💞ഹൃദയത്തിൽ ഒരിടം💞: ഭാഗം 8

എഴുത്തുകാരി: മിന്നു 

വൈകിട്ട്‌ ഓഫീസും കഴിഞ്ഞ് ആദിയും ദേവുവും വീട്ടിൽ എത്തുമ്പോഴേക്കും അപ്പച്ചിയുടെ വീട്ടിൽ ചെറിയ ഒരു പന്തൽ ഒക്കെ കെട്ടിയിട്ടുണ്ട്. നാളത്തെ സുമേച്ചിയുടെ ഏഴാം മാസത്തിലെ ചടങ്ങിന് വേണ്ടിയുള്ള ഒരുക്കങ്ങൾ തകൃതിയായി നടക്കുന്നുണ്ട് അവിടെ. എല്ലാത്തിനും മുൻപിൽ കിച്ചു ആണ്. കാര്യം കുട്ടിക്കളിയും കൊണ്ട് നടക്കുമെങ്കില്ലും കിച്ചു അവന്റെ കടമകളും ഉത്തരവാദിത്തങ്ങൾ കൃത്യമായി നിറവേറ്റുന്നുണ്ട്. നിഖിലേട്ടൻ നാട്ടിൽ ഇല്ലാത്തതിന്റെ ഒരു കുറവും ഉണ്ടായിരിക്കരുത് എന്ന് അവന് നിർബന്ധമായിരുന്നു. നിഖിലേട്ടൻ ഇനി സുമേച്ചിയുടെ പ്രസവസമയത്തെ നാട്ടിലേക്ക് വരൂ.

രാത്രി വരെ എല്ലാവരും അവിടെ ഓരോരോ ജോലികളിൽ ആയിരുന്നു. ഇടയ്ക്ക് ചിന്നുവിന് ഉറക്കം വരുന്നു എന്ന് പറഞ്ഞപ്പോൾ ദേവു അവളെയും കൊണ്ട് വീട്ടിലേക്ക് പോയി. കുറച്ചു കഴിഞ്ഞ് അച്ഛനും വന്നു. ആദിയെ കാണാത്തതിനാൽ ഫോൺ വിളിച്ചു ചോദിച്ചപ്പോഴാ അറിഞ്ഞത് ആദിയും കിച്ചുവും എന്തോക്കെയോ സാധനങ്ങൾ വാങ്ങാൻ ടൗണിൽ പോയിരിക്കുകയാണെന്ന്. "നീ കിടന്നോളൂ ഞാൻ വരാൻ ലേറ്റാവും, ഡോർ ലോക്ക് ചെയ്യണ്ട" എന്ന് ആദി പറഞ്ഞെങ്കിലും ദേവു കുറേ നേരം കാത്തിരുന്നു. അവസാനം ഉറക്കം തൂങ്ങി മടുത്തപ്പോഴാണ് അവൾ പോയി കിടന്നത്. രാവിലെ ദേവു കണ്ണ് തുറക്കുമ്പോൾ ആദി അവളോട് പറ്റിചേർന്ന് കിടക്കുന്നുണ്ട്. "ഇതെപ്പോ വന്നു കിടന്നു.... ഞാൻ അറിഞ്ഞില്ലല്ലോ........" എണീക്കാൻ നോക്കുമ്പോഴാണ് ആദി തന്റെ വയറ്റിൽ ചുറ്റി പിടിച്ചു കിടകുവാണെന്ന് അവൾക്ക് മനസ്സിലായത്.

വിടുവിക്കാൻ നോക്കും തോറും ആദി അവളോട് കൂടുതൽ കൂടുതൽ പറ്റിചേർന്നു. " ഇത് ഇനി ആദിയേട്ടൻ ഉറങ്ങുവാണോ അതോ ഉറക്കം നടിക്കുവാണോ???ഒന്നും മനസ്സിലാവുന്നില്ലല്ലോ😕 "(ആത്മഗതം). "ആദിയേട്ടാ...... ആദിയേട്ടാ.... എണീക്ക്.... സമയം കുറേയായി" ആദി പതിയെ കണ്ണ് തുറന്നു. തന്റെ അടുത്ത് ദേവു കിടക്കുന്നത് കണ്ടപ്പോൾ അവന്റെ കണ്ണുകളിൽ അൽഭുതം. "അല്ല, നീ എന്താ എന്റെ അടുത്ത്..." "ഞാൻ ആദിയേട്ടന്റെ അടുത്ത് അല്ല, ആദിയേട്ടൻ എന്റെ അടുത്താ രാത്രി വന്നു കിടന്നത്." "ആണോ..... എങ്കിൽ ആയിരിക്കും" "ആ.... ആണ് . മോന്റെ ഈ കൈ ഒന്ന് മാറ്റിയിരുന്നെങ്കിൽ എനിക്ക് എണീറ്റ് പോകാമായിരുന്നു"

(അപ്പോഴാണ് തന്റെ ദേവു കൈക്കുള്ളിൽ ലോക്ക് ആയി കിടക്കുവാണെന്ന് ആദിക്ക് മനസ്സിലായത്‌. അതോടെ അവന്റെ മുഖത്ത് ഒരു കള്ളച്ചിരി വിരിഞ്ഞു). "എന്തായാലും വച്ചതല്ലേ... ഇനി ആ കൈ കുറച്ചു സമയം അവിടെ നിൽക്കട്ടെ ന്നേ......." "എന്താന്ന്..." "അല്ല, ഇത്രയും അടുത്ത് കിടന്നിട്ടും ഞാൻ ഒന്നും തന്നില്ലെങ്കിൽ നിനക്ക് സങ്കടമാവൂല്ലേ..... ന്ന്" "ഒരു സങ്കടവുമില്ല, ആദിയേട്ടൻ എണീറ്റേ..." "പക്ഷേ എനിക്ക് സങ്കടമുണ്ട്.." അതും പറഞ്ഞ് ദേവുവിലുള്ള പിടി ഒന്നുകൂടി മുറുകി ആദി അവളുടെ കഴുത്തിലേക്ക് മുഖം ചേർക്കവേ പുറത്ത് നിന്നും കിച്ചുവിന്റെ വിളി ഉയർന്നു "എടാ.... ആദി.. ഒന്ന് വന്നേ...... ഇവിടെ നൂറ് കൂട്ടം പണി കിടക്കുമ്പോഴാ അവന്റെ ഉറക്കം. ആദീ........"

"വിളിച്ച് കൂവാതെടാ ഇതാ വരുന്നു........" ദേവുനെ വിട്ട് അവൻ എഴുന്നേറ്റു "ഹും കറക്ട് സമയത്ത് വന്നു വിളിച്ചോളും വതൂരി..." (ആദി പിറുപിറുത്തു😠) ആദിയുടെ ദേഷ്യം കണ്ട് ദേവു ആണെങ്കിൽ പൊട്ടിച്ചിരിച്ചു. "ഡീ.... മതി .....നീ ചിരിക്കണ്ട... അറിയാല്ലോ എന്നെ... അധികം കളിച്ചാലേ കെട്ടിപ്പിടിച്ചു ഒരുമ്മ അങ്ങോട്ട് തരും... കുറച്ചു തിരക്കിലായി പോയി അല്ലേൽ കാണായിരുന്നു ഇപ്പോ... നിനക്ക് ഉള്ളത് ഞാൻ വന്നിട്ട് തരാം" അതും പറഞ്ഞ് ആദി പുറത്തേക്ക് പോയി. ആദിയെ നോക്കി കിടന്ന ദേവുവിന്റെ മുഖത്ത് അപ്പോഴും പുഞ്ചിരി ഉണ്ടായിരുന്നു ഭക്ഷണം ഒക്കെ അപ്പച്ചിയുടെ വീട്ടിൽ നിന്നായതു കൊണ്ട് പ്രത്യേകിച്ച് പണി ഒന്നുമില്ല.

വേഗം ചിന്നുവിനെ എണീപ്പിച്ച് ഒരുക്കി അതിനുശേഷം ദേവുവും ഒരുങ്ങി. ആദി അന്ന് വാങ്ങി തന്ന റെഡ് കളർ സാരി ആയിരുന്നു ദേവുവിന്റെ വേഷം. ആദിക്കും അതേ നിറത്തിലുള്ള ഷർട്ടും ഗോൾഡൻ കസവ് മുണ്ടും അയേൺ ചെയ്ത് ബെഡിൽ വച്ചിട്ടാണ് ദേവു അപ്പുറത്തേക്ക് പോയത്. ദേവുവിനെ കണ്ടപ്പോൾ വിരിച്ചിട്ടിരിക്കുന്ന അവളുടെ മുടിയിൽ അപ്പച്ചി മുല്ലപ്പൂ ചൂടി കൊടുത്തു. അത് കൂടി ആയപ്പോൾ ദേവുവിന്റെ സൗന്ദര്യം ഒന്ന് കൂടി വർദ്ധിച്ചു. കിച്ചുവിന്റെ കൂടെ പുറത്ത് പോയി വന്നതിനു ശേഷം കുളിക്കാനായി മുറിയിലേക്ക് ചെല്ലുമ്പോൾ ആണ് ബെഡിൽ ഇരിക്കുന്ന ഡ്രസ്സ് ശ്രദ്ധിച്ചത്. ദേവു എടുത്തു വച്ചതാവും.

വേഗം കുളിച്ച് ഒരുങ്ങി മുറ്റത്തേക്ക് ഇറങ്ങിയപ്പോഴാണ് അപ്പച്ചിയുടെ വീട്ടുമുറ്റത്ത് ദേവുവിനെ കാണുന്നത്. ഹോ എന്തോരു ഭംഗിയാണ് എന്റെ പെണ്ണിനെ കാണാൻ. അന്ന് ആ സാരി വാങ്ങുമ്പോൾ അവൾക്ക് നന്നായി ചേരുമെന്ന് തോന്നിയെങ്കിലും ഇത്രയും ഭംഗി പ്രതീക്ഷിച്ചില്ല... ഇവൾ ഇന്ന് എന്റെ കൺട്രോൾ കളയും.... ഒരുങ്ങി വന്ന ആദിയേട്ടനെ കണ്ടപ്പോൾ സന്തോഷമായി. ഞാൻ എടുത്ത് വച്ച ഡ്രസ്സ് തന്നെ ഇടിട്ടുണ്ട്. മുണ്ടിൽ ആള് ഒന്നുകൂടി ലുക്ക് ആണ് അപ്പോഴേക്കും സുമേച്ചിയെ ഒരുക്കാൻ വേണ്ടി അപ്പച്ചി വിളിച്ചു. വലിയ വയറും താങ്ങിപിടിച്ചുള്ള സുമേച്ചിയെ എല്ലാവരും കൂടി ഒരു കല്യാണപ്പെണ്ണിനെ പോലെ ഒരുക്കിയിട്ടുണ്ട്.

നാട്ടുകാരും ബന്ധുക്കളും സുഹൃത്തുക്കളും ഒക്കെ വന്നിട്ടുണ്ട്. കിച്ചുവും ആദിയും എല്ലാവരെയും സ്വീകരിച്ചു ഇരുത്തുകയാണ് ഒപ്പം നിർദ്ദേശങ്ങളുമായി അച്ഛനും ചെറിയച്ഛനും. വീട്ടിൽ നിന്നും നാഴി എടുത്ത് വരാൻ അപ്പച്ചി പറഞ്ഞപ്പോൾ ദേവു വീട്ടിലേക്ക് ഓടി. അടുക്കളയിൽ നിന്നും നാഴി തപ്പി എടുക്കുമ്പോഴാണ് പിറകിൽ നിന്നും ആദിയുടെ കൈകൾ ദേവുവിനെ പൊതിഞ്ഞത്. പേടിച്ച് വിളിച്ചു കൂവാൻ നിന്ന ദേവുവിന്റെ വായ ഇടം കൈ കൊണ്ട് പൊത്തിപ്പിടിച്ച് അവൻ അവളുടെ ചെവിയിൽ പറഞ്ഞു "കിടന്നു കാറാതെടീ.... ഞാനാ....". ആദിയുടെ ശബ്ദത്തോടൊപ്പം അവന്റെ നിശ്വാസവും അവളുടെ കവിളിൽ തട്ടി നിന്നു. പതിവിനു വിപരീതമായി കുതറി മാറാനോ അകന്നു നിൽക്കാനോ ദേവു ശ്രമിച്ചില്ല.

അത് ആദിയിൽ അൽഭുതത്തോടൊപ്പം ആവേശവും ഉണ്ടാക്കി.... ദേവുവിനെ ഒന്നുകൂടി തന്നിലേക്ക് ചേർത്ത് നിർത്തി അവളുടെ മുടിയിലേക്ക് ആദി മുഖം ചേർത്തു. കാച്ചെണ്ണയുടെയും മുല്ലപ്പൂവിന്റെയും സമ്മിശ്രഗന്ധം അവന്റെ നാസികയെ ത്രസിപ്പിച്ചു. ഉള്ളിലേക്ക് എടുക്കുന്ന ഓരോ ശ്വാസത്തിലും ദേവു നിറഞ്ഞു നിൽക്കുന്നതായി അവന് തോന്നി. ആദിയുടെ ഓരോ ശ്വാസോച്ഛ്വാസവും തന്നിൽ ഉണ്ടാകുന്ന മാറ്റങ്ങൾ ദേവുവും തിരിച്ചറിഞ്ഞു. സാരി വിടവിലൂടെ ആദിയുടെ ഇടം കൈ അവളുടെ വയറ്റിൽ ആകെ അലഞ്ഞു നടന്നു. വലംകൈ കൊണ്ട് അവളുടെ മുടി വകഞ്ഞു മാറ്റി. അവനെ ഏറെ മോഹിപ്പിച്ച അവളുടെ പിൻകഴുത്തിലെ കുഞ്ഞു കാക്കപ്പുള്ളി ആയിരുന്നു അവന്റെ ലക്ഷ്യം.... അപ്പോഴാണ് ഹാളിൽ നിന്നും കിച്ചുവിന്റെ പാട്ട് കേട്ടത്:

"🎶🎶 മുടിചുരുൾ ചൂടിനുള്ളിൽ നീയൊളിച്ചീലാ... മഴത്തഴപ്പായ നീർത്തി നീ വിളിച്ചീലാ...... മാമുണ്ണാൻ വന്നീലാ മാറോടു ചേർത്തീലാ....... നീ പണ്ടേയെന്നോടൊന്നും മിണ്ടീലാ......മിണ്ടീലാ... ഞാൻ പണ്ടേ ഒന്നും കണ്ടീലാ... കണ്ടീലാ................" കിച്ചുവിന്റെ ശബ്ദം കേട്ടപ്പോഴേ ദേവു ആദിയിൽ നിന്നും അകന്നു മാറിയിരുന്നു. അവന്റെ അർത്ഥം വച്ചുള്ള പാട്ടും കൂടി കേട്ടപ്പോഴേ ദേവു ആകെ ചമ്മി നാറി. നാഴിയുമെടുത്ത് കിച്ചുവിന് മുഖം കൊടുക്കാതെ ദേവു അപ്പച്ചിയുടെ വീട്ടിലേക്ക് ഒറ്റ ഓട്ടമായിരുന്നു. ദേവുവിന് പിന്നാലെ അടുക്കളയിൽ നിന്നും ഇറങ്ങി വന്ന ആദിയുടെ മുഖത്ത് ചമ്മലും ദേഷ്യവും ഒരുപോലെ പ്രകടമായിരുന്നു. അപ്പോഴും കിച്ചുവിന്റെ മുഖത്ത് ചിരി ആയിരുന്നു

"എന്താണ് അളിയാ.... മുഖത്ത് ഒരു വാട്ടം..." "ദേ......കിച്ചു എന്നെ കൊണ്ട് പറയിപ്പിക്കല്ലേ.... കറക്ട് സമയം നീ എവിടുന്ന് പൊട്ടി മുളച്ച് എടാ സമാദ്രോഹീ.......😫" "എന്റെ ആദി ഇത്രയ്ക്ക് ആക്രാന്തം പാടില്ല,😆 ഒന്നുലേല്ലും അവള് നിന്റെ ഭാര്യ അല്ലേ... എങ്ങോട്ടും ഓടി പോവില്ല" "നീ പോടാ മരപ്പട്ടി😬😬😬...അത് തന്നെയാ എനിക്കും പറയാൻ ഉള്ളത്, അവൾ എന്റെ ഭാര്യയാ ഞാൻ ചിലപ്പോൾ അവളെ കെട്ടിപ്പിടിക്കും ഉമ്മ വയ്ക്കും അതിന് നിനക്ക് എന്താ??? നീ എന്തിനാ എന്റെ പിന്നാലെ നടക്കുന്നേ......" "അയ്യേ പിന്നാലെ നടക്കാൻ പറ്റിയ ഒരു സാധനം.... നാഴി എടുക്കാൻ പറഞ്ഞയച്ച ദേവുനെ കാണാഞ്ഞിട്ട് അമ്മയാ എന്നെ ഇങ്ങോട്ട് വിട്ടത്‌. അപ്പോഴല്ലേ ഇവിടെ കുച്ച് കുച്ച് ഹോതാ ഹേ...."

"അവന്റെ ഒരു കുച്ച് കുച്ച് ഹോതാ ഹേ....ഡാ നിന്നെ ഇന്ന് ഞാൻ......" ന്നും പറഞ്ഞ് ആദി കിച്ചുവിന്റെ നേരേ ചെല്ലുമ്പോഴാണ് മിഥുവും അങ്ങോട്ടേക്ക് വന്നത്. "എന്താടാ ഇവിടെ രണ്ടും കൂടി ഒരു തല്ല് ??? അവിടെ സുമേച്ചി ഇറങ്ങാൻ സമയമായി. വന്നേ രണ്ടും......." (മിഥുവിന്റെ കൂടെ പുറത്തേക്ക് പോകുമ്പോഴും കിച്ചു ആദിയെ കളിയാക്കികൊണ്ടിരുന്നു. ). സുമേച്ചി ഇറങ്ങാൻ ആയെന്ന് മിഥു വന്നു പറഞ്ഞപ്പോൾ ആണ് പറഞ്ഞപ്പോഴാണ് ആദിയും കിച്ചുവും അങ്ങോട്ടേക്ക് ചെന്നത്. പണ്ടുമുതലേ ആദിയും മിഥുവും അനിയത്തികുട്ടികളെ ആഗ്രഹിച്ചപ്പോൾ കിച്ചു ആഗ്രഹിച്ചത് ഒരു ചേച്ചിയെ ആണ്.

അതുകൊണ്ടുതന്നെ നിഖിലേട്ടന്റെ വിവാഹം കഴിഞ്ഞു സുമേച്ചി വീട്ടിലേക്കു വന്നപ്പോൾ കിച്ചുവിന് ഒരുപാട് സന്തോഷമായി. സുമേച്ചി അവന് നല്ല ഒരു മാത്രമായിരുന്നില്ല ഒരു കൂട്ടുകാരിയും ഉപദേഷ്ടാവും ഒക്കെ ആയിരുന്നു. കോഴ്സ് കഴിഞ്ഞ് ജോലിയൊന്നും ശരിയാകാതെ ഇരുന്ന കിച്ചുവിനെ ആശ്വസിപ്പിച്ചതും പുതിയ ഒരു ജോലി കണ്ടെത്തുവാൻ പ്രോത്സാഹിപ്പിച്ചതും സുമേച്ചി ആണ്. കിച്ചു ഇന്നും വിശ്വസിക്കുന്നു അവന് നല്ല ഒരു ജോലി കിട്ടാൻ കാരണം ചേച്ചിയുടെ പ്രാർത്ഥനയും പ്രോത്സാഹനവും ആണെന്ന്. സുമേച്ചി പോവുകയാണ് എന്നറിയുമ്പോൾ അവന് വല്ലാത്ത ഒരു സങ്കടം ആയിരുന്നു. ഇറങ്ങാൻ സമയം ആയപ്പോൾ കിച്ചു വിനോട് യാത്ര പറയാൻ വന്ന ചേച്ചിയുടെയും കണ്ണുകൾ നിറഞ്ഞിട്ടുണ്ട്.

"എത്രയും പെട്ടെന്ന് എന്റെ കുഞ്ഞുവാവയെയും കൂട്ടിവരണം" എന്ന് പറഞ്ഞാണ് ആണ് കിച്ചു സുമേച്ചിയെ യാത്രയാക്കിയത്. ചടങ്ങുകൾ അവസാനിച്ചു. സുമേച്ചി ചേച്ചിയുടെ വീട്ടിലേക്ക് പോയി. വന്നവർ ഓരോരുത്തരും ഭക്ഷണം കഴിച്ച് വീടുകളിലേക്ക് മടങ്ങി. ആദിയുടെ കണ്ണുകൾ ദേവുവിനെ തിരഞ്ഞുകൊണ്ടിരുന്നു. ആദിയുടെ അമ്മവീട്ടിൽ നിന്നും അമ്മാവനും അമ്മായിയും മക്കളും എത്തിയിട്ടുണ്ട്. ദേവു അവരോട് സംസാരിച്ചു നിൽക്കുകയാണ്. അവരുടെ കല്യാണത്തിന് അമ്മാവനും അമ്മായിയും മാത്രമേ വന്നിട്ടുണ്ടായിരുന്നുള്ളൂ.

ഇപ്പോഴാണ് അമ്മാവൻറെ മക്കളായ ഹിമയെയും നീലിമയെയും ദേവു പരിചയപ്പെടുന്നത്. ദേവുവിനെ നോക്കി നിൽക്കുന്ന ആദിയുടെ അടുത്തേക്ക് കിച്ചു ഓടിവന്നു. "എടാ നിന്റെ അമ്മാവന്റെ മോളേ കാണാൻ സൂപ്പറായിട്ടുണ്ട്, എങ്ങനെ ഇരുന്ന പെണ്ണാ ഇപ്പോ വളർന്ന് സുന്ദരി ആയിട്ടുണ്ട്. എനിക്ക് അവളെ ഒന്ന് പരിചയപ്പെടുത്തി താടാ....... " അപ്പോഴാണ് മിഥു ഇതു കേട്ട് കൊണ്ട് അങ്ങോട്ടേക്ക് വന്നത്.... " ഡാ...... കിച്ചൂ....... അമ്മാവന്റെ ഏത് മോളെയാ നിനക്ക് ഇഷ്ടമായത്?" മിഥുവിൻ്റെ മുഖത്താകെ പരിഭ്രമം..............................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...