🔥എന്റെ മാത്രം : ഭാഗം 43

എഴുത്തുകാരി: അല്ലി

" രാധമ്മ എന്ത് പാവവാ അമ്മാ... " രാത്രി സുമതിയമ്മേടെ മടിയിൽ കിടന്നു കൊണ്ട് ആരുട്ടൻ പറഞ്ഞതും സുമതിയമ്മ അവന്റെ തലയിൽ തലോടിക്കൊണ്ടിരുന്നു. ശരിയാണ് അവൾ പാവം ആണ് അന്നും ഇന്നും....... " ഇഷ്ട്ടായോ നിനക്ക്? " "ആർക്കാ ഇഷ്ട്ടമാകാത്തത് അമ്മാ. ഒരു കാര്യമറിയോ? നിങ്ങളുടെ രണ്ടാളുടെയും മോനാ ഞാനെന്ന് പറഞ്ഞപ്പോൾ ആ കണ്ണിൽ ഞാൻ കണ്ടതാ വല്ലാത്ത സ്നേഹം... വെപ്രാളം..... ഒരു വാത്സല്യം...... അറിഞ്ഞപ്പോൾ തന്നെ എന്റെകവിളിൽ തലോടി.. ആ കൈ എന്റെ മുഖം മുഴുവൻ തഴുകി..... കണ്ണീരുകൊണ്ട് എന്റെ മുഖം മുഴുവൻ ഉമ്മ വെച്ചു... എന്നെ ചേർത്ത് നിർത്തി ഏട്ടത്തിയോട് പറഞ്ഞു " എന്റെ സുമതിടെ മോനാണെന്ന് എന്റെ മോനാണെന്ന് ' എങനെ അമ്മ അവർക്കെങ്ങനെ സാധിക്കുന്നു. ഇങ്ങനെ സ്നേഹിക്കാൻ.??

മുഖം ഉയർത്തി ആരുട്ടൻ ചോദ്യത്തിന് ചിരി മാത്രമായിരുന്നു അവരുടെ മറുപടി. കാരണം അവൾ രാധയാണ് മോനെ.... അവൾക്കങ്ങനെ ചിന്തിക്കാനെ പറ്റു. പിന്നെ ഇതൊന്നും നിന്റെ അച്ഛനോട് പറയാൻ നിൽക്കണ്ടാട്ടോ..... അകത്തേക്ക് നോക്കിക്കൊണ്ട് പറഞ്ഞു. no അമ്മ ഞാൻ ഒന്നും പറയില്ല. അമ്മയ്ക്ക് വിഷമം തോന്നില്ലെങ്കിൽ ഞാൻ ഒരു കാര്യം പറഞ്ഞോട്ടെ.... അവൻ മടിയോടെ ചോദിച്ചു. പറയ്യ്....... " സത്യത്തിൽ അമ്മയുടെ സ്ഥാനത്ത് രാധമ്മയല്ലേ ഇപ്പോൾ ഉണ്ടാകേണ്ടത്?? " അവരുടെ മനസ്സിനെ ആ ചോദ്യം ആടിയുലച്ചു. സത്യമാണ് ഇന്ന് ഈ സ്ഥാനം തനിക്ക് അർഹിച്ചതാണോ? ഒരുപാട് വട്ടം മനസ്സിൽ തോന്നിയിട്ടുള്ള ചിന്ത. ഒരിക്കലും രാധ യാകാൻ സുമതിയ്ക്ക് കഴിഞ്ഞിട്ടില്ല.

രാധയ്ക്ക് കിട്ടിയ പ്രണയവും കരുതലും തനിക്ക് അദ്ദേഹത്തിൽ നിന്നും കിട്ടിയില്ല. ഇത്രയും വർഷം കൂടെ ജീവിച്ചിട്ടും തന്റെ ഇഷ്ടങ്ങൾ തിരിച്ചറിയാൻ അദ്ദേഹം ആഗ്രഹിച്ചിട്ടില്ല. എന്തിന്? ജീവിതത്തിൽ തന്നെ കൂട്ട് കൂടിച്ചത് തന്നെ കാര്യം. സത്യമാണ്... "അന്ന് ഉത്സവദിവസം തറവാട്ടിൽ എല്ലാ ബന്ധുക്കളും ഒത്തു കൂടിയ ദിവസം ആ മുറിയിൽ നഗ്നത മറച്ച് കിടക്കുന്ന രാധയേയും വേറെ ഏതോ പുരുഷനേയും കണ്ട് മനസ്സ് വൃണപ്പെട്ട മനുഷ്യനാ അദ്ദേഹം. സ്വന്തം ഭാര്യയേ അങ്ങനെ കാണുമ്പോഴുള്ള അവസ്ഥ. എത്ര അറപ്പാണ്..!! തകർന്ന് പോയില്ലേ മനുഷ്യൻ. അവൾ അലറികരഞ്ഞു കൊണ്ട് എല്ലാരുടെയും മുന്നിൽ തന്റെ ഭാഗം പറയാൻ തയാറായിരുന്നു. പക്ഷെ ആരും കേട്ടില്ല.

അല്ല ആരും കേൾക്കാൻ താല്പര്യം കാണിച്ചില്ല. കണ്ണ് കള്ളം പറയുമോ ? പക്ഷെ തന്റെ യെടുത്തു അവൾ അപേക്ഷിച്ചു. കേട്ടില്ല.... അറപ്പായിരുന്നു അവളെ കാണുന്നത് തന്നെ. അവൾക്ക് വേണ്ടി ഒഴിഞ്ഞു കൊടുത്തതല്ലേ അദ്ദേഹത്തിന്റ ജീവിതത്തിൽ നിന്ന് താൻ. ആരുമറിയാതെ ഉള്ളിൽ കൊണ്ട് നടന്നതല്ലേ ശ്രീധരനെ. എന്നിട്ടും അവൾക്ക് കിട്ടിയജീവിതം തകർത്ത് കളഞ്ഞില്ലേ ......." അമ്മാ........ അവന്റെ വിളിയാണ് അവരെ ചിന്തകളിൽ നിന്നും ഉണർത്തിയത്. ഞെട്ടി അവനെ നോക്കി. എന്ത് പറ്റി. ഒന്നുവില്ലടാ. വാ കഴിക്കാo അകത്ത് മരുമോനും മാമ്മനും കൂടിയുള്ള ചർച്ച തീർന്നു കാണും. പാവം അപ്പുപ്പൻ എങനെ സഹിക്കുന്നു അമ്മാ എന്റെ കാട്ടാളൻ അച്ഛനെ..... കുറുമ്പോടെ അവൻ പറഞ്ഞത് കേട്ട് ചെവിയിൽ ഒറ്റ പിടിത്തമിട്ടു..... അഹ് അമ്മാ....... അവൻ വേദനയോടെ വിളിച്ചു -

രാത്രിയിൽ മേല് കഴുകി വരുമ്പോൾ കള്ള ഉറക്കം പിടിച്ച് കിടക്കുകയായിരുന്നു. ശിവൻ. അവനെ ഒന്ന് നോക്കി തിരിഞ്ഞു കിടന്നതും അവന്റെ കൈ അവളെ അമർത്തി തന്നോട് ചേർത്ത് കിടത്തി.... അവനെ തെള്ളി മാറ്റാൻ നോക്കിക്കൊണ്ട് അവളെന്തൊക്കെയോ പുലമ്പുന്നുണ്ട്. പക്ഷെ അവന്റെ ചെവിയിൽ ഒന്നും തന്നെ വന്നില്ല.. അരക്കെട്ടിൽ കൈകളിഴഞ്ഞ് വയറ്റിൽ ചുറ്റിപിടിച്ച് കിടന്ന അരിഞ്ഞാണം വെളിയിലിട്ടു.... അവൾ കണ്ണും മിഴിച്ച് അവനെ നോക്കി. ആ കണ്ണിൽ കുസൃതി മാത്രമായിരുന്നു. മെല്ലേ വെള്ളിയരിഞാണം ഊരി അവന്റെ കൈയിലെടുത്ത് അവളിൽ നിന്നുള്ള പിടി മാറ്റി. കട്ടിലിൽ ചാരിയിരുന്നു കലി മൂത്ത് പിടിഞ്ഞു കൊണ്ട് അവൾ അവിടെ നിന്നും എഴുനേറ്റു. "

നിങ്ങൾക്കിത് എന്തിന്റെ കേടാ. പാതിരാത്രി മീശ മാധവൻ കളിക്കുവാ. മരിയാദയ്ക്ക് അതിങ്ങോട്ടെടുക്ക്. " ചളിപ്പോടെ അവൾ പറയുന്നത് കേട്ട് അവൻ അത് വട്ടം കറക്കാൻ തുടങ്ങി. " ഇങ്ങോട്ട് തരാൻ " " ഹാ നീ എന്തിനാടി ഇങ്ങനെ ചൂടാകുന്നത്. നിന്റെ കെട്ടിയോൻ ഇങ്ങനെ ജീവിച്ചിരിക്കുമ്പോൾ എന്റെ പെണ്ണിന് പൊന്നിന്റെ അരിഞ്ഞാണo മേടിച്ച് തരില്ലേ ചേട്ടൻ.... " കണ്ണിറുക്കിക്കൊണ്ട് ശിവൻ പറഞ്ഞു. " അയ്യാ ഒരു ചേട്ടൻ..... അതിങ്ങോട്ട് എടുക്കുന്നുണ്ടോ മനുഷ്യ. അല്ലെങ്കിൽ ഞാൻ.... ". ബാക്കിയെന്തോ പറയാൻ വന്നതും അവൾ പെട്ടെന്ന് നിർത്തി. " എന്താ നിർത്തി കളഞ്ഞത് ബാക്കിയും കൂടി പറയ്യ്... നിന്റെ രാധമ്മയോട് പറയുവോ... ഏഹ് " " ഓഹ് ഇങ്ങനെയൊരു വട്ടൻ..... "

അത്രയും പറഞ്ഞ് വേറെയൊന്നും പറയാതെ അവൾ കിടന്നു. " വയറ്റിൽ എന്തോ ഇഴഞ്ഞതും കണ്ണ് തുറന്ന് അവൾ കാണുന്നത് വയറ്റിൽ ചുറ്റി പിണഞ്ഞു കിടക്കുന്ന അരിഞ്ഞാണം. അതിട്ട് കഴിഞ്ഞ് പൊക്കിൾ ചുഴിയിൽ അവന്റെ ചുണ്ടുകൾ അമർത്തി ചുംബിച്ചതും ഉച്ചി മുതൽ കാല് വരെ കറണ്ട് അടിച്ചപോലെ അവൾക്ക് തോന്നി. കിടന്നിടത്ത് നിന്ന് എഴുന്നേൽക്കാൻ പറ്റാതെ.. മുഖമുയർത്തി അവളെ ഒന്ന് നോക്കി കണ്ണിറുക്കിയിട്ട് വീണ്ടും അവന്റെ ചുണ്ടുകൾ അവിടെ മുത്തമിട്ട് മാറി.... " "ഇപ്പോൾ നല്ല ചേലുണ്ട്... മറ്റേത് ഒരു ഭംഗിയില്ലായിരുന്നു........" അവളുടെ നേരെ കിടന്നു കൊണ്ട് അവൻ പറഞ്ഞപ്പോൾ അവൾ അറിയാതെ വാ തുറന്ന് പോയ്‌. " ഇത്രക്കാരനായിരുന്നോ നീ.... എന്ത് വിശ്വസിച്ചാ ഇങ്ങനെയൊരുത്തന്റെ കൂടെ ഞാൻ കിടന്നത് എന്റെ ഭഗവാനെ.... " അവൾ സാരി നേരെയാക്കി പറഞ്ഞു. "എത്രക്കാരൻ?എടി .

പോത്തിനെ പോലെ ഈത്തുവാ ഒലിപ്പിച്ച് കിടക്കുമ്പോൾ എല്ലാം മറച്ച് വെച്ചു കിടക്കണം. കാണേണ്ടാത്തതൊക്കെ കാണിക്കുമ്പോൾ അത് കാണാതിരിക്കാനൊന്നും. എന്നെ കൊണ്ട് പറ്റില്ല. ഞാനൊരു ആണാ. ചോരെയും നീരുമുള്ള ഒരാണ്.... കാണും...തൊടും.... വേണ്ടിവന്നാൽ നീ അറിയാതെ ഉമ്മ വെയ്ക്കുകയും ചെയ്യും. ഇത്രയും നാളുംകൂടുതലൊന്നും നിന്നെ ഞാൻ ചെയ്യാത്തത് എന്റെ നല്ല മനസ്സ്... അല്ല പിന്നെ... അതും പറഞ് ശിവൻ തിരിഞ്ഞ് കിടന്നു. അവളുടെ ചെവിയിൽ എന്തൊക്കെയോ മൂളക്കo കേൾക്കാം. " ഇനി മുതൽ ഞാൻ നൈറ്റിയിട്ട് കിടക്കും നോക്കിക്കോ " ------------------ പിറ്റേന്ന് " അമേരിക്കയിൽ പോയിട്ട് തിരിച്ച് വന്നപ്പോൾ ഈ നാടാകെ മാറി പോയ്‌ ഏട്ടത്തി. പക്ഷെ ഈ നാട്ടുകാർ ക്രാ തുഫ്...... കണ്ടില്ലേ അവറ്റകളുടെ നോട്ടം " ചന്തയിൽ പോയിട്ട് വരുന്ന ഭദ്രയുടെ കൂടെ നടന്നുകൊണ്ട് ആരുട്ടൻ പറഞ്ഞതും ഭദ്രയ്ക്ക് ചിരി പൊട്ടി.

" അങ്ങനെയൊരു ചിന്തയേ വേണ്ട മോനെ. ഇവറ്റകളൊന്നും മാറില്ല. " " അതും ശരിയാ...'" . അല്ല നിന്റെ അച്ഛൻ അറിഞ്ഞോ എന്റെ കൂടെ വന്നത് " " അഹ് അടിപൊളി പറഞ്ഞേച്ചാൽ മതി. സത്യം പറയാലോ ഏട്ടത്തി എന്റെ തന്തയായോണ്ട് പറയുവല്ല കണ്ണിൽ ചോര യില്ലാത്ത മനുഷ്യനെ ഞാനെന്റെ ജീവിതത്തിൽ വേറെ കണ്ടിട്ടില്ല. " ആണോ ആണോന്നോ അതുകൊണ്ടല്ലേ കയ്യും കാലും പിടിച്ച് ഞാൻ അമേരിക്കയിൽ പോകുന്നില്ലെന്ന് പറഞ്ഞിട്ടും ആ ദുഷ്ടൻ എന്നെ അങ്ങോട്ട് വിട്ടത്. " " എന്നാൽ ഇപ്പോൾ ഒരു കാഴ്ച കാണാം. കണ്ണിൽ ചോര യില്ലാത്ത തന്തയുടെ അടി കിട്ടി പല്ല് പോകുന്ന ആരുട്ടൻ " എന്ത്?? അത് കേട്ടതും അവൾ ചൂണ്ടിയഭാഗത്ത് നോക്കിയതും അവരെ കലിപ്പിൽ നോക്കുന്ന ശ്രീധരൻ. ഈശ്വര......

അവൻ അറിയാതെ തലയിൽ കൈ വെച്ചു.. തിരിഞ്ഞോടാൻ നിൽക്കണ്ട ആരുട്ടാ. മുന്നോട്ട് നടന്നോ ? അതും പറഞ്ഞ് അവനെ പിടിച്ച് കൊണ്ട് മുന്നോട്ട് നടന്നു. " അച്ഛാ.... " അവൻ ഇളിച്ചുകൊണ്ട് വിളിച്ചു. " കണ്ട അടുക്കളകാരി യുടെ കൂടെ നാട് ചുറ്റാൻ നാണമില്ലേടാ നിനക്ക് "അയാൾ ദേഷ്യത്തോടെ ചോദിച്ചു. " അടുക്കളക്കാരിയോ എന്താ അച്ഛാ ഇത് ഏട്ടത്തിയല്ലേ " "അല്ല എനിക്ക് ഇവൾ അടുക്കളകാരി മാത്രമാ...' അയാൾ പുച്ഛത്തോടെ പറഞ്ഞു " ഒന്ന് നിർത്ത് ശ്രീധരൻ വല്യച്ച.... " ദേഷ്യം കടിച്ച് പിടിച്ച് അവൾ പറഞ്ഞതും മുഖം കുർപ്പിച്ച് അയാൾ അവളെ നോക്കി. ആരുട്ടൻ അന്തം വിട്ട് നിൽക്കുകയാണ്. ഇന്ന് വരെ പേടിയോടെയല്ലാതെ താൻ ഇതുവരെ അച്ഛന്റ്റെ മുന്നിൽ നിന്നിട്ടില്ല.

എന്തിന് ചേട്ടൻ പോലും. പക്ഷെ ഏട്ടത്തി. കുറേ നേരമായല്ലോ കേൾക്കുന്നു അടുക്കളകാരി അടുക്കളക്കാരി. എന്താ ഇത്രയും പുച്ഛം. ഓരോ ജോലിക്കും അതിന്റെ വിലയുണ്ട്. അതറിയോ? അതുകൊണ്ട് ഇത്രയും അറപ്പ് കാണിക്കേണ്ട കാര്യമില്ല... ഈ പറയുന്ന അടുക്കളകാരികൾ ഉണ്ടാക്കി ത്തരുന്നതല്ലേ മൂന്ന് നേരം തിന്നുന്നത്.? അന്നേരം എന്തേ ഈ അറപ്പില്ലാത്തത് " അത് പോയിന്റ്........ ( ആരുട്ടൻ ) അവൾ പറയുന്നത് കേട്ട് കലിപ്പിൽ നിൽക്കുകയാണ് ശ്രീധരൻ..... അവൾ അവിടെ നിന്ന് എന്തൊക്കെയോ പറയുന്നുണ്ട്. ബ്ലാ... ബ്ലാ.. ബ്ലാ..... അവസാനം തൊണ്ടയിലെ വെള്ളം വറ്റി മേടിച്ച ഒരു ഫ്രൂട്ടിയുടെ കുപ്പി പൊട്ടിച്ച് വായിലേക്ക് കമഴ്ത്തി. കണ്ടില്ലേ അവളുടെ അഹങ്കാരം.

ധിക്കാരി.. ഇവളുടെ കൂടെ കൂട്ടുകൂടി നീയും ഇങ്ങനെയാകും വീട്ടിൽ പോടാ അയാൾ അലറി. അവൻ ദയനീയ മായ് അവളെ നോക്കി. അവനെ നോക്കി പൊയ്ക്കോളാൻ ആഗ്യം കാണിച്ചു. പിന്നെ അവിടെ നിൽക്കാതെ ഒറ്റ ഓട്ടം വെച്ചു കൊടുത്തു. ഇനി എന്റെ മോനെയും കൂടി നിന്റെ കൂട്ടാക്ക്. അസത്ത്.... അതും പറഞ്ഞ് അയാൾ വണ്ടിയെടുത്ത് കൊണ്ട് മുന്നോട്ട് പോയ്‌. അതേ നിങ്ങളെക്കാട്ടിൽ ഭേദവാ ഞാൻ.. കേട്ടോ............ അവൾ പിറകിൽ നിന്ന് വിളിച്ച് കൂവുന്നുണ്ടായിരുന്നു. ----------- സൂക്ഷിച്ച് നടക്കണ്ടേ കൊച്ചേ...... ജോയ് ആധിയോടെ പറഞ്ഞു. കുഴപ്പമില്ല ജോയ് വെള്ളം ഞാൻ കണ്ടില്ല. അതാ തെന്നിയത്.

അമ്മച്ചിയും മോളും ഇപ്പോൾ വരും..... ഇപ്പോൾ പോയതല്ലേയുള്ളൂ. നീ കാല് കാണിക്ക് ഞാൻ എണ്ണ തേച്ച് തടകാം. അതും പറഞ്ഞ് അവളുടെ കാല് നൂത്ത് വെച്ചു. വേണ്ടാ..ഞാൻ ചെയ്തോളാം. അവൾ പെട്ടെന്ന് കാല് വലിച്ച് പറഞ്ഞതും. അവൻ അതേ വേഗത്തിൽ കാല് വലിച്ച് തടകാൻ തുടങ്ങി. ജോയ്. ഹാ മിണ്ടാതെയിരിക്ക് കൊച്ചേ ഞാൻ നിന്നെ തിന്നാനൊന്നും പോകുന്നില്ല അതും പറഞ്ഞ് അവൻ തിരുമ്മാൻ തുടങ്ങി. വേറെവഴിയില്ലാതെ അങ്ങനെയിരുന്നു അവസാനം എല്ലാം കഴിഞ്ഞ് ജോയ് എഴുന്നേറ്റു.ഭാമ നേരെ നിവർന്നിരിക്കാൻ പോയതും ആ സമയം കൊണ്ട് അവളുടെ കവിളിൽ പെട്ടെന്നൊരു ഉമ്മയും കൊടുത്ത് ജോയ് ഒറ്റ ഓട്ടം വെച്ച് കൊടുത്തു. ഷോക്കടിച്ച പോലെ ഭാമ വാ തുറന്നിരുന്നു.❤....................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...