💞ഹൃദയത്തിൽ ഒരിടം💞: ഭാഗം 14

എഴുത്തുകാരി: മിന്നു 

ബൈക്കിൽ ആദിയുടെ പിറകിൽ ഇരിക്കുമ്പോൾ ദേവു ഭയങ്കര സന്തോഷത്തിലായിരുന്നു. ഇടയ്ക്കിടെ ആദിയെ മുറുകെ കെട്ടിപ്പിടിക്കുകയും ചുമലിൽ ഉമ്മ വയ്ക്കുകയും ഒക്കെ ചെയ്യുന്നുണ്ടായിരുന്നു. ദേവുവിന്റെ മതിമറന്നുള്ള സന്തോഷം കണ്ടപ്പോൾ ആദി വളരെ പതുക്കെയാണ് ബൈക്ക് ഓടിച്ചത്. സന്തോഷം കൊണ്ട് അവൾ എന്തൊക്കെയാണ് കാണിച്ചുകൂട്ടുന്നത് അവൾക്ക് തന്നെ അറിയില്ല. "ആദിയേട്ടാ......ഐ ലവ് യു😘 ആദിയേട്ടനെ അമ്മ വന്ന് കണ്ടിരുന്നു അല്ലേ.....അമ്മ പറഞ്ഞു. എന്നിട്ട് എന്നോട് എന്താ പറയാഞ്ഞേ....??????" " നിന്നോട് പറയണമെന്നുണ്ടായിരുന്നു, പക്ഷേ അന്ന് അതിന് പറ്റിയില്ല പിന്നെ കരുതി നല്ല ഒരു അവസരം വരട്ടെ ന്ന്....".

"പോ... ദുഷ്ടാ.... അമ്മയ്ക്ക് എന്നോട് പിണക്കമാണെന്ന് കരുതി എത്ര ദിവസം ഞാൻ സങ്കടപ്പെട്ട് ഇരുന്നിട്ടുണ്ടെന്നോ...... അതൊന്നും പോരാഞ്ഞിട്ട് ഒപ്പം ആദിയേട്ടന്റെ പിണക്കവും.... സത്യം പറ ഇന്നലെ ആദിയേട്ടൻ ശരിക്കും എന്തിനാ എന്നോട് പിണങ്ങിയത്, സുഖമില്ലാത്തപ്പോൾ ചിന്നുവിനെ എന്റെ അടുത്ത് കിടത്തിയതിന് മാത്രമാണോ.... " ആദി ഒന്നും മിണ്ടാതെ ചിരിക്കുന്നത് കണ്ടപ്പോൾ ദേവൂന് ദേഷ്യം വന്നു. "പറ ആദിയേട്ടാ........" "സുഖമില്ലാത്ത നിന്റെ അടുത്ത് ചിന്നു കിടക്കുന്നത് കണ്ടപ്പോൾ എനിക്ക് ദേഷ്യം വന്നു എന്നത് ശരിയാണ് പക്ഷേ അത് പെട്ടെന്ന് മാറി. പിന്നെ അന്ന് നമ്മൾ എണീറ്റത് ഓർമ്മയുണ്ടോ???

ആ ഒരു മൂഡിൽ ഞാൻ കൺട്രോൾ വിട്ട് നിന്നോട് എന്തെങ്കിലും ചെയ്യ്താലോ എന്ന കരുതിയാ ഞാൻ പിണക്കം അഭിനയിച്ചത്.". ദേവു ആദിയെ കൂർപ്പിച്ചു നോക്കി. മുന്നിലിരുന്ന് ആദി ചിരിക്കുന്നത് കണ്ടപ്പോൾ പിന്നെ ഒന്നും നോക്കിയില്ല, ചുമലിൽ അമർത്തി ഒരു കടി അങ്ങ് വച്ചു കൊടുത്തു. അല്ല പിന്നെ എന്നെ വിഷമിപ്പിച്ചിട്ട് വേണോ അങ്ങേരുടെ ഒരു ആക്ടിംഗ് പെട്ടെന്നുള്ള ദേവുവിന്റെ അറ്റാക്കിൽ ബൈക്ക് ഒന്ന് പുളഞ്ഞു. "ആഹ്................ദേവു.........." ആദി അലറി... അപ്പോഴാണ് നടുറോഡിൽ ആണെന്നും ആദി ബൈക്ക് ഓടിക്കുക ആണെന്നുള്ള ബോധം ദേവുവിന് വന്നത്. അവൾ വേഗം കടി വിട്ടു. അപ്പോഴേക്കും ആദി ബൈക്ക് സൈഡ് ആകിയിരുന്നു.

ബൈക്ക് നിർത്തിയതും ദേവു ചാടി ഇറങ്ങി. ആദിയുടെ കൈയിൽ നിന്നും ഒരു തല്ല് അവൾ പ്രതീക്ഷിച്ചിരുന്നതു കൊണ്ട് തന്നെ പേടിച്ച് വിറച്ച് നഖവും കടിച്ച് അവൾ നിന്നു. വേദനിച്ചപ്പോൾ ദേവുവിനെ പിടിച്ച് നിർത്തി ഒന്ന് പൊട്ടിക്കണമെന്ന് കരുതിയതാ പക്ഷേ പേടിച്ചു വിറച്ചുള്ള അവളുടെ നിൽപ്പ് കണ്ടപ്പോൾ ആദിക്ക് ചിരിയാണ് വന്നത്. "ഓരോന്ന് ഒപ്പിച്ചു വച്ചിട്ട് അവളുടെ നിൽപ്പ് കണ്ടില്ലേ.....നോക്കി നിൽക്കാതെ കേറെഡീ..." ആദിയുടെ മുഖത്തെ ചിരി കണ്ടപ്പോൾ ദേവുവിന് ആശ്വാസമായി. കേറി ആദിയോട് ചേർന്നിരിന്നു. കടിച്ച സ്ഥലത്ത് ഒരു ഉമ്മ വച്ചു കൊണ്ട് അവൾ അവന്റെ കാതിൽ പറഞ്ഞു :"സോറി........" "നിന്റെ ഒരു സോറി.. കൊണ്ട് പോയ്കോണം.

.ചില സമയത്ത് ഒട്ടും ബോധമില്ലാത്തെ ആണ് നിന്റെ പെരുമാറ്റം.... ഞാൻ വച്ചിട്ടുണ്ട് നിനക്ക്...." "എന്താ ഏട്ടാ വച്ചത്???" "ഒന്നൂല്ല ചിന്നൂട്ടി......." "പിന്നെ എന്തിനാ ഏട്ടൻ ഇപ്പോൾ കരഞ്ഞേ..." "അതോ.... ഏട്ടനെ ഒരു പട്ടി കടിച്ചു...." "ആണോ എവിടെ??? എന്നിട്ട് ചിന്നൂട്ടി കണ്ടില്ലല്ലോ പട്ടിയെ...." "അത് ഏട്ടന്റെ പിറകിലാണ് അതാ മോള് കാണാഞ്ഞത്........" പിറകിൽ നിന്നും "ആദിയേട്ടാ..... വേണ്ടാട്ടോ..." ന്നുള്ള ദേവുവിന്റെ ശബ്ദം കേട്ടു. "ദേവൂ...... സ്വന്തമായുള്ളതിനെ മാറ്റി നിർത്തി സന്തോഷിക്കാൻ ശ്രമിച്ചാൽ ഒരിക്കലും അത് പൂർണ്ണമാകില്ല. അമ്മ വെറുക്കുന്നു എന്ന തോന്നൽ നിന്റെ മനസ്സിൽ ഉള്ള കാലത്തോളം നമ്മൾ ഒരുമിച്ചാലും അത് ഒരിക്കലും പൂർണ്ണ മനസ്സോടെ ആവില്ല.

സാധാരണ ഒളിച്ചോടി പോയവരുടെ ഉള്ളിൽ ഒക്കെ ഇങ്ങനെ ഒരു വിഷമം ഉണ്ടാവും. നമ്മുക്ക് അതിന്റെ ആവശ്യമില്ലല്ലോ, അതാ അമ്മയെ കണ്ടതിന് ശേഷം നമ്മൾ ഒരുമിച്ചാൽ മതി എന്ന് ഞാൻ തീരുമാനിച്ചതും അതിന് വേണ്ടി ചുമ്മാ ഇന്നലെ നിന്നോട് പിണങ്ങി ഇരുന്നതും.... പിന്നെ ആ കൂടിക്കാഴ്ച ഇന്ന് ആകുമ്പോൾ നിനക്ക് ഒരുപാട് സന്തോഷം ആകുമല്ലോ എന്നും ഞാൻ കരുതി." ആദി പറഞ്ഞു നിർത്തുമ്പോൾ ദേവു സന്തോഷത്തോടെ ആദിയെ മുറുകെ കെട്ടിപ്പിടിച്ചു. അവർ തിരിച്ചു വീട്ടിൽ എത്തുമ്പോൾ ആകെ ഇരുട്ടാണ്.

"ഇതെന്താ ആദിയേട്ടാ ഫുൾ ഇരുട്ടാണല്ലോ..... കറണ്ട് ഇല്ലാന്ന് തോന്നുന്നു." ബൈക്ക് മുറ്റത്തേക്ക് കയറുമ്പോഴേ ദേവു പറഞ്ഞു. "അതും പറഞ്ഞ് മുറ്റത്ത് തന്നെ നിൽക്കാതെ നീ അകത്തേക്ക് ചെന്ന് മെഴുകുതിരി കത്തിക്ക് ദേവൂ......." "ഒറ്റയ്ക്കോ ഞാൻ പോവൂല്ല, എനിക്ക് ഇരുട്ട് പേടിയാ....." "ഓ..... ഇങ്ങനെ ഒരു പേടിത്തൊണ്ടി.... വാ....." ആദി അവളുടെ കൈയും പിടിച്ച് അകത്തേക്ക് നടന്നു. ഒരു കൈയിൽ ചിന്നുവിനെ എടുത്തിട്ടുണ്ട്. മറുകൈയിൽ ദേവു മുറുകെ പിടിച്ചിട്ടുണ്ടായിരുന്നു. ദേവു അകത്തേക്ക് കയറിയതും എന്തോ പടക്കം പൊട്ടുന്ന ശബ്ദം കേട്ട് പേടിച്ച് അവൾ ആദിയെ മുറുകെ കെട്ടിപ്പിടിച്ചു.

ചുറ്റും പൊട്ടിച്ചിരി കേട്ട് ആദിയുടെ നെഞ്ചിൽ നിന്നും മുഖമുയർത്തിയ ദേവു കണ്ടത് പാറിപ്പറക്കുന്ന വർണ്ണക്കടലാസുകളും ബലൂണുകളുമാണ്. അപ്പോഴാ അവൾ ചുറ്റും നോക്കിയത്. ഹാൾ മുഴുവൻ ബലൂണും തോരണങ്ങളും കൊണ്ട് അലങ്കരിച്ചിട്ടുണ്ട്. അച്ഛനും അപ്പച്ചിയും ചെറിയച്ഛനും കിച്ചുവും മിഥുവും അങ്ങനെ എല്ലാവരും ഉണ്ട്. ഹാളിൽ ഒത്തനടുക്ക് മേശയിൽ കേക്കും അതിനു പിറകിലായി HAPPY BIRTHDAY DEVU ന്ന് വലിയ അക്ഷരത്തിൽ ഒട്ടിച്ച് വച്ചിട്ടുണ്ട്. എല്ലാവരുടെയും ചിരി കണ്ടപ്പോഴാണ് ആദിയുടെ നെഞ്ചിൽ നിന്നും ദേവു അകന്നു മാറിയത്. അടുത്ത് നിൽക്കുന്ന ആദിയുടെ മുഖത്തെ കള്ളച്ചിരി കണ്ടപ്പോഴേ ദേവുവിന് മനസ്സിലായി എല്ലാവരും കൂടി പ്ലാൻ ചെയ്ത് നടത്തിയതാണെന്ന്. ❤️

ആദി ദേവുവിന്റെ കൈയും പിടിച്ച് കേക്കിന്റെ അടുത്തേക്ക് ചെന്നു. എല്ലാവരും കേക്ക് മുറിക്കാൻ പറഞ്ഞപ്പോൾ ചിന്നുവിന്റെ കൈയും പിടിച്ചാണ് ദേവു കേക്ക് മുറിച്ചത്. പരസ്പരം കേക്ക് കൊടുത്ത് ആഘോഷിക്കുമ്പോൾ ദേവുവിന്റെ കണ്ണുകൾ നിറഞ്ഞു. "ആദ്യമായാണ് ഇത്രയും ആഘോഷത്തോടെ എന്റെ പിറന്നാൾ...." "അയ്യേ.... എന്റെ ദേവൂ..... ഇതിനും നീ കരയുവാണോ...... നിന്റെ കണ്ണുകൾ എനിക്ക് വേണ്ടി മാത്രമേ നിറയാൻ പാടുള്ളൂ..... ഞാൻ പിണങ്ങുമ്പോൾ വഴക്ക് പറയുമ്പോൾ അല്ലാതെ ഈ കണ്ണുകൾ നിറയരുത് ഒരിക്കലും.... മനസ്സിലായോ........" ആദി ദേവുവിന്റെ കണ്ണുകൾ തുടച്ചു കൊടുക്കുമ്പോൾ വന്നു കിച്ചുവിന്റെ കമന്റ്. "ഹലോ നിങ്ങളുടെ റോമൻസ് ഒക്കെ പിന്നെ ആദ്യം ഞങ്ങൾക്ക് കേക്ക് താ......"

"അതു തന്നെ കിച്ചു, ഇങ്ങനെ ചിലർ ഇവിടെ ഉണ്ടെന്ന് വല്ല വിചാരവും ഉണ്ടോ രണ്ടിനും" (കിട്ടിയ സമയം മിഥുവും അവരെ കളിയാക്കി). എല്ലാവരും കൂടി അന്നത്തെ ദിവസം ആഘോഷമാക്കി. പരസ്പരം മധുരം പങ്ക് വച്ചും കൈ നിറയെ സമ്മാനങ്ങൾ ലഭിച്ചും ശരിക്കും ആദി ആഗ്രഹിച്ചത് പോലെ ദേവുവിന്റെ ജീവിതത്തിലെ മറക്കാൻ കഴിയാത്ത ഒരു പിറന്നാൾ ആയിരുന്നു അന്ന്. രാത്രി എല്ലാവരും പോയതിന് ശേഷം മുറിയിൽ എത്തിയ ദേവു കണ്ടത് ചിന്നുവിനെ നെഞ്ചിൽ കിടത്തി ഉറക്കുന്ന ആദിയെയാണ്. ഓടി ചെന്ന് അവന്റെ നെറ്റിയിൽ ഉമ്മ വച്ചപ്പോൾ ആദി ചിരിച്ചു കൊണ്ട് ചിന്നുവിനെ സൈഡിലേക്ക് മാറ്റി കിടത്താൻ നോക്കിയപ്പോൾ ദേവു തടഞ്ഞു. "വേണ്ട, ചിന്നു അവിടെ കിടന്നോടെ,

ആദിയേട്ടൻ തന്നെയല്ലേ പറഞ്ഞത് സ്വന്തമായതിനെ മാറ്റി നിർത്തി നമ്മുക്ക് ഒരിക്കലും പൂർണമായും സന്തോഷിക്കാൻ കഴിയില്ല എന്ന്. ചിന്നു നമ്മുടെ സ്വന്തമല്ലേ....ആദിയേട്ടന്റെ നെഞ്ചിൽ എനിക്കും കൂടി ഇത്തിരി സ്ഥലം തന്നാൽ മതി. " അന്ന് ആദിയുടെ നെഞ്ചോടു ചേർന്ന് കിടക്കുമ്പോൾ ദേവു അറിയുകയായിരുന്നു ആ മനസ്സിലെ സ്നേഹം. താൻ അനുഭവിക്കുന്ന സുരക്ഷിതത്വം.അതുപോലെ ആദിയും അറിഞ്ഞു തന്നെ മനസ്സിലാക്കുന്ന ഒരു ഭാര്യയാണ് ഒരു പുരുഷന്റെ ഏറ്റവും വലിയ വിജയം എന്ന്. ചിന്നുവിനെയും ദേവുവിനെയും ചേർത്ത് പിടിച്ച് ഉറക്കത്തിലേക്ക് വീഴുമ്പോൾ തന്റെ ജീവിതത്തിലെ ഏറ്റവും സന്തോഷമുള്ള ദിവസം ഇന്നാണെന്ന് ആദിക്ക് തോന്നി

പിറ്റേന്ന് രാവിലെ എണീക്കുമ്പോഴും ആദി അവരെ ചേർത്ത് പിടിച്ചിട്ടുണ്ടായിരുന്നു. ആദിയുടെ കൈ എടുത്തു മാറ്റി ദേവു വേഗം കുളിച്ചു റെഡിയായി അടുക്കളയിലേക്ക് ചെന്നു. കുറച്ചു കഴിഞ്ഞ് ആദിയും അങ്ങോട്ടേക്ക് വന്നു. ആദിയും ഹെൽപ്പ് ചെയ്ത്തതു കൊണ്ട് വേഗം ജോലി കഴിഞ്ഞു. ഓഫീസിലേക്ക് പോവാൻ റെഡി ആവാനായി മുറിയിലേക്ക് ചെല്ലുമ്പോൾ ദേവു കണ്ടത് കട്ടിലിൽ ഇരുന്ന് ആദി ചിന്നുവിനെ ഒരുക്കുന്നതാണ്. അല്ലെങ്കിലും ആദി ഒരുക്കിയാൽ ചിന്നുവിനെ കാണാൻ നല്ല ഭംഗിയാണ്. ദേവു ആദിയുടെ അടുത്ത് ചെന്ന് അവന്റെ തോളോട് ചേർന്ന് നിന്നു. കൊല്ലുസ്സ് ഉള്ളത് കൊണ്ട് ദേവു മുറിയിൽ വന്നപ്പോൾ തന്നെ ആദി അറിഞ്ഞു.

ചിന്നുവിന്റെ മുടി കെട്ടി കൊടുക്കുന്ന തിരക്കിലാണ് അവൻ. ചിന്നു ആണെങ്കിൽ തിരിഞ്ഞ് ഇരുന്ന് എന്തോക്കെയോ പറയുന്ന തിരക്കിലും. ആദി അവളെ ഒരുക്കി കഴിഞ്ഞ് തിരിഞ്ഞു നോക്കുമ്പോഴാണ് ചിന്നു ദേവുവിനെ കണ്ടത്. "ഏടത്തിയമ്മേ...... നോക്കിയേ... ചിന്നുനെ ഇന്ന് ഏട്ടനാ ഒരുക്കിയത്, നന്നായിട്ടുണ്ടോ....." "പിന്നെ...... ഏടത്തിയമ്മയുടെ ചിന്നുട്ടി സുന്ദരിക്കുട്ടി അല്ലേ.... ഏട്ടൻ ഒരുക്കിയപ്പോൾ അടിപൊളി ആയിട്ടുണ്ട്." ദേവു പറഞ്ഞത് കേട്ടപ്പോൾ ചിന്നുവിന് നാണം. "എന്നാ.... ഏടത്തിയമ്മ ഇവിടെ ഇരിക്ക്... ഏട്ടൻ ഒരുക്കി തരും, അപ്പോ ഏട്ടത്തിയമ്മയും സുന്ദരി ആവും....." "അയ്യോ വേണ്ടായേ......" "അതെന്താടി ഞാൻ ഒരുക്കിയാൽ...

ഇവിടെ വന്ന് ഇരിക്കെടീ......" (ആദി ദേവുവിന്റെ കൈയിൽ പിടിച്ച് വലിച്ച് കട്ടിലിലേക്ക് ഇരുത്തി. അവൾ എഴുന്നേറ്റ് പോവാതിരിക്കാൻ വേണ്ടി ആദി അവന്റെ കാല് എടുത്ത് അവളുടെ മടിയിലേക്ക് വച്ചു.) "അയ്യോ വേണ്ട ആദിയേട്ടാ.... എന്നെ വിട്ട്...." "അടങ്ങി ഇരിക്കെടീ അവിടെ....." ആദി കലിപ്പ് പുറത്തെടുത്തപ്പോൾ ദേവു അടങ്ങി ഇരുന്നു. സാധാരണ ഒരു കുഞ്ഞ് പൊട്ടും ഒരു നുള്ള് സിന്ദൂരവുമാണ് ദേവുവിന്റെ ഒരുക്കം. എന്നാൽ ഇന്ന് ആദി അവളുടെ കരിനീല കണ്ണുകൾ വാലിട്ട് കണ്ണെഴുതി.... ചുവന്ന ചാന്ത് കൊണ്ട് അത്യാവശ്യം വലുപ്പമുള്ള ഒരു പൊട്ടും. സീമന്തരേഖയിൽ നല്ല കട്ടിയിൽ സിന്ദൂരവും ചാർത്തിയപ്പോൾ തന്നെ ദേവുവിന്റെ മുഖത്ത് വല്ലാത്ത ഒരു ശോഭ വന്നിരുന്നു.

ആദി കുറച്ചു സമയം അവളുടെ മുഖത്ത് തന്നെ നോക്കി നിന്നു പോയി. "സൂപ്പർ....ഏടത്തിയമ്മയും സുന്ദരികുട്ടി ആയല്ലോ" ആദിയുടെ കഴുത്തിൽ ചുറ്റി പിടിച്ചു നിന്ന ചിന്നുവിന്റെ ശബ്ദം കേട്ടപ്പോഴാണ് ആദി നോട്ടം മാറ്റിയത്. "ശരിയാ.... ദേവു.. എന്ത് ഭംഗിയാ നിന്നെ ഇങ്ങനെ കാണാൻ. ഒരു ചുവന്ന കല്ല് മൂക്കുത്തി കൂടി വേണമായിരുന്നു." "മുക്കുത്തിയോ.... എനിക്ക് സൂചി പേടിയാ....." "ഓഹ്..... എന്റെ ദേവൂ നിനക്ക് പേടി ഇല്ലാത്ത എന്തെങ്കിലും ഉണ്ടോ?? ഇരുട്ട് പേടി... മിന്നൽ പേടി... ഇപ്പോ ഇതാ സൂചിയും" " എനിക്ക് ആദിയേട്ടനെ പേടി ഇല്ലാല്ലോ" "മ്മം.... ..ശരിയാ ഒട്ടും പേടി ഇല്ലാ.....ഞാൻ ഒന്ന് ദേഷ്യപ്പെട്ടാലും കാണണം ഈ ധൈര്യം" "😁😁" ദേവു നന്നായി ഇളിച്ചു കാട്ടി അവർ റെഡിയായി ഇറങ്ങാൻ നോക്കുമ്പോഴാണ് കിച്ചു അങ്ങോട്ടേക്ക് വന്നത്.....................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...