💞എൻ്റെ ആത്മസഖിക്ക്💞 ഭാഗം 09

എഴുത്തുകാരി: അപർണ അരവിന്ദ്

" ആ കുട്ടിക്ക് എന്നേ അറിയില്ല. പക്ഷേ ആ കുട്ടിയുടെ അച്ഛന് എന്നേ മനസിലായി .അതുകൊണ്ടാണ് എന്ന് തോന്നുന്നു അയാൾ ആ കുട്ടിയെ വിളിച്ച് കൊണ്ട് പോയി. പക്ഷേ എറ്റവും വലിയ അത്ഭുതം എന്നാണെന്ന് വച്ചാൽ പവി അന്നു പറഞ്ഞ നന്ദു മോളേ പോലുള്ള കുട്ടി ഈ അപർണ തന്നെയാണ്. ഞാൻ ആകെ ഞെട്ടി പോയി " " എന്നാൽ നീ അറിയാത്ത ഒരു കാര്യം കൂടി ഉണ്ട്" "എന്താ മഹിയേട്ടാ എന്താ കാര്യം" " ഞാൻ പറയുന്ന കാര്യങ്ങൾ താൻ ശ്രദ്ധാപൂർവ്വം കേൾക്കണം'' നമ്മുടെ നന്ദു കോമാ സ്റ്റെജിൽ ആയപ്പോൾ ഡോക്ടർ ചിലപ്പോൾ അവൾ ജീവിതത്തിലേക്ക് തിരിച്ചു വരും എന്നു പറഞ്ഞിരുന്നു. നൂറിൽ പത്ത് ശതമാനം മാത്രമേ അതിനുള്ള സാധ്യത ഉള്ളൂ എന്നും ഡോക്ടർ പറഞ്ഞിരുന്നല്ലോ ആ പത്ത് ശതമാനം സാധ്യത ഉണ്ടായിരുന്നിട്ടു കൂടി നന്ദുവിൻ്റെ ഹൃദയം ദാനം ചെയ്യുന്നു എന്നറിഞ്ഞപ്പോൾ നീ എതിർത്തിരുന്നു.

അതിൻ്റെ പ്രധാന കാരണം "അച്ഛാ " ഗായത്രി റൂമിനുള്ളിലേക്ക് കയറി വന്നു. "എന്താ മോളേ "മഹാദേവൻ ഒന്ന് ഞെട്ടി എങ്കിലും അത് മറിച്ച് വച്ച് അയാൾ ചോദിച്ചു. "അത് അച്ഛാ നാളെ അല്ലേ എട്ടൻ്റെയും, അർച്ചന ചേച്ചിയുടേയും വിവാഹ വാർഷികം. അവരെ നമ്മളെ വിട്ട് പോയെങ്കിലും പതിവ് ഒന്നും തെറ്റിക്കാറില്ലലോ. അത് ചോദിക്കാൻ ആണ് ഞാൻ വന്നത് " " മറന്നിട്ടില്ല. അനാഥാലയത്തിൽ നാളെ കുട്ടികൾക്ക് സദ്യ നൽക്കുന്നുണ്ട്. പിന്നെ അതിനപ്പുറം ഇപ്രവശ്യം വസ്ത്രവും നൽക്കുന്നുണ്ട്.'' " ആ ശരി അച്ഛാ ഇപ്രവശ്യം അച്ഛൻ ഒന്നും പറഞ്ഞില്ല. അതാ ഞാൻ ചോദിച്ചത്." മറുപടിയായി മഹാദേവൻ ഒന്ന് ചിരിക്കുക മാത്രം ചെയ്യ്തു.ഗായത്രി മുറി വിട്ട് പുറത്തേക്ക് ഇറങ്ങി. "വർഷങ്ങൾ എത്ര പെട്ടെന്നാണ് കടന്ന് പോവുന്നത്.അർച്ചന മോളും, ശിവയും നമ്മളെ വിട്ട് പോയിട്ട് 3 വർഷം കഴിഞ്ഞു എന്ന് വിശ്വസിക്കാൻ തന്നെ കഴിയുന്നില്ല. അല്ലേ എട്ടാ "മഹാദേവൻ ഒന്നും മിണ്ടിയില്ല. " എട്ടാ " വിലാസിനി മഹാദേവൻ്റെ തോളിൽ തട്ടി വിളിച്ചു . "അപർണ്ണ അർച്ചനയുടെ സഹോദരി ആണ്. ആ കാരണം കൊണ്ടാണ് നന്ദുവിൻ്റെ ഹൃദയം അപർണക്ക് ദാനം ചെയ്യ്തത്."

വിലാസിനി ഒരു നിമിഷം ഞെട്ടി തരിച്ച് പോയി. " അപ്പോ ഈ കാര്യങ്ങൾ ഒക്കെ അപർണക്കും വിട്ടുക്കാർക്കും അറിയാമായിരുന്നോ " " ഇല്ല. അപർണ്ണക്ക് ഒന്നും അറിയില്ല പക്ഷേ അവളുടെ അച്ഛന് എല്ലാ സത്യങ്ങളും അറിയാം .അപർണ ഒന്നും അറിയാതിരിക്കാനാണ് അവളെ ഒന്ന് കാണാൻ പോലും സമ്മതിക്കാതെ നമ്മളിൽ നിന്നും അകറ്റിയത്. പക്ഷേ രക്തം രക്തത്തെ തിരിച്ചറിയും എന്ന് പറയുന്നത് ശരിയാണ്. അതു കൊണ്ടാണ് വിധി അപർണയെ നമ്മുടെ കൺമുന്നിൽ തന്നെ എത്തിച്ചത്. "എനിക്ക് അവളെ കാണണം എട്ടാ " "താൻ ഒന്ന് ക്ഷമിക്ക്. എത്രയൊക്കെ അകറ്റാൻ ശ്രമിച്ചാലും അപർണ ഈ വീടിൻ്റെ മരുമകൾ ആയിരിക്കും. ഇത് ഈ മഹാദേവൻ്റെ വാക്കാണ്. നീ ഇപ്പൊ സമാധാനമായി കിടന്ന് ഉറങ്ങ് " മനസിൽ എന്തൊക്കെയോ കണക്ക് കൂട്ടി മഹാ ദേവൻ പറഞ്ഞു. ........ തുടരും.......................

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...