💞ജീവാംശമായി 💞: ഭാഗം 16

രചന: ആര്യ പൊന്നൂസ്‌

എടീ ചെള്ള് പെണ്ണേ.... ഈ എബ്രഹാം കളിച്ചകളിയൊന്നും നിനക്കറിയില്ല....അതൊന്നും സങ്കൽപിക്കാൻപോലും നിനക്ക് കഴിയില്ല... നിന്നെപോലെയൊരു കീടത്തിനെ ഇല്ലാതാക്കാൻ എനിക്ക് കണ്ണടച്ച്തുറക്കുന്ന സമയം മതി..... നാളത്തെ സൂര്യോദയം കാണാൻ നീയുണ്ടെങ്കിൽ അല്ലേ........ അയാളപ്പോൾ തന്നെ ആരെയോ വിളിച്ചു ചില നിർദ്ദേശങ്ങൾ നൽകി...... വൈകുന്നേരം പതിവുപോലെ അവള് വീട്ടിലേക്കിറങ്ങി തന്നെയും കാത്തു വീട്ടിൽ കൊലയാളിയിരിക്കുന്നതറിയാതെ........... ഫോൺ നിർത്താതെ റിങ് ചെയ്തിട്ടാണ് അവള് വണ്ടി സൈഡ് ആക്കുന്നത്.... പ്രഥ്വി ആണെന്നുമനസിലായത്തും അവള് പെട്ടന്ന് അറ്റൻഡ് ചെയ്തു...... വാവേ...... എന്താടാ ഈ സമയത്ത്.... ചേച്ചിയമ്മ ഇങ്ങോട്ട് വരോ.... എനിക്കിപ്പോ കാണണം..... വാവേ ഞാനിപ്പോ എങ്ങനെയാ...... ചേച്ചിയമ്മ ശനിയാഴ്ച വരാം.... പറ്റില്ല.... ഇന്ന് തന്നെ വരണം..... വാ..... അവൻ കരയാൻ തുടങ്ങിയതും പാറു ചിന്തയിലാണ്ടു...... ഇനി അതിന് സങ്കടപെടണ്ട.... ചേച്ചിയമ്മ ഇപ്പൊ വരാം..... ഇന്ന് തിരിച്ചുപോവാൻ സമ്മതിക്കില്ല ഞാൻ..... ശരി..... മോൻ ഫോൺ വച്ചോ.... ഞാനങ്ങോട്ടു വരാം...... ഫോൺ കട്ടാക്കി ബാഗിലിട്ട് അവളങ്ങോട്ട് തിരിച്ചു......... പ്രഥ്വി പാറുവിനെയുംകാത്തു മുൻപിലിരിപ്പുണ്ട് അവളെക്കണ്ടതും ഓടിവന്നുകെട്ടിപിടിച്ചു.....

എന്താ വാവേ വാശിപിടിച്ചത്..... എന്താ സങ്കടം..... ചേച്ചിയമ്മേ ഞാനൊരു സ്വപ്നം കണ്ടു...... അച്ഛനെയും അമ്മയെയും കൊന്നപോലെ അവര് ചേച്ചിയമ്മയെയും കൊല്ലുന്നത്...... അവൻ വിതുമ്പിക്കൊണ്ട് പറഞ്ഞതും അവള് വല്ലാതായി...... ഏയ്‌ മോൻ പേടിക്കണ്ട ചേച്ചിയമ്മയ്ക്ക് ഒന്നും വരില്ല........ എന്നെ ഒറ്റയ്ക്ക് ആക്കല്ലേ ചേച്ചിയമ്മേ..... ഇല്ലെടാ വാവേ...... പണ്ടത്തെപോലെ നമ്മള് തനിച്ചല്ലല്ലോ ചേട്ടച്ഛനും കൂടെയില്ലേ..... അപ്പോൾ ഒന്നും സംഭവിക്കില്ല..... ചേട്ടച്ഛൻ ഇങ്ങോട്ട് വരോ.... എപ്പോഴാ.... വരും..... ഉടനെ...... മോൻ വാ നമുക്ക് റൂമിൽപോവാം...... അവളവന്റെയൊപ്പം റൂമിലേക്ക് നടന്നു..... എബി ഇതൊന്നുമറിഞ്ഞിരുന്നില്ല...... അവൻ പതിവുപോലെവന്ന് അവന്റെ റൂമിൽ കയറി കതകടച്ചു..... മരിയയും അമ്മച്ചിയും അടുക്കളയിലാണ്..... ആൻവിന്റെ അടുത്തായി എബ്രഹാം ഇരിക്കുന്നു.... അപ്പച്ച..... എന്തുപറ്റി.... എന്നതാ ഇത്ര ഗൗരവം...... ആ പീറപെണ്ണ് എന്നെ ഭീഷണിപെടുത്താൻമാത്രം വളർന്നു..... ആര് പാർവണയോ.... അതേ...... അവളെന്നെയും നിന്നെയും അങ് ഉണ്ടാക്കുമെന്ന്...... ഇന്നൊരു ദിവസം കൂടിയേ ആ പുന്നാരമോൾക്ക് ഈ ഭൂമിയിൽ ആയുസ്സുള്ളൂ....... അവൾക്കെന്നെ ശരികും അറിയില്ല...... വെള്ളം കുടിക്കാനായി പുറത്തേക്കിറങ്ങാൻ തുടങ്ങിയ എബിന്റെ കാതുകളിൽ ആ വാക്കുകൾ വന്നുപതിച്ചനിമിഷം അവനാകെ പതറി..... പാറു...... അവളെ.....അവളവിടെ തനിച്ചല്ലേ.......

എന്താ ഇപ്പൊ വേണ്ടത് ..... അവൻ പുറത്തേക്കിറങ്ങുന്നതുകണ്ടതും അവരാ സംഭാഷണം അവിടെ അവസാനിപ്പിച്ചു...... എബീ നീയെങ്ങോട്ടാ...... ഒരു മൂവിക്ക്.... അപ്പൻ വരുന്നോ..... ഏയ്‌....തനിച്ചാണോ നോ...സ്റ്റീഫനുണ്ട്.... ഓക്കേ..... അവനപ്പോൾ തന്നെ അങ്ങോട്ടിറങ്ങി..... ഫോണിൽ പാറുവിനെ ട്രൈ ചെയ്യുന്നുണ്ടെങ്കിലും കിട്ടുന്നില്ല...... അവളുടെ വീടെത്തിയപ്പോൾ എങ്ങും ഇരുട്ട് പരന്നിട്ടുണ്ട്...... സ്റ്റീഫ..... ആരെങ്കിലും ഉണ്ടെങ്കിൽ ജീവനോടെ വേണം എനിക്ക്..... അത് ഞാൻ ഏറ്റു സാർ...... അങ്ങോട്ട് നടക്കുന്നതിനടയിൽ അവൻ പറഞ്ഞു....... എബ്രഹാം ഏല്പിച്ചരണ്ടു കൊലയാളികൾ പാറുവിനെയും കാത്ത് ശ്വാസമടക്കി അവിടെ കാത്തിരിക്കുകയാണ്.... സ്റ്റീഫൻ കതക് തുറന്നതും പാറുവാണെന്ന് കരുതി അവരാക്രമിക്കാൻ തുടങ്ങി..... അവരെക്കാൾ ശക്തനായ സ്റ്റീഫനെ ചെറുത്തുതോൽപ്പിക്കുകയെന്നത് അസാധ്യമായിരുന്നു.... പത്തുമിനിട്ടുകൊണ്ട് അവരെയെല്ലാം നിലമ്പരിക്ഷമാക്കി സ്റ്റീഫൻ എബിയെ വിളിച്ചു വന്നു........ എബിയെ കണ്ടതും അവരുടെയുള്ളിൽ പേടി നിഴലിച്ചു...... സ്റ്റീഫ..... ഇവര് ശരിക്ക് വാങ്ങിച്ചുകൂട്ടിയിട്ടുണ്ടല്ലോ..... സ്റ്റീഫനൊന്ന് ചിരിച്ചു..... സാർ ഞങ്ങളെ തല്ലല്ലേ..... ഞാൻ തല്ലിയാൽ നിങ്ങള് ചാവില്ലേ.... അതുകൊണ്ട് അതുവേണ്ട..... നിങ്ങളെന്റെ പാറുവിനെ കൊല്ലാൻ ആഗ്രഹിച്ചു അതിന് പകരം മരണം ഞാൻ എങ്ങനെ തരും...... മരിച്ചു ജീവിക്കണ്ടേ അതിലല്ലേ ഒരു ത്രില്ല് ഉള്ളൂ........ സാർ...... രണ്ടുപേരും പേടിയോടെ വിളിച്ചു......

രണ്ടാളും ഞാൻ പറയുന്നപോലെ എന്റെ അപ്പനെ വിളിച്ചു പറയണം അതിൽ എന്തെങ്കിലും തെറ്റിച്ചാൽ....... ഞാൻ നിങ്ങളെ കൊല്ലും...... സാറ് പറയുന്നപോലെ പറയാം..... സംഭവം വളരെ ഈസിയാണ്...... നിങ്ങള് അവളെ കൊല്ലാൻ വേണ്ടി ഇവിടെ കാത്തുനിന്ന്.... അവള് തനിച്ചല്ല ഇങ്ങോട്ട് വന്നത്.... അവളുടെയൊപ്പം മറ്റൊരാളും ഉണ്ടായിരുന്നു.... പോലീസ് യൂണിഫോമിൽ ... ആ ആള് നിങ്ങളെ അറ്റാക്ക് ചെയ്ത് പാറുവിനെ.... സോറി പാർവണയെ സേവ് ചെയ്തു........ എന്തെങ്കിലും മാറ്റിപറഞ്ഞാൽ...... ഇല്ല സാർ.... ഇതേപോലെ പറയാം....... ഓക്കേ എന്നാൽ പെട്ടന്ന് ആവട്ടെ..... അവര്തുപോലെ അയാളെവിളിച്ചുപറഞ്ഞു........ സ്റ്റീഫ...... ഇനി രണ്ടുപേർക്കും നാവു വേണ്ടാ...... ഓക്കേ സാർ.... എബിൻ തിരിഞ്ഞു നടന്നതും സ്റ്റീഫൻ അവിടെയിരുന്ന ഫ്ലവർ വേസ് പൊട്ടിച്ചു അതിന്റെ കഷ്ണം എടുത്തു ഇരുവരുടെയും തൊണ്ടയിൽ ആഴ്ത്തി...... അവരിൽനിന്നും ഒരാർത്തനാദം ഉയർന്നു...... എബി ഇതിനിടയിൽ പാറുവിനെ ട്രൈ ചെയ്തോണ്ടിരിക്കുന്നുണ്ട്...... പാറു ഇതെവിടെയ..... ഇനിയെന്തെങ്കിലും അപകടം....... മാറ്റാരെയെങ്കിലും ഏല്പിച്ചിട്ടുണ്ടോ...... പിന്നെയും അവൻ ട്രൈ ചെയ്തു.... ഇത്തവണ റിങ് ചെയ്യുന്നതുകേട്ടതും അവനു സമാധാനം തോന്നി..... പ്രത്വിയുടെ കയ്യിലാണ് ഫോൺ..... അവനത് അറ്റൻഡ് ചെയ്ത് ചെവിയോട് ചേർത്തു.... ഹലോ പാറു..... എവിടെയാ നീ...... പറാ ഞാനങ്ങോട്ടു വരാം...... ഇതാരാ....... മറുപ്പുറത്തുനിന്ന് ഒരാൺകുട്ടിയുടെ ശബ്ദം കേട്ടതും അവൻ നെറ്റിച്ചുളിച്ചു......

ഇത്..... വാവയാണോ...... ഉം..... നിങ്ങളാരാ..... എബിയൊന്ന് ഉച്ചത്തിൽ ശ്വാസമെടുത്തു..... വാവയ്ക്ക് സുഖാണോ..... ചേച്ചിയമ്മ എപ്പോഴാ വന്നേ......... ആ ചോദ്യം കേട്ടതും പ്രത്വിക്ക് സന്തോഷമാണോ സങ്കടമാണോ എന്ന് പറഞ്ഞറിയിക്കാൻ കഴിയാത്ത ഭാവമായിരുന്നു............ എനിക്ക് സുഖാ....... ചേട്ടച്ഛനോ....... ആ വിളികേട്ടപ്പോൾ എബിന്റെ കണ്ണുകൾ നിറഞ്ഞു....... ചേട്ടച്ഛനെ വാവയ്ക്ക് അറിയോ.... പിന്നെ അറിയാതെ ചേച്ചിയമ്മ എപ്പോഴും പറയാറുണ്ട്......... ഫോട്ടോയിലെ കണ്ടിട്ടുള്ളൂ എപ്പോഴാ നേരിട് കാണുന്നെ...... ഇപ്പോൾ വരാം..... ഇപ്പോഴോ.......? അവൻ അതിശയത്തിൽ ചോദിച്ചു..... ഉം.... അതേ..... വരുമ്പോൾ വാവയ്ക്ക് എന്താ വേണ്ടത്..... ഒന്നും വേണ്ട....... ഞാൻ ചേച്ചിയമ്മയോട് പറയട്ടെ...... ശരി....... കോള് കട്ടായതും എബി കണ്ണുകൾ തുടച്....... എന്നോട് വെറുപ്പ് കാണിക്കുമ്പോഴും മാറിനിന്നു എന്നെ സ്നേഹിക്കുകയായിരുന്നല്ലേ പാറു...........ഒരു മാസത്തിനുള്ളിൽ കെട്ടു നടത്തണമെന്നല്ലേ പറഞ്ഞത്....... അതേ ..... നടത്താം.... സാർ..... എന്തുപറ്റി മേടത്തിനെ കോൺടാക്ട് ചെയ്തോ...... ഉം..... വാവയുടെ അടുത്തുണ്ട്..... നമുക്ക് അങ്ങോട്ട്‌ പോവാം..... ഓക്കേ സാർ.... പോവുന്നവഴി എബി പ്രത്വിയ്ക്കായി സ്വീറ്റ്സും ഡ്രെസും വാങ്ങി......... പാറുവും പ്രത്വിയും അവനെയും പ്രതീക്ഷിച്ചു പുറത്തുനിൽപ്പുണ്ട്...... ഇരുവരെയും ഒരുമിച്ചു കണ്ടതും എബി പെട്ടന്ന് അവർക്കരുകിലേക്ക് നടന്നു......പ്രത്വിയെ അവൻ ചേർത്തുപിടിച്ചതും പാറുവിന്റെ കണ്ണുകൾ തിളങ്ങി.......

അവളിരുവരെയും മാറിമാറി നോക്കി.......... പാറൂ....... നീയെന്താ ഇങ്ങോട്ട് വന്നത്..... സാധാരണ സാറ്റർഡേ അല്ലേ....... അതൊന്നും പറയണ്ട ഇവൻ ഫോൺ വിളിച്ചു ഒരേ വാശി....... അതാ..... ഇച്ഛനെന്താ ഇങ്ങോട്ട് വന്നത്..... ഒന്നുല്ല.... പെട്ടന്ന് കാണണം എന്ന് തോന്നി..... വാവയ്ക്ക് ചേച്ചിയമ്മയെ മിസ് ചെയ്തിട്ടുണ്ടാവുമല്ലേ...... അതല്ല..... ഞാൻ ഒരു സ്വപ്നം കണ്ടു...... ആരെല്ലാമോ ചേച്ചിയമ്മയെ കൊല്ലുന്നത്.... അതാ....... എബി പതിയെ അവന്റെ മുടിയിൽ തഴുകി...... ചേച്ചിയമ്മയ്ക്ക് ഒന്നും സംഭവിക്കില്ല...... വാവ പേടിക്കണ്ട.......ദാ സ്വീറ്റ്സ് ഫ്രണ്ട്സിനു കൊടുക്ക്...... അവനതുമായി അകത്തേക്ക് നടന്നതും എബി പാറുവിനെ നോക്കി....... പാറു....... എന്താ ഞാൻ പറയേണ്ടത്..... എന്തുപറ്റി ഇച്ച .... അവനവളുടെ കരംഗ്രഹിച്ചു...... നീയിങ്ങോട്ട് വന്നില്ലായിരുന്നെങ്കിൽ ആ സ്വപ്നം സത്യമായേനെ...... എബിച്ചാ......... ഞെട്ടലോടെയാണവൾ വിളിച്ചത്..... ഉം..... ഞാൻ വീട്ടിൽ പോയിരുന്നു..... നിന്നെ കൊല്ലാൻ ഏർപ്പാടാക്കിയവരെ കാണാൻ..... പാറൂ ഇനി നീ അവിടെ തനിച്ചു താമസിക്കേണ്ട..... ഇവിടെ നിന്നാൽപോരെ എല്ലാം കലങ്ങിതെളിയുന്നവരെ...... പ്ലീസ്..... ഉം..... ഇച്ചൻ കല്യാണത്തിന് സമ്മതിച്ചോ..... സമ്മതിച്ചു..... ഇനിയെത്രകാലമെന്നുകരുതിയ നമ്മളിങ്ങനെ...... ബട്ട്‌ ഇച്ചാ.... എന്നെയല്ലല്ലോ...... പെട്ടന്നാണവൻ അവളുടെ ടോപിന്റെയുള്ളിൽനിന്നും മറ്റാരും കാണാതെ ഒളിപ്പിച്ചുവച്ച അവൻകെട്ടിയതാലിയെടുത്ത് പുറത്തിട്ടത്....... വർഷങ്ങൾക്കുമുൻപേ കഴിഞ്ഞതല്ലേ നമ്മുടെ മാര്യേജ്...... ഇനിയെല്ലാരും കാണെ നിന്നെ ഞാൻ താലിച്ചാർത്തും....... എങ്ങനെ....... അതിന് നല്ല ബെസ്റ്റ് പ്ലാൻ എന്റെ കയ്യിലുണ്ട്..................... ( തുടരും ✍️ ആര്യ പൊന്നൂസ്..........)

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...