💞ഹൃദയത്തിൽ ഒരിടം💞: ഭാഗം 10

എഴുത്തുകാരി: മിന്നു 

പ്രൗഢഗംഭീരമായ ആയ ഒരു ഒരു വലിയ തറവാട്ടുമുറ്റത്ത് ആണ് അവരുടെ യാത്ര അവസാനിച്ചത് ചുറ്റും വയലേലകളും തെങ്ങിൻ തോപ്പുകളും നിറഞ്ഞു നിൽക്കുന്ന ഒരു ഗ്രാമം. അതിൻറെ ഒത്ത നടുക്ക് അ തലയെടുപ്പോടെ നിൽക്കുന്ന വലിയ ഒരു തറവാട്ട് വീട്. തറവാട്ടിലെ വിട്ടു മുറ്റത്ത് എത്തുമ്പോൾ അമ്മാവനും അമ്മായിയും യും ഹിമയും നീലയും ഒക്കെ അവരെ കാത്തിരിപ്പുണ്ടായിരുന്നു. ഇറങ്ങിയ ഉടനെ ചിന്നു ഹിമേച്ചി.... നീലൂചേച്ചി ന്ന് വിളിച്ചുകൊണ്ട് അവരുടെ അടുത്തേക്ക് ഓടിച്ചെന്നു. അമ്മാവനും അമ്മായിയും ആദിയെയും ദേവുവിനെ യും സ്വീകരിച്ചിരുത്തി. അപ്പോഴാണ് അകത്തുനിന്നും മുത്തശ്ശിയുടെ ശബ്ദം കേട്ടത് : " നിർമ്മലേ..... അവര് വന്നോ??" "വന്നു അമ്മേ........."

"എന്നിട്ട് എവിടെ എന്റെ അവര്" "ഇതാ.... വരുന്നു അമ്മേ........., ആദി നീ മോളെയും കൂടി അമ്മയുടെ അടുത്ത് ചെന്നിട്ട് വാ..." ദേവുവിന്റെ കയ്യും പിടിച്ച് ആദി അകത്തേക്കു ചെന്നു. അവിടെ ഒരു മുറിയിൽ മുത്തശ്ശി കിടക്കുന്നുണ്ട്. " മുത്തശ്ശി..................... "ആദി ഒരുപാട് സ്നേഹത്തോടെ മുത്തശ്ശി വിളിച്ചു. "എന്താ എന്റെ കുട്ടിയെ ഈ വഴിയൊക്കെ നീ മറന്നോ??? എത്ര നാളായി നിന്നെ കണ്ടിട്ട് 🙂🙂ഒരു കല്യാണം കഴിച്ചിട്ട് കുട്ടിയെയും കൊണ്ട് ഇവിടം വരെ ഒന്നു വരാൻ പോലും നിനക്ക് തോന്നിയില്ലല്ലോ😔😔 എത്ര നാളായി മുത്തശ്ശി നിന്നെ കാത്തിരിക്കുന്നു 😔😔നിൻറെ അമ്മ ഉണ്ടായിരുന്നെങ്കിൽ അവൾ എങ്കിലും ഓർക്കുമായിരുന്നു ഈ കിളവിയെ😢😢😢" ( മുത്തശ്ശിയെ കരയാൻ തുടങ്ങി)

" എൻറെ മുത്തശ്ശി ഈ കരച്ചിൽ കാണാൻ കഴിയാത്തതുകൊണ്ടാണ് ആണ് ഞാൻ ഇങ്ങോട്ട് വരാത്തത്. എപ്പോ വന്നാലും അമ്മയുടെ കാര്യം പറഞ്ഞു കരച്ചിൽ തന്നെ 😔😔" "മുത്തശ്ശി സങ്കടം കൊണ്ട് പറഞ്ഞു പോയതാ, അല്ല എവിടെ നിന്റെ ഭാര്യ മുത്തശ്ശി ഒന്ന് കാണട്ടെ😊😊 ആദി ദേവുവിനെ അടുത്തേക്ക് ചേർത്ത് നിർത്തി. അപ്പോഴാണ് ആദിയുടെ അടുത്തുനിൽക്കുന്ന ദേവുവിനെ മുത്തശ്ശി ശ്രദ്ധിച്ചത്. ദേവുവിനെ കണ്ടപ്പോൾ സ്നേഹത്തോടെ അവളെ അടുത്തേക്ക് വിളിച്ചു. "ആഹാ......സുന്ദരി കുട്ടിയാണല്ലോ നിൻറെ ഭാര്യ മുത്തശ്ശിക്ക് ഇഷ്ടമായി. ദേവു മുത്തശ്ശിയുടെ കാൽക്കൽ തൊട്ട് അനുഗ്രഹം വാങ്ങി.

മുത്തശ്ശിക്ക് ഒരുപാട് സന്തോഷമായി. മുത്തശ്ശി ദേവുവിനെ അടുത്ത് പിടിച്ചിരുത്തി ഓരോരോ കാര്യങ്ങൾ ചോദിക്കുകയാണ്. ആദി അപ്പോൾ ആ മുറിയിൽ ആകെ ഒന്ന് കണ്ണോടിച്ചു ആ മുറിക്ക് ഒരു വ്യത്യാസവുമില്ല എല്ലാം പഴയതുപോലെ തന്നെ. ചുവരിൽ തൂക്കിയിട്ടിരിക്കുന്ന ഫോട്ടോസും കുഴമ്പ് മണവും കൃഷ്ണ വിഗ്രഹവും എല്ലാം അതുപോലെ തന്നെ. അല്ലെങ്കിലും മാറ്റങ്ങൾ എന്നും മനുഷ്യന് ആണല്ലോ. ഇന്നും മുത്തശ്ശിക്ക് ഒരു മാറ്റവുമില്ല. അപ്പോഴാണ് അമ്മായി വന്നു രണ്ടുപേരെയും ചായ കുടിക്കാൻ വിളിച്ചത്. മുത്തശ്ശിക്ക് നടക്കാൻ വയ്യാത്തത് കൊണ്ട് എല്ലാം മുറിയിൽ കൊണ്ടുകൊടുക്കും.

ആദിയോടൊപ്പം ഒപ്പം ഊണ് മുറിയിലേക്ക് നടക്കുമ്പോൾ ദേവു ഓർത്തു എന്ത് വലിയ വീടാണ് ഇത്. അവൾക്ക് അവിടം മുഴുവൻ ചുറ്റി നടന്നു കാണാൻ ആഗ്രഹം തോന്നി. അപ്പോഴാണ് അവൾ അവൾ ചിന്നുവിനെ ഓർത്തത്. " അമ്മായി....... ചിന്നു എവിടെ ???". "ചിന്നു ഹിമയുടെയും നീലിമയുടെയും കൂടെ വടക്കേ പറമ്പിൽ മഞ്ചാടി പെറുക്കാൻ പോയിട്ടുണ്ട്. ഇപ്പോൾ വരും". പറഞ്ഞു തീരുമ്പോഴേക്കും കൈനിറയെ മഞ്ചാടിക്കുരുവും ആയി ചിന്നു ഓടിവന്നു. " ഏട്ടാ നോക്ക് എത്ര മഞ്ചാടിയാ......😍😍 ചിന്നൂട്ടിക്ക് ഹിമേച്ചി തന്നതാ.....☺️☺️☺️". "ആണോ മോള് 😀😀ഇത് എടുത്തു വച്ചോ നമ്മുക്ക് വീട്ടിൽ കൊണ്ടുപോകാം".

അപ്പോഴേക്കും ഹിമയും നീലിമയും അങ്ങോട്ടേക്ക് വന്നു. ആദിയും അമ്മാവനും കൂടി ഉമ്മറത്ത് ഇരുന്ന് സംസാരിക്കാൻ തുടങ്ങി. ചിന്നു കളിക്കുകയാണ്. അമ്മായി അടുക്കളയിലും. ദേവു ഹിമയെയും നീലിമയെയും കൂടി തറവാട്ട് കാണാൻ ഇറങ്ങി. പണ്ടത്തെ ചുമർ ചിത്രങ്ങളും കൊത്തുപണികളും ധാരാളമായി ആ വീട്ടിലുണ്ട്. അതെല്ലാം കണ്ട് ആസ്വദിച്ചു ദേവു നടന്നു. അതിനിടയിൽ ഹിമ കിച്ചുവിനെ കൊണ്ടും നീലിമ മിഥുവിനെ കൊണ്ടും അന്വേഷിച്ചു. കാഴ്ചകൾ കാണുന്നതിനിടയിൽ ദേവു അതിനെല്ലാം മറുപടി പറഞ്ഞു. മുകളിലുള്ള ജനാലയിലൂടെ നോക്കിയാൽ പടിഞ്ഞാറ് അന്തിമയങ്ങുന്നതും വയൽ വരമ്പിലൂടെ ആളുകൾ നടക്കുന്നതും കിളികൾ കൂടണയുന്നതുമായ സുന്ദര ദൃശ്യങ്ങൾ കാണാം.

ഇടയ്ക്ക് അമ്മായി വിളിച്ചിട്ട് ഹിമയും നീലിമയും താഴേക്ക് പോയി. പുറംകാഴ്ചകൾ കണ്ട് ദേവു അവിടെത്തന്നെ നിന്നു. അപ്പോഴാണ് ആദി അടുത്ത് വന്നു നിൽക്കുന്നതായി അവൾക്ക് തോന്നിയത്. ഞെട്ടി തിരിഞ്ഞു നോക്കുമ്പോൾ ആദി തൊട്ടുപുറകിൽ ഉണ്ട്. അവന്റെ ഗന്ധം പോലും അവൾക്ക് ഇപ്പോൾ പരിചിതമാണ്. "എന്താ ഇവിടെ നിന്ന് കളഞ്ഞത് " അത് ഒന്നുമില്ല..... എന്തോ ഇവിടെ എത്തിയത് മുതൽ മനസ്സ് എവിടെയൊക്കെയോ സഞ്ചരിക്കുന്നത് പോലെ. ആരോ ഉള്ളിലിരുന്ന് എന്തോ പറയാൻ ശ്രമിക്കുന്നത് പോലെ". (ദേവുവിന്റെ മനസ്സ് ആകെ അസ്വസ്ഥമാണ് എന്ന് അവളുടെ മുഖം കണ്ടപ്പോൾ തന്നെ ആദിക്ക് മനസ്സിലായി. ആദി അവളെ ചേർത്ത് പിടിച്ചു.

ആദിയുടെ നെഞ്ചോടു ചേർന്നു നിൽക്കുമ്പോൾ ദേവുവിന് വല്ലാത്ത ഒരു സുരക്ഷിതത്വം ഫീൽ ചെയ്തു.) "എന്താ ഇപ്പോ അങ്ങനെ തോന്നാൻ ????" "അറിയില്ല എന്തോ അങ്ങനെ തോന്നി. ആദിയേട്ടാ..... ഞാൻ ഒരു കാര്യം ചോദിക്കട്ടെ..." "എന്താ ദേവൂ.........." "ഞാൻ ഇതുവരെ ആദിയേട്ടന്റെ അമ്മയുടെ ഫോട്ടോ കണ്ടിട്ടില്ല. എനിക്ക് അതൊന്ന് കാണണം." ഒരു നിമിഷം ആദി അവളെ തന്നെ നോക്കി. "എന്താ ഇപ്പോ ഇങ്ങനെ ഒരാഗ്രഹം????" " മനസ്സിൽ ഇരുന്ന് ആരോ പറയുന്നു. ഇവിടെ എത്തിയത് മുതൽ അദൃശ്യമായ ഒരു ശക്തി യുടെ സാന്നിധ്യം എനിക്ക് അനുഭവപ്പെടുന്നു. ആദിയേട്ടന്റെ ഞാൻ അമ്മയെ ഞാൻ ഇതുവരെ കണ്ടിട്ടില്ല ഒരു ഫോട്ടോ പോലും. അച്ഛന് വിഷമം ആകും എന്ന് എന്ന് കരുതി ഞാൻ ചോദിക്കാഞ്ഞതാണ്."

ആദിക്ക് ദേവുവിന്റെ മനസ്സിൽ എന്താണെന്ന് മനസ്സിലാവുന്നില്ല. അമ്മയുടെ ഫോട്ടോ കണ്ടാൽ തീരുന്ന പ്രശ്നമാണെങ്കിൽ തീരട്ടെ എന്ന് അവൻ കരുതി. " അമ്മയുടെ ഫോട്ടോ ഫോട്ടോ വീട്ടിൽ വയ്ക്കാത്തത് മറ്റൊന്നും കൊണ്ടല്ല അച്ഛനെ വിഷമിപ്പിക്കണ്ട എന്ന് കരുതിയാണ്. നിനക്ക് കാണണമെങ്കിൽ വരൂ.... അമ്മയുടെ ഫോട്ടോ മുത്തശ്ശിയുടെ മുറിയിലുണ്ട്." ആദി അവളുടെ കൈയും പിടിച്ച് മുത്തശ്ശിയുടെ മുറിയിലേക്ക് നടന്നു. മുത്തശ്ശി കിടക്കുകയായിരുന്നു. " മുത്തശ്ശി..... ദേവുന് അമ്മയുടെ ഫോട്ടോ കാണണമെന്ന്. മുത്തശ്ശിയുടെ ആൽബത്തിൽ ഇല്ലേ???" "അതെന്താ കുട്ടി ഇപ്പോൾ അങ്ങനെ ഒരാഗ്രഹം??" "ഒന്നുമില്ല മുത്തശ്ശി ഒന്ന് കാണാൻ തോന്നി..."

"ആദി മോനേ മുത്തശിയുടെ അലമാരയിൽ ഉണ്ട് പഴയ ആൽബം." ആദി അലമാരയിൽ നിന്നും മുത്തശ്ശിയുടെ പഴയ ആൽബം എടുത്തു. ദേവു മുത്തശ്ശിയെ എണീപ്പിച്ച് കട്ടിലിൽ ചാരി ഇരുത്തി. ദേവുവും മുത്തശ്ശിയും കൂടി അത് നോക്കാൻ തുടങ്ങി. ഓരോ പഴയ ഫോട്ടോസും കാണിച്ചുകൊടുത്തു അത് ആരോക്കെയാണെന്ന് ദേവൂന് പറഞ്ഞു കൊടുത്തു. അമ്മ ചിന്നുവിനെ ഗർഭിണിയായിരുന്നു സമയത്ത് എടുത്ത ഫോട്ടോ പോലും അതിലുണ്ടായിരുന്നു. അത് കണ്ടപ്പോൾ അടുത്തിരുന്ന ആദിയുടെ കണ്ണുകൾ ചെറുതായി നിറഞ്ഞു.അമ്മയുടെ ചെറുപ്പക്കാലത്തെ ഫോട്ടോസ് നോക്കുന്നതിനിടയിലാണ് ദേവുവിന്റെ കണ്ണുകൾ അതിലെ ഒരു ഗ്രൂപ്പ് ഫോട്ടോയിൽ ഉടക്കിയത്. "

ആദിഏട്ടാ......." ന്നുള്ള ദേവുവിന്റെ വിളി കേട്ട് നോക്കുമ്പോൾ അവൾ അതിൽ ഒരു ഫോട്ടോയിൽ തന്നെ സൂക്ഷിച്ചു നോക്കുകയാണ്. "എന്താ ദേവു........" " അത് ആദിയേട്ടാ ഇത്...... ഇതെന്റെ അമ്മയാണ്‌" ദേവു പറയുന്നത് എന്താണെന്ന് എന്ന് ആദ്യം ആദിക്ക് മനസ്സിലായില്ല. അവൾ ഒന്നുകൂടി ആ പഴയ ഫോട്ടോയിലേക്ക് ചൂണ്ടി. ആദിയുടെ അമ്മയോടൊപ്പം നിൽക്കുന്ന പെൺകുട്ടിയെ ചൂണ്ടിയാണ് ദേവു അത് പറഞ്ഞത്. ഒരു നിമിഷം ദേവു ചൂണ്ടിയ ഫോട്ടോയിലേക്ക് ആദിയും മുത്തശ്ശിയും മാറിമാറി നോക്കി. മുത്തശ്ശി കുറെ നിമിഷം അവളെ തന്നെ സൂക്ഷിച്ചു നോക്കി. "നീ എന്താ ഈ പറയുന്നത് മോളെ..... നീ സുഭദ്രയുടെയുടെ മകൾ ആണോ???"

ഈ പ്രാവശ്യം മുത്തശ്ശിയുടെ കേട്ടു ചോദ്യം കേട്ട് ആദിയും ദേവുവും ഒരുപോലെ ഞെട്ടി. " അതെ "എന്ന ദേവുവിന്റെ മറുപടി കേട്ടതും മുത്തശ്ശി " ഭാസ്കരാ ഒന്ന് ഇങ്ങോട്ട് ഓടി വാ....." എന്നും പറഞ്ഞ് ഒരു നിലവിളി ആയിരുന്നു. സന്തോഷമാണോ സങ്കടമാണോ എന്ന് തിരിച്ചറിയാൻ കഴിയാത്ത ആ ഭാവം കണ്ടു ആദിയും ദേവുവും ഒരുപോലെ പരിഭ്രമിച്ചു. അപ്പോഴേക്കും മുത്തശ്ശിയുടെ നിലവിളികേട്ട് എല്ലാവരും ഓടി വന്നിരുന്നു. " എന്താ അമ്മേ എന്തുപറ്റി " അമ്മയുടെ നിലവിളി കേട്ട് ഓടി വന്ന അമ്മാവൻ എന്താ കാര്യം എന്ന് ചോദിച്ചു. "ഭാസ്കരാ......നിനക്ക് മനസ്സിലായോ ഇത് ആരാണെന്ന്. നമ്മുടെ മോളാ... നമ്മുടെ ദേവന്റെ മോള്."

മുത്തശ്ശിയുടെ വാക്കുകൾ കേട്ടതും അമ്മാവനും ദേവുവിന്റെ നേരെ അൽഭുതത്തോടെ നോക്കി. മറ്റുള്ളവർ എല്ലാവരും എന്താണ് സംഭവിക്കുന്നത് എന്ന് മനസ്സിലാവാതെ കുഴങ്ങി നിൽക്കുകയാണ്. "എന്തോക്കെയാ അമ്മാവാ മുത്തശ്ശി പറയുന്നത് എനിക്ക് ഒന്നും മനസിലാവുന്നില്ല" (ആദി തുറന്നു ചോദിച്ചു). " അത്...... അമ്മ പറഞ്ഞത് സത്യമാണെങ്കിൽ ദേവു നിന്റെ മുറപ്പെണ്ണ് ആണ്. നിൻെറ ചെറിയമ്മാവന്റെ മകൾ......" അമ്മാവൻറെ വാക്കുകൾ കേട്ട് ദേവു അടക്കം എല്ലാവരും ഞെട്ടി നിൽക്കുകയാണ്. മുത്തശ്ശിയുടെ കണ്ണുകൾ സന്തോഷം കൊണ്ട് നിറഞ്ഞിരിക്കുന്നു. "പക്ഷേ അമ്മാവാ അതെങ്ങനെ...... ?" "ആദി നീ കുറച്ചു സമയം ഒന്ന് മിണ്ടാതെ ഇരിക്ക്, ഞാൻ ദേവുനോട് ചോദിക്കട്ടെ......".

"ദേവൂ..... മോള് പറ മോളുടെ അച്ഛന്റെ പേര് ദേവൻ എന്നാണോ??? ദേവനും സുഭദ്രയുടെയും മോളാണോ നീ"...... അമ്മാവന്റെ ചോദ്യം ദേവുവിന്റെ നേരെ ഉയർന്നു. ദേവു ആലോചിച്ചു 'ദേവൻ' ആ പേര് ഞാൻ കേട്ടത് ഞാൻ ഇതുവരെ അച്ഛനായി കണ്ട ആളുടെ വായിൽ നിന്നാണ്." നീ എന്റെ മകളല്ല, നിന്റെ അമ്മയുടെ ആദ്യ ഭർത്താവ് ദേവന്റെ മകളാണ്" എന്ന് അച്ഛന്റെ വായിൽ നിന്നും കേട്ട ദിവസമാണ് ജീവിതത്തിൽ ഞാൻ ഏറ്റവും കൂടുതൽ കരഞ്ഞത്. കരഞ്ഞു തളർന്നിരുന്ന എന്റെ അടുത്ത് വന്ന് അമ്മ അവരുടെ പ്രേമവും ഒളിച്ചോടി വിവാഹം ചെയ്ത്തതും എന്റെ ജനനവും ഒടുവിൽ അച്ഛന്റെ മരണം വരെ പറഞ്ഞു നിർത്തുമ്പോഴേക്കും എന്റെ ബോധം മറഞ്ഞിരുന്നു.

പിന്നീട് അങ്ങോട്ട് എന്റെ അച്ഛൻ എന്ന് പറഞ്ഞു ശീലിച്ച ആളിൽ നിന്നും അകലം പാലിക്കുമ്പോഴും സ്വന്തം അച്ഛനെ കുറിച്ച് ഞാൻ അന്വേഷിച്ചിരുന്നില്ല. എന്നിട്ടും തന്റെ അച്ഛന്റെ ആത്മാവ് തന്നെ ഇവിടെ എത്തിച്ചിരിക്കുന്നു😢😢😢😢 "ദേവൂ........ മോളേ, ഞാൻ ചോദിച്ചത് നീ കേട്ടില്ലേ.... പറ മോളേ നീ എന്റെ ദേവന്റെ മോളാണോ" "അതേ........ 😢😢😢" ഒരിടർച്ചയോടെ ദേവു അത് പറഞ്ഞപ്പോൾ ആദിയെ പോലെ തന്നെ എല്ലാവരും ഞെട്ടി. ഒരച്ഛന്റെ വാത്സല്യത്തോടെ അമ്മാവൻ അവളെ കെട്ടിപ്പിടിച്ചപ്പോൾ ഓർമ്മ പോലും ഇല്ലാത്ത അച്ഛന്റെ സാന്നിധ്യം അവൾക്ക് അനുഭവപ്പെട്ടു. 

മുത്തശ്ശിയുടെ മടിയിൽ കിടന്ന് ദേവു കരയുമ്പോഴാണ് അമ്മാവൻ പഴയ കാര്യങ്ങൾ ഒക്കെ എല്ലാവർക്കും പറഞ്ഞു കൊടുത്തത്. ആദിയുടെ അമ്മയുടെ അടുത്ത കൂട്ടുകാരി ആയിരുന്നു സുഭദ്ര. പതിവായി അവർ വീട്ടിൽ വരാറുണ്ട്. എന്നാൽ പിന്നീട് ആണ് അറിഞ്ഞത് ദേവനുമായുള്ള പ്രണയം ആരും അറിയാതെ ഇതിനിടയിൽ പുരോഗമിക്കുന്നു എന്ന്. പ്രമാണിയായ മുത്തശ്ശൻ അതിന് തടസ്സം നിന്നപ്പോൾ ആരും അറിയാതെ അവർ രണ്ടു പേരും നാടുവിട്ടു.വർഷങ്ങൾക്ക് ഇപ്പുറം അവരുടെ മകൾ ഇങ്ങനെ വന്നു നിൽക്കുമെന്ന് ആരെങ്കിലും പ്രതീക്ഷിച്ചോ?" അമ്മാവൻ പറഞ്ഞു നിർത്തി

. "അതേ..... മുജ്ജന്മ പുണ്യം. അല്ലാതെ എന്ത് പറയാൻ. ആദിക്ക് അവകാശപ്പെട്ടതാ ദേവു. അതാ ഒരു നിയോഗം പോലെ കറങ്ങി തിരിഞ്ഞ് പല പ്രതിസന്ധികളും തരണം ചെയ്ത് അവർ ഒന്നിച്ചത്. " (മുത്തശ്ശിയുടെ വാക്കുകൾ ആദിക്കും ദേവുവിനും ഒരുപോലെ സന്തോഷം നൽകുന്നതായിരുന്നു. പരസ്പരം നോക്കുമ്പോൾ ആദിയുടെ ഉള്ളിൽ ഇരുന്ന് ആരോ പറഞ്ഞു നിനക്കായി പിറവി എടുത്തവളാണ് ദേവു. നിനക്ക് മാത്രം അവകാശപ്പെട്ടത്."..........................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...