❤️ എന്റെ രാജകുമാരൻ ❤️ ഭാഗം 22
Jul 19, 2020, 13:57 IST
നോവൽ
******
എഴുത്തുകാരി: അഫീന
ശ്വാസം കിട്ടാതെ പിടയുമ്പോഴും മനസ്സിൽ ഒരേ ഒരു മുഖമാണ് വന്നത് ‘ അജുക്ക ‘ . എന്റെ അജുക്ക വരും എന്ന് മനസ്സ് പറയുന്നുണ്ടായിരുന്നു.
വാതിലിൽ തുരു തുരെ മുട്ട് കേട്ട് ശബ്ദം ഉണ്ടാക്കാൻ ശ്രമിച്ചെങ്കിലും കഴിഞ്ഞില്ല. വാതിൽ തുറക്കാതിരുന്നത് കാരണം അജുക്ക വാതിൽ ചവിട്ടി പൊളിച്ചു.
ഇരുട്ട് എനിക്ക് പേടിയാണെന്ന് അജുക്കക്ക് അറിയാം. മൊബൈൽ ലൈറ്റ് വെച്ച് നോക്കിയപ്പോ എന്റെ വായ പൊത്തി പിടിച്ച് ഒരാള് നിൽക്കുന്നത് കണ്ടു.
അവനെ ചവിട്ടി നിലത്തിട്ടപ്പോഴേക്കും ശ്വാസം കിട്ടാതെ ഞാൻ നിലത്തേക്ക് ഊർന്ന് വീണിരുന്നു. എന്നെ താങ്ങി പിടിച്ചു കട്ടിലിൽ ഇരുത്തിയപ്പോഴേക്കും കറന്റ് വന്നു.