💞ജീവാംശമായി 💞: ഭാഗം 19

രചന: ആര്യ പൊന്നൂസ്‌

അമ്മച്ചി എന്താ പറഞ്ഞെ....... എബിച്ചൻ അമ്മച്ചിയുടെ മോൻ ആണെന്നോ...... അപ്പോൾ...... എബ്രഹാം.... അയാള് അമ്മച്ചിയുടെ ആരാ....... എഡ്വിനും ആൻവിനും അമ്മച്ചിയുടെ മക്കളല്ലേ........ അവളുടെ ചോദ്യം കേട്ടതും അവരൊന്ന് പതറി..... കർത്താവെ ഞാനിപ്പോ എന്നതാ പറഞ്ഞത്..... വേണ്ട.... ഒന്നുംവേണ്ട..... അവര് വിളറിനിൽക്കുകയാണ്..... പാറു പറഞ്ഞത് തന്റെ മനസിൽനിന്നും മാഞ്ഞുപോവുന്നില്ല..... ഒരമ്പുപോലെ തറച്ചുനിൽക്കുകയാണ് ഹൃദയത്തിൽ ആ വികാരത്തിന്റെ പുറത്തു പറഞ്ഞുപോയതാണവർ...... പാറു അവരെ തുറിച്ചുനോക്കുന്നുണ്ട്.... അമ്മച്ചി...... പറാ...... എബിച്ചൻ മാത്രമാണ് അമ്മച്ചിയുടെ മോനെങ്കിൽ മറ്റുരണ്ടുപേരും ആരാ..... എബ്രഹാം അയാളുമായി അമ്മച്ചിയ്ക്കെന്താ ബന്ധം..... എബിച്ചന്റെ സ്വന്തം അപ്പന് എന്താ സംഭവിച്ചത്....... ആ ചോദ്യം കേട്ടമാത്രയിൽ അവരിൽ വികാരത്തിന്റെ വേലിയേറ്റം തന്നെ ഉണ്ടായി.... കണ്ണുകൾ നിറഞ്ഞു...... പാറു വല്ലാതായി.... അമ്മച്ചി.... എന്തുപറ്റി.... എന്തിനാ സങ്കടപെടുന്നത്.... എന്താണെങ്കിലും എന്നോട് തുറന്നു പറാ....... അമ്മച്ചിയെ എനിക്ക് മനസിലാകും...... എബിച്ചന്റെ അപ്പന്റെ കേസ് അന്വേഷിച്ചു എന്ന ഒറ്റക്കാരണത്തിന്റെ പുറത്താ എന്റെ അച്ഛനെയും അമ്മയെയും എന്റെ മുൻപിൽവച്ചു ക്രൂരമായിക്കൊന്നത്......

എന്നിട്ടും കഴിഞ്ഞില്ല..... എന്നെയും എബിച്ചനെയും അകറ്റി...... എന്നെ കൊല്ലാകൊലചെയ്തു ........ പറാ അമ്മച്ചി.... ഇനിയും എന്തിനാ അയാളെ പേടിക്കുന്നത്..... അയാളൊന്നും ചെയ്യില്ല....... എന്നെ ചെയ്യില്ലായിരിക്കും..... എന്നാൽ എന്റെ മോനെ....... വേണ്ടാ...... ആ കാര്യങ്ങൾ എന്റെയുള്ളിൽ ഇരുന്നോട്ടെ.... ആർക്കും ഒരു ശല്യവുമില്ലല്ലോ....... ആരുപറഞ്ഞു...... ഇതൊക്കെ ഇച്ഛനറിഞ്ഞാൽ അവരെയൊന്നും ഇച്ചൻ വെറുതേവിടില്ല.... അതറിയാം..... അതുകൊണ്ടാ പറയാതിരിക്കുന്നത്..... അവനെ... അവനെ കുറച്ചൊന്നുമല്ല എല്ലാവരും ദ്രോഹിച്ചത്.... പെണ്ണുപിടിയനാക്കി.... ആഭാസനാക്കി.... എന്റെ മോന്റെ ജീവിതം നശിപ്പിച്ചു..... ഇനി.... ഇനിയിതൊക്കെ അറിഞ്ഞ അവനവരെകൊല്ലും.... ഇനിയെന്റെമോനെ ഞാനൊരു കൊലപാതകിയാക്കണോ...... അതോർത്ത് അമ്മച്ചി പേടിക്കണ്ട അവരെക്കൊല്ലാനുള്ള അവകാശം എനിക്ക് മാത്രമാ.... അത് ഞാൻ മറ്റാർക്കും വിട്ടുകൊടുക്കില്ല.... ആർക്കും.... ഇങ്ങോട്ട് ഇപ്പൊ വന്നതുതന്നെ അതിനുവേണ്ടി മാത്രമാ........ വല്ലാത്തൊരു ഭാവത്തോടെ അവള് പറഞ്ഞതും അമ്മച്ചി നെറ്റിച്ചുളിച്ചു........ പാറൂ മോളേ.......നീയെന്തൊക്കെയാ ഈ പറയുന്നത്..... അതൊന്നും നമ്മളല്ല നിശ്ചയിക്കണ്ടത്.... ഇത് ദൈവത്തിന്റെ നിശ്ചയം തന്നെയാ... അതിനു എന്നെ നിയോഗിച്ച് എന്നെ ഉള്ളൂ.....

അമ്മച്ചി പേടിക്കണ്ട എബിച്ചന് ഒരാപത്തും വരില്ല അതിനു ഞാൻ സമ്മതിക്കില്ല....... മോളേ.... നിനക്കെയാളെ അറിയില്ല..... അറിയാം അമ്മച്ചി.... നന്നായി അറിയാം..... അതുകൊണ്ട് തന്നെ എനിക്കയാളെ പേടിയില്ല..... നിനക്കൊന്നും അറിയില്ല ഒന്നും..... വെറും ദുഷ്ടനാ അയാള്.... ദുഷ്ടൻ.... ചെകുത്തന്റെ പ്രതിരൂപം..... ഞങ്ങളുടെയെല്ലാം ജീവിതത്തെ മാറ്റിമറച്ച ഇല്ലായ്മ ചെയ്ത കൊടുംക്രൂരൻ....... എബിയുടെ അപ്പനെ മാത്രമല്ല അയാള് കൊന്നത്........ എന്റെ..... എന്റെ അപ്പച്ചനെയും അമ്മച്ചിയേയും ഏടത്തിയെയും കൊന്നത് അയാളാ........ എന്റെ ഏടത്തി സിസിലി...... എഡ്വിയുടെയും ആൻവിന്റെയും അമ്മച്ചി...... അവൾക്കയാളോട് തോന്നിയ ഇഷ്ടം....... അപ്പനും അമ്മയും എതിർത്തെങ്കിലും അവൾക്ക് വലുത് അയാളായിരുന്നു...... ഒടുക്കം അവരുടെ എതിർപ്പിനെ പാടേ അവഗണിച്ചു അവളായാളോടൊപ്പം ഇറങ്ങിപ്പോയി....... അവരുടെ കഷ്ടപ്പാടും കണ്ണീരും കണ്ടപ്പോൾ അപ്പന് സഹിച്ചില്ല...... എഡ്വിൻ വയറ്റിലുള്ളപ്പോൾ അവരെ വീട്ടിലേക്ക് കൂട്ടിവന്നു.... അതായിരുന്നു അപ്പന് പറ്റിയ ഏറ്റവും വലിയ അബദ്ധം.........

അപ്പോഴൊന്നും കുഴപ്പങ്ങൾ ഇല്ലായിരുന്നു..... അപ്പൻ അയാളെ സ്വന്തം മകനായിട്ട് സ്നേഹിച്ചു ആ സ്ഥാനവും കൊടുത്തു......... എഡ്വിൻ ഒരു വയസ്സുള്ളപ്പോഴാ അവള് പിന്നെയും വയറ്റിലാകുന്നത്..... ആ സമയത്തായിരുന്നു എന്റെയും ജോയിച്ചായന്റെയും വിവാഹം.... എബിയുടെ അപ്പൻ...... അതിനുശേഷം അയാളുടെ സ്വഭാവം ആകെ മാറി.....അപ്പന് ജോയിച്ചായനോടായിരുന്നു കൂടുതൽ അടുപ്പം....... അതയാൾക്ക് സഹിച്ചില്ല..... ജോയിച്ചായനെ ഇല്ലാതാക്കാൻ പലവഴികളും നോക്കി....... ഒടുവിൽ ഒരു ആക്‌സിഡന്റ്...... ആ ആക്‌സിഡന്റിൽ അപ്പനും അമ്മയും ജോയിച്ചായനും.... മൂന്നുപേരും ഒരുമിച്ചുപോയി..... അല്ല ഒരുമിച്ചയാള് തീർത്തു........ ആ കേസ് അന്വേഷിച്ചത് ഇച്ചായന്റെ സുഹൃത്തായിരുന്നു....... അതുകേട്ടതും അവളുടെ നെഞ്ഞുപിടഞ്ഞു...... മോൾടെ അച്ഛൻ...... എന്തൊക്കെയോ സംശയം തോന്നിയിട്ടാ അന്വേഷിച്ചത്........ ഒരിക്കൽ എന്നെ കാണാൻ വന്നപ്പോൾ ആ സംശയങ്ങളു പറയുകയും ചെയ്തു...... അവര് മരിച്ചുടൻ തന്നെ ഇരുവരുടെയും സ്വത്തുക്കൾ തന്റെപേരിലാക്കാൻ നടത്തിയ ശ്രമാണ് അങ്ങനെയൊരു സംശയത്തിനിടവരുത്തിയത്............ അതിന്റെപേരിൽ മോൾടെ..... അവരത് പാതിവഴിയിൽ നിർത്തി.....

ആ കാര്യങ്ങൾ എങ്ങനെയോ എന്റെ സിസിലിയുടെ കാതിലുമെത്തി.... അതെക്കുറിച്ചു സംസാരിച്ചു അവരുതമ്മിൽ വാക്കേറ്റമായി.... ഒടുക്കം അയാള് പിടിച്ചുതള്ളിയതും അവള് തലയടിച്ചു വീണു....... ആൻവിയ്ക്ക് രണ്ടാഴ്ച പ്രായം....... എന്തെങ്കിലും ആരോടെങ്കിലും പറഞ്ഞാൽ എന്നെയും അവരെയും കൊന്നുകളയുമെന്നഭീഷണി........ ഈ മക്കളെയുംവച്ചു ഞാൻ മിണ്ടാതിരിക്കുകയല്ലാതെ മറ്റെന്താ വേണ്ടത്.... ഒപ്പം.... എബി..... ഇപ്പോൾ അവരൊക്കെ വളർന്നില്ലേ അമ്മച്ചി..... ഇനിയെങ്കിലും പറഞ്ഞൂടെ...... വിശ്വസിക്കില്ല..... അവര് വിശ്വസിക്കില്ല മോളെ എന്നെ....... അയാളങ്ങനെയാ അവരെപറഞ്ഞു വിശ്വസിപ്പിച്ചത്...... അവർക്കിപ്പോഴും അറിയില്ല സിസിലി ആണവരുടെ അമ്മച്ചിയെന്ന്....... ഞാനാണെന്ന കരുതിയത്..... എബിയെ ഞാൻ.... മാറ്റാരെയോ വശീകരിച്ചു..... അവര് അപ്പോഴേക്കും പൊട്ടിപോയിരുന്നു..... അവളവരെ ചേർത്തുപിടിച്ചു...... അമ്മച്ചി..... ഈക്കണ്ട കാലമത്രയും സങ്കടപ്പെട്ടില്ലേ.... ഇനി മതി..... എല്ലാവരും എല്ലാം അറിയണം..... എല്ലാം..... അവര് നിഷേധാർത്തത്തിൽ തലയാട്ടി.........

മരിയ അങ്ങോട്ട്‌ വരുന്നതുകണ്ടതും അമ്മച്ചി വേഗം പുറത്തേക്കിറങ്ങി...... പാറൂ.... നീ നേരത്തെ എണീറ്റോ.... ഉം.... പണ്ടേ ശീലിച്ചതാ....... ഇന്ന് വരും.... ആ സാധനം... ഏത് സാധനം.... നമ്മുടെ മൂത്ത ചേട്ടത്തി..... വല്യ താല്പര്യമില്ലാത്തമട്ടിൽ അവള് പറഞ്ഞതും പാറു ഒന്നുപുഞ്ചിരിച്ചു...... പിന്നെ പാറു.... അവൾക്ക് കുറച്ചു അഹങ്കാരം കൂടുതലുള്ള കൂട്ടത്തിലാ... നമ്മളൊക്കെ അവളുടെ അടിമകളാണെന്ന വിചാരം...... ചേച്ചിക്ക് അവരെ നല്ല കാര്യമാണെന്ന് തോന്നുന്നു... ആഹ്... എനിക്കിട്ട് ഇടയ്ക്കിടെ പണിതരുന്നതല്ലേ പിന്നെ ഇല്ലാതിരിക്കോ........ അധികം മൈൻഡ് ചെയ്യാൻ നിൽക്കണ്ട.... പിന്നെ അവൾക്ക് നിന്നോട് നല്ല ദേഷ്യം കാണും.... എബി അവളുടെ അനിയത്തിയെ കെട്ടാമെന്ന് കരുതിയതല്ലേ.... അതിനുപകരം നിന്നെ കെട്ടിയപ്പോൾ ദേഷ്യം കാണാതിരിക്കോ......... ഏയ്‌... അങ്ങനെയൊന്നും ഉണ്ടാവില്ല... അത് നിനക്കവളെ അറിയാത്തതുകൊണ്ടാ..... നീ എബിയുടെ അടുത്തേക്ക് ചെല്ല് ഇവിടുത്തെ കാര്യങ്ങൾ ഞാൻ നോക്കാം....... മരിയ അവളെ അവിടുന്ന് പറഞ്ഞയച്ചു........ അമ്മച്ചി പറഞ്ഞ കാര്യങ്ങളാണ് മനസ് നിറയെ അതും ആലോചിച്ചു റൂമിലേക്ക് നടക്കുമ്പോഴാണ് എഡ്വിൻ സിറ്റൗട്ടിൽ ഇരിക്കുന്നതുകണ്ടത്...... അവളെക്കണ്ടതും അവൻ പുഞ്ചിരിക്കാൻ ശ്രമിച്ചു.....

അത് ഗൗനിക്കാതെ അവളകത്തേക്ക് നടക്കുകയാണ് ചെയ്തത്......... എഡിവിന്റെ കണ്ണുകൾ താനേ നിറഞ്ഞു...... അവൻ കണ്ണുകളടച്ചു..... ചായ എടുക്കാൻ അടുക്കളയിലേക്ക് പോയപ്പോഴാണ് അവളും അമ്മച്ചിയും സംസാരിക്കുന്നതുകേട്ടത്.... ഒരുനിമിഷം അത് കാതോർത്തു..... കേട്ടതൊന്നും വിശ്വസിക്കാനാവുന്നില്ല....... എന്റെ കർത്താവേ.... സ്വന്തം അമ്മച്ചി അല്ലാഞ്ഞിട്ടുകൂടെ ഞങ്ങളെ പൊന്നുപോലെ നോക്കിയില്ലേ.... ഞങ്ങളോ ആ പാവത്തിനു വേദനമാത്രേ കൊടുത്തിട്ടുള്ളൂ..... എബി.... അവനെ..... അവനോട് വെറുപ്പ് മാത്രേ തോന്നിയുള്ളൂ.....അല്ല അയാള് ആ വൃത്തികെട്ടവൻ ഞങ്ങളെ അങ്ങനെ മാറ്റിയതല്ലേ....... എന്തൊക്കെ പാപമാ ഞങ്ങളെക്കൊണ്ട് ചെയ്യിപ്പിച്ചത്........... പാറുവിനെയും എബിയേയും അപ്പൊ അകറ്റിയത് ഈ സത്യങ്ങൾ ഒരിക്കലും ആരും അറിയാതിരിക്കാനാണോ....... അവര് എത്രമാത്രം അനുഭവിച്ചു...... എബിയ്ക്ക് ഓർമ.....അവനവളെ ഓർമയില്ലല്ലോ...... എന്തുവിലകൊടുത്തും അവരെ ആദ്യത്തേപോലെ ഒരുമിപ്പിക്കണം......... അതിന് ഞാൻ എന്തുംചെയ്യും...... എല്ലാത്തിനും കാരണം അയാളാ...... എന്ത് പാപംചെയ്തിട്ട അയാളെപ്പോലെ ഒരുത്തന്റെ മകനായി പിറന്നത്....... ഇത്രയ്ക്കും ചെയ്തുകൂട്ടിയത് മതിയാവാഞ്ഞിട്ടാണോ ഇനി അവളെ കൊല്ലാൻ നോക്കുന്നത്.....

ഇല്ല ഞാൻ ജീവനോടെയുള്ളപ്പോൾ അതിന് അനുവദിക്കില്ല......... ഒരിക്കലും....... ലിസ അവനുള്ള ചായയുമായിവന്നപ്പോൾ അവൻ കണ്ണടച്ചിരിക്കുന്നതാണ് കണ്ടത്..... അവരവന്റെയാടുത്തുചെന്ന് ആ മുടിയിൽ മാടിയതും അവൻ ഞെട്ടിപിടഞ്ഞു കണ്ണുകൾ തുറന്നു........ മോനേ.... എന്താടാ.... എന്തിനാ നീ കരയുന്നത്..... ഒരമ്മയുടെ വേവലാതിയോടെ അവര് ചോദിച്ചതും അവനവരെ കെട്ടിപിടിച്ചു...... അമ്മച്ചി..... എന്നോട് ക്ഷമിക്കണം....... അത്രമാത്രം പറഞ്ഞവൻ അകത്തുകയറി കതകടച്ചു.... ലിസ ഒരു നിമിഷം സ്വയം മറന്നു.... ഇവനെന്താ ഇങ്ങനെ.... ഇനി ഞാൻ പറഞ്ഞതെല്ലാം കേട്ടിരുന്നോ...... പിന്നെയൊരു നെടുവീർപ്പോടെ അവരവിടുന്ന് നടന്നകന്നു...... പാറു നോക്കുമ്പോൾ എബി ഫോണിലാണ്..... അവനെ മൈൻഡ് ചെയ്യാതെ അവള് പോവാൻ തുടങ്ങിയതും അവനൊന്നു പല്ലുകടിച്ചു.... അതുകണ്ടിട്ടെന്നോണം അവളിൽ പുഞ്ചിരി വിരിഞ്ഞു..... എന്താ ഇച്ചാ..... എന്തുപറ്റി.... ഒന്നുല്ല....... പാറൂ.... നമുക്കൊന്ന് കറങ്ങിയാലോ..... എങ്ങോട്ട്..... അങ്ങനെ ഇങ്ങനെയെന്നൊരിടമില്ല......

എല്ലായിടവും പിന്നെ നമ്മുടെ ആ കോളേജും....... ഓക്കേ.......ചായ കുടിച്ചിട്ടല്ലേ.... അല്ല അതൊക്കെ പുറത്തുപോയിട്ട്.... നീ എളുപ്പം റെഡിയാവ്..... അവൻ പെട്ടന്ന് മാറ്റിയിറങ്ങി അവൾക്കായി കാത്തിരിക്കാൻ തുടങ്ങി......എബ്രഹാമിനെ കണ്ടതും അവൻ ചിരിച്ചു.... എങ്ങോട്ടാടാ മോനെ ഇത്രയും നേരത്തെ... ഒന്ന് പുറത്തേക്ക്.... പാർവണയെ ഫ്രണ്ട്സിനു പരിചയപെടണമെന്ന് പറഞ്ഞിരുന്നു.... സോ..... ഓഹ്...... അവള് മാറ്റിവന്നതും അവരുപെട്ടന്നിറങ്ങി........ അവരുടെ വണ്ടി ഗേറ്റ് കടന്നുപോയതും അയാള് ആർക്കോ ഡയൽ ചെയ്തു..... ഹലോ.... വണ്ടി നമ്പർ വാട്സ്ആപ്പ് ചെയ്തിട്ടുണ്ട്...... അവരിനി തിരിച്ചു ഇങ്ങോട്ട് വന്നാൽ പിന്നെ നീയീ ഭൂമിയിലുണ്ടാകില്ല.... രണ്ടും തീരണം.... എന്റെ ജീവിതത്തിലെ രണ്ടു ശകുനപിഴകൾ..... ഒരുമിച്ചു ജീവിക്കാൻ ഒരുപാട് ആഗ്രഹിച്ചവരാ അപ്പോൾ ഒരുമിച്ച് മരിക്കാനെങ്കിലും നമ്മളാവസരം നൽകേണ്ട.......??? .............. ( തുടരും ✍️ ആര്യ പൊന്നൂസ്..........)

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...