💙ജീവിതസഖി💙 ഭാഗം 5

രചന: സാന്ദ്ര വിജയൻ

" മായ നീ എന്നോട് പല പ്രാവശ്യം പറഞ്ഞിട്ടില്ലേ എന്റെ മൂക്കൂത്തിയെ കുറിച്ച്."( ശ്രീ) " പിന്നല്ലാതെ നിന്റെ മൂക്കുത്തി കണ്ടിട്ടല്ലേ ഞാൻ മൂക്ക് കുത്തിയതു പോലും. നിന്റെ ഭംഗി കൂടുന്നതു പോലും ആ മൂക്കുത്തിയാണെന്ന് തോന്നിയിട്ടുണ്ട് എനിക്ക്."(മായ) " ഈ മൂക്കുത്തി പോലും എനിക്ക് നന്ദേട്ടനോടുള്ള പ്രണയമാണ്❤️" " ഈ മൂക്കുത്തിയ്ക്കു പിന്നിലും കഥയുണ്ടോ വേഗം പറ."( ആദി) _ _ _ _ _ _ _ _ _ _ _ _ _ _ _ _ _ _ _ _ _ " നന്ദേട്ടോയ്.... നന്ദേട്ടാ...'' " ഓ വന്നോ... രാവിലെ തന്നെ കെട്ടിയെഴുന്നള്ളിക്കോളും നിനക്ക് വേറെ ഒരു പണീം ഇല്ലേടീ... ഒന്നുല്ലെങ്കി അമ്മായിനെ അടുക്കളേല് കയറി സഹായിച്ചൂടെ." " അതൊക്കെ ചെയ്തിട്ടു തന്നാ ഞാനിങ്ങോട്ട് വന്നേ.എന്താ മാഷെ നല്ല ചൂടിലാണെന്ന് തോന്നുന്നു." " ആണെങ്കി നിനക്ക് കുറയ്ക്കാൻ വല്ല ഭാവമുണ്ടോ..." " ഉണ്ടെങ്കിൽ...🤨" " ദേ പാറൂ എന്നെ ദേഷ്യം പിടിപ്പിക്കാതെ പോകുന്നുണ്ടോ നീയ്." " ഞാൻ പോവൂല നന്ദേട്ടാ.." " പാറൂ നിനക്കെന്താ വേണ്ടെ?" " അതെ... നന്ദേട്ടനെന്നെ കുറിച്ചുള്ള അഭിപ്രായം എന്താ?" " അത് പറഞ്ഞാ നീ പോവോ?"

" ആ പോവാം. നന്ദേട്ടൻ ചോദിച്ചതിന് ഉത്തരം പറ." " എന്താ ഞാൻ പറയണ്ടെ🤔 ഓ...നിന്നെ കുറിച്ചുള്ള അഭിപ്രായം അല്ലേ. എന്നാ കേട്ടോ 2 ഉണ്ട കണ്ണും ക്രോന്തൻപല്ലും പനങ്കുലപോലെ മുടിയുമുള്ള അസ്സല് വടയക്ഷി എന്താ മതിയോ..." " ഓ ഇയാക്ക് പിന്നെ ഐശ്വര്യറായിയെ ആയിരിക്കും ഇഷ്ടം😏" "അങ്ങിനെ ഞാൻ പറഞ്ഞില്ലല്ലോ." " പിന്നെ എങ്ങിനെയുള്ള പെണ്ണിനെയാണാവോ വേണ്ടത്." "അത്ര വലിയ സങ്കല്പങ്ങളൊന്നുമില്ല. നിറമുണ്ടെങ്കിലും ഇല്ലെങ്കിലും ഐശ്വര്യമുള്ള മുഖമായിരിക്കണം. മാൻ മിഴിയായിരിക്കണം, നിലാവുദിച്ചതു പോലുള്ള പുഞ്ചിരിയായിരിക്കണം" ( എന്നാ പിന്നെ ഇയാൾക്ക് ചന്ദ്രനെ പിടിച്ചങ്ങ് കെട്ടിയാ പോരെ- പാറൂന്റെ ആത്മ) " പിന്നെ മറ്റെന്തിനെക്കാളും അവളെ സുന്ദരിയാക്കുന്ന ഒരു കുഞ്ഞു കല്ല് വച്ച മൂക്കുത്തി." " നന്ദേട്ടന്റെ ആഗ്രഹമൊക്കെ കൊള്ളാം. പക്ഷെ നടക്കൂല മോനെ അങ്ങിനെ ഏതെങ്കിലും ഒരുത്തീനെ വളച്ചാ അവളെയും കൊല്ലും എന്നിട്ട് ഞാൻ ജയിലിൽ ചിക്കനും ചപ്പാത്തീം കഴിച്ച് സുഖിച്ച് വാഴും." _ _ _ _ _ _ _ _ _ _ _ _ _ _ _ _ _ _ _ "

ഐശ്വര്യമുള്ള മുഖം അത് ഓക്കെ. എന്നേക്കാളും ഐശ്വര്യമുള്ള പെണ്ണിനെ നന്ദേട്ടന് കിട്ടാനില്ല. പിന്നെ മാൻമിഴി കണ്ണ് രണ്ടും വാലിട്ട് നീട്ടിയെഴുതിയാ എന്റെ കണ്ണ് അതുക്കും മേലെ ആവും. പിന്നെ നിലാവുദിച്ചതു പോലെയുള്ള ചിരി. അതിനിപ്പൊ എന്താ ചെയ്യാ കടേന്ന് വാങ്ങാൻ കിട്ടുന്നതാണെങ്കി വാങ്ങായിരുന്നു. സാരമില്ല ഒരാഴ്ച 2 നേരം പല്ല് തേച്ച് നോക്കാം. ചിലപ്പോ നിലാവിനേക്കാൾ തെളിച്ചം വന്നാലോ. പിന്നെ മൂക്കുത്തി എങ്ങിനെയെങ്കിലും അച്ഛനെ സോപ്പിടേണ്ടിവരും. കമോൺ എവരിബഡി നമുക്ക് അച്ഛനെ സോപ്പിടാം. എന്താ ടൈമിങ് അച്ഛൻ ദാ " മൂക്കുത്തി മൂക്കുത്തി" പാട്ട് കണ്ടോണ്ടിരിക്കുന്നു. ഇപ്പോ പോയി പറഞ്ഞാ അടിക്കിട്ടോ.... പറഞ്ഞ് നോക്കാം. " അച്ഛെ.... അച്ഛെ..." " എന്താടാ അച്ഛന്റെ പാറുകുട്ടിക്ക് പറയാനുള്ളത്." " അതെങ്ങിനെ മനസിലായി ഞാനെന്തോ പറയാൻ വന്നതാണെന്ന്" " എന്റെ മോൾടെ ഓരോ ചലനവും എനിക്ക് കാണാ പാടാ മോള് പറ എന്താ കാര്യം" " ആദ്യം സാധിച്ച് തരോ ഇല്ലയോ എന്ന് പറ" " എന്നെ കൊണ്ട് പറ്റാവുന്നതാണെങ്കി അച്ഛൻ ചെയ്ത് തന്നിരിക്കും."

" ഓക്കെ അച്ഛാ അതില്ലെ എനിക്ക് മൂക്ക് കുത്തണം." " അത്രേയുള്ളൂ നീ ആ മൂക്കൊന്ന് കാണിച്ചെ" "അതെന്തിനാ അച്ഛാ..." "നീയല്ലേ പറഞ്ഞെ മൂക്കിനിട്ടൊരു കുത്ത് തരണംന്ന്" "അയ്യോ അച്ഛാ ഞാനതല്ല ഉദ്ദേശിച്ചെ മൂക്ക് കുത്തുന്ന കാര്യാ എനിക്ക് മൂക്കുത്തിയിടാനാ" " ഇതെപ്പൊ മുളച്ചു ഈ ആഗ്രഹം." " കൃത്യായി പറഞ്ഞാ ഇന്ന് രാവിലെ 10:30 ന് എന്താ...." " ഞാനായിട്ട് നിന്റെ ആഗ്രഹത്തിന് തടസ്സം നിക്കില്ല. നാളെ തന്നെ പോയി മൂക്ക് കുത്താം." " താങ്ക്യൂ അച്ഛാ ഉമ്മ😘" "ടാ പാറൂ.... ചെറിയൊരു മുറിവുണ്ടായാൽ പോലും അലറി പൊളിക്കുന്ന നീയെങ്ങിനെ മൂക്ക് കുത്തും." " അതൊക്കെ ഞാൻ അങ്ങ് സഹിക്കും." * * * * * * * * * * " ചെറിയൊരു മുറിവിന് പോലും അലറിപൊളിക്കുന്ന നീയെങ്ങിനെയാ ദിവസവും 6, 8 സർജറി നടത്തുന്ന സോക്ടറായെ?"( ആദി) " അതൊക്കെ സഹിക്കാൻ ജീവിതത്തിൽ നിന്നും പഠിച്ചതു കൊണ്ട്.

മനസ്സിനേൽക്കുന്ന മുറിവിനേക്കാൾ വലുതല്ലല്ലോ ശരീരത്തിനേൽക്കുന്ന മുറിവ്." " ഡാ കഥ പറയുന്നതിന്റെ ഇടേല് ഒന്നും ചോദിക്കല്ലേ"( മായ) " സോറി സോറി ഇനി ഞാൻ ചോദിക്കില്ല. പറ അങ്ങനെ മൂക്ക് കുത്തിയിട്ട് എന്താ ഉണ്ടായെ?"( ആദി) "അങ്ങനെ എന്റെ ആഗ്രഹം പോലെ തന്നെ നടന്നു. മൂക്കും കുത്തി ഒരു വെള്ളക്കൽ മൂക്കുത്തിയും ഇട്ടു. പിറ്റേന്ന് നന്ദേട്ടനെ കാണാൻ ഞാൻ പോയൊരു പോക്കുണ്ട്. അന്ന് നന്ദേട്ടന്റെ വായീന്ന് കേൾക്കാത്തതായി ഒന്നുമില്ല." " എന്താടീ പറ്റിയെ." * * * * * * * * * * " നന്ദേട്ടാ....." "എന്താടീ ഭദ്രകാളീ..." " ആ ബുക്കിന്ന് കണ്ണെടുത്ത് എന്നെയൊന്ന് നോക്ക് മാഷെ...." " ഒറ്റ ദിവസം കൊണ്ട് നിനക്കെന്താ വല്ല കൊമ്പും മുളച്ചോ?" " നോക്ക് നന്ദേട്ടാ എന്തെങ്കിലും മാറ്റമുണ്ടോന്ന്.എന്നിട്ട് പറ എന്ത് മാറ്റാ ഉള്ളെന്ന്." "ഉം. മനസിലായി നീ ഇന്ന് കുളിച്ചല്ലേ മുഖത്തൊരു തെളിച്ചമൊക്കെ വന്നിട്ടുണ്ട്." "ശ്ലോ അതല്ല നന്ദേട്ടാ ഞാൻ മൂക്ക് കുത്തി." "നിന്നോടാരാടി മൂക്ക് കുത്താൻ പറഞ്ഞെ😠" "ആരും പറഞ്ഞില്ല എന്താ നന്ദേട്ടന് ഇഷ്ടായില്ലേ." " ഇല്ല എനിക്കിഷ്ടായില്ല. മൂക്ക് തൊളച്ച് വന്നിരിക്കാ അവള് നിന്നെയൊക്കെ ചൂരലെടുത്തടിക്കാ വേണ്ടത്😠😠😠" "പിന്നെ മൂക്ക് കുത്തുന്നവരെയൊക്കെ ചൂരലെടുത്ത് അടിക്കാൻ നിന്നാ മാഷിനതിനേ നേരം കാണൂ."

" ഓഹോ അപ്പൊ ഞാൻ നിന്നെ അടിക്കില്ലെന്നാണോ നിന്റെ വിചാരം" (അതും പറഞ്ഞ് നന്ദേട്ടൻ ചൂരലെടുത്തതും ഞാൻ ഉള്ള ജീവനും കൊണ്ടോടി) ഇത്രയും വേദന സഹിച്ച് ഞാൻ മൂക്ക് കുത്തിയപ്പോ കാലൻ പറഞ്ഞത് കേട്ടില്ലേ. ഇതിനുള്ള പണി എന്നെങ്കിലും തന്നിരിക്കും ഞാൻ😔 പിന്നെ 2 മൂന്ന് ദിവസത്തേക്ക് ഞാൻ നന്ദേട്ടന്റെ മുന്നിലേക്ക് പോയിട്ടില്ല. വേറൊന്നും കൊണ്ടല്ല മൂക്കിന് നല്ല വേദനയായിരുന്നു. വേദനാന്ന് പറഞ്ഞ് അങ്ങോട്ട് ചെന്നാ എന്നെ ഉലക്കയെടുത്ത് അടിക്കും. ഇന്ന് ഞാൻ വീണ്ടും ഇറങ്ങി തിരിയ്ക്കുകയാണ് അങ്കതളത്തിലേക്ക്. "അമ്മായീ.... നന്ദേട്ടനുണ്ടോ ഇവിടെ ?" "ഇല്ല മോളെ അവൻ പുറത്ത് പോയിരിക്കാ." ( നന്നായി ഇല്ലാത്തത്. പിന്നെ ഒന്നും നോക്കിയില്ല നേരെ നന്ദേട്ടന്റെ റൂമിലേക്ക് വച്ചുപിടിച്ചു. നന്ദേട്ടന്റെ മനസിൽ ഞാനുണ്ടാേ എന്നറിയണം അതിനുള്ള ഏക മാർഗ്ഗം നന്ദേട്ടന്റെ ഡയറിയാണ്. മറ്റൊരാളുടെ ഡയറി അയാളുടെ അനുവാദമില്ലാതെ വായിക്കുന്നത് തെറ്റാണെന്നറിയാം പക്ഷെ എങ്ങിനെയെങ്കിലും അത് കണ്ടുപിടിച്ച് വായിച്ചില്ലെങ്കി എനിക്ക് സമാധാനം കിട്ടില്ല.

ആ റൂം മൊത്തം അരിച്ചു പെറുക്കിയിട്ടും ഞാൻ തിരഞ്ഞ സാധനം മാത്രം കിട്ടീല. അപ്പോഴാണ് എന്റെ കണ്ണിലൊരു ബുക്കുടക്കിയത്. അതിൽ കുറച്ച് പാട്ടുകളായിരുന്നു എന്റെ മനസിൽ പതിഞ്ഞത് അതിൽ ഒരു പാട്ട് മാത്രമായിരുന്നു. " അണിവാക പൂത്തൊരെൻ വഴിയോരം അവിടാദ്യമായാരെൻ തണലോരം നീ പങ്കുവെച്ചു നിൻ തീരാ വസന്തം" നല്ല അസ്സല് വരികൾ ഇതിന്റെ ഈണം എങ്ങിനാണാവോ.. നന്ദേട്ടനോട് തന്നെ ചോദിക്കാം. ബുക്കവിടെ തന്നെ വച്ച് തിരിഞ്ഞതും ഞാൻ കണ്ടത് കൈ രണ്ടും മാറിൽ കെട്ടി ദേഷ്യത്തോടെ എന്നെ തുറിച്ച് നോക്കുന്ന നന്ദേട്ടനെയാണ്. ഒരു പ്ലിങ്ങിയ ചിരി ചിരിച്ച് സൈഡിലൂടെ പോവാൻ നിന്ന എന്നെ നന്ദേട്ടൻ അവിടെ പിടിച്ചു വച്ചു.

"നിന്നോടാരാ ടീ എന്റെ റൂമിൽ കയറാൻ പറഞ്ഞെ." "അതിപ്പൊ ആരെങ്കിലും പറഞ്ഞിട്ട് വേണോ നന്ദേട്ടന്റെ റൂം എന്ന് പറയുന്നത് എന്റെ കൂടെ റൂമല്ലേ..." "അല്ല. എന്റെ അനുവാദമില്ലാതെ വേറെ ആരും ഇവിടെ കേറുന്നത് എനിക്കിഷ്ടമല്ല." " ഓ ശരി ഇനി ചോദിക്കാതെ കയറില്ല. പിന്നെ ഞാൻ 2 വരി പറയാം. അതിന്റെ ഈണത്തിൽ ഒന്ന് പാടിതരോ..." " അണിവാകപൂത്തൊരെൻ വഴിയോരം അവിടാദ്യമായൊരെൻ തണലോരം നീ പങ്കുവെച്ചു നിൻ തീരാവസന്തം" "അങ്ങനെ നീയിപ്പൊ ഇതിന്റെ ഈണം അറിയണ്ട ഞാൻ പറയില്ല മോളെ" "ജാഡ തെണ്ടി. എനിക്കും ഒരു ദിവസം വരും." "ശരിയാ ഏതൊരു പട്ടിക്കും ഒരു ദിവസം വരും." "പട്ടി നന്ദേട്ടന്റെ മറ്റവള്." " ഹോ ആയിക്കോട്ടെ ഞാനതങ്ങ് സഹിച്ചു." "നീ ഒരിക്കലും നന്നാവൂലടാ കാലമാടാ..." .കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...