💙ജീവിതസഖി💙 ഭാഗം 3

രചന: സാന്ദ്ര വിജയൻ

 " ടാ അമലേ ലൈബറീടെ ഈ വശം മുഴുവനും അലങ്കരിക്കണം. പിന്നെ കാര്യപരിപാടീടെ ലിസ്റ്റൊക്കെ ധീരജിനെ ഏൽപ്പിച്ചിട്ടുണ്ട്."( നന്ദൻ) " അല്ല നീയിതിപ്പൊ എങ്ങോട്ടാ..." ( അമൽ) " ഞാനൊന്ന് വീടുവരെ പോവാ ഇനിയിപ്പൊ ഇവിടത്തെ പണിയൊക്കെ തീരാറായില്ലേ." " ആടാ ഇനിയിപ്പൊ 10 മിനിട്ടിന്റെ പണിയെ ഉള്ളൂ നീ വിട്ടോ." - - - - - - - - - - - - - - - - - - - - - - - - - " നീയിതെവിടെയായിരുന്നു നന്ദാ. എന്താ ഉച്ചയ്ക്ക് ഉണ്ണാൻ വരാത്തെ?" (അമ്മ) " അപ്പൊ അമ്മ മറന്നോ നാളെയല്ലേ നമ്മുടെ വായനശാലയുടെ വാർഷികാഘോഷം. ഈ നാട്ടിലെ ഓരോ യുവജനങ്ങളെയും നല്ല രീതിയിൽ വാർത്തെടുക്കുന്നതിലെ പ്രധാന പങ്ക് ലൈബ്രറിയ്ക്കുള്ളതാ." " എന്നാലും നിനക്ക് ഉച്ചയ്ക്ക് ഉണ്ണാൻ വരായിരുന്നു." " അതെങ്ങിനെയാ അമ്മേ അവിടെ അത്രയും പേർ കിടന്ന് കഷ്ടപ്പെടുമ്പോൾ ഞാൻ മാത്രം കഴിക്കാൻ വരുന്നത്._ " കുട്ടി സഖാവുണർന്നല്ലോ" " അതിന് എന്റെ ഉള്ളിലെ സഖാവ് ഉറങ്ങിയെങ്കിലല്ലേ ഉണരേണ്ട ആവശ്യമുള്ളൂ." " എന്തായാലും നീ വന്ന് വല്ലതും കഴിക്കാൻ നോക്ക്. ബാക്കി പിന്നെ പറയാം."

" അമ്മ കഴിക്കാനെന്തെങ്കിലും എടുക്ക് ഞാൻ വേഗം മേല് കഴുകിയിട്ട് വരാം." - - - - - - - - - - - - - - - - - - - - " നന്ദാ ദേ ചായ എടുത്ത് വച്ചിരിക്കുന്നു ചൂടാറുന്നതിനു മുന്നെ വന്ന് കുടിക്കാൻ നോക്ക്." " ആ അമ്മേ ദാ വരണു. ആഹാ ചൂടുള്ള പരിപ്പുവടയും ആവി പറക്കുന്ന കട്ടനും. ഒരു മഴകൂടി ഉണ്ടെങ്കി പൊളിച്ചേനെ." " ഒന്ന് മിണ്ടാതിരുന്ന് കഴിക്കെടാ." " അച്ഛൻ വന്നില്ലെ ഇതുവരെ" " ഇന്ന് നേരത്തെ വന്നു. അപ്പുറത്ത് അളിയനും അളിയനും കൂടി എന്തൊക്കെയോ പറഞ്ഞ് ചിരിക്കുന്നുണ്ട്. അല്ല നീ കേറുമ്പോ അമ്മായീടെ അവിടേക്ക് നോക്കീലെ." " ഹേയ് ഇല്ല. അല്ല പാറുവന്നില്ലെ ഇങ്ങോട്ട്. അല്ലെങ്കി ഈ സമയത്ത് അമ്മേടെ വാലെ തന്നെ ഉണ്ടാവോലോ." " രാവിലെ വന്നതാ പിന്നെ ഇങ്ങോട്ട് വന്നിട്ടില്ല. നീയുമായി പിണങ്ങിയല്ലേ പോയത്. അല്ല ഇനി നീയെങ്ങോട്ടാ പോകുന്നത്." " പുറത്തേക്കൊന്നും പോണില്ലമ്മേ അമ്മായിടെ അവിടേക്കാ" " എന്നാ പിന്നെ ഇത് പാറൂന് കൊടുത്തേക്ക്" " ഓ അവളാണല്ലോ അമ്മേടെ ടേസ്റ്റർ. ഇങ്ങുതാ." ( അങ്ങനെ അവൾക്കുള്ള പരിപ്പുവടയുമായി ഞാൻ അമ്മായിടെ വീട്ടിലേക്ക് നടന്നു.) * * * * * * * * * * * * * * ** "

എന്റെ ശ്രീധരാ നീയിത് കേൾക്കണം കഴിഞ്ഞാഴ്ച ഞാനാ കുറുപ്പേട്ടന്റെ പറമ്പിന്റെ അതിലെ വരുമ്പോ ഇത്ര നീളമുള്ള മൂർഖൻ പത്തി വിടർത്തി നിക്കാ."( നന്ദന്റെ അച്ഛൻ ദേവഗോപാൽ) " എന്നിട്ട് അളിയനെന്താ ചെയ്തേ അതിനെ കൊന്നോ?"( പാറൂന്റെ അച്ഛൻ ശ്രീധരൻ) " ഹേയ് കൊന്നില്ല ഞാൻ അതിസാഹസികമായി ഒരു കമ്പെടുത്ത് അതിനെ തോട്ടിലേക്കെടുത്തിട്ടു." " എന്റെ അച്ഛാ തള്ളുമ്പോ ഒരു മയത്തിലൊക്കെ തള്ളിക്കൂടെ"( നന്ദൻ) " ഒന്ന് പോടാ ഞാൻ തള്ളിയതൊന്നുമല്ല." " പിന്നെ പിന്നെ ആ പാമ്പിനെ കണ്ടപാടെ അച്ഛൻ മുണ്ടും മടക്കിക്കുത്തി തിരിഞ്ഞൊരോട്ടമായിരുന്നില്ലേ. പിന്നെ റോഡിലൂടെ വളഞ്ഞല്ലേ വീട്ടിലേക്ക് വന്നത്." " ഇതൊക്കെ നിന്നോട് ആര് പറഞ്ഞു." " കുറുപ്പേട്ടന്റെ മോൻ അരുൺ അല്ലാണ്ടാരാ" " മോൻ വന്നപാടെ ഇങ്ങിനെ നിക്കാതെ അകത്തേക്ക് ചെല്ല്" " ശരി അമ്മാവാ.അമ്മായീ... അമ്മായി...."

" ആ നന്ദുമോൻ വന്നോ നീ ചായ കുടിച്ചോ വാ ഞാൻ ചായ എടുക്കാം." " വേണ്ട അമ്മായി ഞാനിപ്പൊ വീട്ടീന്ന് കുടിച്ചതേ ഉള്ളൂ.അല്ല എവിടെ പാറു." " ആ അവള് ഒരു പാത്രത്തില് ചിപ്സും ശ്രീധരേട്ടന്റെ ഫോണും കൊണ്ട് റൂമിലേക്ക് പോയിട്ടുണ്ട്. വല്ല ഗെയിമും കളിച്ചിരിപ്പുണ്ടാവും." " ഞാനൊന്ന് ചെന്ന് നോക്കട്ടെ ." - - - - - - - - - - - - - - - - - - - - - - " എന്നാലും ഇത് കുറച്ച് കൂടിപ്പോയി തേപ്പ് പെണ്ണുങ്ങൾക്കു മാത്രമുള്ളതല്ലന്ന് നീ തെളിയിച്ചല്ലോ ഡാ ദുഷ്ടാ." (ഫോണിലേക്ക് നോക്കി എന്തൊക്കെയോ പുലമ്പികൊണ്ട് കരയുന്ന പാറുവിനെ കണ്ടാണ് നന്ദൻ റൂമിലേക്ക് കയറിയത്.) " പാറൂ എന്തുപറ്റിയടി എന്തിനാ നീ കരയുന്നെ?" ( അവളുടെ അരികിൽ ഇരുന്നു കൊണ്ട് നന്ദൻ ചോദിച്ചു.) " അവൻ ചതിയനാ നന്ദേട്ടാ അവൻ തേപ്പ് കാരനാ"😭😭😭 " നീ ആരുടെ കാര്യാ പറയണേ... ആരാ തേച്ചേ...." " ആ ഛോട്ടാ ഭീം അവൻ ചുട്കിയെ നൈസായിട്ട് തേച്ചു. നന്ദേട്ടൻ കണ്ടില്ലേ" ( അവൾ ഫോണിലെ വീഡിയോ അവന് കാണിച്ചു കൊടുത്തു.) "

ഇത്രയും നാൾ നിഴലുപോലെ നടന്ന ചുട്കിയെ ഓർക്കാതെ രാജാവിന്റെ സ്വത്തും പണവും മോഹിച്ച് അങ്ങേർടെ മോളെ കെട്ടി. ആ പാവം ചുട്കി ഉണ്ടാക്കി കൊടുത്ത ലഡു തിന്നാ അവനീ കാണുന്ന ശക്തിയൊക്കെ ഉണ്ടായത് എന്നിട്ട് അവനത് മറന്നു. വെറുതെ വിടരുത് അവനെ ഇത്രയും നാളും തിന്ന ലഡുവിന്റെ ഫുൾ പൈസയും അവന്റേന്ന് മേടിക്കണം." " പാറു....😠 നാണമില്ലേ ഡീ നിനക്ക് കണ്ട കാർട്ടൂണിന്റെ കാര്യം പറഞ്ഞ് ഇരുന്ന് മോങ്ങാൻ. ഇങ്ങിനെയാണെങ്കിൽ നിന്നെ കോളേജിക്ക് വിടുന്നതിന് പകരം വല്ല യുകെജി യിലും കൊണ്ട് ഇരുത്തേണ്ടിവരും." " നന്ദേട്ടനങ്ങിനെയൊക്കെ പറയാം വർഷം 8, 9 ആയി ഞാനീ കാർട്ടൂൺ കാണാൻ തുടങ്ങീട്ട്." " നീ അത് വിട്. ഇത് നിനക്ക് അമ്മ തന്ന് വിട്ടതാ. ഇന്നത്തെ പരീക്ഷണം നിനക്കിഷ്ടപ്പെട്ട പരിപ്പുവടയാ." " എനിക്കൊന്നും വേണ്ട സ്വയം അങ്ങ് കഴിച്ചോണ്ടാ മതി. എനിക്ക് കഴിക്കാനുള്ളത് ഇവിടുണ്ട്." " സോറി. ഞാനത് രാവിലെ തമാശയ്ക്ക് പറഞ്ഞതല്ലേ" " ഹോ... അത് തമാശയായിരുന്നോ എനിക്ക് തോന്നിയില്ല." " പാറൂ പ്ലീസ് ഡീ ഇത് കഴിക്ക്."

" എനിക്ക് വേണ്ടന്നല്ലേ പറഞ്ഞെ" " ശരി സമ്മതിച്ചു നിനക്ക് വേണ്ടെങ്കി വേണ്ട ഞാൻ കഴിച്ചോളാം." ( അതും പറഞ്ഞ് നന്ദൻ അവളുടെ മുമ്പിൽ വച്ച് പരിപ്പുവട കഴിക്കാൻ തുടങ്ങി.) ( ശ്ലേ വേണ്ടാന്ന് പറയണ്ടായിരുന്നു പരിപ്പുവടേടെ മണം മൂക്കിലേക്കടിച്ച് കേറിട്ട് നിക്കാൻ പറ്റണില്ല.😋 ഈ നന്ദേട്ടന് ഒരു സ്നേഹവും ഇല്ല. ഒരു പ്രാവശ്യം കൂടി വേണോന്ന് ചോദിച്ചാലെന്തായിരുന്നു-പാറൂന്റെ ആത്മ) " ദേ പാറൂ ഒരെണ്ണം കൂടിയെ ബാക്കിയുള്ളൂ അവസാനായിട്ട് ചോദിക്കാ നിനക്ക് വേണോ?" ( ഇനി ആലോചിച്ച് നിന്നാ ശരിയാവില്ല അതോണ്ട് ഞാനപ്പോ തന്നെ വേണമെന്ന് തലയാട്ടി- ആത്മ) " നീയല്ലെ ആദ്യം വേണ്ടാന്ന് പറഞ്ഞത്" " അപ്പൊ വേണ്ടായിരുന്നു ഇപ്പൊ വേണം താ നന്ദേട്ടാ പ്ലീസ് പ്ലീസ്..." " അതൊക്കെ തരാം അതിനുമുമ്പ് നീ എനിക്കൊരു വാക്ക് തരണം ഞാൻ പറയുന്ന ഒരു കാര്യം അനുസരിക്കാന്ന്."

" നന്ദേട്ടൻ പറയുന്ന എന്ത് വേണമെങ്കിലും ചെയ്യാം. എനിക്കത് താ." " ഉം ഇന്നാ. ഇനി നീ എന്താ ചെയ്യേണ്ടതെന്ന് ഞാൻ പറയാം. നാളെ നടക്കുന്ന വായനശാലയുടെ വാർഷികാഘോഷത്തിൽ നീയൊരു പാട്ട് പാടണം." " അത്രയുള്ളൂ ഏ.... പാട്ടോ...ഞാനോ..."😳 " നീ നന്നായി പാടുന്നൊക്കെ എനിക്കറിയാം. അതോണ്ട് പാടിയെ തീരു എനിക്ക് വാക്ക് തന്നതാ." ( നന്ദേട്ടൻ എന്നോട് പാടാൻ പറഞ്ഞതിൽ അതിയായ സന്തോഷം തോന്നിയെങ്കിലും അത്രയും വലിയ വേദിയിൽ നിന്ന് പാടുന്ന കാര്യം ഓർത്തപ്പോ ചെറിയൊരു ടെൻഷൻ.) " നന്ദേട്ടാ... എന്നാ പിന്നെ 2,3 ദിവസം മുമ്പ് പറയായിരുന്നില്ലേ ഇതിപ്പോ പാട്ട് പഠിക്കാനുള്ള സമയം പോലുമില്ല." " നിനക്കറിയുന്ന ഏതെങ്കിലും ഒന്ന് പാടിയാ മതീടി നീ പേടിക്കണ്ട. എന്നാ ഗുഡ് നൈറ്റ് ഞാൻ വീട്ടിലേക്ക് പോവാ. നാളെ കാണാം." ( എന്റെ ഉറക്കം മൊത്തം കളഞ്ഞിട്ട് നന്ദേട്ടൻ അന്ന് അന്തസ്സായി കിടന്നുറങ്ങി. ഏത് പാട്ട് പാടുമെന്നറിയാതെ തേരാപാര നടന്ന് ഒടുവിൽ ഞാൻ ഉറക്കത്തിലേക്ക് വീണു.)..കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...