🔥എന്റെ മാത്രം : ഭാഗം 15

എഴുത്തുകാരി: അല്ലി

"ആരാണ് നീയെനിക്കെന്ന് അറിയില്ല.... നിന്നെ അറിഞ്ഞ നാൾ മുതൽ എന്റെ മനസ്സ് പാറക്കല്ലിന് സമമായിരുന്നു... പക്ഷെ ഇന്ന് നിന്റെ കണ്ണീർ എന്നെ ചുട്ടു പൊള്ളിക്കുന്നു.... നിനക്ക് വേണ്ടി ആദ്യമായ് എന്റെ കണ്ണുകൾ നിറഞ്ഞു.... ആദ്യമായ് നിന്റെ വേദനകൾ എന്നെ കൊത്തി നോവിച്ചു...... ആരാണ് നീയെനിക്ക്?????" എത്ര നിമിഷം അങ്ങനെ നിന്നെന്ന് അറിയില്ല...അവന്റെ വേദനകൾ ഒന്ന് കെട്ടടഞ്ഞതും ശിവൻ അവളിൽ നിന്നുo മാറാൻ പോകുമ്പോഴും അവളുടെ കൈ കൾ അവന്റെ പുറത്ത് തട്ടുന്നുണ്ടായിരുന്നു..... അപ്പോഴാണ് അവൻ എന്താ ചെയ്തതെന്ന ഓർമ്മ വന്നത്..... വല്ലാത്ത ലോകത്തേക്ക് അവൻ ചേക്കേറി...... വല്ലാത്തൊരു സന്തോഷം.അവനിൽ നിറഞ്ഞു..വാത്സല്യം.... അത് മാത്രമാണ് അവന് അവളുടെ തലോടലിൽ തോന്നിയത്... അത്രയും തന്നെ മതിയായിരുന്നു അവന്.അവളുടെ മാറിലെ ചൂട് അവന്റെ നെഞ്ചിൽ ആവാഹിച്ചു.... മെല്ലേ അവളിൽ നിന്നുo മുഖം ഉയർത്തി അവളെ നോക്കി.... അവന്റെ കണ്ണുകൾ വിടർന്നു...... ഇന്ന് തന്റെ ഭദ്ര തനിക്ക് വേണ്ടി കരഞ്ഞിരിക്കുന്നു.. തന്നെ ചേർത്തു പിടിച്ച് സമാധാനിപ്പിക്കുന്നു.... തന്റെ വേദനകൾ അവളുടെ വേദനകളായി മാറിയിരിക്കുന്നു.... ഭദ്ര അവന്റെ മുഖത്ത് തന്നെ നോക്കുകയാണ്.. അവളുടെ കണ്ണുകളിൽ പ്രണയമല്ല സ്നേഹം... വാത്സല്യത്തിൽ കലർന്ന സ്നേഹം ഭദ്രേ........... ആർദ്രമായ അവന്റെ വിളിക്ക് മുന്നേ അവളുടെ കൈ കൾ അവൾ പോലും അറിയാതെ അവന്റെ കവിളിൽ തലോടി...........

അവൻ കണ്ണുകൾ വിടർത്തി അവളെ നോക്കി... ഈ നിമിഷം അവസാനിക്കരുതെന്ന് അവന്റെ ഉള്ളം പറഞ്ഞു കൊണ്ടിരുന്നു...... 🎶🎶Muzhusa unakkena naan🎶🎶 🎶vaazhuren🎶 🎶Pudhusa dhinam dhinam ena paakkuren🎶 🎶Azhutha thozhula naan saanjupen🎶 🎶Alavillaama aasai vekkuren🎶 ( feel this song 💕💕🎶) അവളുടെ മനസ്സിൽ അവന്റെ കണ്ണീർ മാത്രമായിരുന്നു.... ഇന്നേ വരെ ഇങ്ങനെ ഒരു സാഹചര്യത്തിൽ അമരവദിയിലെ ശിവ ശങ്കരനെ ഭദ്ര കണ്ടിട്ടില്ല.... അതാണ് അവളെ തളർത്തിയത്.... ഇന്നേവരെ അനാഥത്വം അവനെ ഇത്രയും വേദനിപ്പിക്കുനെന്ന് അവൾ ഓർത്തിട്ടില്ല അതിനുള്ള സാഹചര്യം അവൻ തന്നിട്ടില്ല,...... അവളുടെ കൈ കൾ അവന്റെ കണ്ണീരിനെ തുടച്ചു..... കണ്ണിമ ചിമ്മാതെ ശിവൻ അങ്ങനെ നിന്നുകൊടുത്തു...... ഇരു കണ്ണിലെ കണ്ണീരിനെ തുടച്ച് താഴേക്ക് കൈ കൾ ഇഴഞ്ഞ് അവന്റെ മീശമേൽ എത്തി..... അവനെ ഒന്ന് പാളി നോക്കി... അവന്റെ കണ്ണുകളിൽ അവളെന്താ ചെയ്യാൻ പോകുന്നതെന്നുള്ള ആകാംക്ഷമാത്രമായിരുന്നു. അവനോട് അടുത്ത് നിന്ന് ആ കണ്ണുകളിൽ നോക്കി അവന്റെ മീശ പിരിച്ച് വെച്ച് കൊടുത്തു..... "അമരവദിയിലെ ശിവശങ്കരൻ ഇങ്ങനെ മീശ പിരിച്ച് ഉശിരോടെ എന്റെ മുന്നിൽ നിൽക്കുന്നതാ ഈ ഭദ്രയ്ക്കിഷ്ട്ടം....." അത്രമാത്രമേ അവൾ പറഞ്ഞുള്ളു... അതിൽ തന്നെ ഒരുപാട് കാര്യങ്ങൾ ഉണ്ടായിരുന്നു....... ശിവൻ അവളുടെ വാക്കുകൾ കേട്ട് ചിരിച്ചു.....ഉള്ള് തണുത്തു.... അല്ലെങ്കിലും അങ്ങനെ തന്നെയാണ് ശിവന്റെ ദേഷ്യം പ്രണയം സ്നേഹം വേദന കാമം അങ്ങനെ എല്ലാം ഭദ്രയ്ക്ക് മാത്രമേ നിയധ്രിക്കാൻ കഴിയൂ.... അവളെ നോക്കി ചിരിച്ച് രണ്ടും നന്നായി പിരിച്ച് മുണ്ടൊന്ന് മടക്കി കുത്തി എങനെയുണ്ടെന്ന് പുരികം പൊക്കി ചോദിച്ചതും ഭദ്ര അവന് വേണ്ടി നാളുകൾക്ക് ശേഷം ഒന്ന് പുഞ്ചിരിച്ചു..... ആ പുഞ്ചിരിയിൽ അവളുടെ ഉള്ളിന്റെ ഉള്ളിൽ അവനോടുള്ള പ്രണയമുള്ളത് അവൾ അറിഞ്ഞില്ല ❣️❣️❣️❣️ *********

ജോയ്ച്ചാ പിന്നിൽ നിന്നുള്ള വിളി കേട്ടതും ജോയ് ബുള്ളറ്റ് നിർത്തി തിരിഞ്ഞു നോക്കി..... ഭാമയുടെ കൈ പിടിച്ച് പൊന്നു മോൾ വരുന്നത് കണ്ടതും വണ്ടി ഒതുക്കി അവൻ അതിൽ നിന്നും ഇറങ്ങി ജോയിച്ച്ചാ............... എന്നും വിളിച്ചോടി അവന്റെ നെഞ്ചിലേക്ക് ചാടിക്കേറി പുറകിൽ വരുന്ന ഭാമ ദേഷ്യത്തോടെ പൊന്നു വിനെ വിളിക്കുന്നുണ്ടെങ്കിലും അവൾ അത് കേൾക്കാതെ അവന്റെ പോക്കറ്റിൽ പരതാൻ തുടങ്ങി ജോയിച്ചൻ ഒന്നും മേടിച്ചില്ലടി കുറുമ്പി...... അവളുടെ തപ്പൽ കണ്ട് ജോയ് പറഞ്ഞതും ചുണ്ടുകൾ പുറത്തുന്തി അവനെ നോക്കി... ജോയിച്ചൻ പൊന്നുന് മിട്ടായി മേടിച്ചില്ലേ.., സങ്കടത്തോടെ അവൾ പറയുന്നത് കേട്ടാണ് ഭാമ വന്നത്.... വല്ല കാര്യം ഉണ്ടായിരുന്നോ ജോയ്... ഞാൻ എപ്പോഴും പറയുന്നതല്ലേ അവളെ മുട്ടായി കൊടുത്തു ശീലിപ്പിക്കരുതെന്ന്? ഇപ്പോഴെന്തായി....... ആ അതിനെന്താ ഭാമ കൊച്ചേ... എന്റെ പൊന്നു മോൾക്ക് ജോയിച്ചൻ മേടിച്ചു തരാലോ....... അല്ലേടി കുറുമ്പി..... അവളുടെ മൂക്കിൻ തുമ്പിൽ മൂക്കുരുസ്സി അവൻ പറഞ്ഞതും കുറുമ്പി കുടു കൂടെ ചിരിച്ചു..... അത് കണ്ടപ്പോൾ ഭാമയ്ക്കും അറിയാതെ ചിരി വന്നു.... എന്നാൽ അടുത്തുടി പോകുന്ന അയൽക്കാരുടെ അടക്കിപ്പിടിച്ച സംസാരം കണ്ടപ്പോൾ അവളുടെ ചിരി നിന്നും.... പൊന്നു വാ പോകാം..... അവന്റെ കൈ യിൽ നിന്നുo മോളെ പിടിച്ചു മാറ്റാൻ നോക്കിക്കൊണ്ട് ഭാമ പറഞ്ഞു.... പൊന്നു മോൾ കരയുവാണ്.... ഭാമ കൊച്ചേ.... മോൾക്ക് മുട്ടായി മേടിച്ച് കൊടുത്തിട്ട് ഞാൻ അങ്ങോട്ട് കൊണ്ടുവന്നോളാം.... നീ പൊയ്ക്കോ....

അത് വേണ്ട ജോയ്..... ഇങ്ങോട്ട് വാ പൊന്നു....... ദേഷ്യത്തോടെ അത്രയും പറഞ്ഞ് കുഞ്ഞിനെ അവന്റെ കൈയിൽ നിന്നുo മേടിച്ചോണ്ട് പോകുന്നത് ജോയ് വേദനയോടെ നോക്കി നിന്നും.... പൊന്നു വിന്റെ കരച്ചിൽ അപ്പോഴും ഉണ്ടായിരുന്നു....... അവനെ വല്ലാതെ തളർത്തിയത്.... ********** അമ്പലത്തിൽ ഭഗവാനെ തൊഴുമ്പോൾ ഭദ്ര യുടെ ഉള്ളിൽ ശിവന്റെ കരഞ്ഞ മുഖം മാത്രമേ ഉള്ളായിരുന്നു.... കണ്ണുകൾ തുറന്ന് ഭഗവാന്റെ മുന്നിൽ തൊഴുതു....... അറിയില്ല ഇന്ന് എന്റെ കണ്ണുകൾ അയാൾക്ക് വേണ്ടി നിറഞ്ഞു...എന്റെ പഴയ ശിവേട്ടനായി ആ നിമിഷം. ഒന്നിന്റെ പേരിലും വേദനിപ്പിക്കല്ലേ ഭഗവാനേ ..... ആരും ഇല്ലാത്ത മനുഷ്യനാ..... നല്ലൊരു ജീവിതം ഉണ്ടാക്കി കൊടുക്കണേ... നല്ലൊരു കുടുംബം ഉണ്ടാക്കി കൊടുക്കണെ......... പെട്ടെന്ന് മണിയടി കേട്ടു........ അവൾ ചിരിയോടെ തൊഴുതു... പക്ഷെ ഭഗവാന്റെ ലീലകളിൽ ഒന്നാകുന്നത് അമരവദി യിലെ ശിവ ശങ്കരനും ഭദ്രയുമാണെന്ന് അവൾ അറിഞ്ഞില്ലായിരുന്നു🔥 ******* അമ്പലത്തിൽ നിന്നുo തിരിച്ച് വരുന്ന വഴിയിൽ വെച്ച് ബാലൻ മാഷിനെ കണ്ട് കാര്യം പറഞ്ഞോണ്ടിരിക്കുമ്പോഴാണ് ശിവൻ ജിപ്സിയിൽ വന്നത്. അവരെ കണ്ടതും വണ്ടി അവിടെ നിർത്തി ഭദ്രയേയും മാഷിനെയും മാറി മാറി നോക്കി.. അവന്റെ മുഖം ദേഷ്യം കൊണ്ട് വലിഞ്ഞു മുറുകി.... രണ്ടാൾക്കും അത് നന്നായി മനസ്സിലാക്കുകയും ചെയ്തു...... വന്ന് വണ്ടിയിൽ കേറടി....... അവളെ നോക്കി അലറി.... എന്തിന്?? ഞാൻ നടന്ന് പൊയ്ക്കോളാം....

അവൾ ഒന്ന് കുർപ്പിച്ച് നോക്കിയിട്ട് പറഞ്ഞു...... ഹ താൻ ശിവന്റെ കൂടെ പൊയ്ക്കോടോ എന്തായാലും അങ്ങോട്ടല്ലേ..... ബാലൻ പറഞ്ഞു. നിന്റെ വക്കാലത്ത് ആരും ചോദിച്ചില്ല... നീ കേറുന്നുണ്ടോ ഇല്ലയോ??? ശിവൻ ഭദ്രയോട് ചോദിച്ചതും അവൾ ബാലനെ നോക്കി. അവൻ പൊയ്ക്കോളാൻ കണ്ണ് കൊണ്ട് കാണിച്ചതും അവൾ ഒന്നും മിണ്ടാതെ അവന്റെ വണ്ടിയിൽ കേറി. ശിവൻ ബാലനെ ഒന്ന് നോക്കിയിട്ട് വണ്ടി മുന്നോട്ടെടുത്തു...... അതേ ഇങ്ങനെ അധികാരത്തോടെ എന്നോട് സംസാരിക്കരുത്.? ഭദ്ര ദേഷ്യത്തോടെ പറഞ്ഞു...... നീ എന്ത്‌ അധികാരത്തിലാ എന്റെ മുറിയിൽ കേറിയത്. എന്റെ മീശ പിരിച്ച് വെച്ച് ഇങ്ങനെയാ നല്ലതെന്ന് പറഞ്ഞത് ? ഏഹ്?? നിനക്ക് മാത്രം എല്ലാമാകാമോ? അത് കേട്ടതും അവൾ ഒന്ന് മുഖം തിരിച്ച് ഒന്ന് ആലോചിച്ചു. ശരിയാണ് താൻ അങ്ങനെയോക്കെ ചെയ്തു. പറഞ്ഞു.... എന്താ നിന്റ മിണ്ടാട്ടം പോയോ. തന്റെ വിഷമത്തിന് ഒരു പരിഹാരമുണ്ട്. രാധമ്മയെ സ്വന്തം അമ്മയായി കാണണം. എന്നിട്ട് നല്ലൊരു സുന്ദരി പെണ്ണിനെ കെട്ടി സുഖമായി കഴിയണം....അമരവദിയിലെ തമ്പുരാന് നാട്ടിൽ പെണ്ണുങ്ങൾ ക്യു അല്ലേ അപ്പോൾ തന്റെ സങ്കടം മാറും...... പെട്ടെന്ന് വണ്ടി ബ്രെക്കിട്ടു.... ഭദ്ര സംശയത്തോടെ അവനെ നോക്കി... ഇറങ്ങടി....... എന്തിന്??? എനിക്ക് സമ്മന്ദം ഉണ്ടാക്കി പതുക്കെ നടന്ന് വന്നാൽ മതി . വണ്ടിയിൽ നിന്ന് ഇപ്പോൾ ഈ നിമിഷം ഇറങ്ങടി...... ഇച്ചിരി പുളിക്കും..... എന്നെ നിർബന്ധിച്ച് ഈ വണ്ടിയിൽ കയറ്റിയത് നീയാ....

തറവാട് എത്താതെ ഇവിടെനിന്ന് ഞാൻ എഴുന്നേൽക്കുന്ന പ്രശ്നമില്ല..... അതും പറഞ്ഞ് അവൾ മുഖം തിരിച്ചു... പിന്നെ അവൻ ഒന്നും മിണ്ടാതെ വണ്ടിയെടുത്തു..അമരവദി യിലെ ശിവശങ്കരന് പെണ്ണുങ്ങൾ ക്യു ആണെന്ന് പോലും..ഒരു തരി പ്രണയം പോലും ഇല്ലേ ഇവൾക്കെഞ്ഞോട്... പിന്നെ നേരത്തെ അങ്ങനെയൊക്കെ പറഞ്ഞതും ചെയ്തതും വെറും സഹതാപത്തിന്റ പുറത്താണോ??? അവന്റെ മനസ്സിൽ പല ചോദ്യങ്ങളും ഉയർന്നു..... ******-----** തറവാട് എത്തറായതും വഴിയിൽ നിൽക്കുന്ന ആളെ കണ്ട് ശിവൻ വണ്ടി നിർത്തി. ഭദ്ര നോക്കിയതും സുമതിയമ്മ ശിവന്റെ വല്യച്ചന്റെ ഭാര്യ... അവൾ കണ്ടിട്ടുള്ളതാണ്....... ശിവൻ വണ്ടിയിൽ നിന്നുo ഇറങ്ങി അവരെ കെട്ടിപ്പിടിച്ചു....... സുമതിയമ്മ വാത്സല്യത്തോടെ അവനെ തലോടി........ ഭദ്ര രാധമ്മയെ ഓർത്തു പോയ്‌..... ആ പാവം അമ്മയും ഒരുപാട് ആഗ്രഹിക്കുന്നതാണ് ഇതുപോലെ ചേർത്തു പിടിക്കാൻ. എന്തുകൊണ്ട് ഇയാൾ ഇത് മനസ്സിലാക്കുന്നില്ല....... ഒരു അമ്മയുടെ സ്നേഹം ശിവനും ആഗ്രഹിക്കുന്നില്ലേ??? വല്യമ്മേ........... കുഞ്ഞാ........ സുഖാണോ എന്റെ മോന്.....അവന്റെ കവിളിൽ തലോടി ചോദിച്ചതും അവൻ അതേയെന്ന് തലയാട്ടി...... വല്യച്ചൻ.......... ഇപ്പോഴും നിന്നോട് വാശിയിലാ.... പക്ഷെ നിന്നോട് ഒരുപാട് സ്നേഹം ആട.... ഹ്മ്മ്... എല്ലാം ഞാൻ കാരണമാ... വാ നമ്മൽക്ക് തറവാട്ടിൽ പോകാം..... അവരുടെ കൈയിൽ പിടിച്ചു കൊണ്ട് ശിവൻ പറഞ്ഞു... ഇല്ലടാ... ആ പടി കേറി പോകരുതെന്നാണ് നിന്റെ വല്യച്ചന്റെ ഉത്തരവ്.അതാ നിന്നെ കാണാൻ ഇവിടെ ഇങ്ങനെ നിന്നത്..... ഹ്മ്മ്.... മാമ്മച്ചന് സുഖാണോ..... ഹ്മ്മ്...... അച്ഛന് സുഖമാണ് (പാർത്ഥൻ മാമ്മന്റെ ( വല്യച്ചന്റെ ഒക്കെ മാമൻ )

മകളാണ് സുമതി.. അത് ഭദ്രയല്ലേ... വണ്ടിയിലിരിക്കുന്ന ഭദ്രയെ നോക്കി ചോദിച്ചതും അവൻ അതേയെന്ന് പറഞ്ഞു. അവരെ നോക്കാൻ വന്നതാ. ഒന്ന് മറിഞ്ഞു വീണു....... അലസമായി അവൻ പറഞ്ഞു.. അയ്യോ രാധായോ... അവൾക്ക് എങനെയുണ്ട് മോനെ.. എന്ത്‌ പറ്റിയതാ..... ഏഹ്.... എന്താ വല്യമ്മേ നിങ്ങളിങ്ങനെ ആ സ്ത്രീയോട് ഇത്രയും സ്നേഹം?? വല്യമ്മയ്ക്ക് ദേഷ്യമില്ലേ അവരോട്??? അതിന് മറുപടി അവർക്കില്ലായിരുന്നു..... ഒരു നേർത്ത ചിരി അവന് നൽകി. അവർ തിരിഞ്ഞു നടന്നു...... ദേഷ്യം..... എത്രയൊക്കെയായാലും തന്റെ കൂട്ടുകാരി അല്ലായിരുന്നോ അവൾ.. അവർ മനസ്സിൽ പറഞ്ഞു... ശിവൻ അവർ പോകുന്നതും നോക്കി നിന്നിട്ട് വണ്ടിയിലേക്ക് നോക്കി..... വേറെയെവിടെയോ നോക്കിയിരിക്കുന്ന അവളെ കണ്ടതും ശിവന് വല്ലാത്ത സ്നേഹം തോന്നി..... ഇതേ സമയം അവളുടെ ചിന്തകൾ ശിവനും രാധമ്മയ്ക്ക് ചുറ്റുമായിരുന്നു. എങനെയെങ്കിലും അവരെ ഒന്നിപ്പിക്കണം. നഷ്ട്ടപ്പെട്ട അമ്മയുടെ സ്നേഹം രാധമ്മയിൽ നിന്നുo ശിവന് കിട്ടണം... പക്ഷെ താൻ എന്തിനാണ് ഇങ്ങനെ ആലോചിക്കുന്നതെന്ന് അവൾക്ക് അറിയില്ലായിരുന്നു.... ഒരു പക്ഷെ പണ്ട് ആ രണ്ടാം ക്ലാസുകാരി കുഞ്ഞിപ്പെണ്ണിന്റ ഉള്ളിൽ കുഞ്ഞു ശിവനോടുള്ള വരണ്ട് വറ്റിയ പ്രണയത്തിന്റെ വിത്തിൽ നിന്നുo അവളെ ചിന്തിപ്പിക്കുന്നതാകാം.....🔥...............................................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...