💝ഇഷാനിദ്💝: ഭാഗം 2

രചന: SINU SHERIN

കുറച്ചു കഴിഞ്ഞപ്പോൾ ആരോ വിളിച്ചു പറയുന്നത് കേട്ടൂ... "ചെക്കനും കൂട്ടരും എത്തി എന്ന് " അപ്പൊ തുടങ്ങി ഞമ്മളെ ഹൃദയം ബേന്റടി പോലെ ഇടിക്കാൻ. എല്ലാവരുടെയും ഇടയിൽ ചിരിച്ചു നടന്നപ്പോൾ ഞാൻ തന്നെ മറന്നിരുന്നു എന്റെ സങ്കടങ്ങളെ കുറിച്ച്. പക്ഷെ ഇപ്പൊ.... വീണ്ടും അത് ഉയർന്നു... നിക്കാഹ് കല്യാണത്തിന്റെ അന്ന് മതി എന്ന് ഞമ്മളെ കെട്ടാൻ പോകുന്ന മഹാൻ പറഞ്ഞത് കൊണ്ട് ഞമ്മളെ നിക്കാഹ് ഇന്നാണ്.... കുറച്ചു കഴിഞ്ഞപ്പോൾ ഞമ്മളെ ഉപ്പച്ചി വന്നു ഞമ്മളെ കഴുത്തിൽ ഒരു മാലയിട്ട് തന്നു.... അതും "ഷാനിദ് " എന്ന് നല്ല വെണ്ടയ്ക്ക അക്ഷരത്തിൽ എഴുതിയ ഒരു മഹർ. പടച്ചോനെ.... ഇനി എന്റെ ജീവിതം അവന്റെ കയ്യിലാണ്. അതിനുശേഷം കുറച്ചു പെണ്ണുങ്ങൾ വന്നു ഞമ്മളെ മാറ്റിച്ചു. മെറൂണും ഗോള്ടെൻ കളറും മിക്സ് ചെയ്തിട്ടുള്ള ഒരു ലഹങ്ക. അതാണെങ്കിലൊ ഭൂലോക വെയിറ്റ്. അതിന്റെ വെയിട്ടോണ്ട് ഞമ്മക്ക് ഇരുന്നോട്ത്‌ന്ന്‌ എണീക്കാൻ വയ്യ. ഇത് ഞമ്മളെ കെട്ടിയോൻ മഹാൻ ഒറ്റയ്ക്ക് പോയി സെലക്ട്‌ ചെയ്തു എടുത്തു കൊണ്ട് വന്ന ലഹങ്കയാണോത്രെ...

അപ്പഴേ ഞമ്മക്ക് മനസ്സിലായി ഞമ്മളോട് പകരം വീട്ടിയതാണ് എന്ന്. പോരാത്തതിന് ഇനി ഞമ്മളെ ജീവിതം ഇടുത്തി വീണത്‌ പോലെയാണ് എന്നതിന് തെളിവാണ് എന്നും. അങ്ങനെ ഞമ്മൾ എങ്ങനെയൊക്കെയോ എണീറ്റു നിന്നപ്പോഴാണ് അവർ ഒരു കവറിൽ നിന്നും എനിക്ക് ഇടാനുള്ള ചെരുപ്പ് എടുത്തത്... ഇതെന്താ അമിതാ ബച്ചൻ ചെരുപ്പോ എന്ന് വരെ ഞമ്മൾ സംശയിച്ചു പോയി. അമ്മാതിരി ഹീൽ ഉണ്ടായിരുന്നു ആ ചെരുപ്പിന്... ഇതൊക്കെ ഞാൻ എങ്ങനെ ഇടും... ഞമ്മളെ കല്യാണം ഏതായാലും ഗോവിന്ദ... !!! അങ്ങനെ ഞാൻ ഈ വീടിനോട്‌ വിടപറയാൻ സമയമായി എന്ന് മനസ്സിലായപ്പോ പിടിച്ചു വെച്ചിരുന്ന എന്റെ കണ്ണുനീർ തുള്ളികൾ അറിയാതെ കണ്ണിൽ നിന്നു ഒഴുകാൻ തുടങ്ങി. എല്ലാവരോടും യാത്ര പറഞ്ഞു കാറിൽ കേറാൻ നിൽക്കുമ്പോൾ ഞാൻ അറിഞ്ഞു സ്നേഹിക്കുന്നവരെ വിട്ടു മറ്റൊരിടതെക്ക് പോകുന്നതിന്റെ വേദന.. ഇത് വരെ യായിട്ട് ഞമ്മൾ ഞമ്മളെ കെട്ടിയോന്റെ മുഖത്തേക്ക് ഒന്ന് നോക്കിയിട്ട് കൂടിയില്ലാട്ടോ... കാറിൽ കയറീട്ടും നോക്കീല.

നോക്കിയാൽ ഞമ്മളെ നോക്കി പേടിപ്പിച്ചാലൊ എന്ന് വിജാരിച്ചിട്ടാണ്. ഡ്രൈവർ ഉണ്ടായത് കൊണ്ടാണ് എന്ന് തോന്നുന്നു മൂപ്പരാളെ ശബ്ദം ഒന്നും പുറത്തേക്ക് വരുന്നില്ല. ഇല്ലെങ്കിൽ എപ്പോയെ ഇവിടെ ഒരു മൂന്നാം ലോക മഹായുദ്ധം നടന്നേനെ... അങ്ങനെ ഞമ്മളെ കൊണ്ട്പോയത്‌ ഒരു വലിയ വീടിന് മുന്നിലേക്ക്‌ ആണ്. ഗേറ്റ് കടന്നാലുo ഒരു ഓട്ടോ വിളിച്ചു പോവാനുള്ള ദൂരമുണ്ട് ആ വീട് എത്തണമെങ്കിൽ... ഞമ്മളെ ഇത്ത That means... ഞമ്മളെ കെട്ടിയോന്റെ പെങ്ങൾ ഞമ്മളെ കാറിൽ നിന്നും ഇറക്കി വീടിന്റെ മുന്പിൽ കൊണ്ട് പോയി നിർത്തിച്ചു.. ഉമ്മ വന്നു ഞമ്മളെ അകത്തേക്ക് വിളിച്ചു ഹാളിൽ കൊണ്ട്പ്പോയി ഇരുത്തി. ഞമ്മളെ അടുത്തു തന്നെ ഞമ്മളെ കെട്ടിയോനും ഉണ്ട്. ഞമ്മൾ താഴ്ത്തിയിരുന്ന തല മെല്ലെ പൊക്കി വീട് മൊത്തം ഒന്ന് കണ്ണോടിച്ചു. പടച്ചോനെ.... എന്താ ഇത്... ഇഷ്ഖ്ബാസ് സീരിയലിൽ ഞമ്മൾ കണ്ടിട്ടുള്ള ഒബ്റോയ് ഫാമിലിയുടെ അതെ വീട്... അല്ല കൊട്ടാരം.. ഇനി ഞമ്മളെ കെട്ടിയോൻ മുകേഷ് അംബാനിയോ മറ്റൊ ആണോ... ഏയ്‌.... അതിനു സാധ്യതയില്ല... കാരണം മൂപ്പരെ പേര് ഷാനിദ് അഹമ്മദ് എന്നല്ലേ... ഒരു ഹാൾ കണ്ടപ്പോഴേക്കും ഞമ്മളെ കണ്ണ് മഞ്ഞളിച്ചു വെങ്കിൽ ഈ വീട് മൊത്തം കാണുമ്പോഴേക്കും ഞമ്മളെ കണ്ണ് പച്ചളിക്കും...

അങ്ങനെ ഞമ്മൾ ആ ഹാളിന്റെ ഓരോ മുക്കും മൂലയും ആസ്വദിക്കുമ്പോഴാണ് ഞമ്മളെ കണ്ണിലത്‌ പെട്ടത്... ഹാളിന്റെ പല പല സൈഡ് കളിലായി ചട്ടിയിൽ മരം വെച്ചിരിക്കുന്നു. അത് ഹാളിന് കൂടുതൽ ഭംഗി നൽകുന്നുണ്ടെങ്കിൽ കൂടിയും ഞമ്മക്കത്‌ കണ്ടപ്പോൾ പേടിയാണ് തോന്നിയത്. ഇനി ഞമ്മളെ റൂമിലും കാണോ ഇത് പോലെയുള്ള മരങ്ങൾ... പടച്ചോനെ... തെങ്ങ് ആവാതിരുന്നാൽ മതിയായിരുന്നു. അതിനുമേൽ നിന്നു എങ്ങാനും തേങ്ങാ വീണാൽ കഴിഞ്ഞു എല്ലാം. പടച്ചോനെ.... ഒരു ഓട്ടോ വിളിച്ചു തിരിച്ചു വീട്ടിലേക്കു തന്നെ പോയാലോ .... തേങ്ങാ വീണു മരിക്കുന്നതിലേറെ ബെറ്ററാണ് അവിടെ നജ്മയുടെ ഉറക്ക പ്പിച്ചുo ചവിട്ടും കൊണ്ട് കിടന്നുറങ്ങുന്നത്. ഇങ്ങനെ ഞമ്മൾ ഈ വീടിന്റെ ഹരിതാമ്പുo പച്ചപ്പും ആസ്വദിച്ചു ഇരിക്കുമ്പോൾ ആണ് ഞമ്മളെ ഇത്തയും കുറച്ചു കസിൻസും വന്നു ഞമ്മളെ ഹാളിനോട്‌ ചേർന്ന ഒരു റൂമിൽ കൊണ്ട് പോകുന്നത്. "ഇത് ഡ്രസ്സിoഗ് റൂം ആണ്. നിന്റെ റൂം മുകളിൽ ആണ്. ദേ... അതാണ്‌ ബാത്രൂം. അവിടെന്ന് ഫ്രഷ്‌ ആയി വന്നു നിസ്കരിച്ചോ എന്നിട്ട് ഈ ഫ്രോക്ക് ഇട്ടിട്ടു എന്നെ വിളിക്...

ഇത്ത ഇത്രയും പറഞ്ഞു നിർത്തിയപ്പോൾ ഞമ്മൾ ഇപ്പൊ എന്തിനാ ഇപ്പൊ ഫ്രോക്ക് ഒക്കെ ഇടുന്നെ എന്ന രീതിയിൽ ഇത്താനെ നോക്കി.. "കുറച്ചു കഴിഞ്ഞിട്ട് ഷാനുന്റെ ഫ്രണ്ട്സും ബിസിനസ് പാർട്ട്‌നേർസിനെയും വിളിച്ചു കൂട്ടി ഒരു ചെറിയ റിസേപ്പ്ഷൻ ഉണ്ട്. അത് നമ്മുടെ ഓഡിറ്റോറിയതിൽ വെച്ചാണ്. അപ്പൊ നീ വേഗം ഒരുങ്ങേ..." എന്നും പറഞ്ഞു ഇത്ത പോയി. പടച്ചോനെ... ഇതെന്തൊരു കുരിഷാണ്... എന്റെ ഒരവസ്ഥ.. ഞാനില്ല എന്ന് പറഞ്ഞാലോ... വേണ്ട.. അതെന്റെ അഹങ്കാരമായിട്ട് ആയിരിക്കും അവർ എടുക്കാ... ഞാൻ വേഗം കുളിച്ചു ഫ്രഷ്‌ ആയി വുളു എടുത്തു നിസ്കരിച്ചു. നിസ്കാരം കഴിഞ്ഞു കവറിൽ നിന്നും ഫ്രോക്ക് എടുത്തതും ഞമ്മൾ ആകെ ഞെട്ടിപോയി... റെഡ് കളർ ഫ്രോക്കിൽ റെഡ് സ്ടോൻ വെച്ചു തന്നെ വർക്ക്‌ ചെയ്തത്... ഭയങ്കര വെയിറ്റ് ആണെങ്കിലും എനിക്ക് ആ ഫ്രോക്ക് ഒത്തിരി ഇഷ്ടായി... കുറച്ചു കഴിഞ്ഞു ഇത്ത വന്നു ഞമ്മക്ക് റെഡ് കളർ ഷാൾ കൊണ്ട് സ്കാഫ് ചെയ്തു തന്നു. എന്നിട്ട് റെഡ് കളർ ഹീൽ ഷൂവും എടുത്തു തന്നു. സ്വര്ണങ്ങൾ എല്ലാം ഊരിവെച്ചു ഞമ്മളെ മഹർ മാത്രം കഴുത്തിൽ ഇട്ടു തന്നു...

ഇപ്പൊ ഞമ്മളെ കണ്ടാൽ തന്നെ ഒരു റെഡ് എയൻജലിനെ പോലെയുണ്ട്. അങ്ങനെ ഞമ്മൾ ഓഡിറ്റോറിയതിലേക്കു പുറപ്പെട്ട്.. ഞമ്മളെ കെട്ടിയോനും കൂട്ടരും നേരത്തെ തന്നെ പോയിട്ടുണ്ട്... ഇനി ഞാനും ഇത്തയും കുറച്ചു കസിൻസും മാത്രേ പോവാനൊള്ളൂ... അങ്ങനെ ഞങ്ങൾ ഓഡിറ്റോറിയതിലേക്കു കടന്നു. എന്നെ വരവേൽ ക്കാൻ കുറച്ചു പീക്കിരി പിള്ളേർസും കുറച്ചു പെണ്ണുങ്ങളും അവരുടെ കയ്യിൽ റോസ് ഇതളുകൾ നിറച്ച പ്ലേറ്റിൽ നിന്നു ഞമ്മളെ ദേഹത്തേക്ക് പൂക്കൾ എറിയുന്നുണ്ടായിരുന്നു. ഇതൊക്കെ കണ്ടപ്പോൾ അറിയാതെ തന്നെ ഞമ്മളെ ചുണ്ടിൽ പുഞ്ചിരി വിടർന്നു. അങ്ങനെ ഞമ്മൾ ഓഡിറ്റോറിയത്തിലെ പരവധാനി വിരിച്ച സ്ഥലത്ത് കൂടി നടക്കുമ്പോൾ ഞമ്മളെ കണ്ണ് അറിയാതെ സ്റ്റേജിലേക്ക്‌ പോയി.. അവിടെ അതാ ഞമ്മളെ കെട്ടിയോൻ നല്ല അടാർ ലുക്കിൽ നില്ക്കുന്നു. 'ഹൌ... ന്റെ പടച്ചോനെ... എന്തൊരു മൊഞ്ചാണ്... ആ വെളുത്ത മുഖത്ത് കട്ട താടി.... ഇങ്ങേരെ കൂടെയല്ലേ ഞാൻ ജീവിക്കാനുള്ളത്‌... എനിക്ക് കണ്ട്രോൾ തരണേ റബ്ബേ... '

എന്ന് ഞമ്മൾ മനമുരുകി പ്രാർതിച്ചു സ്റ്റേജിലേക്ക്‌ കയറി... 'neno waale ne... ' ഞമ്മൾ സ്റ്റേജിൽ കയറിയതും സോoഗ് പ്ലേ ചെയ്യാൻ തുടങ്ങി. എവിടുന്നോ കുറച്ചു പീക്കിരി പിള്ളേർസ് വന്നു പാട്ടിന്റെ കൂടെ ഡാൻസ് കളിക്കാനും തുടങ്ങി. ഞമ്മൾ അവർ കളിക്കുന്നതും നോക്കി ചിരിച്ചു ഇരിക്കുമ്പോൾ ആണ് ഞമ്മളെ രൂക്ഷമായി നോക്കുന്ന രണ്ടു കണ്ണുകളെ ഞമ്മൾ ഇടo കണ്ണിട്ടു കണ്ടത്... ആരാന്നു മനസ്സിലായില്ലേ... ഞമ്മളെ കെട്ടിയോൻ... പക്ഷെ ഞമ്മൾ മൂപ്പരെ മുഖത്തേക്ക് നോക്കാതെ ഞാൻ ഒന്നും കണ്ടില്ലേ നാരായണ.... എന്ന രീതിയിൽ ഡാന്സിൽ കോൺസെണ്ടറെഷാൻ ചെയ്തു. "ഷാനു... ഒരു പ്രാവിശ്യം ടാ... പ്ലീസ് ടാ ഒറ്റ പ്രാവിശ്യം മതി... " എന്നൊക്കെ ആരൊക്കെ വിളിച്ചു പറയുന്നുണ്ടായിരുന്നു. പക്ഷെ ഞമ്മക്ക് സംഭവം മനസ്സിലായില്ല. അത് കൊണ്ട് തന്നെ ഞമ്മൾ പന്തം കണ്ട പെരുച്ചാഴിന്റെ മാതിരി ഇരിക്കുമ്പോൾ ആണ് ഞമ്മളെ കെട്ടിയോന്റെ കയ്യിൽ ആരോ ഗിത്താർ കൊടുന്നു കൊടുത്തു മുന്പിൽ ഒരു മൈക്കും സെറ്റ് ചെയ്തു കൊടുത്തു... "sun mere hamsafar.... Kyaa tuje itni si bee kathal... "

എന്ന സോണ്ഗ് ഞമ്മളെ കെട്ടിയോൻ പാടിതുടങ്ങി. ഞമ്മൾ ആ പാട്ടിൽ അങ്ങനെ ലയിച്ചു ഞാനും എന്റെ കെട്ടിയോനും തമ്മിലുള്ള ഓരോ റൊമാന്റിക്‌ സീനും സ്വപ്നം കണ്ട്‌ ഇരിക്കുമ്പോൾ ആണ് ആരോ എന്റെ കാലിൽ ശക്തിയായി ചവിട്ടിയത്...പെട്ടന്ന് സ്വപ്നതിൽ നിന്നും ഉണർന്നു ചവിട്ടിയ ആളെ നോക്കി. വേറെ ആരാ... ഞമ്മളെ കെട്ടിയോൻ.. "ആരെ സ്വപ്നം കണ്ടിരിക്കാടി... വേണേൽ പോരെ... അല്ലേൽ ഇവിടെ തന്നെ ഇരുന്നോ... " എന്നും പറഞ്ഞു മൂപ്പര് സ്റ്റെപ് ഇറങ്ങി പോയി. ഞമ്മക്ക് കാലു നന്നായി വേദനിക്കുന്നുണ്ട്... പക്ഷെ ഞമ്മൾ മറുത്ത് ഒന്നും ഞമ്മളെ കെട്ടിയോനോട്‌ പരഞ്ഞീല... ഇപ്പൊ ചവിട്ട് മാത്രം കിട്ടീട്ടോള്ളൂ... ഞമ്മൾ അതിനു മറുത്ത് സംസാരിക്കാൻ നിന്നാലെ ഇനി നുള്ളും പിച്ചുo ഒക്കെ കിട്ടും... എന്താലെ... പാവം ഞാൻ... അങ്ങനെ ഞമ്മൾ വേദനയായ കാലും കൊണ്ട് സ്റ്റെപ് ഇറങ്ങുമ്പോൾ ഞമ്മളെ കാലു സ്ലിപ് ആയി വീഴാൻ പോയി. ദേ കിടക്കുന്നു നിലത്ത് എന്ന് വിചാരിച്ചു ഞമ്മൾ നിക്കുമ്പോ എത്രയായിട്ടും താഴെ എത്തുന്നില്ല... അപ്പൊ ഞമ്മൾ മെല്ലെ കണ്ണ് തുറന്ന് നോക്കിയപ്പോ...

ഞമ്മളെ മുന്പിൽ അതാ ഒരു ചുള്ളൻ ഞമ്മളെ കയ്യും പിടിച്ചു നില്ക്കുന്നു. അപ്പൊ അറിയാതെ ഞമ്മളെ ഉള്ളിലുള്ള കോഴി പുറത്തേക്ക് ചാടി... കണ്ണ് കുഴപ്പല്യ.... മൂക്ക് ഇച്ചിരി നീണ്ടിട്ടാണ്. എന്നാലും ബോറില്ല... പിന്നെ ആ കട്ട താടി അത് എനിക്ക് ഇഷ്ട്ടായി... ബുള്ളെറ്റ് ഉണ്ടോ എന്നാവം... അങ്ങനെ ഞമ്മൾ ഓന്റെ മൊഞ്ചിനെ ഓപ്പറേഷൻ ചെയ്യുമ്പോൾ ആണ് ഞമ്മളെ ഇത്താന്റെ വാക്കുകൾ ഞമ്മളെ കാതിൽ തുളഞ്ഞു കേറിയത്‌. "ഇഷു... നിനക്ക് ഒന്നും പറ്റിയില്ലല്ലോ.. " ഞമ്മൾ വേഗം നേരെ നിന്നു. "ഇല്ല ഇത്താ.. കറക്റ്റ് ടൈമിൽ ഇയാൾ പിടിച്ചത്‌ കൊണ്ട് ഒന്നും പറ്റിയില്ല... " "മ്മ്... ഇഷു... നിനക്ക് ഈ ഹീൽ ഷൂ ഇട്ട് നടക്കാൻ വയ്യേ... " ഞമ്മൾ മനസ്സിൽ വിജാരിച്ചത് ഇത്ത മാനത് വിചാരിച്ചു. "കൊഴപ്പല്ല.. " "ന്നാ എല്ലാരും ഫുഡ്‌ കഴിക്കാന് ചെല്ല്.."എന്ന് ആരോ വിളിച്ചു പറഞ്ഞു. ഞമ്മൾ എന്റെ കെട്ടിയോന്റെ മുഖത്തെക്ക് നോക്കിയപ്പോൾ എന്നെ ദേഷ്യത്തോടെ നോക്കുന്നുണ്ട്... ഞമ്മൾ വേഗം തലയും താഴ്ത്തി ഫുഡ്‌ കഴിക്കാന് പോയി... ഫുഡ്‌ ഒക്കെ കഴിച്ചു കഴിഞ്ഞു നേരെ വീട്ടിലേക്കു വിട്ടു. .

"ഇഷു... വാ മേലെയാ നിന്റെ റൂം... നിനക്ക് നല്ല ക്ഷീണം കാണും ല്ലേ.. നിന്റെ മുഖം കണ്ടാൽ അറിയാം.. " എന്ന് ഇത്ത ചോദിച്ചപ്പോൾ ഞമ്മൾ മറുപടിയായി ഒന്ന് ചിരിച്ചു കൊടുത്തു. ഞമ്മൾ സ്റ്റൈർ കേസ് കേറാൻ വേണ്ടി നിന്നതും ഒരു സ്റ്റെപ് പോലും മുന്നോട്ടു വെക്കാതെ ഞമ്മൾ അവിടെ തന്നെ നിന്നു.... "പടച്ചോനെ.... ഈ താമരശ്ശേരി ചുരം പോലെയുള്ള സ്റ്റെപ് ഞമ്മൾ എങ്ങനെ കേറാൻ ആണ്... അതും ഈ ഷൂ ഇട്ടിട്ടു... "എന്താ ഇഷു... കേറുന്നില്ലേ... " "അതുപിന്നെ ഇത്താ.. " "ഹാ എനിക്ക് മനസ്സിലായി... ഷാനു... നീ ഇങ്ങോട്ട് വാ.. " അപ്പൊ തന്നെ ഞമ്മളെ ഇക്ക അവിടെ ഹാജർ ആയി "എന്താ ഇത്താ.. " "എടാ നീയിന്നു കണ്ടതല്ലേ.. ഇവൾ ഇന്ന് വീഴാൻ പോയത്‌. അതുകൊണ്ട് എന്റെ ഷാനു ഇവളെ പൊക്കി എടുത്തോണ്ട് മേലേക്ക് കൊണ്ട് പോ... നിങ്ങടെ കല്യാണം ഒരു വരൈറ്റി ആയികോട്ടെ... "

എന്ന് ഇത്താ പറഞ്ഞു തീർന്നതും ആ പഹയൻ എന്നെ രണ്ടു കയ്യാൽ കൊണ്ടും വാരിഎടുത്തു ഓരോ സ്റ്റെപ്പും കേറാൻ തുടങ്ങി. "ഷാനുക്ക.. ഇങ്ങൾ പൊളിച്ചുട്ടോ.. " എന്നൊക്കെ ആരൊക്കെ വിളിച്ചു പറയുന്നുണ്ട്... അതിനോടൊപ്പം ഭയങ്കര കയ്യടിയും കൂകിവിളിക്കലുo ഒക്കെ കേള്ക്കുന്നുണ്ട്... അങ്ങനെ ഞമ്മളെ മേലെ കൊണ്ടാക്കി അവിടെ ഇറക്കി. "ഇനിയെങ്കിലും ഒന്ന് സൂക്ഷിച്ചു നടക് പെണ്ണെ... " എന്നും പറഞ്ഞു ഞമ്മളെ കവിളിൽ ഒരു നുള്ളും തന്നു ഞമ്മക്ക് നേരെ ഒരു സൈറ്റ് അടിച്ചു മൂപ്പർ പോയി.. ഇപ്പോഴാണെങ്കിലൊ കയ്യടിയും കൂകിവിളിക്കലുo ഒന്നും കൂടെ ഏറി... ഞമ്മൾ ഇപ്പൊ എന്താ ഇവിടെ നടന്നേ എന്ന് ആലോചിച്ചു ഷോക്ക്‌ അടിച്ചു ചത്ത കാക്കയേ പോലെ നിന്നു........... തുടരും...🥂

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...