💝ഇഷാനിദ്💝: ഭാഗം 4

രചന: SINU SHERIN

പടച്ചോനെ.... പണി പാളിയോ... ഇങ്ങേരു ഇതെന്താ കാണിക്കുന്നേ.... വെറ്തെ ജാഡ കാണിച്ചു കോഫി കുടിച്ചു... അത് കുടിക്കേണ്ടിയിരുന്നില്ല... മൂപ്പര്ക്ക് കൊടുത്താൽ മതിയായിരുന്നു.... ഇത് ഇപ്പൊ ഹലാക്കിന്റെ അവിലും കഞ്ഞിയായി... ഈ പുറത്തു കാണുന്ന ധൈര്യം മാത്രo ഒള്ളു.... ഞമ്മൾ ശെരിക്കും പാവാണ്‌... "എന്താ എന്റെ വൈഫി... ഇത്ര ചിന്തിച്ചു കൂട്ടുന്നെ... ഞമ്മളെ റൊമാന്സ് എത്ര നേരം നീണ്ടു നിൽക്കണം എന്നാണോ.... " ഞമ്മൾ ഒന്നും പറയാതെ പുറകിലേക്ക് പോയിക്കോണ്ടിരുന്നു... ഈ റൂമിന് ഹലാക്കിന്റെ വലുപ്പം ഉണ്ടായത് നന്നായി.... ഇല്ലേൽ എല്ലാ സ്റ്റോറിയിലും വായിക്കുന്ന പോലെ പെട്ടന്ന് ചുവരിൽ തട്ടി നിന്നേനെ... ഇതിപ്പോ ഇന്നൊന്നും ചുവരിൽ തട്ടി നിൽക്കും എന്ന് തോന്നുന്നില്ല... ഞമ്മളെ തന്നെ കണ്ണിമ വെട്ടാതെ നോക്കിനിൽക്കുന്ന ഞമ്മളെ കെട്ടിയോന്റെ മുഖത്തെക്ക് ഞമ്മളും ഒന്ന് മെല്ലെ തലപൊക്കി നോക്കി... ഹൌ... നോക്കേണ്ടിയിരുന്നില്ല... ഈ പഹയന്റെ ഒടുക്കത്തെ മൊഞ്ച് കാരണം മിക്കവാറും ഇവിടെ ഒരു പീഡനം നടക്കും.... കണ്ടില്ലേ ആ നോട്ടം...

ആ നോട്ടത്തിൽ തന്നെ ഞമ്മൾ സകലതും മറക്കും.... നല്ല ചൂട് ചിക്കൻ ബിരിയാണി മുന്പിൽ കൊണ്ട് വെച്ചു ഒരു വറ്റ് പോലും കഴിക്കരുത് എന്ന് പറഞ്ഞു അതിന്റെ അടുത്തേക്ക് വരുന്ന ഈച്ചയേ ആട്ടികൊണ്ടിരിക്കുന്നവന്റെ അവസ്ഥയാ ഇപ്പൊ എനിക്ക്... എന്ത് ചെയ്യാനാ വിധി.... ഇഷാ..... വേണ്ട.... കണ്ട്രോൾ യുവർസെല്ഫ്.... അവൻ നിന്റെ ശത്രുവാണ്... ശത്രുവിന്റെ ഭംഗി ആസ്വദിക്കൽ അത്ര നല്ല പരിപാടിയല്ല...അവനെ പേടിച്ചുനില്ക്കാതെ എന്തെങ്കിലും ഒക്കെ ചെയ്യുന്നതാണ് നിന്റെ തടിക്കും മൈൻടിനുo ഒരുപോലെ നല്ലത്... അപ്പൊ തന്നെ ഞമ്മൾ സടൻ ബ്രേക്ക്‌ ഇട്ടു അവിടെ രണ്ടു കൈയ്യും കെട്ടി നിന്നു.... "എന്താ ഇയാൾടെ ഉദ്ദേശം... ?? " ഞമ്മൾ ഒട്ടും പതറാതെ തന്നെ ചോദിച്ചു... "ചെറിയ ഉദ്ദേശം ഒന്നുമല്ല... അത്യാവശ്യം വലിയ ഉദ്ദേശം ആണ്.. " "ഉദ്ദേശം രണ്ടായി തരo തിരിച്ചിരിക്കുന്നു.... ഒന്ന്.... വലിയ ഉദ്ദേശം.... രണ്ടു.. ചെറിയ ഉദ്ദേശം... ഇത് രണ്ടും എക്സ്പ്ലൈൻ ചെയ്യാനല്ല ഞാൻ പറഞ്ഞത് ...... എന്താ ഇങ്ങനെ എന്നെ നോക്കുന്നതിന്റെ ഉദ്ദേശം എന്നാ ചോദിച്ചത്‌.... "

"നീ ആൾ കൊള്ളാലോ.... നല്ല തമാശക്കാരിയാണല്ലേ.... എന്നാല്ലേ എന്റെ ഉദ്ദേശം എന്റെ വൈഫിനെ നന്നായിട്ട് ഒന്ന് പരിജയപ്പെടണo എന്നാണ്.." ആണോ... നിങ്ങളെ പരിജയപ്പെടൽ ഞാൻ ഇപ്പൊ ശെരിയാക്കിതരാട്ടോ... എന്ന് ഞമ്മൾ മനസ്സിൽ വിചാരിച്ചു മൂപ്പരെ ബെഡിൽക്ക് ഒറ്റ തട്ട്.... ദേ കിടക്കുന്നു ബെഡിൽ.... "ഹ... ഹ... ഹ.... എന്നെ പരിജയപ്പെടണo അല്ലേ.... ഇനി പറ എന്തൊക്കെ എന്നെ കുറിച്ച് അറിയണം..... അല്ലേൽ വേണ്ട... ഇപ്പൊ മോൻ ബെഡിൽ കുറച്ചു നേരം റസ്റ്റ്‌ എടുക്കു... വൈഫി താഴെ പോയി പണി കഴിഞ്ഞിട്ട് വരാംട്ടോ.... എന്നിട്ട് ഞമ്മക്ക് വിശതമായി പരിജയപ്പെടാo എന്തെ.... പോരെ... " എന്നും പറഞ്ഞു ഞമ്മൾ ദുൽഖറിനെ പോലെ സ്ലോ മോഷനിൽ തിരിഞ്ഞ് നടക്കാൻ നിന്നതും ആ പഹയൻ ഓന്റെ കാലു നീട്ടി.... ഞമ്മളാണെങ്കിലൊ ഓൻ കാലു നീട്ടാൻ കാത്തിരുന്ന പോലെ ഓന്റെ മേത്ത്ക്ക് ഒറ്റ വീഴൽ... പണ്ടാരം..... പണി പാലും വെള്ളത്തിൽ കിട്ടി.... അല്ലേലും ഞാൻ ആർക്കേലും പണി കൊടുക്കാൻ തീരുമാനിച്ചാൽ അത് റിട്ടേൺ പണിയായി ഞമ്മക്ക് തന്നെ തിരികെ കിട്ടും....

അതിനെക്കാലേറെ ഞമ്മക്ക് മനസ്സിലാവാത്തെ ഈ പഹയനെയാണ്... ഓൻ ആണെങ്കിൽ ഞമ്മളെ കണ്ണിലേക്കു തന്നെ നോക്കി കിടക്കാണ്... ഓന്റെ നോട്ടം കണ്ടാൽ തോന്നും ഞമ്മളെ കണ്ണിൽ ഏതോ ഫിലിം ഓടികൊണ്ടിരിക്കാണ് എന്ന്.... പതിയെ അവനെന്റെ തട്ടത്തിലൂടെ വെളിയിലേക്ക്‌ വന്ന മുടികൾ എന്റെ കാതുകളിലേക്ക്‌ ഒതുക്കി വെക്കുന്നുണ്ട്... എന്നിട്ട് അവന്റെ കൈകൊണ്ട് എന്റെ കവിളിൽ എന്തൊക്കെയോ കാട്ടികൂട്ടുന്നുണ്ട്.... അവന്റെ നോട്ടത്തിൽ മതിമറഞ്ഞു ഞാനും നിൽക്കുമ്പോൾ ആണ് ആരോ ഡോർ തുറന്ന് റൂമിലേക്ക്‌ കയറി വന്നത്... അയാളെ കണ്ടതും ഞങ്ങൾ രണ്ടാളും ബെഡിൽ നിന്നും എണീറ്റു.... "അയ്യോ.... സോറി... ഞാൻ ഇഷുനെ വിളിക്കാൻ വന്നതാണ്... പക്ഷെ ഇവിടെ റൊമാന്സ് നടക്കാണ് എന്ന് ഞാൻ സത്യത്തിൽ അറിഞ്ഞില്ല... " എന്നും പറഞ്ഞു ഇത്ത ഹലാക്കിലെ ചിരി.... ഞമ്മളും തിരിച്ചു ഇത്താക്ക് ഒരു ചമ്മിയ ചിരി ചിരിച്ച് കൊടുത്തു... ഇത്താ ഞങ്ങളെ രണ്ടാളെയും കളിയാക്കി ചിരിച്ചു റൂമിൽ നിന്നുo ഇറങ്ങി പോയി.... അപ്പൊ തന്നെ കടുവ ഞമ്മളെ നേരെ കുരച്ച് ചാടി ....

"എന്താടി ഇളിച്ചു നില്ക്കുന്നെ.... ഇത്ത ചോദിച്ചപ്പോൾ അങ്ങനെ ഒന്നും നടന്നിട്ടില്ല എന്ന് നിനക്ക് വായ തുറന്ന് പറഞ്ഞൂടായിരുന്നോ....... ഇത്ത എന്നെ പറ്റി എന്ത് വിചാരിച്ചു കാണും എന്നാവോ.... " "എന്ത് വിജാരിക്കാൻ ഈ പറയുന്ന വായ ഇങ്ങൾക്കും ഇല്ലേ.... ഇങ്ങൾക്കും പറയായിരുന്നല്ലോ... ന്നിട്ട് എന്തെ മിണ്ടാതെ ഇളിച്ചു നിന്നീന്നത്... എന്നിട്ട് ഇപ്പൊ എന്റെ മെക്കട്ട് കേറാൻ വന്നിരിക്കുന്നു... " "ഡീീ.... നീയിനി അതികം പ്രസംഗിക്കണ്ട.... നിന്നെ കണ്ടത് മുതൽ എനിക്ക് കഷ്ട്ടക്കാലം ആണ്... ഇനി ദയവു ചെയ്തു എന്റെ മുന്പിൽ വരരുത്...അന്നേ കാണണം എന്നെനിക്കു യാതൊരു നിര്ബന്ധവും ഇല്ലാ... ഒന്ന് പോയിക്ക എന്റെ മുന്പിൽ നിന്നു... " എന്നും പറഞ്ഞു മൂപ്പര് ഞമ്മളെ റൂമിന് വെളിയിൽ ആക്കി ഡോർ അടച്ചു... എന്തൊരു സാധനം ആണിത്.... ഇങ്ങേരെ പാട്ടിൽ ആക്കണം എങ്കിൽ പതിനെട്ടു അല്ല നൂറ്റിപതിനെട്ടാമത്തെ അടവ് പ്രയോഗിക്കേണ്ടി വരും.... സാരല്ല്യ... ഇങ്ങളെ നന്നാകാൻ പറ്റോ എന്ന് ഞമ്മൾ ഒന്ന് നോക്കട്ടെ.... എന്നോക്കെ ഞമ്മൾ മനസ്സിൽ വിചാരിച്ചു താഴേക്കു പോയി....

കുറച്ചു കഴിഞ്ഞപ്പോൾ മൂപ്പര് നല്ല അടാർ ലുക്കിൽ ഒരുങ്ങി ഷർട്ട്‌ ഒക്കെ ഇന്ന് ചെയ്തു താഴേക്കു വരുന്നുണ്ട്... അപ്പൊ തന്നെ ഞമ്മക്ക് മനസ്സിലായി മൂപ്പര് ഓഫീസിലേക്ക്‌ പോവാണ് എന്ന്... ഞമ്മൾ മൂപ്പരെ കണ്ടപ്പോൾ തന്നെ ഹാളിൽ നിന്നും അടുകളയിൽക്ക് ഒരു ഓട്ടമായിരുന്നു.. മൂപ്പര് ചായ ഒക്കെ കുടിച്ചു ഓഫീസിലേക്ക്‌ പോവാന് വേണ്ടി പുറത്തേക്ക് ഇറങ്ങി... അത്രയും നേരം മൂപ്പരെ മുന്നിൽ ഒളിഞ്ഞു നടന്നിരുന്ന ഞാൻ ഓടി പോയി സിറ്റൗറ്റിൽ സ്ഥാനം ഉറപ്പിച്ചു..... ചുറ്റു വട്ടത്ത് ഒന്നും ആരും ഇല്ലെന്നു ഉറപ്പു വരുത്തി ഞാൻ കാറിൽ കേറാൻ നിന്ന മൂപ്പരെ പിറകിൽ നിന്നും വിളിച്ചു... "പൂയ്.... " അപ്പൊ തന്നെ മൂപ്പര് ഇതെവിടുന്ന ഒരു അശരീരി എന്ന രീതിയിൽ ചുറ്റും നോക്കി. അവസാനം സിറ്റൗറ്റിൽ നിൽക്കുന്ന നസ്രിയനെ പോലെ മൊഞ്ചുള്ള ഞമ്മളെ കണ്ടു..... "എന്താടി പോത്തെ... അന്നോട് ഞാൻ പറഞ്ഞിട്ടില്ലേ എന്റെ മുൻപിൽ വരണ്ട എന്ന് .... പിന്നിം എന്ത് ഒലക്കക്കാടി ഇവിടെ തൊള്ളയും തുറന്ന് നില്ക്കുന്നെ.... " "ഓ... പിന്നെ.... ഇങ്ങൾ ഇന്നോട് മുൻപിൽ വരരുത് എന്ന് പറയുമ്പോൾ ഞാൻ മുൻപിൽ വരാതെ ഇരിക്കല്ലേ....

ഞാൻ എനിക്ക് ഇഷ്ട്ടം ഉള്ളവരുടെ മുൻപിൽ പോയി നിൽക്കും.... കെട്ടിപിടിക്കും... ഉമ്മ വെക്കും അതിനു ഇങ്ങൾക്ക് എന്താ.. " "എടി.... ഞാൻ ഓഫീസിൽ നിന്നും വരട്ടെ... അപ്പൊ നിനക്ക് ഞാൻ കാണിച്ചു തരാടി... " "കാണിച്ചു തരുമ്പോൾ കുറച്ചു നിലവാരം ഉള്ളതാണെങ്കിൽ മാത്രം കാണിച്ചു തന്ന മതി... ഇനി ഞമ്മൾ ഇവിടെ അതികം നില്ക്കുന്നില്ലാട്ടോ... അപ്പൊ ഞമ്മക്ക് വൈകുന്നേരം കാണാവേ.... ബൈ...ലവ് യു... " എന്നും പറഞ്ഞു ഞമ്മൾ മൂപ്പർക്ക് നേരെ സൈറ്റ് അടിച്ചു രണ്ടു മൂന്ന് ഫ്ലയിംഗ് കിസ്സും കൊടുത്തു ഉള്ളിലേക്ക്‌ ഓടി... *************** വൈകുന്നേരം ഓഫീസിൽ നിന്നും വീട്ടിലേക്ക്‌ വന്നു.... വാതിൽ തുറക്കുന്നത് ആ പഹയത്തി ആവരുതെ എന്ന് മന മുരുകി പ്രാർതിച്ചു... പടച്ചോൻ ഇന്റെ പ്രാർഥന കേട്ട പോലെ ഉമ്മയാണ് ഡോർ തുറന്നത്... ഞമ്മൾ മേലെക്ക് കേറി റൂമിന്റെ വാതിൽ തുറന്നതും അവിടെ കണ്ട കാഴ്ച കണ്ട്‌ ഞമ്മൾ അന്തം വിട്ടു നിന്നു... ഞമ്മളെ ബീവി സോഫയിൽ കേറി നിന്നു ചുമരിനോട്‌ എന്തൊക്കെ പിറുപിറുക്കുന്നുണ്ട്..... സൂക്ഷിച്ചു നോക്കിയപ്പോൾ ആണ് സംഗതി മനസ്സിലായത്...

ചുമരിനോടല്ല... ചുമരിൽ തലയും ഉയർത്തി നിൽക്കുന്ന കൂറയോട് ആണ് മൂപ്പത്തി സംസാരിക്കുന്നത്... ഞമ്മൾ ഓളെ കാട്ടികൂട്ടലുകൾ കണ്ട്‌ ചിരിച്ചു നിൽക്കുമ്പോൾ ആണ് ഞമ്മളെ ഞെട്ടിച്ചു കൊണ്ട് ഓൾ "ഈച്ച " എന്ന് പറയുന്ന സിനിമയിലെ ഈച്ച സോoഗ് കൂറയിലേക്ക് ട്രാൻസ്ലേറ്റ് ചെയ്തു പാടിയത്... 'കൂറ.. കൂറ.. കൂറ... ചുവരിന്മേൽ അരിക്കും കൂറ രണ്ടു മിനിറ്റിനുള്ളിൽ റൂമിൽന്ന്‌ ഇറങ്ങി പോടാ... ' ഒറ്റയടിക്ക് പകച്ച്‌ പോയി ഞമ്മളെ കൗമാരവും യവ്വനവും വാർദ്ധക്യവും വരെ.... ഇവൾ ഇത്രയും വലിയ കലാക്കാരിയായിരുന്നോ.... ഹ... ഹ... ഹ... എനിക്ക് ആണേൽ ചിരി കണ്ട്രോൾ ചെയ്തു നിൽക്കാൻ വയ്യ... എന്നാലും അവളുടെ നെക്സ്റ്റ് കാട്ടികൂട്ടൽ കാണാൻ വേണ്ടി ഞാൻ ചിരി കണ്ട്രോൾ ചെയ്തു നിന്നു... അപ്പോഴാണ്‌ അവളുടെ അടുത്ത ബോംബ്‌ ഞമ്മക്ക് നേരെ എറിഞ്ഞത്. അത് കേട്ടതും ഞമ്മക്ക് ദേഷ്യം വന്നു എങ്കിലും അവളുടെ വർത്താനം കേട്ടപ്പോൾ ഒരു ചിരി ഞാൻ പോലും അറിയാതെ ചുണ്ടിൽ വിരിഞ്ഞു... "ദേ കൂറെ... മരിയാതക്ക് നിനക്ക് ഈ റൂമിൽ നിന്നും ഇറങ്ങി പോകുന്നതാണ് നല്ലത്....

അല്ലേൽ നിന്നെ ആ ചൂടൻ കൊന്നു കൊല വിളിക്കും.... മൂപ്പരെ നിനക്ക് ശെരിക്കും അറിയാഞ്ഞിട്ടാണ്....നിന്നെ എങ്ങാനും ആ പഹയന്റെ കയ്യിൽ കിട്ടിയാൽ പിന്നെ നിന്റെ ശവ സംസ്കാരതിനു കൂടി ബാക്കി വെക്കാതെ ആ ദുഷ്ടൻ നിന്നെ കൊല്ലും... വേണേൽ ഇപ്പൊ രക്ഷപ്പെട്ടോ... ഇപ്പോ എനിക്ക് നിന്നെ രക്ഷിക്കാൻ കഴിയും. പക്ഷെ അങ്ങേരെ കയ്യിൽ എങ്ങാനും കിട്ടിയാൽ പിന്നെ എനിക്ക് നിന്നെ ഒരു രീതിയിലുo രക്ഷിക്കാൻ കഴിയില്ല... " അവളുടെ ഡയലോഗ് കേട്ടതും ഞമ്മക്ക് നല്ലോണം ദേഷ്യം വന്നു.... പക്ഷെ അവളുടെ കാട്ടികൂട്ടലുകൾ അതെനിക്ക് ഒത്തിരി ഇഷ്ട്ടമായി... അതുകൊണ്ട് തന്നെ ഞമ്മൾ വന്നത് അറിയിക്കാതെ ഞമ്മൾ ഒളിഞ്ഞു നിന്നു ഓളെ വീക്ഷണം നടത്തി... ************

രാത്രി ഫുഡ്‌ ഒക്കെ കഴിച്ചു ഞമ്മൾ നല്ല അന്തസ്സായി സോഫയിൽ കിടന്നു ഉറങ്ങുമ്പോൾ ആണ് എവിടെ നിന്നോ ഒരു ശബ്ദം ഞമ്മളെ കാതിൽ വന്നു പതിഞ്ഞത്‌... രാത്രി ഉറക്കത്തിൽ ഞമ്മൾ എണീറ്റു നോക്കിയപ്പോൾ ഞമ്മളെ കെട്ടിയോൻ ഉറക്കത്തിൽ എന്തൊക്കെ പിച്ചുo പേയും പറയാണ്....അത് മൈൻഡ് ചെയ്യാതെ ഞമ്മൾ കിടക്കാൻ നിന്നതും ഇടയ്ക്കു ഒരു ഇഷാ എന്ന നാമം ഞമ്മളെ കാതിൽ പതിഞ്ഞു... അപ്പൊ ഞമ്മളെയാണ് മൂപ്പര് സ്വപ്നം കാണുന്നത്... അപ്പൊ തന്നെ ഞമ്മൾ സോഫയിൽ നിന്നും എണീറ്റു ബെഡിൽ മൂപ്പരുടെ അടുത്തു പോയിരുന്നു... ഉറക്കത്തിൽ ആണേലും മൂപ്പര് പറഞ്ഞ വാക്ക് കേട്ടതും ഇരുമ്പിന്റെ ഒലക്ക കൊണ്ട് തലയ്ക്കു അടിച്ചു കൊല്ലാൻ തോന്നി.... അത്രയ്ക്ക് ദേഷ്യം ഞമ്മക്ക് വന്നു.......... തുടരും...🥂

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...