💞എൻ്റെ ആത്മസഖിക്ക്💞 ഭാഗം 76

എഴുത്തുകാരി: അപർണ അരവിന്ദ്

അകത്ത് നിന്നും ഒരു ബഹളം കേട്ടതും ഗായത്രിയും, അലോക്കും ഒന്നു ഞെട്ടി.ശേഷം അവർ ഇരുവരും അകത്തേക്ക് ഓടി. "ആരും പേടിക്കണ്ട. മോൾക്ക് ഒന്നും ഇല്ല" മുത്തശ്ശി ഒരു ഗ്ലാസ്സ് വെള്ളം അപ്പുവിന് കൊടുത്തു കൊണ്ട് പറഞ്ഞു. "എന്താ ആലി എന്താ അപ്പുവിന് പറ്റിയെ " ഗായത്രി പരിഭ്രമത്തോടെ ആലിയയോട് ചോദിച്ചു. "അറിയില്ല ഗായു. അപ്പു പെട്ടെന്ന് തലകറങ്ങി വീണു. " " അപ്പു ഹോസ്പിറ്റൽ പോവാം വാ " ഗായു അപ്പുവിൻ്റെ അരികിൽ ഇരുന്ന് കൊണ്ട് പറഞ്ഞു. "അതെ ഹോസ്പിറ്റൽ പോവണം പക്ഷേ ഇപ്പോൾ പോവണ്ട ആവശ്യം ഇല്ല." മുത്തശ്ശി ഒരു ചിരിയോടെ പറഞ്ഞും എല്ലാവരും ഒന്നും മനസിലാവാതെ പരസ്പരം നോക്കി. നമ്മുടെ പവിക്ക് ഒരു കൂട്ടായി അനിയത്തിയോ ,അനിയനോ വരാൻ പോവാ.അപ്പുനു വിശേഷം ഉണ്ട്. അത് കേട്ടതും എല്ലാവരുടേയും മുഖത്ത് ഒരു സന്തോഷം തെളിഞ്ഞു. ഗായു സന്തോഷത്താൽ അപ്പുവിൻ്റെ കവിളിൽ ഒരു ഉമ്മ കൊടുത്തു. അപ്പുവിൻ്റെ കണ്ണുകൾ സന്തോഷം കൊണ്ട് നിറഞ്ഞു. അവൾ വലതു കൈ കൊണ്ട് തൻ്റെ വയറിനു മേൽ കൈ വച്ചു.

" മോളേ നീ എന്തിനാ കരയണേ.സന്തോഷിക്കുകയല്ലേ വേണ്ടത് " മുത്തശ്ശി അപ്പുവിൻ്റെ തലയിൽ തലോടി കൊണ്ട് പറഞ്ഞു. താൻ കേട്ടത് വിശ്വസിക്കാൻ പറ്റാതെ നിൽക്കുകയാണ് രുദ്രൻ. താൻ ഒരു അച്ഛൻ ആവാൻ പോവുന്നു. അവൻ്റെ മനസ് സന്തോഷം കൊണ്ട് നിറഞ്ഞു. ഒപ്പം കണ്ണുകളും. ഓടി ചെന്ന് അവളെ വാരി പുണർന്ന് അവളുടെ നെറ്റിയിൽ ഒരു മുത്തമിടാൻ അവൻ്റെ ഉള്ളം കൊതിച്ചു പക്ഷേ എന്തു കൊണ്ടോ കഴിയുന്നില്ല. രുദ്രൻ തിരിച്ച് അവൻ്റെ മുറിയിലേക്ക് നടന്നു. പവി അപ്പുവിൻ്റെ അരികിൽ വന്ന് ഇരുന്ന് അവളുടെ വയറിൽ ഉമ്മ വച്ചു. " അമ്മേ വാവ ഉണ്ണിചെക്കൻ ആണോ ഉണ്ണി പെണ്ണ് ആയിരിക്കോ" "അതൊന്നും ഇപ്പോ അറിയാൻ പറ്റില്ല പവി. വാവ പുറത്ത് വന്നാലേ അറിയൂ" മുത്തശ്ശി പവിയോടായി പറഞ്ഞു. " അപ്പോ വാവ എപ്പോഴാ വരാ മുത്തശ്ശി " ''വാവ വരാൻ ഇനിയും കുറേ സമയം ഉണ്ട്. വാവ അമ്മയുടെ വയറിൽ കടന്ന് വലുതായാല പുറത്തേക്ക് വരുള്ളൂ" കുറച്ച് കഴിഞ്ഞതും എല്ലാവരും അപ്പുവിൻ്റെ അരികിൽ വന്ന് ഇരുന്ന് ഓരോ വിശേഷങ്ങൾ പറയാൻ തുടങ്ങി.

അപ്പോഴും അപ്പുവിൻ്റെ കണ്ണുകൾ രുദ്രനെ ആണ് തിരഞ്ഞിരുന്നത്. തിരക്ക് ഒന്ന് ഒഴിഞ്ഞതും അവൾ രുദ്രനെ അന്വേഷിക്കാൻ തുടങ്ങി. അവൾ പ്രതീക്ഷിച്ച പോലെ രുദ്രൻ മുറിയിൽ തന്നെ ഉണ്ടായിരുന്നു. അപ്പു മുറിയിലേക്ക് വന്നതൊന്നും രുദ്രൻ അറിഞ്ഞിരുന്നില്ല. അവൻ ജനൽ കമ്പി പിടിച്ച് അകലേക്ക് നോക്കി നിൽക്കുകയായിരുന്നു. " രുദ്രാ " അപ്പുവിൻ്റെ വിളി കേട്ടതും രുദ്രൻ തിരിഞ്ഞ് നോക്കി. അപ്പുവിനെ കണ്ടതും രുദ്രൻ അവളെ ഒരു തരം നിർവികാരത്തോടെ നോക്കി. " രുദ്രാ നമ്മുടെ നമ്മുടെ കുഞ്ഞ്" അപ്പുവിന് വാക്കുകൾ പുറത്തേക്ക് വന്നിരുന്നില്ല. രുദ്രൻ ഒന്നും മിണ്ടാതെ അപ്പുവിൻ്റെ മുഖത്ത് നിന്നും കണ്ടെടുക്കാതെ അവളെ തന്നെ നോക്കി നിന്നു. ഒരു ഭാഗത്ത് അപ്പു. മറുഭാഗത്ത് ഡാഡ് .അപ്പു ഡാഡിനെ കുറിച്ച് പറഞ്ഞ വാക്കുകൾ ഓർക്കുമ്പോൾ എന്ത് ചെയ്യണം എന്ന് അറിയാത്ത ഒരു അവസ്ഥ . " രുദ്രാ സോറി. ഞാൻ അച്ഛനെ കുറിച്ച് പറഞ്ഞതിനെല്ലാം സോറി. ഇനി ഞാൻ അച്ഛനെ കുറിച്ച് അങ്ങനെ ഒന്നും പറയില്ല രുദ്രാ " രുദ്രനെ പിണക്കി കൊണ്ട് അച്ഛൻ്റെ തെറ്റുകൾ തെളിയിക്കാൻ കഴിയില്ല എന്ന് അവൾക്ക് അറിയാമായിരുന്നു. അതു കൊണ്ട് തന്നെ സ്നേഹത്തോടെ എല്ലാം പറഞ്ഞു മനസിലാക്കാം എന്ന് അപ്പു സ്വയം തിരുമാനിച്ചു.

" രുദ്രാ നമ്മുടെ കുഞ്ഞ്. നമ്മൾ എത്ര കാത്തിരുന്നതാ ഈ നിമിഷത്തിനായി " അതു പറഞ്ഞ് അപ്പു രുദ്രൻ്റെ കൈ എടുത്ത് തൻ്റെ വയറിനു മേൽ വച്ചു. അടുത്ത നിമിഷം രുദ്രൻ നിറ കണ്ണുകളോടെ അപ്പുവിനെ ഇറുക്കി പുണർന്നു. അവളുടെ മുഖം ചുബനങ്ങളാൽ മൂടി. രുദ്രൻ തറയിൽ മുട്ടു കുത്തി ഇരുന്ന് അപ്പുവിൻ്റെ വയറിനോട് മുഖം ചേർത്തു. " നമ്മുടെ പൊന്നു മോൾ " രുദ്രൻ അവളുടെ വയറിൽ മുത്തമിട്ടു കൊണ്ട് പറഞ്ഞു. " അപ്പോ മോൾ ആണ് എന്ന് ഉറപ്പിച്ചോ " അപ്പു ഇടുപ്പിൽ കൈ കുത്തി കൊണ്ട് ചോദിച്ചു . "പിന്നെ അല്ലാതെ .ഇതെൻ്റെ കുഞ്ഞു പാറു കുട്ടി തന്നെയാണ്. രുദ്രൻ ഒരിക്കൽ കൂടി അവളുടെ വയറിൽ മുഖം ചേർത്തു കൊണ്ട് പറഞ്ഞു. * പിന്നീടുള്ള ദിവസങ്ങൾ അധി വേഗത്തിൽ തന്നെ കടന്നു പോയി.അപ്പുവിൻ്റെ ആഗ്രഹങ്ങൾക്കനുസരിച്ച് രുദ്രൻ ഏത് പാതിരാത്രിക്കും എവിടെയും പോവാൻ തുടങ്ങി. അവൾക്കായ് അവൻ ഏത് മാവിൻ്റെ മുകളിലും കയറും ,അവൾക്കായ് ഏതു പാതിരാത്രിയും ഏതു തട്ടുകടയിലേക്കും മസാല ദോശ അന്വോഷിച്ച് പോവും,

ചില രാത്രികളിൽ അവൾ വേദന കൊണ്ട് കരയുമ്പോൾ സാരില്ല്യ പാറു .നമ്മുടെ കുഞ്ഞു പാറുകുട്ടിയല്ലേ എന്ന് ചോദിച്ച് കൊണ്ട് അവളുടെ വയറിൽ ഒരു മുത്തമിടും. കാലിൽ നീരു വന്നു വീർക്കുമ്പോൾ രാത്രികളിൽ ഉറക്കം ഒഴിച്ച് അവളുടെ നീരുവന്ന കാലുകൾ തടവി കൊടുക്കും. ആ മാസങ്ങളിൽ അറിയുകയായിരുന്നു അപ്പു രുദ്രൻ്റെ സ്നേഹ, ലാളനങ്ങൾ. അതിനിടയിൽ പല തവണ മഹാദേവൻ്റെ തെറ്റുകൾ തെളിയിക്കാനായി അപ്പു കഠിനമായി ശ്രമിച്ചിരുന്നു. പക്ഷേ അതിനുള്ള തെളിവുകൾ അപ്പുവിന് കിട്ടിയിരുന്നില്ല. പല തവണ നന്ദുവിൻ്റെ മുറിയിൽ കയറാൻ ശ്രമിക്കുന്നുണ്ടെങ്കിലും അതിനു കഴിഞ്ഞിരുന്നില്ല. ** ഇപ്പോൾ അപ്പുവിന് ഒൻപതാം മാസം ആണ്. ഡേറ്റ് അടുത്ത് വരുന്തോറും അവളുടെ ഉള്ളിലും ചെറിയ രീതിയിലുള്ള ടെൻഷൻ ഉണ്ടായിരുന്നു. " രുദ്രാ " രാത്രി രുദ്രൻ്റെ മടിയിൽ കിടന്നു കൊണ്ട് അപ്പു വിളിച്ചു. " നിന്നോട് പല വട്ടം ഞാൻ പറഞ്ഞിട്ടുണ്ട് ഈ രുദ്രാ വിളി നിർത്താൻ " അപ്പുവിൻ്റെ ചെവിയിൽ പിടിച്ച് കൊണ്ട് രുദ്രൻ പറഞ്ഞു.

" ആ .... ചെവിയിൽ നിന്ന് വിട് മനുഷ്യാ എനിക്ക് നോവുന്നു." അപ്പു രുദ്രൻ്റെ കൈ പിടിച്ച് പറഞ്ഞതും രുദ്രൻ അവളുടെ ചെവിയിൽ നിന്നും കൈ വിട്ടു. "അടുത്ത മാസം എൻ്റെ കുഞ്ഞ് ഇങ്ങ് വന്നോട്ടേ .എന്നിട്ട് മാറ്റി തരാം നിൻ്റെ ഈ വിളിയോക്കെ " "സോറി രുദ്രാ. അല്ല സോറി ദേവേട്ടാ. എനിക്ക് എപ്പോഴും അങ്ങനെയെ വരുന്നതാ " "ദേവേട്ടാ " കുറച്ച് നേരത്തിനു ശേഷം അപ്പു പതിയെ അവനെ വിളിച്ചു. "എന്താടാ പൊന്നാ " അപ്പുവിൻ്റെ തലയിൽ തലോടി കൊണ്ട് രുദ്രൻ ചോദിച്ചു. "എനിക്ക് ഐസ്ക്രീം വേണം" അപ്പു കൊഞ്ചി കൊണ്ട് പറഞ്ഞു. "ഐസ്ക്രീ മോ' ഈ സമയത്തോ" " ആ അതെ എനിക്ക് ഇപ്പോ തന്നെ ഐസ് ക്രീം വേണം" അപ്പു വാശിയോടെ പറഞ്ഞു . " ഈ പെണ്ണിൻ്റെ ഒരു കാര്യം " രുദ്രൻ പതിയെ തൻ്റെ മടിയിൽ വച്ചിരിക്കുന്ന അപ്പുവിൻ്റെ തല താഴെക്ക് എടുത്ത് വച്ചു. " ഞാൻ ഇപ്പോ വരാം" രുദ്രൻ കാറിൻ്റെ കീ എടുത്ത് പുറത്തേക്ക് നടന്നു. രുദ്രൻ സ്റ്റയർ ഇറങ്ങി താഴെ എത്തിയതും താഴെ ഗായത്രിയും പവിയും താഴെ ഇരുന്ന് ടിവി കാണുകയാണ്. "

ഗായു നീ കുറച്ച് നേരം പാറുവിൻ്റെ അടുത്ത് ചെന്ന് ഇരിക്ക് ഞാൻ ഒന്ന് പുറത്ത് പോയി വരാം" " ശരി എട്ടാ " ഗായു ടി വി ഓഫ് ചെയ്യ്ത് പവിയേയും എടുത്ത് അപ്പുവിൻ്റെ അരികിലേക്ക് നടന്നു. * ഒരു ഇരുപത് മിനിറ്റ് കഴിഞ്ഞതും രുദ്രൻ ഐസ്ക്രീമുമായി മുറിയിൽ എത്തി. 3 സ്പൂണും എടുത്ത് പവിയും ഗായത്രിയും അപ്പുവും കൂടി ഐസ്ക്രീം കഴിക്കാൻ തുടങ്ങി. " അച്ചേ " പവി ഒരു സ്പൂൺ ഐസ് ക്രീം രുദ്രന് നേരെ നീട്ടികൊണ്ട് വിളിച്ചു. "അച്ചക്ക് വേണ്ട കുഞ്ഞാ.മോള് കഴിച്ചോ "കുറച്ച് സമയത്തിനുള്ളിൽ തന്നെ അവർ ഐസ്ക്രീം കഴിച്ച് തീർത്തു. ഐസ് ക്രീം കഴിച്ച് വാ കഴുകി ബ്രഷ് ചെയ്യ്ത് വന്നപ്പോഴേക്കും രുദ്രൻ ബെഡ്ഷീറ്റ് എല്ലാം മാറ്റി വിരിച്ചിരുന്നു. അപ്പുവിൻ്റെ അഞ്ചാം മാസം കഴിഞ്ഞതും ഗായത്രിയും അപ്പുവിൻ്റെ കൂടെയാണ് കിടക്കാറുള്ളത്. അപ്പുവും, ഗായത്രിയും, രുദ്രനും, പവിയും എല്ലാവരും കൂടി ഇപ്പോ ഒരു മുറിയിൽ ആണ് കിടക്കാറുള്ളത് .

എഴാം മാസാം അപ്പുവിനെ വീട്ടിലേക്ക് കൂട്ടി കൊണ്ടുവാൻ പോലും ഗായത്രി സമ്മതിച്ചിരുന്നില്ല. അത്രത്തോളം ഉണ്ടായിരുന്നു അവർ തമ്മിലുള്ള ആത്മബന്ധം. * പിറ്റേ ദിവസം രാവിലെ തന്നെ രുദ്രൻ ഓഫീസിലേക്ക് പോവാൻ റെഡിയായി. നന്ദുവിൻ്റെ റൂമിൻ്റെ കീ രുദ്രൻ്റെ ഓഫീസ് കീകളുടെ കൂട്ടത്തിൽ ആണ്. അത് എടുക്കാൻ അപ്പു പല തവണ ശ്രമിച്ചെങ്കിലും അവൾക്ക് അതിനു കഴിഞ്ഞിരുന്നില്ല. എന്നാൽ ഇന്ന് രണ്ടും കൽപ്പിച്ച് അപ്പു ആ കീ എടുക്കാൻ ശ്രമിച്ചു. അതിനായി അവൾ ഒരു ഐഡിയയും കണ്ടെത്തി......തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...