💞ഹൃദയത്തിൽ ഒരിടം💞: ഭാഗം 19

എഴുത്തുകാരി: മിന്നു 

ആദിക്കും ദേവുവിനും ബാങ്കിൽ നല്ല തിരക്കാണ് ഇനി കുറച്ചു ദിവസം അടുപ്പിച്ച് ബാങ്ക് അവധി ദിവസങ്ങൾ ആണ്. അതുകൊണ്ട് ബാങ്കിൽ നിന്ന് തിരിയാൻ സമയമില്ല. ഉച്ചയ്ക്ക് അവർ രണ്ടാളും കഴിക്കാൻ ചെല്ലുമ്പോഴേക്കും ഏറെ വൈകിയിരുന്നു. വേഗം ഫുഡും കഴിച്ച് വീണ്ടും രണ്ടാളും ജോലികളിലേക്ക് തിരിഞ്ഞു. ദേവു അത്യാവശ്യമായി ഒരു ഫയലും കൊണ്ട് ആദിയുടെ കാമ്പിനിലേക്ക് പോകുമ്പോഴാണ് അവൾക്ക് vomiting tendency ഉണ്ടായത്. കാബിനിന്റെ മുന്നിൽ എത്തിയ ദേവു Wash room ലേക്ക് ഒരു ഓട്ടമായിരുന്നു. ഫയലും കൊണ്ട് വന്ന ദേവു Washroom ലേക്ക് ഓടുന്നത് കണ്ടിട്ടാണ് ആദി സീറ്റിൽ നിന്നും എണീറ്റത്. " എന്താ പറ്റിയത് അവൾക്ക്".

അപ്പോഴേക്കും ദേവു തിരിച്ചു വന്നു. മുഖം ഒക്കെ എന്തോ പോലെ ഉണ്ട്. "എന്താ ദേവൂ, എന്താ പറ്റിയത്........" "അത് ആദിയേട്ടാ........" ദേവു ആദിയോട് മറുപടി പറയുന്നതിന് ഇടയ്ക്ക് തല തടവുന്നുണ്ടായിരുന്നു. പെട്ടെന്ന് ദേവു നിലത്തേക്ക് ഊർന്നുവീണു. ആദി അടുത്ത് തന്നെ ഉണ്ടായിരുന്നത് കൊണ്ട് അവന്റെ കൈയിലേക്കാണ് അവൾ ബോധം കെട്ടു വീണത്. "അയ്യോ ദേവൂ........ എന്ത് പറ്റി.....കണ്ണ് തുറക്ക് ദേവൂ....". ആദി ദേവുവിന്റെ മുഖത്ത് തട്ടി വിളിച്ചു. അപ്പോഴേക്കും ആരോ വെള്ളം കൊണ്ട് വന്ന് മുഖത്ത് തളിച്ചു. വെള്ളം തളിച്ചപ്പോൾ ദേവു പതിയെ കണ്ണ് തുറന്നു. ആദി അവളെ കോരിയെടുത്ത് അടുത്തുള്ള കസേരയിലേക്ക് ഇരുത്തി. staff ഉം customers ഉം ഒക്കെ സംഭവം കണ്ട് അവർക്ക് ചുറ്റും കൂട്ടിയിട്ടുണ്ട്.

" എന്താ ദേവു... എന്താ ഉണ്ടായേ...." ആദിയുടെ വാക്കുകളിൽ അവന്റെ ആശങ്ക പ്രകടമായിരുന്നു." "അറിയില്ല ആദിയേട്ടാ..... ഫയലും കൊണ്ടുവരുമ്പോൾ ഛർദ്ദിക്കാൻ മുട്ടുന്നത് പോലെ തോന്നി. അതാ Wash room ലേക്ക് ഓടിയത്. vomit ചെയ്തപ്പോൾ എന്തോ തല കറങ്ങുന്നത് പോലെ തോന്നി " അപ്പോഴേക്കും പലരിൽ നിന്നും പല അഭിപ്രായങ്ങളും ഉയർന്നു ചിലർ ദേവുവിന്റെ വീട്ടിൽ അറിയിക്കാൻ പറഞ്ഞു. ചിലർ എത്രയും പെട്ടെന്ന് ഹോസ്പിറ്റൽ കൊണ്ടുപോകാനും. ആദി അവളുടെ ഭർത്താവ് ആണെന്ന് പറഞ്ഞപ്പോൾ എത്രയും പെട്ടെന്ന് ഹോസ്പിറ്റലിൽ പോകാനാണ് എല്ലാവരും പറഞ്ഞത്. കസ്റ്റമേർസ് നെ ഒരുവിധം മാറ്റി നിർത്തി ആദി ദേവുവിനെയും കൊണ്ട് ഹോസ്പിറ്റലിലേക്ക് പോകാൻ നോക്കി.

കാമ്പിനിൽ നിന്നും ബാഗ് എടുത്തു വരുമ്പോൾ കൂടെ വർക്ക് ചെയ്യുന്ന ചേച്ചിമാർ ഒക്കെ ദേവുവിന്റെ ചുറ്റും കൂടിയിയുണ്ട് ഹോസ്പിറ്റലിൽ പോകാൻ വണ്ടി വിളിച്ചിട്ടുണ്ടെന്ന് ആരോ വന്ന് പറഞ്ഞു. ആദി ദേവുവിനെയും കൂടി പോകാനൊരുങ്ങുമ്പോൾ കൂടെ ജോലി ചെയ്യുന്നു അമ്പിളിചേച്ചി പറഞ്ഞു : " ആദി സാറേ.... സന്തോഷവാർത്ത ആണെങ്കിൽ ചിലവുണ്ടേ..." അത് കേട്ടപ്പോൾ അത്രയും നേരം ആശങ്കയോടെ നിന്ന ആദിയുടെ മുഖത്ത് പലതരം ഭാവങ്ങൾ മിന്നിമറഞ്ഞു മറഞ്ഞു. അവൻ ദേവുവിനെ നോക്കിയപ്പോൾ അവൾ നാണിച്ചു തല താഴ്ത്തി നിൽക്കുവാണ്. ചുറ്റുമുള്ള എല്ലാവരുടെ മുഖത്തും അമ്പിളി ചേച്ചിയുടെ അതേ ഭാവങ്ങൾ. അറിയാതെ തന്നെ ആദിയുടെ മുഖത്ത് പുഞ്ചിരി വിരിഞ്ഞു.

അവൻ ദേവുവിനെ ഒന്ന് കൂടി ചേർത്തുപിടിച്ച് അഭിമാനത്തോടെ ഹോസ്പിറ്റലിലേക്ക് പോയി....  വരാന്തയിൽ ഉണ്ണിക്കുട്ടനെയും കളിപ്പിച്ച് ഇരിക്കുകയായിരുന്നു അപ്പച്ചി. അടുത്തുതന്നെ സുമചേച്ചിയും നിഖിലേട്ടനും ഉണ്ട്. അപ്പോഴാണ് സന്തോഷത്തോടെ ചെറിയച്ഛൻ അങ്ങോട്ടേക്ക് വന്നത്. " ശാരദേ........നീയറിഞ്ഞോ നമ്മുടെ ദേവുവിന് വിശേഷമുണ്ട് അത്രേ......" "ങേ......സത്യമാണോ?? നിങ്ങളോട് ആരാ പറഞ്ഞത്????" " ഞാൻ കവലയിൽ നിന്നും അറിഞ്ഞതാ.. ആ സുധി പറഞ്ഞതാ, ദേവു ഇന്ന് ബാങ്കിൽ തലകറങ്ങി വീണു. ആദി അവളെയും കൊണ്ട് ഹോസ്പിറ്റലിൽ പോയിരിക്കുകയാണ്. സംഭവം നടക്കുമ്പോൾ സുധി അവിടെ ഉണ്ടായിരുന്നു"

"ഓഹോ..... എന്തായാലും നന്നായി കല്യാണം കഴിഞ്ഞിട്ട് എത്ര നാളായി... ഇപ്പോഴെങ്കിലും അവർക്ക് ഇത് തോന്നിയല്ലോ..." അപ്പച്ചി സന്തോഷത്തോടെ പറഞ്ഞു. അപ്പോഴാണ് ഹിമയും കിച്ചുവും അങ്ങോട്ടേക്ക് വന്നത്. " എന്താ ഇവിടെ ഒരു ചിരിയും കളിയും??? " കിച്ചു ചോദിച്ചു. "ഡാ.....കിച്ചു നീ അറിഞ്ഞോ ....നമ്മുടെ ആദി പണി പറ്റിച്ചൂന്ന്.... അതും പറഞ് നിഖിലേട്ടൻ ചിരിക്കാൻ തുടങ്ങി. " എന്താ ഇത്ര ചിരിക്കാൻ??? നിൻറെ കയ്യിലും ഉണ്ടല്ലോ ഒന്ന്...." അപ്പച്ചിയുടെ മറുപടി കേട്ടപ്പോൾ നിഖിലേട്ടൻ വായും പൂട്ടിയിരുന്നു. അപ്പോഴും കിച്ചുവിന് കാര്യം മനസ്സിലായില്ല. അവൻ ഹിമയെ നോക്കിയപ്പോൾ അവൾ വയറ്റിൽ തൊട്ടു കാണിച്ചു. "എന്താ വയറുവേദന ആണോ ആദിക്ക്......"

"അയ്യോ എന്റെ കിച്ചു ഏട്ടാ.... ചേട്ടൻ പറഞ്ഞത് ദേവുചേച്ചിക്ക് വിശേഷം ഉണ്ടെന്നാണ്" " എന്ത് വിശേഷം ?? രാവിലെ കണ്ടപ്പോൾ ദേവു ഒന്നും പറഞ്ഞില്ലല്ലോ🤔" "ഓഹ് ഇങ്ങനെ ഒരു മണ്ടനെയാണല്ലോ തനിക്ക് കിട്ടിയത് എന്നോർത്ത് ഹിമ തലയിൽ കൈ വച്ചു. "ഹോ എന്റെ മോനേ കല്യാണം കഴിഞ്ഞാലെങ്കില്ലും നിനക്ക് ഇത്തിരി ബോധം വരുമെന്ന് കരുതിയതാ ആ പ്രതീക്ഷയും പോയി. ദേവു ഗർഭിണി ആണെന്നാ ഹിമ പറഞ്ഞത്. അത് പോലും മനസ്സിലാവാത്ത ഒരു മണ്ടൻ🙏" "ഏ.... ആണോ എന്നിട്ട് ആദി ഒന്നും പറഞ്ഞില്ലല്ലോ കള്ളൻ..." "ഹോ... അതിന് അവര് ഇപ്പോഴാ അറിഞ്ഞിട്ടുണ്ടാവുക. ദേവു ഇന്ന് ബാങ്കിൽ തലകറങ്ങി വീണു. അപ്പോഴാണ് അറിഞ്ഞത്." "ആഹാ....എന്നിട്ട് എവിടെ രണ്ടു പേരും..."

"അവര് ഹോസ്പിറ്റലിൽ പോയിരിക്കുകയാണ് ഇപ്പോൾ വരും. ഞാൻ വരുന്ന വഴി കവലയിൽ നിന്നും ന്യൂസ് അറിഞ്ഞതാണ്...." അപ്പോഴാണ് ഓട്ടോറിക്ഷയിൽ ദേവുവും ആദിയും അങ്ങോട്ടേക്ക് വന്നത്. ആദി ഇറങ്ങി വന്ന ഉടനെ കിച്ചു അവനെ കെട്ടിപ്പിടിച്ചു "congrats man......😎" കിച്ചു ദേവുവിനെ നോക്കി ഒന്ന് ചിരിച്ചിട്ട് ആദിയുടെ ചെവിയിൽ പറഞ്ഞു "പൊളിച്ചു മോനേ.... അങ്ങനെ നീ നിന്റെ കഴിവ് തെളിയിച്ചു...". അത് കേട്ടതും ആദി "നീ പോടാ..." ന്നും പറഞ്ഞ് കിച്ചുവിനെ തള്ളി മാറ്റി. അപ്പോഴാ കിച്ചു ശ്രദ്ധിച്ചത് ആദിയുടെ കലിപ്പ് mode ഓൺ ആണ്. ദേവുവിന്റെ മുഖവും കടന്നല് കുത്തിയത് പോലെ ഉണ്ട്. അപ്പോഴേക്കും എല്ലാവരും അങ്ങോട്ട് വന്നു. " ആദി മോനേ ഞങ്ങൾ അറിഞ്ഞു എല്ലാം...

എന്തായാലും നിങ്ങൾക്ക് ഇപ്പോഴെങ്കിലും തോന്നിയല്ലോ നന്നായി" " എന്ത് അറിഞ്ഞുന്നാ ചേച്ചി ഈ പറയുന്നേ??" "ദേവുവിന് വിശേഷം ഉള്ള കാര്യം ഞങ്ങൾ അറിഞ്ഞു... അവൾ ഇന്ന് ബാങ്ക് ബാങ്കിൽ തല കറങ്ങി വീണു അല്ലേ..കവലയിൽ വച്ച് നമ്മുടെ സുധി പറഞ്ഞു." "ഓഹ്....... അപ്പോ നാട്ടുകാര് മൊത്തം അറിഞ്ഞോ???" ആദി രൂക്ഷമായി ദേവുവിനെ നോക്കി... " എന്നെ നോക്കിയിട്ട് എന്താ??? ആദിയേട്ടൻ തന്നെയല്ലേ ഓരോന്ന് ഒപ്പിച്ച് വച്ചത്..." ആദിയും ദേവുവും തമ്മിലുള്ള സംസാരം കേട്ട് മറ്റുള്ളവർ ഒന്നും മനസ്സിലാകാതെ നിൽക്കുകയാണ്. " എന്താ നിങ്ങൾ ഈ പറയുന്നത് ഞങ്ങൾക്ക് ഒന്നും മനസ്സിലാവുന്നില്ല....?? " മനസ്സിലാക്കാൻ ഒന്നുമില്ല... ഇവൾക്ക് ഗർഭം ഒന്നുമില്ല...."

"അപ്പൊ പിന്നെ ദേവു തലചുറ്റി വീണതോ???" " അത് ഈ ആദിയേട്ടൻ കാരണമാണ്...." ദേവു പറഞ്ഞപ്പോൾ എല്ലാവരും ആദിയെ തന്നെ സൂക്ഷിച്ചു നോക്കി നിൽക്കുകയാണ്. ആദി മുഖം തിരിച്ചു നിൽക്കുകയാണ്. " എനിക്ക് വിശേഷമൊന്നുമില്ല അത് സത്യമാണ്, ഈ ആദിയേട്ടൻ യൂട്യൂബിൽ നോക്കി എന്തോ ഒരു സാധനം ഉണ്ടാക്കി തന്നിരുന്നു.അതാണ് ഞാൻ ഉച്ചയ്ക്ക് കഴിച്ചത്...." " അപ്പോ.....????" " അപ്പോ ഒന്നുമില്ല. ഫുഡ് പോയ്സൺ അത്ര തന്നെ" എല്ലാവരും ആദിയെ തുറിച്ചു നോക്കി. "ദേവൂ... നീ ഇങ്ങ് വന്നേ...." എന്നും പറഞ്ഞ് ആദി ദേവുവിനെയും കൂടി വീട്ടിലേക്ക് നടന്നു. പിന്നിൽ നിന്നും ഉയർന്ന പൊട്ടിച്ചിരി അവൻ മൈൻഡ് ചെയ്തില്ല. 

മുറിയിൽ എത്തിയ ഉടനെ ദേവു കട്ടിലിലേക്ക് വീണു. ആദി അവളെ തന്നെ നോക്കി. "സമയം തെറ്റി ഫുഡ് കഴിച്ചു ഒപ്പം ഞാൻ ഉണ്ടാക്കിയത് എന്തോ അവൾക്ക് പിടിച്ചില്ല അതാ ചർദ്ദിച്ചത്. പെട്ടെന്ന് പ്രഷർ കുറഞ്ഞത് കാരണം തലകറങ്ങി വീഴുകയും ചെയ്തു. പേടിക്കാനൊന്നുമില്ല നന്നായി വെള്ളം കുടിക്കാനും കറക്റ്റ് സമയത്ത് ഭക്ഷണം കഴിക്കാനുമാണ് ഡോക്ടർ പറഞ്ഞത്. എന്തൊക്കെയോ പ്രതീക്ഷിച്ചു പോയത് കൊണ്ടാവാം ഡോക്ടർ പറഞ്ഞതു കേട്ടപ്പോൾ ആശ്വാസത്തിന് പകരം സങ്കടമാണ് തോന്നിയത്. ദേവുവിന്റെ യും അവസ്ഥ അത് തന്നെയായിരുന്നു. ആദി ദേവുവിന്റെ അടുത്തേക്ക് പറ്റിചേർന്നു. കണ്ണടച്ചു കിടക്കുന്ന ദേവുവിന്റെ തലയിൽ തലോടി. "ദേവൂ.......നിനക്ക് വിഷമമുണ്ടോ........".

"കുറച്ച്......ഓഫീസിൽ നിന്നും ഇറങ്ങുമ്പോൾ എല്ലാവരും എന്തൊക്കെ ഉപദേശം തന്നതാ.... അതൊക്കെ കേട്ടപ്പോൾ ഞാനും കൊതിച്ചു പോയി. കലിപ്പിൽ എന്നെ നോക്കിയ മീരയുടെ നേരെ ഒരു ലോഡ് പുച്ഛം വാരിവിതറിയതാ ഞാൻ.. ഇനി അവളുടെ മുഖത്ത് ഞാൻ എങ്ങനെ നോക്കും........" "ഇതൊക്കെ എപ്പോ😲" "അതിനിടയിൽ ഇങ്ങനെ ഒക്കെ നടന്നു..." "സാരമില്ല ദേവൂ..... നീ ഒന്ന് സമ്മതിച്ചാൽ നമ്മുക്ക് ഇപ്പോ തന്നെ ട്രൈ ചെയ്തു നോക്കാം.. എന്താ...." "മോൻ അങ്ങോട്ട് കുറച്ചു മാറി കിടന്നേ.... എന്റെ വയറും ചീത്ത ആകിയിട്ട് വന്നിരിക്കുവാ ട്രൈ ചെയ്യാൻ...... ഹും..." "അത് ഒരു കൈ അബദ്ധം പറ്റിയതല്ലേ..." "നിങ്ങൾക്ക് അബദ്ധം വയ്യാതെ ആയത് എനിക്കാ.. മാറി കിടക്ക് അങ്ങോട്ട്..."

ദേവു ആദിയെ തള്ളി മാറ്റി. ആദി പിണങ്ങി കിടന്നപ്പോഴാ ദേവു ആദിയേട്ടാ.... ന്നും വിളിച്ചു കൊണ്ട് അവനെ തോണ്ടിയത്. "അപ്പോ ട്രൈ ചെയ്യാം അല്ലേ...." ന്നും പറഞ്ഞ് ആദി അവളെ കെട്ടിപ്പിടിക്കാൻ നോക്കിയപ്പോൾ ദേവു തടഞ്ഞു. "ഓ...... അതിനല്ല വിളിച്ചത്... ഒരു കാര്യം ചോദിക്കാനാ......" "ഹുംം...... എന്താ.....???" "അതേ..... നമ്മുക്ക് കുഞ്ഞുവാവ ഉണ്ടായാൽ നമ്മുക്ക് ചിന്നുവിനോടുള്ള ഇഷ്ടം കുറയുമോ?? എന്റെ അച്ഛന് എന്നോടുള്ള ഇഷ്ടം കുറഞ്ഞത് പോലെ..." ദേവുവിന്റെ ചോദ്യം കേട്ട് ആദി അവളെ തന്നെ മിഴിച്ചു നോക്കി. "എന്താ ഇപ്പോ ഇങ്ങനെ ഒരു സംശയം😕" "ആദിയേട്ടൻ ഉത്തരം പറയ്........" "ഒരിക്കലും ഇല്ല, ചിന്നു എന്റെ അനിയത്തിയാണ്.

നമ്മൾ അവളെ മകളെ പോലെ സ്നേഹിക്കുന്നുണ്ട് എന്നത് ശരിയാണ് എന്നാൽ ഒരിക്കലും അവൾക്ക് അല്ലാതെ മറ്റൊരാൾക്കും എന്റെ പെങ്ങളൂട്ടി ആവാൻ കഴിയില്ല. നമ്മുക്ക് മക്കൾ ഉണ്ടായാലും അവൾക്കുള്ള സ്നേഹം ഒരിക്കലും പങ്കിട്ടു പോവില്ല. നിന്റെ അച്ഛന് ആ പേടിയായിരുന്നു മക്കൾക്കുള്ള സ്നേഹവും സമ്പത്തും നിനക്കും കൂടി പങ്ക് വയ്ക്കേണ്ടി വരുമോ എന്ന്. നമ്മുടെ ചിന്നുവിന്റെ കാര്യത്തിൽ എനിക്ക് ആ പേടിയില്ല എന്റെ മനസ്സിൽ ചിന്നുവിന്റെ സ്ഥാനം ഒരിക്കലും മറ്റൊരാൾക്കും കിട്ടില്ല. നമ്മുടെ മക്കൾക്ക് നല്ല ഒരു ചിറ്റയായി നമ്മുടെ ചിന്നൂട്ടി ഉണ്ടാകും. സ്നേഹിക്കുന്നവർ തള്ളി പറഞ്ഞാലുള്ള വേദന അറിയുന്ന നിനക്ക് ഒരിക്കലും എന്റെ ചിന്നൂട്ടിയെ വേദനിപ്പിക്കാൻ ആവില്ല എന്ന് എനിക്ക് ഉറപ്പാണ്. അതുകൊണ്ട് എന്റെ പൊന്നുമോള് അതൊന്നും ആലോചിച്ചു ടെൻഷൻ ആവണ്ട😍...."

ആദി പറഞ്ഞത് ശരിയാണെന്ന് ദേവുവിനും തോന്നി. അവൾ ഒന്നുകൂടി ആദിയോട് ചേർന്നു കിടന്നപ്പോൾ ആദി അവളുടെ നെഞ്ചിലേക്ക് തല ചായ്ച്ചു. അപ്പോഴാ ഏടത്തിയമ്മേ...... ന്നും വിളിച്ചു കൊണ്ട് ചിന്നുവിന്റെ എൻട്രി. ദേവുവും ആദിയും കിടക്കുന്നത് കണ്ടപ്പോൾ ദേവുവിന്റെ വയറ്റിൽ ചുറ്റിപ്പിടിച്ചിരുന്ന ആദിയുടെ കൈ തട്ടി മാറ്റി ചിന്നു ദേവുവിന്റെ നെഞ്ചിലേക്ക് ചാഞ്ഞു. "ഏടത്തിയമ്മയ്ക്ക് സുഖമില്ലേ..." "ഒന്നൂല്ല ചെറിയ ഒരു വയറുവേദന.." ദേവു അവളുടെ തലയിൽ തലോടി കൊണ്ട് പറഞ്ഞു. "എന്നിട്ടാണോ ഏട്ടൻ ഏടത്തിയമ്മയെ ശല്യം ചെയ്യുന്നേ?? മാറി കിടക്ക് അങ്ങോട്ട്..." ചിന്നു ആദിയെ തള്ളി മാറ്റി. "ചിന്നു തള്ളാതെ....ഏട്ടൻ വീഴും...

നിനക്ക് ഏടത്തിയമ്മയുടെ അപ്പുറം കിടക്കരുതോ??" "വേണ്ട എനിക്ക് ഇവിടെ കിടക്കണം...." ചിന്നുവിന് അവരുടെ നടുവിൽ കിടക്കാൻ വേണ്ടി അവള് വീണ്ടും ആദിയെ തള്ളി. താഴെ വീഴുമെന്ന് തോന്നിയപ്പോൾ ആദി ഏണീറ്റ് തോർത്തും എടുത്ത് ബാത്ത്റൂമിലേക്ക് നടന്നു. "ഹും............ ചുമ്മാതല്ല കൊച്ചുങ്ങൾ ഉണ്ടാവാത്തത്, ഏടത്തിയമ്മയും മോളും കൂടി എന്നെ ഒന്ന് തൊടാൻ സമ്മതിക്കണ്ടേ... നോക്കി ഗർഭം ഉണ്ടാക്കാനൊന്നും എനിക്കറിയില്ല" ആദി പിറുപിറുത്തു. അത് കേട്ടപ്പോൾ ദേവുവിന് ചിരി വരുന്നുണ്ടായിരുന്നു അവൾ ചിന്നുവിനെ ഒന്നുകൂടി മുറുകെ ചേർത്തു പിടിച്ചു. ആദിയുടെ മുഖത്തും സന്തോഷമാണ് താൻ ആഗ്രഹിച്ചത്തിൽ കൂടുതലായി ദേവു ചിന്നുവിനെ സ്നേഹിക്കുന്നത് ഓർത്ത്❤️❤️❤️.............തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...