് വാതിൽ തുറന്നു. മഹാദേവൻ ആയിരുന്നു അത്. "എന്താ ഡാഡ് ഈ സമയത്ത്.എന്താ കാര്യം, " രുദ്രൻ ആവലാതിയോടെ ചോദിച്ചു. " മോനേ ഇത് നിൻ്റെ പേരിലേക്ക് യാമിനിയുടെ സ്വത്തുക്കൾ മാറ്റുന്നതിനുള്ള ഫയൽ ആണ്. ഇതിൽ നിൻ്റെ സൈൻ വേണം." ഫയൽ രുദ്രന് നേരെ നീട്ടി കൊണ്ട് മഹാദേവൻ പറഞ്ഞു. " ശരി ഡാഡ് " ഫയൽ രുദ്രൻ വാങ്ങിയതും മഹാദേവൻ അവിടെ നിന്നും പോയി. രുദ്രൻ വാതിൽ അടച്ച് ഫയലുമായി ടേബിളിനരികിലേക്ക് നടന്നു. ഫയൽ ഒന്ന് വായിച്ച് നോക്കുക പോലും ചെയ്യാതെ രുദ്രൻ ഫയലിൽ സൈൻ ചെയ്യാൻ നിന്നതും അപ്പു അത് തടഞ്ഞു........തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...