💙ജീവിതസഖി💙 ഭാഗം 6

രചന: സാന്ദ്ര വിജയൻ

ചെന്നൈയിലേക്കുള്ള ട്രെയിൽ യാത്രയിൽ നന്ദന്റെ മനസിൽ മൊത്തം തന്റെ പാറുവിനെ പറ്റിയുള്ള ഓർമ്മകളായിരുന്നു. ഒരിക്കലും അവളോട് ഇഷ്ടമാണെന്ന് പറഞ്ഞിട്ടില്ല.എന്നിട്ടും എന്റെ നിഴലുപോലെ കൂടെ ഉണ്ടായിരുന്നു അവൾ. എന്റെ ഇഷ്ടം മനസിൽ തന്നെ ഒളിപ്പിച്ചു വച്ചു. അതിന് പല കാരണങ്ങളുണ്ട്. ഇനിയൊരിക്കലും ഞാൻ കാരണം അവൾ വേദനിക്കരുത്. മയക്കത്തിലേക്ക് വീഴുമ്പോൾ ഓർമ്മകൾ പലതും പിന്നിലേക്ക് സഞ്ചരിച്ചു. "പാറൂ അങ്ങിനെ നിന്റെ റിസൽട്ട് വന്നു. എന്തായാലും ഞാൻ വിചാരില്ല പോലെയായില്ല നീ പാസായല്ലോ." "ആഹാ അപ്പൊ ഞാൻ തോക്കൂന്നാണോ നന്ദേട്ടൻ കരുതിയെ?" "പിന്നല്ലാതെ ഏതു നേരോം നന്ദേട്ടാ നന്ദേട്ടാന്ന് വിളിച്ച് നടക്കുന്നതിനിടയിൽ നിനക്കെവിടെന്നാ പഠിക്കാൻ നേരം." "അതൊക്കെ ഞാൻ പഠിക്കുന്നുണ്ടായിരുന്നു" "അല്ല ഇനിയെന്താ മോൾടെ ഉദ്ദേശം" "ഉം... ഇനി നന്ദേട്ടനേയും കെട്ടി സുഖ ജീവിതം നയിക്കണം." " ഒറ്റ ചവിട്ടങ്ങ് തന്നാലുണ്ടല്ലോ..." "ധൈര്യായിട്ട് ചവിട്ടിക്കോ നന്ദേട്ടാ ഞാൻ കൊണ്ടോളാം."

"നീ എത്രയായാലും നന്നാവൂലാടി." "അങ്ങനെ ശപിക്കൊന്നും വേണ്ട മാഷെ ഞാൻ നന്നായിക്കോളാം. പിന്നെ ഇനിയെന്താ ഉദ്ദേശംന്ന് ചോദിച്ചില്ലേ എനിക്ക് ഡിഗ്രി ചെയ്യണം. അതും നന്ദേട്ടന്റെ കോളേജിൽ തന്നെ." "അത് നടന്നത് തന്നെ. ആ മോഹം നടക്കില്ല മോളെ അതോണ്ട് വേഗം അത് മടക്കി കൂട്ടി കളഞ്ഞേക്ക്." " എന്നാലെ ഞാനാ മോഹം കളയാൻ തീരുമാനിച്ചിട്ടില്ല. ഞാൻ നന്ദേട്ടൻ പഠിക്കുന്ന കോളേജിൽ തന്നെ പഠിക്കും." " നടക്കില്ലാന്ന് പറഞ്ഞാ നടക്കില്ല" " കാണാം..." _ _ _ _ _ _ _ _ _ _ _ _ _ _ _ _ _ _ _ _ " അച്ഛാ എനിക്ക് നന്ദേട്ടൻ പഠിക്കുന്ന കോളേജിൽ പഠിച്ചാമതി. അവിടെയാകുമ്പോ എന്നെ ശ്രദ്ധിക്കാൻ നന്ദേട്ടനും ഉണ്ടാവൂലോ" ( പാറു) " അത് ശരിയാ എന്താ മോനെ നിന്റെ അഭിപ്രായം" (അച്ഛൻ) " അത് ശരിയാവില്ലമ്മാവാ എനിക്ക് എപ്പോഴും ഇവളെ ശ്രദ്ധിക്കാൻ പറ്റിയെന്ന് വരില്ല.മാത്രവുമല്ല അതിനേക്കാളൊക്കെ എത്രയോ നല്ല കോളേജുകളുണ്ടിവിടെ. അവിടെയാണെങ്കി ഇടയ്ക്കിടെ അടിപിടിയൊക്കെ ഉണ്ടാവാറുണ്ട്."(നന്ദൻ) "അങ്ങിനെയാണെങ്കി വേറെ എവിടെയെങ്കിലും ചേർക്കാം.

അടിപിടിയൊക്കെ ഉണ്ടാകുന്നിടത്ത് വേണ്ട വേറെ കോളേജിൽ പഠിച്ചാ മതി നീ."( അമ്മ) " ആയിക്കോട്ടെ എല്ലാവർക്കും അവരവരുടെ ഇഷ്ടങ്ങൾ. എന്റെ ഇഷ്ടം നോക്കാൻ ആരുമില്ലല്ലോ. "(പാറു) അവൾ മുഖം കയറ്റി വച്ച് പോകുമ്പോൾ സത്യത്തിൽ എല്ലാവർക്കും ചിരിയാണ് വന്നത്. അങ്ങനെ ദിവസങ്ങൾ കടന്നു പോയി. ഇതിനിടയിൽ പാറു നിരഹാര സമരം വരെ നടത്തിയെങ്കിലും വിശന്നാൽ സഹിച്ചിരിക്കില്ല എന്നുള്ളതു കൊണ്ട് ഞങ്ങളാരും അത് മൈന്റ് ചെയ്തില്ല. അങ്ങനെ ആ ദിവസം വന്നെത്തി. പാറു കോളേജിലേക്ക് പ്രവേശനം നടത്തുന്ന ആദ്യ ദിനം. 2,3 ദിവസായിട്ട് എന്റെ അടുത്തേക്കൊന്നും വരാറില്ലാത്തതോണ്ട് ഞാൻ നേരെ എന്റെ കോളേജിലേക്ക് പോയി. * * * * * * * * ** എന്റെ ആഗ്രഹം പോലെ തന്നെ ഞാനും സൂര്യയും രൂപശ്രീയും ഒരുമിച്ച് തന്നെയാണ് കോളേജിലേക്ക് പോയത്. പക്ഷെ എന്റെ ഒരാഗ്രഹം മാത്രം നടന്നില്ല. നന്ദേട്ടന്റെ കോളേജിൽ പഠിക്കണമെന്ന ആഗ്രഹം. നന്ദേട്ടൻ പറഞ്ഞ കഥകളിലൂടെ മാത്രമേ ആ കോളേജ് ഞാൻ കണ്ടിട്ടുള്ളൂ. കോളേജിന്റെ പേര് പോലും അറിയില്ല.

ഒരുപാട് സമരമുറകൾ നടത്തിയിട്ടൊന്നും ആർക്കും വല്ല്യ അനക്കമൊന്നുമുണ്ടായിരുന്നില്ല. ഒടുവിൽ ഞാനായിട്ട് തുടങ്ങിയ സമരമുറകൾ ഞാൻ തന്നെ അവസാനിപ്പിച്ചു. "ഡീ പാറു കൊള്ളാലോടീ ഈ കോളേജ് . നമുക്ക് വിലസാൽ വിധിച്ചത് ഇവിടം തന്നെയാ."( സൂര്യ) " അത് ശരിയാ ഇവിടാകുമ്പോ നമ്മളെന്ത് കാണിച്ചാലും ആരും അറിയില്ല. ഇവളുടെ നന്ദേട്ടന്റെ കോളേജിലെങ്ങാനും ആയിരുന്നെങ്കി പെട്ടേനെ."( രൂപശ്രീ) "ഡീ....😠"(പാറു) "നീ ദേഷ്യപ്പെട്ടൊന്നും വേണ്ട അവള് സത്യല്ലേ പറഞ്ഞത്. നീ വാ നമുക്ക് ഡിപ്പാർട്ട്മെന്റ് എവിടാണെന്ന് നോക്കാം."(സൂര്യ) " ഇവിടത്തെ അലങ്കാരമൊക്കെ കണ്ടിട്ട് പ്രോഗ്രാം ഉണ്ടെന്നാ തോന്നുന്നെ."( പാറു) അപ്പോഴേക്കും ഹാളിൽ നിന്നും പാട്ട് കേൾക്കാൻ തുടങ്ങിയിരുന്നു. 🎵🎵🎵🎵🎵🎵🎵🎵🎵 അണിവാക പൂത്തൊരെൻ വഴിയോരം അവിടാദ്യമായൊരെൻ തണലോരം നീ പങ്കുവെച്ചു നിൻ തീരാവസന്തം....

( നന്ദേട്ടന്റെ പുസ്തകത്തിൽ കണ്ട അതേ വരികൾ ഈണത്തിൽ കേട്ടപ്പോൾ ഞാൻ നേരെ ഹാളിലേക്കോടി. സ്റ്റേജിൽ നിന്നും പാടുന്ന ആളെ കണ്ടതും എന്റെ മുഖത്തൊരു പുഞ്ചിരി വിരിഞ്ഞു. എന്നെ കണ്ടതും നന്ദേട്ടൻ പാട്ട് ബാക്കി കൂടി പാടാൻ തുടങ്ങി.) 🎵🎵🎵🎵🎵🎵🎵🎵🎵🎵🎵 ചെവിയോർത്തു നിന്നിട്ടും ശലഭങ്ങൾ അവ കേട്ടു നിന്നു നിൻ മുകുളങ്ങൾ വിരിയുന്ന നേരത്ത് പാട്ടിൽ വസന്തം... അണിവാക പൂത്തൊരെൻ വഴിയോരം അവിടാദ്യമായൊരെൻ തണലോരം നീ പങ്കുവെച്ചു നിൻ തീരാവസന്തം.... നിൻ മാറിൽ പൂവായ് വിരിഞ്ഞും.... പൂവായ് കൊഴിഞ്ഞും.... (2) പൂവായ് മറഞ്ഞും.... നിനക്കായ് ഞാൻ തീർത്ത വസന്തങ്ങളെല്ലാം..... നിനക്കായ് ഞാൻ തീർത്ത വസന്തങ്ങളെല്ലാം.... പൂവേ.... പൂവേ... പൂവേ.... പൂവേ.... പൂവേ.... പൂവേ.... 🎵🎵🎵🎵🎵🎵🎵🎵🎵🎵🎵 "ഡീ പാറു ഇങ്ങേരെന്താടീ ഇവിടെ?" ( രൂപശ്രീ) "അതെന്നോടാണോ ചോദിക്കുന്നത് നേരിട്ടങ്ങോട്ട് ചോദിച്ചോ."(പാറു) ( കണ്ടതും കയ്യിലെ ഗിറ്റാർ തിരികെ ആരുടെയോ കയ്യിലേൽപ്പിച്ച് നന്ദേട്ടൻ ഞങ്ങളുടെ അടുത്തേക്ക് വന്നു.)

" നന്ദേട്ടനെന്താ എവിടെ?"( സൂര്യ) " അതോ ഞാൻ ഇവിടെയാ പഠിക്കുന്നെ. ബാക്കിയൊക്കെ നിന്റെ ഫ്രണ്ട് പറഞ്ഞു തരും എനിക്ക് ഇവളോട് സംസാരിക്കാനുണ്ട് എന്നിട്ട് ഞാൻ ക്ലാസിൽ കൊണ്ടാക്കാം. പാറൂ നീ വന്നേ..."( നന്ദൻ) "എന്റെ കയ്യീന്ന് വിട് നന്ദേട്ടാ...."(പാറു) "എന്താടീ ഇത്ര ദേഷ്യം" "നേരത്തെ പറഞ്ഞാലെന്തായിരുന്നു നന്ദേട്ടൻ ഇവിടെയാ പഠിക്കുന്നതെന്ന്😔" "നിനക്കൊരു സർപ്രെയ്സ് ആയിക്കോട്ടേന്ന് കരുതി. പിന്നെ നിന്റെ വിലസലൊന്നും നടക്കില്ല മോളെ നിന്റെ മേല് ഒരു കണ്ണ് വേണന്ന് അമ്മാവൻ എന്നോട് പ്രത്യേകം പറഞ്ഞിട്ടുണ്ട്." " ശ്ലോ ഈ നന്ദേട്ടന്റെ ഒരു കാര്യം എന്റെ മേല് കണ്ണ് വെയ്ക്കാൻ അച്ഛൻ പറഞ്ഞിട്ടൊക്കെ വേണോ...." " ഒറ്റ വീക്ക് വെച്ച് തന്നാലുണ്ടല്ലോ... ഇതാ നിന്നോട് ഞാനൊന്നും പറയാൻ വരാത്തത് വാ തുറന്ന ഇങ്ങിനെത്തെ യൊക്കെയേ വരൂ... വേഗം ക്ലാസീ പോടീ." "ആഹാ ഇത് നല്ല കൂത്ത് എന്നെ ക്ലാസിൽ കൊണ്ടാക്കാന്ന് പറഞ്ഞോണ്ടല്ലേ വിളിച്ചോണ്ട് വന്നത് എന്നിട്ട് പൊക്കോളാനല്ലേ🤨. എനിക്ക് ക്ലാസ്സേതാണെന്ന് അറിയില്ല മനുഷ്യാ ഒന്ന് കൊണ്ട് വിട്."

"ഉം വാ ഇനി അതിന്റെ പേരില് മുഖം കയറ്റണ്ട." "സഖാവേ ഇതാരാ ന്യൂ അഡ്മിഷനാണോ."( പ്രദീപ്) "ആടാ എന്റെ അമ്മാവന്റെ മോളാ ഇവിടെ 1st year സുവോളജി സ്റ്റുഡന്റാ ഞാനിവളെ ക്ലാസിലാക്കീട്ട് വരാം. നീ യൂണിയൻ ഓഫീസിലേക്ക് ചെല്ല്." " വെറുതെ മനുഷ്യനെ കൊതിപ്പിക്കാനായിട്ട് ഇറങ്ങിയേക്കുവാണല്ലേ." "നീയെന്താ ഉദ്ദേശിച്ചെ?" " ഞാൻ വിചാരിച്ചത് ആ ചേട്ടൻ ചോദിച്ചപ്പോ എന്നെ ചേർത്തു നിർത്തി എന്റെ പെണ്ണാന്ന് പറയൂന്നാ." "അങ്ങനെ എന്റെ മോളിപ്പോ വിചാരക്കണ്ട. പിന്നെ നല്ലവരാണെന്ന് തോന്നുന്നവരോട് മാത്രം കൂട്ട് കൂടിയാ മതി. വേറൊരു കാര്യം കൂടി വല്ല ഏടാകൂടത്തിലും പോയി ചാടീട്ട് എന്നെ ബുദ്ധിമുട്ടിക്കരുത്." " ഇല്ല നന്ദേട്ടാ ഞാനൊരു ബുദ്ധിമുട്ടും ഉണ്ടാക്കില്ല." " എന്നാ പൊക്കോ അതാ നിന്റെ ക്ലാസ്." "ബായ് നന്ദേട്ടാ....പിന്നെ കാണാം."  .കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...