💙ജീവിതസഖി💙 ഭാഗം 4

രചന: സാന്ദ്ര വിജയൻ

" ആദി സമയം ഒരുപാടായി ശാരദേടത്തി കാത്തിരിപ്പുണ്ടാകും ഞാൻ പോട്ടെ." " കഥ പറഞ്ഞു തുടങ്ങിയതല്ലേ ഉള്ളൂ. അതിനിടയ്ക്ക് സമയം കടന്നുപോയതൊന്നും അറിഞ്ഞതേയില്ല." " എന്നാ ഞാൻ ചെല്ലട്ടെ ആദീ..." " അല്ല ബാക്കി എന്നാ പറയുന്നെ ?" " വേറൊരു ദിവസം പറയാം ആദീ...." " ഉം. ശ്രീ നീയെങ്ങിനെയാ പോകുന്നെ ഞാൻ കൊണ്ടു വിടണോ?" "വേണ്ട ഞാൻ കാറെടുത്തിട്ടുണ്ട്. ശരി എന്നാ." ( ശ്രീ കാറിൽ കയറി പോകുന്നതും നോക്കി കുറച്ചുനേരം കൂടി അവിടെ നിന്ന് ആദിയും പോയി.) _ _ _ _ _ _ _ _ _ _ _ _ _ _ _ _ _ _ _ രാത്രി അത്താഴം കഴിച്ച് റൂമിലേക്ക് കയറുമ്പോഴാണ് എന്റെ കണ്ണുകൾ അടച്ചുപൂട്ടിയ ഷെൽഫിനു നേരെ പോയത്. അത് തുറന്ന് അതിൽ നിന്നും ഒരു പഴയ ആൽബം കയ്യിലെടുക്കുമ്പോ അറിയാതെ തന്നെ കൈ വിറയ്ക്കുന്നുണ്ടായിരുന്നു. താളുകൾ ഓരോന്നായ് മറയ്ക്കുമ്പോർ എന്റെ ശ്രദ്ധയിൽ പെട്ടത് സ്റ്റേജിൽ പേടിച്ച് വിറച്ച് പാടാൻ തയ്യാറായി നിൽക്കുന്ന എന്റെ ഫോട്ടോയിലേക്കാണ്. എന്റെ ഓർമ്മകളും ആ ദിവസത്തിലെത്തി നിന്നു. * * * * * * * * * * *

അത്രയും നേരം യാതൊരുവിധ കൂസലുമില്ലാതെ പ്രസംഗവും കേട്ടിരുന്ന ഞാൻ കലാപരിപാടികൾ തുടങ്ങാൻ പോവാണെന്ന അനൗൺസ്മെന്റ് വന്നതും വെട്ടിവിറയ്ക്കാൻ തുടങ്ങി. ഇടവും വലവുമായി സൂര്യയും രൂപശ്രീയും ഉണ്ടെങ്കിലും എന്റെ ടെൻഷന് യാതൊരുവിധ കുറവും വന്നില്ല. അപ്പോഴാണ് നന്ദേട്ടൻ പതിയെ നടന്ന് എന്റെ അടുത്തേക്ക് വന്നത്. " പാറൂ... നിന്റെ പാട്ടോടെ തുടങ്ങിയാലോ ഐശ്വര്യമായിട്ട്"☺️ " നന്ദേട്ടാ വേണ്ട എനിക്ക് ആകെ കൂടെ പേടിയാവുന്നുണ്ട്ട്ടോ." " നീ പേടിച്ചാലെങ്ങിനെയാ. നീയല്ലേ പെൺപടകളുടെ തലൈവി. നീ പേടിക്കാൻ പാടുണ്ടോ. ചെല്ല് ധൈര്യമായിട്ട് പാടീട്ട് വാ" ( നന്ദേട്ടന്റെ വാക്കുകർ ചെറിയ തോതിലെങ്കിലും എന്നിൽ ധൈര്യമുണ്ടാക്കി. എന്തെങ്കിലും ആകട്ടെ എന്നു കരുതി സ്റ്റേജിലേക്ക് അങ്ങ് കയറി.) 🎵 ഒരു നറുപുഷ്പമായ് എൻനേർക്കു നീളുന്ന മിഴിമുനയാരുടേതാവാം...

ഒരു മഞ്ജു ഹർഷമായ് എന്നിൽ തുളുമ്പുന്ന നിനവുകളാരെയോർത്താവാം അറിയില്ലെനിക്കറിയില്ല.... പറയുന്നു സന്ധ്യതൻ മൗനം...മൗനം... മഴയുടെ തന്ത്രികൾ മൂളിനിന്നാകാശം മധുരമായ് ആർദ്രമായ് പാടി....(2) പുഴ പാടി തീരത്തെ തൂവള്ളി കുടിലിലെ കുയിലുകൾ മൗനമായി പാടീ...🎵🎵 അന്ന് പാട്ടുപാടി കഴിഞ്ഞ് സ്റ്റേജിൽ നിന്നും ഇറങ്ങിയപ്പോ എന്റെ അനുമോദിക്കുന്നവരുടെ കൂട്ടത്തിൽ എന്റെ നന്ദേട്ടനും ഉണ്ടായിരുന്നു. അടുത്ത പേജിൽ നിന്നും നന്ദേട്ടന്റെ ഫോട്ടോ എടുത്ത് കുറച്ച് നേരം നെഞ്ചോട് ചേർത്തു വച്ചു നിന്നു. ആ നിമിഷം എന്റെ തൊട്ടടുത്ത് നന്ദേട്ടന്റെ സാമീപ്യം ഉള്ളതു പോലെ തോന്നി എനിക്ക്.) " എന്തിനാ നന്ദേട്ടാ എന്നിൽ നിന്നും അകന്നത്. എനിക്കത് താങ്ങാൻ കഴിയില്ല എന്നറിഞ്ഞിട്ടും. എന്നെങ്കിലും എന്നെ തിരക്കി വരുമെന്ന് കരുതി ഞാൻ.എന്നിട്ടും ഒന്നു കാണാൻ പോലും ശ്രമിച്ചില്ലല്ലോ നന്ദേട്ടാ...." * * * * * * * * * * *

ആകാശത്ത് തെളിഞ്ഞു നിൽക്കുന്ന പൂർണ്ണ ചന്ദ്രനിൽ പോലും പാറുവിന്റെ മുഖമാണെന്ന് തോന്നി നന്ദന്. അറിയാതെ തന്നെ അവന്റെ കണ്ണിൽ നിന്നും കണ്ണുനീർ താഴേക്ക് ഇറ്റുവീണു. "ഇനിയും നിന്നെ പിരിഞ്ഞിരിക്കാൻ എനിക്കാവില്ല പാറു ഞാൻ വരാ നിന്റെ അടുത്തേക്ക്." " മോനെ നന്ദാ... നീ ഇതുവരെ കിടന്നില്ലേ ?" " എന്റെ ഉറക്കം നഷ്ടപ്പെട്ടിട്ട് വർഷങ്ങൾ ഏറെയായില്ലേ അമ്മേ.." "എത്ര നാള്ന്ന് വച്ചാ ഇങ്ങിനെ. നിനക്കും വേണ്ടെ ഒരു കുടുംബം ." " വേണ്ട അമ്മേ... പറഞ്ഞ് കഷ്ടപ്പെടണമെന്നില്ല. എന്റെ മനസില് പാറു മാത്രേ ഉള്ളൂ അവളുമൊത്തുള്ള ജീവിതമേ ഇതുവരെ ആശിച്ചിട്ടുമുള്ളൂ." " എന്റെയും ആഗ്രഹം അത് തന്നെയാ മോനെ. പക്ഷെ അവളതിന് തയ്യാറാവുമെന്ന് തോന്നുന്നുണ്ടോ. അവളുടെ ഇഷ്ടം കണ്ടിട്ടും നീ കാണാത്തതായി നടിച്ചതല്ലേ." " എല്ലാം എന്റെ തെറ്റ് തന്നെയാ ഞാനത് തിരുത്താൻ തീരുമാനിച്ചു.നാളെ ഞാൻ ചെന്നൈയിലേക്ക് പോവാ പാറുവിനെ കാണാൻ. ഞാൻ മടങ്ങി വരുമ്പോ അവളും ഉണ്ടാകും എന്റെ കൂടെ." " അവളുടെ അഡ്രസ്സ് നിന്റെ കയ്യിലുണ്ടോ?"

" ഉം. അല്ലെങ്കിലും അവളെ കണ്ടുപിടിക്കാൻ ബുദ്ധിമുട്ടൊന്നും ഇല്ലല്ലോ. ചെന്നൈയിലെ അറിയപ്പെടുന്ന ഡോക്ടറല്ലേ." * * * * * * * * * * " ശ്രീ.. നീ ഇന്ന് ഫ്രീയാണോ?" (മായ) "എന്തേ ചോദിച്ചേ... എവിടെയെങ്കിലും പോകാനുണ്ടോ."( ശ്രീ) " ഉണ്ടെന്ന് കൂട്ടിക്കോ. നീ ഫ്രീയാണോ അതാദ്യം പറ" " ഇന്ന് പ്രത്യേകിച്ച് ഓപ്പറേഷൻ കേസുകളൊന്നുമില്ലാതോണ്ട് ഞാൻ ഫ്രീയാ." " ആ അപ്പൊ ഓക്കെ ഞാനൊരു 2 മണി കഴിയുമ്പോ വരാം. എനിക്കൊരു ഷോപ്പിംഗ് ഉണ്ട് നീ വന്ന് ഡ്രസ്സ് സെലക്ട് ചെയ്ത് തരണം." " പിന്നെ എന്തൊക്കെയാണ് പരിപാടി." " പിന്നെ ചെറിയൊരു വിശേഷം കൂടി പറയാനുണ്ട്." ( ഇവളെ കുറിച്ച് നിങ്ങൾക്ക് കൂടുതലൊന്നും പറഞ്ഞ് തന്നില്ലല്ലോ അല്ലേ.മായ ചെന്നൈയിലെ എന്റെ ഒരേ ഒരു കൂട്ടുകാരി. MBBSന് പഠിക്കുമ്പോൾ കിട്ടിയ കൂട്ടാ. അവളുടെ അച്ഛന്റെയും അമ്മയുടെയും നിർബദ്ധപ്രകാരം മാത്രം MBBS തിരഞ്ഞെടുത്തവൾ. പക്ഷെ ഇടയ്ക്കെപ്പോഴോ അവൾ പതറി. അവളുടെ അച്ഛൻ ഒരു ഹാർട്ട് പേഷ്യന്റ് ആണെന്നറിഞ്ഞപ്പോ. ജീവിതത്തെ നേരിടാനുള്ള ആ വാശിയിൽ അവൾ വിജയിച്ചു. കാർഡിയോളജി തിരഞ്ഞെടുത്ത് പഠിച്ചു ഡോക്ടറായി. അച്ഛന്റെ രോഗം അവൾ തന്നെ ഭേദമാക്കി. ഇനി അവൾക്ക് ഇന്നെന്ത് വിശേഷമാണാവോ പറയാനുള്ളത്.) _ _ _ _ _ _ _ _ _ _ _ _ _

"ഡീ മായേ... നേരം കുറെ ആയി നീയെന്നെ കളിപ്പിക്കാൻ തുടങ്ങീട്ട്. നീ എന്താ കാര്യംന്ന് പറ." " ഓക്കെ ഞാൻ പറയാം. ഈ സൺഡേ എന്റെ എങ്കേജ്മെന്റാ" " ആഹാ... കൺഗ്രാസ്സ് ഡീ.എന്നിട്ട് പെണ്ണ് കാണാൻ വന്ന കാര്യം പോലും നീ പറഞ്ഞില്ലല്ലോ.അല്ല ചെക്കനെന്താ പണി." " ഉറച്ചിട്ട് പറയാന്ന് കരുതി. പിന്നെ പുള്ളി എഞ്ചിനീയറാ ചെന്നൈയിൽ തന്നെയാ വർക്കെയ്യുന്നെ എന്റെ ആദ്യത്തെ ക്ഷണം നിനക്കാ നീ വരണം." "അതൊക്കെ വരാം. എനിക്ക് ആദ്യം നീ ചെലവ് താ" "അതിനല്ലേ മോളൂസെ നിന്നെ ഞാൻ ഇങ്ങോട്ട് വിളിച്ച് കൊണ്ട് വന്നത്. നിനക്കെന്താ വേണ്ടെന്ന് വയ്യാ മേടിച്ചോ" " എനിക്ക് ഒരു ഐസ്ക്രീം മാത്രം മതി." " അത് പറ്റില്ല വേറെന്തെങ്കിലും കൂടി വാങ്ങടി ഒരു ചിക്കൻ ബിരിയാണി പറഞ്ഞാലോ." " എന്നാ പിന്നെ ബിരിയാണി പറ ചിക്കൻ വേണ്ട വെജ് മതി." " ആഹാ ഞാൻ വന്നത് നല്ല ബെസ്റ്റ് ടൈമിലാ ഇന്ന് ചെലവ് ശ്രീടെ വക" ( ആദി) ( ആദികടന്നു വന്നു കൊണ്ട് പറഞ്ഞു.) " അയ്യടാ ആ പൂതി മടക്കി കൂട്ടി പോക്കറ്റിലേക്ക് ഇട്ടേക്ക്. ഇന്ന് ചെലവ് മോയേടെ വകയാ"

" ആഹാ എന്നാ പിന്നെ എനിക്കും കൂടി എന്തെങ്കിലും പറയടോ. അല്ല എന്താ വിശേഷം?" "ആദി അറിഞ്ഞില്ലേ മായേടെ എങ്കേജ്മെന്റാ ഈ വരുന്ന സൺഡേ."( ശ്രീ) " ആണോ കൺഗ്രാസ്റ്റ് മായ"( ആദി) " അല്ലടാ നിനക്ക് സ്റ്റേഷനില് പണിയൊന്നുമില്ലേ ഏത് നേരോം ഈ കറക്കമാണല്ലോ."( ശ്രീ) " ഒരു കേസിന്റ ഭാഗായിട്ട് തന്നെയാ ഈ കറങ്ങി നടത്തം."( ആദി) " അതേത് കേസ് ?"(മായ) " ശ്രീപാർവ്വതി എന്ന കേസ് ഒരുപാട് നാളായി സ്റ്റഡി ചെയ്യാൻ തുടങ്ങിയിട്ട് പക്ഷെ ഒന്നും അങ്ങോട്ട് മനസിലാവുന്നില്ല."( ആദി) " ഉം. അധികം ആക്കല്ലേ ആ വരവ് കണ്ടപ്പഴേ മനസിലായി സാറെ ബാക്കി കഥ അന്വേഷിച്ച് വന്നതാണെന്ന്."( ശ്രീ) " ഏത് കഥ"( മായ) " നിന്റെ ഈ ഫ്രണ്ടിന്റെ പ്രേമ കഥ ഒരു യമണ്ടൻ പ്രേമകഥ."( ആദി) "എടി ദുഷ്ടേ ഞാൻ ചോദിച്ചിട്ട് കൂടി പറഞ്ഞ് തരാത്ത കഥ നീ ഇവന് പറഞ്ഞു കൊടുത്തെന്നോ." (മായ) " ഒരു പ്രത്യേക സാഹചര്യത്തില് പറയേണ്ടി വന്നു. പറഞ്ഞ് തുടങ്ങിയതേ ഉള്ളൂ വേണെങ്കി നീയും കൂടിക്കോ..."( ശ്രീ) " എപ്പൊ കൂടീന്ന് ചോദിച്ചാ മതി നീ കഥ പറ" (മായ) " ഇവിടെ ഇരുന്നോണ്ടോ വേറെ എവിടെയെങ്കിലും ?" " എന്നാ നമുക്ക് ബീച്ചിക്ക് പോവാ. ഇപ്പൊ അത്ര വെയിലൊന്നുമില്ലല്ലോ..." ( പിന്നെ കഥ കേൾക്കാനുള്ള അമിതമായ ആക്രാന്തം കൊണ്ട് മായ വേഗം ബില്ല് Pay ചെയ്ത് പുറത്തേക്കിറങ്ങി.)..കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...