💞എൻ്റെ ആത്മസഖിക്ക്💞 ഭാഗം 08

എഴുത്തുകാരി: അപർണ അരവിന്ദ്

വൈകുന്നേരം രുദ്രൻ്റെ വീട്ടിൽ എല്ലാവരും ഭക്ഷണം കഴിക്കുകയാണ്. ഇത്ര നേരം ആയിട്ടും രുദ്രൻ ഓഫീസിൽ നിന്നും എത്തിയിട്ടില്ല.ചില ദിവസങ്ങളിൽ അവൻ വീട്ടിലെത്താൻ വൈകും എന്നതിന്നാൽ അവനെ ഭക്ഷണം കഴിക്കാൻ ആരും കാത്തു ഇരിക്കാറില്ല. വിലാസിനി അടുക്കളയിൽ നിന്നും ഒരു ബൗളിൽ പവിക്കുള്ള കഞ്ഞി കൊണ്ട് വന്ന് ടേബിളിൽ വച്ചു .ഗായത്രി സ്പൂൺ കൊണ്ട് പവിയെ കഞ്ഞി കുടിപ്പിക്കുന്ന തിരക്കിലാണ്. മഹാദേവനുള്ള ഭക്ഷണം വിളമ്പിയതിനു ശേഷം വിലാസിനി അവരുടെ അടുത്ത് തന്നെ ഇരുന്നു. "ഗാച്ചൂ എനിച്ച് ഈ കഞ്ഞി ബേണ്ട. ഇത് കൊള്ളില്ല ." മുഖം ചുളിച്ച് കൊണ്ട് പവി പറഞ്ഞു. "കുറച്ചെങ്കിലും കഴിക്ക് മോളേ. പനി മാറണ്ടേ "ഗായത്രി ഒരു സ്പൂൺ കഞ്ഞി കൂടി പവിയുടെ വായിലേക്ക് വച്ചു .പവി അത് പുറത്തേക്ക് തന്നെ തുപ്പി. " ഞാൻ നോക്കട്ടെ." ഗായത്രി ഒരു സ്പൂൺ കഞ്ഞി എടുത്ത് വായിലേക്ക് ഒഴിച്ചതും അതുപോലെ പുറത്തേക്ക് തുപ്പി.

"എന്താ അമ്മേ ഇത്. ഇതിൽ ഉപ്പിന് പകരം പഞ്ചസാരയാണോ ഇട്ടിരിക്കുന്നത് "ഗായത്രി അമ്മയെ നോക്കി കൊണ്ട് ചോദിച്ചു. "അയ്യോ ഞാൻ എന്തോ ഓർമയിൽ ഇട്ടതായിരിക്കും" വിലാസിനി എന്തോ അബദ്ധം പറ്റിയ പോലെ പറഞ്ഞത് അടുക്കളയിലേക്ക് പോയി. അല്പനേരം കഴിഞ്ഞതും മറ്റൊരു പാത്രത്തിൽ കഞ്ഞിയുമായി വന്നു. ഗായത്രി വീണ്ടും പവിക്ക് സ്പൂൺ കൊണ്ട് കഞ്ഞി കോരി കൊടുക്കാൻ തുടങ്ങി. അപ്പോഴേക്കും ഓഫീസിൽ നിന്നും രുദ്രൻ എത്തിയിരുന്നു. "മോന് ഭക്ഷണം എടുത്ത് വക്കട്ടേ " " വേണ്ട അമ്മ ഞാൻ പുറത്ത് നിന്ന് കഴിച്ചു. എനിക്ക് ഒരു ഗ്ലാസ്സ് തണുത്ത വെള്ളം മതി" " ഇപ്പോ കൊണ്ടു വരാം " വിലാസിനി ധൃതിപ്പെട്ട് അടുക്കളയിലേക്ക് നടന്നു. കുറച്ച് കഴിഞ്ഞ് ഒരു ഗ്ലാസ്സ് പാലുമായി വന്ന് രുദ്രന് നേരെ നീട്ടി. ഇത് കണ്ട രുദ്രൻ കൈയ്യിലെ പാൽ ഗ്ലാസിലേക്കും അമ്മയുടെ മുഖത്തേക്കും മാറി മാറി നോക്കി.

" അമ്മക്ക് ഇത് എന്ത് പറ്റി. എട്ടൻ വെള്ളം അല്ലേ ചോദിച്ചത്. പിന്നെ ഇതെന്താ പാല് കൊണ്ടു വന്നിരിക്കുന്നത് "ഗായത്രി സംശയ ത്തോടെ ചോദിച്ചു. " അത് മാറി പോയി. ഞാൻ ഇപ്പോ വെള്ളം കൊണ്ടു വരാം " " വേണ്ട അമ്മേ. എനിക്ക് ഇത് മതി .മേശ പുറത്ത് ഇരിക്കുന്ന വെള്ളം എടുത്ത് കുടിച്ച് കൊണ്ട് രുദ്രൻ പറഞ്ഞു. പവിയുടെ വായും,മുഖവും കഴുകിച്ച് രുദ്രൻ റൂമിലേക്ക് നടന്നു. റൂമിൽ എത്തി രുദ്രൻ ഫ്രഷ് ആവാൻ ബാത്ത് റൂമിൽ കയറി. രുദ്രൻ ബാത്ത് റൂമിൽ നിന്നും ഇറങ്ങുന്ന വരെ പവി അവനെ കാത്തു നിന്നു. " ഇന്ന് എന്താ പല്ലവി തമ്പുരാട്ടിക്ക് ഉറക്കം ഒന്നും ഇല്ലേ " " ആ ഞാൻ അച്ച ഉറങ്ങുമ്പോഴേ ഉറങ്ങൂ " "അതെന്താ " "ഒന്നൂല്ല അച്ചേ" രുദ്രൻ പവിയെ എടുത്ത് ബാൽക്കണിയിലേക്ക് നടന്നു. " എൻ്റെ പൊന്നൂന് എന്താ പറ്റിയെ.ലളിതാമ്മ പോയ സങ്കടം ആണോ" " ലളിതാമ്മ ഇനി ഇബടക്ക് വരില്ലേ അച്ചേ " " അത് അറിയില്ല മോളേ.ലളിതാമ്മക്ക് ലളിതാമ്മടെ മക്കളെ കാണണ്ടേ.'' "അതെന്തിനാ " " ലളിതാമ്മടെ മക്കൾക്ക് ഇടക്ക് ലളിതാമ്മയെ കാണാൻ തോന്നില്ലേ.അതു പോലെ ലളിതാമ്മക്കും മക്കളെ കാണണ്ടേ.''

" അപ്പോ എൻ്റെ അമ്മക്കും എന്നേ കാണാൻ തോന്നില്ലേ അച്ചേ '' " ഉം " രുദ്രൻ ഒന്ന് മൂളുക മാത്രം ചെയ്തു. "അമ്മ വേഗം വരോ അച്ചേ " " വരും മോളേ." രുദ്രൻ പവിയെ തോളിൽ കിടത്തി ഉറക്കി. എല്ലാവരും ഭക്ഷണം കഴിച്ചതിനു ശേഷം വിലാസിനി അടുക്കളയിലെ പണികൾ എല്ലാം ഒതുക്കിയതിനു ശേഷം റൂമിലേക്ക് നടന്നു. റൂമിൽ മഹാദേവൻ എതോ ഓഫീസ് ഫയൽ നോക്കി കൊണ്ടിരിക്കുകയാണ്. വിലാസിനി ഡോർ അടച്ച് ബെഡിൽ തന്നെ ഇരുന്നു. "തനിക്ക് എന്നോട് എഞെങ്കിലും പറയാൻ ഉണ്ടോ '' ഫയലിൽ നിന്നും തല ഉയർത്താതെ മഹാദേവൻ ചോദിച്ചു. " ഇല്ല എട്ടാ " മഹാദേവൻ ഫയൽ അടച്ച് വിലാസിനിയുടെ അരികിൽ വന്ന് ഇരുന്നു.തല കുനിച്ച് ഇരിക്കുന്ന വിലസിനിയുടെ മുഖം ഉയർത്തി. "എന്താടോ. എന്താ പറ്റിയേ " " അത് മഹിയേട്ടാ. ഞാൻ ആ കുട്ടിയെ ഇന്ന് കണ്ടു എട്ടാ "

"ഏത് കുട്ടിയെ " "നമ്മുടെ നന്ദു മോളുടെ ഹ്യദയം മാറ്റിവച്ച ആ കുട്ടിയെ .ആ കുട്ടിയുടെ പേര് എനിക്ക് ഓർമ കിട്ടുന്നില്ല'' ''അപർണ്ണ " നിർവികാരത്തോടെ മഹാ ദേവൻ പറഞ്ഞു. "അതെ അപർണ്ണ .രാവിലെ പവിമോളേ ഹോസ്പ്പിറ്റലിൽ കാണിക്കാൻ പോയപ്പോൾ ആണ് അവിചാരിതമായി ഞാൻ ആ കുട്ടിയെ കണ്ടത് " " എന്നിട്ട് " " ആ കുട്ടിക്ക് എന്നേ അറിയില്ല. പക്ഷേ ആ കുട്ടിയുടെ അച്ഛന് എന്നേ മനസിലായി .അതുകൊണ്ടാണ് എന്ന് തോന്നുന്നു അയാൾ ആ കുട്ടിയെ വിളിച്ച് കൊണ്ട് പോയി. പക്ഷേ എറ്റവും വലിയ അത്ഭുതം എന്നാണെന്ന് വച്ചാൽ പവി അന്നു പറഞ്ഞ നന്ദു മോളേ പോലുള്ള കുട്ടി ഈ അപർണയാണ്. ഞാൻ ആകെ ഞെട്ടി പോയി " " എന്നാൽ നീ അറിയാത്ത ഒരു കാര്യം കൂടി ഉണ്ട്" "എന്താ മഹിയേട്ടാ എന്താ കാര്യം" ........ തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...