💞ജീവാംശമായി 💞: ഭാഗം 12

രചന: ആര്യ പൊന്നൂസ്‌

അവള് വന്നത് അറിഞ്ഞോണം ആ രൂപം എണീറ്റ് അവൾക്കരുകിലേക്കടുത്തു..... അവള് പിന്നിലേക്ക് നടക്കാൻ തുടങ്ങി......പെട്ടന്നാ രൂപം അവളെകെട്ടിപിടിച്ചു....... പാറൂ....... സോറി......... ഒരുപാട് വേദനിപ്പിച്ചെന്നറിയാം....... എന്റെ മുൻപിൽ മറ്റൊരു വഴിയും ഇല്ലായിരുന്നു നിന്റെ ജീവൻ രക്ഷിക്കാൻ അതാ ഞാൻ അങ്ങനെയൊക്കെ....... എബിച്ചാ........... അവനെ ഇറുകെപുണർന്ന് വിറയാർന്ന ശബ്ദത്തോടെയവൾ വിളിച്ചു.......ഒന്ന് ശ്വാസമെടുത്തു അവനവളെ ഒന്നുകൂടെ തന്നിലേക്ക് അണച്ചുപിടിച്ചു.... എത്രനേരം അങ്ങനെ നിന്നെന്നു അറിഞ്ഞില്ല..... അവളുടെ കണ്ണീരാൽ അവന്റെ ഷർട്ട്‌ കുതിരാൻ തുടങ്ങിയതും അവനവളെ സെറ്റിയിൽ ഇരുത്തി വേഗം ചെന്ന് ലൈറ്റ് ഓണാക്കി അവളുടെ മുൻപിൽ മുട്ടുകുത്തി ഇരുന്നു...... പാറൂ........ മോളേ....... എന്നോട് ദേഷ്യമാണോ...... ഇല്ലെന്നവൾ തലയാട്ടി ...... എനിക്കറിയാം ഞാൻ നിന്നെ അറിയില്ലെന്ന് നടിച്ചപ്പോൾ നീയൊരുപാട് വേദനിച്ചുകാണുമെന്ന്...... ബട്ട്‌...... വേറെ ഒരു വഴിയും എന്റെ മുൻപിൽ ഇല്ലാ....... എല്ലാവരുടെയും മുൻപിൽ ഓർമയില്ലെന്ന് അഭിനയിക്കുന്നത് നേർക്കുനേരെനിന്ന് എതിരിടാൻ അറിയാഞ്ഞിട്ടല്ല..... എന്നാൽ അത് നിന്നെ ബാധിക്കുന്നത് എനിക്ക് താങ്ങില്ല.......

അപ്പോൾ ഇച്ചനെല്ലാം ഓർമയുണ്ടോ....... ഉം....... എന്തൊക്കെ മറന്നാലും നിന്നെ മറക്കാൻ എനിക്ക് കഴിയോ...... ഈ അഭിനയം എനിക്ക് തുടർന്നെ പറ്റൂ...... അവർക്ക് നിന്നോടുള്ള ദേഷ്യം എനിക്ക് മനസിലാവും എന്നാൽ എന്തിനാ എന്നോട് ഈ വെറുപ്പും വൈരാഗ്യവും..... അവൻ വേദനയോടെ ചോദിച്ചു.. പാറൂ...... നീ വെറുപ്പ് അഭിനയിച്ചതല്ലേ എന്നോട്...... അങ്ങനെ വിശ്വസിക്കട്ടെ ഞാൻ..... അവളവന്റെ മുഖം കൈകുമ്പിളിൽ എടുത്തു നെറ്റിയിൽ മുത്തി........ ഇച്ചാ...... എനിക്ക്.... എനിക്ക് പേടിയാവുന്നു........ അയാള്... ന്റെ വാവയെ..... അവനൊന്നും സംഭവിക്കില്ല.... ഇതെന്റെ വാക്കാ...... ഞാനുണ്ടാവും ഒപ്പം....... വാവയുടെ കാര്യം ഞാൻ സ്റ്റീഫനെ ഏല്പിച്ചിട്ടുണ്ട്..... വേണ്ടതൊക്കെ അവൻ ചെയ്തു........ അപ്പൊ സ്റ്റീഫന് അറിയോ ഇച്ചൻ....... ഉം..... അറിയാം...... നീയെന്തിനാ എന്നെ വേണ്ടെന്ന് വച്ചത്..... ഭീഷണി ഭയന്നാണോ...... ഉം....... അവനവളുടെ ഇരു കയ്യിലും പിടിച്ചു..... നിന്റെ അച്ഛനും അമ്മയും എങ്ങനെയാ മരിച്ചത്...... ഒരു si ആയിരുന്നിട്ടകൂടി ആരും ഒന്നും അന്വേഷിച്ചില്ലേ........പാറൂ ഒരുപാട് ചോദ്യങ്ങൾക്കുള്ള ഉത്തരംതേടി അലയുകയാണ് ഞാൻ...... അതിനുള്ള ഉത്തരം നിനക്കെ അറിയൂ നിനക്ക് മാത്രമേ എന്നെ സഹായിക്കാൻ കഴിയൂ....... ഞാനൊരുപാട്തവണ നിന്നോട് ആവർത്തിച്ചു ചോദിച്ചു...

എന്തിനാ നീയെന്നെ വിട്ടുപോയത്.... അന്ന് പോയതിനുശേഷം എന്താ ഉണ്ടായത്.... നമുക്കിടയിൽ എന്താ സംഭവിച്ചത്..... എന്റെയും നിന്റെയും ജീവിതം എങ്ങനെ ഇങ്ങനെ മാറി........ എന്തിനാ എന്റെ അപ്പനും കൂടപ്പിറപ്പുകളും എന്നെ കൊല്ലാൻ നോക്കുന്നത്...... ഇതിനെല്ലാം നിനക്കൊരുപക്ഷെ ഉത്തരം ഉണ്ടാവില്ലായിരിക്കും എന്നാൽ ചിലകാര്യങ്ങളെങ്കിലും നിനക്കറിയാം.... അതെന്താണെന്ന് പറാ........... പാറൂ ഇനിയും മൗനംപാലിക്കല്ലേ.... നീയങ്ങനെ ചെയ്താൽ അത് വാവയുടെയും നിന്റെയും എന്റെയും ജീവന് ആപത്താ... അത് മനസിലാക്ക്.....എനിക്കെന്ത് സംഭവിച്ചാലും കുഴപ്പമില്ല... അവളവന്റെ ചുണ്ടിൽകൈവച്ചു... ഞാൻ പറയാം......ഇച്ഛനറിയണം എല്ലാം..... അവളുടെ കണ്ണുകൾ നിറയുന്നുണ്ട് അത് തുടച്ചുകൊടുത്തു അവനവളുടെ അടുത്തായിരുന്നു ആ കൈകൾ തന്റെ കൈക്കുള്ളിൽ ഭദ്രമായിവച്ചു.......... 💕💕💕💕💕💕💕💕💕💕💕💕 എന്റെ ഇച്ചാ ഞാൻ മരിക്കാൻ പോകുകയൊന്നും അല്ല...... പാറൂ.... വെറുതെ നീയെന്നെ ദേഷ്യം പിടിപ്പിക്കരുത്..... ദേഷ്യം പിടിപ്പിച്ചാൽ..... എന്താ എന്നെ അങ്ങ് തൂക്കികൊല്ലുമോ ഇല്ല...... നിന്നെയങ്ങ് കെട്ടിപ്പിടിക്കും.... അയ്യോടാ...... ഇങ്ങ് വാ... പാറൂ ഞാനും വരട്ടെ നിന്റൊപ്പം.... വയ്യെന്റെ മോളേ നിന്നെ പിരിഞ്ഞു......

i cant...... എന്റെ എബിച്ചാ ഒരാഴ്ച അല്ലേ.... അതുകഴിഞ്ഞാൽ ഞാനിങ്ങു വരില്ലേ.... പിന്നെ നമുക്ക് അടിച്ചുപൊളിക്കാം..... ഞാൻ നാട്ടിൽ വരാം.... നിന്റെ അച്ഛൻ ആ si സാറേ ഒന്ന് പരിചയപ്പെടാലോ..... ഉവ്വോ.... വേണ്ടാ.... ചിലപ്പോൾ മോനെയെടുത്ത് ജയിലിലിടും.... ഇച്ചാ.... i മിസ് you..... ഞാൻ പെട്ടന്ന് വരാം..... അവിടെയെത്തിയിട്ട് വിളിക്കാം ട്രെയിൻ എടുക്കാറായി..... അവനൊന്നു മൂളി മുഖം കുനിച്ചു.... പെട്ടന്നാണ് അവളവനെ കെട്ടിപിടിച്ചു ആ ചുണ്ടുകൾ സ്വന്തമാക്കിയത്....... അവനു കാര്യം മനസിലാകുന്നതിനുമുന്പേ അവളവിടുന്ന് ഓടി ട്രെയിനിൽ കയറി അവനെ നോക്കി കണ്ണുചിമ്മി.......... അച്ഛൻ റെയിൽവേ സ്റ്റേഷനിൽ ഉണ്ടാകുമെന്ന് പറഞ്ഞെങ്കിലും ആരെയും കണ്ടില്ല..... തെല്ലു പരിഭവത്തോടെ അവള് തനിച് വീട്ടിലേക്ക്‌വിട്ടു...... ചേച്ചിയമ്മേ...... അവളെ കണ്ടതും പ്രഥ്വി കളിക്കുന്നത് നിർത്തി ഓടിവന്നു...... ഇതാ മുട്ടായി..... അവന്റെകയ്യിൽ കൊടുത്തു അവന്റെയൊപ്പം വീട്ടിലേക്ക് നടന്നു...... അമ്മേ.... അമ്മേ.... വന്നോ..... അമ്മേടെ പാറൂട്ടി.... വേണ്ട സോപ്പൊക്കെ സ്വന്തം കയ്യിൽത്തന്നെ ഇരിക്കട്ടെ...... എന്തുപറ്റി നല്ല ചൂടിലാണല്ലോ...... വാവേ ആ ഫാനൊന്ന് ഇട്ടേ... ചേച്ചിയമ്മ ഒന്ന് തണുക്കട്ടെ..... ദേ അമ്മേ എനിക്ക് ദേഷ്യം വരുന്നുണ്ട്.... കളിയാക്കാണോ......

എന്തുപറ്റി.... അവളുടെകയ്യിൽനിന്നും ബാഗ് ഊരിവാങ്ങി ആ മുടിയിൽ തലോടി അവര് ചോദിച്ചു... അച്ഛനെവിടെ..... കൊല്ലും ഞാൻ നോക്കിക്കോ .. സ്റ്റേഷനിൽ എന്നെ വിളിക്കാൻ വരുമെന്ന് പറഞ്ഞതല്ലേ.... വരില്ലെങ്കിൽ ഒന്ന് വിളിച്ചു പറഞ്ഞൂടെ.... അപ്പൊ അച്ഛൻ വന്നില്ലേ..... ശരിയാക്കികൊടുക്കാം ഇന്ന്...... ഇങ്ങ് വരട്ടെ.... രാവിലെ നിന്നെ കൂട്ടിയിട്ടേ ബാക്കി പരിപാടി ഉള്ളൂ എന്ന് പറഞ്ഞതാ.... ഈ മനുഷ്യന്റെ ഒരു കാര്യം..... അങ്ങനെ വരാൻ കഴിയില്ലെങ്കിൽ എന്നോട് പറഞ്ഞാൽ മതിയായിരുന്നല്ലോ.... ഞാൻ വരില്ലായിരുന്നോ..... അല്ലെങ്കിലും ജോലി എന്ന ഒറ്റവിചാരമേ ഈ മനുഷ്യനുള്ളൂ..... ഹലോ.... മാഡം മതി എന്റെ അച്ഛനെ കുറ്റം പറഞ്ഞത്..... ഞാൻ പോയി ഫ്രഷായി വരാം.... അപ്പോഴേക്കും സ്പെഷ്യൽ അപ്പവും ചിക്കൻ സ്ട്യൂവും റെഡിയായിരിക്കണം.... അയ്യോടാ.... ഇത് ഹോട്ടൽ അല്ല.... ഞാൻ എനിക്ക് തോന്നുന്നത് ഉണ്ടാക്കും വേണമെങ്കിൽ വന്ന് കഴിച്ചിട്ട് പൊക്കോ.... അമ്മയെ പുച്ഛിച്ചു അവള് റൂമിൽ കയറി..... ഫോണെടുത്ത് എബിനെ വിളിച്ചെങ്കിലും ഔട്ട്‌ ഓഫ് കവറേജ്‌ ആയിരുന്നു..... ഫോൺ ചാർജിലിട്ട് അവള് കുളിക്കാൻ കയറി...... കുളിച്ചു വന്നപ്പോഴേക്കും അവള് പറഞ്ഞത് അമ്മ റെഡിയാക്കിയിരുന്നു.... എന്റെ ചക്കര അമ്മ..... എനിക്കറിയായിരുന്നു ഞാൻ വരുന്നു എന്നറിയുമ്പോൾ തന്നെ ഇതൊക്കെ ഉണ്ടാക്കുമെന്ന്.... സോപിടാതെ ഇരുന്ന് കഴിക്ക്..... അമ്മ കഴിപ്പിക്കണോ..... ഉം.... വേണം..... വാവേ വാ..... അവൻ വന്ന് അവളുടെ മടിയിലിരുന്നു....

അമ്മ രണ്ടുപേരെയും കഴിപ്പിക്കാൻ തുടങ്ങി....... മോളെ പതിയെ...... ആകെ കോലംകെട്ടു.... ഹോസ്റ്റലിൽ ഫുഡ് കൊള്ളില്ലെന്നും പറഞ്ഞു കഴിക്കില്ലല്ലോ പിന്നെ എങ്ങനെയാ...... അതിനിപ്പോ അധികവും അമ്മച്ചി ഫുഡ് തന്നയക്കും....... അമ്മച്ചിയോ..... ആരുടെ അമ്മച്ചി..... അവള് കീഴ്ച്ചുണ്ട് കടിച് പുരികം വളച്ചു.. പാറൂ നിന്നോടാ..... അമ്മേ അത്.... ഫ്രണ്ടിന്റെ അമ്മച്ചി....... ഞങ്ങൾക്ക് ഫുഡ് കൊടുത്തുവിടും അതാ ഞാൻ പറഞ്ഞത്..... ആണോ അതേതായാലും നന്നായി.... എന്നിട്ടും നീയെന്താ ഇങ്ങനെ ..... അതിനവള് മറുപടി പറഞ്ഞില്ല..... കഴിച് കഴിഞ്ഞ് അവളും പ്രത്വിയും ഇരുന്ന് കളിക്കാൻ തുടങ്ങി...... വൈകുന്നേരമാണ് അച്ഛൻ വരുന്നത്.... അച്ഛനെ കണ്ടതും അവള് മുഖം തിരിച്ചു..... അമ്മേ...... ദാ നിങ്ങടെ ഭർത്താവ് വന്നിട്ട്.... അപ്പൊ ഞാൻ നിന്റെ ആരാടി..... അവള് ചുണ്ട് കോട്ടി..... അയാള് അവളുടെ അടുത്തായിരുന്നു...... സോറി..... അച്ഛൻ അങ്ങോട്ട്‌ വരാനിരുന്നതാ.... അപ്പോഴാ എമർജൻസി കോള് വന്നത്..... അങ്ങനെ ആണെങ്കിൽ ഒന്ന് വിളിച്ചുപറയാനുള്ള മര്യാദ കാണിക്കണം അല്ല പിന്നെ...... ഇത്തവണത്തേക്ക് ക്ഷമിക്ക്.... അടുത്തത്തവണ അച്ഛൻ ഉറപ്പായും വരും...... എനിക്ക് വിശ്വാസമില്ല.... പോ.... അച്ഛന്റെ മുത്തല്ലേ സോറി..... വേഗം റെഡിയാവ് നമുക്ക് പുറത്തുപോയി അടിച്ചുപൊളിക്കാം.......

അവരെല്ലാംകൂടെ പുറത്തുപോയി.... രാത്രിയാണ് വന്നത്..... വന്നയുടൻ അവളും മോനുംകൂടേ അവളുടെ റൂമിൽച്ചെന്ന് കിടന്നുറങ്ങി........ രാവിലെ അമ്മ നോക്കുമ്പോൾ രണ്ടുപേരും കെട്ടിപിടിച്ചുകിടക്കുന്നതാണ് കണ്ടത്....... അവരവിടെയിരുന്നു അവളെ നോക്കാൻ തുടങ്ങി.... ഇടയ്ക്കവളുടെ മുടിയെടുത്ത് ചെവിക്ക് പിന്നിലേക്ക് തിരുകിവച്ചു...... അപ്പോഴാണ് അവളിട്ടിരിക്കുന്ന ചെയിനിൽ മറ്റൊരു ലോക്കറ്റ് കോർത്തിരിക്കുന്നത് ശ്രദ്ധയിൽപ്പെട്ടത്....... ഇത്..... ഇതേതാ ഈ ലോക്കറ്റ്...... അവരത് സസൂക്ഷമം പരിശോദിച്ചു...... താലിയോ...... താലിയെങ്ങനെ പാറൂന്റെ കഴുത്തിൽ..... അവരുടെ കണ്ണ് നിറഞ്ഞു..... അച്ഛന്റെ കൈതോളിൽ പതിഞ്ഞതും അവര് തിരിഞ്ഞു..... എന്താടോ..... ഇത്... ഇതുനോക്ക്...... താലി.... രണ്ടുപേർക്കും അതൊരു ഷോക്ക് ആയിരുന്നു.....രണ്ടുപേരും അവളുടെ ബുക്ക് നോക്കാൻ തുടങ്ങി..... ബുക്കിന്റെ കൂട്ടത്തിൽനിന്നും ഡയറികിട്ടിയതും ഒരുമിച്ചാണത് വായിച്ചത്...... ആ ഡയറിൽ എബിയും പാറുവും അവരുടെ ലോകവുമായിരുന്നു........ പാറു എണീറ്റുവന്നപ്പോൾ എന്തോ ആലോചിച്ചിരിക്കുന്ന അച്ഛനെയും അമ്മയേയുമാണ് കാണുന്നത്.... അവള് പുറകിലൂടെച്ചെന്ന് അച്ഛന്റെ തോളിൽതൂങ്ങി..... എന്തുപറ്റി അച്ഛാ...... ഇതെന്താ ഇങ്ങനെ ഇരിക്കുന്നത്.....അമ്മേ.... എന്താ...... അത് തന്നെയാ ഞങ്ങൾക്കും അറിയേണ്ടത്..... എന്താടി ഇത്....... ഡയറി ഉയർത്തി അവര് ചോദിച്ചതും അവള് തറഞ്ഞുനിന്ന്...... ആരാടി എബിൻ...... നീ പഠിക്കാൻ പോയതോ അതോ വേറെ വല്ലതിനുമോ ....

എങ്ങനെ തോന്നിയെടി നിനക്ക് ഞങ്ങളെ ചതിക്കാൻ........ എങ്ങനെ കഴിഞ്ഞു നിനക്ക് അവൻകെട്ടിയ താലിയുമിട്ട് ഒന്നും സംഭവിക്കാത്തപോലെ ഇങ്ങനെ അഭിനയിക്കാൻ...... അമ്മേ ഞാൻ...... അമ്മയുടെ കൈ അവളുടെ മുഖത്ത് ശക്തിയിൽ പതിഞ്ഞു...... വിളിക്കരുത് എന്നെ അങ്ങനെ....... എന്നെ ചതിച്ചവളാ നീ...... സ്വന്തം അച്ഛനെയും അമ്മയെയും ഇങ്ങനെ ചതിച്ചനിന്നോട് ദൈവംപോലും പൊറുക്കില്ല...... എത്രവലിയതെറ്റാ നീ ചെയ്തത്....... ദ്രോഹം...... ഇറങ്ങിപ്പോടി ഇവിടുന്ന്....... ഞാൻ പറയുന്നതൊന്ന് കേൾക്ക്..... പ്ലീസ് അമ്മാ...... അച്ഛാ..... എന്നെയൊന്നു നോക്കച്ഛാ.... അച്ഛാ..... എന്നോട് ഒന്ന് മിണ്ടു.... എന്നെയൊന്നു വഴക്കെങ്കിലും പറാ ഇങ്ങനെയിരിക്കല്ലേ പ്ലീസ്....... എന്തു തെറ്റാ പാറൂ ഞങ്ങള് നിന്നോട് ചെയ്തത്..... തമാശയ്ക്കെങ്കിലും നിനക്ക് സൂചിപ്പിക്കായിരുന്നില്ലേ........ നിങ്ങള് പറയുന്നപോലെ അങ്ങനെ കല്യാണം കഴിച്ചതല്ല....... എബിച്ചൻ ഒരു മാല കഴുത്തിലിട്ടു എന്നേ ഉള്ളൂ..... എനിക്കൊരുപാട് ഇഷ്ടാ എബിച്ചനെ..... എബിച്ചനും..... അസത്തെ........ ഉറക്കെവിളിച്ചു അമ്മ അവളുടെ ഇരു കവിളിലും മാറിമാറി അടിച്ചു..... ഇടയ്ക്ക് അച്ഛൻ അമ്മയെപിടിച്ചുമാറ്റി......... മോളേ.... നീ ചെറിയകുട്ടിയാ..... നീ കാണുന്നതല്ല ലോകം.... അതിനപ്പുറം വലിയൊരു ലോകമുണ്ട്.... നീ കേൾക്കുന്നതല്ലേ ഓരോന്ന്....... നാളെ അവൻ നിന്നെ ചതിച്ചാൽ എന്തുചെയ്യും.... അച്ഛാ..... അങ്ങനെയൊരാളല്ല എബിച്ചൻ....... എബിച്ചന്റെ വീട്ടിലെല്ലാം ഈ കാര്യം അറിയാം..... അച്ഛൻ ഒന്ന് എബിച്ചന്റെ അപ്പച്ചനോട് സംസാരിച്ചുനോക്ക്..... പ്ലീസ്...... പ്ലീസ് അച്ഛാ...... പാറൂ നിനക്ക് എന്താപറ്റിയത്..... ഞങ്ങളെക്കാൾ വലുതാണോ നിനക്കവൻ.......... അതല്ല അച്ഛാ..... എനിക്ക് ഇച്ചനെ ഒരുപാട് ഇഷ്ടാ......

ഇച്ചനെ മറക്കാൻ എനിക്ക് പറ്റാത്തതുകൊണ്ടാ.......... അച്ഛനൊന്നും മിണ്ടാതെ അകത്തുകയറി കതകടച്ചു അമ്മ അവളെ നോക്കാതെ അടുക്കളയിലേക്ക് നടന്നു....... കുറച്ചുനേരം അവിടെത്തറഞ്ഞുനിന്ന് അവള് അകത്തേക്ക് നടന്നു..... കതക് ചാരിവച്ചു ഫോണെടുത്ത് എബിയെ ട്രൈ ചെയ്തു..... അപ്പോഴും ഫോൺ ഔട്ട്‌ ഓഫ് കവറേജ്‌ തന്നെയാണ്.... ഇച്ചനിതു എവിടെ...... ഇതെന്താ വിളിച്ചിട്ട് കിട്ടാത്തത്.... ഇപ്പൊ എന്താ ചെയ്യാ.... എങ്ങനെയാ വിവരം ഒന്നറിയിക്കാ........ അപ്പച്ചനെ വിളിച്ചാലോ..... വേണ്ടാ ഏട്ടായിയെ വിളിക്കാം..... അവളപ്പോൾ തന്നെ ആൻവിനെ വിളിച്ചു..... ഹലോ പാറൂ ..... എന്താ പതിവില്ലാതെ ഒരു കോൾ.... ഒന്നുല്ല.... ഏട്ടായി എവിടെയാ..... വീട്ടിലാണോ.... എബിച്ചൻ അടുത്തുണ്ടോ..... ഞാൻ ഓഫീസിലാ.... എന്തുപറ്റി അവനെവിളിച്ചിട്ട് കിട്ടിയില്ലേ..... ഫോൺ കംപ്ലയിന്റ് ആയെന്ന് ഇന്നലെ പറയുന്നതുകേട്ട്...... എന്തെങ്കിലും എമർജൻസി ആണോ.... അല്ല നിനക്കെന്തുപറ്റി..... ശബ്ദം കരയുന്നപോലെയുണ്ട് എന്തെങ്കിലും പ്രോബ്ലം.... അവനുമായി വഴക്കുണ്ടാക്കിയോ....... ഏയ്‌..... അതൊന്നുമല്ല...... അത്....... ആൻവി.... ആരാടാ....... അപ്പച്ച പാറു..... ഇങ്ങ് താ ഞാൻ സംസാരിക്കാം.... അപ്പൻ ആൻവിന്റെ കയ്യിൽനിന്നും ഫോൺ വാങ്ങി..... മോളേ.... എന്തുപറ്റി..... അത്..... അതപ്പച്ച...... വീട്ടിൽ എബിച്ചന്റെ കാര്യം അറിഞ്ഞു..... ഇവിടെയാകെ പ്രശ്നമായി..... അച്ഛനും അമ്മയും എന്നോട് മിണ്ടുന്നില്ല........ എബിച്ചനെ വിളിച്ചിട്ട് കിട്ടുന്നുമില്ല..... മോള് വിഷമിക്കണ്ട......

ഞങ്ങള് വീട്ടിലേക്ക് വരാം..... മോള് കറക്റ്റ് അഡ്രസ് പറാ.... ഇന്ന് തന്നെ വരാം.... ഇതൊക്കെ മാറ്റിവെക്കാവുന്ന കാര്യങ്ങൾ അല്ലല്ലോ....... പിന്നെ മോളേ തത്കാലം എബിയോടിപ്പം പറയണ്ട.... വേറൊന്നുമല്ല അവനറിഞ്ഞാൽ ആകെ സങ്കടപെടും അറിയാലോ നിനക്കവനെ സ്വഭാവം ചെറിയ കാരണം മതി വിഷമിക്കാനെന്ന്....... ഞങ്ങള് വന്ന് സംസാരിച്ചിട്ട് അവനോട് പറയാം നമുക്ക്.... കേട്ടോ..... ശരി അപ്പച്ച........ അവള് കറക്റ്റ് റൂട്ടും മറ്റും പറഞ്ഞു കൊടുത്തു..... ഫോൺ കട്ട്‌ ആയതും അവൾക്ക് തെല്ലു ആശ്വാസം തോന്നി........... വൈകുന്നേരം ആവാറായപ്പോഴാണ് അവരെത്തിയത്..... കോളിങ്ങ് ബെൽ കേട്ടതും അച്ഛൻ കതക് തുറക്കാനായിച്ചെന്നു.... പാറു പിന്നാലെയുണ്ട്....... അവന്റെ അപ്പനും ഏട്ടായിമാരും..... അവരെകണ്ടതും പാറുവിന് സമാധാനമായി....... അവളുടെയച്ഛൻ ഒരുനിമിഷം എന്തുവേണമെന്നറിയാതെ ശ്വാസമെടുക്കാൻപോലും മറന്നമട്ടായിരുന്നു........... അല്ല ഇതാര് അശോകനോ...... എത്രകാലമായി കാണാതെ..... പാറു തന്റെ മോളാണല്ലേ...... എന്തായാലും അത് നന്നായി.... ഇത്രയും കാലങ്ങൾക്കുശേഷം കണ്ടിട്ട് താനെന്താ ഒരുമാതിരി ഇങ്ങനെ മിഴിച്ചു നിൽക്കുന്നത്...... പാറുവിനു കാര്യമൊന്നും ക്ലിയർ ആയില്ല അവൾ അച്ഛന്റെ കയ്യിൽ പിടിച്ചു.. അച്ഛാ..... ഇതാ എബിച്ചന്റെ അപ്പച്ചൻ................. ( തുടരും ✍️ ആര്യ പൊന്നൂസ്..........)

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...