💞ഹൃദയത്തിൽ ഒരിടം💞: ഭാഗം 2

എഴുത്തുകാരി: മിന്നു 

ദേവുവിന്റെ കൈയും പിടിച്ച് ആദി വീട്ടിൽ എത്തുമ്പോഴേക്കും വിവരമറിഞ്ഞ് ചില നാട്ടുകാരും ബന്ധുക്കളും ഒക്കെ എത്തിയിരുന്നു. വീട്ടുമുറ്റത്ത് ആൾക്കാരെ കണ്ടപ്പോൾ ആദിയ്ക്ക് ദേഷ്യം ഇരിച്ചു കയറി. അതോടെ ദേവുവിന്റെ കൈയിലെ പിടി ഒന്നുകൂടി മുറുകി. ദേവുവിന് നന്നായി വേദനിച്ചെങ്കില്ലും ആദിയുടെ മുഖത്ത് നോക്കാൻ പോലും പേടി ആയിരുന്നു. അതുകൊണ്ട് ഒന്നും മിണ്ടാതെ അവൾ ആ വേദന സഹിച്ചു. അപ്പോഴാണ് ഏട്ടാ.......... ന്നുള്ള ഒരു കിളിനാദം കേട്ടത്. ദേഷ്യം കൊണ്ട് വലിഞ്ഞു മുറുകിയിരുന്ന ആദിയുടെ മുഖത്ത് ഒരു പുഞ്ചിരി വിരിഞ്ഞു. ആദിയുടെ മുഖത്ത് ആദ്യമായി ആണ് ദേവു പുഞ്ചിരി കാണുന്നത്. ചിരിക്കുമ്പോൾ ആദിസാറ് എന്ത് സുന്ദരനാണ്. ഒരു നിമിഷം ദേവുവിന്റെ കണ്ണുകൾ ആദിയുടെ മുഖത്ത് തറഞ്ഞു നിന്നു.

ദേവുവിന്റെ കൈയിലെ പിടി ആദി വിട്ടപ്പോഴാണ് അവൾ സ്വബോധത്തിലേക്ക് വന്നത്. ഒന്ന് ഞെട്ടി അവൾ ആദിയെ നോക്കി. അപ്പോഴേക്കും ചിന്നു ആദിയെ കെട്ടിപ്പിടിച്ചിരുന്നു. ആദി ചിന്നുവിനെ എടുത്തുയർത്തി. ആദിയുടെ കവിളിൽ പിടിച്ചു വലിച്ചു കൊണ്ട് ചിന്നു പറഞ്ഞു :"ഞാൻ ഏട്ടനോട് പിണക്കമാ....... പുറത്ത് കൊണ്ടുപോകാം ന്ന് പറഞ്ഞ് ഏട്ടൻ ചിന്നൂട്ടിയെ പറ്റിച്ചില്ലേ ചിന്നൂട്ടി ഏട്ടനോട് കൂട്ടില്ല" "അയ്യോ..... ഏട്ടന്റെ ചിന്നൂട്ടി പിണങ്ങിയോ???? ഏട്ടന്റെ മുത്തല്ലേ ചിന്നൂട്ടി പിണങ്ങിയാൽ ഏട്ടന് സങ്കടാവൂല്ലേ......."( ആദി സങ്കടം അഭിനയിച്ചു) "മ്മം.......ഏട്ടന് സങ്കടയോ സങ്കടപ്പെട്ടണ്ട ട്ടോ. ചിന്നൂട്ടി പിണങ്ങില്ല" (അതും പറഞ്ഞ് ചിന്നൂട്ടി ആദിയെ കെട്ടിപ്പിടിച്ചു ഒരുമ്മ കൊടുത്തു).

ഇതൊക്കെ കണ്ട് ദേവു ആകെ കിളി പോയി നിൽക്കുവാണ്. എന്നും ദേഷ്യപ്പെട്ട് മാത്രം കണ്ടിട്ടുള്ള ആദി സാറ് ഇതാ ചിരിക്കുന്നു, കൊഞ്ചുന്നു ഇനി ആളെങ്ങാനും മാറിയോ എന്ന് വരെ ദേവു ന് സംശയമായി. തന്റെ മുഖത്ത് തന്നെ നോക്കി നിൽക്കുന്ന ദേവുവിനെ നോക്കി അവൻ ഒന്ന് കണ്ണുരുട്ടി. "എന്താ ഇങ്ങനെ നോക്കുന്നത്????? ഇത് എന്റെ അനിയത്തി യാ...." "സാറിന്റെ അനിയത്തിയോ???? ഇത്ര ചെറുതോ😱😱" (ആദി സാറിന്റെ കൈയിൽ ഇരിക്കുന്ന അഞ്ച് വയസ്സുകാരി ചിന്നുവിനെ നോക്കി അവൾ അൽഭുതത്തോടെ ചോദിച്ചു) ദേവുവിന്റെ ചോദ്യം കേട്ടതും ആദി ദേഷ്യത്തോടെ മുഖം തിരിച്ചു. ദേവു പിന്നെ ഒന്നും ചോദിച്ചില്ല.

അല്ലേല്ലും ഈ കണ്ടാമൃഗത്തോട് ഞാൻ അല്ലാതെ വേറെ ആരെങ്കിലും ഈ മാതിരി ചോദ്യം ചോദിക്കുമോ?? ദേവു തലതാഴ്ത്തി നിന്നു. അപ്പോഴാ ചിന്നുവിന്റെ ചോദ്യം :"ഇതാരാ ഏട്ടാ...??" ഒരുനിമിഷം എന്ത് മറുപടി പറയണം എന്ന് അറിയാതെ ആദി നിന്ന് വിയർത്തു "പറയ്..... ഏട്ടാ..... ആരാ ഇത്??? ഏട്ടാ... ഇതെന്റെ അമ്മയാണോ?????" (ഒരു നിമിഷം ചിന്നുവിന്റെ ചോദ്യം ദേവുവിന്റെ ശരീരത്തിൽ ഒരു കുളിര് പടർത്തി. കണ്ണ് ചിമാതെ ദേവു ചിന്നുവിനെ നോക്കി.) അപ്പോൾ വീണ്ടും ചിന്നു ആ ചോദ്യം ചോദിച്ചു: "പറയ് എന്റെ അമ്മയാണോ" ദേവുവിന്റെ നെഞ്ചിൽ ഒരു പിടച്ചിൽ. അത് അങ്ങനെ ആണല്ലോ..... പേറ്റുനോവ് അറിഞ്ഞില്ലെങ്കില്ലും ഏതൊരു പെൺ ഉടലിലും ഒരു അമ്മ മനസ്സ് തുടിക്കുന്നുണ്ട്. ആദ്യമായി ഒരു കുഞ്ഞിളം ചുണ്ടിൽ നിന്നും അമ്മേ..... ന്നുള്ള വിളി കേൾക്കാൻ കൊതിക്കുന്ന ഒരു മനസ്സ് ഉണ്ട് ഓരോ പെണ്ണിന്റെ ഉള്ളിലും......

അതേസമയം ചിന്നുവിന്റെ ചോദ്യം ആദിയുടെ മനസ്സിൽ ഉണർത്തിയത് ഒരു നേർത്ത തേങ്ങലാണ്. അവന്റെ അമ്മയുടെ ഓർമ്മകൾ.... പിജി യ്ക്ക് പഠിക്കുമ്പോഴാണ് അമ്മയ്ക്ക് സുഖമില്ലാതെ ഹോസ്പിറ്റലിൽ ആണെന്ന ഫോൺ വന്നത്. ഓടിപിടഞ്ഞെത്തിയ ആദിയെ കാത്തിരുന്നത് ഒരു സന്തോഷവാർത്ത ആയിരുന്നു. തന്റെ അമ്മയുടെ വയറ്റിൽ ഒരു കുഞ്ഞുജീവൻ തുടിക്കുന്നുണ്ട് എന്ന സത്യം. കേട്ടപ്പോൾ തോന്നിയ സന്തോഷത്തിന് അതിരില്ലായിരുന്നു. ഏറെ നാളായി ഉള്ള മോഹമാണ് സ്വന്തമായി ഒരു കുഞ്ഞനിയത്തി വേണമെന്ന്. കൂട്ടുകാർ അനിയത്തിമാരെ കൂട്ടി നടക്കുന്നത് കണ്ടപ്പോൾ തോന്നിയ മോഹം. 😍

ആദ്യമൊക്കെ അച്ഛനും അമ്മയ്ക്കും ഭയങ്കര ചമ്മലായിരുന്നു. എന്റെ സന്തോഷം കണ്ടപ്പോൾ അതൊക്കെ മാറി. കളിയാക്കിയവരുടെ മുന്നിലൂടെ അമ്മയുടെ കൈയും പിടിച്ച് അഭിമാനത്തോടെ ഞാൻ നടന്നു. അന്നുമുതൽ വീട്ടിൽ ആകെ മാറ്റങ്ങൾ ആയിരുന്നു. അമ്മയ്ക്ക് റെസ്റ്റ് കൊടുത്ത് ഞാനും അച്ഛനും അടുക്കള ഭരണം ഏറ്റെടുത്തു. ഓരോ ദിവസവും വീർത്തു വരുന്ന അമ്മയുടെ വയർ എനിക്ക് അൽഭുതമായി. ഇതിനിടയിൽ കോഴ്‌സ് കഴിഞ്ഞു ഉടനെ തന്നെ ബാങ്കിൽ ജോലി ലഭിച്ചു. ഒരു ദിവസം ബാങ്കിൽ ഇരിക്കുമ്പോഴാണ് അമ്മയ്ക്ക് പെയിൻ തുടങ്ങി എന്ന് അപ്പച്ചി വിളിച്ചു പറഞ്ഞത്. ഓടി വന്ന ഞാൻ കണ്ടത് കുഞ്ഞിനെ ഏറ്റുവാങ്ങുന്ന അച്ഛനെയാണ്.

അച്ഛന്റെ അടുത്ത് ചെന്ന് ആ കുഞ്ഞിളം മുഖം ആദ്യമായി നോക്കി കണ്ടു. "നിന്റെ ആഗ്രഹം പോലെ അനിയത്തികുട്ടിയാ..." (അപ്പച്ചി പറഞ്ഞു). സന്തോഷത്തോടെ കുഞ്ഞിനെ ഏറ്റുവാങ്ങി നെറ്റിയിൽ ചുംബിച്ചു. എന്നാൽ സന്തോഷം അധികനേരം നീണ്ടു നിന്നില്ല. ലേബർറൂമിൽ നിന്ന് പുറത്തേക്ക് കൊണ്ടുവന്നത് വെള്ളപുതപ്പിച്ച അമ്മയുടെ ശരീരമാണ് അന്നുമുതൽ ചിന്നുവിന് അച്ഛനും അമ്മയും ഏട്ടനും ഒക്കെയായി മാറുകയായിരുന്നു ആദി. ചിന്നുവിനെ നോക്കാൻ വേണ്ടി അച്ഛൻ ജോലി രാജി വച്ചു. ഗൗരവക്കാരൻ ശങ്കരൻമാഷ് അങ്ങനെ ചിന്നുവിന്റെ കളിക്കൂട്ടുകാരൻ ആയി മാറി. എങ്കിലും അവൾക്ക് അടുപ്പകൂടുതൽ എന്നും അവളുടെ ആദിയേട്ടനോട് ആയിരുന്നു.

അപ്പച്ചി യും അപ്പച്ചിയുടെ മകന്റെ ഭാര്യ സുമേച്ചി യും ഉള്ളത് കൊണ്ട് ചിന്നുവിന്റെ എല്ലാ കാര്യങ്ങളും നല്ല രീതിയിൽ നോക്കാൻ കഴിഞ്ഞിരുന്നു. എന്നാൽ കഴിഞ്ഞ വർഷം സ്കൂളിൽ പോകാൻ തുടങ്ങിയപ്പോൾ മുതൽ ചിന്നൂട്ടി അമ്മയെ കുറിച്ച് അന്വേഷിക്കാൻ തുടങ്ങി. ആദ്യമൊക്കെ എന്ത് മറുപടി പറയണം എന്ന് അറിയില്ലായിരുന്നു. അവസാനം ഒരു ദിവസം "ദൈവത്തിന്റെ അടുത്ത് പോയതാണെന്നും ഒരിക്കൽ ഏട്ടൻ അമ്മയെ കൂട്ടികൊണ്ട് വരും എന്ന് പറഞ്ഞു. പിന്നീട് ചിന്നു അമ്മയെ കുറിച്ച് അധികം ഒന്നും ചോദിച്ചിട്ടില്ല. പക്ഷേ ഇന്ന്...........😔😔😔 മറുപടി ഒന്നും കാണാഞ്ഞിട്ട് ആകണം ആദിയെ കുലുക്കി വിളിച്ച് ചിന്നു ചോദിച്ചു :"പറയ്...ഏട്ടാ.... ഇത് എന്റെ അമ്മയാണോ?????" ആദിയുടെ കണ്ണുകൾ ദേവുവിൽ തങ്ങിനിന്നു. അത് കണ്ട് അപ്പച്ചി പറഞ്ഞു :"അതേ ചിന്നൂട്ടി.... ഇത് ചിന്നൂ ന്റെ അമ്മയാ.... പക്ഷേ വെറും അമ്മയല്ലട്ടോ...... മോളുടെ ഏട്ടത്തിയമ്മ💞💞💞"

ചിന്നുവിന്റെ മുഖം സന്തോഷം കൊണ്ട് തിളങ്ങി "ശരിയാണോ ഏട്ടാ.... ഇതെന്റെ ഏടത്തിയമ്മ ആണോ???" "മ്മംംംം....." ആദി ഒന്ന് മൂളി. അതോടെ സന്തോഷത്തോടെ ഏടത്തിയമ്മേ.... ന്ന് വിളിച്ച് ദേവുവിന്റെ നേരേ ചിന്നു ആഞ്ഞു. ചിന്നുവിനെ എടുക്കാൻ ദേവു കൈനീട്ടിയെങ്കില്ലും ആദി ചിന്നുവിനെ കൊടുത്തില്ല. അത് കണ്ട് സങ്കടത്തോടെ ദേവു തല താഴ്ത്തി നിന്നു. അപ്പോഴാണ് ശങ്കരൻമാഷ് അങ്ങോട്ടേക്ക് വന്നത്. "ശാരദേ.... ഈ കുട്ടിയെ താൽക്കാലത്തേക്ക് ഇന്ന് നിന്റെ കൂടെ നിർത്താം. പെട്ടെന്ന് ഒറ്റയ്ക്ക് ആയത് അല്ലേ.... ഇന്ന് അവൾ നിന്റെ കൂടെ കിടക്കട്ടെ.. നാളത്തെ ചടങ്ങ് കഴിഞ്ഞിട്ട് വീട്ടിലേക്ക് കൂടാം അതാ നല്ലത്. എന്താ നിന്റെ അഭിപ്രായം???"

"എല്ലാം ഏട്ടൻ പറഞ്ഞത് പോലെ" ശാരദ ദേവുവിനെയും കൂടി വീട്ടിലേക്ക് നടന്നു. ശങ്കരന്റെ വീട്ടിന്റെ തൊട്ടു അടുത്താണ് പെങ്ങൾ ശാരദയുടെയും വീട്. ദേവുവിനെയും കൊണ്ട് ശാരദ വീട്ടിലേക്ക് പോയതും ആദി ചിന്നുവിനെയും എടുത്ത് മുറിയിലേക്ക് ചെന്നു. അവന്റെ മനസ്സ് ആകെ കലുഷിതമായിരുന്നു. ചിന്നുവിനെയും കൊണ്ട് മുറിയിൽ എത്തിയ ആദിയുടെ പിന്നാലെ ഉറ്റസുഹൃത്ത് മിഥുനും റൂമിലേക്ക് കയറി. "എന്താടാ ആദി..... എന്തൊക്കെയാ ഇവിടെ സംഭവിക്കുന്നേ???" (മിഥു ന് മറുപടി കൊടുക്കുന്നതിന് പകരം ആദി ചിന്നുവിനോട് പുറത്ത് പോയി കളിക്കാൻ പറഞ്ഞു. ചിന്നു പോയതിന് ശേഷമാണ് ആദി നടന്ന സംഭവങ്ങൾ ഒക്കെ മിഥൂ ന് വിശദീകരിച്ച് കൊടുത്തത്.

എല്ലാം കേട്ടു കഴിഞ്ഞപ്പോൾ തലയ്ക്ക് കൈയും കൊടുത്ത് മിഥു കട്ടിലിൽ ഇരുന്നു. "എന്നാലും എന്റെ ദേവ്യേ.... നമ്മളോക്കെ പിന്നാലെ നടന്നിട്ട് പോലും ഒരുത്തി സെറ്റ് ആവുന്നില്ല. അപ്പോഴാ വഴിയെ പോകുന്നവനെ ഒക്കെ പിടിച്ച് കെട്ടിക്കുന്നേ... എന്താ ഈ ലോകം ഇങ്ങനെ" "ഡാ.... മനുഷ്യൻ ഇവിടെ മൂട്ടിൽ തീ പിടിച്ചു നിൽക്കുമ്പോഴാ അവന്റെ ഒരു ഊള കോമഡി😬" ആദി ദേഷ്യത്തോടെ പല്ലിറുമ്മി. അത് കണ്ടതോടെ മിഥു കട്ടിലിൽ നിന്നും ചാടി എണീറ്റ് ആദിയുടെ തോളിൽ കൈയിട്ട് അവന്റെ പുറത്ത് തട്ടി കൊണ്ട് പറഞ്ഞു "അല്ല അളിയാ..... നീ എന്തിനാ ഇത്ര ദേഷ്യപ്പെട്ടുന്നേ.... ഒന്നുമില്ലേലും നീ അവളെ സ്നേഹിച്ചത് അല്ലേ???

അവളെ ആദ്യം കണ്ട ദിവസം ഈ എന്റെ മുന്നിൽ വന്നാ നീ തുള്ളിച്ചാടിയത് എന്ന് മറക്കരുത്" "എടാ.. അത് ആദ്യം കണ്ട ദിവസത്തെ കാര്യം. അത് കഴിഞ്ഞ് അവൾക്ക് മറ്റൂള്ളവരോടുള്ള അവളുടെ പെരുമാറ്റത്തെ കുറിച്ചും ഞാൻ നിന്നോട് പറഞ്ഞിട്ടില്ലേ???" "ഡാ അതിന് അവൾക്ക് എന്താ കുഴപ്പം" "ഡാ മരപ്പട്ടി , ഞാൻ പറഞ്ഞതൊക്കെ നീ മറന്നോ? ബാങ്കിൽ ഞങ്ങൾ എല്ലാവരും ഒരു കുടുംബം പോലെയാണ്. എല്ലാവരും പരസ്പരം എല്ലാം ഷെയർ ചെയ്യും. എന്നാൽ അവൾ മാത്രം ആരോടും മിണ്ടില്ല. ആരേലും എന്തെങ്കിലും ചോദിച്ചാൽ മുഖത്ത് നോക്കത്തെ ഉള്ള മറുപടി. ഒന്നുലേല്ലും അവൾ ഓഫീസിൽ വന്ന് രണ്ടാഴ്ചയായി. അവളുടെ വീട് എവിടെയാണെന്ന് പോലും ഞങ്ങൾക്ക് ആർക്കും അറിയില്ല.

ഒരു മനുഷ്യപറ്റ് ഇല്ലാത്ത സാധനമാ" "ഡാ ഇതൊക്കെ ഒരു പ്രശ്നമാണോ??? അവൾ ഇപ്പോ ഓഫീഷ്യലി നിന്റെ ഭാര്യ അല്ലേ... ഇതൊക്കെ നിനക്ക് ചോദിച്ചു മനസ്സിലാക്കാവുന്നതേ ഉള്ളൂ.." "തൂ........ ഭാര്യ😏😏. എടാ നിനക്ക് അറിയാവുന്നത് അല്ലേ ഇവിടുത്തെ കാര്യങ്ങൾ ഒക്കെ. എന്റെ ഭാര്യ ആയി വരുന്നവൾ ഈ വീട്ടിലെ ഗൃഹനാഥ കൂടിയാണ്. ഈ വീട്ടിലെ കാര്യങ്ങൾ ഒക്കെ കൃത്യമായി നോക്കുന്ന ഒരുവൾ ആകണം. എന്റെ അച്ഛന് നല്ല ഒരു മകളായി... എന്റെ ചിന്നൂട്ടിക്ക് നല്ലൊരു അമ്മയായി.... അങ്ങനെ എന്റെ ജീവന്റെ പാതി ആയി മാറണം💞💞💞💞 ഇവളെ കൊണ്ട് അതൊക്കെ പറ്റുമോ ഡാ" "ഡാ സാഹചര്യത്തിന് അനുസരിച്ച് മാറാനുള്ള കഴിവ് ഈശ്വരൻ പെണ്ണിന് കൊടുത്തിട്ടുണ്ട്.

നീ പറഞ്ഞതൊക്കെ പെട്ടെന്ന് അവൾക്ക് പറ്റണം എന്നില്ല. എന്നാൽ പതിയെ അവൾക്ക് മാറാൻ കഴിയും. അതിന് പക്ഷേ നിന്റെ സപ്പോർട്ടും കൂടി വേണം. അതായത് ഈ കടിച്ചു കീറാൻ പോകുന്ന സ്വഭാവവും കൊണ്ട് അവളുടെ അടുത്തേക്ക് ചെല്ലരുതെന്ന്. മനസ്സിലായോ???" "ഓ...... കടിച്ചു കീറാൻ വരുന്ന സ്വഭാവം ആരുടേതാണെന്ന് ഇന്ന് പോലീസ് സ്റ്റേഷനിൽ വച്ച് ഞാൻ കണ്ടു. എന്തടിയാ അവളെ അവളുടെ അച്ഛൻ തല്ലിയത് എന്നോ😣😣" "എന്താ മോനേ.. ഒരു സോഫ്റ്റ്കോർണർ??? അവളെ അച്ഛൻ തല്ലിയപ്പോൾ നിനക്ക് നോന്തോ" (ആദിയുടെ കവിളിൽ തട്ടി കൊണ്ട് മിഥു ചോദിച്ചു. ഉടനെ മിഥുവിന്റെ കൈ തട്ടിമാറ്റി കൊണ്ട് ആദി പറഞ്ഞു. "ഒന്നു പോടാ....

ഒരു സോഫ്റ്റ്കോണറുമില്ല. ആ സ്വഭാവം തന്നെ ആയിരിക്കുമല്ലോ അവൾക്കും. അത് എങ്ങാനും അവൾ എന്റെ ചിന്നൂട്ടിയോട് എടുക്കുമോ എന്നാ എന്റെ പേടി........" "ഒന്ന് ചുമ്മാതിരി ആദി...... അത്രയ്ക്ക് ദുഷ്ട ഒന്നും അല്ല അവള് . കണ്ടാൽ അറിയില്ലേ... മാത്രവുമല്ല ചിന്നു ഏടത്തിയമ്മേ..... ന്ന് വിളിച്ചപ്പോൾ അവളുടെ മുഖത്തെ സന്തോഷം നീ കണ്ടതല്ലേ.... ചിന്നുവിനെ എടുക്കാൻ കൈ നീട്ടിയപ്പോൾ നീ അല്ലേ കൊടുക്കാഞ്ഞത്" "അത് പേടിച്ചിട്ട് ആടാ.... SI പറഞ്ഞത് പോലെ അവൾ എന്നെങ്കിലും എന്നെ വിട്ടു പോയാലോ??? ചിന്നുവിനോട് അടുത്തതിന് ശേഷമാണ് അവളെ എന്നെ പിരിയുന്നതെങ്കിൽ...... എന്റെ ചിന്നുവിനെ കൂടി എന്തിനാ വിഷമിപ്പിക്കുന്നേ.... അതാ ഞാൻ......" "ഓഹോ😂😂😂

അപ്പോ അവള് നിന്നെ വിട്ടിട് പോകുമോ എന്ന പേടി ഉണ്ടല്ലേ നിനക്ക്.... കൊച്ചുഗള്ളാ........" "എന്തൊക്കെ പറഞ്ഞാലും ഞാൻ ഒരു ഭർത്തവല്ലേ ഡാ.... എന്റെ പെണ്ണ് എന്നെ വിട്ടിട് പോകുമോ എന്ന പേടി ഇല്ലാതിരിക്കുമോ" "മ്മംംം...........നടക്കട്ടെ നടക്കട്ടെ..." "നീ ഒന്നു പോയേ.... എനിക്ക് ഉറക്കം വരുന്നു" "ആ...... ഇന്ന് കൂടി സമാധനത്തിൽ ഉറങ്ങിക്കോ നാളെ നിന്റെ കല്യാണമാണെന്ന് മറക്കണ്ട. എന്തായാലും ആ കാവിൽ നാളെ ഞാനും വരുന്നുണ്ട്. ഇടിയും മിന്നലും പേടിയുള്ള ഒരുത്തിയെ എനിക്കും കിട്ടിയാലോ" ഡാ..... ന്ന് വിളിച്ച് ആദി പിറകെ ഓടിയപ്പോഴെകും മിഥു ജീവനും കൊണ്ട് പാഞ്ഞു.

അന്ന് ചിന്നുവിനെയും കെട്ടിപ്പിടിച്ച് ഉറക്കത്തിലേക്ക് വഴുതി വീഴുമ്പോഴും ആദിയുടെ ചുണ്ടിൽ ഒരു പുഞ്ചിരി ഉണ്ടായിരുന്നു. അതേസമയം മുറിയിൽ ഒറ്റയ്ക്ക് ആയത് മുതൽ ദേവുവിന്റെ ചിന്തകൾ വീട്ടിൽ ഉള്ളവരെ പറ്റി ആയിരുന്നു. അമ്മ കരഞ്ഞു തളർന്ന് ഇരിക്കുന്നുണ്ടാകും. അമ്മയുടെ അരികിൽ കണ്ണനും മാളുവും ഉണ്ടാകും. അവർക്ക് എന്നോട് ദേഷ്യമായിരുക്കുമോ???അച്ഛൻ ദേഷ്യത്തിൽ ആയിരിക്കുമോ??? അതോ സന്തോഷം ആയിരിക്കുമോ പണ്ട് മുതൽക്കേ ഞാൻ അവിടെ നിൽക്കുന്നത് അച്ഛന് ഇഷ്ടമല്ല. കാരണം ഞാൻ ആ അച്ഛന്റെ മകൾ അല്ല. എന്റെ അച്ഛനും അമ്മയും ഒളിച്ചോടി വിവാഹം ചെയ്തവരാണ്. ആരും തേടി വരാതിരിക്കാൻ ദൂരേക്ക് പോയവർ.

പരസ്പര സ്നേഹം മാത്രം കൈമുതലാക്കി അവർ ജീവിച്ചു. ഇതിനിടയിൽ ഞാൻ ജനിച്ചു. സന്തോഷത്തോടെ ജീവിച്ച ഞങ്ങൾക്ക് ഇടയിൽ വിധി വില്ലനായി. ഒരു ആക്സിഡന്റിൽ അച്ഛൻ........ അതിനു ശേഷം അമ്മയെ വിവാഹം ചെയ്യ്ത ആളാണ് ഇപ്പോഴത്തെ എന്റെ അച്ഛൻ. ആദ്യമൊക്കെ അച്ഛന് എന്നോട് സ്നേഹമായിരുന്നു. പിന്നീട് കണ്ണനും മാളുവും ജനിച്ചതിന് ശേഷം അച്ഛന് ഞാൻ ആ വീട്ടിൽ അധികപറ്റായി മാറി. എന്നോട് എപ്പോഴും പക്ഷഭേദം കാണിക്കുന്നത് കണ്ട് ഒരു ദിവസം ഞാൻ പൊട്ടിത്തെറിച്ചു. "ഞാൻ നിങ്ങളുടെ മകൾ അല്ലേ..." ന്ന് ചോദിച്ചപ്പോഴാണ് അച്ഛൻ ഈ സത്യങ്ങൾ ഒക്കെ പറഞ്ഞത്.

തല താഴ്ത്തി നിന്ന് കരയുന്ന അമ്മയുടെ മുഖം അച്ഛൻ പറഞ്ഞതൊക്കെ സത്യമാണെന്ന് എനിക്ക് മനസ്സിലാക്കി തന്നു. പീന്നീട് സ്വയം ഞാൻ ഒതുങ്ങി കൂടുകയായിരുന്നു. സ്വന്തം കാലിൽ നിന്ന് പഠിച്ചു. ജോലി കിട്ടിയപ്പോൾ കുറച്ചു ആശ്വാസമായി. എന്നാൽ അപ്പോഴും ആരോടും കൂട്ടുകൂടിയില്ല. പേടി ആയിരുന്നു സ്വന്തമെന്ന് കരുതിയതൊക്കെ ഒറ്റ നിമിഷം നഷ്ടപ്പെട്ടു പോയവളുടെ പേടി. എന്നാൽ ജീവിതം തന്നെ വീണ്ടും പരീക്ഷിക്കുകയാണല്ലോ അതും ആദി സാറിന്റെ രുപത്തിൽ.... "ഏടത്തിയമ്മേ..... ന്നുള്ള ചിന്നുവിന്റെ വിളി കേട്ടപ്പോൾ കോരിയെടുത്ത് ഉമ്മകൾ കൊണ്ട് പൊതിയാൻ മനസ്സ് തുടച്ചതാണ് എന്നാൽ ആദിസാറ് ചിന്നുവിനെ ഒന്ന് എടുക്കാൻ പോലും തന്നില്ല.

എന്നോട് എത്ര ദേഷ്യം കാണിച്ചാല്ലും സാരമില്ല. ഇറക്കി വിട്ടാതിരുന്നാൽ മതി. സ്വന്തമെന്ന് പറയാൻ എനിക്ക് ഇനി സാറ് മാത്രമേ ഉള്ളൂ. ഭാര്യ എന്ന പരിഗണന തന്നില്ലെങ്കില്ലും സാരമില്ല ഒരു വേലക്കാരിയെ പോലെ ചിന്നുവിനെയും നോക്കി ഇവിടെ കഴിയാൻ സമ്മതിച്ചാൽ മതിയായിരുന്നു. അന്ന് രാത്രി മുഴുവൻ ഉറക്കമില്ലാത്തെ ദേവു ഓരോന്ന് ചിന്തിച്ചുകൊണ്ടിരുന്നു.  ആദീ.....ആദീ.. എഴുന്നേൽക്ക്.... (രാവിലെ തന്നെ അച്ഛന്റെ വിളി കേട്ടാണ് ആദി എണീറ്റത്. ചെന്നു വാതിൽ തുറക്കുമ്പോൾ കൈ നിറയെ കവർ പിടിച്ചു നിൽക്കുവാണ് അച്ഛൻ) "എന്താ... അച്ഛാ രാവിലെ തന്നെ കവർ ഒക്കെയായി" (കോട്ടുവാ ഇടു കൊണ്ട് ആദി ചോദിച്ചു. അത് കണ്ട് ശങ്കരൻ മാഷിന് ദേഷ്യം ഇരിച്ചു കയറി.😠) "എടാ പൊട്ടാ ഇന്ന് നിന്റെ കല്യാണമാണെന്ന് ഉള്ള വല്ല ബോധമുണ്ടോ നിനക്ക്.... പോയി കുളിക്കെട്ടാ........"

അച്ഛൻ നീട്ടിയ കവറും വാങ്ങി ബാത്ത്റൂമിലേക്ക് ഒറ്റ ഓട്ടമായിരുന്നു. അല്ലേല്ലും ശങ്കരൻ മാഷിന് ദേഷ്യം വന്നാൽ പിടിച്ചാൽ കിട്ടൂല്ല ആദി റെഡിയായി വരുമ്പൊഴേക്കും മാഷ് ചിന്നുവിനെ ഒരുക്കി നിർത്തിയിരുന്നു. കണ്ണാടിയുടെ മുന്നിൽ നിന്ന് സ്വന്തം സൗന്ദര്യം ആസ്വദിക്കുന്ന ആദിയുടെ അടുത്തേക്ക് മാഷ് ചെന്നു. "മതി ഇവിടുന്ന് കോപ്രായം കാണിച്ചത്. സ്റ്റേഷനിൽ നിന്ന് ആള് വന്നിട്ടുണ്ട്. അതുകൊണ്ട് വേഗം ഇറങ്ങണം. ആ കുട്ടി ഇതുവരെ റെഡി ആയില്ലെന്ന് അപ്പച്ചി പറഞ്ഞു. നീ ഒന്ന് ചെല്ല്. ഇതാ ഇതും അവൾക്ക് കൊടുക്ക്. (അച്ഛൻ അവന്റെ നേരെ നീട്ടിയ ബോക്സിലേക്കും അച്ഛന്റെ മുഖത്തേക്കും ആദി മാറിനോക്കി.) "നോക്കണ്ട, നിന്റെ അമ്മയുടെ കുറച്ചു ആഭരണങ്ങൾ ആണ്.

ആ കുട്ടിക്ക് ഇതൊന്നും കൊടുക്കാൻ ഇപ്പോ വേറെ ആരുമില്ലല്ലോ.... നീ ഇത് കൊണ്ടുപോയി കൊടുക്ക്." അച്ഛൻ പറഞ്ഞതൊക്കെ ആദി ക്ക് മനസ്സിലായി. അച്ഛൻ തന്ന ബോക്സും വാങ്ങി അവൻ അപ്പച്ചിയുടെ വീട്ടിലേക്ക് നടന്നു. "അതേയ്... അല്ലേൽ തന്നെ കുട്ടി വിഷമിച്ചു നിൽക്കുവാ... നീ ആയിട്ട് അതിനെ ഇനിയും വിഷമിപ്പിക്കരുത്. കേട്ടല്ലോ.........." പിന്നിൽ നിന്നും അച്ഛൻ വിളിച്ചു പറയുന്നത് കേട്ട് ആദി പുഞ്ചിരിച്ചു. ആദി ചെല്ലുമ്പോൾ ദേവു ജനലിലൂടെ പുറത്തേക്ക് നോക്കി നിൽക്കുവാണ്. ആദി വന്നതൊന്നും അവൾ അറിഞ്ഞിട്ടില്ല. ഇന്നലത്തെ വേഷം പോലും മാറാതെ എന്താണാവോ ഇവൾ ഈ ആലോചിക്കുന്നേ??? ഒന്നുമില്ലേലും ഇന്ന് അവളുടെ കല്യാണമല്ലേ, എന്തായാലും ഒന്ന് പേടിപ്പിക്കാം. ഡീ..................തുടരും………

ഹൃദയത്തിൽ ഒരിടം : ഭാഗം 1