💙ജീവിതസഖി💙 ഭാഗം 13

രചന: സാന്ദ്ര വിജയൻ

"ഡീ നിന്നോട് 2 ദിവസം മുന്നേ വരണമെന്ന് പറഞ്ഞിട്ട് തലേ ദിവസമാണോ വന്നേക്കുന്നെ." (മായ) "സോറി മുത്തേ കുറച്ച് തിരക്കിലായി പോയടീ"(പാറു) "അമ്മേ ഇതാ ഞാൻ പറഞ്ഞ ഡോക്ടർ ശ്രീപാർവ്വതി എന്റെ ശ്രീ" "എനിക്കറിയാം മോളെ ഹോസ്പിറ്റലിൽ വന്നപ്പോ 2,3 തവണ കണ്ടിട്ടുണ്ട്. മോളിരിക്ക് ഞാൻ കുടിക്കാനെന്തെങ്കിലും എടുക്കാം." "എടീ ആദി വന്നില്ലല്ലോ ഇതുവരെ" " അവൻ നാളെ വരുള്ളൂന്ന് പറഞ്ഞിരുന്നു." (രാത്രി ആയപ്പോഴേക്കും ബന്ധുക്കളുടെ തിരക്ക് കൂടിയിരുന്നു വീട്ടിൽ. അതിൽ നിന്നുമൊക്കെ ഒഴിഞ്ഞു മാറി പാറു റൂമിൽ വന്നിരുന്നു.) " എന്തുപറ്റി പാറു നീയെന്താ ഇവിടെ വന്നിരിക്കുന്നെ. ഉള്ളിലെന്തോ ചീഞ്ഞ് നാറുന്നുണ്ടല്ലോ" "ഹേയ് ഒന്നുല്ല ടീ. ചെറിയ തലവേദന അത്രേ ഉള്ളൂ." " എന്നാ നീ കിടന്നോ വെറുതെ തലവേദന കൂട്ടണ്ട." (പിറ്റേന്ന് ആദി കൂടി വന്നപ്പോ എല്ലാം ഉഷാറായി. എങ്കേജ്മെന്റൊക്കെ അടിപൊളിയായി വൈകിട്ട് എല്ലാവരും പോയി കഴിഞ്ഞപ്പോ ശ്രീയും ആദിയും മായയും കൂടി സംസാരിക്കാനിരുന്നു. ആദി എല്ലാം മായയോട് വിശദീകരിച്ചു പറഞ്ഞു.)

"എന്റെ ശ്രീ ഇത് ഇത്തിരി കൂടി പോയി. നീയല്ലേ ഇത്രയും നാളും നന്ദേട്ടന്റെ വരവിനു വേണ്ടി കാത്തിരുന്നത് എന്നിട്ടിപ്പൊ പെട്ടെന്നെന്താ ഒരു മാറ്റം." "അതിന് പിന്നിൽ ഒരു കാരണം ഉണ്ട് മായ അതിന് നിങ്ങൾ എന്റെ കഥ മുഴുവൻ അറിയണം." (ശ്രീ സംഭവിച്ചതെല്ലാം അവരോട് തുറന്നു പറഞ്ഞു.) "ഇനി പറ ഞാൻ നന്ദേട്ടനൊപ്പം പോണോ. എന്റെ അച്ഛനെയും അമ്മയെയും കൊന്നവരെ ഒന്നും ചെയ്യാൻ സമ്മതിക്കാത്ത നന്ദേട്ടനൊപ്പം ഞാൻ പോണോ. പോയാലും എനിക്ക് മനസമാധാനത്തോടെ ജീവിക്കാൻ പറ്റില്ല." "അപ്പൊ നാളെ നീ റെയിൽവേ സ്റ്റേഷനിൽ പോവില്ലേ" (ആദി) " ഇല്ല " (ഉറച്ച മറുപടി പറഞ്ഞ് ശ്രീ തിരിഞ്ഞ് നടന്നു.) "ശ്രീ... ഒന്നു നിക്ക്. നിന്നെ ഉപദേശിക്കാനോ തിരുത്താനോ ഞങ്ങൾക്ക് അധികാരമുണ്ടോയെന്ന് എനിക്കറിയില്ല. പക്ഷെ പറയാനുള്ളത് ഈ ആദി പറയും. നീ നന്ദനൊപ്പം നാട്ടിലേക്ക് പോണം അവന്റെ പെണ്ണായി. "

" ആദീ.... എല്ലാവരും സ്നേഹിക്കുന്ന പെണ്ണിനെ സ്വന്തമാക്കണമെന്ന് ആഗ്രഹിക്കും. പക്ഷേ നീ ഞാൻ സ്നേഹിക്കുന്ന ആളോടൊപ്പം പോകാൻ പറയുന്നോ. നിനക്കെങ്ങിനെ പറ്റുന്നു ആദി അങ്ങിനെ പറയാൻ." "അതിന് ഒരു കാരണമേ ഉള്ളൂ. ഞാൻ നിന്നെ സ്നേഹിച്ചിട്ടില്ല. " (ആദിയുടെ മറുപടിയിൽ പകച്ചു നിൽക്കുകയായിരുന്നു മായയും പാറുവും) " ഞാൻ പറഞ്ഞത് സത്യമാണ് ശ്രീ.ഞാൻ നിന്നെ സ്നേഹിച്ചിട്ടില്ല. ഒരു സഹോദരിയുടെ സ്ഥാനത്തേ ഇന്നു വരെ കണ്ടിട്ടുള്ളൂ. പിന്നെ ഇത്രയും നാൾ നിന്റെ മുന്നിൽ ഈ വേഷമണിഞ്ഞത് നിന്റെ നന്ദേട്ടന് വേണ്ടിയാണ്. " " നന്ദേട്ടന് വേണ്ടിയോ..." "അതേ നീ അറിയാത്ത ഒരു പാട് കാര്യങ്ങളുണ്ട് ശ്രീ എല്ലാം നീ അറിയണം. ഒരിക്കലും നന്ദനായിട്ട് അതൊന്നും നിന്നോട് പറയില്ല അതെനിക്കുറപ്പുണ്ട്. " "എന്താ ഞാൻ അറിയാത്ത കാര്യങ്ങൾ പറ ആദി." " പറയാം. അതിനു മുമ്പ് ഞാനും നന്ദനും തമ്മിലുള്ള ബന്ധത്തെക്കുറിച്ച് നീയറിയണം. " - - - - - - - - - - - - - - - - - - - - - - - - നീ പറഞ്ഞ കഥകൾ കേട്ടുള്ള അറിവല്ല എനിക്ക് നന്ദനോടുള്ളത് വർഷങ്ങൾക്കു മുമ്പേ ഉള്ള പരിചയം. ഞങ്ങൾ കോളേജ് മേറ്റ്സായിരുന്നു.

ഒരു കോളേജ് strikeനിടയിൽ രൂപം കൊണ്ട സാഹൃദം. ചെറിയ സൗഹൃദത്തിലൂടെ തുടങ്ങി പടർന്നു പന്തലിച്ച സൗഹൃദം. കലാലയ ജീവിതം എങ്ങിനെയായിരിക്കണമെന്ന് അവനൊപ്പം കൂടിയ നാളുകളിൽ ഞാൻ കണ്ടറിഞ്ഞു. കമ്മ്യൂണിസം എന്ന പ്രസ്ഥാനത്തെ പറ്റി എനിക്ക് മനസിലാക്കി തന്നത് അവനായിരുന്നു. ഒരുമിച്ച് പ്രവർത്തിച്ചു പഠിച്ചു. ഞങ്ങൾ തമ്മിൽ ഒന്നും ഒളിക്കാറുണ്ടായിരുന്നില്ല. അതുകൊണ്ടു തന്നെ അവനെന്നോട് തുറന്നു പറഞ്ഞു അവന്റെ ഉള്ളിലെ പ്രണയത്തെക്കുറിച്ച്❤️ ശ്രീപാർവ്വതി എന്ന നിന്നെക്കുറിച്ച്. നീയറിയാതെ നിന്നെ പ്രണയിക്കുകയായിരുന്നു അവൻ ഈ കണ്ട കാലമത്രയും. എന്റെ അച്ഛന് ചെന്നൈയിലെ ബാങ്കിലേക്ക് ട്രാൻസ്ഫർ കിട്ടിയപ്പോ എനിക്കും ഇങ്ങോട്ടേക്ക് പോരേണ്ടി വന്നു. അപ്പോഴും ഞങ്ങൾ തമ്മിൽ കോൺടാക്ട് ഉണ്ടായിരുന്നു. എന്നും വിളിക്കുമ്പോഴും അവന് പറയാനുണ്ടാകുന്നത് നിന്റെ കുറുമ്പുകളെ കുറിച്ചായിരിക്കും. ഒരിക്കൽ അവൻ വിളിച്ചപ്പോ പറഞ്ഞിരുന്നു നിന്റെ ജീവനെന്തോ ആപത്തുണ്ടെന്ന്.

സത്യത്തിൽ നിന്റെ അച്ഛനെയും അമ്മയെയും കൊന്നവരെ ചുട്ട് ചാമ്പലാക്കാനുള്ള ദേഷ്യം നന്ദനുണ്ട്. പക്ഷ അതൊക്കെ അവൻ വേണ്ടാന്ന് വച്ച് സ്വയം നിയന്ത്രിച്ചത് നിനക്ക് വേണ്ടിയാ." "എനിക്ക് വേണ്ടിയോ..?" "അതെ. അവൻ ജീവനു തുല്യം സ്നേഹിക്കുന്ന അവന്റെ പെണ്ണിനു വേണ്ടി. നീ അന്ന് വീണയെ എന്തെങ്കിലും ചെയ്തിരുന്നെങ്കിൽ അവളുടെ അച്ഛൻ നിന്നെ ജീവനോടെ വെച്ചേക്കുമായിരുന്നോ. അതെല്ലാം മുൻകൂട്ടി കണ്ടിട്ടു തന്നെയാ നന്ദൻ നിന്നെ അതിൽ നിന്നും തടഞ്ഞത്. അല്ലാതെ അവളോടുള്ള സ്നേഹം കൊണ്ടാന്നുമല്ല. പക്ഷെ അതിനു ശേഷം നീ പറഞ്ഞ വാക്കുകൾ അവനെ ഒരു പാട് വേദനിപ്പിച്ചു. അതുകൊണ്ടാണ് പറയാൻ പാടില്ലാത്ത കാര്യങ്ങളെല്ലാം പറഞ്ഞ് പോയത്. നിന്നെ കാണാതെ അവനെത്ര വിഷമിച്ചെന്നറിയോ. അന്ന് നിന്റെ കത്തു കിട്ടിയ നിമിഷം തന്നെ എല്ലാ സ്ഥലങ്ങളിലും നിന്നെ തിരഞ്ഞു. നീ ചെന്നെയിലേക്കാണ് വണ്ടി കയറിയതെന്നറിഞ്ഞപ്പോൾ അവൻ ഉടനെ എന്നെ വിളിച്ചു. നിന്റെ ഫോട്ടോ കൂടി അയച്ചു തന്നപ്പോ എനിക്ക് ബുദ്ധിമുട്ടുണ്ടായില്ല.

വേണമെങ്കിൽ അന്നു തന്നെ സത്യങ്ങളെല്ലാം നിന്നോട് പറഞ്ഞ് തിരികെ കൊണ്ടുപോകാമായിരുന്നു അവന്. അവനത് ചെയ്തില്ല. അതിന് ഒരേയൊരു കാരണമേ ഉള്ളൂ നിന്റെ ജീവന് അവൻ കൊടുത്ത പ്രാധാന്യം. വീണയുടെ അച്ഛന് നിന്നോട് തോന്നിയ ദേഷ്യത്തിൽ വാടക ഗുണ്ടകളെ ഏർപ്പാട് ചെയ്ത് കേരളം മുഴുവൻ നിന്നെ തിരയുമ്പോ നീ സുരക്ഷിതയായിരിക്കാൻ ഇതാണ് നല്ല സ്ഥലമെന്ന് തോന്നി. നിന്റെ അടുത്ത് ഞാൻ ഉണ്ടെന്ന വിശ്വാസത്തിലാണ് ഈ കണ്ട കാലമത്രയും അവൻ സമാധാനിച്ചിരുന്നത്. വേറൊന്നു കൂടിയുണ്ട് വേണമെങ്കിൽ അവന്റെ സ്വകാര്യ അഹങ്കാരമെന്ന് പറയാം. അവന്റെ പെണ്ണ് സ്വന്തം സ്വപ്നങ്ങൾ നേടിയെടുക്കണമെന്ന് അവൻ ആഗഹിച്ചിരുന്നു. അതിന് തടസമാകാതിരിക്കാൻ അവനോടുള്ള ദേഷ്യം സഹായിക്കുമെന്ന് തോന്നി. നീ ഈ സ്ഥാനത്ത് ഇരിക്കുന്നുണ്ടെങ്കിൽ അതിൽ വലിയൊരു പങ്കും അവനുള്ളതാ കാരണം ഇത്രയും നാൾ നിന്നെ പല രീതിയിലും സഹായിച്ചത് ഞാനായിരുന്നില്ല എന്നിലൂടെ നിന്റെ നന്ദേട്ടൻ തന്നെയായിരുന്നു.

നീയറിയാതെ നിന്നെ പല തവണ കാണാൻ വന്നിട്ടുണ്ട് അവൻ. നീ മെഡൽ വാങ്ങുന്ന സമയത്ത് കാണികളുടെ കൂട്ടത്തിൽ അവനും ഉണ്ടായിരുന്നു. നിന്റെ ഉള്ളിൽ ഇന്നും നന്ദൻ ഉണ്ടോയെന്നറിയാൻ നിന്റെ നാവിൽ നിന്നും അത് കേൾക്കാൻ വേണ്ടി മാത്രമാണ് ഞാൻ നിന്നെ സ്നേഹിക്കുന്നെന്ന കള്ളം പറഞ്ഞത്. ഇപ്പൊ ഞാനായിട്ട് തന്നെ ആ വേഷം അഴിച്ചു. ഇനി നിനക്ക് തീരുമാനിക്കാം എന്താ വേണ്ടതെന്ന്. ഇനിയും വേദനിപ്പിക്കരുത് നിന്റെ നന്ദേട്ടനെ ആ മനസ്സിൽ നീ മാത്രേ ഉള്ളൂ. നിന്നോടുള്ള ജീവിതം സ്വപ്നം കണ്ട് നടക്കുന്ന നന്ദനെ നീ നിരാശനാക്കരുത്." (ആദി പറഞ്ഞു നിർത്തിയതും ശ്രീ പൊട്ടി കരയാൻ തുടങ്ങി. മായ എത്ര ശ്രമിച്ചിട്ടും അവളെ സമാധാനിപ്പിക്കാനായില്ല.) " ഞാനെത്ര പാപിയാണ് ആദി . എന്നെ ഇത്രത്തോളം സ്നേഹിക്കുന്ന ആ മനസ് മനസിലാക്കാൻ എനിക്ക് സാധിച്ചില്ല.

എനിക്ക് പോണം നന്ദേട്ടനടുത്തേക്ക് മാപ്പ് പറയണം എല്ലാത്തിനും. ഇനിയെന്നും കൂടെയുണ്ടാകുമെന്ന് പറയണം. " ( ശ്രീ പറഞ്ഞതനുസരിച്ച് ആദി ഉടനെ നന്ദനെ ഫോണിൽ വിളിച്ചെങ്കിലും സ്വിച്ച് ഓഫ് എന്ന് മാത്രേ പറയുന്നുണ്ടായിരുന്നുള്ളൂ.) "നീ വിഷമിക്കണ്ട നാളെ വൈകുന്നേരമല്ലേ ട്രെയിൻ അപ്പൊ കാണാല്ലോ എതായാലും നീ പോകാൻ തീരുമാനിച്ചില്ലേ." "അപ്പൊ പിന്നെ രാവിലത്തെ ട്രെയിനില് ചെന്നൈയിലേക്ക് പോവല്ലേ." (അതിനവൾ ചിരിച്ചു കൊണ്ട് മറുപടി നൽകി.) "നാട്ടിലേക്ക് പോകന്നതിനു മുന്നേ എനിക്ക് ഒരു ചെറിയ കാര്യം കൂടി ചെയ്യാനുണ്ട്." " ഇനി എന്തുണ്ടെങ്കിലും നാളെ സമയം ഒരുപാടായി പോയി കിടക്കാൻ നോക്കാം. " അന്ന് അവൾ മനസമാധാനത്തോടെ കിടന്നുറങ്ങി നാളത്തെ നല്ലൊരു പുലരിയെ ഓർത്തു കൊണ്ട്.... .കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...