🔥എന്റെ മാത്രം : ഭാഗം 36

എഴുത്തുകാരി: അല്ലി

ആര് ബാലൻ മാഷോ.... ജോയ് അന്തം വിട്ട് വീണ്ടും അവനോട് ചോദിച്ചതും അനിൽ അതേയെന്ന് തലയാട്ടി........ അവന് വിശ്വസിക്കാൻ പറ്റുന്നില്ലായിരുന്നു. ഇത്രയും നാൾ ഈ കാണിച്ചതെല്ലാം നാടകമായിരുന്നോ ?? ശിവൻ ഇത് പ്രതീക്ഷിച്ചില്ലെങ്കിലും. പിന്നെ അവന് അത് കുസലില്ലാത്ത മട്ടിലായി. അനിൽ പേടിച്ച് നിൽക്കുകയാണ്... എടാ ശങ്കര ഇവൻ കള്ളം പറയുവാടാ.. കള്ള പന്നി ഇവന് കിട്ടിയതൊന്നും മതിയായില്ലാ.... പല്ല് കടിച്ച് ജോയ് പറഞ്ഞു അനിൽ ഭയത്തോടെ അവനെ നോക്കി.... ഇല്ല. ഞാൻ സത്യമാ പറഞ്ഞത്. അന്ന് അയാളായിങ്ങനെയൊക്കെ ചെയ്യണമെന്ന് പറഞ്ഞത്. അതിന് വേണ്ടി കുറേ പൈസ യും തന്നു. വീണ്ടും വീണ്ടും കള്ളം പറയുന്നോടാ...... നായിന്റെ മോനെ..... എന്തിന് വേണ്ടി അയാൾ അങ്ങനെ ചെയ്യണം ഏഹ്.......

എന്റെ പെണ്ണിന് വേണ്ടി....... അനിലിൽ നിന്നുമുള്ള പിടി വിട്ട് ശിവൻ പറഞ്ഞപ്പോൾ ജോയ് ഞെട്ടി. ശങ്കര.......... നി പൊയ്ക്കോ ഇനി വീണ്ടും മണപ്പിച്ച് എന്റെയോ എന്റെ പെണ്ണിന്റയോ പിന്നാലെ വന്നാൽ?? അത്രയും അനിലിനെ നോക്കി പറഞ്ഞതും അവൻ തലയാട്ടി ജീവനും കൊണ്ട് ഓടി. ശങ്കരാ... അവൻ....... അതേ ജോയ്..... അന്നേ ഞാൻ നിന്നോട് പലവെട്ടം പറഞ്ഞതല്ലേ ആ #₹*മോൻ എന്റെ പെണ്ണിന്റ പിന്നാലെയാണെന്ന്.പക്ഷെ നീ വിശ്വസിച്ചില്ല. അവന്റെ കണ്ണിൽ.... അവന്റെ പെരുമാറ്റത്തിൽ ഞാൻ അറിഞ്ഞിട്ടുള്ളതാ അവന്റെ ഇഷ്ടം. അതുകൊണ്ട് മാത്രമാടാ ആ ചെറ്റയെ അവളുടെ കൂടെ കാണുന്നത് എനിക്ക് പിടിക്കാഞ്ഞത്. പക്ഷെ ഇത്രയും തന്തയില്ലായ്മ അവൻ കാണിക്കുമെന്ന് ഞാൻ കരുതിയില്ല. ദേഷ്യം കൊണ്ട് അവന്റെ മുഖം ചുവന്നു.

ഇത്രയും നാൾ നല്ലവനായി നടന്നിട്ട് അവൻ ഇത്രയ്ക്ക് പിടിപ്പില്ലാത്തവനായിരുന്നല്ലോ ശങ്കര... ഭദ്രക്കൊച്ചിനോട്‌ പോയ്‌ പറയണം ശങ്കര... അവൾ അറിയട്ടെ അവന്റെ തനി സ്വഭാവം..... എന്തിന്...?? അവൾ ഒരിക്കലും നമ്മൾ പറയുന്നത് വിശ്വസിക്കില്ല ജോയ്...... നീ ഇതെന്തോന്നാ പറയുന്നത് . പിന്നെ എന്ത് വേണമെന്നാ.. അവളെ എനിക്ക് നന്നായിട്ടറിയാം ജോയ്. ബാലനെ അവൾ അത്രയും വിശ്വസിക്കുന്നുണ്ട്. ഒരു സുഹൃത്തെന്ന രീതിയിൽ സ്നേഹിക്കുന്നുണ്ട്. ആ അവനെ പ്പറ്റി ഇതെല്ലാം വേറെ ആര് പറഞ്ഞാലും വിശ്വസിക്കില്ല. പക്ഷെ അവൻ .. ആ ബാലൻ തന്നെ എല്ലാം അവളോട് പറയണം. നീ പറഞ്ഞത് ശരിയാ ശങ്കരാ.... നീ വാ നമ്മൾക്ക് അവന്റെയടുത്ത് പോകാം.. ഇപ്പോൾ തന്നെ. അവൻ ഇവിടെയില്ല ജോയ്.... അവൻ വേറെ എവിടെയോ ആണ്....

തേടിപ്പിടിക്കണം. എന്നിട്ട് എന്റെ പെണ്ണിന്റയും ഈ നാട്ടുകാരുടെയുമൊക്കെ മുന്നിൽ വെച്ച് ഈ ശിവൻ അവനെ കൊണ്ട് സത്യം പറയിപ്പിക്കും... നീ നോക്കിക്കോ...... അത് പറയുമ്പോൾ അവന്റെ മുഖത്ത് ആത്മ വിശ്വാസമുണ്ടായിരുന്നു. തറവാട്ടിലെത്തുമ്പോൾ സന്ധ്യയായി.മനസ്സ് ശരിയല്ല. മിറ്റത്ത് വണ്ടി നിർത്തുമ്പോൾ ഉമ്മറത്ത് സന്ധ്യനാമം ജപിക്കുന്ന രാധമ്മയും അവിടെ കൂടെയിരിക്കുന്ന ഭദ്രയേയുമാണ്. അവരെ ഒന്ന് നോക്കി വണ്ടിയിൽ നിന്നും ഇറങ്ങി ശിവൻ നേരെ അകത്തേക്ക് പോയ്‌. ഭദ്ര അന്തിച്ച് രാധമ്മയെ നോക്കി. ആ മുഖത്തും അതേ അവസ്ഥ......  അതേ കുളിക്കുന്നില്ലേ....... റൂമിലേക്ക് വന്ന ഭദ്ര ചോദിക്കുമ്പോൾ കട്ടിലിൽ അതേപടി കിടന്ന ശിവൻ അവളെ ഒന്ന് കണ്ണുരുട്ടി നോക്കി. താൻ എന്താ ഇങ്ങനെ നോക്കുന്നത്. നീ ഒന്ന് പോകാൻ നോക്ക് എനിക്ക് തലയ്ക്ക് സുഖമില്ല .... ആഹാ അതെനിക്ക് പണ്ടേ അറിയാമായിരുന്നു. നിനക്ക് തലയ്ക്ക് സുഖമില്ലെന്ന്....

അതും പറഞ്ഞ് ഭദ്ര ചിരിച്ചതും ശിവൻ ഒന്നും മിണ്ടാതെ കിടന്നു. അവളുടെ ചിരി താനെ നിന്നും ഇയാൾക്കിത് എന്ത് പറ്റി.... അഹ് എന്തെങ്കിലും ആകട്ടെ. അതും പറഞ്ഞ് അവൾ അവിടെ നിന്നും പോയ്‌. രാത്രി കിടക്കാൻ വന്നപ്പോഴും അതേ അവസ്ഥയായിരുന്നു. ഭദ്രയ്ക്ക് നന്നായി ദേഷ്യം വരുന്നുണ്ടായിരുന്നു. പിന്നെ ഒന്നും മിണ്ടാതെ കേറിക്കിടന്നു. അവൾ ഉറക്കമായതും ശിവൻ പതിവ് പോലെ അവളെ തന്റെ നെഞ്ചോട് ചേർത്ത് കിടത്തി ആ നെറ്റിയിൽ മുത്തം കൊടുത്തു. അവൾ ഒന്ന് കുറുകിക്കൊണ്ട് അവനോട് ചേർന്ന് കിടന്നു. അറിയാം പണ്ടേ നിന്നെ ദേഷ്യം പിടിപ്പിച്ചത് കൊണ്ടാ എന്നെ കണ്ടുകൂടാഞ്ഞതെന്ന് . പക്ഷെ നല്ലവരേ യും ചീത്തവരെയും നിനക്ക് തിരിച്ചറിയാൻ പറ്റാതെ പോയ്‌ പെണ്ണേ..........

സാരമില്ല.... എല്ലാം ശരിയാകും.. എല്ലാം.... വീണ്ടും അവളെ തന്നോട് ചേർത്ത് അവൻ ഉറക്കത്തിലേക്ക് വീണു. ദിവസങ്ങൾ പോകവേ ഒരു ദിവസം പുലർച്ചെ ❤❤❤❤❤❤❤ ഇതെന്നെ എവിടെ കൊണ്ടുപോകുവാടോ......ഉറക്കത്തിൽ നിന്നും തട്ടിയുണർത്തി കണ്ണും മൂടി കൊണ്ടുപോകുന്ന ശിവനോട് ഭദ്ര ചോദിച്ചു ഒന്ന് മിണ്ടാതെ നേരെ നടക്കടി അല്ലെങ്കിൽ മൂടും കുത്തി താഴെകിടക്കും പടി ഇറങ്ങൻ പോവാ... അവളുടെ കണ്ണ് അങ്ങനെ പൊത്തിപ്പിടിച്ചു കൊണ്ട് ശിവൻ പറഞ്ഞു . നിങ്ങളെ വല്ല നെല്ലിക്കാത്തളം കൊണ്ട് ചിക്കൽസിക്കണം...മനുഷ്യനെ കിടക്കാൻ സമ്മതിക്കാതെ എവിടെയോ ഉരുട്ടിയിടുവാൻ പോവാ... വട്ടൻ..... വട്ടൻ നിന്റെ തന്താ.മിണ്ടാതെ നടന്നോ അല്ലെങ്കിൽ ദണ്ടേ ഒറ്റ തെള്ള്.... പിന്നെ അവൾ ഒന്നും മിണ്ടാൻ പോയില്ല.. വട്ട് കേസ്............ അഹ് ഇനി കണ്ണ് തുറന്നെ.......

അവളുടെ കണ്ണിന് മുകളിലുള്ള കൈ മാറ്റി ശിവൻ പറഞ്ഞതും അവൾ കണ്ണ് ചിമ്മി മെല്ലേ കണ്ണ് തുറന്നു. തേച്ചൊരുക്കിയ ഓട്ടുരുളിയിൽ അരിയും നെല്ലും ഉപയോഗിച്ച്‌ പാതി നിറച്ച്‌, കൂടെ അലക്കിയ മുണ്ടും, പൊന്നും, വാൽക്കണ്ണാടിയും, കണിവെള്ളരിയും, കണിക്കൊന്നയും, പഴുത്ത അടയ്ക്കയും വെറ്റിലയും, കണ്മഷി, ചാന്ത്, സിന്തൂരം, നാരങ്ങ എന്നിവയും കിഴക്കോട്ട് തിരിയിട്ട് കത്തിച്ച നിലവിളക്കും, നാളികേരപാതിയും, ശ്രീകൃഷ്ണന്റെ വിഗ്രഹവും......... അതേ ഇന്ന് വിഷുവാണ്....... താൻ മറന്നു......... നില വിളക്കിന്റെ ശോഭയിൽ പ്രകാശിച്ച് നിൽക്കുന്ന കണ്ണനെ അവൾ നിറ കണ്ണുകളോടെ തൊഴുതും. അരികിലായി ശിവനും. കല്യാണം കഴിഞ്ഞ് ആദ്യത്തെ വിഷു. രാധമ്മ അവളുടെ ചുമലിൽ കൈ വെച്ചതും ഭദ്ര കണ്ണ് തുറന്ന് രാധമ്മയെ നോക്കി. അവളുടെ കണ്ണുകൾ നിറഞ്ഞു. രാധമ്മയെ കെട്ടിപ്പിടിച്ചു. ഞാൻ ഓർത്തില്ലാ രാധമ്മേ....അ അമ്മ ഉള്ളപ്പോൾ.... ഞങൾ......

ബാക്കി പറയാൻ അവൾ നന്നായി പാട്പ്പെട്ടു....രാധമ്മ പുറത്ത് തട്ടി അവളെ സമാധാനിപ്പിച്ചു. ശിവൻ അത് കണ്ടുകൊണ്ട് നിന്നും. എന്ത് പറഞ്ഞ് താൻ അവളെ സമാധാനിപ്പിക്കും?? ഹലോ ആരാ..... രാവിലെ ഉറക്കച്ചടുപ്പോടെ ജോയ് ഫോണെടുത്ത് ചോദിച്ചു....... ജോയിച്ചാ.. ഇത് ഞാനാ പൊന്നു മോള്.. അടക്കി പിടിച്ച കുറുമ്പോടെ കുഞ്ഞി പെണ്ണ് പറഞ്ഞതും കിടക്ക പായയിൽ നിന്നും എഴുന്നേറ്റ് ജോയ് കിളി പോയിരുന്നു.... എടി കുറുമ്പി..... എവിടുന്ന് കിട്ടി എന്റെ നമ്പർ.... ആരുടെ ഫോണായിത്... ഭാമകൊച്ചിന്റയാ...... അല്ലാതെ പിന്നെ ആരുടേയാ... ഈ ജോയിച്ചൻ പൊട്ടനാ..... ചിരിയോടെ പൊന്നു മോൾ പറയുന്നത് കേട്ട് അവനും ചിരിച്ച് പോയ്‌. ന്റെ ഉടുപ്പെവിടെ ജോയിച്ചാ... പൊന്നു മോള് കാത്തിരിക്കുവാ......... പരിഭവത്തോടെയുള്ള പൊന്നു മോളുടെ പറച്ചിൽ കേട്ട് അവൻ ഒന്ന് സംശയിച്ചു ജോയിച്ചാ.... ന്റെ പൊന്നുമോൾക്ക് ജോയിച്ചൻ ഉടുപ്പ് മേടിച്ച് തരാമെന്ന് പറഞ്ഞോ...

ഞാൻ മറന്നു പോയല്ലോടാ........... വിഷുവിന് പൊന്നുമോൾക്ക് പട്ടു പാവാടയും ഉടുപ്പും മേടിച്ച് തരാമെന്ന് പറഞ്ഞിട്ട്.......... വിതുമ്പലോടെ പൊന്നു മോൾ പറഞ്ഞത് ജോയ് തലയ്ക്ക് കൈ വെച്ചു.... കർത്താവേ ഇന്ന് വിഷുവായിരുന്നോ.. ഞാൻ അറിഞ്ഞില്ലല്ലോ പൊന്നെ...... ജോയ് വിഷമത്തോടെ പറഞ്ഞു..... വേണ്ടാ.... പൊന്നു മിണ്ടുലാ ജോയിച്ചനോട്... ജോയിച്ചൻ കള്ളനാ..... പോ........ കൂട്ടില്ല.... അത്രയും പറഞ്ഞ് കെറുവോടെ അവൾ ഫോൺ കട്ട്‌ ചെയ്തു.... ഹലോ.... ഹലോ...... എന്റെ കർത്താവേ....... ജോയ് അറിയാതെ വിളിച്ചുപോയ്‌. ശരിയാണ് താൻ പറഞ്ഞതാണ്. കുഞ്ഞിപ്പെണ്ണ് എന്തോരം പ്രതിക്ഷയോടെ വിളിച്ചതാകും.  പൊന്നു... പൊന്നു.... ഫോൺ പിടിച്ച് കൊണ്ട് ഭാമ വിളിച്ചതും പൊന്നു മോൾ പമ്മി പമ്മി അവളുടെ അടുത്തേക്ക് വന്നു. നീ ജോയേ വിളിച്ചോ??? ഗൗരവത്തോടെ ഭാമ ചോദിച്ചതും അവൾ വിളിച്ചെന്ന് തലയാട്ടി. എന്തിനാ നീ വിളിച്ചത്..?? നിനക്കെപ്പോഴാ ഫോണിൽ വിളക്കാൻ അറിയാവുന്നത്...??? പൊന്നു മോൾ അമ്മ ഫോണിൽ കുത്തുന്നത് കണ്ട് പഠിച്ചതാ.......

മുഖം താഴ്ത്തി അവൾ പറഞ്ഞു. സ്കൂളിൽ പോലും പോയില്ല അപ്പോഴേക്കും ഈ കുന്ദ്രണ്ടത്തിന്റെ എല്ലാമറിയാം.... എന്തിനാ അയാളെ വിളിച്ചതെന്ന് പറയടി..... അവൾ ദേഷ്യത്തോടെ ചോദിച്ചു. പൊന്നു മോൾക്ക് പാട്ടുപാവാടയും ഉടുപ്പും മേടിച്ച് തരാമെന്ന് പറഞ്ഞായിരുന്നു.... അത് ചോദിച്ചയാ...... എന്റെ ഭഗവാനെ....... ഭാമ അറിയാതെ തലയിൽ കൈ വെച്ചു. ഉറപ്പായും ജോയ് ഇവിടെ വരും. ഈ പെണ്ണ്..... പൊന്നു മോളെ നോക്കി ഭാമ കണ്ണുരുട്ടിപ്പേടിപ്പിച്ചു. സംഗതി ശരിയല്ലെന്ന് മനസ്സിലായതും പൊന്നു മോൾ അവിടെ നിന്നും ഓടി.  തറവാട്ടിൽ വല്യ ഒരുക്കമൊന്നുമില്ല.. ചെറിയ സദ്യ.. അത് ഭദ്രയുടെ നിർബന്ധം കൊണ്ട് മാത്രം. ഇന്നാ..... അടുക്കളയിൽ പച്ചക്കറി അരിയുമ്പോഴാണ് ശിവൻ പിന്നിൽ വന്ന് നിന്നത്. രാധമ്മ സംശയത്തോടെ അവനെ നോക്കി. കൈ നീട്ടം ഒന്നും തന്നില്ലെന്ന് വേണ്ടാ ഒരു സാരിയാ......

അവർ സ്നേഹത്തോടെ അത്രയും സന്തോഷത്തോടെ അത് മേടിച്ചു. അടുത്ത് നിന്ന് ഇത് കണ്ടു നിന്ന ഭദ്രയ്ക്ക് നേരെയും അവൻ കവർ നീട്ടി.... മടി കൂടാതെ അത് മേടിക്കുന്ന ഭദ്രയേ കണ്ടതും ചെറിയ സന്തോഷമൊന്നും അല്ലായിരുന്നു അവന്. പോകല്ലേ ഇപ്പോൾ വരാം.. അതും പറഞ്ഞ് ഭദ്ര അവിടെ നിന്നും ഓടി പോയ്‌ ഒരു പൊതി കൊണ്ടു വന്ന് അവന് നേരെ നീട്ടി. സംശയത്തോടെ ശിവൻ അവരെ രണ്ടാളെയും നോക്കി.. ഒരു ഷർട്ടും മുണ്ടുമാ എന്റെയല്ല രാധമ്മ യുടെ വക..... പ്രതിക്ഷയോടെ അ അമ്മ അവനെ നോക്കി....... അലസമായ് അവൻ അത് മേടിച്ചെങ്കിലും അവന്റെ ഉള്ളിൽ വല്ലാത്ത സന്തോഷമായിരുന്നു...... പുറത്തേ ബഹളം കേട്ട് ഭാമ വരുമ്പോൾ കൈയിൽ പുത്തനുടുപ്പ് പിടിച്ച് ജോയേ ഉമ്മവയ്ക്കുന്ന പൊന്നു മോൾ....... ഭാമയ്ക്ക് എന്തോ ഒരിഷ്ടക്കേട് പോലെ തോന്നി. പക്ഷെ കുഞ്ഞിപ്പെണ്ണിന്റെ സന്തോഷം കണ്ടപ്പോൾ ഒന്നും പറയാൻ തോന്നിയില്ല. അടുക്കളയിൽ പോയ്‌ അവന് വേണ്ടി സേമിയ പായസമെടുക്കാനായി പോയ്‌...........................................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...