🔥എന്റെ മാത്രം : ഭാഗം 12

എഴുത്തുകാരി: അല്ലി

നീ എന്താടാ ശങ്കര കണ്ണുരുട്ടി പേടിപ്പിക്കുന്നത്. നിന്റെ നോട്ടം കണ്ടാൽ തോന്നും ഭദ്ര കൊച്ചിനോട്‌ ചെറ്റത്തരം പറഞ്ഞത് ഞാനാണെന്ന്?? ആ നായിന്റെ മോന്റെ വക്കാലത്തിന് വരുന്ന നിന്റെ കരണമടിച്ച് ആദ്യം പൊട്ടിക്കണം. അവന് കൊടുത്തത് കുറഞ്ഞു പോയതേയുള്ളൂ എന്റെ പെണ്ണിനോടാ അവന്റെ.... പല്ല് കടിച്ച് ശിവൻ പറഞ്ഞു. ഇങ്ങനെ നിന്റെ പെണ്ണ് നിന്റെ പെണ്ണെന്ന് നീ മാത്രം പറഞ്ഞാൽ മതിയോ ? അവൾ പറയണ്ടേ അവൾ നിന്റെയാണെന്ന്.? അതിന്റെ ആവിശ്യമില്ല. ഞാൻ പറഞ്ഞാൽ മതി അവളെന്റെയാണെന്ന് എനിക്ക് വയ്യാ ഈ കാലമാടനോട്‌ പറയാൻ. എടാ ശങ്കര അവളോട് നിന്റെ ഇഷ്ട്ടം പറഞ്ഞ് കെട്ടിപൊറുപ്പിക്കടാ. ഇങ്ങനെ മനസ്സിലിട്ട് എത്ര നാൾ ഇങ്ങനെ കഴിയും. നിനക്കും അവൾക്കും കല്യാണപ്രായമായി അറിയോ. ഞാൻ അവളോട് പറയും പക്ഷെ അതിന് മുന്നേ എന്നോട് ഒരിഷ്ടം അവൾക്ക് ഉണ്ടാകണം. പിന്നെ നിന്റെ ഈ തൊലിഞ്ഞ സ്വഭാവംകൊണ്ട് അങ്ങോട്ട് ചെല്ല് കാലേ വാരി അവൾ നിലത്തടിക്കും. ടാ ധാ അവൾ വരുന്നു.... ഭദ്ര വരുന്നത് കണ്ട് ജോയ് പറഞ്ഞതും ശിവ അങ്ങോട്ട് നോക്കി... മുഖത്ത് വല്ലാത്തൊരു തെളിച്ചമുണ്ട് പെണ്ണിന്.........ശിവനെ കണ്ടതും അവളുടെ നോട്ടം ആ പച്ച കുത്തിയിടത്തായി....... എന്തോ കൊത്തി വലിക്കുന്നുണ്ട്..... അത് കാണുമ്പോൾ മാത്രം ഹൃദയം വല്ലാതെ എന്തിനോ വേണ്ടി കൊതിക്കുന്ന പോലെ അവൾക്ക് തോന്നും. ശിവൻ അവളുടെ നോട്ടം കാണുമ്പോൾ അടിവയറ്റിൽ മഞ്ഞു വീഴുന്ന ഒരു തരം സുഖം. അവളെ കാണിക്കാൻ വേണ്ടി തന്നെയാണ് ഷർട്ട് ഇടാതെ ഇരുന്നത്. എന്താണ് ഭദ്ര കൊച്ചേ ഒരു നോട്ടം ഏഹ്???

ജോയുടെ സംസാരം ആണ് അവളെ നോട്ടത്തിൽ നിന്നുo പിന്തിരിപ്പിച്ചത്. പെട്ടെന്ന് അവിടെ നിന്നുo നോട്ടം മാറ്റി ശിവനെ നോക്കി. അവന്റെ മുഖത്ത് കള്ള ചിരിയുണ്ട്. ദേ ജോയിച്ച ഇയാളെടുത്ത് ഷർട്ട് ഇട്ട് നിൽക്കാൻ പറയണം. ഒന്നുവല്ലെങ്കിൽ ഒരു പെണ്ണ് വന്ന് കേറിയ വീടല്ലേ ...?? ഇടുപ്പിൽ കൈ വെച്ച് കൊണ്ട് ഭദ്ര പറഞ്ഞതും ശിവനും ജോയും പരസ്പരം നോക്കി. ഏത് പെണ്ണാ ഭദ്രകൊച്ചേ..... ഇങ്ങോട്ട് വിളിച്ചേ....... താനെന്താ ആളെ കളിയാക്കുവാണോ.? എന്നെ കണ്ടാൽ എന്താ പെണ്ണെന്ന് തോന്നില്ലേ??? ജോയെ കണ്ണ് കൂർപ്പിച്ച് നോക്കി ക്കൊണ്ട് ഭദ്ര ചോദിച്ചു... അവനെ കുറ്റം പറഞ്ഞിട്ട് കാര്യമില്ലടി നിന്റെ കൊണം അങ്ങനെയല്ലേ. പെണ്ണിന്റ എന്തെങ്കിലും ഒരു കൊണം നിനക്കുണ്ടോ?? (ശിവൻ ) എന്റെ കൊണം ഞാൻ കാണിക്കേണ്ടവരെ കാണിക്കും. ഞാൻ എന്തിനാ നിന്നെ കാണിക്കുന്നത്.അല്ലേ..... ചായ യെടുക്കട്ടെ ജോയിച്ചാ.... അവന് നേരേ മുഖം തിരിച്ച് ചോദിച്ചതും ജോയ് അന്തം വിട്ട് അവളെ നോക്കി. വോ വേണ്ട ഇപ്പോൾ ചായപോയിട്ട് ഇവിടുന്ന് ഇച്ചിരി വെള്ളം കുടിക്കാൻ പോലും എനിക്ക് പേടിയാ കൊച്ചേ. നീ അകത്തേക്ക് പൊയ്ക്കോ. ഹും..... അങ്ങനെയാണെങ്കിൽ കൊള്ളാം. അതും പറഞ്ഞ് അവൾ അകത്തേക്ക് പോയ്‌...... ഇങ്ങനെ ആണെങ്കിൽ നീ ഇച്ചിരി പാടുപെടും.... അതിലും ഒരു സുഖമുണ്ടെടാ ജോയ്..... സുഖിച്ചിരുന്നോ അല്ലനിന്റെ വല്യച്ഛൻ എന്തോ പറയുന്നു.രാധമ്മച്ചി ഇവിടെ വന്നതിന് ശേഷം ഇങ്ങോട്ട് കാലെടുത്ത് വെച്ചിട്ടില്ലല്ലോ... വല്യച്ചൻ അങ്ങനെ കാണിച്ചില്ലെങ്കിലേ ഉള്ളു. ഞാൻ ആണെല്ലോ അവരെ ഇവിടെ കയറ്റി താമസിപ്പിക്കുന്നത്. എന്റെ തെറ്റാ. അങ്ങനെ ആണെങ്കിൽ നീ രാധമ്മച്ചിയെ ഇറക്കി വിട്. നിന്റെ തെറ്റ് നീ തിരുത്ത് ശങ്കര...........

ഒന്ന് ഇളിച്ച് കൊണ്ട് ജോയ് പറഞ്ഞു. പറ്റണില്ല ജോയ്. അവരോട് എനിക്ക് യാതൊരു സ്നേഹമില്ലെങ്കിലും തെരുവിൽ ഇറക്കിവിടാൻ തോന്നുന്നില്ല. തമിഴ്നാട്ടിലെ ഒരു കോളനിയിൽ വെച്ച് ഇവരെ ആദ്യം കണ്ടപ്പോൾ ഈ മുഖം ഓർത്തെടുക്കാൻ ഞാൻ നന്നേ കഷ്ട്ടപ്പെട്ടു. പക്ഷെ അവർ എന്നെ കണ്ടപ്പോൾ തന്നെ ഓടി വന്ന്‌ കെട്ടിപ്പിടിച്ചു. പിന്നെ ഒരു ഭ്രാന്തിയെ പോലെ മുഖം മുഴുവൻ ഉമ്മവെച്ചു. എങനെ ഇവർ എന്നെ തിരിച്ചറിഞ്ഞു. എന്റെ പതിനാലാം വയസ്സിൽ പോയതല്ലേ ഇവർ. അതാടാ സ്നേഹം. രാധമ്മച്ചിയുടെ സ്നേഹം സത്യമാ... . ഒരു സത്യവതി അതുകൊണ്ടാണെല്ലോ എന്റെ വല്യച്ചനെ ഇട്ടിട്ട് കാമുകന്റെ കൂടെ സുഖിക്കാൻ പോയത്...... അവൻ പുച്ഛിച്ചു. ശങ്കര........... ജോയ് ഒന്ന് കടുപ്പിച്ച് വിളിച്ചതും ശിവൻ മിണ്ടാതെയിരുന്നു..... ******* വാ തുറന്നേ... ആ.............. മതി എന്റെ ഭദ്രമോളെ...... എന്റെ വയറ് ഇപ്പോൾ പൊട്ടും.......രാധമ്മ സങ്കടത്തോടെ പറഞ്ഞതും അവൾ കൂർപ്പിച്ച് നോക്കി.... നോക്ക് രാധമ്മേ എന്നോട് ഈ സങ്കടം കാണിക്കണ്ട.കഴിക്കാൻ പറഞ്ഞാൽ കഴിച്ചോണം ഇല്ലെങ്കിൽ ഞാൻ എന്റെ പണി നോക്കി പോകും പറഞ്ഞേക്കാം. അത് കേട്ടതും രാധമ്മയുടെ കണ്ണുകൾ നിറഞ്ഞു.... ദേ കരയുന്നു. ഇതിനും മാത്രം കണ്ണീർ എവിടുന്നാ എന്റെ രാധമ്മേ ഏഹ്??? നീ പോവണ്ട .... എന്റെ കാല് ഇനി പഴേപോലെ നേരേയാക്കണ്ടായിരുന്നു... അയ്യേ... എന്തായിത്.... ഈ കാല് നേരെയായി ഓടി ചാടി നടക്കേണ്ട ആളാ ഈ പറയണേ..... സത്യം... നീ വന്നപ്പോഴാ എനിക്ക് കൂട്ടിന് ഒരാളുള്ളത് പോലെ തോന്നിയത്. നീ പോയാൽ ഞാൻ വീണ്ടും.......... അവരുടെ ശബ്ദം ഇടറി അപ്പോൾ ശിവ മോനോ ഏഹ്??? മോന് എന്നെ കണ്ണിന് പിടിക്കുലാ. എന്നോട് മിണ്ടുന്നതെ ഇഷ്ട്ടല്ല..... മോള് പോകുവോ ഈ രാധമ്മേ ഇട്ടിട്ട്.. പോവല്ലേ.......... വല്ലാതെ വേദനിച്ചു അവൾക്ക്. ഇങ്ങനെ ഒരു ജന്മം. പാവം സ്ത്രീ.........

അവൾ ആ കവിളിൽ ചുണ്ടുകൾ ചേർത്തു. കണ്ണുകൾ നിറഞ്ഞു. അല്ലെങ്കിലും ഭദ്ര തോൽക്കുന്നത് അവളെ സ്നേഹിക്കുന്നവരുടെ മുന്നിലാണ്. രാധമ്മ എന്റെ അമ്മേ പോലെയാ. അല്ല എന്റെ അമ്മ തന്നെയാ..... എന്റെ മരണം വരെയും അങ്ങനെ തന്നെയാകും. ഭംഗിവാക്ക് ഭദ്ര പറയാറില്ല. സത്യം..... രാധമ്മേ തനിച്ചാക്കി ഞാൻ എവിടെയും പോകില്ല എപ്പോൾവേണമെങ്കിലും ഞാൻ ഇങ്ങോട്ട് വരും. രാധമ്മയ്ക്കും അങ്ങോട്ട് വരാം..... ഒരു ചിരിയോടെ ഭദ്ര പറഞ്ഞതും രാധമ്മയുടെ കണ്ണുകൾ വിടർന്നു. താനു ആഗ്രഹിച്ചതാണ് പണ്ട് ഒരു പൊന്നുമോളെ...... ഒരു തങ്കകുടം പോകുള്ള ഒരു കുഞ്ഞു മോളെ...... ******** ടേബിളിൽ കഴിക്കാനായി ഇരിക്കുകയാണ് ജോയും ശിവനും അപ്പുറത്തു ഇപ്പുറത്തുമായാണ് ഇരുത്ത. പ്ളേറ്റ് എടുത്ത് വെച്ച് കറി എടുക്കാനായി ഭദ്ര അടുക്കളയിലേക്ക് പോയ്‌. എടാ ശങ്കര നിന്റെ കൈ മുറിഞ്ഞിട്ടുണ്ടല്ലോ വലത്തെ വിരലുകളോട് ചേർന്ന മുറിവ് കണ്ട് ജോയ് പറഞ്ഞു. അത് ഇന്നലെത്തെ അടിയിൽ മുറിഞ്ഞതാ. കുഴപ്പമില്ല. എന്നാൽ ഉണ്ട്..... എന്തോന്ന്....?? ആ അതേ നിനക്ക് നല്ല നീറ്റലുണ്ട് കഴിക്കാൻ വല്ലാത്ത പ്രയാസം. അതുകൊണ്ട് അതുകൊണ്ട്? ഭദ്രകൊച്ച് നിനക്ക് വാരി തരും. അല്ല തന്നിരിക്കുo. ഏഹ് അവള് അതും എനിക്ക് ഉം നടന്നത് തന്നെ.... ശിവൻ പുച്ഛിച്ചു. നടക്കും നടത്തി കാണിച്ച് തരാം... നീ നോക്കി ഇരുന്നോ. അപ്പോഴേക്കും ഭദ്ര കറിയുമായി വന്ന്‌ രണ്ടാളുടെയും പ്ളേറ്റിൽ വിളമ്പി. അപ്പോൾത്തന്നെ ജോയ് കഴിക്കാൻ തുടങ്ങി. അതിന് മുന്നേ ശിവനോട് കഴിക്കരുതെന്ന് അവൻ കണ്ണുകൊണ്ട് കാണിച്ചു. അയ്യോ............ ജോയുടെ അലർച്ച കേട്ടതും കൈയിലിരുന്ന ഗ്ലാസ്സ് താഴെ പോയ്‌..... ശിവനും ഒന്ന് പേടിച്ചു..... എന്താ... എന്താ പറ്റിയേ..... ഭദ്ര വെപ്രാളത്തോടെ ചോദിച്ചു. നോക്ക് ഭദ്ര കൊച്ചേ എന്റെ ശിവന്റെ കൈ മുറിഞ്ഞത്........

ജോയ് സങ്കടം ഫിറ്റ്‌ ചെയ്ത് പറഞ്ഞപ്പോഴാണ് അവൾ അവനെ നോക്കിയത് ശരിയാണ് കൈ മുറിഞ്ഞിട്ടുണ്ട്.പക്ഷെ അമരവദിയിലെ ശിവ ശങ്കരന് ഇതൊരു മുറിവാണോ അവൾ സംശയിച്ചു. ശിവൻ മുഖം താഴ്ത്തി ഇരിക്കുന്നുണ്ട്. ഇനി കള്ളം പിടിക്കപ്പെട്ടാലോ. എങനെ കഴിക്കും അവൻ..... സ്പൂൺ തരാം... ഞാൻ ഇപ്പോൾ എടുത്തോണ്ട് വരാം....... അതും പറഞ്ഞ് അവൾ അടുക്കളയിലേക്ക് പോകാൻ പോയ്‌. ശിവൻ ഒറ്റ ഒരു നോട്ടവേ ജോയെ നോക്കിയുള്ളു അങ്ങോട്ട് ഇല്ലാണ്ടായി പോയ്‌ അവൻ. ഉറക്കത്തിൽ എണീപ്പിച്ച് ഇലയിട്ടിട്ട് ചോറില്ലെന്ന് പറയുന്നവസ്‌ഥ എന്തൊരു ദ്രാവിഡമാണ്...... അയ്യോ അത് നേരേ പിടിക്കാൻ പോലുമാകില്ലല്ലോ അവന്. നീ ഒന്ന് വാരി കൊടുക്കുവോ ഭദ്രേ.... എന്താ.......... ഒറ്റ അലറക്കം. രണ്ടാളും ഞെട്ടി...... ഞാൻ വാരികൊടുക്കമെന്നോ അയ്യോഒരു ഇളളകുഞ്ഞ് വേണമെങ്കിൽ കഴിച്ചിട്ട് പോണം.ഇനി ഊട്ടിക്കാൻ പോകുവല്ലേ....വനേക്കുന്നു.....പല്ല് കടിച്ച് അത്രയുമവൾ പറഞ്ഞതും ശിവൻ അവളോട് എന്തോ പറയാൻ പോയ്‌ ജോയ് വേണ്ടെന്ന് കണ്ണ് ചിമ്മി..... ഇങ്ങനെ പറയരുത് മോളെ.... വയറ് വിശന്നിരിക്കുന്നവനാ അവൻ. വിശപ്പോടെ അന്നത്തിന് മുന്നിൽ വന്നിരിക്കുമ്പോൾ വിഷമിച്ച് പോകണ്ട അവസ്ഥ ഉണ്ടാകരുത് രാധമ്മച്ചിക്ക് വയ്യാത്തോണ്ട് നീ വാരി കൊടുക്കില്ലേ അതുപോലെ മതി. അതിനപ്പുറം ഒന്നും നീ ചിന്തിക്കേണ്ട ഇപ്പോൾ മാത്രം. ഞാൻ കഴിക്കാൻ ഇരുന്നുപോയ് പകുതി വഴി നിർത്തിയിട്ട് എഴുന്നേറ്റ് പോകുന്നത് തെറ്റല്ലേ അത..... യ്യോ യ്യോ എന്തൊരു അഭിനയം ശിവ വാ പുളച്ച് ഇരുന്നു.... ജോയ് ഇത്രയും പറഞ്ഞത് കേൾക്കെ വേറെയൊന്നും അവൾക്ക് ചിന്തിക്കേണ്ടി വന്നില്ല. ശിവന്റെ അടുത്തിരുന്ന് പ്ളേറ്റെടുത്ത് അവനെ ഒന്ന് നോക്കി.... അന്നം ഭഗവാന് തുല്യമാണ്. വിശന്നിരിക്കുന്നവൻ അവനാരാണെങ്കിൽ തന്നെയും നിഷേധിക്കുന്നത് തെറ്റാണ്.

പാത്രത്തിൽ നിന്നും മോര് ചോറിൽ ഒഴിച്ച് കടു മാങ്ങയും ചമ്മന്തിപ്പൊടിയും പാവയ്ക്കാകൊണ്ടാട്ടവും കൂടി കുഴച്ച് അവന് നേരേ നീട്ടി........ കൊച്ചുപ്പിള്ളേരെ പോലെ വാ തുറക്കുന്ന ശിവനെ കണ്ടതും ഭദ്രയ്ക്ക് അറിയാതെ ചിരി വന്നു.... കണ്ണുകൾ പരസ്പരം പിൻ വലിക്കാതെ അവൾ അവനെ ഊട്ടുമ്പോൾ മറുഭാഗത്ത് ഇത് കണ്ട് സന്തോഷത്തോടെ ആഹാരം കഴിക്കുകയായിരുന്നു ജോയ്. ഓരോ ഉരുളയും കൊതിയോടെ അവൻ കഴിക്കുമ്പോൾ ഭദ്രയിൽ ഒരു തരി ചമ്മൽ പോലുമില്ലായിരുന്നു. തീർന്നു............. വീണ്ടുo അവൻ വാ തുറന്നപ്പോൾ ഭദ്ര പ്ളേറ്റ് കാണിച്ച് പറഞ്ഞു. എനിക്ക് ഇനിയും വേണം.......... അവനെ ഒന്ന് നോക്കിയിട്ട് പാത്രത്തിൽ ചോറ് വിളമ്പി...... പോരാ ഇനിയും..... താൻ ഇതെന്താടോ വയറ് വാടകയ്ക്ക് എടുത്തിട്ട് വരുവാണോ.....എനിക്ക് വേറെ പണിയുണ്ട്....ഇങ്ങനെ വാരിതന്നിരിക്കാനൊന്നുംഎന്നെകിട്ടില്ല....ഇങ്ങോട്ട് വാ തുറക്ക്........ ജോയ്ക്ക്സത്യം പറഞ്ഞാൽ ചിരിപൊട്ടി.... ചക്കിക്കൊത്ത ചങ്കരൻ...... " ശിവന്റെ ദേഷ്യം ഇല്ലാണ്ടാക്കാൻ ഭദ്രയ്ക്ക് മാത്രമേ സാധിക്കു.... അതുപോലെ തന്നെ ഭദ്രയുടെ ദേഷ്യത്തെ ഇല്ലാണ്ടാക്കാനും ശിവന് മാത്രവും ❣️" അവസാന ഉരുള വായിൽ വെയ്ക്കുമ്പോൾ ശിവൻ കുസൃതിയോടെ അവളുടെ കൈയിൽ കടിച്ചു...... അഹ്....... കൈ പെട്ടെന്നുവലിച്ച് ഭദ്ര ശബ്ദം ഉണ്ടാക്കി..... നശിപ്പിച്ച്....... ജോയ് തലയിൽ കൈ വെച്ചു.....................................................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...