🔥എന്റെ മാത്രം : ഭാഗം 51

എഴുത്തുകാരി: അല്ലി

രാവിലെ കണ്ണ് തുറന്നപ്പോൾ അടുത്ത് ഭദ്രയില്ല..മൂരി നിവർത്തി ശിവൻ മെല്ലേ എഴുന്നേറ്റു... ചുറ്റും തന്റെ പെണ്ണിനെ നോക്കുകയായിരുന്നു.. കഴിഞ്ഞ കാര്യങ്ങൾ ഓർക്കുമ്പോൾ വല്ലാത്തൊരു കുളിര് അവനിലുണ്ടായി. മെല്ലേ ബെഡിൽ നിന്നും എഴുന്നേറ്റ് നിലത്ത് കിടന്ന മുണ്ട് എടുത്തുടുത്ത് ബാത്‌റൂമിലേക്ക് കേറി..... ഷവറിന്റെ അടിയിൽ നിൽക്കുമ്പോഴും തന്റെ ദേഹത്ത് അവളുടെ തുളസി പൂവിന്റ മണമാണെന്ന് അവന് തോന്നി. അലക്കിയ തുണി അലയിൽ വിരിച്ചിടുമ്പോഴാണ് പിന്നിൽ നിന്നും ശിവൻ അവളെ കേറി പിടിച്ചത്. ഒന്ന് ഞെട്ടിയെങ്കിലും തന്റെ ചങ്കാരനാണെന്ന് മനസ്സിലായതും അവളുടെ ചുണ്ടിൽ പുഞ്ചിരി വിരിഞ്ഞു. " എവിടെയായിരുന്നു നി.. ഹ്മ്.. കണ്ടില്ലല്ലോ... " അവളുടെ തോളിൽ മുഖമുരസികൊണ്ട് പറഞ്ഞു. " ഇപ്പോൾ കണ്ടല്ലോ... അങ്ങോട്ട് മാറിനിൽക്കെ എനിക്ക് ജോലിയുണ്ട്... "

അവനെ തെള്ളി മാറ്റി പറഞ്ഞു കൊണ്ട് അവൾ തിരിഞ്ഞു നിന്നും.. " എന്ത് ജാടയാടി നിനക്ക്. ഇന്നലെ ഇങ്ങനെയൊന്നും അല്ലായിരുന്നുല്ലോ ഏഹ് " കിഴ്ച്ചുണ്ട് കടിച്ചുകൊണ്ട് ശിവൻ പറഞ്ഞതും ചമ്മലോടെ അവന്റെ മുഖത്തേക്ക് നോക്കാതെ ഭദ്ര അകത്തേക്ക് പോയ്‌. " രാത്രിയിൽ എടുത്തോളാടി നിന്നെ.... " അവൾ പോകുന്നതും നോക്കി അവൻ വിളിച്ചു കൂവുന്നുണ്ടായിരുന്നു.....  " നമ്മൾക്ക് പിരിയാം ചേട്ടാ ...... " അമ്പലത്തിൽ വരുന്ന വഴി ഗായു ആരുട്ടന്റെയടുത്ത് പറഞ്ഞതും അവൻ വാ തുറന്ന് നിന്നും. " എടി അതിന് ഞാൻ ഇഷ്ട്ടം ആണെന്ന് പറഞ്ഞിട്ട് ഒരാഴ്ചയായതല്ലേ യുള്ളൂ... ഇത്ര പെട്ടെന്ന് ബ്രേക്ക്‌ അപ്പൊ.... Why ബേബി... " ആരുട്ടൻ കണ്ണ് തള്ളി ചോദിച്ചു. " അതെന്താണെന്നോ ചേട്ടാ എനിക്ക് ഇച്ചിരി ഹൈറ്റും വെയ്റ്റുമുള്ള ഒരാളെയാ വേണ്ടത് അല്ലാതെ...... "

അവൾ തല ചൊറിഞ്ഞു കൊണ്ട് പറഞ്ഞു. "ഓഹോ.. U mean കലിപ്പൻ. കട്ടതാടി... ബുള്ളെറ്റ്. അതല്ലേ.....". അവൻ പുച്ഛത്തോടെ ചോദിച്ചതും അവൾ അതേയെന്ന് നാണത്തോടെ പറഞ്ഞു.... " ഫ ഏപ്പരാച്ചി ....... " ആരുട്ടന്റെ അലർച്ച കേട്ട് ഗായു പേടിച്ചു. " നീ എന്താടി വിചാരിച്ചത് ഏഹ്. നി പിരിയാമെന്ന് പറയുമ്പോൾ ഞാൻ ഇവിടെ കിടന്ന് കരയുമെന്നോ? എടി കൂതറെ ഇച്ചിരി സൈസ് കുറവും പൊടി മീശയാണെങ്കിലും എന്റെ മനസ്സ് അത്രയ്ക്ക് ലോലനല്ലടി.... അയ്യാ ഒരു കലിപ്പന്റെ കാന്താരി വന്നിരിക്കുന്നു.. പറയാൻ നല്ല ചേലാ.. വേണമെങ്കിൽ സ്റ്റാറ്റസും ഇടാം.. പക്ഷെ എന്റെ പൊന്നു മോളെ ഒന്ന് ജീവിച്ചു തുടങ്ങണം അവന്റെ കൈയിൽ നിന്ന് അടി മേടിച്ച് നിന്റെ ഉപ്പാട് തീരും... അവള് വന്നേക്കുന്നു ക്രാ തുഫ്.... " ഗായു ചുറ്റും നോക്കി ചിലരൊക്കെ അവരെ നോക്കുന്നുണ്ട്.

അവൾ ദയനീയ മായി അവനെ നോക്കി.. " ചേട്ടാ ഒന്ന് മെല്ലേ പറയുവോ "ആ ൾക്കാർ ശ്രദ്ധിക്കുന്നു... " ശ്രദ്ധിക്കട്ടെടി എനിക്കൊരു പിണ്ണാക്കുമില്ല... അവസാനമായ് ഒരു കാര്യം നീ പോയാൽ രുക്കു ഇനി അവളും പോയാൽ മീനു എനിക്കത്രയേയുള്ളൂ കേട്ടോടി.. " അത്രയും പറഞ്ഞ് അവൻ തിരിഞ്ഞു നടന്നു... പെട്ടെന്നൊന്ന് നിന്ന് തിരിഞ്ഞു നോക്കി. അവൾ എന്തെന്ന ഭാവത്തിൽ അവനെ നോക്കി. നിന്റെ പത്തിലെ എക്സാം എന്നാ?? അ.. അടുത്ത മാസം..... നീ എല്ലാ വിഷയത്തിനും മൊട്ട മേടിച്ച് തോറ്റുപോകുമെടി... കൂറേ.......അവൾക്ക് കലിപ്പൻ വേണം പോലും ശവം.. അത്രയും പറഞ്ഞ് തിരിഞ്ഞു നടന്നു ഇഞ്ചി കടിച്ച കുരങ്ങനെ പോലെ ഗായു അങ്ങനെ നിന്നും. 

ഇതും കൂടി കുടിക്ക് അമ്മേ... അവശയായി കിടക്കുന്ന അമ്മയുടെ വായിലേക്ക് കഞ്ഞി വെച്ച് കൊടുത്തുകൊണ്ട് ബാലൻ പറഞ്ഞു. മതി മോനെ.. അമ്മയ്ക്ക് വേണ്ടാ... മുഖം ചുളുക്കി അമ്മ പറഞ്ഞതും പിന്നെയൊന്നും പറയാതെ അവൻ വാ തുടച്ച് കൊണ്ട് അവിടെ നിന്നും എഴുന്നേറ്റു. ഞാൻ എന്നാ പോട്ടെ അമ്മേ...... ഒരു ചിരിയോടെ അവൻ ചോദിച്ചു. എങനെ ചിരിക്കാൻ പറ്റുന്നു എന്റെ മോനെ നിനക്ക്..എല്ലാം കളഞ്ഞ് ഇവിടെ വന്ന് ഒന്നും അറിയാത്തത് പോലെ ജീവിക്കുമ്പോൾ തലയ്ക്ക് മുകളിൽ പൊലിഞ്ഞു പോയ ഒരു ജീവനില്ലേ... ആ കുട്ടിയുടെ അമ്മാ......

ഒഴുകി വന്ന കണ്ണീർ തുടച്ച് കൊണ്ട് അമ്മ പറഞ്ഞതും അമ്മയുടെ മുന്നിൽ അടക്കിവെച്ച വേദന വീണ്ടും വീണ്ടും ബാലനെ കുത്തി നോവിച്ചു. മെല്ലേ അവരുടെ അടുത്ത് വന്നിരുന്നു. " എനിക്കറിയാം എത്ര ദൂരം പോയ്‌ ഒളിച്ചാലും ഒരമ്മയുടെയും മോളുടെയും ശാപം എന്റെ തലയ്ക്ക് മുകളിലുണ്ടെന്ന്. ഒന്നും മനഃപൂർവം ആയിരുന്നില്ലമ്മേ... ഒരുപാട് ഇഷ്ട്ടമായിരുന്നു ഭദ്രയോട്.. സ്വന്തമാക്കണമെന്ന് കൊതിച്ച പെണ്ണ്. പക്ഷെ അതിന് വേണ്ടി എനിക്ക് അങ്ങനെ ചെയ്യേണ്ടി വന്നു. പക്ഷെ........ " അവന് വാക്കുകൾ കിട്ടിയില്ല...... അമ്മ അവന്റെ കൈയിൽ തട്ടി സമാധാനിപ്പിക്കുബോഴേക്കും ആ മാറിലേക്ക് അവൻ വീണു പോയ്‌..... അവന്റെ കണ്ണീർ അമ്മയേ ചുട്ടു പൊള്ളിച്ചു. ഒരമ്മയുടെ ജീവൻ ഇല്ലാണ്ടാക്കാൻ കാരണക്കാരനായവൻ വേറെയൊരമ്മയുടെ മാറിൽ അവന്റെ സങ്കടം കരഞ്ഞു തീർക്കുന്നു.. 

" ഹാച്ചു........ ഹാച്ചു........ " ജോയ് അവിടെയിരുന്ന് തുമ്മാൻ തുടങ്ങി.... ഹാ വാ അടച്ച് തുമ്മടാ കാലുപിറന്നവനെ അടുത്ത് പൊന്നു മോളിരിക്കുന്നത് കണ്ടില്ലേ...ആ കൊച്ചിന് പനി പിടിക്കും അമ്മച്ചിയവനെ വഴക്ക് പറഞ്ഞതുo ജോയ് പൊന്നു മോളെ അവനിൽ നിന്നും മാറ്റിയിരുത്തി മൂക്ക് തിരുമ്മാൻ തുടങ്ങി. സാരമില്ല അമ്മച്ചി പനി വന്നാലെനിക്ക് സ്കൂളിൽ പോകണ്ടല്ലോ... ചിരിച്ചു കൊണ്ട് പൊന്നു മോൾ പറയുന്നത് കേട്ട് എല്ലാരും ചിരിച്ചു . "ഇന്നാ ജോയ് ഈ ചുക്ക് കാപ്പി കുടിക്ക് പനി തുടക്കമായോണ്ട് പെട്ടെന്ന് മാറും....." അവന് നേരെ ഗ്ലാസ്സ് നീട്ടിക്കൊണ്ട് ഭാമ പറഞ്ഞതും ജോയ് അത് മേടിച്ച് ഊതി കുടിക്കാൻ തുടങ്ങി....

ഹയ്യ് എന്തൊരു എരിയ കൊച്ചേ.. ഉള്ള കുരുമുളകിട്ട് എന്നോടുള്ള ദേഷ്യം തീർക്കുവാണോ " മുഖം ചുളിച്ച് കൊണ്ട് ജോയ് പറഞ്ഞതും അവളുടെ മുഖം മത്തങ്ങപോലെ വീർത്തു..... ഞാനെന്തിനാ ജോയോട് ദേഷ്യം കാണിക്കണേ? നിന്റെ പിറകെ നടന്ന് ശല്യം ചെയ്യുവല്ലേ ഞാൻ... ചിലപ്പോൾ അതിന്റെ ദേഷ്യത്തിൽ. അല്ലേ അമ്മച്ചി....... ഒറ്റ കണ്ണിറുക്കി ജോയ് ചോദിച്ചു ഒന്ന് പോ ചെറുക്കാ ... അവൻ വെറുതെ പറയുന്നതാ മോളെ നീ ചെല്ല്..... അവനെ ഒന്ന് കടുപ്പിച്ച് നോക്കിയിട്ട് ഭാമ അവിടെ നിന്നും പോകുന്നത് അവൻ കുസൃതിയോടെ നോക്കിയിരുന്നു. ജോയിച്ചന് അമ്മയോട് ലൗ ആണോ...... പൊന്നു മോൾ ചോദിക്കുന്നത് കേട്ട് ഞെട്ടി അവൻ അവളെ നോക്കി.....

എന്താ ഇപ്പോൾ ഒരു സംശയം ഏഹ്...?? ജോയ് കുറുമ്പോടെ അവളോട് ചോദിച്ചു... എനിക്കറിയാലോ രണ്ട് ബി യിൽ പഠിക്കുന്ന അച്ചുന് എന്നോട് ലൗവാ....... അമ്പടി...... എന്നിട്ട്... (അമ്മച്ചി ) എനിക്കും ലൗവാ... ഇന്നലെ സ്കൂൾ വിട്ടപ്പോൾ ഒരുമ്മയും കൊടുത്ത്...... കള്ള ചിരിയോടെ കള്ളി പെണ്ണ് പറഞ്ഞതും രണ്ടാളും മൂക്കിൽ കൈ വെച്ചു പോയ്‌.  ഹലോ............ ആരുട്ടനുണ്ടോ ശ്രീധരൻ വല്യച്ച.. മറു വശത്ത് നിന്നുള്ള സംസാരം കേട്ട് അയാളിൽ ദേഷ്യമുണ്ടാക്കി. നീയോ.... നീ എന്തിനാടി എന്റെ ഫോണിൽ വിളിച്ചത്..?? " എന്താ വിളിച്ചാൽ വിളിക്കാനല്ലേ ഫോൺ വെച്ചേക്കുന്നത് അല്ലാതെ അലമാരയിൽ വെച്ചു പുട്ടാനല്ലല്ലോ.... " ഭദ്ര കുസൃതിയോടെ പറഞ്ഞു. ശ്രീധരൻ ചിന്തിക്കുകയായിരുന്നു.

അന്ന് എത്ര മാത്രം വിഷമിച്ചാണ് തന്റെ മുന്നിൽ നിന്നും പോയത് . പക്ഷെ ഇപ്പോൾ വീണ്ടും പഴയതുപോലെ തന്നോട് സംസാരിക്കുന്നു. എന്താണ് ഇവൾ ഇങ്ങനെ.....?? ശ്രീധരൻ വല്യച്ചൻ പോയോ.... എവിടെ പോകാൻ... എനിക്ക് നിന്നോട് സംസാരിക്കാൻ താല്പര്യമില്ല... അതും പറഞ്ഞ് അയാൾ ഫോൺ കട്ട്‌ ചെയ്യാൻ പോയ്‌.... ഹയ്യ് വെയ്ക്കല്ലേ.... ഇതാണോ മര്യാദ. ശ്രീധരൻ വല്യച്ഛ..... പല്ല് കടിച്ച് ഫോൺ വീണ്ടും ചെവിയിൽ വെച്ചു..... നിനക്കെന്താ വേണ്ടത്..??? ആരുട്ടൻ എവിടെ?? അതെന്നോടാണോ ചോദിക്കുന്നത്. പിന്നെ ആരോട് ചോദിക്കണം.തന്തയോടല്ലേ മോനെവിടെ യെന്ന് ചോദിക്കാൻ പറ്റു അല്ലാതെ അയലത്തെ വീട്ടിലുള്ളവരോട് ചോദിക്കാൻ പറ്റുവോ.?....... പിന്നെയൊന്നും മിണ്ടാൻ നിൽക്കാതെ അയാൾ ഫോൺ കട്ട്‌ ചെയ്തു. അഹങ്കാരി.......... ഹലോ ഹലോ... വെച്ചോ............ അതും പറഞ്ഞ് തിരിഞ്ഞതും മുന്നിൽ നിൽക്കുന്ന ശിവനെ കണ്ട് അവൾ ഒന്ന് ഞെട്ടി..................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...