💘 ഇഷയുടെ സൗഹൃദവും പ്രണയവും 💘: ഭാഗം 4

രചന: സഫ്‌ന കണ്ണൂർ

  അവന്റെ മുന്നിൽ സോറി പറയുന്നതിനേക്കാൾ നല്ലത് കോളേജിൽ പോകുന്നതേ നിർത്തുന്നതാണ്. എന്താ ഒരു വഴി. സുമി കാണുന്നുണ്ടായിരുന്നു ഇതെല്ലാം. ഇവരെ ഒന്നിപ്പിക്കാൻ എന്താ വഴി. ഇഷയുടെ സ്വഭാവം വെച്ചു ജയിക്കാൻ പറ്റിയില്ലെങ്കിൽ അവൾ കോളേജ് തന്നെ വേണ്ടന്ന് വെക്കും. സുമീ.... നാസിലയാണ്. അടുത്ത കുരിശ് ഇതിനെ എപ്പോഴാണാവോ ഇവിടുന്ന് പാക്ക് ചെയ്യുന്നേ. നാസിലയുടെ പേരന്റ്സ് ഗൾഫിൽ ആണ്. അത് കൊണ്ട് തന്നെ താമസം ഇവിടെത്തന്നെ. ഇഷയോടുള്ള സ്നേഹ കൂടുതൽ കാരണം സുമിക്ക് അവളെ ഇഷ്ടമല്ല. എന്താ നാസി ഞാനൊരു കാര്യം ചോദിച്ചാ സത്യം പറയണം. എന്താന്നുള്ള ഭാവത്തിൽ അവൾ നാസിയെ നോക്കി. സജുവും ഇഷയും തമ്മിൽ എന്താ പ്രോബ്ലം. ഒന്നുമില്ലല്ലോ. സജു പറഞ്ഞത് ഇവരുടെ വിവാഹം മാമ ഓപ്പറേഷൻ സമ്മതിക്കാൻ ഒരു അഡ്ജസ്റ്റ്മെന്റ് ആണെന്നാ. ഇഷക്ക് ഈ വിവാഹത്തിന് സമ്മതം അല്ലെന്നും. ഇഷയുടെ പെരുമാറ്റം കാണുമ്പോൾ അങ്ങനെ തോന്നുന്നില്ലലോ.

ഇഷക്ക് അവനെ ഇഷ്ട്ടാണോ ഇഷയുടെ ആദ്യ ലവർ ആണ് സജു. എന്തോ ചെറിയ പിണക്കത്തിന്റെ പേരിൽ ബ്രേക്കപ് ആയതാ. ആരൊക്കെയോ പറയുന്നകേട്ടത ഇത്. എനിക്ക് ശരിക്കും അറിയില്ല. ഇനി ഇത് ഇക്കനോട് ചോദിച്ചു ദയവുചെയ്ത് എനിക്ക് തല്ലുകൊള്ളിക്കരുത്. അതും പറഞ്ഞു സുമി പോയി. അടുക്കള വാതിൽ ചാരി പുഞ്ചിരിയോടെ നിക്കുന്ന ഇഷയെ സുമി കണ്ടു. മുത്തേ ചീത്തവിളിക്കരുത് അവൾ അവനെ വിട്ട് പോണേൽ പോയികൊട്ടെന്ന് കരുതി പറഞ്ഞതാ. അവക്കെന്താടി കുറവ് കുറവല്ല എല്ലാം കൂടുതലെ ഉള്ളൂ. നിന്റെ ഇക്കാക്കക്ക് തലവേദനയാക്കാനാ ഞാൻ അവളെ ചൂടാകുന്നത്. നിനക്ക് എന്താ അവളെ ഇഷ്ടമല്ലാത്തത്. എനിക്ക് ഇഷ്ടമല്ല. അത്രന്നെ എന്ത് കണ്ടാണവോ ഇക്കാക്ക ഇവളെ പ്രേമിച്ചെ. അവളെ ബോഡി കണ്ടായിരിക്കും. സുമിക്ക് അവൾ പറഞ്ഞത് ഇഷ്ടായില്ല. അവളുടെ മുഖത്തു നിന്നും ഇഷക്ക് അത് മനസ്സിലായി. മുഖം വീർപ്പിക്കണ്ട ഉള്ളത് തന്നെയാ പറഞ്ഞേ. എന്റെ ഇക്കാക്ക് ഒരബദ്ധം പറ്റി അന്ന്. അതിൽ അവൻ സുമീ പ്ലീസ് എനിക്ക് കേൾക്കണ്ട ഒന്നും. മറക്കാൻ ശ്രമിക്കുന്നതാ എല്ലാം ഞാൻ. വീണ്ടും ഓര്മപെടുത്തണ്ട. വർഷങ്ങൾ കഴിഞ്ഞില്ലേ ഇനിയും....... നിന്റെ ഉപ്പാക്ക് വേണ്ടിയാ ഞാൻ ഈ വിവാഹത്തിന് സമ്മതിച്ചേ.

നിന്റെ ഉപ്പ എന്നേം നിന്നേം വേർതിരിച്ചു ഇതുവരെ കണ്ടിട്ടില്ല. എന്നെ സ്വന്തം മോളെപോലെയാ കാണുന്നെ. നിനക്ക് ഒരു മിട്ടായി വാങ്ങിനെങ്കിൽ അതിന്റെ പാതി എനിക്കാ തന്നിരുന്നേ. അതിനേക്കാൾ ഉപരി ഉപ്പാക്ക് വേണ്ടി ഒന്നും മിണ്ടാതെ എന്നോട് എന്ത് പറയണം എന്നറിയാതെ എന്റെ തോളിൽ ചാരിയിരുന്ന് കരഞ്ഞ നിനക്ക് വേണ്ടിയും. അത് കൊണ്ട് തന്നെയാ ഈ വിവാഹത്തിന് സമ്മതിച്ചതും.അല്ലാതെ നിന്റെ ഇക്കാക്ക എന്റെ കാലുപിടിക്കാൻ വന്നത് കൊണ്ടല്ല. ഒരിക്കലും അവന് മാപ്പ് കൊടുക്കുകയും ഇല്ല. സ്നേഹിച്ചവരെ ചതിക്കാനും സങ്കടപെടുത്താനും അറിയില്ല അവനെ പോലെ. അതാ എന്റെ പരാജയവും. എന്നുവെച്ചു നിന്റെ ഇക്കാക്കയെ.......... അവനെ എന്നല്ല ഒരാണിനെയും ഇനി ഞാൻ വിശ്വസിക്കില്ല. എന്റെ ജീവിതത്തിൽ ഇനി ഒരു പുരുഷനും കടന്നു വരികേം ഇല്ല. ഇത് പറയുമ്പോൾ അവളുടെ മുഖം വലിഞ്ഞു മുറുകി അവൾക്ക് ശ്വാസം മുട്ടുന്നത് പോലെ തോന്നി സുമിക്ക്. ഇഷാ സോറി ഞാൻ ഒരു തമാശ പറഞ്ഞതടി. സോറി. നീ കോളേജിൽ പോകാൻ നോക്ക്. സുമി വിഷയം മാറ്റി.

സജുനോട് സോറി പറഞ്ഞു എനിക്ക് കോളേജിൽ പോകണ്ട. ഇഷ പ്ലീസ് വാശിക്ക് വേണ്ടി കളയാനുള്ളതല്ല കോളേജ്. ഞാൻ കൂടെ വരാം. നീ പോയി ഡ്രസ്സ് മാറ്റി വാ. നിന്റെ നോട്സ് നിന്റെ അനിയനോട് പറഞ്ഞിട്ടുണ്ട് കൊണ്ട് വരാൻ. സുമിയും ഇഷയും പോകാൻ ഇറങ്ങുമ്പോഴായിരുന്നു സജു വന്നത്. ഉപ്പ സിറ്റൗട്ടിൽ ഇരിക്കുന്ന കണ്ടു. അവൻ അവളുടെ അടുത്തേക്ക് ചെന്നു മെല്ലെ പറഞ്ഞു ഇതും തോൽവിക്ക് തുല്യമാണ്. എന്റെ കൂടെ കോളേജിൽ പോകുമെന്നാണ് പറഞ്ഞത് . ഇപ്പോ നീ തോറ്റില്ലേ. അതല്ലേ സുമിയെയും കൂട്ടി പോകുന്നെ. അതും പറഞ്ഞു അവൻ അകത്തേക്ക് പോയി. പോകാൻ പോയ ഇഷ തിരിച്ചു വന്നു. മോള് എന്താ തിരിച്ചു വന്നെ. സജുനോട് ചോദിക്കാൻ മറന്നു പോയി. പിണങ്ങിയ പോയേ. മിണ്ടുന്നില്ല ഇപ്പൊ. സജൂ ഇങ്ങ് വാ എന്താ ഉപ്പാ നീ എന്റെ മോളോട് പിണങ്ങിയോ. അവൻ അവളെ നോക്കി. അവൾ കാണാത്ത ഭാവത്തിൽ മുഖം തിരിച്ചു. ഇവൾ ചുമ്മാ പറയുന്നതാ. പിന്നെന്താ നീ ഇവളെ കോളേജിൽ കൊണ്ട് വിടാത്തെ ഞാൻ ബൈക്കിന്റെ ചാവി എടുക്കാൻ പോയതാ അവളൊന്ന് ഞെട്ടിയത് അവൻ കണ്ടു അല്ല അതിന് ഞാനും സുമിയും ഇല്ലേ ബൈക്കിൽ എങ്ങനാ പോവുക. കാറിൽ പോകാം.

കാറിൽ പെട്രോൾ തീർന്നു. സ്റ്റാർട്ട് ആകണേൽ ഇനി വാങ്ങിച്ച് വരണം. അവൻ മനപൂർവ്വം ചെയ്തത് ആണെന്ന് അവക്ക് മനസ്സിലായി. ബൈക്ക് ആണേൽ ബൈക്ക് ഇവളെ കൊണ്ടക്കിട്ട് വാ. സുമിക്ക് പോകണ്ട ആവശ്യം ഒന്നും ഇല്ലല്ലോ. ശരി ഉപ്പാ. നമ്മൾ പോസ്റ്റ് ആയി അല്ലെ സുമി പറഞ്ഞു. ഉള്ളിൽ അവൾക്ക് ഒരുപാട് സന്തോഷം തോന്നി. ഒന്നിച്ചുള്ള യാത്ര നല്ലതാണ്. ഇഷ ഇനി എന്ത് ചെയ്യും എന്നറിയാതെ ഒന്ന് നിന്നു. ഇവന്റെ കൂടെ ബൈക്കിൽ..... ഇങ്ങനൊരു പണി പ്രതീക്ഷിച്ചില്ല അല്ലേ. നീ എനിക്കിട്ട് പണിതു ഞാൻ തിരിച്ചും സമാസമം. അവളൊന്ന് മൂളുക മാത്രം ചെയ്തു. നീ ബൈക്ക് സ്റ്റാർട്ട് ആക്ക് ഞാനിപ്പോ വരാം. അവൾ അകത്തേക്ക് പോയി. പെട്ടെന്ന് തിരിച്ചു വരികേം ചെയ്തു. പോകാം. അവളുടെ മുഖത്തെ ചിരി കണ്ടപ്പോൾ അവന്റെ ഉള്ളിൽ ചെറിയ പേടി തോന്നി. പിശാച് എനിക്കിട്ട് പണിതന്നോ. എന്താ ഇത്ര പെട്ടെന്ന് ഇവൾ ഒപ്പിച്ചത്.... തുടരും...🥂

നോവലുകൾ ഇനി വാട്സാപ്പിലും വായിക്കാം. ഗ്രൂപ്പിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക.

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...