💞എൻ്റെ ആത്മസഖിക്ക്💞 ഭാഗം 75

എഴുത്തുകാരി: അപർണ അരവിന്ദ്

ഫയൽ ഒന്ന് വായിച്ച് നോക്കുക പോലും ചെയ്യാതെ രുദ്രൻ ഫയലിൽ സൈൻ ചെയ്യാൻ നിന്നതും അപ്പു അത് തടഞ്ഞു. ''വേണ്ട രുദ്രാ " അപ്പു രുദ്രൻ്റെ കയ്യിലുള്ള പേന വാങ്ങി കൊണ്ട് പറഞ്ഞു. '' എന്താ പാറു. എന്താ കാര്യം" രുദ്രൻ ഒന്നു മനസിലാവാതെ അപ്പുവിനെ നോക്കി. " രുദ്രാ ഇതൊന്ന് വായിച്ച് നോക്കുക പോലും ചെയ്യാതെ എന്തിനാ സൈൻ ചെയ്യുന്നേ " " പാറു നീ എന്താ ഈ പറയുന്നേ ഇത് ഡാഡ് തന്ന ഫയൽ ആണ് പിന്നെ എന്തിനാ വെറുതെ വായിക്കുന്നേ " " അതിനെന്താ ഒന്ന് വായിച്ചു നോക്കിയാ" ''എനിക്ക് എന്നേക്കാൾ വിശ്വാസമാണ് എൻ്റെ ഡാഡിനെ. പിന്നെ എന്തിന് വായിച്ച് നോക്കണം" " രുദ്രാ നീ കരുതുന്ന ആൾ അല്ല നിൻ്റെ അച്ഛൻ. അയാൾ ... അയാൾ ഒരു ദുഷ്ടൻ ആണ്.പണത്തിന് വേണ്ടി ആരെയും കൊല്ലാൻ മടിയില്ലാത്തവൻ " "പാറു stop it. നീ ഇത് ആരെ കുറിച്ചാ ഇങ്ങനെയൊക്കെ പറയുന്നത് എന്നുള്ള ബോധം ഉണ്ടോ " " ഉണ്ട്. വ്യക്തമായ ബോധം എനിക്ക് ഉണ്ട്. അയാൾ അയാൾ ഒരു " "പാറു " രുദ്രൻ ദേഷ്യത്തോടെ അലറി.

നീ ഇന്ന് അലോക്കിനെ പോയി കണ്ട കാര്യം അങ്കിൾ എന്നോട് പറഞ്ഞിരുന്നു. പക്ഷേ ഞാൻ അത് വിശ്വസിച്ചിരുന്നില്ല. പക്ഷേ ഇപ്പോ മനസിലായി. അവൻ പറഞ്ഞ കള്ളങ്ങൾ കേട്ട് നീ വെറുതെ ഡാഡിനെ അവിശ്വസിക്കരുത് ". "രുദ്രാ എട്ടൻ പറഞ്ഞതെല്ലാം സത്യം ആണ്. നന്ദുവിനെ കൊന്നത് അയാൾ ആണ്. " "Stop it പാറു .ഇനി നീ അവനെ കുറിച്ച് ഒരക്ഷരം എന്നോട് പറയരുത്. അവന് വെറും complex ആണ്. അവൻ്റെ അനിയത്തി മരിച്ചതിൻ്റെ വെറും ഒരു " "അല്ല രുദ്ര. എട്ടൻ പറഞ്ഞത് സത്യം ആണ് " "നോക്ക് പാറു .നീ അലോക്കിനെ കാണുന്നതിനോ സംസാരിക്കുന്നതിനോ എനിക്ക് ഒരു പ്രോബ്ലവും ഇല്ല. കാരണം അവൻ നിൻ്റെ ഏട്ടൻ്റെ സ്ഥാനത്താണ് എന്ന് എനിക്കറിയാം. പക്ഷേ അവൻ പറയുന്ന ഇത്തരത്തിലുള്ള കാര്യങ്ങൾ കേട്ട് എന്നോട് പറയാൻ വരണ്ട." " രുദ്രാ ഞാൻ നിനക്ക് തെളിയിച്ച് തരാം" അപ്പു വെപ്രാളത്തോടെ കബോഡിനരികിലേക്ക് നടന്നു. കബോഡിൽ നിന്നും ബാഗ് വലിച്ചെടുത്ത് അതിൽ അപ്പു യാമിനിയുടെ ആ ഡയറി തിരയാൻ തുടങ്ങി. പക്ഷേ കാണാൻ ഇല്ല.

" ആ ഡയറി .... ആ ഡയറി കാണാൻ ഇല്ല. അത് അയാൾ തന്നെയായിരിക്കും എടുത്ത് മാറ്റിയത്. രുദ്രാ കണ്ടോ നിൻ്റെ അച്ഛൻ തന്നെയാ അത് മാറ്റിയത്. നിൻ്റെ മമ്മിയുടെ ഡയറി എൻ്റെ അടുത്ത് ഉണ്ടായിരുന്നു. അതിൽ ഉണ്ടായിരുന്നു എല്ലാ സത്യങ്ങളും . യാമിനി അമ്മയേയും ,നന്ദുവിനെയും, എട്ടനേയും, എൻ്റെ ചേച്ചിയേയും ഒക്കെ കൊന്നത് അയാളാ രുദ്രാ .അയാൾ ഒരു " അപ്പു പറഞ്ഞ് അവസാനിപ്പിക്കുന്നതിനു മുൻപ് തന്നെ രുദ്രൻ അപ്പുവിൻ്റെ കവിളിൽ ആഞ്ഞ് തല്ലിയിരുന്നു. അവളുടെ കവിൾ ആ കെ നീറി പുകഞ്ഞു. കണ്ണുകൾ നിറഞ്ഞ് ഒഴുകി. " ഇനി ഈ വക കാര്യങ്ങൾ എൻ്റെ അച്ഛനെ കുറിച്ച് പറഞ്ഞാൽ ഇനി എൻ്റെ ഭാര്യാ സ്ഥാനത്ത് നീ ഉണ്ടാവില്ല " രുദ്രൻ അലറി കൊണ്ട് പറഞ്ഞ് ബാൽക്കണിയിലേക്ക് നടന്നു. ശേഷം ബാൽക്കണിയുടെ വാതിൽ ശക്തിയോടെ അടച്ചു. അപ്പു ഒരു നിമിഷം നിശ്ചലമായി നിന്നും രുദ്രൻ്റെ ആ രൗദ്ര ഭാവം അവളെ ശരിക്കും ഭയപ്പെടുത്തിയിരുന്നു. " ഞാൻ സത്യങ്ങൾ എങ്ങനെ നിങ്ങൾക്ക് തെളിയിച്ച് തരും രുദ്രാ.

ആകെ ഉള്ള ഒരു തെളിവ് ആ ഡയറി ആയിരുന്നു.അത് ഞാൻ നഷ്പ്പെടുത്തി കളഞ്ഞു. അപ്പു കരഞ്ഞു കൊണ്ട് താഴെ ഇരുന്നു . ** പിറ്റേ ദിവസം രുദ്രൻ ഓഫീസ്സിൽ പോയിരുന്നില്ല. ഇന്നലത്തെ ആ സംഭവത്തിനു ശേഷം രുദ്രൻ അപ്പുവിനോട് ഒരു വാക്കു പോലും മിണ്ടിയിട്ടില്ല. അപ്പു പലതവണ രുദ്രനോട് സംസാരിക്കാൻ ശ്രമിച്ചെങ്കിലും അവൻ മനപ്പൂർവ്വം ഒഴിഞ്ഞ് മാറി. നാളെ എല്ലാവരും കൂടി തറവാട്ടിലേക്ക് പോകാനുള്ള ഒരുക്കത്തിൽ ആണ്. നാളെ കാശിയുടേയും ,ആമിയുടേയും വിവാഹ നിശ്ചയം ആണ്. നാളെ രാവിലെ പുലർച്ചക്ക് തന്നെ ഇറങ്ങേണ്ടതിനാൽ എല്ലാവരും രാത്രി തറവാട്ടിലേക്ക് പോകാനുള്ള തിരക്കിൽ ആണ്. രുദ്രൻ ഒന്നും മിണ്ടാത്തതിനാൽ അപ്പുവിന് എന്തോ ആകെ ഒരു സങ്കടം ആയിരുന്നു. ഗായു അപ്പുവിൻ്റെ മുഖത്തെ ക്ഷീണം കണ്ട് എന്താ കാര്യം എന്ന് കുറേ ചോദിച്ചെങ്കിലും അപ്പു ഒന്നും ഇല്ല എന്ന് പറഞ്ഞ് ഒഴിഞ്ഞ് മാറി. മുറിയിൽ എത്തിയിട്ടും രുദ്രൻ മിണ്ടാതെ നടക്കുക തന്നെയാണ് ചെയ്യ്തത്. പവി കൂടെ ഉള്ളതിനാൽ രുദ്രനോട് സംസാരിക്കാൻ അപ്പുവും ശ്രമിച്ചില്ല. *

* പിറ്റേന്ന് പുലർച്ച തന്നെ അവർ എല്ലാവരും തറവാട്ടിലേക്ക് പുറപ്പെട്ടു. നേരത്തെ തന്നെ അവർ തറവാട്ടിൽ എത്തി.തറവാട്ട് മുറ്റം പന്തൽ കെട്ടി പൂക്കൾ കൊണ്ട് അലങ്കരിച്ചിരുന്നു. രുദ്രനേയും മറ്റുള്ളവരേയും കണ്ടതും മുത്തശ്ശി മുറ്റത്തേക്ക് ഇറങ്ങി വന്നു. "മുത്തശ്ശിടെ പൊന്നു മോൾ വന്നോ " അപ്പുവിൻ്റെ തോളിൽ പാതി മയക്കത്തോടെ കിടക്കുന്ന പവിയുടെ കവിളിൽ തലോടി കൊണ്ട് മുത്തശ്ശി ചോദിച്ചു. " ഉം " പവി അപ്പുവിൻ്റെ തോളിൽ കടന്ന് ചിണുങ്ങി കൊണ്ട് പറഞ്ഞു. "വാ മക്കളെ അകത്തേക്ക് വാ" മുത്തശ്ശി എല്ലാവരേയും അകത്തേക്ക് ക്ഷണിച്ചു. അപ്പുവും ഗായുവും നേരെ ചെന്നത് ആമിയുടെ മുറിയിലേക്കാണ്. കണ്ണാടിയുടെ മുന്നിൽ ഇരിക്കുന്ന ആമിക്ക് മേക്കപ്പ് ചെയ്യ്തു കൊടുക്കുന്ന തിരക്കിൽ ആണ് ആലിയ. " അപ്പു "അപ്പുവിനേയും, ഗായുവിനെയും കണ്ടതും ആമി ചെയറിൽ നിന്നും ചാടി എണീറ്റു.

"എൻ്റെ ആമി കുട്ടി സുന്ദരിയായിട്ടുണ്ട് ലോ" ആമിയുടെ കവിളിൽ പിടിച്ച് കൊണ്ട് അപ്പു പറഞ്ഞു. "പിന്നെ അല്ലാതെ .ആരാ മേക്കപ്പ് ചെയ്യ്ത് കൊടുത്തത് .ഈ ആലിയ ആണ് " ആലിയ ഇട്ട ടോപ്പിൻ്റെ കോളർ പൊക്കി കൊണ്ട് പറഞ്ഞു. "കല്യാണ പെണ്ണിനെ ഒക്കെ റെഡിയാക്കിയത് കൊള്ളാം. പക്ഷേ നീ എന്താ ഈ കോലത്തിൽ നിൽക്കുന്നേ " കുളിക്കാതെയും, നന്നക്കാതെയും നിൽക്കുന്ന ആലിയയെ കളിയാക്കി കൊണ്ട് ഗായു ചോദിച്ചു. "ഓഹ് അണിഞ്ഞൊരുങ്ങി നിന്നിട്ട് നമ്മളെ ഒക്കെ ആര് കാണാനാ" ആലിയ ഒരു നിശ്വാസത്തോടെ പറഞ്ഞു. "അതെ അതെ .യാദവേട്ടനും നീയും തമ്മിലുള്ള ഡിങ്കോൾഫിക്കേഷൻ ഞങ്ങൾക്ക് ഒന്നും അറിയില്ലാ എന്നാണോ നിൻ്റെ വിചാരം" അത് കേട്ടതും ആലിയുടെ മുഖഭാവം ആകെ മാറി. " അത്. അത് പിന്നെ " ആലിയ കടന്ന് പരുങ്ങാൻ തുടങ്ങി "മതി മതി നിന്ന് ചമ്മിയത് പോയി റെഡിയാവാൻ നോക്ക് " അപ്പു ചമ്മി നിൽക്കുന്ന ആലിയയെ നോക്കി പറഞ്ഞു. "നിങ്ങൾ റെഡിയാവുന്നില്ലേ " ഗായുവിനേയും, അപ്പുവിനേയും നോക്കി കൊണ്ട് ആമി ചോദിച്ചു.

" ഉം റെഡിയാവണം" " എന്നാ പോയി റെഡിയാവ്" * പത്ത് മണിയോട് കൂടി അവർ എല്ലാവരും റെഡിയായി. അപ്പുവും, ആലിയയും, ഗായത്രിയും ഒരേ ഡിസൈനിലുള്ള ഡിഫൻ്റ് കളർ സാരിയാണ് ഉടുത്തിരുന്നത്. അപ്പു റെഡ് കളർ സാരിയും ഗായു റോസ് കളർ സാരിയും, ആലിയ വൈലറ്റ് കളർ സാരിയും ആണ് ഉടുത്തിരുന്നത്. * " ഇനി പരസ്പരം മോതിരം അണിയിച്ചോള്ളൂ." മുത്തശ്ശി പറഞ്ഞതും കാശിയും ,ആമിയും പരസ്പരം റിങ്ങ് എക്ചേഞ്ച് ചെയ്യ്തു. ആൾകൂട്ടത്തിനിടയിൽ ഒരാളുടെ മുഖം കണ്ടതും ഗായത്രിയുടെ മുഖം വിടർന്നു. * അലോക്ക്* അലോക്ക് കണ്ണ് കൊണ്ട് എന്തോ ആക്ഷൻ കാണിച്ചതും ഗായത്രി നേരെ ആരും കാണാതെ വീടിൻ്റെ ഒരു സൈഡിലേക്ക് നടന്നു. അവൾ വീടിൻ്റെ സൈഡിലുള്ള മാവിൻ്റെ ചുവട്ടിൽ എത്തിയതും ആരോ അവളുടെ കൈ പിടിച്ച് വലിച്ചു. അത് അലോക്ക് ആണ് എന്ന് അവൾക്കും മനസിലായിരുന്നു .

" എന്തേ " തന്നെ ചേർത്തു പിടിച്ചിരിക്കുന്ന അലോക്കിനെ നോക്കി പിരികം ഉയർത്തി കൊണ്ട് ചോദിച്ചു. " എയ് ഒന്നൂല്ല" അലോക്ക് കണ്ണ് ചിമ്മി കൊണ്ട് പറഞ്ഞു. "നിങ്ങൾ എന്താ ഇവിടെ " "അതെന്താ എനിക്ക് ഇങ്ങോട്ട് വന്നൂടെ " " നാണം ഇല്ലലോ വിളിക്കാത്ത കല്യാണത്തിന് ഒക്കെ ഇങ്ങനെ കേറി വരാൻ " ഗായത്രി കളിയാക്കി കൊണ്ട് പറഞ്ഞു. " അതിന് ഇത് കല്യാണം അല്ല ലോ .എൻഗേജ്മെൻ്റ് അല്ലേ.പിന്നെ നിന്നോട് ആരാ പറഞ്ഞേ ഞാൻ വിളിക്കാത്ത സദ്യക്കാ വന്നത് എന്ന് " അലോക്ക് അവളെ തന്നോട് ചേർത്തു കൊണ്ട് പറഞ്ഞു. പെട്ടെന്ന് അകത്ത് നിന്നും ഒരു ബഹളം കേട്ടതും ഗായത്രിയും, അലോക്കും ഒന്നു ഞെട്ടി.ശേഷം അവർ ഇരുവരും അകത്തേക്ക് ഓടി.......തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...