💞ഹൃദയത്തിൽ ഒരിടം💞: ഭാഗം 15

എഴുത്തുകാരി: മിന്നു 

ഓഫീസിലേക്ക് ഇറങ്ങാൻ തുടങ്ങുമ്പോഴാണ് കിച്ചു അങ്ങോട്ട് വന്നത്. "ഡാ......ആദി, ഞങ്ങൾ ഇന്ന് ഒരു ട്രിപ്പ് പോകുകയാണ്" "ഇതെന്താടാ പെട്ടെന്ന്... എന്നിട്ട് നീ ഒന്നും പറഞ്ഞില്ലല്ലോ ഇന്നലെ" " ഇന്നലെ ആ തിരക്കിൽ പറയാൻ കഴിഞ്ഞില്ല. ഞങ്ങളുടെ കൂടെ അമ്മാവനും ചിന്നുവും വരുന്നുണ്ട്." "ഡാ അപ്പോൾ ഞാനും ദേവുവും ഇവിടെ ഒറ്റക്ക് ആവില്ലേ???" "എടാ പൊട്ടാ നിങ്ങൾ രണ്ടുപേർ ഉള്ളപ്പോൾ എങ്ങനെയാ ഒറ്റക്കാവുക" "എന്നാലും........" "ഒരു എന്നാലും ഇല്ല, ഞങ്ങൾ ഇന്ന് ഉച്ചയ്ക്ക് പോകും. ചിലപ്പോൾ നാളെ രാത്രി യോ അല്ലെങ്കിൽ മറ്റന്നാൾ രാവിലെ തിരിച്ചെത്തും." " ഡാ എന്നാൽ നാളെ പോകാം. നാളെ എനിക്കും ദേവുവിനും ലീവ് ആണ്.

Already കുറെ ലീവ് എടുത്തത് കൊണ്ട് ഞങ്ങൾക്ക് ഇനി ലീവ് ഇല്ല. നാളെ ഗവൺമെൻറ് ഹോളിഡേ ആണല്ലോ നമുക്ക് നാളെ പോകാം ." "ഒന്ന് പോയെടാ നാളെ ഒറ്റ ദിവസം കൊണ്ട് തിരിച്ചു വരാൻ കഴിയില്ല, അതാ ഇന്ന് പോകുന്നത്. നിനക്കും ദേവുവിനും ലീവ് ഇല്ലെങ്കിൽ എന്താ??? ഞാൻ നിർബന്ധിച്ചില്ല നിങ്ങളെ......" "ഡാ പക്ഷേ ചിന്നു..... അവൾ നിൽക്കുമോ??" " അതൊക്കെ അവൾ നിന്നോളും അമ്മയുടെ ഫ്രണ്ട് ലതേച്ചേച്ചിയും ഫാമിലിയും വരുന്നുണ്ട്. അവരുടെ കൊച്ചുമകളും ചിന്നുവും ഒരേ ക്ലാസ്സിൽ ആണ്. പിന്നെ ചിന്നുവിന്റെ കാര്യം നോക്കാൻ അച്ഛനും അമ്മാവനും അമ്മയും ഒക്കെ ഉണ്ടല്ലോ. നീ അതോർത്ത് ടെൻഷൻ ആവണ്ട, നിങ്ങൾ മടങ്ങിവരുമ്പോളേക്കും ഞങ്ങൾ പോയിട്ടുണ്ടാവും.

അതു പറയാനാണ് ഞാൻ വന്നത്." എന്തോ അതുകേട്ടപ്പോൾ ആദിക്ക് ഒരു സങ്കടം. ആദിയുടെ മുഖം മാറിയത് കണ്ടപ്പോൾ ദേവു കാര്യം അന്വേഷിച്ചു. എല്ലാം കേട്ടപ്പോൾ ദേവുവിന് അൽഭുതം. "എന്നിട്ട് അച്ഛനും ചിന്നുവും ഒന്നും പറഞ്ഞില്ലല്ലോ" ദേവു വേഗം അച്ഛൻറെ അടുത്തേക്ക് ചെന്നു. കാര്യം സത്യമാണോ എന്ന് അന്വേഷിച്ചു. അച്ഛൻ പറഞ്ഞു "കുറേക്കാലമായി എങ്ങോട്ടെങ്കിലും ഒന്ന് പോയിട്ട് ഇപ്പോൾ ഇവിടെ മോൾ ഉണ്ടല്ലോ എന്ന് കരുതിയാ ഞാൻ സമ്മതിച്ചത്. യാത്രകൾ എപ്പോഴും മനസ്സിന് സമാധാനം സന്തോഷം തരും. ലക്ഷ്മി പോയതിനുശേഷം ഇപ്പോഴാണ് ഞാൻ ഒരു യാത്രയ്ക്ക് തയ്യാറാവുന്നത്. രണ്ടു ദിവസത്തെ കാര്യമല്ലേ മോളും ആദിയും manage ചെയ്യ്....

അച്ഛനും ചിന്നുവും പോയിട്ട് വരാം അച്ഛൻ പറയുന്നത് കേട്ടപ്പോൾ ദേവു ഒന്നും പറഞ്ഞില്ല. ദേവു ചിന്നുവിന്റെ സാധനങ്ങൾ ഒക്കെ പാക്ക് ചെയ്യാൻ തുടങ്ങിയപ്പോൾ അച്ഛൻ പറഞ്ഞു: " വേണ്ട മോളേ... അതൊക്കെ ഞാൻ എടുത്തോളാം നിങ്ങൾ പൊയ്ക്കോളൂ, ലേറ്റ് ആകണ്ട" അന്ന് ഓഫീസിൽ എത്തിയിട്ടും ആദിക്ക് ഒരു എനർജി ഇല്ലായിരുന്നു. ഉച്ചയ്ക്ക് അച്ഛനെ വിളിച്ചപ്പോൾ അവർ അവർ ഇറങ്ങാൻ തുടങ്ങുകയാണ് എന്ന് പറഞ്ഞു. ചിന്നുവിൻറെ കലപില ശബ്ദം കേൾക്കുന്നുണ്ട്. അവൾ വളരെ സന്തോഷത്തിലാണ്. അത് കേട്ടപ്പോൾ ആദിക്ക് ഒരു ആശ്വാസമായി. വൈകിട്ട് ഓഫീസിൽ നിന്ന് ഇറങ്ങിയപ്പോൾ ഇപ്പോൾ വീട്ടിലേക്ക് പോവാതെ ആദി ദേവുവിനെയും കൊണ്ട് ഒന്ന് കറങ്ങാൻ തീരുമാനിച്ചു.

"ഇതെന്താ ആദിയേട്ടാ..... നമ്മൾ വീട്ടിൽ പോകുന്നില്ലേ ???" "വീട്ടിൽ പോയിട്ട് എന്താ... നമ്മൾ രണ്ടുപേരും മാത്രം അല്ലേ നമ്മൾ ഇപ്പോൾ ഒരുമിച്ച് അല്ലേ.... അപ്പോ പിന്നെ പതിയെ പോകാം. എന്താ നിനക്ക് വീട്ടിൽ പോകണമെന്നുണ്ടോ????" "ഇല്ല ....." "ആഹ്..്‌ഇനി എന്തായാലും നമുക്ക് ഫുഡ് ഒക്കെ പുറത്തുനിന്ന് കഴിച്ചിട്ട് പോകാം, നമുക്ക് രണ്ടുപേർക്കും മാത്രമായി ഉണ്ടാക്കാൻ നിൽക്കണ്ട." "മ്മം........" ആദി അവളുടെ കൈപിടിച്ച് പിടിച്ച് ഒന്നുകൂടി തന്നോട് ചേർത്തിരുത്തി. ഒരു ലോഡ്ജിനു മുന്നിലെത്തിയപ്പോൾ പോലീസ് ആരേയോ അറസ്റ്റ് ചെയ്തു കൊണ്ടുപോകുന്നത് കണ്ടു.

ആദി നോക്കിയപ്പോൾ അന്ന് കാവിൽ വെച്ച് അവർക്ക് നേരെ സദാചാര പോലീസ് കളിച്ച ഒരു പ്രധാനിയാണ് ഒപ്പം ഒരു സ്ത്രീയും. തൊട്ടടുത്തു നിൽക്കുന്ന ആളോട് കാര്യമന്വേഷിച്ചപ്പോൾ അയാൾ പറഞ്ഞു :" രണ്ടിനെയും റെയ്ഡിൽ പോക്കിയതാ... ഇത് അവളുടെ സ്ഥിരം പരിപാടിയാണ്" ആദിയും ദേവുവും പരസ്പരം നോക്കി. സദാചാര പോലീസ് കളിക്കുന്ന പലരുടെയും ഉള്ളിൽ ഇതുപോലെ ഒരു പകൽ മാന്യൻ ഒളിഞ്ഞുകിടപ്പുണ്ട്. ഇരുട്ടിൻറെ മറവിൽ തോന്നിവാസം കാണിക്കുവാനുള്ള ഒരു ലൈസൻസ് ആണ് അവർ കാണിക്കുന്ന ഈ സദാചാരം... അവർക്കുള്ളിലെ വൃത്തികെട്ട മുഖം മറ്റുള്ളവർ തിരിച്ചറിയാതിരിക്കാൻ വേണ്ടി അവർ നടത്തുന്ന പ്രദർശനം.

പലപ്പോഴും അവരുടെ ഈ പ്രഹസനത്തിൽ ഇരകളാകുന്നത് നിരപരാധികൾ ആണെന്ന് മാത്രം. അങ്ങനെയുള്ള 2 ഇരകളാണ് താനും ദേവുവും എന്ന് ആദി മനസ്സിൽ ഓർത്തു. ഇപ്പോൾ ഈ കാഴ്ച കണ്ടപ്പോൾ മനസ്സിൽ വല്ലാത്ത സന്തോഷം തോന്നി. അന്ന് അയാൾ ചെയ്ത്തതിന് പകരമായി അവർക്ക് കിട്ടേണ്ടത് കിട്ടി. ഒരുതരത്തിൽ അവന്മാർ കാരണം തനിക്ക് നല്ലതാണ് ഉണ്ടായതെങ്കിലും എല്ലാവർക്കും അങ്ങനെ ആവണമെന്ന് ഇല്ലല്ലോ ..സന്തോഷത്തോടെ ആദി ബൈക്ക് ബീച്ചിലേക്ക് വിട്ടു. ദേവുവിന്റെ കൈയും പിടിച്ച് കടൽക്കരയിലൂടെ നടക്കുമ്പോൾ മനസ്സ് വല്ലാതെ ശാന്തമായിരുന്നു.

അസ്തമയം കഴിഞ്ഞിട്ടില്ല. തിരക്കുകളിൽ നിന്നും മാറി ഒരുഭാഗത്ത് അവർ ഇരുന്നു. ആദിയുടെ തോളോട് ചേർന്ന് ദേവു ഇരുന്നു. ആദി അവളുടെ കൈയ്യിൽ വിരലുകൾ കോർത്തു. ആദി നല്ല റോമാന്റിക് മൂഡിലാണ്. " ദേവു ....... നമ്മൾ മാത്രമായി ഇങ്ങനെ ഇരിക്കുമ്പോൾ നിനക്ക് എന്താ തോന്നുന്നത്" " ചിന്നു കൂടി ഉണ്ടായിരുന്നെങ്കിൽ നല്ല രസമായിരുന്നു അല്ലേ ആദിയേട്ടാ........." "എൻറെ ദേവൂ....🙏🙏ഞാൻ നിന്നോട് അതല്ല ചോദിച്ചത്" "പിന്നെന്താ 🤔🤔🤔" "ഒന്നുമില്ല നീ വായും പൂട്ടി ഇരുന്ന് സൺസെറ്റ് കാണ് അതാ നല്ലത്." പിന്നെ ആദി ഒന്നും ചോദിച്ചില്ല, ഇരുട്ട് വീഴാൻ തുടങ്ങിയപ്പോൾ ആദി അവളെയും കൂടി മടങ്ങി.

പുറത്തുനിന്നുള്ള ഭക്ഷണം ചെറിയ ഒരു ഷോപ്പിങ്. അതായിരുന്നു അന്നത്തെ അവരുടെ കറക്കം. വീട്ടിലേക്ക് മടങ്ങുമ്പോൾ ഒരു ശക്തമായ മഴയുടെ മുന്നോടി പോലെ നല്ല കാറ്റ് വീശുന്നുണ്ടായിരുന്നു. അതുകൊണ്ടുതന്നെ ആദി നല്ല സ്പീഡിൽ വീട്ടിലേക്ക് ബൈക്ക് പറപ്പിച്ചു. ദേവു ആദിയെ മുറുക്കിപ്പിടിച്ച് ഇരുന്നിട്ടുണ്ട്. ഇരുട്ട് ഒട്ടും പേടി ഇല്ലാത്തതുകൊണ്ട് ആദി വന്നതിനുശേഷമാണ് ദേവു അകത്തേക്ക് കയറിയത്. അകത്തു കയറി ഡോർ ലോക്ക് ചെയ്ത ഉടനെ കരണ്ട് പോവുകയും ചെയ്തു. "അയ്യോ ആദിയേട്ടാ......." ദേവു ആദിയെ ഉടുമ്പടക്കം പിടിച്ചു. "എൻറെ ദേവു.... ഒന്ന് പതുക്കെ.....ഇങ്ങനെ പിടിച്ചാൽ ഞാൻ ശ്വാസം മുട്ടി ചത്തു പോകും...

നീ ഈ പിടി ഒന്ന് ലൂസ് ആക്കിയാൽ ഞാൻ പോക്കറ്റിൽ നിന്നും ഫോണെടുത്തു ടോർച്ച് ഓൺ ആക്കാം..." ദേവു ആദിയുടെ യുടെ മേലുള്ള പിടി അയച്ച് അവന്റെ ഷർട്ടിൽ പിടി മുറുകി. ആദി പോക്കറ്റിൽ നിന്നും ഫോണെടുത്ത് ടോർച്ച് ഓൺ ആക്കി. ആദി മെഴുകുതിരിയും തിരഞ്ഞ് നടന്നു. പിന്നാലെ ദേവുവും. അവസാനം ബെഡ്റൂമിൽ നിന്നും മെഴുകുതിരി കിട്ടി അത് കത്തിച്ച് കൈയിൽ കൊടുത്തപ്പോഴാണ് ദേവു ആദിയുടെ ഷർട്ടിൽ നിന്നും പിടി വിട്ടത്. " എന്നാലും എന്റെ ദേവൂ വല്ലാത്തൊരു പേടി തന്നെ നിനക്ക്......" "😁😁😁😁😁" "നിന്ന് ഇളിക്കാതെ പോയി കുളിച്ചിട്ട് വാടി..... " ആദി പറഞ്ഞപ്പോൾ ദേവു വേഗം ഡ്രസ്സുമെടുത്ത് കുളിക്കാൻ പോയി.

"അതേ ദേവൂ...... ഞാനും വരണോ ഒരു കൂട്ടിന്.." "അയ്യടാ..... വേണ്ടായേ......" ദേവു വേഗം ബാത്ത്‌റൂമിൽ കയറി ഡോർ അടച്ചു. അല്ലെങ്കിൽ തന്നെ ഇന്ന് എന്തെങ്കിലും നടക്കുമെന്ന് ദേവൂന് ഉറപ്പാണ്. അപ്പോഴാ ആദിയേട്ടന്റെ ചോദ്യവും. അവൾ ആകെ നാണം കൊണ്ട് പൂത്തുലഞ്ഞു. കുളി കഴിഞ്ഞ് പുറത്തിറങ്ങിയ ദേവു അൽഭുത്തപ്പെട്ടു പോയി.... മുറി മുഴുവൻ പലതരം മെഴുകുതിരി കത്തിച്ചു വച്ചിരിക്കുന്നു. ബെഡിൽ മുല്ലപ്പുവും റോസാപ്പൂ ഇതളുകളും കൊണ്ട് അലങ്കരിച്ചിട്ടുണ്ട്. പുറത്ത് തകർത്തു പെയ്യുന്ന മഴയുടെ കുളിര് തുറന്നിട്ട ജനലയിലൂടെ അരിച്ചെത്തുന്നുണ്ട്. ആകെ കൂടി വല്ലാത്ത ഒരു ഫീൽ....... ദേവുവിന്റെ കണ്ണുകൾ ആദിയെ തിരഞ്ഞു.

കുളി കഴിഞ്ഞ് ഇറങ്ങിയ ദേവുവിന്റെ കണ്ണുകളിലെ അൽഭുതം മാറി നിന്ന് നോക്കി കാണുകയായിരുന്നു ആദി. തന്നെയാണ് ദേവു തിരയുന്നത് എന്ന് മനസ്സിലായപ്പോൾ ആദി അവളുടെ കൈയിൽ പിടിച്ച് നെഞ്ചിലേക്ക് വലിച്ചിട്ടു. "എന്തേ........😉" "ഒന്നൂല്ല......." "എന്നെ അല്ലേ നോക്കീയേ....." "മ്മം........." "ഇഷ്ടായോ റൂം......" "മ്മം........." "എന്നെയോ....." ദേവു ചിരിച്ചു കൊണ്ട് ആദിയുടെ നെഞ്ചിൽ മുഖം ഒളിപ്പിച്ചു. ആദി അവളുടെ താടിയിൽ പിടിച്ച് മുഖം അവന് നേരേ ഉയർത്തി. "ദേവൂ....... നിനക്ക് സമ്മതമാണോ പൂർണമായും എന്റെതാവാൻ. എന്റെത് മാത്രമാവാൻ...." ഒരു നിമിഷം ദേവുവിന്റെ ശരീരമാകെ ഒരു കുളിര് പടർന്ന പോലെ അവൾക്ക് തോന്നി.

എന്ത് മറുപടി പറയണമെന്ന് അറിയാതെ അവൾ അവന്റെ മുഖത്തേക്ക് തന്നെ ഉറ്റുനോക്കി. എന്തോ പറയാൻ വിറകൊണ്ട അവളുടെ ചുണ്ടുകളിൽ ആദി ചുണ്ടുവിരൽ ചേർത്തു. വേണ്ട ഒന്നും പറയണ്ട, നിന്റെ കണ്ണുകൾ പറയുന്നുണ്ട് നിന്റെ ഉത്തരം. എങ്കിലും സമ്മതമാണെങ്കിൽ ഞാൻ കുളിച്ചു വരുമ്പോൾ നീ ഈ സാരി ഉടുത്തിരിക്കണം. അല്ലെങ്കിൽ നീ കിടന്ന് ഉറങ്ങിക്കോ........." ആദി കൈയിൽ വച്ചു കൊടുത്ത ബ്ലാക്ക് സാരിയിലും അവന്റെ മുഖത്തേക്കും ദേവു മാറിനോക്കി. ആദി അത് മൈൻഡ് ചെയ്യാതെ ടവ്വൽ എടുത്ത് ബാത്ത്റൂമിലേക്ക് പോയി. ആ സാരി എടുത്ത് ഉടുക്കാൻ ദേവുവിന് രണ്ടാമത്‌ ഒന്ന് ആലോചിക്കേണ്ടി വന്നില്ല.

മുടി അഴിച്ചിട്ട് നെറ്റിയിൽ സിന്ദൂരം തൊട്ടു. വീശിയടിച്ച കാറ്റിൽ മെഴുകുതിരി കെടുമെന്ന് തോന്നിയപ്പോൾ ജനൽ അടയ്ക്കാനായി അവൾ അങ്ങോട്ടേക്ക് ചെന്നു. അപ്പോഴാണ് ബാത്ത്റൂമിൽ നിന്നും ആദി ഇറങ്ങി വന്നത്. അവനെ നോക്കാനുള്ള മടി കാരണം നിന്നിടത്തു നിന്ന് അനങ്ങാതെ അവൾ അവിടെ തന്നെ നിന്നു. ആദി അടുത്ത് വന്നു നിന്നിട്ടും നാണം കാരണം അവന്റെ മുഖത്തേക്ക് നോക്കാൻ അവൾക്ക് കഴിഞ്ഞില്ല, തകർത്തു പെയ്യുന്ന മഴയിലേക്ക് കണ്ണുംനട്ട് അവൾ നിന്നു. പെട്ടെന്ന് ഉണ്ടായ ഇടിയുടെ ശബ്ദം കേട്ട് ദേവു ആദിയെ മുറുകെ കെട്ടിപ്പിടിച്ചു.

ആദിക്ക് അത് കണ്ട് ചിരി സഹിക്കാൻ കഴിഞ്ഞില്ല. ഇത്ര നേരവും തന്റെ മുഖത്ത് പോലും നോക്കാതെ തലയും താഴ്ത്തി ലജ്ജിച്ചു നിന്ന പെണ്ണാണ് ഒരു ഇടി വെട്ടിയപ്പോൾ തന്റെ നെഞ്ചിലേക്ക് ചാടി വീണത്. ആദിയുടെ ചിരി കേട്ടപ്പോൾ അകന്നു മാറാൻ ശ്രമിച്ച ദേവുവിനെ അവൻ ഒന്നുകൂടി ചേർത്ത് പിടിച്ചു. എന്നിട്ട് പതിയെ അവളുടെ കാതിൽ പറഞ്ഞു :" ദേവൂ..... ഇനി ചോദ്യവും പറച്ചിലും ഒന്നുമില്ലാട്ടോ ഞാൻ സ്വന്തമാകുകയാണ് നിന്നെ..😍" ദേവു അവനെ മിഴിച്ചു നോക്കി. അപ്പോഴേക്കും ആദി അവളെ കൈയിൽ കോരിയെടുത്ത് ബെഡിനടുത്തേക്ക് നടന്നു. കണ്ണുകൾ പരസ്പരം കഥ പറയുമ്പോൾ ആദി അവളെ മെല്ലെ ബെഡിൽ കിടത്തി. കുറച്ചു പിറകിലേക്ക് മാറി നിന്ന് ആദി അവളെ ഒന്ന് അടിമുടി നോക്കി. അവൻറെ നോട്ടം നേരിടാനാവാതെ ദേവു നാണിച്ചു തിരിഞ്ഞു കിടന്നു.

ആദിയുടെ ചുടുനിശ്വാസത്തിനൊപ്പം അവന്റെ ചുണ്ടുകളും അവളുടെ പിൻകഴുത്തിലെ മറുകിൽ പതിഞ്ഞു. ഒന്ന് പുളഞ്ഞു കൊണ്ട് ദേവു തിരിഞ്ഞ് ആദിയെ നോക്കി. ഒരു കള്ളച്ചിരിയോടെ ആദിയുടെ മുഖം ദേവുവിന്റെ ചുണ്ടിന് മുകളിലുള്ള കാക്കപുള്ളിയിൽ പതിഞ്ഞു. പതിയെ ചുണ്ടുകൾ തമ്മിൽ കോർത്തു. അപ്പോഴേല്ലാം ആദിയുടെ കൈ അവളുടെ ശരീരത്തിൽ ആകെ പരത്തി നടന്നു. ദേവു അവനെ തന്നിലേക്ക് കൂടുതൽ ചേർത്ത് പിടിച്ചു. അവരുടെ ആദ്യസംഗമത്തിന് സാക്ഷ്യം വാഹിക്കാൻ കഴിയാതെ മെഴുകുതിരി നാളങ്ങൾ നാണിച്ചു നിന്നു. അപ്പോൾ വീശിയടിച്ച കാറ്റിനൊപ്പം ആ മുറിയിലെ പ്രകാശം അണയുമ്പോഴും ദേവുവും ആദിയും അവരുടെ ജീവിതത്തിലെ പുതുവർണ്ണങ്ങൾ തേടുകയായിരുന്നു അപ്പോൾ......💞...................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...