💙ജീവിതസഖി💙 ഭാഗം 2

രചന: സാന്ദ്ര വിജയൻ

"അമ്മായീ..... അമ്മായീ...." " ആരിത് പാറുക്കുട്ടിയോ വാ... അല്ല ഇന്നെന്തുപറ്റി ? ഉം... ഇന്നും ഇഡ്ഢലി ആണോ അവിടെ"( അമ്മായി) " അതേന്നേ റേഷൻ കടേന്ന് ഫ്രീയായിട്ട് പച്ചരി കിട്ടുന്നതോണ്ട് അതിന് കുറവൊന്നുമില്ല. എനിക്കാണെങ്കി എന്നും അമ്മേടെ ഇഡ്ഢലി തിന്ന് മടുത്തു. ഇവിടെയെന്താ തിന്നാനുള്ളത് " " ഇവിടെ പുട്ടാ മോളെ ഞാൻ ഉണ്ടാക്കി കൊണ്ടിരിക്കായിരുന്നു." " എന്നാ വാ അമ്മായീ ഞാനും സഹായിക്കാം." " എന്നാ ചെല്ല് മോളെ വായിൽ വയ്ക്കാൻ കൊള്ളാവുന്ന എന്തെങ്കിലും ചെന്ന് ഉണ്ടാക്ക്."( മാമൻ) " അങ്ങിനെയിപ്പോ നിങ്ങള് നല്ല ഭക്ഷണം തിന്നണ്ട. ഞാൻ ഉണ്ടാക്കി തരുന്നതങ്ങ് കഴിച്ചാ മതി."( അമ്മായി) " എന്റെ മാമാ അമ്മായി ഉണ്ടാക്കുന്ന ഭക്ഷണത്തിനെന്താ കുഴപ്പം. നല്ല കൈപുണ്യമല്ലേ അമ്മായിക്ക് കിട്ടിയിരിക്കുന്നെ." " അതൊക്കെ ശരിയാ മോളെ ഞാൻ അവളെ ചൂടാക്കാൻ പറഞ്ഞതല്ലേ." " എന്നാ മാമന് കൊള്ളാം. അല്ല മാമാ എവിടെ മാമന്റെ സൽപുത്രൻ" " നിന്റെ വരവ് കണ്ടപ്പഴേ തോന്നി അവനെ തിരക്കിയുള്ള വരവായിരിക്കുമെന്ന്. ചെല്ല് റൂമിലുണ്ട് ഇതുവരെ എണീറ്റിട്ടില്ല."

" ആഹാ എഴുന്നേറ്റിട്ടില്ലേ...." ( നേരെ റൂമിലേക്ക് വച്ചുപിടിച്ചു.) " നന്ദേട്ടാ.... നന്ദേട്ടാ.... എണീറ്റെ..." ( സുഖസുന്ദരമായി നന്ദേട്ടൻ കിടന്നുറങ്ങുന്നത് സഹിക്കവയ്യാതെ ഞാൻ വിളിച്ചതും എന്റെ കൈ പിടിച്ച് ഒരൊറ്റ വലിയായിരുന്നു. നേരെ ചെന്ന് ലാന്റായത് ബെഡിലും) " എന്റെ കാജലേ... I Love You." " കാജലോ.... അതാരാ...🤔🤔🤔 ആരാ നന്ദേട്ടാ കാജല്??" ( എന്ന് പറഞ്ഞ് ഞാൻ അലമുറയിട്ടതും നന്ദേട്ടൻ ഉറക്കത്തിൽ നിന്നും എഴുന്നേറ്റു. ) " പാറൂ.... നീയെപ്പൊ വന്നു."(നന്ദൻ) " ഞാൻ വന്നിട്ട് 17 കൊല്ലം കഴിഞ്ഞു. സത്യം പറ ആരാ ഈ കാജല് അല്ലെങ്കി ഞാനിപ്പൊ അമ്മായിയെ വിളിക്കും." " എടി നിനക്ക് കാജലിനെ അറിയില്ലേ?" " അറിയാനായിട്ട് അവളെന്റെ അമ്മായീടെ മോളൊന്നുമല്ലല്ലോ നിങ്ങടെ കാമുകിയല്ലേ മനുഷ്യ... സത്യം പറ ഏതാ അവള്." " എടീ കാജൽ അഗർവാൾ ഈ സിനിമയിലൊക്കെ അഭിനയിക്കുന്നത്. നീ കണ്ടിട്ടില്ലേ." "എത് ആ വെള്ളപ്പാറ്റയോ. അവളെയൊക്കെ സ്വപ്നം കാണുന്ന സമയത്ത് നന്ദേട്ടനെന്നെ സ്വപ്നം കണ്ടൂടെ." " അറിഞ്ഞോണ്ട് ആരെങ്കിലും ദുരന്തം സ്വപ്നം കാണോ മുത്തേ."

( നന്ദൻ അത് പറഞ്ഞതും മുഖം ഒരു കൊട്ട വലിപ്പത്തിൽ വീർപ്പിച്ച് അവൾ താഴേക്ക് പോയി.) ഞാൻ നേരെ ഫ്രഷാവാൻ ബാത്ത്റൂമിലേക്കും കയറി. - - - - - - - - - - - - - - - - - - - - - - - - - - - എന്നെ കാണാനെന്താ അത്രയ്ക്ക് മോശമാണോ🤔 ആവശ്യത്തിന് മുടിയുണ്ട് കാജൽ അഗർവാളിനേക്കാളും മുടിയൊക്കെ ഉണ്ട്.( കുളി പിന്നിയിട്ടിരിക്കുന്ന നീണ്ട മുടി പിടിച്ചു കൊണ്ട് അവൾ പറഞ്ഞു.) പിന്നെ കാജലിന്റെ അത്ര നിറമില്ല. ഇനി അതാണോ.🤔🤔🤔 " പാറൂ നീയെന്താ കണ്ണാടീടെ മുമ്പി നിന്ന് ഗോഷ്ടി കാണിക്കുന്നെ?"( അമ്മായി) " ഹേയ് ഒന്നുല്ല അമ്മായീ. ചായ ഉണ്ടാക്കി കഴിഞ്ഞോ എനിക്ക് വിശക്കുന്നു." " അത് പറയാൻ തന്നെയാ ഞാൻ വന്നെ നീ വാ ചായ കുടിക്കാം." ( നേരെ ചെന്ന് നല്ല ചൂട് പുട്ടും കടലക്കറിയും കഴിക്കാൻ തുടങ്ങി.) " ഇവൾടെ വീട്ടിലൊന്നും ഉണ്ടാക്കാറില്ലെ എന്നും ഇവിടെ നിന്നാണല്ലോ കഴിക്കുന്ന." ( അത്രയും നേരം അമ്മായിയോടും മാമനോടും സംസാരിച്ചിരുന്ന അവൾ അവന്റെ ഒരു ഡയലോഗ് കേട്ടതും കഴിക്കുന്നത് നിർത്തി എഴുന്നേറ്റു പോയി.) " ടാ നന്ദാ നിനക്കെന്തിന്റെ കേടാ അവള് മര്യാദയ്ക്കൊന്നും കഴിച്ചതു കൂടിയില്ല

."( അച്ഛൻ) " അവൾടെ വായിന്ന് എന്തെങ്കിലും കേൾക്കുന്ന് വിചാരിച്ചാ പറഞ്ഞെ ഇവളെന്താ ഒന്നും പറയാതെ എഴുന്നേറ്റ് പോയെ?" " എന്തായാലും നീ എന്തിനാ അങ്ങനെ പറയാൻ പോയെ നാളെ അല്ലെങ്കിൽ മറ്റനാൾ അവൾ ഇങ്ങോട്ട് തന്നെ വരേണ്ടതല്ലേ." " എന്റെ അമ്മേ മതി അവളുമായുള്ള പിണക്കമൊക്കെ ഞാൻ മാറ്റിക്കോളാം. ഇപ്പൊ എനിക്ക് പുട്ട് തന്നെ." " ഉം കഴിക്ക് "(അമ്മ) * * * * * * * * * * * * * * * * * * * * * * * * " പാറൂ എന്തുപറ്റി നിന്റെ മുഖം എന്താ കടന്നല് കുത്തിയ പോലെയിരിക്കുന്നെ." ( പാറൂന്റെ അമ്മ) " അതിപ്പൊ എന്താ ഇത്ര പറയാൻ അവൾടെ നന്ദേട്ടൻ എന്തെങ്കിലും ചൂടാക്കാൻ പറഞ്ഞ് കാണും ഇവൾക്കത് പിടിച്ച് കാണില്ല." " അച്ഛാ...." " ഞാനൊന്നും പറഞ്ഞില്ലെന്റെ പാറുക്കുട്ടിയേ... അല്ല നിന്റെ റിസൾട്ടെന്നാ വരുന്നെ?" " അതിനിനി രണ്ടാഴ്ച കൂടിയുണ്ട്" " പാസാവോടീ...."( അമ്മ) " പാസാവാതെ പിന്നെ ഞാൻ നന്നായി തന്നെ എഴുതിയിട്ടുണ്ട്." " പാറൂ....." " പാറുവേ ദേ നിന്റെ സന്തഹസഹചാരി ഉമ്മറത്ത് വന്ന് നിക്കുന്നു." " പോ അച്ഛേ കളിയാക്കാതെ. അമ്മേ അച്ഛാ , ഞാൻ പുറത്ത് പോവാണെ."

" പോകുന്നതൊക്കെ കൊള്ളാം നേരത്തും കാലത്തും വന്നേക്കണം." " അതൊക്കെ വന്നോളാം അമ്മേ" ( റൂമിലേക്ക് പോകാൻ നിന്ന പാറു നേരെ ഉമ്മറത്തേക്കോടി) " അല്ല സൂര്യേ ഇന്നെങ്ങോട്ടാ യാത്ര ?" " ചുമ്മാ ഒന്ന് കറങ്ങീട്ട് പോരാടീ."(സൂര്യ) " കറങ്ങാനാണെങ്കി ഇവിടെ നിന്ന് കറങ്ങിയപ്പോരേ നിനക്ക്." " തമാശിക്കല്ലേ. ഇനിയിപ്പൊ റിസൾട്ട് വരാൻ 2 ആഴ്ച കൂടിയല്ലേ ഉള്ളൂ. അതാണ് അത്രേം ദിവസമെങ്കിലും സമാധാനത്തോടെ ഇരിക്കാടീ..." " അതെന്താ നിനക്കൊരു സമാധാനക്കുറവ്?" " Answer sheet നോക്കുന്നത് എന്റെ കാമുകനൊന്നും ആയിരിക്കില്ലല്ലോ മാർക്ക് കൂട്ടിയിടാൻ. പൊട്ടോന്നൊരു പേടി."😔 " അതൊക്കെ നിനക്ക് തോന്നുന്നതാ നീ പാസാവും." " ദേ ദിത് കേൾക്കാനാ ഞാനിത്രയൊക്കെ പറഞ്ഞേ. എന്നാ വാ നമുക്കൊന്ന് കറങ്ങീട്ട് വരാം." - - - - - - - - - - - - - - - - - - - - - " ഇന്ന് നിന്റെ നന്ദേട്ടനെ കണ്ടില്ലല്ലോ അല്ലെങ്കി ഞാൻ വരുമ്പോ തന്നെ കാണുന്നത് നിങ്ങള് രണ്ടും തല്ലു കൂടുന്നതല്ലേ." " ഇന്നത്തെ അടി രാവിലെ തന്നെ കഴിഞ്ഞു. അവിടന്ന് തല്ലു കൂടി എന്റെ വീട്ടിലേക്ക് പ്രവേശനം നടത്തിയപ്പഴാ നീ വന്നെ."

" ഇന്നെന്തായിരുന്നു പ്രശ്നം?" " കാജൽ അഗർവാൾ" " എന്ത് കാജൽ അഗർവാളോ...." " അതേടീ നന്ദേട്ടൻ സ്വപ്നത്തില് I Love you കാജലേന്ന് പറഞ്ഞെടീ." " അതിനിപ്പൊ എന്താടീ നീ സ്വപ്നത്തില് രാംചരണിന്റെയൊപ്പം അങ്ങ് ഡ്യുയറ്റ് അടിച്ചേക്ക് അങ്ങിനെ പ്രതികാരം വീട്ട്." " അതൊന്നുമല്ല എന്റെ പ്രശ്നം. നന്ദേട്ടന് എന്നെ സ്വപ്നം കണ്ടൂടേന്ന് ചോദിച്ചപ്പോ പറയാ ആരെങ്കിലും അറിഞ്ഞു കൊണ്ട് ദുരന്തം കാണോന്ന്" " അത് ശരിയല്ലേ" " എന്ത് ?" " അത് പിന്നെ ദേഷ്യം പിടിപ്പിക്കാൻ പറഞ്ഞതാവും." " ആയാ നന്ദേട്ടന് കൊള്ളാം അത്ര തന്നെ." " ദേ നോക്കടീ പറഞ്ഞ് തീർന്നില്ല ദേ വരുന്നു നിന്റെ നന്ദേട്ടൻ." " ഞാൻ വരുന്നതുവരെ വീടിനകത്തുണ്ടായിരുന്നല്ലോ ഇതിപ്പോ എവിടെ പോയതാണാവോ."🤔 ( ഇരുവശത്തും വിളഞ്ഞു നിൽക്കുന്ന നെൽപാടം അതിനൊത്ത നടക്കൂടെ ബുള്ളറ്റിൽ വരുന്ന നന്ദേട്ടനെ കാണാൻ ഒരു പ്രത്യേക ഭംഗിയാട്ടോ. ഞങ്ങളെ കണ്ടതും വണ്ടി പതുക്കെ ഓടിക്കാൻ തുടങ്ങി.) " എവിടെക്കാ വിക്രമാദിത്യനും വേതാളവും കൂടി... ഡീ പാറൂ നിന്നോടാ എവിടെ തെണ്ടാൻ പോവാന്ന്."( നന്ദൻ)

" അതൊക്കെ എന്തിനാ നന്ദേട്ടൻ അറിയുന്നെ" " അപ്പൊ നിനക്ക് പറയാൻ മനസില്ല ആയിക്കോട്ടെ നീ വരൂലോ നന്ദേട്ടാ... നന്ദേട്ടാന്ന് വിളിച്ചോണ്ട് അപ്പൊ തരാം നിനക്കുള്ളത്." ( അതും പറഞ്ഞ് നന്ദേട്ടൻ വണ്ടിയെടുത്തോണ്ട് പോയി.) ഞങ്ങളുടെ നടത്തം ചെന്നു നിന്നത് ക്ഷേത്രത്തിനു പുറകിലുള്ള പറമ്പിനു മുന്നിലാണ്. അവിടെ ഉയർന്നു നിൽക്കുന്ന ആൽമരചുവടാണ് ഞങ്ങളുടെ സംസാരകേന്ദ്രം. സൂര്യയെ കൂടാതെ ഒരാൾ കൂടിയുണ്ട് ഞങ്ങളുടെ ഗ്യാങ്ങിൽ രൂപശ്രീ അവൾ നേരത്തെ അവിടെ ലാന്റായിട്ടുണ്ടായിരുന്നു. " നിങ്ങളെന്താ വരാൻ ലേറ്റായെ..." ( രൂപശ്രീ) " ഈ സാധനത്തിനെ വിളിച്ചോണ്ടു വരണ്ടേടീ "( സൂര്യ ) " അല്ല ഇവിടെയെന്താ പരിപാടി"( പാറു ) " ആ.... ഇവിടെയിപ്പൊ ഒരു ചർച്ച നടക്കാൻ പോവാ നീ ഇവിടെ വന്നിരിക്ക്." ( രൂപശ്രീ) " പാറു +2 കഴിഞ്ഞില്ലേ ഇനിയെന്താ നിന്റെ പ്ലാൻ." (സൂര്യ) " ഇനി ഡിഗ്രി ചെയ്യണം അല്ലാതെന്താ."( പാറു) " അപ്പൊ പിന്നെ നമുക്കൊരുമിച്ച് ഡിഗ്രി ചെയ്യാം. അതു ഒരേ കോളേജില് ഒരേ Subject നീ എന്ത് പറയുന്നു." ( രൂപശ്രീ) " എനിക്കെന്ത് കുഴപ്പം. പക്ഷേ എനിക്ക് നന്ദേട്ടൻ പഠിക്കുന്ന കോളേജിൽ പഠിക്കാനാ ഇഷ്ടം."(പാറു)

" അതൊക്കെ നിന്റെ ഇഷ്ടം നീ ഏത് കോളേജിലാണോ ചേരുന്നത് അവിടെ ഞങ്ങളും ഉണ്ടാകും."(സൂര്യ) " എന്നാ പിന്നെ ഈ ചർച്ച നമുക്കിവിടെ വെച്ച് അവസാനിപ്പിക്കാം."( രൂപശ്രീ) " എടീ പിന്നെ നാളെയല്ലേ നമ്മുടെ വായനശാലയുടെ വാർഷികാഘോഷം ഏന്തൊക്കെയാണ് പരിപാടികൾ."(സൂര്യ) " എന്തൊക്കെയാ പരിപാടീന്ന് എനിക്കെങ്ങിനെ അറിയാനാ"( പാറു) " നിന്റെ നന്ദേട്ടനല്ലേ വായനാശാലയുടെ കോർഡിനേറ്റർ അതോണ്ട് ചോദിച്ചതാ." ( രൂപശ്രീ) " എന്താണാവോ പ്ലാൻ ചെയ്തിരിക്കുന്നത് നാളെ അറിയാം."( പാറു) " എന്തായാലും നിന്റെ ഒരു പാട്ട് വേണം." ( സൂര്യ ) " ഉം ഞാൻ പാടിയത് തന്നെ. നിങ്ങക്ക് വേറെ പണിയില്ലേ പിള്ളേരെ." (പാറു) " അതെന്താടീ നീ പാടാത്തത് നിനക്ക് പാടാനറിയാണ്ടാെന്നുമല്ലല്ലോ... പിന്നെന്താ..." (രൂപശ്രീ) " അത് എന്റെ ഒരു വാശിയാ മോളെ ഞാൻ ആദ്യമായി ഒരു വേദിയിൽ പാടണമെങ്കിൽ നന്ദേട്ടൻ ആവശ്യപ്പെടണം. അപ്പോഴേ ഞാൻ പാടു....കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...