💙ജീവിതസഖി💙 ഭാഗം 10

രചന: സാന്ദ്ര വിജയൻ

 "മോളെ പാറൂട്ടീ......." "അമ്മേ.... എന്തിനാ മോളെ കൂട്ടാതെ പോയത് ? " " ആരാ അതിന് പോയത് ആരും പോയിട്ടില്ല. ഞങ്ങൾ നിന്റെ കൂടെ തന്നെയുണ്ട്.ഞങ്ങളുടെ മോള് വിഷമിക്കരുത്. നന്ദൻ നീ കാരണം വിഷമിക്കാനിടയാവരുത്." "ഇല്ലമ്മേ നന്ദേട്ടനെ ഞാൻ ഒരിക്കലും വിഷമിപ്പിക്കില്ല." " ഒരിക്കലും മോളെ വിട്ട് പോകണമെന്നുണ്ടായിരുന്നില്ല ഞങ്ങൾക്ക്. പക്ഷെ അകറ്റിയതാ ഞങ്ങളെ മോളിൽ നിന്ന്." "അമ്മ എന്താ പറയണെ എനിക്കൊന്നും മനസിലാകുന്നില്ല." " ഞങ്ങളുടേത് ഒരു സ്വാഭാവിക മരണമായിരുന്നില്ല. ആരോ കരുതിക്കൂട്ടി തന്നെ ഉണ്ടാക്കിയ ആക്സിഡന്റായിരുന്നു. പക്ഷെ ആര് എന്തിനു വേണ്ടി.... എനിക്കറിയില്ല. നീ സൂക്ഷിക്കണം. നിനക്കെന്നും കാവലായി ഞങ്ങളുണ്ടാകും." "അമ്മേ......" സ്വപ്നത്തിൽ നിന്നും ഞെട്ടി ഉണർന്ന പാറു റൂമിലാകമാനം ഒന്നു വീക്ഷിച്ചെങ്കിലും ആരെയും കാണാൻ സാധിച്ചില്ല.അപ്പോഴേക്കും എല്ലാവരും അവളുടെ റൂമിലേക്ക് എത്തിയിരുന്നു. "എന്താ മോളെ എന്താ പറ്റിയത്"(നന്ദന്റെ അച്ഛൻ) "എന്തെങ്കിലും കണ്ട് പേടിച്ചോ?"(നന്ദന്റെ അമ്മ) " ഇല്ല അമ്മായി ഞാനൊരു സ്വപ്നം കണ്ടതാ." "മോളുടെ നിലവിളി കേട്ടപ്പോ ഞാനാകെ ഭയന്നു." "അമ്മയും അച്ഛനും പോയി കിടന്നോ ഞാൻ ഇവളുടെ അടുത്തിരുന്നോളാം

."(നന്ദൻ) "മോളെ പ്രാർത്ഥിച്ചിട്ട് കിടക്ക്." അമ്മയും അച്ഛനും പോയതും നന്ദൻ അവളുടെ അടുത്ത് വന്നിരുന്നു. "എന്താ പാറൂ. സത്യത്തില് എന്ത് സ്വപ്നാ നീ കണ്ടത് ?" "അമ്മയെ.... അമ്മ എന്റെ സ്വപ്നത്തില് വന്നു നന്ദേട്ടാ എനിക്ക് കാവലുണ്ടാകുമെന്ന് പറഞ്ഞു. പിന്നെ അമ്മയുടെയും അച്ഛന്റെയും ഒരു സാധാരണ ആക്സിസ്റ് മരണം ആയിരുന്നില്ലെന്ന് പറഞ്ഞു. എനിക്കിപ്പൊ അങ്ങിനെയാ തോന്നുന്നെ ആരോ കരുതിക്കൂട്ടി ചെയ്തതാ ഇതെല്ലാം. എനിക്കറിയണം നന്ദേട്ടാ ആരാ ഇതൊക്കെ ചെയ്തതെന്ന് എന്തിന് വേണ്ടിയാ ചെയ്തതെന്ന്." (പാറു പറഞ്ഞ വാക്കുകൾ എന്നിലും പല സംശയങ്ങളും ഉണ്ടാക്കി. ഒരു വിധത്തിൽ അവളെ സമാധാനിപ്പിച്ചെങ്കിലും എന്റെ മനസ് പലയിടത്തും സഞ്ചരിക്കാൻ തുടങ്ങി. ഒടുവിൽ അതെത്തി നിന്നത് വീണ പറഞ്ഞ വാക്കുകളിലാണ്.) " അവളെ നിന്നിൽ നിന്നും വേർപ്പെടുത്താൻ ഞാൻ എന്തും ചെയ്യും. അവളെ ഇല്ലാതാക്കാൻ സാധിച്ചില്ലെങ്കിൽ അവളെ വേദനിപ്പിക്കാനും ഞാൻ ശ്രമിക്കും." (ഒരു പക്ഷേ ഇതിനു പിന്നിൽ വീണയായിരിക്കുമോ..

നാളെ തന്നെ ഇതിനൊരു തീരുമാനമുണ്ടാക്കണം. ചിലതൊക്കെ കണക്കുകൂട്ടി ഞാനും ഇരുന്നു.) * * * * * * * "എന്നിട്ട് നീ വീണയെ പിറ്റേന്ന് കണ്ടോ ?"( ചരൺ) "ഇല്ല. പിന്നെ ഞാൻ അവളെ കാണുന്നത് ഒരാഴ്ചയ്ക്ക് ശേഷാ കൃത്യമായി പറഞ്ഞാൽ ഞാനും പാറുവും വീണ്ടും കോളേജിലേക്ക് പോയ ആ ദിവസം. പക്ഷെ അന്ന് അവളോട് കൂടുതലൊന്നും സംസാരിക്കാൻ പറ്റിയില്ല. അന്നെന്തോ പ്രോഗ്രാം ഉള്ളതുകൊണ്ട് പാറു എന്റെ കൂടെ തന്നെ ഉണ്ടായിരുന്നു ഫുൾ ടൈം. അവളുടെ അവസ്ഥ അറിയാവുന്നതു കൊണ്ട് അവളെ പിരിഞ്ഞിരിക്കാൻ എനിക്കും തോന്നിയില്ല. പക്ഷെ വീണയുടെ പുച്ഛത്തോടെയുള്ള ചിരി കണ്ടപ്പോൾ തന്നെ എനിക്ക് കാര്യങ്ങളൊക്കെ ഊഹിക്കാവുന്നതേ ഉണ്ടായിരുന്നുള്ളൂ." _ _ _ _ _ _ _ _ _ _ _ _ _ _ _ _ _ _ _ " പാറൂ ഞാനൊരിടം വരെ പോയിട്ട് വരാം. നീ വീട്ടിലേക്ക് നടന്നോ." (വീടിനരികിൽ വണ്ടി നിർത്തി നന്ദൻ പാറുവിനോടായി പറഞ്ഞു.) "വേഗം വരില്ലേ നന്ദേട്ടാ..." " ആ ഞാൻ വേഗം വരാം." (നന്ദന്റെ വണ്ടി ചെന്ന് നിന്നത് വീണയുടെ ഗസ്റ്റ് ഹൗസിലായിരുന്നു.

ഗാർഡനിലെ ഊഞ്ഞാലിൽ ഇരുന്ന് ഫോണിൽ കളിച്ചു കൊണ്ടിരുന്ന വീണ ഒരു ബുള്ളറ്റിന്റെ ശബ്ദം കേട്ടതും മുഖമുയർത്തിയൊന്ന് നോക്കി. തനിക്കു നേരെ നടന്നു വരുന്ന ദേവിനെ കണ്ടതും അവളുടെ ചുണ്ടിൽ നിഗൂഢമായൊരു പുഞ്ചിരി വിരിഞ്ഞു.) " വരണം വരണം ദേവ്. നിന്റെ ഈ വരവ് ഞാൻ പ്രതീക്ഷിച്ചത് തന്നെയാ."(വീണ) " വീണ എനിക്ക് ചില സംശയങ്ങൾ ഉണ്ട് അത് സത്യമാണോയെന്നാണ് എനിക്കറിയേണ്ടത്."(നന്ദൻ) "നിന്റെ ചോദ്യങ്ങൾ എന്താണെന്നെനിക്കറിയാം അതിനുള്ള ഉത്തരവും എന്റെ കയ്യിലുണ്ട്." അവൾ പറയാൻ തുടങ്ങി. "നിനക്കറിയോ ദേവ് ചെറുപ്പം മുതലേ ഞാൻ ആഗ്രഹിക്കുന്നതെല്ലാം എന്റെ പപ്പ എനിക്ക് വാങ്ങി തന്നിട്ടുണ്ട്. അമ്മയെക്കാളും ഞാൻ സ്നേഹിച്ചതും ബഹുമാനിച്ചിരുന്നതും എന്റെ പപ്പയെയാ. ഒരു മാസം മുൻപ് ഞാൻ എന്റെ പപ്പയോട് ഒരു കാര്യം ആവശ്യപ്പെട്ടു. നിന്നെ വേണമെന്ന ആഗ്രഹം. അവിടെയും പപ്പ എന്നെ നിരാശപ്പെടുത്തിയില്ല നിന്നെ എന്റേതാക്കാമെന്നു വാക്കു തന്നു.

എന്റെ ഒരു ആഗഹത്തിന്റെ പുറത്ത് പപ്പ വന്നു നിന്റെ വീട്ടിൽ വിവാഹ ആലോചനയുമായി. ഇത്ര വലിയ ബന്ധം കൊണ്ടുവന്നിട്ടും നിന്റെ വീട്ടുകാർക്ക് അഹങ്കാരം. പപ്പയുടെ മുന്നിൽ വച്ച് അങ്ങേരുണ്ടല്ലോ അവളുടെ ചത്തുപോയ തന്ത ശ്രീധരൻ അയാള് പറഞ്ഞു നിന്റെയും പാർവ്വതിയുടെയും വിവാഹം ചെറുപ്പം മുതലേ പറഞ്ഞു വച്ചതാണെന്ന്. അന്ന് വീട്ടിൽ നിന്നും നാണം കെട്ട് പപ്പ വന്നപ്പോ പിടഞ്ഞത് എന്റെ ചങ്കാ. അതോണ്ടു കൂടിയാ അവളുടെ അച്ഛനെയും അമ്മയെയും ഒരു ആക്സിഡന്റിലൂടെ പരലോകത്തേക്ക് പറഞ്ഞയച്ചത്." (പറഞ്ഞു നിർത്തിയതും നന്ദന്റെ കൈകൾ അവളുടെ മുഖത്ത് പതിഞ്ഞിരുന്നു.) "തല്ലിക്കോ നീ എത്ര വേണമെങ്കിലും തല്ലിക്കോ എനിക്കൊരു പ്രശ്നവുമില്ല. നിനക്ക് ഞങ്ങൾക്കെതിരെ ഒന്നും ചെയ്യാൻ സാധിക്കില്ല.കാരണം അതൊരു സാധാരണ ആക്സിഡന്റ് മാത്രമാണ്. പിന്നെ വേറൊരു കാര്യം കൂടി വൈകാതെ നീ ഒരു മരണത്തിനു കൂടി സാക്ഷ്യം വഹിക്കും. നീ ജീവനു തുല്യം സ്നേഹിക്കുന്ന നിന്റെ പെണ്ണിന്റെ അവളുടെ നാളുകൾ എഴുതപ്പെട്ടു കഴിഞ്ഞിരിക്കുന്നു.

കൂടി പോയാൽ ഇനി 2 മാസം അതു കഴിഞ്ഞാൽ കോളേജിലെ നിന്റെ പഠിപ്പവസാനിക്കും. പിന്നെ നിനക്കെന്നല്ല ആർക്കും എന്നെ തടുക്കാനാവില്ല. അവളെ ജീവനോടെ കാണണമെന്നുണ്ടെങ്കി നീ മറക്കേണ്ടിവരും അവളെ എന്നന്നേക്കുമായി. അങ്ങിനെയെങ്കിൽ കൊല്ലാതെ വിടാം ഞാനവളെ വേണമെങ്കിൽ എന്റെ വീട്ടിലൊരു ജോബും കൊടുക്കാം. ഒരു സർവെന്റിന്റെ കുറവുണ്ട്." "ഡീ.... ഇനിയെന്തെങ്കിലും നിന്റെ തിരുവായിൽ നിന്നും മൊഴിഞ്ഞാ ആ നാവ് ഞാനങ്ങ് അറുത്തെടുക്കും. ഇത്രയും നാൾ ക്ഷമിച്ചത് നീയൊരു പെണ്ണാണെന്ന് കരുതിയാ. നീയൊക്കെ പെണ്ണുങ്ങൾക്ക് തന്നെ നാണക്കേടാ. അല്ലെങ്കിലും കേസിന് പോകുന്നത് വലിയ പൊല്ലാപ്പാ ലോക്കപ്പിലടച്ചാലും നീയൊക്കെ പെട്ടെന്ന് തന്നെ ഊരിപ്പോരും അതുകൊണ്ട് അതിലും വലിയ ശിക്ഷയായിരിക്കും ഞാൻ നിനക്ക് നടപ്പിലാക്കാൻ പോകുന്നത്. നീ കാത്തിരുന്ന് കണ്ടോ." (അത്രയും പറഞ്ഞ് തിരിഞ്ഞ് നടക്കുമ്പോൾ നന്ദന്റെ കണ്ണുകളിലും തീ ആളുകയായിരുന്നു.) ________

ഇതൊന്നും പാറു അറിയാതിരിക്കാൻ ഞാൻ ശ്രമിച്ചു. മാസങ്ങൾക്കു ശേഷം കോളേജിൽ നിന്നും പടിയിറങ്ങുമ്പോഴും എന്റെ മനസിൽ പല ചിന്തകളായിരുന്നു പാറുവിന്റെ ജീവൻ രക്ഷിക്കണം. ഒരിക്കൽ ഞാൻ പോലും ആരെയും അറിയിക്കാതെ കാത്തുസൂക്ഷിച്ച ആ രഹസ്യം പാറു അറിഞ്ഞു. അവളുടെ അച്ഛന്റെയും അമ്മയുടെയും കൊലപാതകി ആരാണെന്നുള്ള സത്യം. അന്ന് വല്ലാത്തൊരു ഭാവമായിരുന്നു അവൾക്ക്. റൂമിലുള്ളതെല്ലാം എറിഞ്ഞു പൊട്ടിച്ചു. ആർക്കും അവളെ എതിർക്കാനായില്ല. സത്യം തിരിച്ചറിഞ്ഞതിന്റെ ഞെട്ടലിലായിരുന്നു അമ്മയും അച്ഛനുമടക്കം. ആ രാത്രിയാണ് എന്റെ ജീവിതത്തെ തന്നെ മാറ്റിമറിച്ചത്.

സംഭവം അറിഞ്ഞ അന്ന് അവൾ ആരോടും സംസാരിച്ചില്ല. രാത്രിയിൽ അവളുടെ മുറിയിലേക്ക് ചെന്നപ്പോ ഞാൻ കണ്ടത് വീണയുടെ ചിത്രത്തിൽ റെഡ് മാർക്കർ കൊണ്ട് വരച്ചിട്ടിരിക്കുന്ന പേപ്പറാണ്. അവളെ അവിടെ കാണാതായപ്പോൾ തന്നെ ഞാൻ പാഞ്ഞു. വീണയുള്ള ഇടത്തേക്ക് അവളുടെ ഗസ്റ്റ് ഹൗസിലേക്ക്. * * * * * * * ** രാത്രി കിടക്കാൻ നേരത്ത് ആരോ വാതിൽ തട്ടുന്നത് കേട്ടാണ് വീണ താഴേക്ക് വന്നത്. വാതിൽ തുറന്നതും മുന്നിൽ നിൽക്കുന്ന രൂപത്തെ കണ്ട് അവളൊന്ന് ഞെട്ടി. പടർന്ന കൺമഷിയും അഴിഞ്ഞുലഞ്ഞ മുടിയും കയ്യിൽ വാളുമായി സംഹാര താണ്ഡവമാടാനായി നിൽക്കുന്ന സാക്ഷാൽ ശ്രീപാർവ്വതി. അവിടെ അവൾ കാണുകയായിരുന്നു ശ്രീപാർവ്വതിയുടെ ഉള്ളിലെ ഭദ്രകാളി രൂപം........ .കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...