💞ജീവാംശമായി 💞: ഭാഗം 8

രചന: ആര്യ പൊന്നൂസ്‌

എത്ര ക്യാഷ് ഓഫർ ചെയ്തു,എബിൻ എബ്രഹാം നിനക്ക്,ഈ കുറ്റം സ്വയം ഏറ്റെടുക്കാൻ..... പാറുവിന്റെ എടുത്തെറിഞ്ഞ ചോദ്യം കേട്ടതും എബിന്റെ ഉള്ളം പിടഞ്ഞു.... ജെന്നി കാര്യം മനസിലാവാതെ ഇരുവരെയും ഉറ്റുനോക്കുകയാണ് ചെയ്തത്...... പാർവണ..... എന്താ.... നീയെന്താ ഉദ്ദേശിച്ചത്.... nothing ജെന്നിഫർ... പാറു തന്റെ ക്യാബിനിലേക്ക് നടന്നു നീങ്ങിയപ്പോൾ എബിൻ കണ്ണുകളടച്ചു ചെയറിൽ ചാരി കിടന്നു..... അപ്പൊ അവൾക്ക് എബിനെ ഇഷ്ടമല്ലേ.... അവളെന്താകും അങ്ങനെ പറഞ്ഞത്... നോക്കാം ജെന്നിഫർ തന്റെ ക്യാബിനിൽ ചെന്നിരുന്നു. സാർ...... ഉം പാറു എന്തോ ഡൌട്ട് ക്ലിയർ ചെയ്യാൻ അവന്റെയരികിൽ ചെന്നതാണ്... സാർ..... ഇത് ഇങ്ങനെ മതിയോ അതോ എന്തെങ്കിലും ചേഞ്ച്‌ വരുത്തണോ.... അവൻ വെറുതെ അതിലേക്ക് തന്റെ നോട്ടമയച്ചു.... do as യുവർ വിഷ്...... സാർ... ഇത് സാറിന്റെ കമ്പനി ആണ്.... സോ സാറിന്റെ ഇഷ്ടവും ഇഷ്ടക്കേടിനുമാണ് പ്രയ്‌രിറ്റി..... നിന്റെ ഇഷ്ടം എന്താണോ അതാ എന്റെയിഷ്ടം....... പാറൂ നീ വിശ്വസിക്കുന്നുണ്ടോ അതെല്ലാം എന്റെ പ്ലാൻ ആയിരുന്നെന്നു........ ഞാൻ എന്തിന് അങ്ങനെ ചെയ്യണം..... അതൊന്ന് ആലോചിച്ചാൽപോരെ നിനക്ക്...... ഒരിക്കൽ നീയീ ലോകത്ത് ഏറ്റവും കൂടുതൽ വിശ്വസിച്ചിരുന്നത് എന്നെയായിരുന്നു........

ആ എന്നെ നിനക്കിപ്പോൾ....... ഞാൻ സഹിക്കാം ഇതെല്ലാം...... ഒരുപക്ഷെ ഞാൻ ചെയ്തുകൂട്ടിയ തെറ്റുകൾക്കുള്ള ശിക്ഷ ആയിരിക്കും ഇത്....... അവളത് ശ്രവിക്കാൻ താല്പര്യമില്ലാത്തമട്ടിലാണ്.... നീയാ വീട്ടിൽ തനിച്ചാണോ പാറു..... അച്ഛനും അമ്മയും അനിയനും അവരൊക്കെയെവിടെ....... എന്താ ചെയ്യുന്നത്....... എനിക്ക് അവരെ കാണണം എന്നുണ്ട്....... അച്ഛനെയും അമ്മയെയും അവരോട് വാങ്ങിക്കാം ഞാൻ സമ്മതം....... എന്തിനുള്ള സമ്മതം നിന്നെ..... നിന്നെ എന്റെ കൈകളിൽ ഏല്പിക്കാൻ...... നീ എന്തൊക്കെ ചെയ്താലും അവരെ കാണാൻ നിനക്ക് കഴിയില്ല....... ഞാൻ കണ്ടോളാം...... ആവശ്യം എന്റേതല്ലേ....... എന്റെ വീട്ടിലുള്ളവർ നിന്നെയും കാത്തിരിക്കുവാ..... അവർക്കെല്ലാം സമ്മതമാണ്..... നീയൊന്ന് മൂളിയാൽ മാത്രം മതി...... നിർവികാരയായിരുന്നു അവള്..... എബിൻ...... നിനക്ക് എത്ര പറഞ്ഞാലും മനസിലാവില്ലേ...... എന്നെയൊന്നു വെറുതെ വിട്....... അവന്റെ മുൻപിൽ തൊഴുകയ്യാൽ നിന്നുകൊണ്ടവൾ പറഞ്ഞതും അവൻ അവിടുന്ന് എണീറ്റ് പുറത്തേക്ക് നടന്നു..... അവിടുന്ന് പത്ത് മിനിറ്റ് കഴിഞ്ഞുകാണും അവന്റെ ഫോൺ റിങ് ചെയ്തു നോക്കിയപ്പോൾ അമ്മച്ചിയാണ്..... മോനേ.... എബീ സുഖാണോടാ മക്കൾക്ക്.... ഉം..... അമ്മച്ചിയ്ക്കോ... ആ ഡാ...... മോനേ പാറു....

അവള് സമ്മതിച്ചോ...... അത്..... അത് പിന്നെ.... എടാ..... ഞാൻ അപ്പന് കൊടുക്കാം... ഉം.... എടാ എബീ.... എന്തായി കാര്യങ്ങൾ.... അവള് സമ്മതിച്ചില്ലേ എന്ന നിങ്ങള് ഇങ്ങോട്ട് വരുന്നത്...... ഞാൻ പോയി നമ്മുടെ ഇടവകയിൽ കാര്യം അവതരിപ്പിക്കട്ടെ...... അപ്പാ...... പാറു ഇതുവരെ സമ്മതിച്ചിട്ടില്ല.... അതെന്നാ വർത്താനാടാ..... കുറേകാലം നിന്റെ വാലേതൂങ്ങി നടന്നിട്ട് ഇപ്പൊ വേണ്ടെന്നോ..... നീയൊന്ന് അവൾക്ക് ഫോൺ കൊടുത്തേ ഞാൻ ചോദിക്കാം..... ശരി...... അവൻ ഫോണുമായി അവൾക്കരികിലേക്ക് നടന്നു.... പാറൂ...... അവനെ നോക്കിയതല്ലാതെ അവളൊന്നും പറഞ്ഞില്ല..... ഇതാ..... അപ്പച്ചൻ.... നിന്നോട് സംസാരിക്കണമെന്ന് പറഞ്ഞു.... അതിന്റെ ആവശ്യമെന്താ എബിൻ..... പ്ലീസ്....... അവളവന്റെ കയ്യിൽനിന്നും ഫോൺ വാങ്ങി..... ഹലോ സാർ..... മോളേ....സാറോ....... എബി നിന്റെ കയ്യുംപിടിച്ചു ഇവിടെ വന്ന ദിവസം നിനക്ക് ഓർമയുണ്ടോ..... അന്ന് ഞാൻ നിന്നോട് പറഞ്ഞിരുന്നു നീയെന്റെ മരുമകളായിരിക്കില്ല മകള് തന്നെ ആയിരിക്കും എന്ന്..... അന്ന് അപ്പച്ചൻ പറഞ്ഞത് മറന്നോ...... അവര് വിളിക്കുന്നപോലെ മോളും അപ്പാ എന്ന് വിളിച്ചാൽ മതി.... കേട്ടല്ലോ..... എന്തിനാ മോളേ ഈ വാശി ഒരിക്കൽ എങ്ങനെയായിരുന്നു നിങ്ങൾ..........ഇപ്പൊ എന്തിനാ ഇങ്ങനെ.....

വർഷങ്ങൾ എത്ര കഴിഞ്ഞിട്ടും എബിയ്ക്ക് നിന്നെ മറക്കാൻ കഴിഞ്ഞിട്ടില്ല...... ഞങ്ങളൊക്കെ നിന്നെ എവിടെയൊക്കെ തിരഞ്ഞെന്ന് അറിയോ......... ശരി മോൾടെ അപ്പനും അമ്മയും എവിടെയുണ്ടെന്ന് പറാ അപ്പൻ അവരെ പോയി കാണാം....... എന്നിട്ട് നമുക്കിത് ഉറപ്പിക്കാം...... ചിലതെല്ലാം തീരുമാനിക്കുന്നത് ഉടയതമ്പുരാൻ ആണ്.... അവന്റെ തീരുമാനങ്ങൾ മറികടക്കാൻ ആർക്കും സാധിക്കില്ല........ മോളേ എന്താ ഒന്നും പറയാത്തത്..... എന്നോട് ക്ഷമിക്കണം.... എനിക്കൊരിക്കലും സാറിന്റെ മകനെ സ്നേഹിക്കാൻ കഴിയില്ല.... പറഞ്ഞത് ശരിയാ ഞങ്ങള് തമ്മിൽ ഇഷ്ടത്തിലായിരുന്നു....... ആ ഇഷ്ടത്തിന് ഞാൻ കൊടുക്കേണ്ടിവന്നവില നിങ്ങൾക്കൊന്നും പറഞ്ഞാൽ മനസിലാവില്ല........ചില തീരുമാനങ്ങൾ ദൈവം എടുക്കും അത് ശരിയാ.... എന്റെ കാര്യത്തിൽ ദൈവം എന്നോ തീരുമാനം എടുത്തതാ...... സാറ് പറഞ്ഞപോലെ എബിന്റെ കൂടെ ഒരു ജീവിതം സ്വപ്നം കണ്ടവളാ ഞാൻ........ എന്നാൽ ഇന്ന് അതൊക്കെയും എനിക്ക് ദുസ്വപ്നം മാത്രമാ....... എന്നെ അനുനിമിഷം ശ്വാസം മുട്ടിച്ചോണ്ടിരിക്കുന്ന ദുസ്വപ്നം........... അതിന് വേണ്ടി എന്താ മോളേ ഉണ്ടായത്.... ഈ അപ്പനോട് പറാ.... അതെന്തായാലും പരിഹാരം കാണാം....... സോറി സാർ...... ഇനിയെന്നെ ഈ പേരും പറഞ്ഞു ബുദ്ധിമുട്ടിക്കരുത്....... എന്റെ ജീവിതത്തിൽ ഇനി എബിൻ സ്ഥാനം ഉണ്ടാവില്ല........... ഒരിക്കലും........ അവളുടെ കണ്ഠം ഇടറുന്നത് എബിൻ മനസിലായി.....

അവന്റെ കയ്യിൽ ഫോൺ കൊടുത്ത് അവള് വാഷ്റൂമിലേക്ക് നടന്നു...... ടാപ് തുറന്നു തണുത്ത വെള്ളത്തിൽ തന്റെ മുഖം കഴുകുമ്പോൾ ചൂട് കണ്ണുനീർ ഒലിച്ചിറങ്ങുന്നത് അവളറിഞ്ഞു.........മുഖം നന്നായി തുടച്ചു തന്റെ സീറ്റിൽ വന്നിരുന്നു അന്നത്തെ ജോലിയിൽ മാത്രം ശ്രദ്ധിക്കുന്നവളെ കണ്ടതും എബിൻ പതിയെ കഴുത്തിളക്കി...... 💕💕💕💕💕💕💕💕💕💕💕💕 പാറൂ......... ഒന്ന് വേഗം ഇറങ്ങി വാ കഴിഞ്ഞില്ലേ നിന്റെ പരിപാടി.... ധൃതി വക്കല്ലേ ഇച്ചാ..... ദാ വന്നു..... ഹോസ്റ്റലിൽ നിന്നിറങ്ങി വന്ന് അവന്റെ ബൈക്കിന്റെ പുറകിൽ കയറി അവനെ കെട്ടിപിടിച്ചതും അവൻ പുഞ്ചിരിച്ചു..... എങ്ങോട്ടാ ഇച്ചാ ഇന്ന്...... എന്റെ വീട്ടിലേക്ക്...... അതുകേട്ടതും പെണ്ണിരുന്നു ആലിലപോലെ വിറയ്ക്കാൻ തുടങ്ങി..... ഇച്ചാ വണ്ടി നിർത്ത്.... ഞാനൊന്നുമില്ല എനിക്ക് പേടിയാ....... എന്റെ പാറൂ..... അവിടെ ആരും നിന്നെ വിഴുങ്ങില്ല..... ഇച്ചായന്മാരും അപ്പനും അവിടെയുണ്ട്.... അവരൊക്കെ കുറെയായി നിന്നെ പരിചയപ്പെടണം എന്ന് പറയാൻ തുടങ്ങിയിട്ട്...... പോകുന്നു.... പരിചയപെടുന്നു.... തിരിച്ചു വരുന്നു.... ഓക്കേ..... എന്നാലും ഇച്ചാ..... എന്താ എന്നെ വിശ്വാസമില്ലാഞ്ഞിട്ടാണോ.... അവളവന്റെ ഷോൾഡറിൽ കടിച്ചതും വണ്ടി മറയാൻ തുടങ്ങി.... ഒരുവിധം എങ്ങനെയോ അത് നിയന്ത്രിച്ചു നിർത്തി അവനൊന്നു അവളെനോക്കി.... കണ്ണുകൾ രണ്ടും മുറുക്കി ചിമ്മി തന്നെ കെട്ടിപിടിച്ചിരിക്കുന്നവളെ കണ്ടതും അവനു ചിരിപ്പൊട്ടി .... പാറുവേ കണ്ണ് തുറക്ക്.... വീണില്ല...... സോറി....

. ഇനി ഇങ്ങനെ വല്ലതും ചോദിച്ചാലുണ്ടല്ലോ..... ശരി വണ്ടി വിട്.... നമുക്ക് പോയി എല്ലാവരെയും പരിചയപെട്ടു വരാം...... ഓക്കേ...... വീട്ടിൽ എല്ലാവരും ഇരുവരെയും പ്രതീക്ഷിച്ചിരിക്കുകയാണ്..... അവന്റെ പുറകിൽ പമ്മിപമ്മി നിൽക്കുന്നവളെ കണ്ടതും അമ്മച്ചി അവളുടെ കൈപിടിച്ച്..... ഇതെന്താ മോളേ ഇങ്ങനെ..... ഫോണിൽ സംസാരിക്കുമ്പോൾ വായാടിത്തരം ആണല്ലോ..... വന്നേ...... അവള് അമ്മച്ചിയുടെ ഒപ്പം നടന്നു..... മോളേ ഇതാണ് അപ്പൻ..... ഇത് എഡ്വിൻ.... ഇവൻ ആൻവിൻ..... അവളെല്ലാവരെയും പരിചയപെട്ടു.... ആദ്യത്തെ അരമണിക്കൂർ മാത്രമായിരുന്നു അവൾക്ക് അപരിച്ചതത്വ ഫീൽ ചെയ്തത്.... പിന്നെ അവരോടെല്ലാം കൂട്ടായി.... സ്വന്തം മകളോടെന്നപോലെയാണ് അവന്റെ അപ്പനും അമ്മയും പെരുമാറിയത്.... എഡ്വിനും ആൻവിനും അനിയത്തിയും....... വൈകുന്നേരം ഇനിയൊരിക്കൽ വരാമെന്ന ഉറപ്പിൽ അവളവിടുന്നിറങ്ങി...... ഇച്ചാ....... എനിക്കെല്ലാവരെയും ഒരുപാട് ഇഷ്ടായിട്ടോ...... അതെനിക് മനസിലായി.... ഞാൻ പിന്നെ പുറത്തായല്ലോ..... അച്ചോടാ..... അങ്ങനെ പുറത്താക്കോ എന്റെ എബിച്ചനെ........ 💕💕💕💕💕💕💕💕💕💕 പാർവണ..... ഇത് ഇന്ന് കംപ്ലീറ്റ് ചെയ്യണം ജെന്നി പറഞ്ഞതും ഓർമകൾക്ക് വിരാമമിട്ട് പിന്നെയും അവള് തിരിച്ചുവന്നു...... ദിവസങ്ങൾ പതിയെ കൊഴിഞ്ഞു വീണെങ്കിലും പാറുവിന് കാര്യമായ മാറ്റങ്ങൾ ഒന്നും ഇല്ലായിരുന്നു.... ഓഫിഷ്യൽ ആയിട്ടുള്ള എന്തെങ്കിലും കാര്യങ്ങൾ അവനോട് സംസാരിക്കുമെന്നതൊഴിച്ചാൽ......

ആ വ്യാഴാച്ച എബിൻ ഓഫീസിൽ വന്നെങ്കിലും പെട്ടന്ന് തിരിച്ചുപോയി..... പിന്നെ അവളിറങ്ങാൻ നേരമാണ് അങ്ങോട്ട് വന്നത്....... പാറൂ........ നാളെ.... നാളെ ലഞ്ച് ഒരുമിച്ചായാലോ...... പ്രതീക്ഷയോടെ അവൻ ചോദിച്ചെങ്കിലും അത് പാടേ അവഗണിച്ചു അവള് തന്റെ വണ്ടിയുമായി അവിടുന്ന് പോന്നു..... വീട് തുറന്നു അകത്ത് കയറി സോഫയിലേക്ക് ഒരു വീഴ്ചയായിരുന്നു......... നാളെ........ എന്തായിരിക്കും ലഞ്ചിനു invite ചെയ്തത്..... അപ്പൊ ആ ദിവസം ഇപ്പോഴും ഓർക്കുന്നുണ്ടോ........... അതാണോ...... തന്റെ സേഫ് തുറന്ന് അതിൽനിന്നും ഒരു ബോക്സ്‌ എടുക്കുമ്പോൾ അവളുടെ കണ്ണ് നിറയുന്നുണ്ട് ഒപ്പം ആ കൈകൾ വിറയ്ക്കുന്നു........ 💕💕💕💕💕💕💕💕💕💕💕 ഇച്ചാ....... ഇന്നെന്തിനാ എന്നെ ഇങ്ങനെ നിർബന്ധിക്കുന്നത് അമ്പലത്തിൽ പോകാൻ..... ഒരു കാര്യം ഉണ്ടെന്ന് കൂട്ടിക്കോ..... വാ ഇങ്ങോട്ട്..... അവള് സ്ഥിരമായി പോകുന്ന ക്ഷേത്രത്തിലേക്ക് അവനോടൊപ്പം പോകുമ്പോൾ അതിന്റെ കാരണം തിരയുകയായിരുന്നു..... അവളുടെയൊപ്പം അവനും ചുറ്റമ്പലത്തിലേക്ക് പ്രവേശിക്കുന്നത് കണ്ടതും അവളുടെ കണ്ണുകളിൽ അത്ഭുദം നിറഞ്ഞു..... ഇച്ചാ എന്തുപറ്റി..... സാധാരണ പുറത്ത് നിൽക്കറല്ലേ.... ഇതെന്താ ഇന്നൊരു മാറ്റം.... നിന്റെ ദേവനെ എനിക്കും കൂടെ കാണാൻ ഒരു മോഹം....

ഉവ്വോ എന്നാൽ വാ.... ഞാൻ പരിചയപെടുത്തി തരാം...... അവനെയുംകൂട്ടി തിരുനടയിലേക്ക് കയറി അവള് കണ്ണുകൾ കൂമ്പിയടച്ചു.... അവൻ കൈകൂപ്പി കണ്ണുകളടച്ചു പിന്നെയാ കണ്ണുകൾ തന്റെ മാത്രം ദേവിയിൽ കേന്ദ്രീകരിച്ചു....... പാറു പ്രാർത്ഥനയിൽ മുഴുകിയതാണ്.... എന്റെ ഭഗവാനെ...... ന്റെ ഇച്ചനെ ഒരിക്കലും നീ എന്നിൽ നിന്നും വേർപെടുത്തരുതേ.... ഈ സ്നേഹം എന്നുമെനിക് അനുഭവിക്കാൻ കഴിയണേ...... ഇടയ്ക്കവളുടെ കഴുത്തിൽ എന്തോ ഇഴയുന്നപോലെ തോന്നിയതും അവള് ഞെട്ടി കണ്ണുകൾ തുറന്നു....... കയ്യികരുതിയ കുഞ്ഞുതാലി അവളുടെ കഴുത്തിൽ അണിയുന്നവനെ കണ്ടതും അവള് തരുത്ത്...... ഇച്ചാ........ അറിയാം ഇപ്പൊ ചെയ്തത് തെറ്റാണെന്ന്.... ആരോടും അനുവാദം വാങ്ങാതെ മിന്നുകെട്ടിയത്...... സോറി...... എന്തോ എനിക്കിങ്ങനെ ചെയ്യാൻ തോന്നി.... സത്യത്തിൽ മാറ്റാരോ എന്നെ നിർബന്ധിക്കുകയായിരുന്നു.......i പ്രോമിസ് ഇത് നിന്റെ കഴുത്തിലണിഞ്ഞെന്ന് കരുതി മറ്റൊരു അവകാശവും സ്ഥാപിക്കാൻ ഞാൻ വരില്ല.... ചെയ്തത് തെറ്റായെങ്കിൽ ഇപ്പൊ തന്നെ നിനക്കിത് അഴിച്ചു വലിച്ചെറിയാം...... വേണമെങ്കിൽ എന്നെ തല്ലാം........ അവളുടെ കണ്ണ് നിറയുന്നുണ്ട്...... പാറൂ...... ഇച്ചാ....... ഞാനിപ്പോ എന്താ പ്രാർത്ഥിച്ചേ എന്നറിയോ......

ഒരിക്കലും ഇച്ചനിൽനിന്നും വേർപെടരുതേ എന്ന്........ ആ ആഗ്രഹം സഫലമാക്കാൻ ആവും ഇച്ചനെക്കൊണ്ട് ഇങ്ങനെ ചെയ്യിപ്പിച്ചത്........ എബിച്ചാ....... i love you.......... i love you സോ much.... എനിക്ക് എബിച്ചനെ കെട്ടിപ്പിടിക്കാൻ തോന്നുന്നുണ്ട്...... വാ..... കെട്ടിപിടിക്കാം.... എന്നിട്ട് വേണം ഇവിടെയുള്ളവര് നമ്മളെ തല്ലിക്കൊല്ലാൻ..... വാ നമുക്ക് പെട്ടന്ന് തൊഴുതിറങ്ങാ..... 💕💕💕💕💕💕💕💕💕💕💕 വിറയാർന്ന കൈകളോടെ ആ താലി അവള് നെഞ്ചോട് ചേർത്തുപിടിച്ചു അങ്ങനെയിരുന്നു ഉറങ്ങിപ്പോയി.... പിറ്റേന്ന് അലാറം അടിഞ്ഞപ്പോഴാണ് ഉണരുന്നത്..... കയ്യിലിരുന്ന താലി അവൾ കഴുത്തിലണിഞ്ഞു..... വേഗം റെഡിയായി അമ്പലത്തിലേക്ക് പോയി....... തിരുനടയിൽ ചെന്ന് അവള് കണ്ണടച്ചു കൈകൂപ്പി...... ന്റെ ഭഗവാനെ..... നീയെന്തിനാ എന്നോട് ഇത്രയ്ക്കും ക്രൂരനായത്......... നിന്നോട് ഞാൻ ഒന്നല്ലേ ആവശ്യപ്പെട്ടുള്ളൂ എന്റെ ഇച്ചന് ഒരാപത്തും ഉണ്ടാവരുതെന്ന്..... തുണയായി നീ ഉണ്ടാവണമെന്ന്..... എന്നിട്ടും ആ പാവത്തിനെ നീ ഒരു ഭ്രാന്തനാക്കി മാറ്റാൻ കൂട്ടുനിന്നത് എന്തിനാ......... എന്ത് തെറ്റാ ഞങ്ങള് നിന്നോട് ചെയ്തത്....... ഇന്നത്തെ ദിവസത്തിന്റെ പ്രത്യേകത നിനക്കറിയോ ഒമ്പത് വർഷങ്ങൾക്ക് മുൻപ് ഇതേ ദിവസാ ഇച്ചൻ എന്റെ കഴുത്തിൽ താലി ചാർത്തിയത്....... അന്ന് ഞാനെത്ര സന്തോഷിച്ചെന്നറിയോ..... ആ സന്തോഷത്തിന് ഒരു നീർകുമിളയുടെ ആയുസ് ഉണ്ടായിരുന്നുള്ളൂ എന്നെനിക്കറിയില്ലായിരുന്നു........

ഇത്രയും കാലം ഞാൻ മാറിനിന്നത് ഇച്ചന് ഒന്നും സംഭവിക്കാതിരിക്കാനാ........ജീവനെക്കാളേറെ സ്നേഹിക്കുമ്പോഴും ഈ വെറുപ്പ് അഭിനയിക്കുന്നത് എന്റെ ഇച്ചനെന്നും ജീവനോടെയുണ്ടാവാൻ വേണ്ടിയാ....... എനിക്ക് സ്വന്തമെന്ന് പറയാൻ ഇച്ചനും വാവയും മാത്രേ ഉള്ളൂ...... അവർക്ക് ഒരാപത്തും വരുത്തരുതേ ഭഗവാനെ.......... എണ്ണിപെറുക്കി തന്റെ സങ്കടങ്ങൾ നിരത്തുമ്പോൾ അവളുടെ കണ്ണ് നിറയുന്നുണ്ട്....... അവിടുന്ന് തിരിച്ചിറങ്ങുമ്പോൾ ആ താലി മറ്റാരും കാണാത്തവിധം ടോപിന്റെയുള്ളിലേക്കിട്ട് ഷോൾ കൊണ്ട് അത് മറച്ചുവച്ചു........ ഓഫീസിലേക്ക് നടക്കുമ്പോൾ പതിവ് വെറുപ്പിന്റെയും ദേഷ്യത്തിന്റെയും കപടമുഖം അവളെടുത്തണിഞ്ഞു..... എബിൻ ഒരു പുഞ്ചിരിയോടെ അവിടെയിരിക്കുന്നുണ്ട്....... ഗുഡ് മോർണിംഗ് സാർ....... ഗുഡ് മോർണിംഗ്...... പാറൂ......... ഇന്ന് നമുക്ക് പുറത്തു പോവാം...... പ്ലീസ് സോറി സാർ........ സാറിനെപോലെ ഒരു ആഭാസന്റെകൂടെ എനിക്ക് ബുദ്ധിമുട്ടാണ്...... അവന്റെ നെഞ്ചിൽ ആണിയടിച്ചു തറയ്ക്കുന്നതിന് തുല്യമായിരുന്നു ആ വാക്കുകൾ....... പാ..... പാറൂ.......... എനിക്കുറപ്പുണ്ട്..... ഈ ദിവസം...... ഈ ദിവസം നിനക്ക് മറക്കാൻ കഴിയില്ല എന്ന്........... ഓർമയില്ലേ പാറൂ........ എന്താ സാർ..... ഇന്ന് ഏതെങ്കിലും വർക്ക്‌ ഫിനിഷ് ചെയ്യാമെന്ന് പറഞ്ഞിരുന്നോ.... ഞാനൊന്ന് ചെക്ക് ചെയ്യട്ടെ....... പാറൂ........ മതി നിന്റെ അഭിനയം...... സ്റ്റോപ്പ്‌ it now......

അവളുടെ ഫോൺ അടിഞ്ഞതും അവൻ മൗനംപാലിച്ചു....... സാർ one മിനിറ്റ്....... അവളവിടുന്ന് മാറി..... വാവേ...... ഗുഡ് മോർണിംഗ്..... ഹാപ്പി വെഡിങ് ആനിവേഴ്സറി ചേച്ചിയമ്മേ........ ചേട്ടച്ഛനോടും പറയണേ എന്റെ wishes..... ഉം..... നിനക്ക് പോകാറായില്ലേ...... ഞാൻ വൈകിട്ട് വിളിക്കാം........ ഓക്കേ ബൈ........ കോൾ അവസാനിപ്പിച്ചു അവള് ക്യാബിനിലേക്ക് നടക്കാനൊരുങ്ങിയതും എബിൻ അവൾക്ക് വട്ടം നിന്നു...... പറാ...... നിനക്ക് ഓർമയില്ലേ...... ഇല്ലാ........ എന്താ സാർ...... ഇനി നിന്റെ കാലുപിടിക്കാൻ എബിൻ വരില്ല പാറൂ........ നീ ഹാപ്പിയായി ജീവിക്കു...... ഞാനല്ലേ നിന്റെ ലൈഫിലെ ഒരേയൊരു മുള്ള് ........ ഇനി എബിൻ നിന്നെ ശല്യം ചെയ്യില്ല........ അവള് മുഖം കുമ്പിട്ടുനിന്നു..........കണ്ണ് നിറയുമെന്ന് ഉറപ്പായതും അവള് കണ്ണിൽപ്പൊടിപോയപോലെ അഭിനയിച്ചു........ പാറൂ എന്തുപറ്റി...... nothing സാർ.... കണ്ണില് പൊടി..... പെട്ടന്നാണവൻ അവളുടെ മുഖം കൈകുമ്പിളിലെടുത്ത് കണ്ണിലേക്കു ഊതാൻ തുടങ്ങിയത്.... അവളാകെ പതറിപ്പോയി...... പെട്ടന്നവനെ തള്ളിമാറ്റി അവള് തിരിഞ്ഞു നടന്നു........

പാറൂ....അവസാനമായി ചോദിക്കാ നിനക്ക് ഓർമയുണ്ടോ..... ഇന്നത്തെ ദിവസം ഏതാണെന്നു..... എത്രതവണ പറഞ്ഞു....... നിനക്ക് മനസിലായില്ലേ...... മറുപടി പറയാതെ ക്യാബിനിൽനിന്നും ദേഷ്യത്തിൽ ഇറങ്ങിപോകുന്നവനെ കണ്ടതും അവളുടെ മനമുരുകി.........കുറച്ചു നേരം അവളവിടെ തറഞ്ഞിരുന്നു...... അതടക്കി ലാപ് ഓൺ ചെയ്യുമ്പോഴാണ് ഫോൺ പിന്നെയും റിങ് ചെയ്തത്........ ഡിസ്പ്ലേയിൽ തെളിഞ്ഞ നമ്പർ കണ്ടതും അവളിലൂടെ വിറയൽ കടന്നുപോയി....... ഒരുതരം മരവിപ്പോടെ ആ കോളെടുത്ത് ചെവിയോട് ചേർത്തു.......... ഹലോ....... how are you....... ഈ കോൾ എന്തിനാണെന്നാണോ ആലോചിക്കുന്നത്...... വിഷ് ചെയ്യാൻ.....ഹാപ്പി വെഡിങ് ആനിവേഴ്സറി......... ഈ ആനിവേഴ്സറിയ്ക്കു ഞാനൊരു സർപ്രൈസ് ഗിഫ്റ്റ് ഒരുക്കിയിട്ടുണ്ട് നിനക്കായി....... അവളുടെ ഹാർട്ട്‌ ബീറ്റ് ഉയർന്നു........ അതെന്താണെന്ന ചിന്തയിലായിരുന്നു അവള്...... പ്രിയപെട്ടവന്റെകൂടെ ഒരുമിച്ച് വാഴാം എന്ന് കരുതിയോ ഇനിയങ്ങോട്ട്...... ഇപ്പോൾ പോയവൻ ഇനി നിന്റെയരികിലേക്ക് കടന്നുവരില്ല ഒരിക്കലും................... ( തുടരും ✍️ ആര്യ പൊന്നൂസ്..........)

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...