🤍♬Healing Love♬❤️: ഭാഗം 17

രചന: RANIYA

"ഇഹാൻ...."സോങ് പ്രൊഡ്യൂസർ ഞെട്ടി എണീറ്റു... അസ്ഹയും ഒന്ന് ഞെട്ടി അവൻ പോയതും നോക്കി നിന്നു.... അസ്ഹ പിന്നേ ബോധം വന്നപ്പോ അവന്റെ പുറകെ ഓടി.... "അസ്ഹ... നീ എങ്ങോട്ടാ ഈ ഓടുന്നെ?"ഇടയ്ക്ക് വെച്ച് ഇബ്നു അവളെ ഓട്ടം കണ്ട് ചോദിച്ചു... "കൊരങ്ങൻ... അവൻ സ്പീഡിൽ ഇറങ്ങി പോയി...."അസ്ഹ. "എങ്ങോട്ട്..?"ഇബ്നു "അറിയില്ല.... മുഖമാകെ മാറിയിട്ടുണ്ട്...."അസ്ഹ "അതിനും മാത്രം എന്താ ഉണ്ടായേ?"ഇബ്നു "എനിക്കറിയില്ല...."അസ്ഹ "നീ വീട്ടിൽ പോയി നോക്ക്.... ഞാൻ അപ്പോഴേക്കും ഇവിടെല്ലാം പറഞ്ഞു സെറ്റ് ആക്കിയിട്ട് വരാം..."ഇബ്നു "ആഹ്...!"അസ്ഹ അസ്ഹ നേരെ ഒരു ഓട്ടോയും പിടിച്ചു അപാർട്മെന്റിലേക്ക് പോയി... "ആന്റി.... ഇഹാൻ വന്നിരുന്നോ?"അസ്ഹ കുക്കിനോട് ചോദിച്ചു... "ഇല്ലാലോ മോളെ.... എന്തേ?"കുക്ക് "നത്തിങ്... താങ്ക് യു...."അസ്ഹ അവരെ നോക്കിയൊന്ന് ചിരിച്ചോണ്ട് ഫോൺ എടുത്ത് പുറത്തേക്ക് പോയി... അവൾ രണ്ട് മൂന്ന് പ്രാവശ്യം ഇഹാനെ വിളിച്ചു നോക്കി.... സ്വിച്ച് ഓഫ്‌ ആണ്.... അവസാനം അവള് ഇബ്നുനെ വിളിച്ചു.... 🖤🖤🖤🖤 (അസ്ഹ) "എന്തായി?"ഇബ്നു കാൾ എടുത്തതും ചോദിച്ചു.... "ഇബ്നു... അവനിവിടെ ഇല്ല...."

"നോക്കാം നമുക്ക്...."ഇബ്നു "ഞാൻ എനിക്ക് പറ്റുന്നവിടെ എല്ലാം പോയി തിരയാം...." "ബി കെയർഫുൾ..."ഇബ്നു "മ്മ്മ്...." ഞാൻ കാൾ കട്ട്‌ ആക്കി അവിടന്നിറങ്ങി ഒരു ഓട്ടോയിൽ കേറി പോയി.... തിരയാൻ ഇനി സ്ഥലങ്ങൾ ഇല്ല.. ബീച്, മാൾ, കാഫെസ്, എല്ലാവിടെയും ഞാൻ തിരഞ്ഞു... അവസാനം സമയം വൈകുന്നേരത്തോടടുത്തപ്പോൾ ഞാൻ ക്ഷീണിച്ചു അപാർട്മെന്റിലേക്ക് തിരിച്ചു.... "എന്നാ പറ്റി മോളെ? ആ കൊച്ചനെ ഇത് വരെ കിട്ടിയില്ല്യേ?"കുക്ക് ആന്റി "ഇല്ല ആന്റി...." പെട്ടന്നാണ് എന്റെ ഫോൺ റിങ് ചെയ്തേ... ഞാൻ ആരാന്ന് നോക്കിയപ്പോ ഇബ്നു... കാൾ അറ്റൻഡ് ചെയ്തു ഫോൺ ചെവിയോടടുപ്പിച്ചു.... "അസ്ഹ.... ഇഹാൻ എവിടുണ്ടെന്ന് അറിഞ്ഞു... നീ താഴേക്ക് വാ.... ഞാൻ താഴെയുണ്ട്...."ഇബ്നു "അവൻ എവിടാ?" "പറയാം... നീ താഴേക്ക് വാ...."ഇബ്നു അതും പറഞ്ഞു കാൾ കട്ട്‌ ആക്കി... ഞാൻ എണീറ്റു വാഷ്ബേസിൽ പോയി മുഖം കഴുകി ഫോണും ബാഗും എടുത്തു അവിടന്നിറങ്ങി താഴേക്ക് പോയി...

ഞാൻ നോക്കിയപ്പോ ആകെ ടെൻഷൻ ആയി കാറിൽ ഇരിക്കുന്ന ഇബ്നുനെ ആണ് കണ്ടേ.... "എവിടെ ആ കാലൻ?"ഞാൻ കാറിൽ കേറിയതും ദേഷ്യത്തിൽ ചോദിച്ചു... ഇബ്നു അപ്പോ എന്നെ നോക്കി വണ്ടി സ്റ്റാർട്ട്‌ ആക്കി.... ടൈം നോക്കിയപ്പോ ഏഴു മണി കഴിഞ്ഞിട്ടുണ്ട്.... "അവൻ അവന്റെ വീട്ടിലുണ്ട്...."ഇബ്നു "എന്നിട്ട് ഞാൻ കണ്ടില്ലാലോ?" "അപാർട്മെന്റിൽ അല്ല.... അവൻ ജനിച്ചു വളർന്ന അവന്റെ സ്വന്തം വീട്ടിൽ...."ഇബ്നു "അതെവിടെ?" "ഇവിടന്ന് ഒരു മണിക്കൂറിന്റെ യാത്രയേ ഉള്ളു... വഫി വിളിച്ചിരുന്നു...."ഇബ്നു "എന്തിനാ അവൻ പറയാതെ ഇറങ്ങി പോയെ....?" "അത് നീ അവനോട് തന്നെ ചോദിച്ചോ...."ഇബ്നു അതും പറഞ്ഞു ഡ്രൈവിങ്ങിൽ കോൺസെൻട്രേറ്റ് ചെയ്തു... ഞാൻ ഒന്ന് കൂൾ ആവാനായി ഇയർഫോൺ വെച്ച് അവന്റെ പാട്ട് കേക്കാൻ തുടങ്ങി.... എപ്പോഴോ അവന്റെ ആ മൃദുലമാർന്ന ശബ്ദത്തിലെ പാട്ടുകൾ കേട്ട് ഞാൻ മയക്കത്തിലേക്ക് പോയി... "അസ്ഹ.... എടി... എണീക്ക്.... അവന്റെ വീടെത്തി...."ഇബ്നുന്റെ ശബ്ദം കേട്ടാണ് ഞാൻ കണ്ണ് തുറന്നെ... "എത്തിയോ ഡാ?" "ആഹ്.... എത്തി... നീ ഇറങ്ങു..."ഇബ്നു എന്നെ പിടിച്ചിറക്കി... ഞാൻ കണ്ണ് തിരുമ്മി അവനെ നോക്കി....

എന്നിട്ട് നേരെ മുമ്പിലേക്ക് നോക്കി.... വോഹ്.... 😲🔥 ഇതെന്താ കൊട്ടാരോ? ഇവനൊരുത്തനു താമസിക്കാൻ എന്തിനാ ഇത്രയും വലിയൊരു വീട്.... ഒറ്റക്കല്ലാലോ... 🤔ആ എന്തേലും ആവട്ടെ... "നീ എന്താ എന്നെ ഈ കൊട്ടാരത്തിലേക്ക് കൊണ്ട് വന്നേക്കണേ.... വാ നമുക്ക് കൊരങ്ങന്റെ വീട്ടിലേക്ക് പോവാ..."ഞാൻ ഇബ്നുന്റെ കൈ പിടിച്ചു വലിച്ചു... "എടി പൊട്ടി... ഇത് ഇഹാന്റെ വീടാണ്...."ഇബ്നു പറഞ്ഞത് കേട്ട് ഞാൻ വാ പൊളിച്ചു നിന്നു... വേണ്ടായിരുന്നു.... ഇബ്നു എന്നെയും വലിച്ചു നടന്നു.... ഞാൻ ഞെട്ടല് മാറാതെ ആ വീട് ഫുൾ നോക്കി.... ഇബ്നു പോയി കാളിങ് ബെൽ അടിച്ചു... ഞാൻ ഓടി പോവുമെന്ന് പേടിച്ചിട്ടാ തോന്നുണു അവൻ എന്റെ കൈയിലെ പിടി വിടുന്നില്ല... "ആഹ്... ഇബ്നു... ഇത്?"ഒരു പ്രായമേറിയ സ്ത്രീ ഡോർ തുറന്ന് എന്നെ ചൂണ്ടി ചോദിച്ചു... "ആഹ്... ആന്റി... ഇത് അവന്റെ അസിസ്റ്റന്റ് ആണ്...."ഇബ്നു "ഇത് ഹയറുന്റെ മോളല്ലേ?"ആ ആന്റി "ഉമ്മാനെ അറിയോ?" "അതൊക്കെ നമുക്ക് പിന്നേ മിണ്ടാം.... ഇപ്പൊ നീ വാ.... അവനെന്ത്യേ ആന്റി?"ഇബ്നു എന്നെ വലിച്ചു അകത്തേക്ക് കേറി പോയി.... ഞാൻ അപ്പോഴും ഒരു സംശയത്തോടെ ആ ആന്റിയെ നോക്കി അവന്റെ കൂടെ പോയി...

. ആന്റിയുടെ കണ്ണുകൾ നിറഞ്ഞിട്ടുണ്ട്... "അവൻ അവന്റെ റൂമിൽ വാതിലടച്ചു ഇരിപ്പുണ്ട്..."ഞങ്ങളെ കണ്ടപ്പോ കൈയിലൊരു കൊച്ചിനെയും പിടിച്ചു വഫി വന്നു പറഞ്ഞു... "ആഹ്.... അസ്ഹ നീ ചെല്ല്..."ഇബ്നു എന്നെ മോളിലേക്ക് പറഞ്ഞയച്ചു... "ഇബ്നു ഞാൻ...." "നീ വിളിച്ച അവൻ ഡോർ തുറക്കും... ചെല്ല്...."വഫി ഞാൻ വഫിയെയും ഇബ്നുനെയും ഒന്ന് ദയനീയമായി നോക്കി മോളിലേക്ക് കേറി പോയി.... ഞാൻ ഓരോ അടിയും വെച്ച് അവന്റെ റൂമിന്റെ അടുത്തേക്ക് നടന്നു.... ഒന്ന് ശ്വാസം വലിച്ചു വിട്ടു ഞാനൊന്ന് ഡോർ കൊട്ടി... "ജസ്റ്റ്‌ ഗോ അവേ വഫി...."കൊരങ്ങന്റെ അലറൽ കേട്ടപ്പോ എനിക്ക് രണ്ട് കൊടുക്കാനാ തോന്നി.... "ദേ ഡാ ചെക്കാ.... മര്യാദക്ക് ഡോർ തുറന്നോ... ഇല്ലേൽ നിന്റെ അന്ത്യം ആണ്...." അല്ല പിന്നേ.... രാവിലെ തിരയാൻ തുടങ്ങിയതാണ് ഈ തെണ്ടിയേ.... എന്നിട്ട് ഗോ അവേ പോലും.... കള്ള വവ്വാല്.... 😬 "നിന്നോട് സംസാരിക്കാൻ ഉള്ള ഒരു മൂഡിൽ അല്ല ഞാൻ...."കൊരങ്ങൻ "എന്താ നിന്റെ പ്രശ്നം?

നീ എന്തിനാ ഇറങ്ങി പോയെ? എന്നോട് പറയ്...."ഞാൻ ഡോറിൽ ചാരി നിന്ന് ചോദിച്ചു.... 🖤🖤🖤🖤 ഇതേ സമയം ഇഹാൻ കാൽമുട്ടിൽ തല വെച്ച് തളർച്ചയോടെ ഡോറിൽ ചാരിയിരിക്കുന്നുണ്ടായിരുന്നു..... "കൊരങ്ങാ....കതകു തുറക്കെടാ...."അസ്ഹ വീണ്ടും ഡോറിൽ തട്ടി... "പോ.... നീ ഇവിടന്ന് ഒന്ന് പോ....പ്ലീസ്..."നിറഞ്ഞു വന്ന കണ്ണ് തുടച്ചോണ്ട് ഇഹാൻ പറഞ്ഞു... അസ്ഹ ലാസ്റ്റ് ദേഷ്യം കേറി അവിടെ ചുറ്റും നടന്നു.... അപ്പോഴാണ് അവള് സ്വിമ്മിംഗ് പൂളിലേക്ക് ഒരു വഴി കണ്ടേ..അവളപ്പൊ തന്നെ അങ്ങോട്ടേക്ക് നടന്നു...ചുറ്റും നോക്കിയപ്പോ അവിടന്ന് ഡയറക്റ്റ് ആയി ഇഹാന്റെ റൂമിലേക്ക് ഒരു സ്ലൈഡ് ഉണ്ട്.... അസ്ഹ മനസിലൊന്ന് ഊറി ചിരിച്ചു ആ സ്ലൈഡ് നീക്കാൻ നോക്കി... എവിടെ അത് അനങ്ങുന്നില്ല... അവള് ഒരു വിധത്തിൽ അത് വലിച്ചു എങ്ങനൊക്കെയോ അത് തുറന്നു.... ഇഹാന്റെ ഇരുത്തം കണ്ട് അവള് ഒന്ന് ഞെട്ടി... "കൊരങ്ങാ...."അസ്ഹ ഇഹാന്റെ അടുത്തേക്ക് ഒരു വേവലാതിയോട് കൂടെ പോയി....

"നീ.... നീ എങ്ങനെയാ അകത്തേക്ക് വന്നേ?"ഇഹാൻ തല പോക്കി അവളെ നോക്കി.... "കൊരങ്ങാ.... നീ എന്തിനാ കരയണേ? എന്താ പറ്റിയെ?"അസ്ഹ അവന്റെ മുഖം അവൾടെ കൈക്കുള്ളിൽ ആക്കി ചോദിച്ചു... "എ.... എനിക്കൊന്നുല്ല..."ഇഹാൻ അവൾടെ കൈ മാറ്റി കണ്ണ് തുടച്ചു അവിടന്ന് എണീറ്റു... "കൊരങ്ങാ... എന്താടാ?"അവിടന്ന് പോവാൻ നിന്ന ഇഹാനെ അവൾ കൈ പിടിച്ചു നിർത്തി.... ഇഹാൻ അവളെ തിരിഞ്ഞു ദയനീയമായി നോക്കി.... അസ്ഹ അവനെ തന്നെ നോക്കി നിന്നു.... പെട്ടന്നാണ് ഇഹാൻ അവളെ കെട്ടിപ്പിടിച്ചു കരയാൻ തുടങ്ങിയത്..... അസ്ഹക്ക് ദേഹത്തൂടെ ഒരു വിറയലങ്ങു പോയി... "എ... എനിക്ക് സഹിക്കാൻ പറ്റുന്നില്ലെടോ.... എ.. എനി..ക്ക് എന്റെ ഉപ്പയും ഉമ്മയും ഇല്ലാതെ സ.. ഹിക്കാൻ പറ്റുന്നില്ല..."വിതുമ്പി അവൻ പറയുന്നത് കേട്ട് അസ്ഹക്ക് എന്തോ അവനോട് സഹതാപം തോന്നി... അവളവനെ തിരിച്ചു വാരിപ്പുണർന്നു അവന്റെ തോളിൽ തട്ടി കൊടുത്തു... ഇഹാൻ അവന്റെ സങ്കടം തീരുവോളം അവൾടെ തോളിൽ മുഖം പൂഴ്ത്തി കരഞ്ഞു.... "നിനക്കറിയോ തീപ്പെട്ടി കൊള്ളി... എന്റെ ഉപ്പയും ഉമ്മയും എന്നെ തനിച്ചാക്കി പോയിട്ട് പതിനാല് കൊല്ലം ആയി....

എനിക്കെന്തോ അതിപ്പോഴും അക്‌സെപ്റ്റ് ചെയ്യാൻ പറ്റുന്നില്ല... ഞാൻ കണ്ടു നിൽക്കെ ആണ് അവരും എന്റെ മാമയും...."ഇഹാൻ തേങ്ങി പറഞ്ഞു... അസ്ഹയുടെ മിഴികൾ എന്തിനെന്നില്ലാതെ നിറഞ്ഞൊഴുകി.... "ഇന്ന്... ഇന്ന് എനിക്ക് കിട്ടിയ പാട്ട് ഉപ്പാനെയും ഉമ്മാനേയും വിവരിക്കുന്ന പാട്ടായിരുന്നു... എനിക്ക്.... എന്നെ കൊണ്ട് പറ്റില്ല... എനിക്കെന്തൊക്കെയോ നഷ്ടപ്പെട്ട ഫീലാണ് അവരെ ഓർക്കുമ്പോ.... ഞാൻ... എനിക്കാരൂല്ല..."ഇഹാൻ വിതുമ്പലോഡ് കൂടെ പറഞ്ഞു.. "നിനക്ക് ഞാനുണ്ടല്ലോ കൊരങ്ങാ... ഇബ്നു ഉണ്ടല്ലോ... നിന്റെ ആന്റി ഉണ്ടല്ലോ... വഫി ഉണ്ടല്ലോ.. നിനക്ക് ഞങ്ങളെല്ലാരും ഉണ്ടല്ലോ....പിന്നെങ്ങനെയാ ആരും ഇല്ലാതാവണേ...."ഇഹാനെ അടർത്തി മാറ്റി അസ്ഹ അവന്റെ കണ്ണിൽ നോക്കി പറഞ്ഞു... "എന്നും ഉണ്ടാവോ?"ഇഹാൻ "മ്മ്മ്...."അസ്ഹ ചിരിയോടെ തലയാട്ടി.... അവൻ ഒന്നും മിണ്ടാതെ പോയി ബെഡിൽ ഇരുന്നു...അതിനു പുറകെയായി അവളും അവന്റെ അടുത്തായി ബെഡിൽ ചാരി നിലത്തിരുന്നു.... "കൊരങ്ങാ.... നീ ഭാഗ്യം ചെയ്തവനാ ശരിക്കും.... എന്തൊക്കെ സംഭവിച്ചാലും നിനക്ക് കൂട്ടായി നിന്റെ അമ്മായിയും ഇബ്നുവും വഫിയും ഒക്കെ ഇല്ലേ?എന്നെ പോലെ അല്ലാലോ..

."അസ്ഹ അവനെ നോക്കി വിരളമായി ചിരിച്ചു... "ഉപ്പയും ഉമ്മയും ഇല്ലെങ്കിൽ അതെന്നും ഒരു നഷ്ടം ആണ്.... അതിനു ഇനി ആരൊക്കെ ഉണ്ടേലും ശരി...ആ നഷ്ടം നികത്താൻ പറ്റില്ലെടോ...."ഇഹാൻ "അതിനിപ്പോ എന്ത? എന്റെ ഉപ്പയും ഉമ്മയും നിന്നെ സ്വന്തം മോനെ പോലെയല്ലേ കാണുന്നെ?"അസ്ഹ "ജന്മം തന്നവരോളം വരില്ലാലോ...."ഇഹാൻ "അത് ശരിയാ.... നീ ഫുഡ്‌ കഴിച്ചോ ഡാ?"അസ്ഹ പെട്ടന്നാണ് തല പോക്കി അവനെ നോക്കി ചോയ്ച്ചത് "ഇല്ല.... എനിക്ക് വിശപ്പില്ല...."ഇഹാൻ "എന്നാ നീ അവിടെ ഇരുന്ന് വിശന്നു ചാവ്...."അസ്ഹ അവനെ കണ്ണുരുട്ടി നോക്കി.... അതിനവൻ അവളെ കണ്ണ് താഴ്ത്തി പിരികം പോക്കി നോക്കി.... അവളതിന് നന്നായൊന്ന് പുച്ഛിച്ചു കൊടുത്തു.... "നീ കഴിക്കണില്ലേ?"ഇഹാൻ "നീ കഴിച്ചില്ലേൽ ഞാനും കഴിക്കില്ല..."അസ്ഹ "എന്നാ നീ കഴിക്കണ്ട...."ഇഹാൻ അതും പറഞ്ഞു മുഖം തിരിച്ചിരുന്നു... അത് കണ്ടപ്പോ അവളും മുഖം തിരിച്ചിരുന്നു.... കുറച്ചു നേരം രണ്ട് പേർക്കും ഇടയിൽ മൗനമായിരുന്നു....

പെട്ടന്നാണ് അസ്ഹ ഇഹാന്റെ മടിയിലേക്ക് ഉറങ്ങി വീണത്.... ഇഹാൻ അവളെ ദേഷ്യത്തിൽ നോക്കിയപ്പോ കണ്ടത് ഉറങ്ങുന്ന അവളെയാണ്... അവൻ അവളെ തന്നെ ഒരു ചിരിയോടെ നോക്കിയിരുന്നു.... അവന്റെ മനസിലേക്ക് അവളെ കണ്ടത് മുതലുള്ള ഓർമ്മകൾ കടന്നു വന്നു.... പിന്നെ അതെല്ലാം മാറ്റി വെച്ച് അവൻ എഴുന്നേറ്റു അവളെ കൈയിൽ കോരിയെടുത്തു അവന്റെ ബെഡിൽ കിടത്തി പുതച്ചു കൊടുത്തു.... "ഇഹാൻ...."ഇബ്നുന്റെ സൗണ്ട് കേട്ടപ്പോ ഇഹാൻ പോയി ഡോർ തുറന്നു.... "മ്മ്മ്...."ഇബ്നുനെ നോക്കി ഇഹാൻ ഒന്ന് മൂളി... "അവളെവിടെ?"ഇബ്നു "ഉറങ്ങി.... നീ വാ... ഞാനിന്നു നിന്റെ മുറിയിൽ കിടക്കാം..."ഇഹാൻ "ഈ പിശാഷിനെ ഇവിടെ കിടന്നുറങ്ങാൻ ആണോ ഞാൻ ഇങ്ങോട്ടയച്ചേ?🙄"ഇബ്നു "ഏഹ്?"ഇഹാൻ അവനെ സംശയത്തോടെ നോക്കി... "നിന്റെ മൂഡ് എന്താ മാറാത്തെ? രണ്ട് പേരും തല്ല് കൂടേണ്ട സമയം കഴിഞ്ഞല്ലോ!"ഇബ്നു "അവൾക്ക് നല്ല ക്ഷീണം ഉണ്ടെടാ...."ഇഹാൻ "നീ കാരണം ആണ്.... നിന്നെയും തിരഞ്ഞു അവളിനി ഇറങ്ങാത്ത സ്ഥലങ്ങളില്ല.... "ഇബ്നു "സോറി ഡാ..."ഇഹാൻ "പോടാ തെണ്ടി...."ഇബ്നു അവനെ നോക്കി പുച്ഛിച്ചോണ്ട് അവന്റെ റൂമിലേക്ക് പോയി....

ഇഹാൻ അവന്റെ പുറകെ ചിരിച്ചോണ്ട് പോയി.... ♩✧♪●♩○♬☆♩✧♪●♩○♬☆♩✧♪●♩○♬☆♩✧♪●♩○♬☆ പിറ്റേന്ന്.... അസ്ഹ സൂര്യപ്രകാശം കണ്ണിലേക്കു അടിച്ചപ്പോഴാണ് ഉണർന്നത്.... അവളൊന്ന് കോട്ടുവാ ഇട്ട് എണീറ്റു ബെഡിന്ന് ഇറങ്ങി വാഷ്റൂമിലേക്ക് പോയി.... ഇന്നലെ നടന്നതെല്ലാം ഓർത്തപ്പോ അവൾക്കെന്തോ മനസ്സിനൊരു വല്ലായ്മ തോന്നി.... "അസ്ഹ..."വഫിയുടെ സൗണ്ട് കേട്ടപ്പോ പല്ല് തേച് മുഖം കഴുകി അസ്ഹ പുറത്തേക്ക് വന്നു.... "വഫി.... മോർണിംഗ്...."അസ്ഹ ഒരു പുഞ്ചിരിയോട് കൂടെ വഫിയെ വിഷ് ചെയ്തു.... "മോർണിംഗ്.... നിന്നോടെനിക്കൊരു കാര്യം ചോദിക്കാനുണ്ട്...."വഫി "മ്മ്മ് ചോദിക്ക്...."അസ്ഹ. "നീ.... നീ ഹയറു ആന്റിയുടെ മോളാണോ?"വഫി "അതേ.... ഉമ്മാനെ എങ്ങനെയാ അറിയണേ?"അസ്ഹ "അസ്ഹ.... കഴിക്കാൻ വാ.... കമ്പനിയിലേക്ക് പോണം...." പൊടുന്നനെ അങ്ങോട്ട് ഇബ്നു കേറി വന്നോണ്ട് പറഞ്ഞു... "ആഹ്.... ഇബ്നു... എന്റെ ബാഗ് എന്ത്യേ?"എന്നും ചോദിച്ചു അസ്ഹ ഇബ്നുന്റെ പുറകെ പോയി...

വഫി അവളെ നിറഞ്ഞ കണ്ണാലെ നോക്കി നിന്നു.... 🖤🖤🖤🖤 (ഇഹാൻ) ഞാൻ രാവിലെ എണീറ്റു ഫ്രഷ് ആയി താഴേക്ക് ഇറങ്ങി പോയി.... ഡൈനിംഗ് ടേബിളിൽ ഷെഫ് എല്ലാം സെറ്റ് ആക്കിയിട്ടുണ്ട്... ഞാൻ പോയി എന്റെ സീറ്റിൽ ഇരുന്നു....കൂടെ അമ്മായിയും ഇരുന്നു.... "പറയെടാ.... എന്റെ ഫോണും ബാഗും എന്ത്യേ?"തീപ്പെട്ടി കൊള്ളി അതും ചോദിച്ചു ഇബ്നുന്റെ പുറകെ ഓടി വരുന്നുണ്ട്... "എനിക്കറിയില്ല പെണ്ണെ.... നീ ഇഹാനോട് ചോദിക്ക്..."ഇബ്നു പറഞ്ഞത് കേട്ട് ഞാൻ തൊള്ളേം തുറന്നിരുന്നു... ഈ ചെക്കനല്ലേ അതൊക്കെ എടുത്ത് കൊണ്ട് പോയി കാറിൽ വെച്ചേ... പിന്നെന്തിനാ എന്റെ പേര് പറയണേ... 🙄 "എവിടെടാ കൊരങ്ങാ എന്റെ ഫോൺ?"തീപ്പെട്ടി കൊള്ളി പെട്ടന്ന് അത് ചോദിച്ചപ്പോ ഞാൻ ഞെട്ടി... ഇബ്നുവും വിത്ത്‌ സെയിം ഞെട്ടൽ എക്സ്പ്രഷൻ... ഞാൻ അവളെ നോക്കി കണ്ണുരുട്ടി... അവളപ്പൊ അവൾക്ക് പറ്റിയ തെറ്റു മനസിലായി നാക്ക് കടിച്ചു.... ഞാൻ മെല്ലെ ഇടങ്കണ്ണിട്ട് അമ്മായിയെ നോക്കിയപ്പോ അമ്മായിയുണ്ട് ചിരി കടിച്ചു പിടിച്ചിരിക്കുന്നു.... ഏഹ്...? അമ്മായിക്ക് വട്ടായോ? അല്ല അമ്മായി എന്നാ ഇത്ര ഫ്രീ ആയെ? എന്നിട്ട് അക്കാര്യം എന്നെ ആരും അറിയിച്ചില്ലാലോ....

"സോറി ആന്റി...."തീപ്പെട്ടി കൊള്ളി അമ്മായിയെ നോക്കി സൈക്കിളിന്ന് വീണ ഇളി ഇളിച്ചു.... "ആന്റി അല്ല മോളെ... മാമി...."അമ്മായി "ഏഹ്?"ഞാനും അവളും സെയിം എക്സ്പ്രഷൻ ഇട്ട് അമ്മായിയെ നോക്കി.... "എന്താ ആന്റി പറയണേ? 🙄"ഇബ്നു "ഉമ്മ പറഞ്ഞത് അവളോട് ഉമ്മാനെ മാമി എന്ന് വിളിക്കാനാ...!"വഫി സ്റ്റെപ് ഇറങ്ങി വന്നോണ്ട് പറഞ്ഞു.... എന്തിനു..!!? "എന്തിനു?"എന്റെ മനസിലുയർന്ന അതേ ചോദ്യം തീപ്പെട്ടി കൊള്ളി ചോദിച്ചു.... "ഞാൻ നിന്റെ മാമിയാണ്.... ഹകീമിന്റെ ഭാര്യ...."അമ്മായി പറഞ്ഞത് കേട്ട് അവള് ഞെട്ടി.... മാമാനെ ഇവൾക്കെങ്ങനെ അറിയാം.. 🙄ഓഹ്.... ആകെ കൺഫ്യൂഷൻ ആയല്ലോ.... ഞാൻ ഇബ്നുനെ നോക്കിയപ്പോ അവനെന്റെ അതേ സംശയത്തോടെ അവരെ നോക്കി ഇരിക്കുന്നുണ്ട്... "മ.. മാമ... മാമി..."ന്നും വിളിച്ചു തീപ്പെട്ടി കൊള്ളി ഓടി വന്ന് അമ്മായിയെ കെട്ടിപ്പിടിച്ചു... "ശു ശു.... എന്താപ്പോ ഇവിടെ ഉണ്ടായേ... 👀?"ഞാൻ എന്റെ അടുത്ത് വന്നിരുന്ന വഫിയോട് ചോദിച്ചു... "ഉപ്പ അവൾടെ ഉമ്മാടെ ബ്രദർ ആണ്.... അതായത് അവൾടെ ഉമ്മ എന്റെ അമ്മായിയാണ്...."വഫി "അടിപൊളി.... അപ്പൊ ലവൾ എന്റെ പെങ്ങളായിട്ട് വരും ലെ...😌"

"പോടാ തെണ്ടി.... അവളെ കൊണ്ട് നിന്നെ കെട്ടിക്കും..."വഫി "ഇമ്മിണി പുളിക്കും... ഞങ്ങൾ ജസ്റ്റ്‌ ഫ്രണ്ട്‌സ് ആണ്...." "പോടാ...."വഫി "മാമി... സുഖാണോ?"തീപ്പെട്ടി കൊള്ളി... "അല്ലെടോ... ഇവൾക്ക് വേറെ ഫാമിലി ഒന്നും ഇല്ലെന്നാണല്ലോ എന്നോട് പറഞ്ഞെ..."ഞാൻ വീണ്ടും വഫിയോട് മെല്ലെ ചോദിച്ചു.. "ഉപ്പാ മാത്രേ അമ്മായിക്ക് കൂട്ട് നിന്നുള്ളു... അതോണ്ടാ അവൾക്ക് ഉമ്മാനോടും ഉപ്പാനോടും ഇത്ര സ്നേഹം..." വഫി "സുഖാണ് മോളെ...."അമ്മായി അവൾടെ തലയിൽ തലോടി പറഞ്ഞു... "ഉമ്മ... ഇനിച് വെച്ചുക്കുന്നു...."വഫിയുടെ ചെറുത്‌ അവൾടെ അടുത്തേക്ക് വന്ന് പറഞ്ഞു... "ഫറു...."ഫർഹാൻ എന്നാണ് അവന്റെ പേര്... ഞാൻ അവനെ വിളിച്ചപ്പോ അവനെന്നെ നോക്കി ആ കൊച്ചരിപല്ലും കാണിച്ചു ചിരിച്ചു... "മാമാന്റെ ഫറു മോനു ഉമ്മി ഫുഡ്‌ തന്നില്ലേ?" "ഇല്ല മാമ.... ഉമ്മിക്ക് ഇന്നേ മാണ്ട...."അവൻ കൈ പോക്കി ചുണ്ട് ചുള്ക്കി പറഞ്ഞു... "വല്ലപ്പഴും ആ കൊച്ചിനെ മൈൻഡ് ആക്കെടി..."

"നീ പോടാ ചെറുക്കാ..."വഫി എന്നെ നോക്കി കണ്ണുരുട്ടി... "അതേയ്.... സ്നേഹപ്രകടനം ഒക്കെ പിന്നേ.... നമുക്ക് കഴിക്കാം..."ഞാൻ അവൾക്ക് കൊഞ്ഞനം കുത്തി കാണിച്ചു അമ്മായിനെയും തീപ്പെട്ടി കൊള്ളിയെയും നോക്കി പറഞ്ഞു... അപ്പൊ അവര് ചിരിച്ചോണ്ട് കഴിക്കാൻ ഇരുന്നു.... ഇബ്നുനെ നോക്കിയപ്പോ അവന്റെ പോയ കിളികളൊന്നും തിരിച്ചു വന്നിട്ടില്ലെന്ന് മനസിലായി.... അവൻ തീപ്പെട്ടി കൊള്ളിയെ തന്നെ നോക്കി ഇരിക്കുന്നുണ്ട്... "ഇബ്നു... യാമി എന്ത് പറയുന്നു?" അമ്മായി അത് ചോദിച്ചതും അവൻ കുടിച്ചോണ്ടിരുന്ന വെള്ളം അവന്റെ തലപ്പിൽ കേറി അവൻ ചുമയ്ക്കാൻ തുടങ്ങി.... "അവൻ നെക്സ്റ്റ് വീക്ക്‌ തിരിച്ചു പോവാ അമ്മായി..." "എന്താടാ?"വഫി "അവളിത് വരെ യെസ് പറഞ്ഞില്ലമ്മായി..." "🥺ഞാനിനി എന്താ ആന്റി ചെയ്യാ?" ഇബ്നു ദയനീയമായി അമ്മായിയെ നോക്കി... "സാരല്ലെടാ പോട്ടെ..."അമ്മായി " ഇഹാൻ..... " ഘനഗാമ്പിര്യത്തോടെയുള്ള ശബ്ദം കേട്ട് എല്ലാരും ഞെട്ടി മുന്നിലേക്ക് നോക്കി............ (തുടരും)

എല്ലാ പാർട്ടുകളും വായിക്കാൻ ഇവിടെ ക്ലിക്ക് ചെയ്യുക